Category: اہم خبریں

وزیراعظم عمران خان سے ایران کے وزیر خارجہ جواد ظریف نے ملاقات کی ہے.

باغی ٹی وی کی رپورٹ کے مطابق وزیر اعظم عمران خان نے ایران کے وزیر خارجہ جواد ظریف نے وزیر اعظم ہاوس میں ملاقات کی ،اس موقع پر وزیر خارجہ شاہ محمود قریشی بھی ملاقات میں موجود تھے، وزیر اعظم سے ملاقات کے دوران پاک ایران دو طرفہ تعلقات پر بات چیت ہوئی .ایرانی وزیر خارجہ نے اس سے قبل پاکستانی وزیر خارجہ شاہ محمود قریشی سے ملاقات تھی، انہوں نے وزرات خارجہ کا دورہ کیا تھا، ایرانی وزیر خارجہ پاکستان پہنچے تو ایرانی سفیر مہدہ ہنر دوست اور وزارت خارجہ کے افسران نے ان کا استقبال کیا.

واضح رہے کہ منصب سنبھالنے کے بعد ایرانی وزیر خارجہ جواد ظریف تیسری بار پاکستان آئے ہیں، اب انہوں نے ایک ایسے وقت میں پاکستان کا دورہ کیا ہے جب امریکہ ایران کی لفظی جنگ جاری ہے ،امریکہ ایران کو حملے کی دھمکیاں دے رہا ہے اور ایران بھی جواب دینے کے لئے تیار ہے.

وزیر اعظم عمران خان نے کوئٹہ میں مسجد میں بم دھماکے کی شدید مذمت کرتے ہوئے رپورٹ طلب کر لی، گورنر پنجاب ،وزیراعلیٰ پنجاب نے بھی دھماکے کی مذمت کی ہے.

باغی ٹی وی کی رپورٹ کے مطابق کوئٹہ کے علاقے پشتون آباد میں جمعہ کی نماز کے وقت دھماکہ ہوا جس پر وزیر اعظم عمران خان نے واقعہ کی شدید مذمت کی ہے اور صوبائی حکومت سے واقعہ کی رپورٹ طلب کر لی ہے، وزیر اعظم نے زخمیوں کو بہترین طبی امداد کی فراہمی کی ہدایت بھی کیں اور زخمیوں کی جلد صحت یابی کی دعا بھی کی . گورنر پنجاب چودھری سرور نے بھی کوئٹہ دھماکہ کی مذمت کرتے ہوئے کہا کہ رمضان المبارک کے مقد س مہینے میں دہشت گردوں کی جمعہ کے بابرکت دن کوئٹہ کی مسجد میں دہشت گردی اسلام اور پاکستان دشمنی کی بزدالانہ کاروائی ہے یہ دہشت گردی عوام کی روح اور اساس پر حملہ ہے ہمارے دل رنج کی وجہ سے چھلنی ہیں سیکورٹی فورسز دہشت گردی کے خاتمے تک چین سے نہیں بیٹھیں گی ،

رمضان المبارک کے مقد س مہینے میں دہشت گردوں کی جمعہ کے بابرکت دن کوئٹہ کی مسجد میں دہشت گردی اسلام اور پاکستان دشمنی کی بزدالانہ کاروائی ہے یہ دہشت گردی عوام کی روح اور اساس پر حملہ ہے ہمارے دل رنج کی وجہ سے چھلنی ہیں سیکورٹی فورسز دہشت گردی کے خاتمے تک چین سے نہیں بیٹھیں گی

— Mohammad Sarwar (@ChMSarwar) May 24, 2019

وزیراعلیٰ پنجاب سردار عثمان بزدارنے کوئٹہ کے علاقے پشتون آباد میں مسجد میں دھماکے کی مذمت کی ہے اور قیمتی انسانی جانوں کے ضیاع پر دکھ اورافسوس کا اظہارکیا ہے .

واضح رہے کہ کوئٹہ کے علاقے پشتون آباد میں ہونیوالے دھماکے میں امام مسجد مولانا عطاء الرحمان سمیت دو افراد شہید ہو ئے .

