Category: اہم خبریں

وزیر اعظم پاکستان عمران خان کی جانب سے شروع کیے جانے والے سٹیزن پورٹل پر 6 لاکھ 80 ہزار افراد کی شکایات پر ان کامعاملہ حل کیا گیا ہے.

شکایات کے ازالے کی بات کی جائے تو؛

موصول ہونے والی 8 لاکھ شکایات میں سے 6 لاکھ 80 ہزار نمٹائی جاچکی ہیں۔ عوام کو صحیح معنوں میں بااختیار بنانا اسی کو کہتے ہیں۔ یہی تو ہے نیا پاکستان۔ https://t.co/FHwljiuaUQ

— Imran Khan (@ImranKhanPTI) June 18, 2019

باغی ٹی وی کی رپورٹ‌ کے مطابق سوشل میڈیا سائٹ ٹویٹر پر وزیر اعظم عمران خان کی جانب سے کہا گیا ہے کہ اگر شکایات کے ازالہ کی بات کی جائے تو موصول ہونے والی 8 لاکھ شکایات میں سے 6 لاکھ 80 ہزار نمٹائی جاچکی ہیں۔ عوام کو صحیح معنوں میں بااختیار بنانا اسی کو کہتے ہیں۔ یہی تو ہے نیا پاکستان۔

وزیر اعظم عمران خان کا کہنا تھا کہ ان کی جانب سے شروع کیے جانے والے سٹیزن پورٹل کے لانچ کو 8 ماہ ہوچکے ہیں اور اس دوران اس پر 10 لاکھ لوگوں نے اپنی رجسٹریشن کرائی جو لوگوں کے سٹیزن پورٹل کے شروع کئے گئے اس نظام اور اس کی افادیت پر اعتماد کا اظہار ہے۔ انہوں‌نے کہاکہ یہ ایسا ذریعہ ہے کہ عوامی عہدوں پر بیٹھے لوگوں تک پہنچنے کیلئے کسی بیورو کریٹ یا سیاسی سفارش کی ضرورت نہیں ہے۔ ان کا کہنا تھا کہ درحقیقت یہ عوامی طاقت کی سچی ترجمانی اور نیا پاکستان ہے۔

واضح‌ رہے کہ سٹیزن پورٹل پر شکایات درج کروانے کا تیز رسپانس دیکھنے میں‌ آیا ہے، مختلف لوگوں کا بھی یہی کہنا ہے کہ سیہاں‌ شکایت درج کروانے پر بہت جلد عمل درآمد کیا جاتا ہے.

باغی ٹی وی کو ذرائع سے معلوم ہوا ہے کہ وزیر اعلیٰ سندھ سید مراد علی شاہ، پیپلز پارٹی کے مرکزی رہنما خورشید شاہ اور انور سیال کی آئندہ چوبیس گھنٹوں میں گرفتاری متوقع ہے تاہم نیب کی جانب سے ان اطلاعات کی تصدیق نہیں کی گئی۔

باغی ٹی وی کے ذرائع کے مطابق آئندہ چوبیس گھنٹوں میں مذکورہ رہنماﺅں کوکسی بھی وقت حراست میں لیا جاسکتا ہے ۔ باغی ٹی وی نے اس سلسلہ میں جب قومی احتساب بیورو( نیب )سے نوٹس جاری کرنے سے متعلق کنفرم کرنے کی کوشش کی گئی تو نیب کے ذرائع نے اس کی تصدیق نہیں کی۔

واضح رہے کہ نیب کی طرف سے حالیہ دنوں میں کرپشن کے خلاف مہم تیز کر دی گئی ہے۔ چند دن قبل سابق صدر آصف علی زرداری کو بھی حراست میں لیا گیا ہے جبکہ شہباز شریف، حمزہ شہبازاور دیگر لیڈروں کے خلاف بھی مختلف الزامات پر تحقیقات کا سلسلہ جاری ہے۔ ادھروزیر اعظم عمران خان نے انکوائری کمیشن بنانے کابھی اعلان کیا ہے اور واضح طور پر کہا ہے کہ وہ ملک سے کرپشن کو ہر صورت ختم کر رہے ہیں گے۔

ذرائع کے مطابق نیب کی جانب سے اگر پیپلز پارٹی کے رہنماﺅں خورشید شاہ، سید مراد علی شاہ اور انور سیال کو حراست میں لیا جاتا ہے تو اپوزیشن میں شامل جماعتوں کا احتجاج مزید زور پکڑے گا جو رواں ماہ حکومت مخالف تحریک کے حوالہ سے آل پارٹیز کانفرنس بلانے کی تیاری کر رہی ہیں۔ اپوزیشن جماعتوں کی جانب سے یہ الزامات بھی لگایا جارہا ہے کہ انہیں دباﺅ میں لانے کیلئے گرفتاریاں کی جارہی ہیں۔

وزیراعظم پاکستان عمران خان سے قومی سلامتی کے ادارے آئی ایس آئی کے نومنتخب سربراہ لیفٹیننٹ جنرل فیض حمید نے ملاقات کی ہے جس میں پیشہ وارانہ امور پر تبادلہ خیال کیا گیا۔

