ڈسٹرکٹ اینڈ سیشن کورٹس اسلام آباد: بانی پی ٹی آئی عمران خان اور بشری بی بی کی دوران عدت نکاح کیس میں سزا کے خلاف اپیلوں کی سماعت ہوئی
ڈسٹرکٹ اینڈ سیشن جج شاہ رخ ارجمند نے سماعت کی،سینئر کونسلز کے معاونین عدالت پیش ہوئے،شکایت کنندہ کے وکیل راجہ رضوان عباسی عدالت پیش نہ ہوئے،معاون رضوان عباسی نے عدالت سے استدعا کیا کہ سینئر کونسل کی عدم دستیابی کے باعث سماعت ملتوی کی جائے، معاون وکیل اپیل کنندہ نے کہا کہ سینئر کونسل سلمان اکرم راجہ اور عثمان گل راستے میں ہیں،دونوں وکلاء دس بجے تک پہنچ جائیں گے اور دلائل دیں گے، عدالت نے بانی پی ٹی آئی اور بشری بی بی کے وکلاء کی آمد تک سماعت میں وقفہ کردیا
وکیل عدالت پہنچے تو دوبارہ سماعت ہوئی، سلمان اکرم راجہ نے عدالت میں دلائل دیتے ہوئے کہا کہ ہمارے خلاف ٹرائل میں ہر کام جمعہ کو شروع ہوتا تھا اور ہفتے کو فیصلہ آجاتا تھا، بشریٰ بی بی کے وکیل عثمان گل نے کہا کہ اگر پراسیکیوشن آجائے اور بحث کرے تو میں بھی بحث کروں گا اور سزا معطلی کی استدعا کروں گا،سائفر کیس میں ایک روز وکیل دیر سے پہنچے تو سرکاری پراسیکیورٹر تعینات کرکے سزا سنادی گئی،راجہ رضوان عباسی آج نہیں آئے اور آئندہ ایک ہفتہ تک بھی نہیں آئیں گے،جج نے کہا کہ آپ اپنے دلائل شروع کریں،کچھ تو کارروائی ہو،آپ نے گزشتہ سماعت پر کچھ معاونت کا کہاتھا،اپیل کنندہ وکیل عثمان ریاض گل نے دلائل کا آغاز کردیا،وکیل عثمان گل نے کہا کہ ان کیسز میں سماعت رات دیر گئے تک ہوتی ہیں،ٹرائل کورٹ نے ایمرجنسی میں سماعت کی،بیانات بھی مکمل نہ تھے،ملزمان کے بیانات کا پراسس بھی مکمل نہ کیاگیا،اعلی عدالتوں نے عدالتی اوقات کار کے دوران سماعتوں سے متعلق فیصلے دیے،
جج شاہ رخ ارجمند نے استفسار کیا کہ رات گئے کی گئی سماعتوں سے متعلق بھی کوئی فیصلہ موجود ہے کیا،وکیل عثمان گل نے کہا کہ نہیں،ایسا کسی عدالت کا کوئی فیصلہ موجود نہیں،ٹرائل کورٹ نے صبح،شام اور رات گئے تک سماعتیں کیں،
عمران خان کے وکیل سلمان اکرم راجہ بھی کمرہ عدالت پہنچ گئے،بشریٰ بی بی کے وکیل عثمان گل نے کہا کہ جوڈیشل ریکارڈ پر دیکھیں، عدالت نے کہا ملزم نے چارج شیٹ پر دستخط نہیں کیے جبکہ دستخط ہوئے،جوڈیشل آرڈر بھی مناسب نہیں، بشری عمران کا کہاگیا عدالت و اطلاع کے بغیر واپس چلی گئی،بشری بی بی کی استثنی کی درخواست اور شوکت خانم کا میڈیکل بھی ساتھ لگایا،ٹرائل میں قانونی تقاضے پورے نہ ہوئےاور ملزمان کو شفاف ٹرائل کا حق بھی نہ دیاگیا،صبح دس بجے سماعت شروع ہوئی،رات ساڑھے گیارہ بجے عدالت نے حتمی دلائل کا کہہ دیا،وکلاء جیل میں بغیر کھائے پیے لگے رہے ان کا کیا حال ہوا ہوگا، بشریٰ بی بی کے وکیل عثمان ریاض گل نے ٹرائل کورٹ سماعتوں کے عدالتی احکامات پڑھے،وکیل عثمان گل نے کہا کہ ملزم کی عدم موجودگی میں فردجرم عائد کردی جاتی ہے،عدالتی اوقات کار کے بعد بھی ٹرائل کیا گیا،
