Category: اہم خبریں

سی ای او پی آئی اے خرم مشتاق نے کہا ہے کہ آئندہ سال 8 طیارےقومی ائیرلائن کے بیڑے میں شامل ہونگے۔

قومی اسمبلی کی قائمہ کمیٹی برائے ایوی ایشن کا اجلاس چیئرمین کمیٹی نوابزادہ افتخار کی زیر صدارت ہوا ،اجلاس میں ممبران شریک ہوئے جبکہ سی ای او قومی ائیرلائن نے بریفنگ دی،اجلاس کے دوران کمیٹی چیئرمین نے ارکان سے کہا کہ سی ای او قومی ائیرلائن نئے آئے ہیں، ان کے سامنے سوالات رکھ دیں،بیرسٹر عقیل ملک نے سوال کیا کہ قومی ائیرلائن اگلےمہینےنئے جہاز خرید رہا ہےتو کیا لانگ رینج جہاز خریدےجائیں گے؟ پچھلےتین سال میں قومی ائیرلائن کے کتنے ملازمین بیرون ملک فرار ہوئے ہیں؟ ملازمین بیرون ملک پناہ نہ لیں، اس کے لیے کیا اقدامات کیے گئے؟سی ای او قومی ائیرلائن نے جواب دیا کہ آئندہ سال تک 8 نئے 777 طیارے قومی ائیرلائن کے بیڑے میں شامل ہونگے، 4 سال بعد یورپی یونین کی پابندی ختم ہوگئی ہے، پیرس میں ہمیں ٹرمینل 3 ملا ہے، یورپ جانے والےٹرمینل تک قومی ائیرلائن کو رسائی ملے گی توکنکٹنگ فلائٹ بھی جاسکے گی، اسلام آباد سے پیرس کے لیے ہفتہ وار 2 پروازیں چلائی جائیں گی، ائیر فرانس کے معاہدےکی وجہ سے یورپی مسافروں کوبھی سہولت ملے گی، ایس پی ایس معاہدےکے تحت پیرس کے ساتھ دیگریورپی ممالک کےسفرکی سہولت بھی ملے گی۔

ممبر کمیٹی مہرین بھٹو نے اجلاس میں کہا کہ قومی ائیرلائن کی فوڈ کوالٹی پر تو الگ سے کمیٹی ایجنڈا ہوگا ، ممبر شریف خان نے کہا کہ قومی ائیر لائن میں فلائٹ اسٹاف کا رویہ بہت تضحیک آمیز ہوتا ہے، اس موقع پر سی ای او نے جواب دیا کہ قومی ائیرلائن کی فلائٹس میں فوڈ کوالٹی بہتر بنا دی ہے،چیئرمین کمیٹی نے ائیرپورٹ ڈویلپمنٹس پر 4 رکنی ذیلی کمیٹی بناتے ہوئے کہا کہ ذیلی کمیٹی ائیرپورٹس کی ڈویلپمنٹ اور جاری کام پر پیشرفت رپورٹ دے گی۔

ٹریول ایجنٹس نے آج تک قومی ایئرلائن کوکتنا نقصان پہنچایا،تفصیلات طلب
اجلاس میں قومی ائیرلائن کے ملازمین کی تعداد، پروموشن اورپوسٹنگ سے متعلق تفصیلات ممبران کوپیش کی گئی،کمیٹی ممبر رمیش لال نے بتایا کہ قومی ائیرلائن کےکچھ ملازمین کی 10سال سے پروموشن نہیں ہوئی، مکمل بریفنگ دی جائے تاکہ معلوم ہو کیا کیا جا رہا ہے،اجلاس میں اراکین نے سوال کیےکہ قومی ائیرلائن کے ایئرمارشل (ر) سی ای او تھےتو کتنی پروازیں تھیں اور اب کتنی ہیں؟ ایک ممبر نے کہا کہ ٹریول ایجنٹس نے آج تک قومی ایئرلائن کوکتنا نقصان پہنچایا، تفصیلات آئندہ میٹنگ میں فراہم کی جائیں۔ چیئرمین کمیٹی نے حکام کو ہدایت کی کہ اگلے اجلاس میں اس پر دوبارہ بریفنگ دی جائے۔

قائمہ کمیٹی ایوی ایشن نے ملتان کے فلائنگ کلب کے عہدیداروں کو طلب کر لیا
قومی اسمبلی قائمہ کمیٹی ایوی ایشن کے چیئرمین نوابزادہ افتخار نے اگلے اجلاس میں ملتان کے فلائنگ کلب کے عہدیداروں کو طلب کر لیا،کمیٹی اجلاس میں ملتان فلائنگ کلب کے آڈٹ سے متعلق ایجنڈا زیرِ بحث لایا گیا،ممبر کمیٹی رمیش لال نے اس دوران کہا کہ فلائنگ کلب ملتان کے ڈی جی کے پیش نہ ہونے پر کیا کارروائی ہونی چاہیے،ممبر کمیٹی مہرین رزاق بھٹو نے اجلاس کے دوران سوال اٹھایا کہ فلائنگ کلب ملتان کے آڈٹ کو بغیر ضوابط کیوں کرایا گیا؟ فلائنگ کلب میں تربیت پانے والے بچے اب متاثر ہو رہے ہیں کیونکہ سروس نہیں دی جا رہی، یہ تو نہیں ہو سکتا کہ ہر کام نیب اور ایف آئی اے کے حوالے ہو جائے۔

