Category: اہم خبریں

آرمی چیف جنرل قمر جاوید باجودہ نے کہا ہے کہ معاشی خودمختاری کے بغیر کوئی دوسری خودمختاری ممکن نہیں ،ہم سب کو اپنی ذمہ داری نبھانے کی ضرورت ہے.

باغی ٹی وی کی رپورٹ کے مطابق ڈی جی آئی ایس پی آر میجر جنرل آصف غفور کا کہنا ہے کہ قومی معیشت پر نیشنل ڈیفنس یونیورسٹی میں سیمینار منعقد ہوا ،شرکا نےقومی معیشت کی ترقی کی راہ میں حائل چیلنجزسےنکلنے پرگفتگوکی .آرمی چیف مشکل ملکی معاشی حالات سےکامیابی سےنکلنے کیلئے پراُمید دکھائی دئیے.

آرمی چیف جنرل قمر جاوید باجوہ نے کہا کہ ملک کو مشکل معاشی حالات کا سامنا ہے،ہم سب کو مشکل حکومتی اقدامات کی کامیابی کیلئے ذمہ داری نبھاناہوگی،آرمی چیف کا مزید کہنا تھا کہ قومی اہمیت کےامورپرکھل کرگفتگوکرنےکی ضرورت ہے ،ملکی استحکام معاشی خودمختاری کے بغیر ممکن نہیں ،مشکل معاشی فیصلوں سے قوموں کی کامیابی کی مثالیں موجود ہیں، ہم سب کو اپنی ذمہ داری نبھانے کی ضرورت ہے،انہوں نے مزید کہا کہ ملک نہیں بلکہ خطے ترقی کرتے ہیں ،انشا اللہ ہم ان مشکلات سے سرخرو ہو کر نکلیں گے.

ڈائریکٹر جنرل نیب لاہور کی زیر صدارت ریجنل بورڈ میٹنگ کا انعقاد ہوا جس میں لاہور کے ڈپٹی پراسیکیوٹر جنرل، تمام ڈائریکٹرز اور دیگر سینئر افسران نے شرکت کی .

باغی ٹی وی رپورٹ کے مطابق ڈائریکٹر جنرل نیب لاہور کے زیر صدارت ریجنل بورڈ میٹنگ کا انعقاد ہوا جس میں لاہور کے ڈپٹی پراسیکیوٹر جنرل، تمام ڈائریکٹرز اور دیگر سینئر افسران نے شرکت کی .
بورڈ میٹنگ میں ایڈن ہائوسنگ پراجیکٹس کے مالکان و انتظامیہ کیخلاف کرپشن ریفرنس دائر کرنیکی منظوری دی گئی ریفرنس میں ایڈن ہائوسنگ مالکان ڈاکٹر امجد، مرتضی امجد، مصطفی امجد اور انجم امجد مبینہ مرکزی ملزمان نامزد قراردیے گئے میٹنگ میں بتایا گیا کہ ملزمان نے عوام سے مبینہ طور پر 18 ارب 96 کروڑ روپے وصول کئے بعدازاں ملک سے فرار ہوگئے

نیب لاہور میں کم و بیش 11000 متاثرین اپنے نقصان کے ازالے کےلئے درخواستیں جمع کروا چکے: ریفرنس حتمی منظوری کیلئے فوری طور پر نیب ہیڈکوارٹر ارسال کیا جائیگا: چیئرمین نیب جسٹس جاوید اقبال سے حتمی منظوری کے بعد ریفرنس احتساب عدالت لاہور میں دائر کر دیا جائیگا: میٹنگ میں ڈی جی نیب نے کہا کہ عوام کے مالی نقصان اور انہیں پہنچنے والی اذیت کے اصل زمہ دار ریگولیٹرز ہیں.انہوں نے کہا ڈویلپمنٹ اتھارٹیز اور رئیل اسٹیٹ ایجنٹس کی نگرانی کیلئے سخت قوانین بنانا ہونگے .ڈی جی نیب نے کہا کہ عوام کو پہنچنے والے نقصانات کے مکمل ازالہ تک چین سے نہیں بیٹھیں گے.

سپریم کورٹ نے معاہدہ کالعدم کرتے ہوئے رائل پام کنٹری کلب اراضی کو ریلوے کے حوالے کرنے کا فیصلہ دے دیا ، کمپنی کو تین ماہ کے اندر اندر اراضی پاکستان ریلوے کے حوالے کرنے کا حکم دیا ہے .

