Category: اہم خبریں

سابق صدر آصف زرداری نے دعویٰ کیا ہے کہ عمران خان کی حکومت جارہی ہے.

باغی ٹی وی کی رپورٹ کےمطابق انہوں‌ نے کہاکہ عمران خان کی حکومت جانےمیں چار سےپانچ مہینے لگیں گے، ان کے اس دعویٰ پر‌صحافی نے سوال کیا کہ اگر یہ جارہے ہیں‌ تو آئے گا کون؟ تو ان کا کہنا تھا کہ سیاسی قوتیں آئیں،کب جائیں کتنے دنوں بعدجائیں،جدوجہد جاری ہے.

آصف زرداری نے کہاکہ مستقبل بلاول بھٹواورمریم نواز کا ہے، ہم اب ان کو گائیڈ لائن دیں گے، میں نے احتساب عدالت کے جج کی ویڈیو نہیں دیکھی، سیاست میں ہم سےغلطیاں بھی ہوئیں کوشش ہوگی آیندہ ایسانہ ہو، ان کا کہنا تھا کہ سینیٹ میں اکثریت ن لیگ کی ہے،ہوسکتا ہے نیا چیئرمین ان کا ہی ہو، آصف زرداری سے یہ سوال بھی کیا گیا کہ راجہ ظفرالحق ضیا ءالحق کے اوپنگ بیٹسمین تھے کیا نہیں چیئرمین سینیٹ بنائیں گے تو انہوں‌ نے کہا کہ اس حوالہ سے مریم نواز سے پوچھیں‌ ان سے نہیں،

وزیراعظم عمران خان نے کہا ہے کہ ن لیگ کی جانب سے اداروں پر حملوں کا منہ توڑ جواب دیا جائے گا

سلیکٹڈ وزیراعظم کی دھمکی سے نہیں ڈرتے :شاہد خاقان عباسی

بجٹ میں ٹیکسوں کے اضافے کے سوا کچھ نہیں، شاہد خاقان عباسی

اگر ہتھیار استعمال کرتے تو یہ تھوڑے سے تھے، زرداری نے اسمبلی میں ایسا کیوں کہا؟

حکومت کو نکالنے کیلئے سیاسی قوتوں کو آگے ہونا ہو گا، آصف زرداری

باغی ٹی وی کی رپورٹ کے مطابق وزیراعظم عمران خان کی زیر صدارت حکومتی ترجمانوں کا اجلاس ہوا، اجلاس میں ملکی سیاسی صورتحال پر تبادلہ خیال کیا گیا اور اپوزیشن کی جانب سے ممکنہ احتجاج کے حوالہ سے لائحہ عمل طے کیا گیا.

وزیراعظم کے خلاف حکومتی جماعت کے رہنما جاوید بدر نے سٹیزن پورٹل میں‌شکایت درج کروا دی

وزیراعظم عمران خان کا کہنا تھا کہ اداروں کو متنازع بنانے کی کوشش کی جا رہی ہے، ن لیگ کی جانب سے اداروں پر حملوں کا منہ توڑ جواب دیا جائے، ن لیگ ماضی میں بھی عدلیہ پر دباو ڈالتی ہے، یہ نیا پاکستان ہے، اب ایسا نہیں چلے گا، اپوزیشن کا کوئی حربہ کارگر ثابت نہیں ہو گا .

اپنے ٹیکس کے پیسوں سے وزیروں کو نہیں پال سکتا،جاوید بدر نے حکومت کے خلاف دبنگ اعلان کر دیا

وزیراعظم عمران خان نے مزید کہا کہ عدلیہ‌ آزاد و خود مختار ہے، عدلیہ کو مبینہ ویڈیو کو نوٹس لینا چاہئے،.حتساب کا عمل جاری رہے گا .

