Category: اہم خبریں

وزیراعظم عمران خان آج امریکی صدر اور برطانیہ کے وزیراعظم سے ملاقات کریں گے

باغی ٹی وی کی رپورٹ کے مطابق وزیراعظم عمران خان امریکہ میں ہیں ان کی آج امریکی صدر ڈونلڈ ٹرمپ سے ملاقات طے ہے، عمران خان ملاقات میں کشمیرپر بات کریں گے

وزیراعظم عمران خان آج برطانوی ہم منصب بورسن جانسن سے بھی ملیں گے، وزیراعظم سے چین کے وزیر خارجہ کی ملاقات بھی آج شیڈول میں طے ہے.وزیراعظم عمران خان اورسوئٹزرلینڈ کےصدرکی ملاقات ہوگی ،وزیراعظم عمران خان کی ترک صدرطیب اردوان سےملاقات آج ہوگی وزیراعظم عمران خان سےعالمی بینک کےصدراور اطالوی ہم منصب کی ملاقات ہوگی

وزیراعظم عمران خان آج کونسل آف فارن ریلیشنز میں بھی خطاب کریں گے،

امریکی میڈیا وزیراعظم کی صلاحیتوں کا معترف،مودی کا اڑایا مذاق

 

وزیراعظم عمران خان سے امریکی نمائندہ خصوصی زلمے خلیل زاد کی ملاقات ہوئی ہے،

باغی ٹی وی کی رپورٹ کے مطابق ملاقات میں افغان امن عمل پرتبادلہ خیال کیا گیا، اس موقع پر گفتگو کرتے ہوئے وزیراعظم عمران خان نے کہاکہ پاکستان افغان امن عمل کوکامیاب بنانےکیلئےہرممکن کوشش کررہاہے، پاکستان نے افغان طالبان سمیت تمام فریقین کو ایک میز پر اکٹھا کیا، امید ہے فریقین کے درمیان مذاکرات جلد بحال ہوجائیں گے،

وزیراعظم عمران خان نے طالبان سےآخری لمحےمیں بات چیت یکطرفہ ختم کرنےپراظہارافسوس کیا، دونوں رہنماؤں کی طرف سے افغان امن عمل کے لیے گفتگو کے دوبارہ آغاز کی ضرورت پر اتفاق کیا گیا،

پاکستان کے وزیر خارجہ شاہ محمود قریشی نے کہا ہے کہ وزیراعظم کشمیر کے سفیر کے طور پر اقوام متحدہ میں مقدمہ پیش کریں گے

باغی ٹی وی کی رپورٹ کے مطابق نیو یارک میں میڈیا سے گفتگو کرتے ہوئے وزیر خارجہ شاہ محمود قریشی نے کہا کہ ایمنسٹی انٹرنیشنل کے سیکریٹری جنرل سے وزیراعظم کی ملاقات ہوئی ،ایمنسٹی انٹرنیشنل کے سیکریٹری جنرل کو مقبوضہ وادی کی صورت حال سے آگاہ کیا گیا ،ایمنسٹی انٹرنیشنل کے انڈیا چیپٹر نے رپورٹ میں بھارتی حکومت کی زیادتیوں کا ذکرکیا ہے،ایمنسٹی انڈیا چیپٹر کو سرگرمیاں جاری رکھنے کیلیے بھارتی عدالت سے رجوع کرنا پڑتا ہے،امریکی نمائندہ خصوصی زلمے خلیل زاد سے بھی وزیراعظم کی ملاقات ہوئی ،وزیراعظم عمران خان کی سینیٹر لنزے گراہم سے بھی ملاقات ہوئی،لنزے گراہم نے مقبوضہ کشمیر کی صورت حال پر صدر ٹرمپ کو آگاہ کیا تھا،زلمے خلیل زاد نے طالبان سے ملاقات سے متعلق وزیراعظم عمران خان کو آگاہ کیا،آئی سی آر سی کے ادارے کو مقبوضہ کشمیر میں کام نہیں کرنے دیا جارہا،

وزیر خارجہ شاہ محمود قریشی کا مزید کہنا تھا کہ پاکستان دنیا میں کشمیر کا مقدمہ پیش کر رہا ہے، وزیراعظم کشمیر کے سفیر کے طور ہر اقوام متحدہ میں مقدمہ پیش کریں گے، آنے والوں دنوں میں کس طرح کام کرنا ہے، کچھ دنوں یا ہفتوں کی لڑائی نہیں لمبی لڑائی ہے، پاکستانیوں اور کشمیریوں کو ملکر جستجو کرنی ہو گی، بھارت کے اندر وہ طبقات جو سمجھتے ہیں کہ مودی کا اقدام مناسب نہیں، 14 درخواستیں بھارتی عدالت میں ہیں، 5 اگست کا اقدام اقوام متحدہ کی قراردادوں کی خلاف ورزی ہے،

