جسٹس قاضی فائز عیسیٰ اور جسٹس کے کے آغا کیخلاف حکومتی ریفرنسز پر سپریم جوڈیشل کونسل میں آج سماعت ہو گی

ججز کیخلاف ریفرنس، سپریم جوڈیشل کونسل کا اجلاس دس منٹ میں ختم

باغی ٹی وی کی رپورٹ کے مطابق سپریم جوڈیشل کونسل کا اجلاس چیف جسٹس آصف سعید کھوسہ کی سربراہی میں ہوگا ،اجلاس میں سپریم کورٹ کےسینیر جج جسٹس گلزار احمد اور جسٹس عظمت سعید بھی شریک ہونگے ،اٹارنی جنرل پاکستان انور منصور خان اور رجسٹرار سپریم کورٹ ارباب عارف رحیم بھی شریک ہونگے

حکومت نے سپریم کورٹ‌ کے سینئر جسٹس قاضی فائز عیسیٰ کیخلاف سپریم جوڈیشل کونسل میں ریفرنس دائر کر دیا

جسٹس قاضی فائز عیسیٰ بھی میدان میں‌ آگئے، ریفرنس کی خبروں‌ پر صدرمملکت کوخط لکھ کر اہم مطالبہ کر دیا

سینئر ججوں کے خلاف ریفرنس، ایڈیشنل اٹارنی جنرل زاہد ایف ابراہیم نے استعفیٰ دے دیا

سپریم جوڈیشل کونسل کا گزشتہ اجلاس مختصر کارروائی کے بعد ختم ہو گیا تھا ،سپریم جوڈیشل کونسل کاگزشتہ اجلاس 2 جولائی کو ہوا تھا جو اٹارنی جنرل کی عدم موجودگی میں 10منٹ تک چلا تھا،اٹارنی جنرل انور منصور خان گزشتہ اجلاس میں شریک نہیں ہوئے .

گزشتہ اجلاس پر سپریم کورٹ بار اور پاکستان بار کونسل کے وکلا نے احتجاج کیا تھا،اس بار بھی وکلا نے احتجاج اور بائیکاٹ کا اعلان کر رکھا ہے .احتجاج کے پیش نظر سپریم کورٹ میں سیکیورٹی کے سخت اقدامات کیے گئے ہیں

صدر مملکت ڈاکٹر عارف علوی نے دونوں ججز کے خلاف ریفرنس بھجوایا تھا جس میں ججز کے خلاف اثاثے چھپانے کا الزام ہے ،ریفرنس میں آئین کے آرٹیکل 209 کے تحت کارروائی کی استدعا کی گئی ہے.

حکومت نے ججز کے خلاف سپریم کورٹ جوڈیشل کونسل میں ریفرنس دائر کیا جس کے بعد یہ کہا جا رہا تھا کہ سپریم جوڈیشل کونسل میں 350 ریفرنس ہیں لیکن جسٹس قاضی فائز عیسیٰ کے بارے میں ریفرنس پر اتنی جلدی سماعت کیوں ہو رہی ہے ،اس پر سپریم کورٹ کے ترجمان نے کہا ہے کہ زیرالتوا ریفرنسزپر قانون اورضابطے کےمطابق سماعت کے بعد فیصلہ کیاجائے گا،گزشتہ چنددنوں سے350 ریفرنسز زیرالتوا ہونے کا تاثر دیا گیا اور350ریفرنسزکا تذکرہ بار بار کیا گیا،ترجمان نے کہا کہ 350کےاعدادوشمارغلط،بے بنیاداورحقائق پرمبنی نہیں ہیں ،ترجمان نے کہا کہ سپریم جوڈیشل کونسل کو426شکایات اورریفرنسزموصول ہوئے،قانون کے مطابق398ریفرنسزاورشکایات کونمٹا دیا گیا.

