Category: اہم خبریں

شمالی وزیرستان کے علاقے میر علی میں دہشت گردوں نے حملہ کیا ہے

ڈی جی آئی ایس پی آر کے مطابق 6 دہشتگردوں نے میر علی میں سیکورٹی فورسز کو نشانہ بنایا،سیکیورٹی فورسز نے دہشت گردوں کا ابتدائی حملہ ناکام بنایا، ابتدائی حملہ ناکام ہونے کے بعد دہشت گردوں نے اسلحے سے لدی ہوئی گاڑی چوکی سے ٹکرا دی،چوکی سے گاڑی ٹکرانے کے بعد متعدد خودکش دھماکے کئے گئے ،خود کش حملوں کے نتیجے میں چوکی کی عمارت کا ایک حصہ منہدم ہو گیا،خود کش حملوں کے نتیجے میں 5 بہادر سپوتوں نے جام شہادت نوش کیا،

ڈی جی آئی ایس پی آر کے مطابق فائرنگ کے شدید تبادلے کے دوران لیفٹیننٹ کرنل کاشف اور کیپٹن محمد احمد بدر نے جام شہادت نوش کیا،لیفٹیننٹ کرنل کاشف علی کی قیادت میں کلیرنس آپریشن کے دوران 6 دہشتگردوں کو بھی جہنم واصل کیا گیا،

شہید ہونے والے 39 سال کے لیفٹیننٹ کرنل کاشف کا تعلق کراچی اور 23 سال کے کیپٹن محمد احمد بدر کا تعلق تلہ کنگ سے ہے،شہدا میں حوالدار صابر، نائیک خورشید، سپاہی ناصر، سپاہی راجہ اور سپاہی سجاد بھی شامل ہیں،شہید حولدار صابر کا تعلق ضلع خیبر اور نائیک خورشید کا تعلق لکی مروت ، شہید سپاہی ناصر کا تعلق پشاور اور سپاہی راجہ کا تعلق کوہاٹ ،شہید سپاہی سجاد کا تعلق ایبٹ آباد سے ہے.

ڈی جی آئی ایس پی آر کے مطابق سیکیورٹی فورسز وطن عزیز پاکستان سے دہشت گردی کی لعنت کو ختم کرنے کے لیے پُرعزم ہیں، ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں،

صدر مملکت آصف علی زرداری نے میر علی، شمالی وزیرستان میں دہشت گردوں کے حملے کی مذمت کی ہے، صدر مملکت نےدہشت گرد حملے میں شہید ہونے والے پاک فوج کے افسروں اور جوانوں کو خراج عقیدت پیش کیا ہے،صدر مملکت نے دہشت گردی کے مکمل خاتمے کے قومی عزم کا اظہار کیا ہے،صدر مملکت نے شہداء کیلئے بلندی درجات ، اہل خانہ کیلئے صبر جمیل کی دعا کی ہے،صدر مملکت نے شہداء کے اہل خانہ کے ساتھ اظہارِ ہمدردی بھی کیا ہے

جانوں کا نذرانہ پیش کرنے والے شہید جوانوں پر فخر ہے،وزیراعظم
وزیراعظم شہباز شریف نے شمالی وزیرستان کے علاقے میر علی میں دہشت گردوں کے حملے کی مذمت کی ہے، وزیراعظم نے دہشت گرد حملے میں شہید پاک فوج کے افسروں اور جوانوں کو خراج عقیدت پیش کیا،وزیراعظم شہباز شریف نے شہدا کے لیے مغفرت کی دعا بھی کی،وزیراعظم شہباز شریف کا کہنا تھا کہ سیکیورٹی فورسز کے جوانوں نے دہشتگردوں کے ناپاک عزائم کو مٹی میں ملا دیا، مجھ سمیت پوری قوم کو جانوں کا نذرانہ پیش کرنے والے شہید جوانوں پر فخر ہے

دہشتگردی کے خلاف جنگ میں پوری قوم متحد ہے،وزیر داخلہ
وفاقی وزیر داخلہ محسن نقوی نے کہا ہے کہ دہشتگردی کے خلاف جنگ میں پوری قوم متحد ہے اور افواج کے شانہ بشانہ کھڑی ہے،وزیر داخلہ محسن نقوی نے شمالی وزیرستان میں سیکیورٹی چیک پوسٹ پر دہشتگردوں کے حملے کی مذمت کی اور شہید ہونے والے لیفٹیننٹ کرنل اور کیپٹن سمیت 7 جوانوں کی بہادری کو خراج عقیدت پیش کیا اور کہا کہ پاک فوج کے بہادر سپوتوں نے جرات کے ساتھ دہشتگردوں کے مذموم عزائم کو ناکام بنایا، وطن عزیز کے امن کے لیے اپنی جان نچھاور کرنے والے پاک فوج کے شہدا کو خراج عقیدت پیش کرتے ہیں،شہدا کی لازوال قربانیوں کو سلام پیش کرتے ہیں۔