وزیراعظم نے مزید کہا کہ حکومت کو پارٹی نہیں بننا چاہئے،

واضح رہے کہ نواز شریف کو العزیزیہ ریفرنس میں سزا سنانے والے احتساب عدالت کے جج ارشد ملک کی مبینہ ویڈیو مریم نواز نے جاری کرتے ہوئے الزام لگایا کہ جج نے دباؤ میں سزا کا فیصلہ دیا . جج ارشد ملک نے گزشتہ روز ایک پریس ریلیز میں اس ویڈیو کے حوالہ سے پریس ریلیز بھی جاری کی تھی .

لاہور ہائیکورٹ نے میاں منشا کو حکم دیا ہے کہ وہ نیب کے روبرو پیش ہو کر اپنا بیان ریکارڈ کروائیں

نواز شریف کے قریبی دوست میاں منشا کی کمپنی کو نوازنے پر نیب کی تحقیقات کا آغاز

باغی ٹی وی کی رپورٹ کے مطابق لاہور ہائی کورٹ میں میاں منشاء کی نیب کارروائی کے خلاف درخواست پر سماعت ہوئی،لاہور ہائیکورٹ کے جسٹس علی باقر نجفی کی سربراہی میں دو رکنی بنچ نے کیس پر سماعت کی .

نشاط چونیاں ملز،غیر قانونی فائدہ دینے والے ملزم کے ریمانڈ میں توسیع

میاں منشا کے وکیل نے عدالت میں کہا کہ نیب کی جانب سے بے بنیاد الزامات پر انکوائری شروع کی گئی، اسلام آباد ہائی کورٹ 22 فروری 2018 کو میاں منشاء کے خلاف درخواست مسترد کر چکا ہے، نیب کی جانب سے یکم نومبر 2018 برطانیہ میں پارک لین میں سینٹ جیمز ہوٹل کی خریداری کے سلسلے میں انکوائری شروع کی گئی ہے، نیب کی جانب سے سینٹ جیمز ہوٹل کی خریداری کی مکمل منی ٹریل طلب کی گئی ہے، برطانیہ کے سینٹ جیمز ہوٹل کی خریداری کے معاہدے اور قرضوں کی تفصیل بھی نیب نے طلب کی ہے،. میاں منشا کے وکیل نے عدالت سے استدعا کی کہ نیب نوٹسز کالعدم قرار دئیے جائیں ،نیب کی کاروائی اختیارات سے تجاوز ہے، کاروائی ختم کرنے کا حکم دیا جائے .

عدالت نے میاں منشاء کے وکیل کے بیان کے بعد حکم دیا کہ میاں منشاء نیب کے روبرو پیش ہو کر اپنا بیان ریکارڈ کروائیں،عدالت نے کیس کی سماعت 23 ستمبر تک ملتوی کر دی ۔

پاکستان کے معروف بزنس مین میاں منشا سابق وزیر اعظم نواز شریف کے قریبی ساتھیوں میں شمار کیے جاتے ہیں۔ سابق وزیراعظم کے پرنسپل سیکریٹری فواد حسن فواد نے تفتیش میں انکشافات کیا تھا کہ غیرملکی اثاثے شہزاد سلیم کے پاس محفوظ ہیں، چونیاں پاور، نشاط پاور سے قومی خزانے کو 80 ارب کا نقصان پہنچایا، دونوں پاور پلانٹ نشاط گروپ کی ملکیت ہیں، دونوں پاور پلانٹس سے سالانہ 80 ارب روپے کا فراڈ ہوتا تھا۔ میاں منشا اور اُن کے بیٹوں پرمنی لانڈرنگ کا بھی الزام ہے، میاں منشا نے 2010 میں برطانیہ میں سینٹ جیمز ہوٹل اینڈ کلب خریدا، جس کی خریداری کے لیے انہوں نے کروڑوں پاؤنڈز غیر قانونی طریقے سے برطانیہ بھیجے۔ واضح رہے کہ میاں منشا کے خلاف پاکستان ورکر پارٹی کے چیئرمین فاروق سلہریا نے گزشتہ برس بھی ایک درخواست نیب میں دائر کی تھی جس میں کہا گیا تھا کہ میاں منشا نے 95ملین ڈالر منی لانڈرنگ کرکے پاکستان سے برطانیہ منتقل کئے ہیں۔ ایم سی بی بینک‘نشاط گروپ‘ڈی جی خان سیمنٹ‘آدم جی انشورنس اور نشاط پاور کمپنیاں میاں منشا کی ملکیت ہیں. نیب نے گزشتہ سال جون میں میاں محمد منشا کے خلاف منی لانڈرنگ کی تحقیقات شروع کی تھیں۔