وزیراعظم پاکستان عمران خان کی ہدایات پر پی ٹی آئی سے وابستہ سینیٹرز نے مختلف جماعتوں سے رابطے تیز کر دیے ہیں اور کوشش کی جارہی ہے کہ چیئرمین سینیٹ صادق سنجرانی کے خلاف تحریک عدم اعتماد کو ہر صورت ناکام بنایا جائے.

باغی ٹی وی کے ذرائع کے مطابق وزیر اعظم عمران خان نے پی ٹی آئی سینیٹرز سے واضح طور پر کہا ہے کہ ہم نے چیئرمین سینیٹ کے خلاف پیش کی گئی تحریک عدم اعتماد کو ہر صورت ناکام بنانا ہے اور جس طرح بجٹ‌ منظوری کے حوالہ سے اپوزیشن جماعتوں‌ کو کامیاب نہیں‌ ہونے دیا گیا اسی طرح سینیٹ چیئرمین کے خلاف ان کی تحریک عدم اعتماد بھی کسی صورت کامیاب نہیں‌ ہونے دی جائے گی.

ذرائع کے مطابق چیئرمین سینیٹ صادق سنجرانی نے وزیر اعظم عمران خان سے ایک اہم ملاقات بھی کی ہے جس میں پی ٹی آئی کے بعض‌دیگر سینئر رہنما بھی موجود تھے. اس ملاقات میں وزیر اعظم کو سینیٹرز کے ووٹوں سے متعلق مکمل بریفنگ دی گئی. اس وقت صورتحال یہ ہے کہ اپوزیشن جماعتیں بھی چیئرمین سینیٹ کیلئے پیش کردہ اپنے امیدوار میر حاصل بزنجو جو بلوچستان نیشنل پارٹی سے تعلق رکھتے ہیں، کو کامیاب کروانے کیلئے سبھی جماعتوں سے رابطے کر رہی ہیں تو دوسری جانب حکومتی سینیٹرز بھی اپنا پورا زور لگا رہے ہیں. اپوزیشن جماعتوں‌ کی رہبر کمیٹی کے اجلاس میں‌ میر حاصل بزنجو کو چیئرمین سینیٹ کیلئے متفقہ طور پر امیدوار منتخب کیا گیا ہے اور باقاعدہ سینیٹ میں تحریک عدم اعتماد جمع کروائی گئی ہے.

باخبر ذرائع کا کہنا ہے کہ اپوزیشن جماعتوں‌ کے پورا زور لگانے کے باوجود تحریک عدم اعتماد کی کامیابی کا کوئی امکان دکھائی نہیں‌ دیتا. سینیٹرز کی نمبر گیم اس وقت حکومت کے حق میں‌ ہے اور آئندہ بھی چیئرمین سینیٹ صادق سنجرانی ہی رہیں‌ گے. پی ٹی آئی سینیٹرز کے دوسری جماعتوں سے رابطوں‌ پر بعض‌ سینیٹرز نے صادق سنجرانی کی حمایت میں‌ ووٹ ڈالنے کی یقین دہانی کروائی ہے، ذرائع کا کہنا ہے کہ سینیٹ میں تحریک عدم اعتماد کی ناکامی پر اپوزیشن جماعتیں مزید کمزوری کا شکار ہو جائیں‌ گی اور ان کی حکومت مخالف تحریک پہلے سے بھی زیادہ کمزوری کا شکار ہو جائے گی. ذرائع کے مطابق وزیر اعظم عمران خان نے چیئرمین سینیٹ صادق سنجرانی کو اپنی بھرپو رحمایت کی یقین دہانی کروائی او رکہا ہے کہ سینیٹ میں تحریک عدم اعتماد کو ہم سب مل کر ناکام بنائیں گے.
پی

اپوزیشن کی رہبر کمیٹی کے کنوینئر اکرم درانی نے کہا ہے کہ میر حاصل بزنجو کو اپوزیشن نے چیئرمین سینیٹ کا امیدوار نامزد کیا ہے.