عمران خان کے وکیل سلمان اکرم راجہ نے کہا کہ عدالت سے کہتے رہے کہ تیاری کرنے دیں لیکن موقع نہ دیاگیا،ٹرائل کورٹ نے ہمیں شواہد کا بھی کوئی موقع نہ دیاگیا، یو ایس بی دی وہ بھی نہ مانی گئی،ٹرائل کورٹ نے کہا دس منٹ ہیں تیاری کرلیں،مجھے آرڈر ہے کیس ختم کرناہے،نکاح لاہور ہوا،کیس یہاں کردیاگیا،وکیل عثمان گل نے کاہ کہ ہم نے بریت درخواست دائر کی وہ بھی اسی وقت مسترد کردی گئی،فیصلہ میں کہاگیا کہ نکاح درست نہ تھا،وکیل عثمان گل نے عدالتی دائرہ اختیار سے متعلق اعلی عدلیہ کے فیصلے پڑھے اور ان کی نقول عدالت پیش کردیں،وکیل سلمان اکرم راجہ نے کہا کہ یو ایس بی مل گئی ہے استدعا ہے عدالت اسے دیکھ لے،عدالت نے عملہ کو دوران ٹرائل عدالت میں جمع کرائی گئی یو ایس بی چلانے کیلئےاقدامات کی ہدایت کر دی،
دوران ٹرائل وکلاء صفائی کی جانب سے عدالت میں جمع کرائی گئی یو ایس بی چلا دی گئی،یو ایس بی میں خاور مانیکا کا بیان اور بشری بی بی سے متعلق رائے شامل ہے،خاور مانیکا کہتے ہیں کہ "میری سابق اہلیہ بشری بی بی پاکباز اور انتہائی شریف ہیں،عمران خان کی وجہ سے گھر میں اختلافات نہیں ہوئے"، دوران سماعت نکاح خوان مفتی سعید کے سینئر صحافی کو دیے گئے بیان کی ویڈیو بھی چلا دی گئی،ویڈیو میں مفتی سعید کا نکاح اور عدت سے متعلق بیان بھی شامل ہے
وکیل عثمان گل نے کہا کہ عون چودھری سیاسی حریف جس نے عمران خان کے خلاف عدت میں نکاح کیس کو مینج کیا، اگر آج اپیل پر دلائل پورے نہیں ہوتے تو سزا معطلی پر دلائل دیں گے،پراسیکیوٹر راناحسن عباس نے دلائل کا آغاز کردیا اور کہا کہ اپیل میں سرکار کو فریق بنایاگیاہے، مجھے اعتراض ہے،جن کیسز کا حوالہ دیا ان میں سرکار پہلے سے فریق ہوتی ہے،کیس میں کبھی کبھی پراسیکیوشن تفتیش ٹھیک نہیں کرتی تو فریق بنایاجاتاہے، وکیل سلمان اکرم راجہ نے کہا کہ اگر فردجرم عائد کردی تو سرکار کو ہی فریق بنایا جائے گا،پراسیکیوٹر رانا حسن عباس نے کہا کہ مجسٹریٹ کی اجازت کے بعد تفتیش کی جاتی ہے،اگر ثبوت نہیں تو کیس سے ملزمان کو ڈسچارج کردیا جاتاہے، سرکار کو تفتیش کرنے کے حوالے سے کوئی درخواست نہیں دی گئی،بانی پی ٹی آئی، بشریٰ بی بی کے خلاف شکایت پرائیویٹ ہے،علاقائی دائرہ اختیار کا تعین کیے بغیر عدت میں نکاح کیس کا ٹرائل کیاگیا،
نکاح کیس، خاور مانیکا کے وکیل رضوان عباسی پیش نہ ہوئے، سماعت ملتوی
خاورمانیکا کے وکیل رضوان عباسی عدالت میں پیش نہیں ہوئے،معاون وکیل نے کہا کہ رضوان عباسی دلائل دیں گے، انہیں سنا جائے، سلمان اکرم راجہ نے کہا کہ گزشتہ سماعت پر بیٹھے رہے، دلائل نہیں دیے، رضوان عباسی آج بھی نہیں آئے، اگر گزشتہ سماعت پر سختی کی جاتی تو رضوان عباسی آج ایسا نہ کرتے، رضوان عباسی کے معاون وکیل نے سماعت ملتوی کرنے کی استدعا کی اور کہا کہ آئندہ سماعت پر رضوان عباسی دلائل دیں گے، ہمارے دلائل ضرور سنے جائیں، سلمان اکرم راجہ نے کہا کہ جان بوجھ کر رضوان عباسی کمرہ عدالت میں پیش نہیں ہوئے،سزا معطلی پر تو فیصلہ جاری کیا جاسکتا ہے، سیشن جج شاہ رخ ارجمند نے کہا کہ آپ وکیل ہیں، اسلام آباد ہائیکورٹ میں بھی سماعتیں ملتوی ہوتی ہیں، سدونوں فریقین کو یکساں رکھنے کے لیے عدالت کو دیکھنا پڑتاہے،سلمان اکرم راجہ نے کہا کہ سماعت کیوں ملتوی کرنی؟ دو بار رضوان عباسی نہیں آئے،عدت میں نکاح کیس میں سزا کے خلاف اپیل پر سماعت 15 اپریل تک ملتوی کر دی گئی، عمران خان کی اہلیہ بشریٰ بی بی کی سزا معطل نہ ہو سکی، بشریٰ بی بی اب عید بھی جیل میں ہی گزاریں گی، سماعت ملتوی ہونے پر سلمان اکرم راجہ نے جج سے مکالمہ کرتے ہوئے کہا کہ ہمیں بہت افسوس ہوا،
سماعت مکمل ہونے کے بعد عدالت کے باہر میڈیا سے بات کرتے ہوئے سلمان اکرم راجہ کا کہنا تھا کہ عمران خان اور بشریٰ بی بی کے خلاف عدت میں نکاح کیس، سزا کے خلاف اپیل پر ہم نے دلائل مکمل کرلیے، خاور مانیکا کے وکیل نہیں آئے،
دوران عدت نکاح کیس میں عمران خان اور ان کی اہلیہ کو عدت میں نکاح کیس میں سزا سنا دی گئی،عمران خان اور بشری بی بی کا نکاح غیر شرعی قرار دے دیا گیا،عمران خان اور بشری بی بی کو 7،7 سال قید اور 5 لاکھ جرمانہ کی سزا سنا دی گئی،
سائفر کیس، اسلام آباد ہائیکورٹ کا حکم امتناع،اڈیالہ جیل میں سماعت ملتوی
سائفر کیس، شاہ محمود قریشی کی درخواست ضمانت مسترد
اسلام آباد ہائیکورٹ کا سائفر کیس کی سماعت روکنے کا حکم
سائفر کی ماسٹر کاپی وزارت خارجہ کے پاس موجود ہے،اعظم خان کا بیان
عمران خان اور جیل سپرنٹنڈنٹ کے درمیان تلخ جملوں کا تبادلہ
ڈسٹرکٹ اینڈ سیشن کورٹ اسلام آباد میں خالد یوسف چودھری ایڈووکیٹ نے دوران عدت نکاح کیس میں سزا کے خلاف اپیل دائر کی ، بیرسٹر سلمان صفدر، سلمان اکرم راجہ، خالد یوسف چودھری اور عثمان ریاض گل پیروی کریں گے۔اپیل میں وفاق اور خاور فرید مانیکا کو فریق بنایاگیا ہے،عمران اور بشریٰ کی جانب سے عدالت میں دائر اپیل میں مؤقف اختیار کیاگیا ہے کہ طلاق اپریل2017 میں ہوئی اور اگست2017 میں والدہ کے گھر منتقل ہوگئی تھی،طلاق کے6 سال بعد درخواست دی گئی،تین مرتبہ طلاق دینے کے بعد حق رجوع نہیں بنتا، عدالت نے دائرہ اختیار نہ ہونے کے باوجود سماعت کی اور سزا سنائی،عدت میں نکاح کیس کا فیصلہ غیر قانونی، غیر اسلامی، غیر شرعی اور انصاف کے برخلاف ہے،اپیل میں عدالت سے استدعا کی گئی کہ عدت میں نکاح کیس کے 3 فروری کے سزا کے فیصلے کو کالعدم قرار دیا جائے،ٹرائل کورٹ کا تین فروری کا فیصلہ کالعدم قرار دیا جائے.
بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو
حریم شاہ مبشر لقمان کے جہاز تک کیسے پہنچی؟ حقائق مبشر لقمان سامنے لے آئے
حریم شاہ..اب میرا ٹائم شروع،کروں گا سب سازشیوں کو بے نقاب، مبشر لقمان نے کیا دبنگ اعلان
میں آپکی بیویوں کے کرتوت بتاؤں گی، حریم شاہ کی دو سیاستدانوں کو وارننگ
