چیئرمین سینیٹ صادق سنجرانی نے حکومتی اتحاد کے نمبر گیم پورے نہ ہونے پر مستعفی ہونے کا فیصلہ کیا ہے

حاصل بزنجو، چیئرمین سینیٹ کے اپوزیشن کے متقفہ امیدوار،سینیٹر کب بنے؟

باغی ٹی وی کی رپورٹ کے مطابق چیئرمین سینیٹ صادق سنجرانی نے سینیٹ سے مستعفیٰ ہونے کا فیصلہ کیا ہے، چیئرمین سینیٹ نے اس فیصلے سے حکومت کو آگاہ کر دیا ہے، اپوزیشن جماعتوں نے چیئرمین سینیٹ کے خلاف عدم اعتماد کی تحریک جمع کروا رکھی ہے، سینیٹ کا اجلاس کل ہو گا جس میں رائے شماری ہو گی، اپوزیشن جماعتوں نے حاصل بزنجو کو سینیٹ کا امیدوار برائے چیئرمین نامزد کیا ہوا ہے.

عدم اعتماد کی قراردار کے باوجود اپوزیشن کی چیئرمین سینیٹ کی زیر‌صدارت اجلاس میں شرکت

دوسری جانب قومی اسمبلی میں قائد حزب اختلاف شہباز شریف سے مولانا فضل الرحمان نے ملاقات کی ہے . ملاقات شہباز شریف کی رہائشگاہ پر ہوئی ,ملاقات میں چیئرمین سینیٹ کے الیکشن،سیاسی صورتحال پر تبادلہ خیال کیا گیا،

چیئرمین سینیٹ کو ہٹانے کے لئے اپوزیشن تقسیم، سراج الحق نے باغی ٹی وی سے گفتگو میں کیا کہا؟

قبل ازیں شہبازشریف کی زیرصدارت مسلم لیگ ن کے سینیٹرز کی رابطہ کمیٹی کا اجلاس ہوا، شہباز شریف کا کہنا تھا کہ چیئرمین سینیٹ کےانتخاب میں جمہوریت اورآئین کی فتح ہوگی،اپوزیشن کو سینیٹ چیئرمین کےانتخاب میں واضح اکثریت حاصل ہے ،نمبرز کےمطابق اپوزیشن کی جیت میں کوئی رکاوٹ نہیں ،حکمرانوں کی نیت خراب ہے،وہ غیرآئینی و غیرجمہوری طرزعمل سے بازرہیں .

چیئرمین سینیٹ کے امیدوار پر اپوزیشن کا ہو گیا اتفاق،کون ہو گا نیا چیئرمین سینیٹ؟

واضح رہے کہ اپوزیشن جماعتوں کی اے پی سی میں چیئرمین سینیٹ صادق سنجرانی کو ہٹانے کا فیصلہ ہوا تھا اور رہبر کمیٹی نے اس فیصلے کی توثیق کی تھی .اپوزیشن جماعتوں کی اے پی سی میں بھی جماعت اسلامی نے شرکت نہیں کی تھی .

چیئرمین سینیٹ کو ہٹانے کیلئے اپوزیشن جماعتوں کے پاس مطلوبہ اکثریت سے زائد کی تعداد موجود ہے، 104 رکنی ایوان میں سینیٹرز کی موجودہ تعداد 103 میں سے چیئرمین کی نشست کے لئے 53 ارکان کی حمایت درکارہے۔ مسلم لیگ ن کے سینیٹرز کی تعداد 28، پیپلز پارٹی کے 20، نیشنل پارٹی کے 5، جمعیت علماء اسلام ف کے 4، پختونخوا میپ کے 2 اور اے این پی کا ایک رکن شامل ہے۔

ڈی جی آئی ایس پی آر نے کہا ہے کہ سیز فائر کی خلاف ورزی بھارت کی کشمیر میں ناکامی کا نتیجہ ہے

ڈومور ذہن سے نکال دیں،ٹرمپ نے دورہ پاکستان کی دعوت قبول کی، ترجمان دفتر خارجہ

باغی ٹی وی کی رپورٹ کے مطابق ڈی جی آئی ایس پی آر میجر جنرل آصف غفور نے کہا ہے کہ بھارتی فوج جان بوجھ کر شہری آبادیوں کو نشانہ بنا رہی ہے، سیز فائر کی خلاف ورزی کا ہمیشہ بھر پور جواب دیا گیا ہے.

