Category: اہم خبریں

اٹلی :اٹلی میں ہولناک دن: کورونا وائرس نے ایک دن میں 800 کے قریب زندگیاں نگل لیں، میتیں اٹھانے والے بھی نہیں مل رہے ،اطلاعات کےمطابق چین کے شہر ووہان سے پھیلنے والے کورونا وائرس نے یورپ میں پنجے گاڑ لیے ہیں اور اٹلی میں مہلک وائرس نے ہزاروں افراد کی جان لے لی ہے۔

غیر ملکی خبر رساں ادارے کے مطابق یورپی ملک اٹلی میں گزشتہ 24 گھنٹوں کے دوران مزید 793 افراد کورونا وائرس سے انتقال کر گئے جس کے بعد ہلاکتوں کی مجموعی تعداد 4825 ہوگئی۔یورپی ملک اٹلی میں 24 گھنٹوں کے دوران ہونے والی ہلاکتیں ایک دن میں دنیا کے کسی بھی ملک میں کورونا وائرس سے اموات کی سب سے بڑی تعداد ہے۔

رپورٹس کے مطابق اٹلی میں ہونے والی حالیہ ہلاکتوں میں سے 60 فیصد سے زائد شمالی ریجن کے علاقے لامبارڈے میں ہوئی ہیں۔گزشتہ 24 گھنٹوں کے دوران مزید 6557 افراد میں وائرس کی تشخیص ہوئی ہے جس کے بعد متاثرہ افراد کی مجموعی تعداد 53578 ہوگئی۔اٹلی میں 42681 افراد ابھی زیر علاج ہیں جبکہ 6 ہزار سے زائد افراد صحتیاب ہوچکے ہیں۔

ادھر ذرائع کےمطابق اٹلی کے ساتھ ساتھ اب اسپین میں کرونا وائرس نے تباہی پھیلانی شروع کردی ہے، یورپی ملک اسپین میں بھی کورونا وائرس سے گزشتہ 24 گھنٹوں کے دوران 285 لقمہ اجل ہوچکے ہیں جس کے بعد ہلاکتوں کی تعداد 1378 ہوگئی ہے۔یورپی ملک میں آج مزید 3803 افراد میں مہلک وائرس کی تصدیق ہوئی ہے جس کے بعد مجموعی تعداد 25 ہزار سے تجاوز کرگئی ہے۔

خیال رہے کہ دنیا بھر میں کورونا وائرس کے مریضوں کی تعداد 297642 تک جاپہنچی ہے اور ہلاکتوں کی تعداد بھی 12 ہزار 831 ہوگئی ہے۔

باغی ٹی وی کی رپورٹ کے مطابق پنجاب، خیبر پختونخواہ، بلوچستان، اسلام آباد میں لاک ڈاون کا حکم نامہ جاری جبکہ سندھ کا صبح ہو جائے گا،شہریوں کو گھروں سے نہ نکلنے کی اپیل کی گئی ہے،

اسلام آباد انتظامیہ نے مارکیٹیں رات 10 بجے بند کرنے کا حکم نامہ جاری کر دیا ،تمام مارکیٹیں، شاپنگ مالزاورریسٹورنٹ رات 10بجے بند کرنے کا حکم دے دیا گیا،بیوٹی پارلرز اور سیلون بھی رات 10 بجے بند کردیئے جائیں،پراپرٹی دفاتر اور ہاوَسنگ سوسائٹیوں کے پبلک ڈیلنگ کے دفاتر بھی بند کرنے کا حکم دے دیا گیا،

حکمنامہ کے مطابق میڈیکل اسٹورز ، ڈسپنسریاں اور کریانہ اسٹورز کھلے رہیں گے،بیکریاں، آٹا چکی، تندور، دودھ اور گوشت کی دکانوں پر حکم نامہ لاگو نہیں ہوگا،گاڑیوں کی ورک شاپس، پٹرول پمپس پر بھی حکم نامہ لاگو نہیں ہوگا ،وزارت داخلہ کی ہدایت پر ڈپٹی کمشنر اسلام آباد نے نوٹی فکیشن جاری کر دیا

دوسری جانب خیبرپختونخوا میں کورونا وائرس کی روک تھام کیلئے جزوی لاک ڈاوَن سخت کرنے کا فیصلہ کیا گیا ہے،تین دن کیلئے صوبہ بھر میں تمام مارکیٹیں ،شاپنگ مال اور ریسٹورنٹس بند کرنے فیصلہ کیا گیا ہے،فیصلے کا اطلاق کل صبح 9 بجے سے منگل کی صبح 9 بجے تک ہوگا،حکم نامہ کریانہ اسٹورز،بیکری،تندور،دودھ کی دکانوں پر لاگو نہیں ہوگا،

قبل ازیں پنجاب حکومت نے صوبے بھر میں لاک ڈاؤن کے حوالہ سے نوٹفکیشن جاری کر دیا جس میں شہریوں سے اپیل کی گئی کہ وہ گھروں سے نہ نکلیں،