چیئرمین سینیٹ کے خلاف عدم اعتماد کی تحریک لانے کے لئے اپوزیشن جماعتوں نے کل اجلاس بلا لیا

چیئرمین سینیٹ کے خلاف تحریک عدم اعتماد کب آئے گی،رہبر کمیٹی نے کر لیا فیصلہ

آج کے بعد کوئی یہ نہ کہے کہ شہباز شریف کی کمر میں درد ہے، مبشر لقمان نے ایسا کیوں کہا؟

باغی ٹی وی کی رپورٹ کے مطابق مسلم لیگ ن کے رہنما راجیہ ظفر الحق کے چیمبر میں اپوزیشن جماعتوں کا اجلاس ہوا، جس میں چیئرمین سینیٹ کی تبدیلی کے حوالے سے قرارداد جمع کرانے سے متعلق مشاورت کی گئی.

رہبر کمیٹی کا سربراہ ہو گا کون؟ حکومت مخالف تحریک سے قبل ہی سیاسی جماعتیں اختلافات کا شکار

مریم نواز کے جلسوں میں جاوں گا یا نہیں، شہباز شریف بول پڑے

راجا ظفرالحق نےسینیٹ میں اپوزیشن جماعتوں کااجلاس کل منگل کو ساڑھے11بجےطلب کرلیا ،اپوزیشن سینیٹر اکٹھے سیکریٹری سینیٹ کے پاس جاکرقرارداد جمع کرائیں گے .

شہباز شریف فیملی کے فرنٹ مین مشتاق چینی کو عدالت سے ملی بڑی خوشخبری

میر حاصل بزنجو کا کہنا ہے کہ 9 جولائی کو قرارداد جمع کرانے کا فیصلہ ہوا ہے،ایک تجویز تھی کہ 26 ارکان سینیٹ کے دستخط لے لیے جائیں ،تمام دستیاب سینیٹرز کو کل پارلیمنٹ میں بلالیا ہے،کل اجلاس میں ہی سارےاراکین قراردادپردستخط کریں گےاورسیکرٹری سینیٹ کوجمع کرائیں گے

نیا چیئرمین سینیٹ کون ہو گا؟ صحافی کے سوال پر آصف زرداری نے دل کی بات بیان کر دی

واضح رہے کہ اپوزیشن جماعتوں کی اے پی سی میں چیئرمین سینیٹ صادق سنجرانی کو ہٹانے کا فیصلہ ہوا تھا اور رہبر کمیٹی نے اس فیصلے کی توثیق کی تھی .

موٹاپے کا شکار شخص نور حسن کی وفات کے بعد ان کی اہلیہ نے آپریشن کی آزادانہ تحقیقات کا مطالبہ کر دیا، کہا آرمی چیف معاملے کی تحقیقات کرائیں . نورحسن کے بیٹے اوربھتیجے نے آرمی چیف سے اپیل کی ہے کہ نورحسن کی میت کوایئرایمبولینس کے ذریعے صادق آباد منتقل کیا جائے

330 کلو وزنی نور الحسن کا کامیاب آپریشن اب کتنا وزن رہ گیا جانیے خبر میں

باغی ٹی وی کی رپورٹ کے مطابق نورحسن کے انتقال کی خبرسن کر صادق آباد میں سوگ کی فضا ہے، صادق آباد کے شہری نور حسن کے گھر کے باہر جمع ہونےلگے ، نور حسن کی آج ہسپتال میں وفات ہوئی ہے.