Increased Indian Cease Fire Violations (CFVs) indicate their frustration due to failure in IOJ&K. CFVs are being & shall always be effectively responded. Pak Army shall take all measures to protect innocent civilians along LOC from Indian firing deliberately targeting them.

— DG ISPR (@OfficialDGISPR) July 31, 2019

سیز فائر کی خلاف ورزی، بھارتی ڈپٹی ہائی کمشیر کی وزارت خارجہ طلبی

ڈی جی آئی ایس پی آر کا مزید کہنا تھا کہ بھارتی فوج کی جانب سے سیز فائز کی خلاف ورزیاں بھارت کی کشمیر میں ناکامی کا نتیجہ ہیں، پاک فوج شہریوں کا تحفظ یقینی بنائے گی. بھارت کی جانب سے سیز فائر کی خلاف ورزیوں کا موثر جواب دیا جائے گا.

واضح رہے کہ لائن آف کنٹرول پر بھارتی فوج کی جانب سے بلا اشتعال فائرنگ اور سول آبادی کو نشانہ بنائے جانے پر بھارتی ڈپٹی ہائی کمشنر کو پاکستان کے دفتر خارجہ طلب کر کے بھی احتجاج ریکارڈ کروایا گیا تھا .بھارتی فورسز نے شہری آبادی کونشانہ بنایا، بھارتی فورسز نے ڈنہ،دھدنیال،جورا،لیپا،شردا اور شاہکوٹ سیکٹرز کو نشانہ بنایا، بھارتی فورسز کی گولہ باری سےشہری نعمان احمدشہید ہوا ہے،

وزیراعظم عمران خان نے پاکستان کے سب سے بڑے شہر کراچی میں بارشوں کے بعد پیدا ہونے والی صورتحال پر تشویش کا اظہار کیا ہے.

کراچی میں بارش، اداروں نے طاقت کا مطابق کام کیا، سعید غنی

باغی ٹی وی کی رپورٹ کے مطابق وزیراعظم عمران خان سے تحریک انصاف کے رہنما علی زیدی نے ملاقات کی، ملاقات کے دوران کراچی کے حوالہ سے بات چیت ہوئی، وزیراعظم عمران خان نے کراچی میں بارش کے بعد پیدا ہونے والی صورتحال کا نوٹس لیا، اور سندھ حکومت کی کارکردگی پر مایوسی کا اظہار کیا.

کراچی میں کرنٹ لگنے سے جاں بحق افراد کی تعداد 18 ہوگئی

وزیراعظم عمران خان کا کہنا تھا کہ سندھ حکومت کواربوں روپےدیئے لیکن عوام کوسہولیات نہیں ملیں۔وزیر اعظم عمران خان نے تحریک انصاف کے رہنما علی زیدی کو میئر کراچی سے فوری رابطے اور ضروری تعاون کی ہدایت کی۔ وزیراعظم ںے کہا کہ عوام کی پریشانی دور کرنے کے لیے میئر کراچی سے تعاون کیا جائے۔

بلاول زرداری کے شہر لاڑکانہ میں ایڈز کے کتنے مریض ؟ خوفناک رپورٹ آ گئی

کراچی میں بارش کے بعد نشیبی علاقوں میں پانی جمع ہوگیا، دو روز بعد بھی صورتحال سنگین ہے، بارش کا پانی کے ڈی اے گرڈ سٹیشن میں داخل ہوگیا، پاک فوج بھی امدادی کارروائیوں میں مصروف ہے۔

سپریم کورٹ نے ایک کیس کی سماعت میں ریمارکس دیتے ہوئے کہا کہ گیس چوروں کو ضمانت نہیں دے سکتے

ایک ماہ میں کتنے ارب کی گیس چوری ہوئی، جان کر ہوں حیران

باغی ٹی وی کی رپورٹ کے مطابق لکی مروت کے رہائشی ملزم نے ضمانت کیلئے سپریم کورٹ میں درخواست دائرکی تھی، دوران سماعت جسٹس اعجاز الاحسن نے کہا کہ ملزم چوری کی گیس سے بجلی بنا کرفروخت کرتاتھا،گیس چوروں کوضمانت نہیں دے سکتے، جسٹس عظمت سعید نے کہا کہ ملزم پر جرم ثابت ہو گیا تو 14 سال قید بنتی ہے، ملزم کے وکیل نے کہا کہ لوڈ شیڈنگ کی وجہ سے ملزم ایسا کر رہے تھے، جسٹس اعجاز الاحسن نے کہا کہ ملزم کے خلاف جب چھاپہ مارا گیا تو اس نے پستول تان لیا، عدالت نے درخواست ضمانت خارج کر دی

گیس اور بجلی کی قیمتیں کیوں بڑھیں؟ عمر ایوب خان نے بتا دیا

سپریم کورٹ نے گیس چوری کیس میں ملزم کی درخواست ضمانت خارج کر دی.