دہشت گردوں کا مکمل صفایا ہی شہداء سے وفا اورانصاف ہوگا ،بلاول
چیئرمین پیپلزپارٹی بلاول بھٹو زرداری نے شمالی وزیرستان میں چیک پوسٹ پر خودکش حملے کی مذمت کی ہے،بلاول بھٹو زرداری نے لیفٹیننٹ کرنل کاشف اور دیگر جوانوں کی شہادت پر اظہار افسوس کیا اور کہا کہ نیشنل ایکشن پلان پر عمل کرکے دہشتگردی کی نرسریوں کو تباہ کرنا ہوگا ،افواج پاکستان کے آفیسروں اور جوانوں کے قاتل ملک اور قوم کےدشمن ہیں ناقابل معافی ہیں،بلاول بھٹو زرداری نے لیفٹیننٹ کرنل کاشف شہید اور دیگر شہداء کے خاندانوں سے ہمدردی اور تعزیت کا اظہار کیا اور کہا کہ قوم اپنے بہادر سپوتوں کو کبھی نہیں بھولے گی ،شہداء کے قاتل دہشت گردوں کا مکمل صفایا ہی شہداء سے وفا اورانصاف ہوگا .

دہشت گردی کے ناسور کو جڑ سے ختم کرنے کے لئے حکومت پرعزم ہے،عطا تارڑ
وفاقی وزیر اطلاعات و نشریات عطاءاللہ تارڑ نے شمالی وزیرستان میں دہشت گردوں کے حملے پر اظہار مذمت کیا ہے، وفاقی وزیر اطلاعات عطا تارڑ نے دہشت گرد حملے میں شہید ہونے والے پاک فوج کے افسران اور جوانوں کو خراج عقیدت، شہداءکے اہل خانہ سے تعزیت کا اظہار کیا، وفاقی وزیر اطلاعات عطا تارڑ کا کہنا تھا کہ سیکورٹی فورسز پر حملہ ایک بزدلا نہ اور قابل مذمت فعل ہے، پاک فوج کے بہادر جوان ملک کی حفاظت کے لئے اپنی جانوں کا نذرانہ پیش کر رہے ہیں، ان کی قربانیوں کو ہمیشہ یاد رکھا جائے گا، حکومت شہداءکے خاندانوں کے ساتھ کھڑی ہے، دہشت گردی کے ناسور کو جڑ سے ختم کرنے کے لئے حکومت پرعزم ہے، دہشت گردی کے خلاف جنگ میں حکومت عوام کے ساتھ مل کر آخری حد تک جائے گی،

وزیرِاعلیٰ پنجاب مریم نواز نے شمالی وزیرستان کے علاقے میر علی میں چیک پوسٹ پر دہشت گردوں کے حملے کی شدید مذمت کی ہے،وزیراعلی مریم نواز شریف نے شہید ہونے والے پاک فوج کے افسران اور جوانوں کو خراج عقیدت پیش کیا ہے،وزیراعلی مریم نواز نےشہداء کے اہل خانہ سے اظہار ہمدردی و تعزیت کیا ہے،

قوم اپنے جوانوں کی قربانیوں کو کبھی فراموش نہیں کرے گی،اسپیکر قومی اسمبلی
اسپیکر قومی اسمبلی سردار ایاز صادق نے شمالی وزیرستان میں سیکیورٹی فورسز پر دہشتگردوں کے حملے کی مذمت کی ہے، اسپیکر نے دہشتگردوں کے حملے کے نتیجے میں فوجی جوانوں کے قیمتی جانوں کے نقصان پر گہرے دکھ اور افسوس کا اظہار کیا ہے،اسپیکر نےوطن کا دفاع کرتے ہوئے شہید ہونے والے قوم کے جری سپوت لیفٹیننٹ کرنل کاشف، کپٹن احمد سمیت دیگر کو خراج عقیدت پیش کیا اور کہا کہ قوم اپنے جوانوں کی قربانیوں کو کبھی فراموش نہیں کرے گی، اسپیکر نے شہداء کے اہلخانہ سے تعزیت کا اظہار کیااور کہا کہ غم اور دکھ کی مشکل گھڑی میں شہداء کے اہلخانہ کے غم میں برابر کا شریک ہوں، دہشتگرد دشمن کے ناپاک عزائم پر عمل پیرا ہیں جس میں وہ کبھی بھی کامیاب نہیں ہونگے،دہشتگردوں کے مذموم مقاصد کو خاک میں ملانے کیلئے پوری قوم سیکیورٹی فورسز کے شانہ بشانہ کھڑی ہے،

وزیراعلٰی بلوچستان میر سرفراز بگٹی نے شمالی وزیرستان میں سیکیورٹی فورسز کے قافلے پر دہشتگردی کے واقعہ کی مذمت کی ہے اور کہا کہ دہشتگردی کے خلاف جنگ میں پوری قوم اپنی بہادری سیکورٹی فورسز کے ساتھ ہے شمالی وزیرستان میں جام شہادت نوش کرنیوالے بہادر جوانوں کو خراج عقیدت پیش کرتے ہیں