وزیراعلیٰ پنجاب سردار عثمان بزدار نے کورونا وائرس کے خلاف اقدامات کو موثر بنانے کیلئے آج رات 9 بجے سے منگل صبح 9 بجے تک شاپنگ مالز، مارکیٹیں، پارکس اور عوامی اجتماعات کے مقامات بند کرنے کا اعلان کیا ہے۔ وزیراعلیٰ آفس میں کورونا کے خاتمے کیلئے قائم کیبنٹ کمیٹی کے اجلاس میں فیصلہ کیا گیا کہ مارکیٹیں، پارکس اور عوامی اجتماعات کے مقامات آج رات 9 بجے سے منگل کی صبح 9 بجے تک بند رکھے جائیں گے تاہم دودھ، دہی، کریانہ وغیرہ کی دکانیں، مٹن، چکن شاپس، پٹرول پمپس، فارمیسی، بیکریاں، نان شاپس، تنور، فروٹ اور سبزی منڈیاں اور شاپس کھلی رہیں گی۔ ہوٹلز اور ریسٹورنٹس سے ٹیک اوے سروس جاری رہے گی۔پنجاب بھر میں ٹرانسپورٹ بند نہیں کی جائے گی، تاہم عوام غیر ضروری طور پر سفر سے گریز کریں۔

وزیراعلیٰ عثمان بزدار نے متعلقہ محکموں کو ہدایات جاری کرتے ہوئے کہا کہ کسی دکاندار کو ناجائز تنگ یا پریشان نہ کیا جائے۔ وزیراعلیٰ عثمان بزدار نے عوام سے اپیل کرتے ہوئے کہا کہ لاک ڈاؤن نہیں، سماجی فاصلے پیدا کرنے کا اہتمام کر رہے ہیں۔ویک اینڈ گزارنے کیلئے گھروں میں رہا جائے، بلاضرورت باہر نہ نکلیں۔کورونا سے مستقل بچاؤ کیلئے سماجی فاصلہ ضروری ہے، اس کیلئے سٹینڈرڈ ایس او پیز بنائے جا رہے ہیں۔رہائش گاہ پر قرنطینہ کیلئے وفاقی حکومت کی مشاورت سے ایس او پیز طے کر رہے ہیں۔عثمان بزدار نے بتایا کہ تعلیمی ادارے بند کرنے پر پارکس، تفریحی مقامات اور مارکیٹوں وغیرہ میں رش بڑھنے سے فیصلہ کرنا پڑا۔ سماجی فاصلے برقرار رکھنے کیلئے صرف عوامی اجتماع کے ممکنہ مقامات بند رکھے جائیں گے۔

انہوں نے ہدایت کی کہ محکمہ صنعت صوبہ میں اشیائے ضروریہ کی فراہمی یقینی بنانے کا اہتمام کرے۔ وزیراعلیٰ عثمان بزدار نے کہا کہ کورونا ایمرجنسی آرڈیننس منگل کو کابینہ کے اجلاس میں منظوری کیلئے پیش کیا جائے گا۔چیف سیکرٹری منگل کو پراونشل کانٹی جینسی پلان کابینہ کے سامنے پیش کریں گے جبکہ وزیر خزانہ سوشل پروٹیکشن کا کانٹی جینسی پلان بھی پیش کریں گے۔

وزیراعلیٰ نے کہا کہ صاحب حیثیت مریضوں کیلئے بڑے نجی ہسپتالوں میں آئسولیشن/قرطینہ کی سہولت فراہم کی جائے گی۔وزیر قانون راجہ بشارت اور سیکرٹری ہیلتھ ڈاکٹرز کے ساتھ ویڈیولنک میٹنگ کریں گے تاکہ ان کے تحفظات کا ازالہ کیا جاسکے۔ انہوں نے بتایا کہ الحمداللہ! پنجاب میں صورتحال کنٹرول میں ہے، کڑی مانیٹرنگ کی جا رہی ہے۔پنجاب بھر میں کورونا کے 137 مریض ہیں۔ڈیرہ غازی خان قرنطینہ میں 106، لاہور 20، گوجرانوالہ 4، گجرات 3، جہلم 2، راولپنڈی اور ملتان میں ایک ایک مریض ہے۔ اجلاس میں وزیراعلیٰ کو بریفنگ میں بتایا گیا کہ صوبہ بھر میں کورونا مریضوں کا علاج کرنے والے ڈاکٹروں اور سٹاف کیلئے 24 ہزار سے زائد گاؤن موجود ہیں۔صوبہ بھر میں 7 لاکھ 60 ہزار گلوز، 9 لاکھ 44ہزار، سرجیکل ماسک، 9 لاکھ 20 ہزار این 95 ماسک میسر ہیں۔طبی عملے کیلئے 5 ہزار گاگلز، 44 ہزار شو کور اور 40 ہزار سینی ٹائزر کا سٹاک موجود ہے۔