باغی ٹی وی رپورٹ کے مطابق سپریم کورٹ لاہوررجسٹری نےرائل پام کنٹری کلب معاہدےکوکلعدم قراردےدیا اور اراضی پاکستان ریلوے کے حوالے کرنے کا حکم دیا ہے.عدالت نے تین ماہ کا وقت دیا ہے کہ اس مدت کے اندر اندر زمین ریلوے کے حوالے کی جائے اور پاکستان ریلوے کو حکم دیا ہے کہ وہ بہترین انتظامات کرے

خیال رہے کہ گزشتہ برس اپریل میں احتساب کے قومی ادارے کی جانب سے رائل پام گالف کلب اسکینڈل کیس سے متعلق ریفرنس دائر کیا گیا تھا۔

نیب کی تحقیقات میں یہ بات سامنے آئی تھی کہ 2001 میں پاکستان ریلوے نے لاہور میں نہر کنارے اپنے گالف کلب کی اراضی 33 سالہ لیز کے لیے پیش کش کی تھی، جس کے لیے متعدد کمپنیوں نے بولیاں جمع کروائیں تھی، جس میں نجی کمپنی میکس کورپس بھی شامل تھی، تاہم بولی کے عمل کے دوران لیز کے دورانیے کو غیر قانونی طور پر 33 سے بڑھا کر 49 سال کردیا گیا۔

اس کے علاوہ پیش کش کی گئی کہ زمین کے رقبے کو بھی غیر قانونی طور پر ریلوے آفیسرز کالونی گرا کر 103 سے 140 ایکڑ کردیا گیا، لہٰذا پاکستان ریلوے کی زمین کا قیمتی ٹکرا غیر شفاف طریقے سے غیر قانونی طور پر لیز ہوا، جس کا مقصد غیر قانونی طریقے سے لیز رکھنے والے اور ایک نجی کمپنی مین لینڈ حسنین پاکستان لمیٹڈ کے مالک کو فائدہ پہنچانا تھا۔

نیب تحقیقات کے دوران یہ بات سامنے آئی تھی کہ ملزمان نے اختیارات کا غلط استعمال کرتے ہوئے 2001 میں تجارتی مقاصد کے لیے مین لینڈ حسنین پاکستان لمیٹڈ کو ریلوے گالف کلب کی 49 سالہ لیز اور 140 ایکڑ زمین غیر قانونی طور پر دے کر مبینہ طور پر کرپشن کی، جس کی وجہ سے قومی خزانے کو تقریباً 2 ارب 20 کروڑ روپے کا نقصان ہوا۔

افغانستان کے صدر اشرف غنی آج لاہور آئیں گے ، بادشای مسجد میں جمعہ ادا کریں گے، شاہی قلعہ کی سیر بھی کریں گے

افغان صدر اور وزیراعظم عمران‌ خان کی ملاقات، دو طرفہ تعلقات کی مضبوطی پر بات چیت

باغی ٹی وی کی رپورٹ کے مطابق افغانستان کے صدر اشرف غنی دو روزہ دورے پر پاکستان آئے ہیں، اشرف غنی آج لاہور آئیں گے ، وزیر اعلیٰ پنجاب افغان صدر کا استقبال کریں گے. افغان صدر کی لاہور آمد کے ھوالہ سے سیکورٹی کے سخت انتظامات کئے گئے ہیں

افغانستان کے صدر اشرف غنی سپیشل پرواز کے ذریعے اسلام آباد سے لاہور پہنچیں گے، افغانستان کے‌صدر اشرف غنی دن کو ساڑھے گیارہ بجے لاہور پہنچیں گے جہاں وزیراعلیٰ پنجاب استقبال کریں گے.