پارلیمانی لیڈر پنجاب علی حیدر گیلانی نے شمالی وزیرستان میں سیکیورٹی چیک پوسٹ پر دہشتگردوں کے حملے کی مذمت کی ہے،علی حیدر گیلانی نے فوجی جوانوں کی شہادت پر اظہار افسوس کیا اور کہا کہ وطن کی خاطر جان نچھاور کرنے والوں کو خراج عقیدت پیش کرتے ہیں ،دہشت گردی کے خلاف پاک فوج کی کارروائیاں قابلِ تحسین ہیں،ہم سب کو مل کر دہشت گردی کا مقابلہ کرنا ہے،شہداء کی قربانیاں رنگ لائیں گی، دکھ اور غم کی گھڑی میں شہداء کے اہلخانہ کے غم میں برابر کے شریک ہیں،

مبشر لقمان کے ساتھ احترام کا رشتہ ہے اور رہے گا، شیر افضل مروت

مبشر لقمان کو شیر افضل مروت کی جانب سے دیا گیا انٹرویو سننے کے لئے یہاں کلک کریں،

دعا اور خواہش ہے حالیہ انتخابات ملک میں معاشی استحکام لائیں،آرمی چیف

پاکستان آرمی کسی بھی خطرے کا موثر جواب دینے کیلئے ہمیشہ تیار ہے، آرمی چیف

پاکستان ہے تو ہم ہیں، پاکستان نہیں تو ہم کچھ بھی نہیں ہیں، آرمی چیف

غزہ سے فلسطینیوں کی جبری بے دخلی سنگین جرم ہے، آرمی چیف

نوجوان فکری وسائل بروئے کار لاکر درپیش چیلنج کا حل تلاش کریں۔ آرمی چیف

عمان کی رائل آرمی کے کمانڈر کی آرمی چیف سے ملاقات

آرمی چیف کا دورہ بحرین، ملا ملٹری میڈل آرڈر آف بحرین فرسٹ کلاس ایوارڈ

افواج پاکستان اور عوام ایک ہیں،آرمی چیف

صدر پاکستان آصف علی زرداری کی چھوٹی صاحبزادی آصفہ بھٹو زرداری نواب شاہ پہنچ گئیں

ضمنی انتخابات میں شہید بے نظیر آباد این اے 207 کی نشست سے پاکستان پیپلز پارٹی کی نامزد امیدوار آصفہ بھٹو زرادی اپنے آبائی حلقہ میں پہنچ گئی ہیں، آصفہ بھٹو زرداری کے استقبال کے لئے جیالوں کی بڑی تعداد موجود تھی،جیالوں نے وزیر اعظم بلاول اور جئے بھٹو کے نعرے لگائے،آصفہ بھٹو زرداری کے ہمراہ صوبائی وزیر صحت ڈاکٹر عذرا فضل پیچوہو بھی موجود ہیں۔آصفہ بھٹو زرداری پر جیالوں نے پھولوں کی پتیاں نچھاور کیں،آصفہ بھٹو زرداری کی آمد پر شہر کو پارٹی جھنڈوں سے سجایا گیا ہے،آصفہ بھٹو زرداری کی آمد پر جیالے کارکنان نے رقص کیا،

خاتون اول بی بی آصفہ بھٹو زرداری نواب شاہ پہنچ گئیں @AseefaBZpic.twitter.com/w7XdhEyhs4

— Basharat Ali (@BasharatAliPPP) March 16, 2024

آصفہ بھٹو زرداری آر او کے دفتر میں کل اپنا نامزدگی فارم جمع کرائیں گی، صدر مملکت آصف زرداری کی جانب سے چھوڑی ہوئی سیٹ پر آصفہ الیکشن لڑیں گی، این اے 207 سے آصف زرداری جیتے تھے تا ہم انہوں نے سیٹ چھوڑ دی، آصف زرداری صدر مملکت بن گئے ہیں،آصف زرداری نے پارٹی رہنماؤں کو آصفہ بھٹو کی انتخابی مہم شروع کرنے کی ہدایت بھی کردی، پیپلز پارٹی کی جانب سے شیڈول کے مطابق آصفہ بھٹو کے فارم جمع کرائے جائیں گے .

8 فروری کو ہونے والے عام انتخابات کے لیے آصفہ بھٹو نے پیپلزپارٹی کے لیے ملک گیر انتخابی مہم چلائی اور اپنے بھائی بلاول بھٹو زرداری کا بھرپور ساتھ دیا، آصفہ بھٹو زرداری پاکستان کی بڑی سیاسی جماعت پیپلز پارٹی کے سیاسی گھرانے کا حصہ ہیں، وہ پاکستان کی سابق وزیر اعظم بے نظیر بھٹو شہید اور پاکستان کے سابق صدر آصف علی زرداری کی سب سے چھوٹی بیٹی ہیں۔