باغی ٹی وی کی رپورٹ کے مطابق لیفٹیننٹ جنرل فیض حمید حال ہی میں‌ پاک فوج میں‌ اعلیٰ‌ سطحی تبادلوں کے دوران آئی ایس آئی کے نئے سربراہ منتخب ہوئے ہیں. اسی طرح لیفٹیننٹ جنرل ساحر شمشاد مرزا جی ایچ کیو میں ایڈجوٹیننٹ جنرل، لیفٹیننٹ جنرل عامر عباسی کوارٹرز ماسٹر جنرل اور لیفٹیننٹ جزل معظم اعجاز جی ایچ کیو میں انجینئر ان چیف کو تعینات کیا گیا ہے. آئی ایس آئی کے نومنتخب سربراہ لیفٹیننٹ جنرل فیض حمید، لیفٹیننٹ جنرل عاصم منیر کی جگہ لیں گے جو آٹھ ماہ تک اس عہدے پر فائز رہے۔ لیفٹیننٹ جنرل عاصم منیر کو اکتوبر 2018ء میں یہ ذمہ داری سونپی گئی تھی اور اب انھیں کور کمانڈر گوجرانوالہ بنا دیا گیا ہے۔

آئی ایس آئی کے سربراہ جنرل فیض حمید کو اسی سال اپریل میں لیفٹیننٹ جنرل کے عہدے پر ترقی ملی تھی اور ڈی جی آئی ایس آئی تعیناتی سے قبل وہ جی ایچ کیو میں ایڈجوٹنٹ جنرل کے عہدے پر فائز تھے۔ لیفٹیننٹ‌ جنرل فیض‌ حمید کی آئی ایس آئی کے سربراہ کا عہدہ سنبھالنے کے بعد وزیر اعظم عمران خان سے ان کی پہلی ملاقا ت ہے. اس ملاقات کو بہت اہمیت کی نگاہ سے دیکھا جارہا ہے.

وزیر اعظم عمران خان نے لیفٹیننٹ جنرل فیض‌ حمید کو آئی ایس آئی چیف کا عہدہ سنبھالنے پر انہیں‌ مبارکباد بھی دی.

چیئرمین پاکستان پیپلز پارٹی بلاول بھٹوزرداری نے اپوزیشن لیڈر میاں‌ شہباز شریف سے اپوزیشن چیمبر میں ملاقات کی ہے.

باغی ٹی وی کی رپورٹ کے مطابق ملاقات میں پیپلز پارٹی کے مرکزی رہنما خورشید شاہ اور راجہ پرویز اشرف بھی شریک ہوئے جبکہ اسی طرح‌ مسلم لیگ ن کی جانب سے خواجہ محمد آصف، رانا تنویراور مریم اورنگزیب نے شرکت کی.

ملاقات کے دوران حکومت مخالف تحریک کے حوالہ سے رواں‌ ماہ کے اختتام پر بلائی جانے والی مجوزہ اے پی سی، پارلیمانی اور بجٹ امور سمیت پروڈکشن آرڈرز پر بات چیت ہوئی.

واضح‌ رہے کہ قبل ازیں‌ قومی اسمبلی اجلاس میں اپوزیشن لیڈر شہبازشریف کی تقریر کے دوران حکومتی ارکان کی جانب سے شور شرابا کیا جاتا رہا جبکہ پیپلز پارٹی کے اراکین آصف زرداری کے پروڈکشن آرڈر جاری کرنے کا مطالبہ کرتے رہے. اس دوران احسن اقبال اور بعض‌ دیگر اراکین اسمبلی موبائل سے ویڈیو بھی بناتے رہے جس پر ڈپٹی اسپیکر اسمبلی نے انہیں‌ منع کیا اور کہا کہ اسمبلی میں موبائل سے ویڈیو بنانے کی اجازت نہیں‌ ہے. ایوان میں‌ کوئی موبائل کا استعمال نہیں‌ کر سکتا.

حکومتی ارکان نے شہباز شریف کے قریب آنے کی کوشش کی تو اپوزیشن ارکان نے انہیں اپنے حصار میں لے لیا۔ قاسم خان سوری نے ارکان اسمبلی کو موبائل فون سے ویڈیوز بنانے سے باز رہنے کی بھی تنبیہ کی۔ ڈپٹی اسپیکر نے حکومتی ارکان کو کئی بار خاموش ہونے اور نشستوں پر بیٹھنے کا کہا لیکن حکومتی ارکان نے ہنگامہ آرائی جاری رکھی جس پر قاسم خان سوری نے اجلاس کچھ دیر کیلیے ملتوی کردیا تھا.