باغی ٹی وی کی رپورٹ کے مطابق جمعہ کے وقت نمازی مسجد میں جمع تھے ،مسجد رحمانیہ میں دھماکہ ہوا جس کے نتیجے میں امام مسجد مولانا عطاء الرحمان سمیت دو افراد شہید ہو گئے جبکہ پندرہ افراد زخمی ہوئے جن میں سے تین زخمیوں کی حالت تشویشناک ہے، تمام زخمیوں کو ہسپتال منتقل کر دیا گیا ہے. دھماکے سے قریبی عمارتوں کے شیشے بھی ٹوٹ گئے ہیں.کوئٹہ کی رحمانیہ مسجد میں نماز جمعہ کے وقت دھماکہ ہوا جس کے بارے میں بم ڈسپوزل اسکواڈ کا کہنا ہے کہ دھماکا خیزمواد مسجد کےاندرمنبرکےقریب رکھا گیا تھا، بم ڈسپوزل اسکواڈ کے مطابق پشتون آباد دھماکےمیں دو سےڈھائی کلو دھماکا خیز مواد استعمال کیاگیا ہے

وفاقی وزیر داخلہ اعجاز احمد شاہ نے کہا ہے کہ گھناونی سازش کے تحت بلوچستان کے حالات خراب کئے جا رہے ہیں

باغی ٹی وی کی رپورٹ کے مطابق وفاقی وزیر داخلہ اعجاز شاہ نے کوئٹہ دھماکے پر گفتگو کرتے ہوئے کہا کہ گھناؤنی سازش کےتحت بلوچستان،ملک میں امن کی صورتحال خراب کرنیکی کوشش کی جارہی ہے،وفاقی وزیر داخلہ کا کہنا تھا کہ عدم استحکام پیدا کرنے والوں کا مقابلہ پوری طاقت سےکیاجائےگا،ایسےواقعات کرانےوالےامن اورقوم کے دشمن ہیں.

واضح رہے کہ کوئٹہ کے علاقے پشتون آباد میں ہونیوالے دھماکے میں امام مسجد مولانا عطاء الرحمان سمیت دو افراد شہید ہو ئے .

باغی ٹی وی کی رپورٹ کے مطابق جمعہ کے وقت نمازی مسجد میں جمع تھے ،مسجد رحمانیہ میں دھماکہ ہوا جس کے نتیجے میں امام مسجد مولانا عطاء الرحمان سمیت دو افراد شہید ہو گئے جبکہ پندرہ افراد زخمی ہوئے جن میں سے تین زخمیوں کی حالت تشویشناک ہے، تمام زخمیوں کو ہسپتال منتقل کر دیا گیا ہے. دھماکے سے قریبی عمارتوں کے شیشے بھی ٹوٹ گئے ہیں.

واضح رہے کہ پاکستان کے صوبہ بلوچستان کے شہر کوئٹہ میں جمعہ کو ایک بار پھر دہشت گردوں نے وار کیا ہے.

پاکستان کے دوست ملک چین کے نائب صدر وانگ کشان تین روزہ سرکاری دورے پر 26 مئی کو پاکستان پہنچیں گے.

باغی ٹی وی کی رپورٹ کے مطابق چین کے نائب صدر تین روزہ دورے پر پاکستان آ رہے ہیں. ترجمان دفتر خارجہ کا کہناہے کہ چین کے نائب‌صدر وانگ کشان 26 مئی کو پاکستان آئیں گے اور 28 مئی کو واپس چین روانہ ہوں گے،. چینی نائب صدر پاکستان کے وزیر اعظم اور صدر مملکت سمیت دیگر حکام سے ملاقاتیں کریں گے.اس دوران دونوں ممالک میں معاہدوں پر دستخط اور مختلف منصوبوں کے بھی افتتاح ہوں گے.

واضح رہے کہ چین پاکستان میں سی پیک منصوبے پر کام کر رہا ہے، گزشتہ دنوں چینی باشندوں کی پاکستانی لڑکیوں سے شادیوں کی خبریں بھی سامنے آئیں جن کے حوالہ سے کہا گیا کہ چینی باشندے شادی کر کے پاکستانی لڑکیوں‌ کے اعضا نکال لیتے ہیں . چین نے اس کی تردید کی تھی تا ہم کچھ کیسز ایسے سامنے آئے ہیں، پاکستان میں ایف آئی اے نے کاروائی کرتے ہوئے متعدد چینی باشندوں کو گرفتار کیا ہے.

سپریم کورٹ آف پاکستان کے چیف جسٹس نے ایک کیس کی سماعت کے دوران کہا ہے کہ نیب ڈیلیں کرتا ہے اور ہم ڈیلیں نہیں فیصلے کرتے ہیں