آصف زرداری نے آصفہ کو سیاست میں لانے کا اعلان کیا تھا ،امید کی جا رہی تھی کہ آصفہ بھٹو عام انتخابات میں حصہ لیں گی تاہم آصفہ کے کہیں سے بھی کاغذات نامزدگی جمع نہیں کروائے گئے تھے.31 مارچ 2022کو سابق صدر آصف زرداری نے کہا تھا کہ آصفہ بھٹو کو اگلے انتخابات میں پارلیمانی سیاست میں لے کر آؤں گا، اب ضمنی انتخابات میں آصفہ زرداری الیکشن لڑیں گی اور جیت جائیں گی

آصفہ بھٹو زرداری سابق صدر آصف علی زرداری کے تین بچوں میں سب سے چھوٹی ہیں۔ ان کی پیدائش 3 فروری 1993 کو لندن میں ہوئی تھی تاہم اب وہ اپنی فیملی کے ساتھ پاکستان میں مقیم ہیں اور سیاسی سرگرمیوں میں حصہ لیتی رہتی ہیں۔آصفہ بھٹو زرداری گزشتہ کچھ سالوں سے خواتین کے حقوق کے حوالے سے کام کرتی آرہی ہیں تاہم ان کی سیاست میں باضابطہ انٹری پی ڈی ایم کے ملتان جلسے سے ہوئی تھی جس میں انہوں نے اپنے سیاسی کریئر کی پہلی تقریر کی تھی

آصفہ نے لانگ مارچ کی قیادت بھی کی تھی اور کراچی سے اسلام آباد بلاول کے ہمراہ تھیں،راستے میں ڈرون سے زخمی بھی ہوئی تھیں.

8 فروری ووٹ کی طاقت سے بلاول کو وزیر اعظم بنانا ہے،آصفہ بھٹو

 آصفہ بھٹو زرداری نے کراچی کے علاقے ابراہیم حیدری پہنچ کر خطاب کیا،

ن لیگ کے محسن رانجھا نے پی ٹی آئی والوں پر پرچہ کٹوا دیا .

نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

عام انتخابات کے دن قریب آئے تو تحریک انصاف کی مشکلات میں اضافہ 

 آصفہ بھٹو زرداری کو فرسٹ لیڈی بنانےکا اصولی فیصلہ

نیشنل گارڈ آف کنگڈم آف بحرین کے کمانڈر جنرل شیخ محمد بن عیسیٰ بن سلمان آل خلیفہ نے جی ایچ کیو میں آرمی چیف جنرل سید عاصم منیر سے ملاقات کی ہے

ڈی جی آئی ایس پی آر کے مطابق ملاقات میں دوطرفہ فوجی تعاون کو مضبوط بنانے پر توجہ مرکوز کی گئی، دونوں رہنماؤں نے علاقائی سلامتی، انسداد دہشت گردی کی کوششوں اور تربیتی تبادلوں سمیت باہمی دلچسپی کے امور پر تبادلہ خیال کیا،ڈی جی آئی ایس پی آر کے مطابق آرمی چیف جنرل سید عاصم منیر کا کہنا تھا کہ پاکستان بحرین کے ساتھ اپنے روایتی طور پر مضبوط دفاعی، سفارتی اور اقتصادی تعلقات کو قدر کی نگاہ سے دیکھتا ہے

ڈی جی آئی ایس پی آر کے مطابق آرمی چیف نے بحرین کے ساتھ فوجی تعلقات کو بڑھانے کے لیے پاکستان کے عزم پر زور دیا۔ آرمی چیف جنرل سید عاصم منیر نے مشترکہ سیکورٹی چیلنجوں سے نمٹنے اور خطے میں امن و استحکام کو فروغ دینے میں تعاون کی اہمیت پر زور دیا،معزز مہمان نے دہشت گردی اور انتہا پسندی کے خلاف جنگ میں پاکستان کی کوششوں کو سراہا اور پاک فوج کی پیشہ ورانہ مہارت اور لگن کا اعتراف کیا۔ انہوں نے دفاع اور سلامتی کے شعبوں میں پاکستان کے ساتھ تعاون کو مستحکم کرنے کے لیے بحرین کے عزم کا اعادہ کیا

مبشر لقمان کے ساتھ احترام کا رشتہ ہے اور رہے گا، شیر افضل مروت

مبشر لقمان کو شیر افضل مروت کی جانب سے دیا گیا انٹرویو سننے کے لئے یہاں کلک کریں،

دعا اور خواہش ہے حالیہ انتخابات ملک میں معاشی استحکام لائیں،آرمی چیف

پاکستان آرمی کسی بھی خطرے کا موثر جواب دینے کیلئے ہمیشہ تیار ہے، آرمی چیف

پاکستان ہے تو ہم ہیں، پاکستان نہیں تو ہم کچھ بھی نہیں ہیں، آرمی چیف

غزہ سے فلسطینیوں کی جبری بے دخلی سنگین جرم ہے، آرمی چیف

نوجوان فکری وسائل بروئے کار لاکر درپیش چیلنج کا حل تلاش کریں۔ آرمی چیف

عمان کی رائل آرمی کے کمانڈر کی آرمی چیف سے ملاقات

آرمی چیف کا دورہ بحرین، ملا ملٹری میڈل آرڈر آف بحرین فرسٹ کلاس ایوارڈ

افواج پاکستان اور عوام ایک ہیں،آرمی چیف

سعودی ولی عہد شہزادہ محمد بن سلمان نے وزیراعظم شہباز شریف کو ٹیلی فون کر کے منصب سنبھالنے پر مبارکباد دی