سیکریٹری ایوی ایشن نے کہا کہ فلائنگ کلب وزارت ہوا بازی کے تحت کام کرتے ہیں، فلائنگ اسکولز کو بہتر کرنے کی ضرورت ہے،ہ بچوں نے لاکھوں روپے فیس بھری تو ان کو ٹریننگ کیوں نہیں مل رہی، یہ دیکھنا ہو گا، ابھی بھی آپ کے پاس حل نہیں ہے، آج تو ذیلی کمیٹی کی سفارشات آنا تھیں، میرا مدعا ہے کہ بچوں کو فیس واپس کرنے کے بجائے ٹریننگ مکمل کرائی جائے،ہم ایک ماہ میں فلائنگ اسکولز کے نئے رولز بنا کر کمیٹی کو پیش کریں گے، مریدکے میں ایئرپورٹ اتھارٹی نے اپنی فنڈنگ سے فلائنگ اسکول بنایا جو 15 جنوری کو فعال ہو جائے گا، ملک کو نئے پائلٹس کی اشد ضرورت ہے، ملتان فلائنگ کلب ٹرسٹ ہے تو اس پر ٹرسٹیز کا معاملہ بھی دیکھنا ہو گا۔

اجلاس کے دوران ڈی جی سول ایوی ایشن نے کہا کہ سول ایوی ایشن نے ایئر لائنز کے لیے پائلٹ ٹریننگ اور فراہمی کی نئی پالیسی بنائی ہے جو پیش کی جائے گی،چیئرمین کمیٹی نوابزادہ افتخار نے کہا کہ اگلا اجلاس ملتان میں ہوگا اور وہاں فلائنگ کلب کے عہدیدار پیش ہوں۔

کراچی سے اسلام آباد،پی آئی اے پرواز میں فنی خرابی،ہنگامی لینڈنگ

سحر کامران کا پی آئی اے کی نجکاری میں ناقص مارکیٹنگ پر تشویش کا اظہار

آئندہ پی آئی اے نیلامی میں بہتر نتائج سامنے آئیں گے،وزیر قانون

راولپنڈی: سانحہ 9 مئی کے دوران جی ایچ کیو پر حملے کے کیس کی سماعت میں اہم پیشرفت ہوئی ہے، جس میں عدالت نے ملزم بلال اعجاز کو چارج شیٹ جاری کر دی ہے۔ ساتھ ہی عدالت نے ملزم عاصم اور شہیر سکندر کا اشتہار جاری کرنے کی ہدایت بھی دی ہے۔

انسداد دہشت گردی عدالت میں سانحہ 9 مئی کے دوران جی ایچ کیو پر ہونے والے حملے کی سماعت ہوئی، جس میں ملزم بلال اعجاز پر فرد جرم عائد کر دی گئی ہے۔ عدالت نے اس موقع پر ملزم عاصم اور شہیر سکندر کے بارے میں حکم جاری کیا کہ ان کا اشتہار شائع کیا جائے تاکہ ان کی گرفتاری عمل میں لائی جا سکے۔اس کے علاوہ، عدالت نے سی سی ٹی وی فوٹیج اور ویڈیو،آڈیو ریکارڈنگ فراہم کرنے کی درخواستوں کو مسترد کر دیا۔ پاکستان تحریک انصاف (پی ٹی آئی) کے بانی اور دیگر رہنماؤں کی جانب سے فوٹیج کی فراہمی کے لیے درخواستیں دائر کی گئی تھیں، جنہیں عدالت نے مسترد کر دیا۔ عدالت کا کہنا تھا کہ ان درخواستوں پر کوئی کارروائی نہیں کی جا سکتی اور اس حوالے سے درخواست گزار پنجاب حکومت سے رجوع کر سکتے ہیں۔ عدالت نے مزید کہا کہ محکمہ داخلہ اور عدالت کو دوسرے معاملات میں مداخلت کا اختیار نہیں۔عدالت نے کیس کی سماعت 6 جنوری 2024 تک ملتوی کر دی۔

واضح رہے کہ 9 مئی 2023 کو پی ٹی آئی کے کارکنوں اور رہنماؤں نے ملک بھر میں احتجاج کیا تھا جس کے دوران جی ایچ کیو پر حملہ کیا گیا تھا۔ اس حملے کے بعد ملک بھر میں شدید تشویش اور تنقید کی لہر دوڑ گئی تھی، اور اس مقدمے میں ملزمان کی گرفتاری اور قانونی کارروائی کا عمل جاری ہے۔

جی ایچ کیو راولپنڈی کیس: قید کی سزا پانے والے 2 مجرم اڈیالہ جیل منتقل

جی ایچ کیو حملہ کیس، زین قریشی سمیت مزید 3 ملزمان پر فرد جرم عائد

جی ایچ کیو حملہ کیس،عمران خان و دیگرکی بریت درخواستیں خارج

وزیراعظم پاکستان، شہباز شریف نے کہا ہے کہ پاکستان کا نیو کلیئر پروگرام 24 کروڑ عوام کا ہے اور اس پر کسی قسم کا سمجھوتہ نہیں کیا جائے گا۔