چیئرمین سینیٹ کے امیدوار پر اپوزیشن کا ہو گیا اتفاق،کون ہو گا نیا چیئرمین سینیٹ؟

باغی ٹی وی کی رپورٹ کے مطابق رہبر کمیٹی کے اجلاس کے بعد رہبر کمیٹی کے کنوینئراکرم درانی نے میڈیا سے گفتگو کرتے ہوئے کہا کہ میر حاصل بزنجو کو چیئرمین سینیٹ کے لئے امیدوار نامزد کر دیاہے سب ملکر ان کو کامیاب بنائیں گے

اکرم درانی کا مزید کہنا تھا کہ چودہ دن کے اندر اجلاس بلانے کے پابند ہیں اس میں کوئی توسیع کی گنجائش نہیں.

عدم اعتماد کی قراردار کے باوجود اپوزیشن کی چیئرمین سینیٹ کی زیر‌صدارت اجلاس میں شرکت

ان پیج کے ذریعہ جاسوسی ،سرکاری دفاتر میں ان پیج پر پابندی

کشمیر میں پاکستانی پرچم لہرانے والی آسیہ اندرابی کی رہائشگاہ کو سربمہر کر دیا گیا

واضح رہے کہ حاصل خان بزنجو سینیٹ کے رکن اور نیشنل پارٹی کے سربراہ ہیں۔ حاصل بزنجو رکن قومی اسمبلی بھی رہ چکے ہیں، ان کا تعلق بلوچستان سے ہے ، حاصل بزنجونے 1988 میں پاکستان نیشنل پارٹی میں شمولیت اختیار کی ،1990 میں قومی اسمبلی کی نشست پر کامیاب ہوئے ،1996 میں نیشنل پارٹی کے صدر بھی رہے، حاصل بزنجو 1997 میں دوسری بار رکن قومی اسمبلی منتخب ہوئے، سابق صدر پرویز مشرف کے دور میں انہیں گرفتار بھی کیا گیا تھا، حاصل بزنجو 2009 میں بلوچستان سے سینیٹ کے رکن منتخب ہوئے. حاصل بزنجو کے والد بلوچستان کے گورنر رہ چکے ہیں، حاصل بزنجو کی 1988 میں شادی ہوئی، ان کی ایک بیٹی اور ایک بیٹا ہے ،میر حاصل بزنجو مرکز میں اور 2013 کے انتخابات کے بعد بلوچستان میں مسلم لیگ (ن) کے اتحادی رہے۔

واضح رہے کہ اپوزیشن نے صادق سنجرانی کو ہٹانے کی قرارداد اور سینیٹ کا اجلاس بلانے کی ریکوزیشن جمع کرائی۔ صادق سنجرانی کے خلاف تحریک عدم اعتماد کامیاب ہوئی تو نئے چیئرمین سینیٹ کے انتخاب کے لئے انتخاب خفیہ رائے شماری سے ہوگا۔ سینیٹ کا اجلاس 14 روز کے اندر بلایا جائے گا۔

واضح رہے اے پی سی کے بعد اپوزیشن رہنماﺅں کے ساتھ مشترکہ پریس کانفرنس کرتے ہوئے مولانا فضل الرحمان نے 25جولائی کو یوم سیاہ منائے جانے اور عوامی رابطہ مہم شروع کرنے کا اعلان کیا تھا جبکہ چیئرمین سینیٹ کو ہٹانے کا فیصلہ کیا گیا اور اے پی سی کے فیصلوں پر عمل در آمد کیلئے رہبر کمیٹی تشکیل دیدی گئی تھی۔ بعد ازاں 5 جولائی کو متحدہ اپوزیشن کی رہبر کمیٹی نے چئیرمین سینیٹ صادق سنجرانی کو عہدے سے ہٹانے کا حتمی فیصلہ کرتے ہوئے اس سلسلے میں چئیرمین سینیٹ کے خلاف تحریک عدم اعتماد کی قرارداد جمع کرانے کا اعلان کیا تھا۔