سعودی ولی عہد نے شہباز شریف کو وزیراعظم کا منصب سنمبھالنے پر مبارکباد دی ، وزیراعظم شہبازشریف نے نیک خواہشات اور مبارکباد کے پیغامات بھیجنے پر سعودی ولی عہد کا شکریہ ادا کرتے ہوئے پاکستان کے سرکاری دورے کی دعوت دی،وزیراعظم شہباز شریف کا کہنا تھا کہ پاکستانی عوام سعودی شاہی مہمانوں کے پرتپاک استقبال کے منتظر ہیں، سعودی عرب کے ساتھ برادرانہ تعلقات پر فخر ہے، دونوں ممالک ہمیشہ ایک دوسرے کے ساتھ کھڑے رہے ہیں

وزیراعظم نے حرمین الشریفین کے متولی شاہ سلمان بن عبدالعزیز کی صحت و تندرستی کے لیے نیک تمناؤں کا اظہار کرتے ہوئے سعودی قیادت اور سعودی عوام کو بھی رمضان المبارک کے بابرکت مہینے کی مبارکباد دی،وزیراعظم شہباز شریف کا کہنا تھا دعا ہےکہ یہ مقدس ماہ پوری دنیا کے مسلمانوں کے لیے امن اور خوشحالی لائے،سعودی ولی عہد نے وزیراعظم شہباز شریف کا شکریہ ادا کرتے ہوئے پاکستان کے لیے اپنی حمایت کا اعادہ کیا اور کہا کہ دونوں ممالک میں قریبی برادرانہ تعلقات ہیں۔

مبشر لقمان کے ساتھ احترام کا رشتہ ہے اور رہے گا، شیر افضل مروت

مبشر لقمان کو شیر افضل مروت کی جانب سے دیا گیا انٹرویو سننے کے لئے یہاں کلک کریں،

باغی ٹی وی کی رپورٹ کے مطابق تحریک انصاف کے رہنما، رکن قومی اسمبلی ،ممتاز قانوندان شیر افضل مروت نے کہا ہے کہ تحریک انصاف کے ورکر میرے باپ نہ بنیں، مبشر لقمان کے ساتھ احترام کا رشتہ ہے اور رہے گا

میڈیا سے بات کرتے ہوئے ایک سوال کے جواب میں شیر افضل مروت کا کہنا تھا کہ مبشر لقمان نے میرے خلاف کسی کو گالی نہیں نکالی، میں تیس سال سے اس پیشے سے وابستہ ہوں، آٹھ برس تک مبشر لقمان کا وکیل رہا ،اگر کسی کے ساتھ میرا اتنا پرانا تعلق ہے تو انکے ساتھ بیٹھنے سے کوئی مجھ سے سوال نہ کرے، مبشر لقمان نے مجھ سے انٹرویو کیا میں نے تحریک انصاف کا مؤقف دیا، اس طرح نہ کریں کہ ہمارے ورکر ہمارے باپ بننا شروع ہو جائیں، مجھے علم ہے حدود کیا ہیں،لیکن اس طرح سیاست تونہ ہوئی، مبشر لقمان ہو یا کوئی بھی گزشتہ زندگی میں جس کے ساتھ میرا تعلق رہا انکے ساتھ بیٹھوں گا، مبشر لقمان کے ساتھ میرے برادارنہ مراسم رہے ہیں، احترام کا رشتہ ہے اور وہ رہے گا،جب ساری دنیا میرے خلاف تھی تب بھی مبشر لقمان میرے خلاف نہیں ہوئے

واضح رہے کہ سینئر صحافی و اینکر پرسن مبشر لقمان کی اسلام آباد میں شیر افضل مروت سے ملاقات ہوئی تھی، جس کے بعد شیر افضل مروت نے مبشر لقمان کو انٹرویو بھی دیا تھا، مبشر لقمان اور شیر افضل مروت کی تصویر سوشل میڈیا پر وائرل ہوئی تو پی ٹی آئی کے سوشل میڈیا ایکٹوسٹ نے شیر افضل مروت پر تنقید شروع کر دی تھی جس پر شیر افضل مروت نے آج سب کو جواب دے دیا ہے،

مبشر لقمان کو دیئے گئے ایک انٹرویو میں شیر افضل مروت کا کہنا تھا کہ وقت اور حالات انسانوں کی صحیح شبیہ عوام کے سامنے لاتے ہیں ،انکے سامنے بھی جو انکے محسن ہوتے ہیں میں پی ڈی ایم حکومت آنے کے بعد سے مئی 2022 سے خان کی ٹیم کا حصہ بن چکا تھا میں نے بڑے قریب سے دیکھا لوگوں کو ساتھ چھوڑتے ہوئے، ہر ایک محرکات کا علم ہے، جب نو مئی ہوا تو 11 تاریخ کو خان کی رہائی کا آرڈر ہوا، 13،14،15،16 ہر رات خان صاحب اس کو یہ فکر لگی رہتی تھی کہ آج کون ٹوٹ رہا ہے، انکو بڑا دکھ ہو رہا تھا سابق ساتھیوں کے جانے کا.