وفاقی کابینہ کے اجلاس سے خطاب کرتے ہوئے انہوں نے اس عزم کا اعادہ کیا کہ پاکستان اپنے دفاعی حقوق کی حفاظت کے لئے کسی بھی دباؤ یا غیر قانونی پابندیوں کو تسلیم نہیں کرے گا۔وزیراعظم نے واضح طور پر کہا کہ پاکستان کے نیو کلیئر پروگرام کی بنیاد ملک کے عوام کی حفاظت اور قومی سلامتی پر ہے، اور اس پر کسی بھی نوعیت کا سمجھوتہ نہیں کیا جائے گا۔ انہوں نے اس عزم کا اظہار کیا کہ پاکستانی عوام کے تحفظ اور سالمیت کے لئے ملک کے نیو کلیئر پروگرام کو ہر قیمت پر محفوظ رکھا جائے گا۔شہباز شریف نے مزید کہا کہ پاکستان کے خلاف عالمی سطح پر جو مذموم کوششیں کی جا رہی ہیں، وہ ہرگز کامیاب نہیں ہوں گی۔

انہوں نے دہشت گردی کی بڑھتی ہوئی لہر پر تشویش کا اظہار کرتے ہوئے کہا کہ گزشتہ چند ماہ سے دہشتگرد ی کے واقعات میں اضافہ ہواہے.چند دن پہلے خوارجیوں کے حملے میں 17 اہلکار شہید ہوئے.سکیورٹی فورسز نے 8 خوارج کوجہنم واصل کیا.سپہ سالار خودوہاں گئے اور خاندانوں کا حوصلہ بڑھایا. دہشتگردی کا مکمل خاتمےکئے بغیرمعاشی استحکام کےثمرات حاصل نہیں ہو سکتے.دہشتگردی کا بھرپور مقابلہ کیا جارہاہے.ملک سے دہشتگردی کے مکمل خاتمے تک چین سے نہیں بیٹھیں گے.پاکستان کے خلاف مذموم کوششیں کامیاب نہیں ہونے دیں گے. دہشت گردی کا خاتمہ ملکی ترقی اور معاشی استحکام کے لئے ضروری ہے۔ ان کا کہنا تھا کہ دہشت گردی جو دوبارہ سر اٹھا رہی ہے، اس کو کچلنے تک حکومت چین سے نہیں بیٹھے گی اور ملک کے اندر دہشت گردوں کے خلاف آپریشن جاری رکھا جائے گا۔انہوں نے اس بات پر بھی زور دیا کہ پاکستان کا دفاعی نظام کسی جارحیت کے لئے نہیں بلکہ صرف اپنے دفاع کے لئے ہے، اور اس میں کسی بھی قسم کی کمی یا کمزوری نہیں آنے دی جائے گی۔ وزیراعظم کا کہنا تھا کہ پاکستانی فوج اور سیکیورٹی ادارے اپنے قومی مفادات کے تحفظ کے لئے ہمیشہ تیار ہیں اور کسی بھی بیرونی خطرے کا مقابلہ کرنے کے لئے پوری قوم ایک ساتھ ہے۔

وزیراعظم نے اس موقع پر امریکی پابندیوں کو بھی مسترد کرتے ہوئے کہا کہ پاکستان کے نیو کلیئر پروگرام کے حوالے سے لگائی گئی پابندیاں بے بنیاد اور غیر منصفانہ ہیں۔ ان کا کہنا تھا کہ پاکستان کے دفاعی اقدامات عالمی قوانین کے مطابق ہیں اور اس حوالے سے کسی بھی ملک کو پاکستان کی خودمختاری پر سوال اٹھانے کا حق نہیں ہے۔نیشنل ڈیفنس کمپلیکس اور دیگراداروں پرپابندیوں کا کوئی جوازنہیں.پاکستان کا دفاعی پروگرام جارحیت کیلئے ہرگزنہیں،ہمارامقصداپنادفاع ہے.وزارت خارجہ نے لگائی جانے والی پابندیوں پرجامع جواب دیاہے. جوہری پروگرام پاکستان کے عوام کوعزیزہے،اس پر کوئی سمجھوتہ نہیں ہوسکتا.پاکستان کے جوہری پروگرام پرپوری قوم یکسواورمتحد ہے.