عمر قید کی سزا کتنی ہو گی، سپریم کورٹ میں مدت کے تعین کیلئے لارجر بینچ تشکیل

واضح رہے کہ وزیر پیٹرولیم عمر ایوب خان نے گیس کی قسیم کارکمپنیوں کوہدایت کی ہے کہ گیس چوروں کے ساتھ کوئی رعایت نہ کی جائے ،گیس چوروں کے خلاف ملک بھر میں کریک ڈاون تیزکیا جائے ،مئی میں اب تک دونوں کمپنیوں میں 2625چوروں نے1ارب95کروڑ98لاکھ سے زائدکی گیس چوری کی ،سب سے زیادہ گیس چوری صنعتی،انڈسٹری وکمرشل سیکٹرمیں ہورہی ہے .سب سے زیادہ گیس چوری صنعتی،انڈسٹری وکمرشل سیکٹرمیں ہورہی ہے ،سوئی ناردرن میں گیس چوری کاحجم اربوں میں چلاگیا۔ سوئی سدرن گیس میں720 گیس چور پکڑے ،713غیرقانونی کنکشن ختم کئے جو خزانہ کو50کروڑ89لاکھ روپے کانقصان پہنچارہے تھے اورسوئی ناردرن میں1905گیس چورپکڑے، گئے،3830 غیر قانونی کنکشن ختم کئے1ارب45کروڑ9لاکھ سے زائد کی گیس چوری کررہے تھے

16 کلو منشیات، سپریم کورٹ نے سزائے موت کے ملزم کو بری کر دیا

خیبرپختونخواہ پولیس کے کیا کہنے،وہ چاہتی تومیری گاڑی ریکور کرلیتی، سپریم کورٹ

ہندو برادری کی درخواست پرسپریم کورٹ سندھ حکومت پر برہم

سزامعطل ہونےسے نااہل شخص الیکشن کیلیےاہل نہیں ہو سکتا،سپریم کورٹ کا بڑا فیصلہ

چیئرمین سینیٹ کے خلاف تحریک عدم اعتماد ، سینیٹ اجلاس کل ہو گا، آج اپوزیشن کی رہبر کمیٹی کا اجلاس ہو گا جبکہ نامزد چیئرمین حاصل بزنجو اپوزیشن کو عشائیہ دیں گے

چیئرمین سینیٹ کیخلاف تحریک عدم اعتماد، گورنر پنجاب نے اہم اعلان کر دیا،

باغی ٹی وی کی رپورٹ کے مطابق اپوزیشن کی رہبر کمیٹی کا اہم اجلاس آج اسلام آباد میں ہو گا جس میں چیئرمین سینیٹ کی تبدیلی کے حوالے سے مشاورت کی جائے گی، رہبر کمیٹی کا اجلاس جمعیت علماء اسلام کے رہنما اکرم درانی کی صدارت میں شام 4 بجے ہو گا، اجلاس مسلم لیگ ن کے سینیٹر راجہ ظفر الحق کے چیمبر میں ہو گا.

چیئرمین سینیٹ کیخلاف تحریک عدم اعتماد، اپوزیشن ہو رہی ہے فرار،اہم خبر

اپوزیشن کی رہبر کمیٹی کے اجلاس میں چیئرمین سینٹ کے خلاف تحریک عدم اعتماد پر کمیٹی اراکین کو آگاہ کیا جائے گا، اجلاس میں حکومتی اتحادی اراکین سے ہونے والے رابطوں پر بھی تبادلہ خیال کیا جائے گا،

حکومتی وفد کی مولانا فضل الرحمان سے اچانک ملاقات، کیا بات ہوئی؟ اہم خبر

چیئرمین سینیٹ کی تبدیلی،اپوزیشن کا اجلاس جاری، چیئرمین سینیٹ نے بھی بڑا فیصلہ کر لیا

اپوزیشن جماعتوں کااجلاس راجہ ظفرالحق نے بھی آج طلب کرلیا ، بلاول بھٹو،شہبازشریف سمیت دیگرقائدین شرکت کریں گے، دوسری جانب مسلم لیگ ن کے سینٹرز کا اجلاس بھی دن ایک بجے طلب کیا گیا ہے ، اجلاس کی صدارت شہباز شریف کریں گے.