مبشر لقمان کو شیر افضل مروت کی جانب سے دیا گیا انٹرویو سننے کے لئے یہاں کلک کریں،

اسلام آباد ہائی کورٹ میں عدالتی حکم کے باوجود عمران خان سے ملاقات نہ کرانے کے خلاف شہریار آفریدی اور شاندانہ گلزار کی سپرنٹنڈنٹ اڈیالہ جیل کے خلاف توہینِ عدالت کی درخواستوں پر سماعت ہوئی

اسلام آباد ہائی کورٹ کی جسٹس ثمن رفعت امتیاز نے درخواستوں پرسماعت کی،عدالت نے ایڈووکیٹ جنرل کو سپرنٹنڈنٹ جیل کی طرف سے تحریری جواب جمع کرانے کا حکم دے دیا،عدالت نے دوران سماعت استفسار کیا کہ یہاں پیر کے روز ملاقات پر رضامندی کے باوجود ملاقات کیوں نہیں کرائی گئی قیدیوں کی ملاقاتوں کے لیے سیکیورٹی انتظامات کیوں نہیں کیے جا سکتے؟ قیدی کا وکیل سے ملاقات کرنا بنیادی اور آئینی حق ہے، ایڈووکیٹ جنرل اسلام آباد نے عدالت میں کہا کہ پوری جیل کو سخت سکیورٹی تھریٹس ہیں،

دوران سماعت عدالت نے ریمارکس دیتے ہوئے کہا کہ یہ راہ فرار کا آسان طریقہ ہے کہ سیکیورٹی تھریٹ ہے تو پوری جیل بند کر دیں، سیکیورٹی تھریٹس ہیں تو پورے ملک کے موبائل نیٹ ورک بند کر دیں،کل آپ کو عدالت کے لیے تھریٹ آتی ہے تو کیا عدالت بند کر دیں گے؟ آپ کو درمیانہ راستہ نکالنا ہوگا جس سے بنیادی اور آئینی حقوق بھی متاثرنہ ہوں، سیکیورٹی تھریٹ شہریوں کے بنیادی اور آئینی حقوق کی قیمت پر نہیں ہوگا، آپ کے لیے بڑا آسان ہے کہ یہ کہہ دیں قیدی وکلا سے نہ ملیں، ایسے اقدامات کی بہت سے ممالک کی مثالیں موجود ہیں، آپ ان ممالک کی تقلید کر رہے ہیں جن میں خطرناک نتائج آئے ہیں

پی ٹی آئی کے وکیل نے عدالت سے استدعا کی کہ درخواست گزاروں کی ملاقات نہیں ہو سکی، ان کی ملاقاتوں کا حکم دیا جائے،جسٹس ثمن رفعت امتیاز نے سوال کیا کہ کیا ملاقات پر پابندی کا نوٹی فکیشن معطل ہوگیا؟ نوٹی فکیشن معطل نہیں ہوا تو میں آپ کے لیے کیسے استثنیٰ نکال دوں؟ عدالت نےسپرنٹنڈنٹ اڈیالہ جیل سے جواب طلب کرتے ہوئے سماعت آئندہ ہفتے تک ملتوی کر دی

سائفر کیس،یہ کہتے تھے ضمانت کا حق نہیں ، سپریم کورٹ نے ضمانت بھی دی،سلمان صفدر

عمران خان اور بشریٰ بی بی کو سزا کے خلاف اسلام آباد ہائیکورٹ سے رجوع کرنے کا فیصلہ 

 بنی گالہ میں سارے سودے ہوتے تھے کہا گیا میرا تحفہ میری مرضی

عمران خان جیل میں شاہانہ زندگی گزار رہے ہیں، وفاقی وزیر اطلاعات

عمران خان سے ملاقات نہ کرانے پر توہین عدالت کی درخواست، نوٹس جاری

اب بتا رہا ہوں پاکستان میں سری لنکا والا کام ہونے جا رہا ، کوئی ڈیل کی بات نہیں ہو رہی، عمران خان