بعدازاں وزیراعلیٰ نے ویڈیو لنک میڈیا بریفنگ میں سوالات کے جواب میں بتایا کہ کورونا کے علاج میں معاونت کیلئے چین کے ڈاکٹرز بھی آئیں گے۔ٹیسٹ کی فیس کم کرنے کیلئے نجی اداروں سے گفت و شنید جاری ہے۔لاہور میں ایک ہزار بیڈز کا کیمپ ہسپتال قائم کیا جائے گا۔صوبہ بھر میں پانچ ہسپتال کلی طور پر کورونا مریضوں کیلئے مختص کئے جا چکے ہیں۔صوبائی وزراء یاسمین راشد، ہاشم جواں بخت، میاں اسلم اقبال، چیف سیکرٹری نے شرکت کی جبکہ وزیر توانائی اختر ملک کمشنر آفس ملتان سے، صوبائی سیکرٹریز سیکرٹریٹ کمیٹی روم سے اور آئی جی پنجاب، چیئرمین پی آئی ٹی بی اوردیگر حکام نے ویڈیولنک کے ذریعے شرکت اجلاس میں شرکت کی.

سندھ حکومت نے بھی لاک ڈاؤن کا فیصلہ کر لیا، صوبہ سندھ میں اتوار کی رات سے لاک ڈاﺅن کیا جائے گا۔ وزیر اعلیٰ سندھ مراد علی شاہ خود لاک ڈاﺅن کا باضابطہ اعلان کریں گے۔ ذرائع کا کہنا ہے کہ لاک ڈاﺅن کے تحت تمام نجی و سرکاری اور کاروباری سرگرمیاں بند رہیں گی، سندھ میں 5 روز کے لئے کرفیو لگایا جائے گا، تمام دفاتر بند رہیں گے، ، صرف کریانہ اور میڈیکل سٹور کھلے رہیں گے اس کے علاوہ ہر چیز بند کردی جائے گی۔ وزیر اعلیٰ سندھ لاک ڈاﺅن کی مدت اور مزید پابندیوں سے متعلق خود آگاہ کریں گے۔ لاک ڈاؤن کے دوران شہریوں کے گھروں سے باہر نکلنے پر پابندی ہوگی، لاک ڈاؤن کا اطلاق اتوار کی شب 12 بجے سے کیا جاسکتا ہے، اس سلسلے میں وزیر اعلیٰ سندھ نے قانون نافذ کرنے والے اداروں کے حکام کو اعتماد میں لے لیا ہے.

دوسری طرف کرونا وائرس کی صورتحال کے پیش نظر گورنر ہاؤس سندھ کو 2 ہفتوں کے لیے بند کرنے کا اعلان کر دیا گیا، گورنر ہاؤس کے عملے کو بھی چھٹی پر بھیج دیا گیا، صرف انتہائی ضروری افسران وعملہ گورنر ہاوس میں ڈیوٹی دے گا۔ گورنر سندھ عمران اسماعیل کا کہنا ہے کہ اتوار تک لاک ڈاؤن سے متعلق فیصلہ کرلیا جائے گا۔ سندھ حکومت کے اقدامات کو سنجیدہ نہیں لیا گیا، ایک گھر سے ایک آدمی کو نکلنے کی اجازت دی جائےگی

بلوچستان حکومت نے صوبے بھر میں 21 دن تک جزوی لاک ڈاؤن کا فیصلہ کیاہے۔ محکمہ داخلہ نے نوٹیفکیشن جاری کر دیا۔ نوٹیفکیشن کے مطابق کوئٹہ میں تمام بڑے شاپنگ مال، مارکیٹس 3 ہفتوں کے لئے بند رہیں گی، اس کے علاوہ تمام ریسٹورنٹس 3 ہفتوں تک صرف گھروں کیلئے کھانے پینے کی اشیاء فراہم کرسکیں گے۔ نوٹیفکشن کے مطابق بین الصوبائی اور انٹر سٹی پبلک ٹرانسپورٹ بھی 3 ہفتوں کے لئے بند رہے گی، شہریوں سے اپیل کی گئی ہے کہ کرونا وائرس سے بچاؤ کیلئے زیادہ سے زیادہ احتیاط برتیں اور کوشیش کریں کہ اپنے گھروں میں رہی

قبل ازیں پاکستان میں بڑھتے ہوئے کرونا وائرس کیسز کی تعدا دکے بعد صدر مسلم لیگ ن شہباز شریف اور پاکستان پیپلز پارٹی کے چیئر مین بلاول بھٹو زرداری نے حکومت سے مطالبہ کیا ہے کہ ملک کو فوری طور پر لاک ڈاؤن کر دیا جائے۔ بلاول بھٹو زرداری نے لاک ڈاؤن کو کرونا وائرس پر قابو پانے کا واحد حل قراردیتے ہوئے کہا کہ پاکستان کو مکمل لاک ڈاؤن کی جانب ہر صورت جانا ہوگا۔ ہردن اورگھنٹے کی تاخیر وبائی آفت سے مقابلے کو مشکل بنارہی ہے.