افغان صدر کی وزیراعظم ہاوس آمد، عمران خان نے کیا استقبال

افغان صدر بادشاہی مسجد میں نماز جمعہ ادا کریں گے، شاہی قلعہ کی سیر اور مزار اقبال پر بھی حاضری دیں گے،افغانستان کے حوالہ سے ہونے والی ایک کانفرنس میں بھی شرکت کریں گے،. لاہور میں مصروف دن گزارنے کے بعد رات 7 بجے سپیشل پرواز کے ذریعے کابل روانہ ہوجائیں گے۔

افغان صدر کی آمد کے پیش نظر ان کے بھرپور استقبال کی تیاریاں کر لی گئی ہیں مال روڈ کو وزیر اعظم عمران خان، وزیراعلیٰ پنجاب عثمان بزدار اور افغان صدر اشرف غنی کی تصاویر کے بینرز سے سجا دیاگیا ہے جبکہ بادشاہی مسجد کی جانب جانے والئے تمام راستوں پر بھی بینرز لگا دیے گئے ہیں

واضح رہے کہ افغانستان کے صدر اشرف غنی گزشتہ روز اسلام آباد پہنچے تھے ، پاکستان کے مشیر تجارت عبدالرزاق داود ،افغانستان کے پاکستان میں سفیرعاطف مشعال اور دفتر خارجہ کے حکام نے افغانستان کے صدر کا استقبال کیا تھا ،افغان صدر کو نورخان ائیر بیس پر اکیس توپوں‌ کی سلامی بھی دی گئی

پاکستان کےو زیر خارجہ شاہ محمود قریشی اور افغانستان کے صدر اشرف غنی کے مابین ملاقات ہوئی ہے، ملاقات میں دونوں ملکوں میں تجارت میں اضافے،معیشت اورسرمایہ کاری کے فروغ پر تبادلہ خیال کیا گیا، ملاقات میں مواصلات، توانائی،ثقافت اور عوامی روابط بہتربنانے پر خصوصی تبادلہ خیال کیا گیا ، ملاقات میں امن واخوت کے لیے وضع کردہ حکمت عملی کو عوام کی بہتری اور بہبود کےلیے بروئے کار لانے پر بھی اتفاق کیا گیا.

وزیراعظم عمران خان اور افغان صدر اشرف غنی نے بالخصوص تجارت، سیکورٹی اور عوامی سطح پر روابط سمیت مختلف شعبہ جات میں دوطرفہ تعلقات کو مضبوط بنانے پر توجہ مرکوز کی ہے۔

فرانس میں مسجد کے باہر نامعلوم کار سوار نے فائرنگ کر کے امام مسجد اور ایک شخص کو زخمی کر دیا جبکہ بعد میں اس نے خود کو بھی گولی مار کر خودکشی کر لی ہے. اس واقعہ کے بعد فرانسیسی وزیرداخلہ نے ملک بھر میں تمام عبادت گاہوں کے سکیورٹی سخت کرنے کے احکامات جاری کئے ہیں۔

باغی ٹی وی کی رپورٹ کے مطابق یہ واقعہ فرانس کے شہر برسٹ میں پیش آیا ہے جہاں‌ ایک مسجد کے باہر نامعلوم کار سوار شخص نے اچانک اندھا دھند فائرنگ کر دی. مذکورہ شخص کی فائرنگ سے امام مسجد اور ایک دوسرا شخص زخمی ہوگئے ہیں.

واقعہ کے بعد فرانسیسی پولیس حرکت میں آ‌گئی اور فائرنگ کرنے والے مجرم کا پیچھا کیا تاہم جیسے ہی حملہ آور نے دیکھا کہ وہ پکڑا جائے گا تو اس نے اپنے سر میں گولی مار کر خودکشی کر لی. میڈیا رپورٹس میں‌ بتایا گیا ہے کہ فرانس میں‌ ساحلی شہر بریسٹ میں سہہ پہر ساڑھے چار بجے کار سوار نے مسجد کے سامنے کھڑے افراد پر فائرنگ کی۔زخمیوں میں امام رشید ایل جے بھی شامل ہیں جنہیں رشید ابو حذیفہ بھی کہا جاتا ہے۔

مقامی پولیس کا کہنا ہےکہ وہ اس واقعہ سے متعلق تحقیقات کر رہی ہے اور حملہ آور سے متعلق جاننے کی کوشش کی جارہی ہے کہ وہ کون تھا، کہاں‌ سے آیا اور اس نے مسجد کے باہر فائرنگ کیوں‌کی؟.