امید ہے حکومتی اور پی ٹی آئی کمیٹیوں کی ملاقات مفید رہے گی،وزیراعظم
وزیراعظم شہباز شریف کا مزید کہنا تھا کہ پی ٹی آئی کے ساتھ مذاکرات کے لئے تشکیل دی گئی کمیٹی کا ایک اجلاس ہوا ہے.دونوں کمیٹیوں کی دوسری ملاقات 2 جنوری کو ہوگی.ذاتی پسند کے بجائے قومی مفادات کو مد نظر رکھنا چاہئے.ایسے اقدامات سے ملکی معیشت کا پہیہ رواں دواں رہےگا.امید ہے حکومتی اور پی ٹی آئی کمیٹیوں کی ملاقات مفید رہے گی.قومی یکجہتی اور اتحاد کو فروغ دینے کی کوششیں کارگر ثابت ہونگی.پالیسی ریٹ میں مزید 2 فیصد کمی کی گئی ہے.مہنگائی کی شرح میں کمی اور برآمدات میں اضافہ ہورہاہے.بنگلہ دیش کے چیف ایڈوائزر ڈاکٹر یونس سے قاہرہ میں ملاقات اچھی رہی.بنگلہ دیش کی قیادت نے اچھے جذبے کا اظہار کیاہے.انڈونیشیااور ترکیہ کے صدورسے بھی مفیدملاقاتیں ہوئی ہیں

پاکستان کا میزائل ، ایٹمی پروگرام امن اور تحفظ کی ضمانت ہے،تابش قیوم

پاکستانی میزائل پروگرام،امریکی دھمکیاں،قوم یکجا

میزائل پروگرام،پابندیاں،امریکہ پاکستانی خود مختاری کا پاس رکھے،تجزیہ:شہزاد قریشی

جنرل حمید گل (ر) کے صاحبزادے اور چئیرمین تحریک جوانان پاکستان عبداللہ حمید گل نے کہا ہے کہ پی ٹی آئی دھوکے کے علاوہ اور کیا دے سکتی ہے

365 نیوز کے پروگرام کھرا سچ میں سینئر صحافی و اینکر پرسن مبشر لقمان کے سوال کے جواب میں عبداللہ حمید گل کا کہنا تھا کہ پی ٹی آئی کیا دے سکتی ہے حکومت کو، تحریک انصاف دھوکہ دینے کے علاوہ کیا دے سکتی ہے؟ قوم کو دھوکہ، کشمیریوں کو دھوکہ، 1 کروڑ نوکریوں کا دھوکہ، 50 لاکھ گھروں کا دھوکہ،پی ٹی آئی ایک دفعہ پھر دھوکہ دینے کیلئے تیار بیٹھی ہے، یہ ہمیشہ یوٹرن لیتے ہیں، یوٹرک تھوک کر چاٹنے کے مترادف ہے ،کیا قرآن میں یوٹرن ہے نفی، اسکا مطلب ہے کہ یوٹرن جھوٹے کی نشانی ، پاکستان کبھی بھی کمزور نہیں ہوا، پاکستان عالم اسلام میں اولین کردار ادا کر رہا ہے، ہمارا کردار اب بڑھ رہا ہے کیونکہ ہم اپنی منزل کی جانب بڑھ رہے ہیں، پاکستان ہمیشہ سے لیڈر تھا، عالم اسلام کے اندر، دنیا کے اندر پاکستان کا ممتاز مقام ہے، دنیا کے فیصلوں‌کو مرکز و محور پاکستان تھا اور رہے گا، کون تھا جو اس میں رخنہ ڈال رہا تھا اس پر بات کی جائے، جو بھنگڑے ڈال رہے تھے کہ پاکستان میں پابندیاں لگ گئیں، ان پابندیوں میں بھی پاکستان نے دفاعی کام کیا، میزائل بنائے،پاکستان پر اب براہ راست جنگ مسلط نہیں کی جا سکتی تھی، اسلئے اندرونی طور پر پاکستان کے اندر لوگوں کو بھڑکایا گیا، سیاسی جماعتوں کو سوشل میڈیا کا استعمال کیا گیا، لوگوں کے ذہنوں کو بدلا گیا،

مبشر لقمان کا کہنا تھا کہ میری جب دوستی ہوتی تھی تو بانی پی ٹی آئی نے مجھے وزیراعظم ہاؤس بلایا،اور کہا کہ لقمان کیا میں یوٹرن لیتا ہوں،جس پر میں نے کہا کہ نہیں، عمران نے کہا ٹی وی پر کیوں نہیں کہتے،جس پر میں نے کہا کہ یو آرآن راؤنڈ اباؤٹ ،تم تو ایک ہی جگہ گول گھومے جا رہے ہو،

کھرا سچ کے میزبان،مبشر لقمان، کا واٹس ایپ چینل جوائن کریں

مبشر لقمان کی وزیر داخلہ محسن نقوی پر تنقید،رانا ثناء اللہ کے دور سے موازنہ

سپریم کورٹ پر حملہ کرنے والوں کو سزا مل جاتی تو نومئی نہ ہوتا، مبشرلقمان

بشریٰ کا خطاب،عمران خان تو”وڑ” گیا. مبشر لقمان

اسلام آباد احتساب عدالت ،190 ملین پاؤنڈ ریفرنس کیس ،بانی پی ٹی آئی اور بشری بی بی کے خلاف محفوظ شدہ فیصلہ نہ سنایا جا سکا

سماعت احتساب عدالت کے جج ناصر جاوید رانا نے کی ،وکیل خالد چوہدری نے کہا کہ ہم توقع کر رہے ہیں آج فیصلہ آئیگا،جج احتساب عدالت نے کہا کہ فیصلہ تو آج نہیں آئیگا،چھٹیاں آرہی ہیں اور ہائیکورٹ کا کورس بھی ہے،دس منٹ تک تاریخ معلوم کر لیجئے گا، احتساب عدالت کے جج ناصر جاوید رانا نے دلائل سننے کے بعد 18 دسمبر کو سینٹرل جیل اڈیالہ میں فیصلہ محفوظ کیا تھاجو آج سنایا جانا تھا تاہم آج نہیں سنایا گیا

