وزیراعظم پاکستان عمران خان 20 جولائی کو امریکہ کا دورہ کریں گے.

باغی ٹی وی کی رپورٹ کے مطابق عمران خان امریکی صدر ڈونلڈ ٹرمپ سے بھی اہم ملاقات کریں‌ گے. اس موقع پر وزیر خارجہ شاہ محمود قریشی بھی ان کے ہمراہ ہوں‌ گے. عمران خان اپنے دورہ امریکہ کے دوران ڈونلڈ ٹرمپ سے اہم امور پر تبادلہ خیال کریں‌ گے.

باغی ٹی وی کی رپورٹ کے مطابق وزیراعظم عمران خان سعودی عرب، ایران ،ترکی و دیگر ممالک کے دوروں کے بعد اب امریکہ جانے کا فیصلہ کر لیا ہے. چند دن قبل وزیراعظم عمران خان سے پاکستان تحریک انصاف امریکہ کے سینئر رہنما سجاد برکی اور عاطف خان نے وزیراعظم چیمبر پارلیمنٹ ہاوس میں ملاقات کی تھی جس میں‌ وزیراعظم عمران خان کے آئندہ دورہ امریکہ سے متعلق تبادلہ خیال ہوا تھا.

وزیراعظم کا وزارت عظمیٰ کا حلف اٹھانے کے بعد پہلا دورہ امریکا ہو گا . واضح رہے کہ گزشتہ برس جب تحریک انصاف کی حکومت قیام میں آئی تھی اس وقت امریکی صدر ڈونلڈ ٹرمپ نے بیان دیا تھا کہ واشنگٹن نے اسلام آباد کو بہت کچھ دیا لیکن اس نے بدلے میں کچھ نہیں دیا.امریکی صدر کے بیان پر ردعمل دیتے ہوئے سماجی رابطے کی ویب سائٹ ٹوئٹر پرپیغام میں وزیر اعظم عمران خان نے کہا تھا کہ دہشت گردی کے خلاف جنگ میں پاکستان نے 75 ہزار جانیں قربان کیں اور معیشت کو ایک سو 23 ارب ڈالر کا نقصان بھی ہوا جبکہ امریکی امداد صرف 20 ارب ڈالر تھی۔ ستمبر 2001 کے حملے میں کوئی پاکستانی ملوث نہیں تھا لیکن پھر بھی پاکستان نے دہشت گردی کے خلاف عالمی جنگ میں امریکا کا ساتھ دینے کا فیصلہ کیا تھا۔ اس جنگ میں ہمارے قبائلی علاقے تباہ ہوئے جس کے نتیجے میں لاکھوں افراد بے گھر ہوئے، دہشت گردی کے خلاف اس جنگ نے پاکستانی عوام کی زندگیوں پر بدترین اثرات مرتب کیے .

پاکستانی وزیر خارجہ شاہ محمود قریشی نے کہا ہے کہ افغانستان میں امن و استحکام پاکستان اور خطے کی ترقی وخوشحالی سے جڑا ہوا ہے. ہم نے طور خم بارڈر 24 گھنٹے کھلا رکھنے کا فیصلہ کیا ہے۔

باغی ٹی وی کی رپورٹ کے مطابق شاہ محمود قریشی نے کہاکہ جلد پاکستانی مشیر تجارت عبد الرزاق داﺅد افغانستان کا دورہ کریں گے ۔ آنےو الے دنوں‌ میں تعلقات میں مزید استحکام آئے گا. انہوں نے کہاکہ پاکستان اور افغانستان نے ساتھ ملکر چلنے کا فیصلہ کیاہے جبکہ دونوں ملکوں‌کے درمیان تعلقات کو فروغ دینے پر اتفاق کیا گیا ہے.