رحیم یار خاں کے ٹرین حادثے کے بعد شیخ رشید کے استعفے کا مطالبہ زور پکڑگیا

باغی ٹی وی رپورٹ کے مطابق شیخ رشید استعفی دو سوشل میڈیا پر ٹاپ ٹرینڈ بن گیا،مسلسل ٹرین حادثوں کے بعد حالیہ المناک واقعے نے پاکستانی عوام کو سخت رد عمل پیش کرنے پر مجبور کر دیا.پنجاب کے علاقہ رحیم یار خان میں اکبر ایکسپریس مال گاڑی سے ٹکرا گئی جس کے نتیجے میں 11 افراد جاں بحق اور 60 سے زیادہ زخمی ہو گئے، لاہور سے کوئٹہ جانے والی اکبر ایکسپریس کو حادثہ پیش آیا،حادثہ اتنا شدید تھا کہ مسافر ٹرین کا انجن اور تین بوگیاں مکمل طور پر تباہ ہوگئیں۔ المناک حادثے کے بعد رحیم یار خان اور صادق آباد کے ہسپتالوں میں ایمرجنسی نافذ کر دی گئی۔
رحیم یار خان ٹرین حادثہ 10 جاں‌ بحق،وزیراعظم کا افسوس، شیخ رشید کا انکوائری کا حکم

شیخ رشید کے وزیر ریلوے بننے کے بعدٹرین حادثات میں اضافہ ہوا ہے.15ستمبر 2018ءکومیانوانی میں ٹرین حادثہ پیش آیا جب مسافر ٹرین خوشحال خان خٹک ایکسپریس کراچی سے پشاور جا رہی تھی کہ میانوالی کے قریب ٹرین کو حادثہ پیش آگیا۔ حادثہ میانوالی کے سوہان پل اور مکھڈ اسٹیشن کے درمیان ہوا جس میں ٹرین کی بوگیاں پٹری سے اتر گئیں جس میں 20 افراد شدید زخمی ہو گئے تھے.اسی طرح جناح ایکسپریس ٹریک پر کھڑی مال گاڑی سے جا ٹکرائی تھی۔ حادثے میں تین افراد جاں بحق اور متعدد زخمی ہوگئے تھے۔ مرنے والوں میں ٹرین کے ڈرائیور اور اسسٹنٹ ڈرائیور بھی شامل تھے.
27 مئی کو قینچی ریلوے پھاٹک پر 2 رکشے اور3 موٹر سائیکلیں ٹرین کی زد میں آ گئیں، جس کے نتیجے میں ایک خاتون سمیت 2 افراد جاں بحق، جب کہ 2 افراد زخمی ہو گئے۔

صوبہ سندھ کے علاقے پڈ عیدن کے قریب مال گاڑی کی 13 بوگیاں پٹری سے اتر گئی تھیں جس کے باعث ایک کلو میٹر طویل ریلوے ٹریک اکھڑ گیا اور ٹرینوں کی آمد و رفت 18 گھنٹے تک رکی رہی۔
2 اپریل کو پنجاب کے ضلع رحیم یار خان میں مال گاڑی کو حادثہ پیش آیا تھا جس کے باعث ملک بھر میں ریلوے کا نظام درہم برہم ہو گیا
ٹرین حادثے کا ذمہ دار کون؟ شیخ رشید نے توڑی خاموشی
اس واقعے کے بعد حزب اختلاف کے قائدین اور سیاستدانوں نے شیخ رشید کے مستعفی ہونے کا مطالبہ کیا ،نون لیگ کے لیڈر طلال چوہدری نے کہا کہ شیخ رشید کو وزیر ریلوے کے بجائے وزیر گالم گلوچ ہونا چاہیے.بلاول بھٹو نے کہا کہ انکوائری مکمل ہونے تک شیخ رشید کو چاہئیے کہ وزارت سے مستعفی ہوجائیں، ٹرین حادثوں پر وزیر کے مستعفی ہونے کی مثالیں دینے والے عمران خان اپنے وزیر سے استعفی مانگیں گے؟ شیخ رشید کا وزارت سے رومانس ٹرین حادثوں میں نجانے کتنی زندگیاں نگلتا چلا جائے گا۔پیپلز پارٹی کی رہنما نفیسہ شاہ نےکہا کہ مغربی جمہوریت کی مثال دینے والے وزیر اعظم عمران خان بھی استعفی دیں گے؟