شہباز شریف نے بھی حکومت سے مطالبہ کرتے ہوئے کہا ہے کہ کرونا وائرس سے بڑھتے خطرات پر ملک کو لاک ڈاؤن کیاجائے۔ حکومت فی الفور لاک ڈاؤن کی تیاریاں کرے، خوراک کی فراہمی سمیت دیگرانتظامات کوحتمی شکل دی جائے۔ عوام کی زندگیاں مزید خطرے میں نہیں ڈالی جاسکتیں، تاخیر کی صورت میں خوفناک انسانی المیہ ناقابل قبول ہوگا۔

تبلیغی جماعت کے ساتھ آنے والے غیر ملکی میں کرونا کی تشخیص، اسلام آباد میں مسجد سیل

باغی ٹی وی کی رپورٹ کے مطابق اسلام آباد میں بھی کورونا وائرس کا ایک اور مریض سامنے آگیا ہے جس کے بعد اسلام آباد میں کرونا کے مریضوں کی تعداد 11 ہو گئی ہے.

ڈپٹی کمشنر اسلام آباد حمزہ شفقات نے اسلام آباد میں کرونا وائرس کے نئے کیس کی تصدیق کی ہے،ڈپٹی کمشنر کے مطابق کرغستان کے عبدالمومن نامی شخص میں کورونا وائرس کی تصدیق ہوئی،مریض کے ساتھ جماعت میں موجود افراد کو قرنطینہ منتقل کردیا گیا ،تبلیغی جماعت کی جانب سے دورہ کی جانے والی مسجد سیل کردی گئی،تبلیغی جماعت سے ملنے والے افراد کی فہرست بھی تیار کرلی گئی ہے،

ڈپٹی کمشنر کے مطابق متاثرہ مریض کے ساتھ موجود افراد کو قرنطینہ منتقل کردیاگیا،اسلام آباد میں تمام سستے باذار اور مویشی منڈیاں اگلے3دن بندرہیں گے

کرونا وائرس، چین سے طالب علم پاکستان پہنچا تو اسکے ساتھ کیا ہوا؟

گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران

بھارت میں کرونا کے 44 مریض، مندر میں بتوں کو بھی ماسک پہنا دیئے گئے

کرونا وائرس،کھانسی ہونے پر ہوٹل میں داخلے پر پابندی،قیدیوں کے لئے بھی ایڈوائیزری جاری

24 گھنٹوں کے دوران ملک میں نئے 260 کیس کرونا وائرس کے رپورٹ ہوئے ہیں ،جس کے بعد ملک میں کرونا وائرس کے مریضوں کی تعداد 729 ہو گئی، سندھ میں 396، بلوچستان 103، کے پی میں 27،گلگت میں 55، آزاد کشمیر میں ایک مریض ہے،پنجاب میں کرونا سے متاثرہ مریضوں کی تعداد 137 ہے

کرونا وائرس، مولانا بھی میدان میں آگئے، اینٹی کرونا سیل قائم،کریں گے گلاب کے پھول تقسیم

اسلام آباد :پاکستان کرونا الرٹ : ملک میں کورونا وائرس کے مزید234 کیسز آگئے، مجموعی تعداد 729 ہوگئی،اطلاعات کےمطابق سندھ میں144، پنجاب میں 41، گلگت بلتستان میں 34،بلوچستان میں 10، خیبر پختونخوا میں 4 اور اسلام آباد میں ایک نیا کیس سامنے آیا، ایک مریض صحتیاب بھی ہوا،پاکستان میں کورونا سے 3 ہلاکتیں ہوچکی ہیں جن میں سے 2 خیبر پختونخوا اور ایک کراچی میں ہوئی ہے۔

پاکستان میں کورونا وائرس سے متاثرہ افراد کی تعداد میں مسلسل اضافہ ہو رہا ہے اور مزید نئے کیسز سامنے آنے کے بعد متاثرین کی مجموعی تعداد 729 ہوگئی ہے جبکہ اب تک ملک میں کورونا وائرس سے 3 افراد ہلاک جبکہ پانچ صحت یاب ہوچکے ہیں۔حکام کے مطابق جمعۃ المبارک کو رات 12 بجے تک پاکستان میں کورونا وائرس سے متاثرہ افراد کی تعداد 495 تھی جو مزید 234کیسز سامنے آنے کے بعد 729 تک پہنچ گئی ہے۔

ہفتے کو 234 نئے کیسز میں سے سندھ میں 144، پنجاب میں 41 ،گلگت بلتستان میں 34، بلوچستان میں 10، خیبر پختونخوا میں 4 اور اسلام آباد میں ایک نیا کیس سامنے آیا ہے۔ ہفتے کو اسلام آباد میں زیر علاج ایک مریض صحتیاب بھی ہوا جس کے بعد اس وائرس سے صحتیاب ہونے والوں کی مجموعی تعداد 5 ہوگئی ہے۔ اس سے قبل کراچی میں 2، حیدرآباد میں ایک اور اسلام آباد میں ایک مریض صحتیاب ہوچکے ہیں۔