واضح رہے کہ افغان صدر اشرف غنی نے وزیراعظم عمران خان سے ملاقات کی اور بالخصوص تجارت، سیکورٹی اور عوامی سطح پر روابط سمیت مختلف شعبہ جات میں دوطرفہ تعلقات کو مضبوط بنانے پر توجہ مرکوز کی ہے۔ دونوں رہنماﺅں کے درمیان ون ٹو ون ملاقات جمعرات کو وزیراعظم ہاﺅس میں ہوئی جس میں انہوں نے مشترکہ مذہب، ثقافت اور تاریخ سے عبارت برادرانہ تعلقات کی اہمیت کو اجاگر کیا۔ دونوں رہنماوں نے علاقائی امن و استحکام کو یقینی بنانے کیلئے مضبوط تعاون کی ضرورت پر زور دیا۔

بعدازاں دونوں رہنماﺅں نے وفود کی سطح پر مذاکرات کی قیادت کی جس میں تجارتی، سیاسی، معاشی، سلامتی، امن و مفاہمت، تعلیم و عوامی سطح پر تبادلوں سمیت وسیع تر شعبہ جات کا احاطہ کیا گیا۔

ہائیر ایجوکیشن کمیشن کے بجٹ میں 20 ارب کمی اور مستحق طلبا کے وظائف میں کٹوتی پر شہباز شریف کی حکومت پر شدید تنقید.

باغی ٹی وی رپورٹ کے مطابق مسلم لیگ ن کے صدراور قومی اسمبلی میں اپوزیشن لیڈرمیاں محمد شہباز شریف نے ہائر ایجوکیشن کا بجٹ 20 ارب روپے کم کرنے اور مستحق طلبا کے انڈوومنٹ وظائف میں کمی پر افسوس کا اظہار کرتے ہوئے  کہا ہے کہ نئے پاکستان کا نعرہ لگانے والوں نے ملک کے مستقبل کے ساتھ کھیلنا شروع کر دیا ہے،عمران خان کا دوراندیش نہ ہونا پاکستان کو پیچھے دھکیل دے گا۔س

وشل میڈیا پر اپنے ردعمل میں مسلم لیگ ن کے صدر محمد شہباز شریف نے کہا کہ ان کے دور میں ساڑھے 3 لاکھ طلبا کو انڈوومنٹ پروگرام کے تحت اسکالر شپس دی گئیں اور جنوبی پنجاب میں اسکولوں کے 6  لاکھ بچوں کو ماہانہ وظائف دئیے جاتے رہے۔ان کا کہنا تھا کہ عمران خان کے نظرئیے نے پاکستان کو پیچھے دھکیل دیا ہے، نئے پاکستان کا نعرہ لگانے والوں نے ملک کے مستقبل کے ساتھ ہی کھیلنا شروع کر دیا ہے۔وزیراعظم کو تنقید کا نشانہ بناتے ہوئے شہباز شریف کا کہنا تھا کہ عمران خان کا دوراندیش نہ ہونا پاکستان کو پیچھے دھکیل دے گا۔

وزیراعظم عمران خان اور افغان صدر اشرف غنی نے بالخصوص تجارت، سیکورٹی اور عوامی سطح پر روابط سمیت مختلف شعبہ جات میں دوطرفہ تعلقات کو مضبوط بنانے پر توجہ مرکوز کی ہے۔

باغی ٹی وی کی رپورٹ کے مطابق دونوں رہنماﺅں کے درمیان ون ٹو ون ملاقات جمعرات کو وزیراعظم ہاﺅس میں ہوئی جس میں انہوں نے مشترکہ مذہب، ثقافت اور تاریخ سے عبارت برادرانہ تعلقات کی اہمیت کو اجاگر کیا۔ دونوں رہنماوں نے علاقائی امن و استحکام کو یقینی بنانے کیلئے مضبوط تعاون کی ضرورت پر زور دیا۔