بانی پی ٹی آئی اور بشری بی بی کے خلاف 190 ملین پاؤنڈ ریفرنس کے فیصلے کا معاملہ ، 190 ملین پاؤنڈ ریفرنس کا فیصلہ 6 جنوری تک مؤخر کر دیا ،کیس کی سماعت احتساب عدالت کے جج ناصر جاوید رانا نے کی،بانی پی ٹی آئی اور بشری بی بی کی جانب سے وکیل خالد یوسف چوہدری ایڈووکیٹ عدالت میں پیش ہوئے،نیب کے پراسیکیوٹر سہیل عارف عدالت میں پیش ہوئے،عدالت نے کچھ دیر بعد محفوظ فیصلے کی نئی تاریخ مقرر کر دی، احتساب عدالت 190 ملین پاؤنڈ ریفرنس پر 6 جنوری کو اڈیالہ جیل میں فیصلہ سنائے گی،احتساب عدالت نے 18 دسمبر کو 190 ملین پائونڈ ریفرنس پر فیصلہ محفوظ کیا تھا،عدالت نے پہلے 23 دسمبر کو 190 ملین پاؤنڈ ریفرنس کا فیصلہ سنانے کی تاریخ مقرر کی تھی

یہ ریفرنس تقریباً ایک سال قبل دائر کیا گیا تھا اور اس دوران قومی احتساب بیورو (نیب) نے 35 گواہان کے بیانات ریکارڈ کرائے۔ ان گواہان میں اہم شخصیات شامل ہیں جیسے کہ سابق پرنسپل سیکرٹری اعظم خان، سابق وزیراعلیٰ خیبرپختونخوا پرویز خٹک، اور سابق وفاقی وزیر زبیدہ جلال، جنہوں نے اس کیس میں اپنے بیانات ریکارڈ کرائے۔190 ملین پاؤنڈ ریفرنس میں گزشتہ سال 27 فروری کو فرد جرم عائد کی گئی تھی۔نیب نے اس مقدمے کی تحقیقات کے دوران اس بات کو ثابت کرنے کی کوشش کی کہ ملزمان نے اپنے مالی اثاثے چھپانے کی کوشش کی تھی اور انہوں نے غیر قانونی ذرائع سے دولت حاصل کی تھی۔ بانی پی ٹی آئی کے وکلا نے گواہان پر جرح کی اور ان کے بیانات کو چیلنج کیا۔

190 ملین پاؤنڈ کیس ،نیب نےعمران خان اور دیگر ملزمان کے خلاف ریفرنس دائرکیا تھا،ریفرنس میں چیئرمین پی ٹی آئی کے علاوہ بشری بی بی، فرح گوگی، شہزاد اکبر اور دیگر شامل ہیں،ملزمان میں زلفی بخاری، بیرسٹر ضیاء اللہ مصطفٰی نسم ،ملک ریاض اور علی ریاض شامل ہیں، نیب راولپنڈی کی جانب سے دائر ریفرنس میں کل 8 ملزمان کے نام شامل ہیں،ڈپٹی پراسیکیوٹر جنرل سردار مظفر عباسی نے تفتیشی افسر میاں عمر ندیم کے ہمراہ ریفرنس دائر کیا

واضح رہے کہ نیب نے 23 نومبر کو عمران خان کو القادر ٹرسٹ کیس میں گرفتار کیا تھا، نیب نے عمران خان سے جیل میں تحقیقا ت کی ہیں

قومی احتساب بیورو (نیب) کے مطابق ملک کے معروف بزنس ٹائیکون نے سابق وزیرِاعظم عمران خان اور ان کی اہلیہ کو القادر ٹرسٹ یونیورسٹی کے لیے جہلم میں 458کنال 4 مرلے اور 58 مربع فٹ زمین عطیہ کی جس کے بدلے میں مبینہ طور پر عمران خان نے بزنس ٹائیکون کو 50 ارب روپے کا فائدہ پہنچایا تھا۔ اکتوبر 2022 میں نیب نے تحقیقات شروع کردی تھی۔ نیب دستاویزات کے مطابق 3 دسمبر 2019ء کو عمران خان کی زیرِ صدارت کابینہ اجلاس میں بزنس ٹائیکون کو برطانیہ سے ملنے والی 50 ارب روپے کی رقم بالواسطہ طور پر واپس منتقل کرنے کا فیصلہ ہوا تھا۔ رقم این سی اے کی جانب سے پراپرٹی ٹائیکون ملک ریاض سے منی لانڈرنگ کے الزامات پر ضبط کی گئی تھی۔