کرونا مریضوں کی تعداد کے تناسب کے لحاظ سے سندھ میں آج مزید 144 افراد میں کورونا وائرس کی تصدیق ہوئی جس کے بعد صوبے میں متاثرہ افراد کی مجموعی تعداد 396 تک پہنچ گٗئی ہے۔

ترجمان نے بتایا کہ سندھ بھر میں کورونا وائرس کے مجموعی کیسز کی تعداد 396 ہوگئی ہے جن میں سے تین مریض صحت یاب ہوئے ہیں، ان میں سے 2 کا تعلق کراچی اور ایک کا حیدرآباد سے ہے۔ترجمان کے مطابق اس وقت 392 افراد کا علاج جاری ہے جن میں سے 3 افراد صحتیاب ہوچکے ہیں

پنجاب میں کورونا وائرس کے کنفرم کیسز کی تعداد بڑھ رہی ہے اور پنجاب حکومت کے مطابق 24 گھنٹے میں مزید 41 کیسز سامنے آنےکےبعد مریضوں کی مجموعی تعداد 137 ہوگئی ہے۔ صوبائی حکومت کے مطابق پنجاب کے اندر کورونا وائرس کے تصدیق شدہ 137 کیسز میں سے 106 ڈی جی خان قرنطینہ مرکز، لاہور میں 20 گجرانوالہ میں 4 راولپنڈی میں 1ملتان میں 1 اور جہلم میں 2 کیسز ہیں جب کہ مزید 3 کیسز کی تفصیلات فراہم نہیں کی گئیں۔

بلوچستان میں ہفتے کے روز کورونا کے مزید 10 کیسز سامنے آنے کے بعد صوبے میں اب تک 103 افراد میں کورونا وائرس کی تصدیق ہوگئی ہے۔چیف سیکرٹری کا کہنا تھا کہ کورونا وائرس کے پھیلاؤ کوروکنے کے لیے میل جول پرپابندی ہے، یہ وائرس میل جول سے پھیلتا ہے لہٰذا عوام سے اپیل ہے کہ وہ گھروں میں محدود رہیں۔

خیبرپختونخوا میں ہفتے کو کورونا وائرس کے مزید 4 کیسز رپورٹ ہوئے جس کے بعد صوبے میں مجموعی تعداد 27 ہوگئی ہے۔مشیر اطلاعات اجمل وزیر نے پریس کانفرنس میں بتایا کہ ملائیشیا سے آنے والے 41 سالہ شخص میں کورونا وائرس کی تصدیق ہوئی ہے، متاثرہ شخص کو پولیس سروسز اسپتال قرنطینہ میں رکھا گیا تھا۔

اجمل وزیر کا کہنا تھا کہ وزیراعلیٰ سیکرٹریٹ میں کنٹرول روم قائم کردیا گیا ہے جس کی نگرانی وزیراعلیٰ محمود خان خود نگرانی کر رہے ہیں۔انہوں نےکہا کہ صوبے میں شادی ہالز، اتوار بازار اور مویشی منڈیاں بند رہیں گی جب کہ 5 اپریل تک تمام ریسٹورنٹس پر بیٹھ کرکھانا نہیں کھا سکتے وہاں سے لے جاسکتے ہیں۔

جبکہ گلگت بلتستان میں بھی کورونا وائرس کے کیسز کی تعداد میں اضافہ ہوا ہے اور مزید 34 کیس سامنے آنے کے بعد کل تعداد 55 ہوگئی ہے۔ اسلام آباد میں وائرس سے متاثرہ افراد کی تعداد 10 ہے۔آزاد کشمیر میں کورونا وائرس کا اب تک ایک ہی کیس رپورٹ ہوا ہے۔

اسلام آباد:پاک چین دوستی زندہ باد : چین نے 200 ماہر ڈاکٹرز پاکستان بھیج دیئے ، کرونا کوختم کرنے کا مشن لے کراسلام آباد پہنچ گئے ،باغی ٹی وی کےمطابق چس طرح مشکل وقت میں پاکستان نے چین کا ساتھ دے کردوستی کا حق ادا کیا ایسے ہی چین نے اپنی وفا اورمحبت کا بھرپوراظہارکرکے دنیا کوبتا دیا ہےکہ پاک چین دوستی زندہ باد ہے اور رہے گی

باغی ٹی وی کے مطابق چین کی حکومت نے اپنے ملک میں‌کرونا سے کامیاب مزاحمت کے بعد اورچین سے کرونا کےخاتمے کے ساتھ اپنے 200 ماہر ڈاکٹروں کو اسلام آباد بھیج دیا ہے ،