افغان صدر کی وزیراعظم ہاوس آمد، عمران خان نے کیا استقبال

بعدازاں دونوں رہنماﺅں نے وفود کی سطح پر مذاکرات کی قیادت کی جس میں تجارتی، سیاسی، معاشی، سلامتی، امن و مفاہمت، تعلیم و عوامی سطح پر تبادلوں سمیت وسیع تر شعبہ جات کا احاطہ کیا گیا۔

پاکستانی وفد میں وزیر خارجہ شاہ محمود قریشی، وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان، وزیر سائنس و ٹیکنالوجی چوہدری فواد حیسن، وزیر ریلوے شیخ رشید احمد، وزیراعظم کے معاون خصوصی برائے خزانہ ڈاکٹر حفیظ شیخ، وزیر مواصلات مراد سعید اور سیکرٹری خارجہ سہیل محمود شامل تھے۔

قبل ازیں افغانستان کے صدر اشرف غنی وزیراعظم ہاوس پہنچے جہاں انہیں گارڈ آف آنر دیا گیا ،افغان صدر کی آمد پر دونوں ممالک کے ترانے بھی بجائے گئے ،گارڈ آف آنر کے بعد وزیراعظم عمران خان نے پاکستانی وزراء کے ساتھ افغان صدر کا تعارف کروایا .

افغان صدر پاکستان پہنچ گئے، کس نے استقبال کیا؟ اہم خبر

قبل ازیں پاکستان کےو زیر خارجہ شاہ محمود قریشی اور افغانستان کے صدر اشرف غنی کے مابین ملاقات ہوئی ہے، ملاقات میں دونوں ملکوں میں تجارت میں اضافے،معیشت اورسرمایہ کاری کے فروغ پر تبادلہ خیال کیا گیا، ملاقات میں مواصلات، توانائی،ثقافت اور عوامی روابط بہتربنانے پر خصوصی تبادلہ خیال کیا گیا ، ملاقات میں امن واخوت کے لیے وضع کردہ حکمت عملی کو عوام کی بہتری اور بہبود کےلیے بروئے کار لانے پر بھی اتفاق کیا گیا.

پاکستان کے وزیر خارجہ شاہ محمود قریشی نے اس موقع پر کہا کہ اشرف غنی کے دورہ سےدونوں ملک مزید قریب آئیں گے ،دورے سے دوطرفہ تعلقات کے استحکام میں مددملےگی ،افغان صدر اشرف غنی نے افغان امن عمل میں پاکستان کی کاوشوں کو سراہا

قبل ازیں افغانستان کے‌صدر اشرف غنی دو روزہ دورے پر اسلام آباد پہنچ گئے، پاکستان کے مشیر تجارت عبدالرزاق داود ،افغانستان کے پاکستان میں سفیرعاطف مشعال اور دفتر خارجہ کے حکام نے افغانستان کے صدر کا استقبال کیا.

افغان صدر کو نورخان ائیر بیس پر اکیس توپوں‌ کی سلامی بھی دی گئی

آج کے میچ میں بھارت نے ویسٹ انڈیز کے خلاف ٹاس جیت کر پہلے بیٹنگ کا فیصلہ کیا ہے۔میچ کے آغآز میں ہی ویسٹ انڈیز کو 22 کے رنز پر کامیابی ملی جب اپنر روہت شرما آؤٹ ہوئے. 13 اوورز کا کھیل ہو چکا ہے

تفصیلات کے مطابق آج کے میچ میں بھارت نے ویسٹ انڈیز کے خلاف ٹاس جیت کر پہلے بیٹنگ کا فیصلہ کیا ہے۔میچ کے آغآز میں ہی ویسٹ انڈیز کو 22 کے رنز پر کامیابی ملی جب اوپنر روہت شرما آؤٹ ہوئے. آج ایک اہم میچ کرکٹ ورلڈ کپ کا ہونے جا رہا ہے. 12ویں عالمی کپ میں ابھی تک کی ناقابل شکست ٹیم بھارت آج کے میچ میں فتح حاصل کرنے کی صورت میں سیمی فائنل کے جانب اپنی پیش قدمی جاری رکھے گی۔مانچسٹر کے اولڈ ٹریفورڈ گراؤنڈ میں آج ہورہے بھارت ویسٹ انڈیز میچ میں بارش کا کوئی امکان موجود نہیں ہے۔