سوشل میڈیا پر عوام نے ٹرین حادثے کے بعد اپنے پنے جذبات کا اظہار کرتےہوئے کہا ک
اتسام عمر نے لکھا” اپنی 10 ماہ کی حکومت میں شیخ رشید نے ریکارڈ ٹرین حادثات ہوئے ہیں، پی ٹی آئی حکومت کا یہ بھی اہم کارنامہ ہے.
عبدالودود افضل نے کہا کہ: میں پی ٹی آئی کارکن ہونے کے ناطے شیخ رشید سے استعفے کا مطالبہ کرتا ہوں وہ اب اس ذمہ داری کو نبھانے کی عمر سےآگے نکل چکے ہیں.
ڈاکٹر بلال لکھتے ہیں:یہ آپ کی لال حولی نہیں ہے بہت ذمہ داری والا کام ہے آپ استعفے دیں اور گھر کو جائیں.

رحیم یار خان میں ٹرین حادثے میں 11 افراد جاں بحق، 60 سے زائد زخمی ہو گئے، وزیراعظم عمران خان نے ٹرین حادثہ پر افسوس کا اظہار کیا ہے، وزیر ریلوے شیخ رشید احمد نے واقعہ کی انکوائری کی ہدایت کی ہے.

باغی ٹی وی کی رپورٹ کے مطابق پنجاب کے علاقہ رحیم یار خان میں اکبر ایکسپریس مال گاڑی سے ٹکرا گئی جس کے نتیجے میں 11 افراد جاں بحق اور 60 سے زیادہ زخمی ہو گئے، لاہور سے کوئٹہ جانے والی اکبر ایکسپریس کو حادثہ پیش آیا،حادثہ اتنا شدید تھا کہ مسافر ٹرین کا انجن اور تین بوگیاں مکمل طور پر تباہ ہوگئیں۔ المناک حادثے کے بعد رحیم یار خان اور صادق آباد کے ہسپتالوں میں ایمرجنسی نافذ کر دی گئی۔

حادثہ کے بعد وزیراعظم عمران خان نے گہرے دکھ اور افسوس کا اظہار کیا. وزیر اعظم نے ہدایت کی کہ زخمیوں کو بہترین طبی امداد فراہم کی جائے، وزیراعظم نے ٹرین حادثےکے زخمیوں کی جلد صحت یابی کی دعا بھی کی، وزیراعظم کا مزید کہنا تھا کہ ریلوے کے دہائیوں پرانے انفرااسٹرکچرکوبہتر بنایاجائے، حفاظتی اقدامات یقینی بنانے کے لیے ہنگامی اقدامات کیے جائیں .

حادثے کے بعد اپ اور ڈاؤن ٹریک پر ٹرینوں کی آمد و رفت معطل ہو چکی ہے، اکبرایکسپریس کا انجن اورتین بوگیاں مکمل طور پرتباہ ہو گئی ہیں.