باغی ٹی وی کےمطابق یہ ڈاکٹرز اسلام آباد پہنچ چکے ہیں اورآتے ہیں انہوں پاکستان میں کرونا کے خلاف بڑی منصوبہ بندی سے مزاحمت کرنےاوراس کو بھگانےکےلیے کام شروع کردیا ہے، یہ بھی معلوم ہوا ہےکہ نہ صرف یہ ڈاکٹرز پہنچے ہیں بلکہ چین نے اس سلسلے میں استعمال ہونے والا میڈیکل لیب کا سامان بھی ساتھ بھیج دیا ہے

لاہور:کرونا وائرس کا خوف یا کرونا کے نام پرسیاست، ن لیگ نے آج رات شہباز شریف کے پاکستان پہنچنے کا اعلان کردیا،اطلاعات کےمطابق ن لیگ کی ترجمان مریم اورنگزیب نے کہا ہےکہ سابق وزیراعلیٰ پنجاب اور قومی اسمبلی میں موجودہ قائد حزب اختلاف شہباز شریف کی آج رات وطن واپسی کا امکان ہے۔

قومی اسمبلی میں قائد حزب اختلاف شہباز شریف آج رات وطن واپس پہنچ رہے ہیں، مریم اورنگزیب

— PMLN (@pmln_org) March 21, 2020

پاکستان مسلم لیگ (ن) کی ترجمان مریم اورنگزیب کا کہنا ہے کہ شہباز شریف آج رات پاکستان واپس پہنچ رہے ہیں۔مریم اورنگزیب نےایک نجی ٹی وی سے گفتفو کرتے ہوئے بتایا کہ کورونا وائرس کی صورتحال میں پاکستانی عوام مشکل میں ہیں اسے دیکھتے ہوئے شہباز شریف نے پاکستان واپسی کا فیصلہ کیاہے۔

مریم اورنگزیب نے بتایا کہ نواز شریف کا آپریشن اگلے ہفتے ہونا ہے۔خیال رہے کہ شہباز شریف اپنے بڑے بھائی نواز شریف کے علاج کے لیے ان کے ہمراہ 19 نومبر کو لاہور سے لندن روانہ ہوئے تھے۔

x

لاہور:کرونا تیزی سے پھیل رہا ہے ،آرمی چیف پاکستان میں ایمرجنسی نافذ کردیں ،اسی میں بہتری ہے ،مبشرلقمان نے جنرل باجوہ سے اہم درخواست کردی ،باغی ٹی وی کےمطابق پاکستان کے معروف صحافی ، سینئیرتجزیہ نگارمبشرلقمان نے ملک میں کرونا وائرس کے کیسز میں بڑی تیزی سے ہونے والے اضافے کے بعد پاک فوج کے سربراہ سے ایمرجنسی نافذ کرنے کی درخواست کردی

معروف صحافی مبشرلقمان نے مبشرلقمان یوٹیوب چینل پرپاکستان میں کرونا وائرس کے بڑھتے ہوئے کیسز پرتشویش کا اظہارکرتے ہوئے کہا کہ دنیا کرونا کے سامنے بےبس ہوگئی ہے ، ترقی یافتہ ممالک کچھ نہیں کرپارہے اورکرونا بڑی تیزی سے تباہی پھیلا رہا ہے،

مبشرلقمان نے کہا کہ کل وزیراعظم سے ملک کے کچھ ذمہ داران صحافیوں کی ملاقات ہوئی تھی جہاں کرونا کے حوالے سے حکومتی اقدامات کے بارے میں آگاہ کیا گیا ، وزیراعظم نے اس موقع پربتایا کہ وہ منگل کے روز معاشی پیکچ کا اعلان کریں گے تاکہ وہ لوگ جو ان حالات میں مالی طورپرپریشان ہیں ان کوکچھ نہ کچھ روزگارمل سکے

مبشرلقمان نے کہا کہ یہ سب ٹھیک ہے لیکن اس وقت صورت حال بگڑرہی ہے،ان حالات میں جب بڑی بڑی معاشی طورپرمستحکم حکومتیں بے بس ہوگئی‌ہیں، اوروہاں مجبورا فوج کے سپرد ملک کو کردیا ہمیں بھی آنے والے دنوں میں خطرات کے پیش نظر آرمی چیف جنرل قمر جاوید باجوہ کو ملک میں ایمرجنسی نافذ کردینی چاہیے تاکہ ایک کنٹرولذ سسٹم کے تحت کرونا وائرس کے خلاف مزاحمت کی جائے

مبشرلقمان نے کہا کہ ہمارے ہاں‌ابھی تک بعض لوگ یہ کہہ رہے ہیں کہ یہ وائرس گرمی میں ختم ہوجائے گیا ، انہوں نے کہا کہ اتنی جہالت کہ ہم گرمی کا انتظارکرتے کرتے اتنا زیادہ نقصان کربیٹھیں گے

مبشرلقمان نے اس ایمرجنسی کی وجہ نفاذ بیان کرتے ہوئے کہا کہ چین جیسے ملک میں حکومت نے ایسے افراد کو زبردستی محصورکرکے اس وائرس کے حملوں سے نجات مل گئی ،ہمیں بھی پاک فوج کو بھی اس ملک میں لوگوں کے من پسند آزادیوں کو کرونا کی موجودگی میں روکنا ہوگا