ممنوعہ بور کے اسلحہ لائسنس کیس،سپریم کورٹ نے تحریری حکمنامہ جاری کر دیا
عدالت نے تحریری حکمنامہ میں کہا کہ عوام کو آزادانہ طور پر ممنوعہ اسلحہ لہرانے والوں کے رحم و کرم پر چھوڑ دیا گیا،بظاہر پولیس، محکمہ داخلہ اور وزارت داخلہ لوگوں کو محفوظ بنانے میں دلچسپی نہیں رکھتی،شادی ہالز، بازاروں،ا سکولوں اور اسپتالوں کے باہر بھی ایس ایم جیز کھلے عام نظر آتی ہیں، گاڑیوں میں مجرمانہ مقاصد کیلئے اسلحہ اٹھائے لوگ نظر آتے ہیں مگر پولیس نظر انداز کرتی ہے،قانون کی پاسداری کرنے والے شہری اسلحہ کی نمائش سے خود کو غیر محفوظ سمجھتے ہیں، ایسے ماحول میں جس کی لاٹھی اس کی بھینس کی مثال والی فضا پیدا ہوتی ہے،حیران کن بات ہے کہ پولیس کے پاس کسی اسلحہ کی تصدیق کا کوئی طریقہ کار نہیں،

سپریم کورٹ نے وفاقی حکومت سے بذریعہ سیکریٹری داخلہ تحریری جواب طلب کر لیا، عدالت نے حکمنامہ میں کہا کہ کیا وفاقی حکومت کی یہ پالیسی ہے کہ آتشی اسلحہ کی عوامی سطح پر نمائش کرنی ہے؟کیا عوامی مقامات پر اسلحہ کی نمائش پر پابندی نہیں؟ سپریم کورٹ نے اٹارنی جنرل کو بھی نوٹس جاری کردیا،سپریم کورٹ نے6 مارچ کی سماعت کا تحریری حکمنامہ جاری کیا.

دہشت گردی کا بڑا منصوبہ ناکام’ کالعدم تنظیموں کے 7 دہشت گردگرفتار’اسلحہ برآمد

سرکاری نمبر پلیٹ لگی ویگو پک اپ گاڑی سے اسلحہ و منشیات کی بھاری کھیپ برآمد

ممنوعہ بور کے اسلحہ لائسنس لاکھوں روپے لے کر بنائے گئے ،سینیٹر بہرمند تنگی کا انکشاف

سابق رکن اسمبلی کے گھر چھاپہ ، سونا،غیر ملکی اسلحہ،شراب کی بوتلیں،کروڑوں روپے برآمد

اراکین اسمبلی کے 150 سے زائد لیٹر پیڈز پر ہزاروں اسلحہ لائسنس جاری

صدر مملکت نے ممنوعہ بور کے اسلحہ لائسنس مانگ لئے

میرے لیے قانون میں خصوصی رعایت ملنا باعثِ شرم ہے،چیف جسٹس

اسپیکر قومی اسمبلی ایاز صادق کی زیر صدارت قومی اسمبلی کا اجلاس ہوا

قومی اسمبلی کے اجلاس میں اسلاموفوبیا کے خلاف جنگ کے عالمی دن کے موقع پر غزہ میں صہیونی فوج اور اسرائیلی بربریت کا نشانہ بن کر شیہد ہونے والے مسلمانوں کے لئے فاتحہ خوانی کی گئی،

قومی اسمبلی ، فلسطین میں جاری اسرائیلی مظالم کے خلاف قرارداد منظور
شازیہ مری نے قومی اسمبلی میں غزہ پر بمباری روکنے کے لیۓ قرارداد پیش کی۔قومی اسمبلی میں غزہ فلسطین پر جاری اسرائیلی بربریت کے خلاف مذمتی قرارداد منظور کر لی گئی،قراردادکے متن میں کہا گیا کہ ایوان آج کے دن کو عالمی یوم انسداد اسلاموفوبیا قرار دیتا ہے، فلسطین میں اسرائیلی جارحیت کی مذمت کرتا ہے، حکومت پر سیز فائر کے لئے عالمی برادری پر زور دینے کا مطالبہ کرتے ہیں،

اجلاس میں مخصوص نشستوں پر رکن قومی اسمبلی بننے والی 5 خواتین نے حلف اٹھا لیا،اسپیکر قومی اسمبلی ایاز صادق نے خواتین سے حلف لیا،قومی اسمبلی کی رکنیت کا حلف اٹھانے والے ارکان کی تعداد 316 ہوگئی ہے،

قومی اسمبلی میں 7 آرڈیننس توسیع کے لئے پیش کردئیے گئے ،پاکستان براڈ کاسٹنگ کارپوریشن ترمیمی آرڈیننس 2023، پاکستان نیشنل سپنگ کاروپوریشن 2023،پاکستان پوسٹل سروسز مینیجمنٹ بورڈ آرڈیننس 2023،نیشنل ہائی وے اتھارٹی ترمیمی آرڈیننس 2023،فوجداری قوانین ترمیمی آرڈیننس 2023،نجکاری کمیشن ترمیمی آرڈیننس 2023،ٹیلی مواصلات ایپلیٹ ٹریبونل قیام آرڈیننس 2023ایوان میں پیش کر دیا گیا،