وفاقی وزیرریلوے شیخ رشید نے اکبرایکسپریس کے حادثے پراظہارافسوس کرتے ہوئے انکوائری کا حکم دے دیا ہے، شیخ رشید کا کہنا ہے کہ ریلوے کے نظام کوجدید بنانے کے لیے اقدامات کیے جا رہے ہیں ،صورتحال کو ذاتی طور پر مانیٹر کر رہا ہوں، شیخ رشید احمد نے مزید کہا کہ حادثے میں انسانی غفلت پائی گئی توذمےداران کونہیں چھوڑوں گا

وزیر اعظم عمران خان کے دورہ امریکہ سے متعلق متضاد خبریں‌ آ رہی ہیں اور کہا جارہا ہے کہ وائٹ ہاؤس نے اس کی تصدیق نہیں‌ کی تاہم وزیر اعظم نے آج کراچی میں گفتگو کرتے ہوئے کہا ہے کہ میں‌ امریکا جا رہا ہوں اور وہاں میں‌ پاکستانی سفارتخانے میں رکوں گا.

باغی ٹی وی کی رپورٹ کے مطابق وزیر اعظم کی طرف سے امریکہ میں پاکستانی سفارت خانے میں قیام کی بات کرنا دورہ امریکہ کی درحقیقت تصدیق کرنا ہے. آج ہی سماجی رابطے کی ویب سائٹ ٹویٹر پر ٹویٹ کرتے ہوئے ترجمان دفتر خارجہ ڈاکٹر فیصل نے کہا ہے کہ وزیراعظم کے دورہ امریکا کے حوالے سے قیاس آرائیوں کے برخلاف حقیقت واضح کرنا چاہتے ہیں اور اس سلسلے میں امریکی حکام سے قریبی رابطے میں ہیں۔ واضح رہے کہ وزیراعظم عمران خان کے دورہ امریکا کے حوالہ سے امریکہ محکمہ خارجہ کے ترجمان مارگن آرٹاگس نے کہا ہے کہ معلوم نہیں کہ وزیراعظم عمران خان اس ماہ امریکا کا دورہ کررہے ہیں۔ پاکستانی وزیر اعظم عمران خان کے دورے کی تصدیق وائٹ ہاؤس سے کی جائے۔

امریکی محکمہ خارجہ کے ترجمان کا مزید کہنا تھا کہ ہمیں وائٹ ہاؤس نے عمران خان کے دورے کی کوئی اطلاع نہیں دی سنا ضرور ہے، عمران خان کے دورے کے متعلق سرکاری طور پر نہیں بتایا گیا، وائٹ ہاؤس سے رابطہ کر کے دورے کی تفصیلات حاصل کریں گے۔
وزیراعظم پاکستان عمران خان کے 20 جولائی کو امریکہ کا دورہ کرنے کا کہا گیا تھا.

وزیراعظم کا وزارت عظمیٰ کا حلف اٹھانے کے بعد پہلا دورہ امریکا ہو گا . واضح رہے کہ گزشتہ برس جب تحریک انصاف کی حکومت قیام میں آئی تھی اس وقت امریکی صدر ڈونلڈ ٹرمپ نے بیان دیا تھا کہ واشنگٹن نے اسلام آباد کو بہت کچھ دیا لیکن اس نے بدلے میں کچھ نہیں دیا.امریکی صدر کے بیان پر ردعمل دیتے ہوئے سماجی رابطے کی ویب سائٹ ٹوئٹر پرپیغام میں وزیر اعظم عمران خان نے کہا تھا کہ دہشت گردی کے خلاف جنگ میں پاکستان نے 75 ہزار جانیں قربان کیں اور معیشت کو ایک سو 23 ارب ڈالر کا نقصان بھی ہوا جبکہ امریکی امداد صرف 20 ارب ڈالر تھی۔ ستمبر 2001 کے حملے میں کوئی پاکستانی ملوث نہیں تھا لیکن پھر بھی پاکستان نے دہشت گردی کے خلاف عالمی جنگ میں امریکا کا ساتھ دینے کا فیصلہ کیا تھا۔ اس جنگ میں ہمارے قبائلی علاقے تباہ ہوئے جس کے نتیجے میں لاکھوں افراد بے گھر ہوئے، دہشت گردی کے خلاف اس جنگ نے پاکستانی عوام کی زندگیوں پر بدترین اثرات مرتب کیے .