واضح رہے کہ ایونٹ میں ویسٹ انڈیز کُل 6 میچوں میں سے اب تک ایک ہی میچ میں کامیابی حاصل کر سکی ہے جبکہ بھارت نے 5 میچز میں سے 4 میں کامیابی حاصل کی ہوئی ہے جبکہ اس کا ایک میچ بارش کی وجہ سے بے نتیجہ رہا تھا۔

پرویز مشرف کیخلاف سنگین غداری کیس کی سماعت ملتوی ہو گئی.

تفصیلات کے مطابق خصوصی عدالت میں ججز کے نہ آنے پر سابق صدر پرویز مشرف کے خلاف سنگین غداری کیس کی سماعت ملتوی کر دی گئی۔گزشتہ سماعت پر عدالت نے وزارتِ قانون کو وکلاء کا پینل فراہم کرنے کی ہدایت کی تھی۔
خصوصی عدالت کے رجسٹرار راؤ عبدالجبار نے یہ کہہ کر کہ پینل ابھی تک فراہم نہیں کیا گیا، سنگین غداری کیس کی آئندہ سماعت 23 جولائی تک ملتوی کر دی۔

گزشتہ سماعت پر عدالت نے پرویز مشرف کی مسلسل غیر حاضری پر ان کا دفاع کا حق ختم کر دیا تھا۔
سابق حکمران جماعت مسلم لیگ نون نے پرویز مشرف کے خلاف آئین شکنی کا مقدمہ درج کیا تھا، یہ مقدمہ 3 نومبر 2007ء کو آئین معطل کر کے ایمرجنسی لگانے پر درج کیا گیا تھا، کیس میں 2014ء میں پرویز مشرف پر فردِ جرم عائد کی گئی تھی۔
سابق صدر پرویز مشرف کے خلاف آئین شکنی سمیت 4 مقدمات ہیں جن میں مختلف عدالتوں نے اُنہیں نہ صرف اشتہاری قرار دیا ہوا ہے بلکہ ان کی جائیداد کی قرقی کے احکامات بھی جاری کر رکھے ہیں۔

پرویز مشرف نے اس شرط پر وطن واپس آنے پر رضامندی ظاہر کی تھی کہ سپریم کورٹ اُن کو تمام مقدمات میں ضمانت دے۔
واضح رہے کہ اس سے قبل سنگین غداری کیس پرویز مشرف کی بریت اورالتواء کی درخواستیں مسترد.کرنے ہوئے فیصلہ سنا دیا،وزارت قانون ان وکلا کے فیس شیڈول کے بارے میں رپورٹ پیش کرے،عدالت نے کہا کہ ملزم پیش نہیں ہوتاتوکیس ختم کرنےکی درخواست کوناقابل سماعت سمجھتے ہیں،سپریم کورٹ کے احکامات پرعمل درآمد کیا جائےگا

امریکہ کی دھمکی کا جواب دیتے ہوئے ایران نے کہا ہے کہ ایران کو نیست و نابود کرنا امریکہ کے بس کی بات نہیں‌ہے

باغی ٹی وی رپورٹ کے مطابق ایرانی وزیر خارجہ محمد جواد ظریف نے امریکی صدر ڈونالڈ ٹرمپ کی دھمکیوں کے جواب میں کہا ہے کہ ایران کو نیست و نابود کرنا امریکہ کے بس کی بات نہیں۔