مبشرلقمان نے کرونا وائرس کے حملوں کے دوران ایسے پاکستانیوں کی منفی سوچ پربہت دکھ کا اظہار کرتے ہوئے کہا کہ میڈیکل شعبہ سے وابستہ افراد نے ماسک اورسینیٹیرنزمارکیٹ سے غائب کردیا ، اس کی منہ مانگی قیمت مانگ رہے ہیں

انہوں نے مزید کہا کہ بعض ایسے پرائیویٹ سکولز کے بارے میں انکشاف ہوا ہےکہ بچوں سے چار چار ماہ کی ایڈوانس فیسیں لے لی ہیں، بعض او لیول اوراے لیول اورایسے ہی نام نہاد ادارے ٹیوشن فیس ہتھیا رہے ہیں یہ ایک بہت بڑا جرم ہے،

ممشرلقمان نے جنرل باجوہ سے درخواست کی کہ وہ ایمرجنسی نافذ کریں اوران لوگوں کو خیال بھی رکھیں جن کو ادویات نہیں مل رہیں ، ایسے بھی ہیں جن کوکھانا نہیں مل رہا وقت پر، ایسے بھی ہیں جوقرنطینہ سینٹرز میں رک نہں رہے اور بھاگ بھاگ کرباہرآرہے ہیں

مبسر لقمان نے مزید کہا کہ صرف عوام ہی نہیں بعض سرکاری حکام بھی کرونا سے بچنے کی کوشش نہیں کررہا ، انہوں نے گورنرہاوس میں چیف جسٹس لاہور ہائی کورٹ کے حلف کی تقریب ہوئی جہاں بہت زیادہ لوگوں کا جم گھٹا تھا

مشبرلقمان نے کہا کہ یہ نازک موقع ہے غریب لوگوں کی مدد کرنے چاہیے ، ان کی کھانےپینے کا اتنظام کرنا چاہیے ، مبشرلقمان نے کہا کہ یہ مشکل وقت ہے ملک وقوم کے لیے وزیراعظم کو بھی حالات کا تدارک کرنا چاہیے ، اورآرمی چیف جنرل قمر جاوید باجوہ کو حکومت کی مدد کے لیے میدان میں آنا چاہیے

وزیراعلیٰ پنجاب عثمان بزدار نے شہریوں سے اپیل کرتے ہوئے کہا کہ شہری اگلے دو دنوں تک گھروں میں رہیں

پنجاب میں تمام مارکیٹیں اور شاپنگ مالز 2دن کے لے بند کرنے کا اعلان کر دیا گیا. میڈیکل سٹور اور کریانہ سٹور کھلے رہیں گے تا ہم باقی سب کچھ بند ہو گا، سیاحتی مقامات بھی بند ہوں گے،آج شام 9 بجے سے منگل کی صبح نو بجے تک سب شاپنگ مالز بند ہوں گے

وزیراعلیٰ پنجاب عثمان بزدار کا کہنا تھا کہ ذمہ داری کا مظاہرہ کرتے ہوئے شہری آئندہ دو روز تک اپنے گھروں میں رہیں، کرونا پر سب نے فوکس کیا ہوا ہے،سماجی میل جول میں فاصلہ ہی وبا سے بچاوَ کا بہترین طریقہ ہے،پبلک ٹرانسپورٹ کو بند نہیں کیا جارہا،عوام حکومت سے تعاون کریں اسی میں ان کی بھلائی ہے

وزیراعلیٰ پنجاب عثمان بزدار کا کہنا تھا کہ قرنطینہ کیلئے 880 بیڈوں پر مشتمل 8 ہوٹلوں کی نشاندہی کرکے تیار کر لیا گیاہے،گجرات، فیصل آباد، ٹیکسلا اور تمام ضلعی ہیڈ کوارٹرز میں قرنطینہ کیلئےمراکز تیار ہیں،قرنطینہ میں موجود متاثرین اور ان کے خاندانوں کو فوڈ پیکیج فراہم کیا جائے گا،

واضح رہے کہ پنجاب میں کرونا وائرس کے 104 مریض سامنے آ چکے ہیں.

وزیراعلیٰ پنجاب عثمان بزدار کی ہدایت پر چیف منسٹر فنڈ برائے کورونا کنٹرول قائم کر دیا گیا ہے،مخیر حضرات اکاؤنٹ نمبر 6010204028500013 بینک آف دی پنجاب سول سیکرٹریٹ میں عطیات جمع کروا سکتے ہیں۔

پاکستان میں کرونا کے کل مریض کتنے؟ ظفر مرزا نے کہا کہ 3 دن کے لئے از خود کر لیں لاک ڈاؤن
باغی ٹی وی کی رپورٹ کے مطابق وزیراعظم کے معاون خصوصی برائے صحت ظفر مرزا نے کہا ہے کہ قومی طور پر کیا کام ہو رہا ہے سب سامنے آ رہا ہے،وفاق ،صوبوں میں مکمل ہم آہنگی ہونی چاہئے، تمام وزراء اعلیٰ نے اس بات پر زور دیا کہ ملکر کام کرنے کی ضرورت ہے، ایک اور اہم بات کہ فرنٹ پر ہیلتھ ورکر کام کر رہے ہیں ان کی حفاظت سب سے بڑی ترجیح ہے، انکی حفاظت، ٹریننگ کے لئے اقداما ت کررہے ہیں.