شاہ محمود قریشی کا مزید کہنا تھا کہ ہیوسٹن میں ایک اجتماع یا جلسہ ہو رہا ہے، یقینا جن لوگوں نے دعوت دی وہ موجود ہیں یہ تو ہونا ہی تھا ،منفرد چیز یہ ہے کہ ہزاروں پاکستانی، کشمیری دیگر ملکوں کے مسلمان و سکھ شہری وہاں پر امن احتجاج کر رہے ہیں اور مودی کے اقدامات کی مذمت کر رہے ہیں.بھارت یہ تاثر دے رہا ہے کہ حالات معمول کی طرف جا رہے ہیں ہم دنیا کو بتائیں گے کہ حالات معمول پر نہیں بلکہ مزید بگڑ سکتے ہیں، وہاں کی جو صورتحال ہے اسے ہمیں آگاہی ہے، کشمیریوں کی مشکلات کا ذکر ہم سب کے سامنے کر رہے ہیں.

وزیر خارجہ شاہ محمود قریشی نے مزید کہا کہ افغانستان کا آج بھی ملٹری سیلوشن نہیں ہے، ہماری خواہش ہے کہ درخواست کریں کہ دوبارہ مذاکرات شروع ہوں ، اگر مذاکرات شروع نہ ہوئے تو مشکلات میں اضافہ ہو گا، تشدد میں اضافہ ہو سکتا ہے اس کے امکانات موجود ہیں، امن کے لئے افغانوں کو بیٹھنا ہو گا، طالبان اور افغان حکومت کو ملکر کردار ادا کرنا ہو گا،

امریکہ کے شہر ہیوسٹن میں بھارتی وزیراعظم نریندرمودی کے خلاف زبردست احتجاجی ریلی نکالی گئی ہے،

باغی ٹی وی کی رپورٹ کے مطابق احتجاجی مظاہرے کا اہتمام این آر جی اسٹیڈیم کے باہر کیاگیا جہاں مودی کو خطاب کرنا ہے، مودی کی انسان دشمن کاروائیوں کیخلاف احتجاج میں کشمیری، سکھ، بھارتی مسلمان اور خواتین بھی شامل تھیں، مظاہرین کی ٹی شرٹس اورکیپس پر بھارتی مظالم کے خلاف نعرے لکھے گئے تھے، بینرز پر بھارتی دہشتگردی کا چہرہ مودی کے نعرے لکھے گئے تھے، مظاہرین نے ہاتھوں‌ میں کتبے اٹھا رکھے تھے جن پر مقبوضہ کشمیر کو آزاد کرو،بھارتی قبضہ ختم کرو کی تحریریں لکھی گئی تھیں،

احتجاجی مظاہرین کی طرف سے لہرائے گئے بینرز پر بینرز پر نازی مودی کےبھی نعرے درج تھے، مظاہرین نے آزاد کشمیر کے پرچم بھی اٹھا رکھے تھے،

سربراہ جےیوآئی مولانا فضل الرحمان اور سابق وزیر اعلیٰ پنجاب شہبازشریف کی اہم ملاقات ہوئی ہے،

باغی ٹی وی کی رپورٹ کے مطابق ملاقات میں ملکی سیاسی صورتحال اورحکومت کےخلاف آزادی مارچ پرگفتگو کی گئی، دو گھنٹے تک جاری رہنے والی اس ملاقات میں مولانا فضل الرحمان نے شہبازشریف کوآزادی مارچ کی تیاریوں سےآگاہ کیا، شہبازشریف اورفضل الرحمان کےدرمیان آزادی مارچ کےطریقہ کاراورممکنہ نتائج پرمشاورت کی گئی، لیگی رہنماایازصادق، راناتنویر، احسن اقبال اور مریم اورنگزیب بھی ملاقات میں شریک ہوئیں، اسی طرح مولاناشاہ احمدنورانی کےبیٹےاویس نورانی بھی ملاقات میں شریک ہوئے،