نورالحسن کے ڈاکٹر معاذ کا کہنا ہے کہ نور الحسن کی موت ہارٹ اٹیک کی وجہ سے ہوئی، آج ہسپتال کے آئی سی یو میں خاتون مریضہ کی ہلاکت کے بعد مریضہ کے لواحقین نے ہسپتال میں ہنگامہ آرائی کی جس کے بعد ہسپتال کے آئی سی یو سے ڈاکٹر اور عملہ بھاگ گیا، آئی سی یو میں 2 گھنٹے تک کوئی موجود نہ تھا، آکسیجن کی کمی کے باعث نورحسن کی موت واقع ہوئی.

واضح رہے کہ نورالحسن کو 17 جون کو صادق آباد سے شالامار ہسپتال لایا گیا، 10 روز تک شالامار ہسپتال میں نور الحسن کے میڈیکل فٹنس ٹیسٹ لیے گئے، میڈیکل بورڈ کی اجازت کے بعد 11 ویں روز نور الحسن کا آپریشن کیا گیا، آپریشن کے بعد نور الحسن کو آئی سی یو میں منتقل کر دیا گیا تھا۔ ڈاکٹرز کی جانب سے نور الحسن کا آپریشن کامیاب قرار دیا گیا تھا، آپریشن کے 10روز بعد نور الحسن انتقال کر گئے۔

نور الحسن کا وزن330 کلوگرام تھا، وہ گزشتہ 10 سال سے اس بیماری میں مبتلا تھےاوران کا موٹاپا بڑھتا جارہاتھا۔

پاکستان مسلم لیگ ن کی نائب صدر مریم نواز شریف کی طرف سے العزیزیہ ریفرنس کیس کا فیصلہ سنانے والے جج سے متعلق مبینہ خفیہ ویڈیو جاری کرنے پر احتساب عدالت کے جج ارشد ملک کا موقف بھی سامنے آگیا ہے اور انہوں نے اتوار کے دن احتساب عدالت پہنچ کر باضابطہ طور پر ایک پریس ریلیز جاری کی ہے. ان کا کہنا ہے کہ ویڈیوزمیں مختلف موضوعات پرکی جانےوالی گفتگوکوتوڑمروڑکرپیش کیاگیا ہے. ناصر بٹ اور اسکا بھائی عبداللہ بٹ عرصہ دراز سے مجھ سے بے شمار بار ملتے رہےہیں، میری ذات اور میرے خاندان کی ساکھ کو متاثر کرنے کی سازش کی گئی،

باغی ٹی وی کی رپورٹ کے مطابق احتساب عدالت کے جج ارشدملک نے کہا ہے کہ میں ارشد ملک احتساب عدالت کے جج کے فرائض انجام دے رہاہوں ، گزشتہ روز پریس کانفرنس میں مریم نوازشریف کی جانب سے جو ویڈیو دکھائی گئی وہ جھوٹی اور جعلی ہے ، مجھ پر سنگین الزامات لگاتے ہوئے میری ذات ، ادارے اور خاندان کی ساکھ کو متاثر کرنے کی سازش کی گئی ہے ،میں حقائق منظر عام پر لانا چاہتاہوں ۔

جج ارشد ملک کا کہنا ہے کہ ن لیگ کی جانب سے انہیں‌ بار بار رشوت کی پیشکش کی گئی اور تعاون نہ کرنے پر سنگین نتائج کی دھمکیاں دی گئیں لیکن میں نے کوئی دباﺅ قبول نہیں کیا ، حق و سچ اور قانون کے مطابق کیسز کے فیصلے سنائے ۔ اگر دباﺅ یا رشوت کے لالچ میں فیصلہ سنانا ہوتا تو ایک مقدمے میں سزا اور دوسرے میں بری نہ کرتا ۔یہ پریس کانفرنس میرے فیصلوں کو متاثر کرنے محض کی گئی ہے ۔

جج ارشد ملک نے اپنی پریس ریلیز میں‌ کہا ہے کہ ویڈیو حقائق کے برعکس ہے اور جو اس میں کی گئی گفتگو کوتو ڑ مروڑ کر سیاق و سباق سے ہٹ کر پیش کرنے کی کوشش کی گئی ہے ، اس حوالہ سے ضروری ہے کہ سچ کو سامنے لایا جائے ، میں نے انصاف کرتے ہوئے نوازشریف کو العزیزیہ میں سز ا سنائی ، مجھ پر بطور جج بالواسطہ یا بلاواسطہ کوئی دباﺅ نہیں تھا ۔ان کا کہنا ہے کہ مجھے پر جوالزامات لگائے گئے ہیں وہ سراسر بے بنیاد ہیں. میں نے اپنی جان اور مال کو اللہ کے سپر د کر دیاہے.