باغی ٹی وی کی رپورٹ کے مطابق بے نامی اکائونٹس کیس میں سپریم کورٹ نے محمد نواز کے فیصلے کے خلاف نیب کی اپیل مسترد کر دی. ٹرائل کورٹ نے نواز شریف کو سات سال قید کی سزا سنائی تو ہائیکورٹ نے سزا کالعدم قرار دے دی تھی. نیب نے ہائیکورٹ کے فیصلے کے خلاف سپریم کورٹ میں اپیل کی تھی جس پر سپریم کورٹ نے بھی نواز کے خلاف اپیل مسترد کر دی ،کیس کی سماعت کے دوران چیف جسٹس نے ریمارکیس دیتے ہوئے کہا کہ ہائیکورٹ نےشواہد کو مدنظر رکھتےہوئے فیصلہ کیا،نیب نے اپنےریفرنس میں لکھا کہ محمدنواز نے کوئی اکاؤنٹ نہیں کھولا،دو اکاؤنٹ محمد نواز کے بھائیوں کے تھے،ایڈیشنل پراسیکیوٹر نیب نے کہا کہ اکاؤنٹ میں18 لاکھ 90 ہزارکی رقم کیش جمع کرائی گئی اور قومی خزانے کو نقصان پہنچایا گیا، جس پر چیف جسٹس نے کہا کہ کوئی شواہدنہیں کہ نوازکےاکاؤنٹ تھےاورقومی خزانے کونقصان پہنچا، ایڈیشنل نیب پراسیکیوٹرنے کہا کہ ایک ڈیل کرتے ہیں،میں پیرا گراف پڑھتاہوں جرم ثابت نہ ہوا تو میں چپ کرجاؤں گا، جس پر چیف جسٹس نے کہا کہ نیب ڈیلیں کرتا ہوگا ہم ڈیلیں نہیں فیصلے کرتے ہیں.

ایران کے وزیر خارجہ دو روزہ دورے پر پاکستان آئے ہیں ، پاکستانی ہم منصب شاہ محمود قریشی سے انہوں نے ملاقات کی ہے

باغی ٹی وی کی رپورٹ کے مطابق ایران کے وزیر خارجہ جواد ظریف دو روزہ دورے پر پاکستان آئے ہیں وہ اسلام آباد پہنچے تو پاکستانی حکام نے ان کا استقبال کیا ، ایرانی وزیر خارجہ پاکستان کی سول و عسکری قیادت سے ملاقات کریں گے، ایرانی وزیرخارجہ سے پاکستانی ہم منصب شاہ محمود قریشی نے ملاقات کی ہے ایران کے وزیر خارجہ جواد ظریف وفد کے ہمراہ وزارتِ خارجہ آئے. وزارتِ خارجہ پہنچنے پر ،وزیر خارجہ مخدوم شاہ محمود قریشی نے معزز مہمانوں کا خیر مقدم کیا .وزارت خارجہ میں وفود کی سطح پر ہونے والے مذاکرات میں پاک ایران تعلقات، علاقائی سلامتی سمیت دیگر باہمی دلچسپی کے معاملات پر تبادلہ خیال کیا جائے گا۔ اس موقع پر شاہ محمود قریشی نے کہا کہ خطے میں کشیدگی کسی کے مفاد میں نہیں،پاکستان تمام تصفیہ طلب امورکو سفارتی سطح پر حل کرنے کا حامی ہے،

واضح رہے کہ منصب سنبھالنے کے بعد ایرانی وزیر خارجہ جواد ظریف تیسری بار پاکستان آئے ہیں، اب انہوں نے ایک ایسے وقت میں پاکستان کا دورہ کیا ہے جب امریکہ ایران کی لفظی جنگ جاری ہے ،امریکہ ایران کو حملے کی دھمکیاں دے رہا ہے اور ایران بھی جواب دینے کے لئے تیار ہے.

عمران خان کی حکومت آنے کے بعد برٹس ائیر وزیز نے 11 برس بعد پاکستان کے لئے فلائٹ آپریشن بحال کرنے کا فیصلہ کیا ہے.

باغی ٹی وی کی رپورٹ کے مطابق برٹس ائیر ویز نے 11 برس بعد پاکستان کے لئے آپریشن بحال کرنے کا فیصلہ کیا ہے، برٹش ائیر ویز اسی سال ماہ جون یعنی اگلے ماہ سے آپریشن شروع کرے گی اور پہلی پرواز3 جون کو لندن ہتھروایئر پورٹس سے مسافروں کو لے کراسلام آبادآئے گی۔ وفاقی وزیر ہوابازی غلام سرور خان نے سامجی رابطے کی ویب سائٹ ٹویٹر پر اپنے پیغام میں برٹش ایئر ویزکی جانب سے پاکستان کیلیے فلائٹ آپریشن شروع کرنے کی تصدیق کرتے ہوئے کہا کہ برٹش ایئرویز 11 سال بعد اپنی فلائٹ آپریشن دوبارہ شروع کرنے جا رہے ہیں برٹش ایئر ویز ابتدائی طور پر اسلام آباد سے ہفتہ وار 3 پروازیں چلانے کی خواہشمند ہے۔ مسافروں کو لے کر برٹش ایئرویز کی پہلی پرواز3 جون کو صبح 9 بجے لندن سے اسلام آباد آئے گی اور 2گھنٹے بعداسلام آباد سے لندن کیلیے روانہ ہوگی .