ن لیگی کے اراکین سینیٹ چیئرمین سینیٹ سے کیوں ملے؟ ن لیگ نے بڑا فیصلہ کر لیا

دوسری جانب اپوزیشن کی طرف سے نامزد چیئرمین سینیٹ کے امیدوار میر حاصل بزنجو کی طرف سے اپوزیشن جماعتوں کے سینیٹرز کے اعزاز میں عشائیہ دیا جائے گا، مسلم لیگ ن کی نائب صدر مریم نواز نے بھی اس عشائیہ میں شرکت کا عندیہ دیا ہے، میر حاصل بزنجو کی جانب سے مریم نواز کو ٹیلیفون پر شرکت کی دعوت دی گئی ہے. یہ عشائیہ سرینا ہوٹل اسلام آباد میں دیا جائے گا،

 

چیئرمین سینیٹ نے ایسا جواب دیا کہ اپوزیشن کے سارے منصوبے ہوئے ناکام

واضح رہے کہ اپوزیشن جماعتیں چیئرمین سینیٹ کے خلاف تحریک سینیٹ سیکرٹریٹ میں جمع کروا چکی ہیں، اپوزیشن نے چیئرمین سینیٹ کے لئے حاصل بزنجو کو امیدوار نامزد کیا ہے، اب تحریک انصاف نے ڈپٹی چئرمین سینیٹ کو ہٹانے کے لئے تحریک جمع کروا لی ہے . اس سلسلہ میں حکومت کی اتحادی جماعتوں سے مشاورت کا سلسلہ جاری ہے .

دوسری جانب وزیر اعظم عمران خان نے پی ٹی آئی سینیٹرز سے واضح طور پر کہا ہے کہ ہم نے چیئرمین سینیٹ کے خلاف پیش کی گئی تحریک عدم اعتماد کو ہر صورت ناکام بنانا ہے اور جس طرح بجٹ‌ منظوری کے حوالہ سے اپوزیشن جماعتوں‌ کو کامیاب نہیں‌ ہونے دیا گیا اسی طرح سینیٹ چیئرمین کے خلاف ان کی تحریک عدم اعتماد بھی کسی صورت کامیاب نہیں‌ ہونے دی جائے گی.

چیئرمین سینیٹ کیخلاف اپوزیشن جماعتوں کے اجلاس میں کتنے سینیٹرز شریک ہوئے؟ اہم خبر

اپوزیشن نے صادق سنجرانی کو ہٹانے کی قرارداد اور سینیٹ کا اجلاس بلانے کی ریکوزیشن جمع کرائی۔ صادق سنجرانی کے خلاف تحریک عدم اعتماد کامیاب ہوئی تو نئے چیئرمین سینیٹ کے انتخاب کے لئے انتخاب خفیہ رائے شماری سے ہوگا۔

چیئرمین سینیٹ کی تبدیلی، ن اور پیپلزپارٹی کے اندر بغاوت کا خدشہ؟ اہم خبر

بھارتی فورسز کی جانب سے ایل او سی پر ایک بار پھر بلااشتعال فائرنگ کی گئی ہے جبکہ بھارتی فورسزکی جانب سے بھاری توپ خانے کا استعمال کیا گیا ہے،

باغی ٹی وی کی رپورٹ کے مطابق بھارتی فورسز نے شہری آبادی کونشانہ بنایا، بھارتی فورسز نے ڈنہ،دھدنیال،جورا،لیپا،شردا اور شاہکوٹ سیکٹرز کو نشانہ بنایا، بھارتی فورسز کی گولہ باری سےشہری نعمان احمدشہید ہوا ہے،

آئی ایس پی آر کی جانب سے بتایا گیا ہے کہ گولہ باری سے بچوں اورخواتین سمیت 9 شہری زخمی ہوئے ہیں، تمام زخمیوں کو ہسپتال منتقل کردیا گیا ہے، پاک فوج کی جانب سے بھارتی گولہ باری کا منہ توڑ جواب دیا گیا ہے جس سے 3 بھارتی فوجیوں کی ہلاکت اورمتعدد کے زخمی ہونےکی اطلاع ہے، جوابی کارروائی میں بھارتی چیک پوسٹوں کےتباہ ہونےکی بھی اطلاعات ہیں،