قومی اسمبلی اجلاس آرڈیننس ایک سو بیس روز کی توسیع کے لیے پیش کئے،وزیر قانون نے آرڈیننس میں توسیع کی قرارداد پیش کرنے کے لیے نوٹس پیش کر دیا،اپوزیشن کے شور شرابہ پہ اسپیکر نے گنتی شروع کروا دی،قرارداد کی حمایت میں 130ووٹ اور مخالفت میں 63ووٹ آئے،

قومی اسمبلی میں قائد حزب اختلاف عمر ایوب کا کہنا تھا کہ کس قانون کے تحت یہ حکومت آتے ساتھ ہی بلز،آرڈیننس قومی اسمبلی سے پاس کروا رہی ہے , یہ غیر آئینی حکومت فارم 47 کی بنیاد پر آئی ہے- ہم یہ مسترد کرتے ہے اور جن لوگوں نے آج حلف اٹھایا ہے ہم وہ بھی مسترد کرتے ہے ہمیں عوام نے مینڈیٹ دے کر اسمبلی میں بھیجا ہے-

قومی اسمبلی میں حکومت کی جانب سے ترمیمی آرڈیننس پیش کرنے پر اپوزیشن نے شدید احتجاج کیا، جس پر سپیکر ایاز صادق کا کہنا تھا کہ آئی ایم ایف سے جڑے معاملات ہیں، ان میں ہم تاخیر نہیں کر سکتے،قومی اسمبلی اجلاس میں اپوزیشن کے شور شرابے کے دوران آرڈیننس کی مدت میں توسیع کی قرارداد منظور کر لی گئی،

پیپلز پارٹی رکن نوید قمر کا کہنا تھا کہ ہم اس قرارداد کو منظور کروانے میں ساتھ ہیں مگر احتیاط ہونی چاہئے،ایسی کوئی چیز نہیں ہونی چاہیے جو قابل واپسی نہ ہو،وزیر قانون کی وضاحت کے دوران سنی اتحاد کونسل ارکان کی جانب سے کاغذات پھاڑ کر پھینکنے پہ اسپیکر برہم ہو گئے،اور کہا کہ اگر اب ایسا کیا تو انضباطی کارروائی پہ مجبور ہوں گا،اعظم نذیر تارڑ نے کہا کہ ہم تمام اتحادیوں کی رائے لیں گے،ہم پرانے آرڈیننس کی توسیع کے بعد قوانین بناتے ہوئے ایوان کو اعتماد میں لیں گے.

ملک کے بجائے ہر وقت قیدی کے پیچھے کھڑے نہ ہوا کریں،وفاقی وزیر قانون
قومی اسمبلی میں اپوزیشن رہنما عمر ایوب نے کہا کہ یہ آرڈیننس پاکستان کو بیچنے کے لیے ہیں، آرڈیننسز میں توسیع کی قرارداد کو مسترد کرتے ہیں، وفاقی وزیر قانون اعظم نذیر تارڑ نے کہا کہ اپوزیشن والے بات کرنے سے پہلے آرڈیننس کو پڑھ لیا کریں، کل پشاور ہائی کورٹ نے ان کو گھر بھیج دیا کہ ان کا کوئی استحقاق نہیں، ملک کے بجائے ہر وقت قیدی کے پیچھے کھڑے نہ ہوا کریں،

اپوزیشن سے متفق ہیں، حکومتیں آرڈیننسز پر نہیں چلتیں،خورشید شاہ
پیپلز پارٹی کے رہنما خورشید نے کہا کہ وہ اپوزیشن سے متفق ہیں، حکومتیں آرڈیننسز پر نہیں چلتیں دیکھا جائے کہ گزشتہ تینوں ادوار میں صدارتی آرڈیننسز کس دور میں سب سے زیادہ پیش ہوئے؟

سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار

قصور کے بعد تلہ گنگ میں جنسی سیکنڈل. امام مسجد کی مدرسہ پڑھنے والی بچیوں کی ساتھ زیادتی

سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام

مردان میں کے ایف سی کو لگے تالے حکومت نے کھلوا دیئے

قرارداد پر سنی اتحاد کونسل کے ’نو نو‘ کے نعرے شرمناک ہیں،شازیہ مری
ترجمان پیپلزپارٹی پارلیمنٹیرینز شازیہ مری کا کہنا ہے کہ مقبوضہ فلسطین کے محصور علاقے غزہ کے حوالے سے قرارداد پر سنی اتحاد کونسل کے ’نو نو‘ کے نعرے شرمناک ہیں، پی ٹی آئی کی منفی سوچ بے نقاب ہورہی ہے،پی ٹی آئی ہو یا سنی اتحاد کونسل غزہ کے مسئلے پر سنجیدہ ہونا چاہیے، سب جانتے ہیں کہ پی ٹی آئی کی بنیاد میں اسرائیلی فنڈنگ ہےغزہ میں نسل کشی کے متعلق قرارداد کے خلاف پی ٹی آئی کھل کر سامنے آئی، پی ٹی آئی نے شہید بھٹو کے عدالتی قتل کے متعلق قرارداد کی بھی مخالفت کی