عمران خان نے ریئل اسٹیٹ ڈویلپر کے حوالے سے کابینہ کے فیصلے کے چند ہفتوں کے اندر القادر یونیورسٹی پروجیکٹ کے لیے ٹرسٹ رجسٹر کیا تھا جو بعد میں یونیورسٹی کے لیے ڈونر بن گیا۔ نیب کی طرف سے جاری کردہ بیان کے مطابق ٹرسٹ کی رجسٹریشن سے صرف 3 ہفتے پہلے عمران خان کی کابینہ نے نیشنل کرائم ایجنسی کے ذریعے پاکستان کو ملنے والی رقم واپس ملک ریاض کو بالواسطہ طور پر واپس کرنے کا فیصلہ کیا تھا۔نیب راولپنڈی نے اس معاملے میں کرپشن اور کرپٹ پریکٹسز کا نوٹس لیتے ہوئے نیب آرڈیننس 1999 کے تحت پرویز خٹک، فواد چوہدری اور شیخ رشید سمیت 3 دسمبر 2019 کی کابینہ اجلاس میں موجود تمام ارکان کو علیحدہ علیحدہ تاریخوں پر طلب کیا تھا۔2019 میں برطانیہ کی نیشنل کرائم ایجنسی (این سی اے) نے بزنس ٹائیکون کے خلاف تحقیقات کیں اور پھر تحقیقات کے نتیجے میں بزنس ٹائیکون نے تصفیے کے تحت 190 ملین پاؤنڈ کی رقم این سی اے کو جمع کروائی۔ اس تصفیے کے نتیجے میں حاصل ہونے والی 190 ملین پاؤنڈز کی رقم ریاستِ پاکستان کی ملکیت ہے جسے پاکستان منتقل کردیا گیا۔

تاہم پاکستان میں پہنچنے پر کابینہ کے فیصلے کے تحت رقم قومی خزانے کے بجائے سپریم کورٹ کے اکاؤنٹ تک پہنچی جس میں بزنس ٹائیکون کراچی کے مقدمے میں سپریم کورٹ کو 460 ارب روپے کی تصفیے کے ذریعے قسطوں میں ادائیگی کر رہے ہیں۔ نیب کے مطابق ملزم سے ضبط شدہ رقم واپس اسی کو مل گئی جبکہ یہ رقم ریاستِ پاکستان کی ملکیت تھی مگر اسے ملک ریاض کے ذاتی قرض کو پورا کرنے میں خرچ کیا گیا۔2019 میں عمران خان کی سربراہی میں کابینہ اجلاس میں فیصلہ کیا گیا تھا اور معاملے کو حساس قرار دے کر اس حوالے سے ریکارڈ کو بھی سیل کردیا گیا تھا۔

190 ملین پاؤنڈ ریفرنس،عمران ،بشریٰ پیش،وکیل صفائی کو ملاجرح کا آخری موقع

190ملین پاؤنڈز ریفرنس،حتمی فیصلہ دینے سے روکنے کے آرڈر میں توسیع

190ملین پاؤنڈ کیس زلفی بخاری کی جائیداد ریفرنس سے منسلک کرنے کے احکامات

190 ملین پاؤنڈ کیس، سپریم کورٹ فیصلے کے بعد عمران نے رعایت مانگ لی

190 ملین پاؤنڈ کیس،عمران کے گلے کا پھندہ،واضح ثبوت،بچنا ناممکن

190 ملین پاؤنڈز کیس،اصل الزام ملک ریاض فیملی کی حد تک وہ اشتہاری ہیں ،سلمان اکرم راجہ

190ملین پاؤنڈز کیس،کتنے گھروں کا چولہا چل سکتا تھالیکن عمران خان نے کیا کیا؟

190 ملین پاؤنڈ اسکینڈل،اعظم خان کا عدالت میں دیابیان سامنے آ گیا

مادر وطن کے دفاع کی خاطر پاک فوج کے جوان اپنے خون کی قر بانی دیتے چلے آرہے ہیں.ان شہداء میں سپاہی محمد سلیم شہید بھی شامل ہیں، جنہوں نے کوئٹہ کے قریب مچھ کے مقام پر دہشت گردوں سے مقابلے میں شہادت کا رتبہ حاصل کیا.

سپاہی محمد سلیم شہید کے لواحقین نے اپنے جذبات کا اظہار کیا.سپاہی محمد سلیم شہید کے والد نے بیٹے کی شہادت کے موقعے پر کہا:”سلیم بہت ذہین اور اچھا بچہ تھا, ہمیشہ عزم کرتا تھا کہ ملک کی حفاظت کرنی ہے اور اس کے لیے اپنی جان قربان کرنی ہے”مجھے فخر ہے اپنے بیٹے پر کہ پاکستان کی خاطر اپنی جان کا نظرانہ پیش کیا،
سلیم کی کمی ہر وقت ستاتی ہے اللہ پاک اس کے درجے بلند کرے اور اس کی شہادت کو قبول کرے ،وہ جب بھی چھٹی آتا تھا تو ہمارا بہت خیال رکھتا تھا، اس بار بھی وہ 20 دن کی چھٹی گزار کے کوئٹہ گیا اور وہاں پہنچ کر ہمیں کال کی کہ میں پہنچ گیا ہوں، اسی رات کو کوئٹہ کے قریب مچھ چیک پوسٹ پر دہشت گردوں نے حملہ کیا، جہاں سلیم ڈیوٹی پر تھا، اگلے دن ہمیں اطلاع ملی کہ وہ شہید ہو گیا،میں پوری قوم کو یہ پیغام دینا چاہتا ہوں کہ اپنے ملک کے لیے ویسا ہی قربانی کا جذبہ رکھیں جیسا سلیم کا تھا، سلیم نے اپنی جان کا نظرانہ پیش کر کے پورے ملک و قوم کا سر فخر سے بلند کیا ہے،