میڈیا رپورٹس میں بتایا گیا ہے کہ مسلم لیگ ن کے صدر شہباز شریف جمعیت علماءاسلام کے سربراہ مولانا فضل الرحمان کو اسلام آباد لاک ڈاﺅن کے حوالے سے کسی بھی قسم کی یقین دہانی نہ کراسکے، نجی ٹی وی اے آر وائی نیوز کے مطابق دونوں رہنماؤں کے مابین ملاقات میں اسلام آباد لاک ڈاﺅن کے حوالے سے مشاورت کی گئی لیکن شہباز شریف کوئی بھی یقین دہانی کرانے سے گریز کرتے نظر آئے، نجی ٹی وی نے ذرائع کے حوالے سے دعویٰ کیا ہے کہ شہباز شریف نے مولانا فضل الرحمان سے کہا کہ ابھی آپ کے دھرنے میں شرکت کیلئے ہاں نہیں کرسکتا، دھرنے میں شرکت کے حوالے سے میاں صاحب سے پوچھ کر فیصلہ ہوگا،

دریں اثناء مولانا فضل الرحمن نے کہا ہے کہ آزادی مارچ ہر صورت ہوگا، آزادی مارچ بیرونی طاقتوں کے اثر و رسوخ، مہنگائی، ناانصافیوں اور ظلم کےخلاف ہوگا، ان کا کہنا تھا کہ اس حکومت نے کشمیر کو بیچ ڈالا جو کہ ناقابل قبول ہے، قبل ازیں مولانا فضل الرحمن نے جامع مدنیہ میں ورکرز کنونشن سے خطاب کرتے ہوئے کہاکہ جے یو آئی اس سے پہلے پندرہ ملین مارچ کرچکی ہے، وہ اکیلے ہی ملین مارچ کرنے کی طاقت رکھتے ہیں۔ آزادی اور تحفظ ناموس مارچ، بیرونی طاقتوں کے اثر و رسوخ کیخلاف ہوگا، انہوں نے جے یو آئی ہند کے کشمیر کے بارے میں بھارت کی حمایت کو ان کا آپسی معاملہ قرار دے دیا، مولانا فضل الرحمان نے کہا کہ آزادی مارچ کی تاریخ کا تعین ایک دو دن میں کر لیں گے جبکہ حکمت عملی کے حوالے سے اتحادی جماعتوں سے مشاورت کے بعد اعلان کریں گے، انہوں نے کہاکہ نام نہاد حکومت ہی مہنگائی اور دیگر ایشوز کی ذمہ دار ہے،

چلاس کے مقام پر اسکردوسے راولپنڈی جانےوالی مسافرکوچ کو افسوس ناک حادثہ پیش آیا ہے جس میں‌ پاک فوج کے دس جوانوں‌، خواتین اور بچوں سمیت 27 افراد جاں بحق ہوئے ہیں،

باغی ٹی وی کی رپورٹ کے مطابق چلاس کے مقام پر اسکردوسےراولپنڈی جانےوالی مسافرکوچ کوحادثہ پیش آگیا.چلاس،،ریسکیو حکام کے مطابق حادثےمیں 27 افرادجاں بحق اور 13 زخمی ہوگئے، مسافرکوچ روڈکےساتھ چٹان سےٹکراکرالٹ گئی.حادثہ بابوسرٹاپ کےعلاقےمیں پیش آیا، زخمیوں میں بچےاورخواتین بھی شامل ہیں، چلاس،جاں بحق اورزخمیوں میں بچےاورخواتین بھی شاملہیں ڈی ایچ کیو اسپتال چلاس میں ایمرجنسی نافذ کر دی گئی.چلاس،ڈی ایچ کیو اسپتال چلاس میں ایمرجنسی نافذ کر دی گئی، مقامی پولیس کے مطابق اسکردو سے راولپنڈی جانے والی تیز رفتار مسافر کوچ موڑ کاٹتے ہوئے بابو سر ٹاپ کے قریب گٹی داس کے مقام پر پہاڑ سے ٹکرا گئی،

پولیس کے مطابق حادثے میں خواتین اور بچوں سمیت 27 افراد جاں بحق اور 15 زخمی ہوئے۔ حادثے میں جاں بحق افراد کی لاشوں اور زخمیوں کو چلاس کے اسپتال منتقل کیا گیا ہے، پاک فوج کے شعبہ تعلقات عامہ (آئی ایس پی آر) کے مطابق مسافر کوچ حادثے میں جاں بحق افراد میں پاک فوج کے 10 جوان بھی شامل ہیں، پاک فوج امدادی کی طرف سے امدادی کاروائیاں سرانجام دی گئیں، وزیراعظم عمران خان، وزیر خارجہ اور دیگر نے اس حادثہ پر گہرے رنج و غم کا اظہار کیا ہے،