ظفر مرزا کا کہنا تھا کہ اسوقت پوری دنیا میں 186 ممالک میں کرونا پھیل چکا ہے اور اسکے مزید بڑھنے کے امکانات ہیں، 2 لاکھ 77 ہزار سے زیادہ کیسز ہیں لیکن خوش آئند بات یہ ہے کہ 92 ہزار لوگ مکمل طور پر صحتیاب ہو چکے ہیں،ہم بار بار بتا رہے ہیں کہ اس سے مکمل طور پر لوگ صحت یاب ہو جاتے ہیں،

پاکستان مین اسوقت 4046 کرونا کے مشتبہ مریض ہیں، اب تک کرونا وائرس کے 534 کنفرم مریض ہیں، پنجاب میں 105، سندھ میں 259، کے پی میں 27، بلوچستان میں 103، گلگت میں 30 ، اسلام آباد میں 10، کشمیر میں ایک کیس ہے.

پاکستان میں کرونا کے 3 مریضوں کی ہلاکتیں ہو چکی ہیں جن میں سے ایک کراچی اور دو پشاور مین ہوئی ہیں، پچھلے چوبیس گھنٹوں میں ہمارے داخلی پوائنٹ پر 1991 نئے آنے والے لوگوں کی سکریننگ کر چکے ہیں، 1.4 ملین لوگوں کی پاکستان میں سکریننگ ہو چکی جو باہر سے آئے، 6304 لوگ ایران سے آئے ان کا تعلق بلوچستان سے 3421 لوگ ، کے پی سے 177 ،پنجاب سے 2102 ، سندھ سے 1059، کشمیر سے 14، گلگت سے 523 لوگ واپس آئے، ہم ان تمام لوگوں کو قرنطائن کریں گے، آج کے دن 3378 لوگ ہیں جو مختلف صوبوں میں قرنطائن ہیں. پاکستان میں اسوقت 14 لیبارٹریز کرونا کے ٹیسٹ کر رہی ہیں، یہ چاروں صوبوں میں اور گلگت بلتستان میں ہیں. آنے والے دنوں میں لیبارٹریز میں مزید اضافہ کرین گے

ظفر مرزا نے کہا کہ احتیاط کریں، لوگوں سے ملتے ہوئے کم از کم دو دو فٹ کا فاصلہ رکھیں، اس بیماری کا وائرس کا جو پھیلاؤ ہے ااس سے احتیاط ضروری ہے. ہم پھر اس کو روکنے میں کامیاب ہو سکتے ہیں. ہفتہ اتوار چھٹیاں ہیں ،شہریوں کو گھرون میں رہنا چاہئے، باہر نہ نکلیں، 3 دن کے لئے گھروں میں رہنے کی پریکٹس کر لیں.

کرونا وائس، پی آئی نے بین الاقوامی پروازیں منسوخ کر دیں، کب سے کب تک؟

باغی ٹی وی کی رپورٹ کے مطابق کرونا وائرس سے بچاؤ کے لئے احتیاطی تدابیر کے طور پر پی آئی اے نے تمام بین الاقوامی پروازیں منسوخ کر دیں

پی آئی اے ترجمان کے مطابق پی آئی اے کی بین الااقوامی پروازیں آج شام 8 بجے سے نہیں جائیں گی، پابندی کا اطلاق 28 مارچ تک رہے گا۔ سول ایوی ایشن کے احکامات کے مطابق پی آئی اے نے فضائی آپریشن معطل کر دیاہے

مسافروں کی جان قیمتی ہے اس لئے فضائی پابندی لگائی گئی ہے، عوام کی صحت کو مد نظر رکھتے ہوئے پروازیں منسوخ کی گئی ہیں،پی آئی اے ترجمان کا کہنا ہے کہ مزید معلومات کے لئے پی آئی اے آفس رابطہ کریں، مسافروں کو پیش آنے والی تکلیف سے معذرت خواہ ہیں.مگر پرہیز علاج سے بہتر ہے

دوسری جانب وفاقی وزیر بازی غلام سرور خان نے ہدایت کی ہے کہ تمام ایئرلائنز پاکستان کے لئے مزید پروازیں روانہ نہ کریں،جو پروازیں مسافروں کو لے کرروانہ ہو چکی ہیں انہیں وطن پہنچنے دیا جائے تمام ٹرانزٹ مسافروں کو پاکستان پہنچانے کے بعد اہم فیصلہ کریں گے،