سپاہی محمد سلیم شہید کی والدہ نے بیٹے کی شہادت کے موقعے پر کہا کہ "مجھے اپنے بیٹے سلیم کی شہادت پر فخر ہے”سلیم کی شہادت پر دل انتہائی غمگین ہے کیونکہ میں اس کی ماں ہوں، مگر میں اللہ تعالیٰ کی رضا پر راضی ہوں، اللہ کی شکر گزار ہوں کہ میرے بیٹے کو شہادت کا رتبہ حاصل ہوا، سلیم ہم سب سے بہت محبت کرتا تھا، بہن بھائیوں، چھوٹے بچوں اور خاندان کے ہر فرد کے ساتھ وہ ہمیشہ اخلاق اور محبت سے پیش آتا تھا، جس وقت سلیم کی شہادت کی خبر ملی، وہ انتہائی مشکل لمحہ تھا، مگر میں نے اللہ کا شکر ادا کیا کہ اس نے میرے بیٹے کو شہادت کا رتبہ دیا، رات کو سوتے وقت میں ہمیشہ پاکستانی فوج اور پاکستان کے لیے دعا گو ہوتی ہوں کہ اللہ ان کا حافظ و ناصر ہو،

سپاہی محمد سلیم شہید کے بھا ئی نے اپنے جذبات کا اظہار کرتے ہوئے کہا کہ “بھائی، بھائی کا مضبوط سہارا ہوتا ہے، اور ہم دونوں میں بہت محبت تھی، ہم نے ساتھ پڑھا اور ساتھ کھیلا ” میں کھیتوں میں کام کر رہا تھا جب مجھے فون آیا کہ سلیم شہید ہو گیا، وہ لمحہ دل پہ بہت بھاری تھا، مگر مجھے فخر بھی محسوس ہوا کہ میرا بھائی شہادت کا بلند مرتبہ حاصل کر چکا ہے، اس کی کمی ہر جگہ ہر وقت محسوس ہوتی ہے لیکن مجھے اپنے بھائی کی شہادت پر فخر ہے، خدا اسکے درجات بلند کرے، ہمارے فوجی بھائی جو سرحدوں اور پاکستان بھر میں ڈیوٹی پر ہیں، میں ان سے درخواست کرتا ہوں کہ وہ ایمانداری سے اپنے فرض کو پورا کریں اور دہشت گردی کا خاتمہ کریں،

خوارج کی چیک پوسٹ پر حملے کی کوشش ناکام، 16 جوان شہید

پاک افغان سرحد پر دراندازی کی کوشش،4 خارجی ہلاک،ایک جوان شہید

26 نومبر شرپسندی کا شکار پاکستان رینجرزپنجاب کا ایک اور اہلکار شہید

شمالی وزیرستان میں سیکیورٹی فورسز کی کارروائیاں، 7 خوارج ہلاک،ایک جوان شہید

پاکستان کی فوجی عدالت کی جانب سے سانحہ 9 مئی کے 25 مجرموں کو سزائیں سنا دی گئی ہیں۔ یہ سزائیں فیلڈ جنرل کورٹ مارشل کے فیصلے کے تحت دی گئیں، جس میں تمام شواہد کی جانچ پڑتال اور قانونی کارروائی مکمل کرنے کے بعد یہ فیصلہ سنایا گیا۔

ترجمان پاک فوج کی جانب سے جاری بیان کے مطابق، سزائیں سننے کے بعد تمام ملزمان کو ان کے قانونی حقوق کی فراہمی کے لیے تمام قانونی تقاضے پورے کیے گئے ہیں۔ مجرموں کو ان کے حقوق دینے کے لیے قانونی عمل کی ہر سطح پر پابندی کی گئی، جس سے ان کے حقوق کی پامالی کا کوئی سوال نہیں اٹھتا۔

سانحہ 9 مئی میں ملوث ملزمان نے اپنے اعترافی بیانات میں اہم انکشافات کیے ہیں۔ ان بیانات میں انہوں نے عمران خان کی فوج مخالف تقریروں اور دیگر پارٹی رہنماؤں کی جانب سے اکسانے کی مذمت کی اور ان عوامل کو 9 مئی کے واقعات کے پیچھے ذمے دار ٹھہرایا۔مجرموں کے مطابق، عمران خان اور ان کے دیگر پارٹی رہنماؤں کی جانب سے فوجی اداروں اور ملک کی افواج کے بارے میں کی جانے والی اشتعال انگیز تقاریر نے حالات کو بگاڑ دیا اور عوامی سطح پر عدم استحکام کی صورت پیدا کی۔ ان رہنماؤں کی جانب سے کی جانے والی باتوں نے لوگوں کو اُکسانے اور پرتشدد کارروائیوں کے لیے آمادہ کیا، جو بالآخر 9 مئی کے سانحے کا سبب بنیں۔ 9 مئی کا سانحہ نہ صرف پاکستان کی تاریخ کا ایک سیاہ باب ہے، بلکہ یہ ایک یاد دہانی بھی ہے کہ سیاسی اور فوجی اداروں میں ہم آہنگی اور ایک دوسرے کا احترام قوم کی ترقی اور استحکام کے لیے ضروری ہے۔