جواد ظریف نے اس بات کا اظہار تیران میں سی این این کے ایک نمائندے کے سوال کے جواب میں کہی ۔
ایرانی وزیر خارجہ نے کہا کہ ٹرمپ کو یہ خوش فہمی ہے کہ وہ ایران کو نیست و نابود کر دیں گے البتہ یہ اسی وقت ممکن ہوسکتا ہے کہ جب امریکہ ممنوعہ اسلحے کا استعمال کرے۔

انہوں نے کہا کہ ایران ہر قسم کی جارحیت کا جواب دینے کےلیے تیار ہے ،ہم جنگ نہیں چاہتے ،صدر ٹرمپ کو یہ یاد رکھنا چاہیئے کہ وہ جنگی دھمکیوں کا جو اظہار کر رہے ہیں وہ اقوام متحدہ کے معاہدوں کی خلاف ورزی ہے، کئی ہفتوں سے امریکی انتظامیہ ہمارے خلاف زہر اگل رہی ہے بالخصوص روحانی لیڈر پر لگی پابندیاں ایران عوام کے خلاف حقارت کا درجہ رکھتی ہیں۔

واضح رہے کہ ایک دن قبل ٹرمپ نے ایران کو دھمکی دی تھی کہ اگر وہ اپنے عزائم سے باز نہ آیا تو اس کو صفحہ ہستی سے مٹا دیں گے.

انڈونیشیا کے والدین ٹیکنالوجی سے اس قدر متاثر ہیں کہ انہوں نے اپنے بیٹے کا نام گوگل رکھ دیا۔

باغی ٹی وی رپورٹ کےمطابق . انڈونیشیا کے صوبے جاوا میں والدین کی طرف سے اپنے نو مولود بیٹےکا عجیب و غریب نام رکھ دیا گیا .یقینی طور پر یہ حیران کن بات ہے مگر انڈونیشیا کے مغربی صوبے جاوا سے تعلق رکھنے والی خاتون ایلا کارین اور آندی چایا کے ہاں دوسرے بچے کی ولادت ہوئی۔

میڈیا رپورٹس کے مطابق آندی چایا ٹیکنالوجی سے اس قدر متاثر ہیں کہ انہوں نے تین ماہ تک اپنے بیٹے کا کوئی نام نہیں رکھا اور پھر اُس کا نام ’’گوگل‘‘ رکھ کر سرکاری سطح پر رجسٹرڈ بھی کروالیا۔

والد کا کہنا ہے کہ ’’میں چاہتا ہوں میرا بیٹا گوگل کے سرچ انجن کی طرح ہماری اور دیگر لوگوں کی مدد اور رہنمائی کرے‘‘۔ آندی کہتے ہیں کہ وہ ٹیکنالوجی سے اس قدر متاثر ہیں کہ اگر اُن کے گھر مستقبل میں بچوں کی پیدائش ہوئی تو وہ ’’ونڈوز، آئی فون، مائیکروسافٹ، آئی او ایس‘‘ جیسے نام رکھیں گے۔

آندی نے اس بات کی وضاحت دیتے ہوئے کہا کہ ’’اب ہم جدید دور میں جی رہے ہیں جب ہماری زندگیاں مکمل تبدیل ہوگئیں تو وہی پرانے ناموں کی روایت بھی ختم کرنی چاہیے، اب جدید سائنس کے حساب سے ہی لوگوں کو اپنے بچوں کے نام رکھنے چاہیں‘‘۔

والد کا کہنا تھا کہ بچے کا نام صرف گوگل ہے اُس کے ساتھ کوئی نام جوڑا نہیں گیا۔ والدہ کہتی ہیں کہ اُن کی خواہش ہے بیٹا گوگل کی طرح کئی لوگوں کا رہنما بنے تاکہ سب کو فائدہ ہو۔

والدین نے بچے کا پیدائشی سرٹیفیکٹ بھی حاصل کرلیا جس میں اُس کا نام ’’گوگل‘‘ ہی درج ہے۔