وزیراعظم عمران خان سعودی عرب کا دورہ مکمل کرنے کے بعد امریکہ روانہ ہوئے وہ آج امریکہ پہنچیں گے

باغی ٹی وی کی رپورٹ کے مطابق وزریراعظم عمران خان امریکا روانہ ہو گئے وہ وہاں اقوام متحدہ کی جنرل اسمبلی سے خطاب کریں گے ،وزیراعظم عمران خان مسئلہ کشمیر عالمی فورم پر بھرپور انداز میں اٹھائیں گے ،جنرل اسمبلی سے خطاب اور ملاقاتوں کے دوران کشمیر کا مقدمہ پیش کریں گے ،وزیراعظم کی پیر کے روز امریکی صدر ڈونلڈ ٹرمپ سے ملاقات ہو گی ،وزیراعظم عمران خان مسئلہ کشمیر عالمی فورم پر بھرپور انداز میں اٹھائیں گے،

وزیرخارجہ شاہ محمود قریشی بھی جنرل اسمبلی اجلاس میں وزیراعظم کے ہمراہ شرکت کریں گے، وزیراعظم عمران خان انٹرنیشنل میڈیا سے بھی اجلاس کریں گے اور کشمیر کی صورتحال سے آگاہ کریں گے

وزیراعظم عمران خان 21 سے 27 ستمبر تک امریکا میں رہیں گے، اس دوران وزیراعظم عمران خان امریکا میں کئی ممالک کے سربراہان سے بھی ملاقاتیں کریں گے۔ وزیر اعظم عمران خان مسئلہ کشمیر پرمضبوط پاکستانی موقف پیش کریں گے۔اور مقبوضہ کشمیر میں بھارتی مظالم کو بے نقبا کریں گے. پاکستانی وزیراعظم عمران خان 27 ستمبر کو اقوام متحدہ کی جنرل اسمبلی سےخطاب کریں گے۔ وزیراعظم عمران خان مقبوضہ کشمیر میں انسانی حقوق کی خلاف ورزیوں سےآگاہ کریں گے ،جموں وکشمیرتنازع مجموعی طورپروزیراعظم عمران خان کی مصروفیات کامرکزرہےگا

وزیراعظم عمران خان امریکا می ماحولیاتی تبدیلی اورپائیدارترقی کےاجلاسوں میں شرکت کریں گے ،ماحولیاتی تحفظ اورتخفیف غربت سےمتعلق سیمینارسےبھی خطاب کریں گے .وزیراعظم عمران خان نفرت انگیزتقاریرکے خاتمےسےمتعلق مباحثےسے بھی خطاب کریں گے

پرنس محمدبن عبدالعزیزایئرپورٹ پرسعودی اعلیٰ حکام، پاکستان کے سفیر سمیت دیگر سفارتی عملے نے وزیراعظم عمران خان کورخصت کیا ،وزیراعظم سعودی ایئرلائن کےچارٹرڈ طیارےمیں مدینہ منورہ سےنیویارک روانہ ہوئے

وزیراعظم عمران خان کے دورہ سعودی عرب پر اعلامیہ جاری کر دیا گیا

باغی ٹی وی کی رپورٹ کے مطابق جاری اعلامیہ میں کہا گیا ہے کہ پاکستان اور سعودی عرب نے دوطرفہ تعلقات مزید مضبوط بنانے کا عزم کیا،وزیراعظم عمران خان نے مسئلہ کشمیر کے حل کی ضرورت پرزور دیا ،وزیراعظم نےسعودی قیادت سےملاقاتوں میں مسئلہ کشمیربھرپورطریقےسے اجاگرکیا ،وزیراعظم نے سعودی شاہ سلمان اورولی عہد محمد بن سلمان سے الگ الگ ملاقاتیں کیں،

اعلامیہ میں مزید کہا گیا کہ سعودی قیادت نے دوطرفہ تعلقات کوحقیقی بھائیوں کاتعلق قراردیا، مختلف شعبوں میں تعلقات مزید مضبوط بنانےکےعزم کا بھی اعادہ کیا گیا، پاکستان نے سعودی آئل تنصیبات پر حملےکی مذمت کی ،وزیراعظم نے پاکستان کو روڈ ٹو مکہ منصوبے میں شامل کرنے پر سعودی قیادت کا شکریہ ادا کیا.