واضح رہے کہ جج ارشد ملک چھٹی ہونے کے باوجود احتساب عدالت پہچے اور اپنا موقف واضح‌ کرنے کیلئے پریس ریلیز جاری کی. ایک دن قبل مریم نواز نے پریس کانفرنس کے دوران ان کی مبینہ خفیہ ویڈیو جاری کی تھی جس میں‌ الزام لگایا گیا تھا کہ انہوں‌ نے یہ فیصلہ دباؤ پر کیا ہے.

سابق وزیر اعظم نواز شریف کو العزیزیہ ریفرنس میں 7 سال قید اور جرمانے کی سزا سنانے والے جج ارشد ملک احتساب عدالت پہنچ گئے ہیں.

باغی ٹی وی کی رپورٹ کے مطابق میڈیا رپورٹس میں‌ کہا گیا ہےکہ جج ارشد ملک کی طرف سے اپنا موقف پیش کئے جانے کا امکان ہے. مریم نواز کی طرف سے گزشتہ روز پریس کانفرنس کےد وران ان کی مبینہ خفیہ ویڈیو پیش کئے جانے کے بعد آج ان کا احتساب عدالت پہنچنا انتہائی اہمیت کا حامل ہے اور کہا گیا ہے کہ وہ کچھ دیربعد اپنا موقف پیش کریں گے.

جج ارشد ملک اتوار کا دن چھٹی ہونے کے باوجود احتساب عدالت پہنچے ہیں اور احتساب عدالت میں جج ارشد ملک اورعملہ چیمبر میں موجودہے، اس موقع پر سکیورٹی کے سخت انتظامات کئے گئے ہیں ، واضح رہے کہ مریم نواز نے کل الزامات لگاتے ہوئے کہا تھا کہ جج ارشد ملک نے کسی کے کہنے پر یعنی دباؤ میں‌ آکر نواز شریف کے خلاف سزا کا فیصلہ سنایا تھا. مریم نواز اس مبینہ ویڈیو کو دکھا کر حکومت پر سخت تنقید کی اور کہا تھا کہ ان کے خلاف انتقامی کاروائیاں‌ کی جارہی ہیں.

موٹر ویز پر انسانی جانوں‌ سے کھیلنے کے مکروہ دھندہ کرنے کا انکشاف ہوا ہے. سروس ایریا میں‌ قائم ٹائر شاپس پر موجود کاریگر گاڑی کے ٹائروں‌ میں ہوا بھرتے وقت ٹائروں‌ پر تیز دھار آلوں سے کٹ لگا دیتے ہیں.

باغی ٹی وی کے ذرائع کے مطابق موٹر ویز اور ہائی ویز پر موجود ٹائر شاپس میں سے بعض‌ دوکانوں‌ پر کاریگر مذموم حرکت کرتے ہوئے جب ٹائروں‌ کو کٹ‌ لگاتے ہیں تو یہ ٹائر تھوڑی دور جا کر ہی پھٹ جاتے ہیں اور پھر انہیں‌ مجبورا ٹائروں کی انہی دوکانوں سے متاثرہ لوگوں‌ کو چار گنا مہنگی قیمت پر ٹآئر خریدنا پڑتے ہیں. ٹائروں‌ پر کٹ لگانا اس قدر خوفناک حرکت ہے کہ اس سے بعض اوقات بڑے حادثات بھی رونما ہو جاتے ہیں.