آرمی چیف جنرل قمر جاوید باجوہ نے نیشنل ڈیفنس یونیورسٹی کا دورہ کیا اور نیشنل یونیورسٹی اور وارکورس کے شرکاء سے خطاب کیا. اس موقع پر انہوں نے قومی سلامتی کو درپیش اندرونی و بیرونی چیلنجز کو اجاگرکیا،

باغی ٹی وی کی رپورٹ کے مطابق جنرل قمر جاوید باجوہ نے اپنے خطاب میں کہاکہ چیلنجزسےنبردآزماہونےکیلئےموثرحکمت عملی وقت کاتقاضاہے، پاک فوج عوامی حمایت کےساتھ ملکی دفاع کافریضہ اداکرتی رہےگی،

انہوں نے کہاکہ پاک فوج دیگرریاستی اداروں سےتعاون کرکےان خطرات سےنمٹنےکیلئےتیارہے، پاک فوج ملکی سلامتی ودفاع کے لیے پرعزم ہے، قومی سلامتی کو درپیش اندرونی و بیرونی خطرات کے مقابلہ کیلئے تیا رہیں. ان کا کہنا تھا کہ پاک فوج قومی حمایت سےملک کا دفاع اورسیکیورٹی کا فریضہ اداکرتی رہےگی. پاک فوج ملک کے دفاع اور سیکیورٹی کا عزم کیے ہوئےہے. ہر قسم کا خطرہ جامع قومی جواب کا تقاضہ کرتاہے. پاک فوج ریاست کےدوسرے اداروں سےملکر اس جواب کیلیے مکمل طورپرمصروف عمل ہے.

وزیر اعظم پاکستان کی معاون خصوصی فردوس عاشق اعوان نے کہا ہے کہ اپوزیشن لیڈر شہباز شریف نے 45 ملین روپے صرف اپنی ذاتی تشہیرپر خرچ کرلیے، وزیراعظم پرانگلیاں اٹھانے والےٹولےکو آنکھیں نیچی رکھنی چاہئیں.

باغی ٹی وی کی رپورٹ کے مطابق فردوس عاشق اعوان نے کہاکہ انگلیاں اٹھانےوالوں کاپورا کاپورا خاندان سرکاری خرچےپر پل رہاتھا.
قوم کو اصلاح کا درس دینے والے عوام کے ٹیکس کا پیسا خرچ کرتے رہے، انہوں نے کہاکہ اقوام متحدہ میں راج کماری اور نواز شریف کی نواسی تک جاتے رہے، وزیر اعظم عمران خان نے کفایت شعاری مہم اپنی ذات سے شروع کی.

فردوس عاشق اعوان کا کہنا تھا کہ وزیراعظم چاہتے ہیں قوم مشکل وقت میں ساتھ دے. واضح رہے کہ ماضی کے وزیراعظم نے 15-2014 میں 88 کروڑ کا بجٹ استعمال کیا. قوم کو اصلاح‌ کا درس دینے والے عوام کے ٹیکسوں‌ کا پیسہ خرچ کرتے رہے. واضح رہے کہ حالیہ دنوں‌ میں‌ سیاسی ماحول بہت گرم ہے اور حکومتی اور اپوزیشن لیڈروں کی جانب سےا یک دوسرے کے خلاف سخت بیان بازی کی جارہی ہے.

قومی اسمبلی اجلاس میں اپوزیشن لیڈر شہبازشریف کی تقریر کے دوران حکومتی ارکان کی جانب سے شور شرابا کیا جاتا رہا جبکہ پیپلز پارٹی کے اراکین آصف زرداری کے پروڈکشن آرڈر جاری کرنے کا مطالبہ کرتے رہے.

باغی ٹی وی کی رپورٹ کے دوران بعض اراکین اسمبلی موبائل سے ویڈیو بھی بناتے رہے جس پر ڈپٹی اسپیکر اسمبلی نے انہیں‌ بار بار منع کیا اور کہا کہ اسمبلی میں موبائل سے ویڈیو بنانے کی اجازت نہیں‌ ہے. ایوان میں‌ کوئی موبائل کا استعمال نہیں‌ کر سکتا.

حکومتی ارکان نے شہباز شریف کے قریب آنے کی کوشش کی تو اپوزیشن ارکان نے انہیں اپنے حصار میں لے لیا۔ قاسم خان سوری نے ارکان اسمبلی کو موبائل فون سے ویڈیوز بنانے سے باز رہنے کی بھی تنبیہ کی۔ ڈپٹی اسپیکر نے حکومتی ارکان کو کئی بار خاموش ہونے اور نشستوں پر بیٹھنے کا کہا لیکن حکومتی ارکان نے ہنگامہ آرائی جاری رکھی جس پر قاسم خان سوری نے اجلاس 20 منٹ کےلیے ملتوی کردیا۔

اجلاس کے دوران اراکین کی جانب سے شور شرابہ اور ہنگامہ آرائی پر ڈپٹی اسپیکر اسمبلی نے ایوان کی کاروائی 20 منٹ کیلئے ملتوی کر دی. واضح رہے کہ اپوزیشن لیڈر شہباز شریف اسمبلی میں‌ تقریر کر رہے ہیں اور اجلاس میں‌ بجٹ پر بحث ہونا ہے. اس سے قبل دو مرتبہ قومی اسمبلی کا اجلاس ہنگامہ آرائی کی وجہ سے ملتوی کیا جاچکا ہے.