نومئی، سزا یافتہ مجرمان کے اعترافی بیانات

جناح ہاؤس حملے میں ملوث پی ٹی آئی کے شرپسند جان محمد خان کو 10 سال قید بامشقت کی سزا سنائی گئی ہے۔ اپنے اقرار جرم میں مجرم جان محمد خان نے اعتراف کیا کہ وہ جناح ہاؤس پر حملے میں ملوث تھا اور اس نے ملٹری یونیفارم کی شرٹ پہن کر ویڈیو بنائی اور پھرشرٹ کو جلا دیا۔

پی ٹی آئی شدت پسند شان علی کو بھی 10 سال قید بامشقت کی سزا سنائی گئی ہے۔ مجرم علی شان نے اقرار جرم میں کہا کہ عمران خان کی آرمی مخالف تقاریر سے میری ذہن سازی ہوئی۔ جب عمران خان کی گرفتاری ہوئی تو سیاسی رہنماؤں کے ورغلانے پر میں نے جناح ہاؤس پر حملہ کیا۔میں نے جناح ہاؤس میں جا کر توڑ پھوڑ کی۔

پی ٹی آئی کے شرپسند بابر جمال خان کو ایم ایم عالم بیس میانوالی پر حملے میں 10 سال قید بامشقت کی سزا سنائی گئی ہے۔ مجرم بابر جمال خان نے اپنے اعترافی بیان میں بتایا کہ میں میانوالی بیس پر حملے میں ملوث تھا اور میں اپنا جرم قبول کرتا ہوں۔

پی ٹی آئی شر پسند داؤد خان کو جناح ہاؤس حملے میں 10 سال قید بامشقت کی سزا سنائی گئی ہے، مجرم داؤد خان نے بھی اپنے اعتراف جرم میں بتایا کہ میں نے یاسمین راشد اور حسان نیازی کے اُکسانے پر جناح ہاؤس پر حملہ کیا۔ تقاریر کے ذریعے ہمارے ذہنوں میں فوج کیخلاف نفرت پیدا کی گئی، میں اپنا جرم قبول کرتا ہوں ۔

پی ٹی آئی کے ایک اور شرپسند محمد حاشر کو 6 سال قید با مشقت کی سزا سنائی گئی ہے، جس نے اپنے اعترافی بیان میں بتایا کہ میں نے 9 مئی کو جناح ہاؤس پر حملہ کیا اور انقلاب کے نام پر لوگوں کو اکسایا اور ویڈیوز بنائیں۔ جناح ہاؤس پر حملے کی منصوبہ بندی پہلے سرزمین پارک میں یاسمین راشد کی قیادت میں کی گئی۔

مجرم فہیم حیدر کو بھی 6 سال قید بامشقت کی سزا سنائی گئی، جس نے اپنے اعترافی بیان میں کہا کہ پی ٹی آئی قیادت نے جناح ہاؤس حملے کے لیے میری ذہن سازی کی۔

مجرم محمد عاشق خان کو 4 سال قید بامشقت کی سزا سنائی گئی، جس نے اپنے بیان میں اعتراف کیا کہ 9 مئی کو ہمیں پی ٹی آئی قیادت کی جانب سے جناح ہاؤس پر حملے کے لیے اکسایا گیا۔ میں جناح ہاؤس میں داخلے ہوا اور وہاں کے سامان کو اٹھا کر ویڈیو بنوائی۔ ہمیں زمان پارک میں فوج کیخلاف حملے کے لیے ٹریننگ ملتی رہی۔

مجرم محمد بلاول کو 2 سال قید با مشقت کی سزا سنائی گئی، جس نے اپنے اعترافی بیان میں بتایا کہ ‘9 مئی کو پی ٹی آئی قیادت کے اکسانے پر میں نے جناح ہاؤس حملے میں حصہ لیا اور توڑ پھوڑ کی۔ پی ٹی آئی قیادت بشمول ڈاکٹر یاسمین راشد کی تقاریر سے میری ذہن سازی ہوئی۔

آخر کار ڈیڑھ سال بعد ریاست کو انصاف ملنے کی امید جاگی،جاوید لطیف

عمران خان کی رہائی کے لئے ٹویٹ کرنے والا رچرڈ گرنیل کا اکاؤنٹ جعلی

واضح ہو گیا کہ نو مئی کا ماسٹر مائند بانی چیئرمین پی ٹی آئی تھا ،عطا تارڑ

نومئی کے مجرموں کو سزا،منصوبہ سازبھی بچ نہ پائیں

سزائیں پلان پر عمل کرنے والوں کو،منصوبہ سازوں کی بھی جلد باری آئے گی،خواجہ آصف

سانحہ نومئی،14 مجرموں کو 10 سال قید،25 سزا یافتہ مجرموں کی تفصیل

سانحہ نو مئی، فوجی عدالتوں کابڑا فیصلہ، 25 مجرمان کو سزا سنا دی