موٹر وے پولیس کے مطابق آئی جی پنجاب کے نوٹس لینے پر انہوں نے اس مکروہ دھندے میں‌ ملوث چار درندوں‌ کو گرفتار کر لیا اور تھانہ بھیرہ پولیس کے حوالے کر دیا گیا ہے. بھیرہ کے قریب موٹر وے پر ایک ٹآئر شاپ پر کاریگر ٹائر کو ایسے ہی پنکچر لگاتے وقت تیز دھار آلہ سے کٹ لگا رہے تھے کہ وہاں‌ سادہ کپڑوں‌ میں‌ موجود پولیس اہلکار نے انہیں رنگے ہاتھوں پکڑ لیا. پولیس نے اس گروہ کے چار اہلکاروں‌ کو گرفتار کیا ہے. یہ بے رحم مافیا کافی دیر سے یہ حرکتیں‌ کر رہا تھا.

واضح‌ رہے کہ موٹر وے پر ٹائر پھٹنے سے پیش آنے والے واقعات کے نتیجہ میں آٹھ سو سے زائد حادثات پیش آئے ہیں. یہ بھی دیکھا گیا ہے کہ گاڑیاں‌ زیادہ تر وہیں پنکچر ہوتی ہیں جہاں‌ پنکچر لگانے والے موجود ہوتے ہیں. اس کی وجہ یہ بتائی جاتی ہے کہ وہ دوکانوں‌ سے کچھ فاصلہ پر نوکیلے کیل اور شیشے کے ٹکڑے پھینک دیتے ہیں‌ جس سے گاڑیوں‌ کے ٹائر پنکچر ہوتے ہیں. موٹر وے پولیس نے اپیل کی ہے کہ گاڑی کے ٹائر چیک کرواتے وقت آپ خود وہاں‌ موجود رہیں‌ اور اپنی نگرانی میں ٹائر میں ہوا بھروائیں‌ یا پنکچر لگوائیں تاکہ کسی قسم کے ایسے حادثہ سے بچا جاسکے.

منڈی بہاؤالدین میں‌ ن لیگ کے جلسہ کے حوالہ سے ڈی پی او نے کہا ہے کہ مریم نواز کو سکیورٹی خدشات کےباعث جلسے کی اجازت نہیں دی،

باغی ٹی وی کی رپورٹ کےمطابق مقامی انتظامیہ نے قائداعظم گراؤنڈ اب تک سیل کیا ہوا ہے اور کہا جارہا ہےکہ گراؤنڈ میں جمع پانی بارش کا ہے جبکہ گراؤنڈ میں انتظامیہ کی طرف سے پانی چھوڑنے کی بات درست نہیں‌ ہے. ضلعی انتظامیہ نے قائداعظم گراؤنڈ میں جلسے کی اجازت دینے سے انکار کیا ہے.

ادھر مسلم لیگ ن کی قیادت قائداعظم گراؤنڈ میں ہی جلسہ کرنے پر اصرار کر رہی ہے. انتظامیہ نےقائداعظم گراؤنڈ کے تینوں دروازوں کو تالے لگا دیے ہیں. دریں‌ اثناء مسلم لیگ ن کی ترجمان کا کہنا ہے کہ مریم نوازسہ پہر 3 بجے رائیونڈ سےمنڈی بہاؤالدین جلسے کیلیے نکلیں گی. مریم اورنگزیب کا کہنا تھاکہ عمران صاحب آپ نے تو کہا تھا موت بھی برداشت کر سکتے ہیں لیکن عمران صاحب مریم نواز کا اتنا خوف کہ جلسہ گاہ میں پانی چھوڑ دیا گیا ہے.

مریم اورنگزیب نے کہاکہ عمران صاحب مریم نواز کومنڈی بہاءالدین میں جلسےکی اجازت نہیں دی گئی. واضح رہے کہ مسلم لیگ ن نے منڈی بہاؤالدین نے 15 کارکنان کی گرفتاری کا دعویٰ‌ کیا ہے. ادھر پولیس نے دوسرے شہروں سے بھی بھاری نفری طلب کر لی ہے اور سکیورٹی کے سخت انتظامات کئے گئے ہیں. پولیس نے جلسہ گاہ کی طرف جانےو الے تمام راستے سیل کر دیے ہیں.