پاک سعودی عرب تعلقات مزید مضبوط بنانے کےعزم کا اعادہ ،اعلامیہ جاری

اعلامیہ کے مطابق سعودی قیادت نے واضح کیا کہ پاکستان اورسعودی عرب کے تعلقات حقیقی بھائی چارے پرمبنی ہیں ، سعودی قیادت نے مقبوضہ کشمیر کی صورتحال پرتشویش کا اظہار کیا،سعودی قیادت نے کشمیر کاز کےلیے مکمل یکجہتی کا اظہار بھی کیا ،سعودی قیادت نے مسئلہ کشمیر کے پرامن حل کےلیے پاکستان کے ساتھ مل کرکام کرنے پراتفاق کیا،

اعلامیہ کے مطابق وزیراعظم عمران خان نے سعودی عرب کی سلامتی اورعلاقائی سالمیت کے تحفظ کے لیے بھرپورساتھ دینے کاعزم کیا،

وزیراعظم عمران خان کا کہنا تھا کہ مقبوضہ کشمیر میں انسانی حقوق کی بدترین خلاف ورزی کی جارہی ہے،مقبوضہ کشمیر سے کرفیو اورلاک ڈاوَن فوری طورپرختم کیا جائے ،مسئلہ کشمیر اقوام متحدہ کی قراردادوں کے مطابق حل کیا جائے،

وزیراعظم عمران خان نے خانہ کعبہ کے اندر نوافل ادا کئے،

باغی ٹی وی کی رپورٹ کے مطا بق وزیراعظم عمران خان سعودی عرب کے دورے پر ہیں، وزیراعظم عمران خان کے لیے خانہ کعبہ کا دروازہ خصوصی طورپرکھولا گیا، وزیراعظم عمران خان اور ان کے ہمراہ وفد نے بیت اللہ کے اندر نوافل ادا کئے اور پاکستان کی سلامتی کے لئے دعا کی.

بیت اللہ شریف پہنچنے پر وزیراعظم عمران خان کا خانہ کعبہ کےکلید برداراورحرم انتظامیہ کے اعلیٰ حکام نے استقبال کیا، اس موقع پر سعودی سفیر نواف بن سعید المالکی بھی ان کے ہمراہ موجود تھے ،وزیراعظم عمران خان نے عمرہ بھی ادا کیا،

وزیراعظم عمران خان کی سعودی فرماں روا شاہ سلمان بن عبدالعزیز سے ملاقات

قبل ازیں وزیراعظم عمران خان نے سعودی فرمانرواشاہ سلمان بن عبدالعزیزسےملاقات کی ہے

باغی ٹی وی کی رپورٹ کے مطابق وزیراعظم عمران خان نے سعودی فرماں روز شاہ سلمان بن عبدالعزیز سے ملاقات کی ہے، جدہ میں ہونے والی ملاقات میں باہمی دلچسپی اوردوطرفہ تعلقات پرتبادلہ خیال کیا گیا،وزیراعظم عمران خان نے سعودی آرامکوکی تنصیبات پر حملےکی مذمت کی،وزیراعظم نےسعودی فرمانرواکومقبوضہ کشمیرمیں بھارتی مظالم سےبھی آگاہ کیا،ملاقات میں وزیرخارجہ شاہ محمودقریشی،مشیرخزانہ حفیظ شیخ بھی موجودتھے

وزیراعظم عمران خان نے عزم کا اظہار کرتے ہوئے کہا کہ حرمین شریفین کے تقدس اور سلامتی کو خطرہ ہونے کی صورت میں سعودی عرب کے ساتھ کھڑے ہونگے۔ سعودی فرماں روا شاہ سلمان نے مسئلہ کشمیر پر پاکستان کی دیرینہ حمایت اور یکجہتی کا اعادہ کیا۔

پاک سعودی تعلقات ایک نئی سطح پر پہنچ گئے،کشمیر پر دنیا نے ہمارا بیانیہ مان لیا،وزیراعظم

قبل ازیں وزیراعظم عمران خان نے سعودی ولی عہد شہزادہ محمد بن سلمان سے بھی ملاقات کی تھی، وزیراعظم عمران خان کے سعودی عرب پہنچنے پر گورنر مکہ نے انکا استقبال کیا تھا،

اگلے پانچ برس بھی عمران خان ہوں گے وزیراعظم، پیشنگوئی ہو گئی