واضح رہے کہ کچھ عرصہ قبل نیوزی لینڈ میں بھی ایک مسجد میں فائرنگ سے کئی لوگوں‌ کو شہید و زخمی کر دیا گیا تھا. مختلف مغربی ملکوں‌ میں انتہاپسندی کے ایسے واقعات دن بدن بڑھتے جارہے ہیں.

وزیر اعظم پاکستان عمران خان نے کہا ہے کہ ملک میں سب سے بڑا مسئلہ کرپشن کاہے.قوم فیصلہ کرے کہ ہم نے مل کر ملک کو اپنے پاؤ ں پر کھڑا کرناہے، ایف بی آر میں چھانٹی کرنی ہے اور اصلاحات کرنی ہیں، شبر زیدی کے ساتھ مل کر ایف بی آر میں اصلاحات کروں گا ، سابق حکمرانوں کی وجہ سے پاکستان میں ٹیکس کلچر نہیں بنا ، ہم عوام کے ٹیکس کا پیسہ ان پر لگائیں گے ، حکمرانوں کوقانون کے نیچے لانا ہوگا ،رشوت دینے والی قوم عظیم قوم نہیں بن سکتی۔

باغی ٹی وی کی رپورٹ کے مطابق اثاثہ جات اسکیم کے حوالے سے خصوصی گفتگوکرتے ہوئے عمران خان نے کہاکہ ملک پرحکومت کرنےوالوں کا رہن سہن دیکھیں، وزیراعظم آفس کا 30 کروڑ روپے کا خرچہ کم کیا، سسٹم سزا و جزا کی بنیاد پر چلتاہے، ان شاء اللہ ہم اس مشکل وقت سے نکل جائیں گے، سسٹم میں جو اصلاحات کریں گے اس سے حالات بہتر ہوں گے، قوموں کی زندگی میں ایسا وقت آتاہے، گھبرانے کی ضرورت نہیں ہے،

انہوں نے کہاکہ عوام سمجھتے ہیں ہمارے ٹیکس کا پیسہ ضائع جاتا ہے، ہم عوام کے ٹیکس کا پیسہ ان پر لگائیں گے، سابق حکمرانوں کی وجہ سے پاکستان میں ٹیکس کلچر نہیں بنا، شوکت خانم میں 75 فیصد لوگوں کا مفت علاج ہوتا ہے، ترقی یافتہ ممالک میں عوام کا پیسہ عوام پر خرچ ہوتا ہے۔انہوں نے کہا کہ عوام کو سابق حکمرانوں پر اعتماد نہیں تھا، لوگوں کو احساس دلانا ہے کہ عوام کا پیسہ ان پر خرچ ہوگا، عوام ٹیکس نہیں دیں گے تو قرضوں کی دلدل سے نہیں نکل سکتے، ہمیں مل کر ملک کو معاشی مشکلات سے نکالنا ہے، قوم فیصلہ کرے کہ ہم نے مل کر ملک کو اپنے پاو ں پرکھڑاکرناہے، کسی نے پاکستان میں اتنا پیسا اکٹھا نہیں کیا جتنا میں نے کیا ہے، پاکستانی دنیا میں سب سے زیادہ خیرات کرنیوالے 5ملکوں میں شامل ہے۔

عمران خان نے کہاکہ جب تک آمدن نہیں بڑھتی مسائل رہتے ہیں، مشکل وقت چل رہاہے، یہ ہونا ہی تھا، پاکستانی فوج نے اپنے اخراجات کم کرنے کا فیصلہ کیا، میں اپنے گھر میں رہتاہوں، سڑک ٹھیک کرانے کیلیے اپنا پیسا خرچ کیا،

ان کا کہنا تھا کہ ہم نے ایف بی آر کو ٹھیک کرنا ہے، 30 جون کے بعد آئندہ کا لائحہ عمل 48گھنٹوں میں سامنے لایا جائیگا،جب حکمران جماعت ٹیکس چوری کرتی ہے تو سب چوری کرتے ہیں،جب حکمران جوابدہ ہوتاہے تو ملک میں قانون آجاتاہے، ایف بی آرکو سابق کرپٹ حکمرانوں نے تباہ کیاہے،

انہوں‌نے کہاکہ جب قوم ارادہ کرلے تو کچھ بھی ناممکن نہیں ہوتاہے. لوگوں کو یقین دلاتاہوں کہ ٹیکس دیں گے تو ملک کے حالات بہتر ہوں گے.