Baaghi TV

Category: اہم خبریں

  • تحریک انصاف کے رہنماؤں کے گھر پر پولیس کے چھاپے اور گرفتاریاں

    تحریک انصاف کے رہنماؤں کے گھر پر پولیس کے چھاپے اور گرفتاریاں

    تحریک انصاف کے رہنماؤں کے گھر پر پولیس کے چھاپے اور گرفتاریاں

    لاہور پولیس کے تحریک انصاف کے رہنماؤں اور کارکنوں کے گھروں پر چھاپے جبکہ چھاپوں کے دوران پی ٹی آئی کے متعدد کارکن گرفتار کر لئے گئے۔ پولیس کے مطابق زمان پارک آپریشن کے دوران پولیس پر حملوں، جلاؤ گھیراؤ میں مطلوب ملزمان کو گرفتار کیا جارہا ہے۔ ادھر اسلام آباد میں بھی اسی طرح چھاپے اور گرفتاریاں شروع ہیں۔

    خیال رہے کہ کوئٹہ میں بھی گزشتہ روز سڑک بلاک کرنے خلاف تحریک انصاف کے 80 کے قریب رہنماؤں اور کارکنوں کے ایف آئی آر درج کی گئی جبکہ ایف آئی آر ایس ایچ او بجلی گھر تھانہ کی مدعیت میں درج کی گئی اور ایف آئی آر میں عوام کو مشکلات. نازیبا الفاظ کا استعمال سمیت مختلف دفعات شامل کی گئی ہیں۔ ایف آئی آر میں عبدالباری بڑیچ. آصف ترین. نواب خان دمڑ. نور خان خلجی. رحیم کاکڑ. زین البدین. موسی کاکڑ. عنایت کاکڑ. دیگر نامعلوم کارکن شامل ہیں۔

    علاوہ ازیں رہنما پی ٹی آئی چوہدری عمر طالب ایڈووکیٹ ممبر کنٹونمنٹ بورڈ کے گھر پولیس کا چھاپہ ، پولیس نے ان کے بھائی چوہدری عمير طالب کو بھی گرفتار کر لیا گیا جبکہ ذرائع کے مطابق پولیس سینیٹر شبلی فراز کو گرفتار کرنے بھی ان کے گھر پہنچ گئی ہے علاوہ ازیں ذرائع نے بتایا کہ مطلوب شخص کے نا ملنے کی صورت میں بچوں اور والدین کو گرفتار کیا جا رہا ہے۔ اسلام آباد پولیس نے سینیٹر شبلی فراز کے گھر کی تلاشی لی جبکہ پی ٹی آئی رہنماؤں کا کہنا ہے کہ پولیس نے شبلی فراز کے اہلِ خانہ اور ملازمین کو ہراساں کیا۔

    چھاپے کے وقت سینیٹر شبلی فراز اسلام آباد میں موجود نہیں تھے۔ چیئرمین سینیٹ صادق سنجرانی نے سینیٹرشبلی فراز کے گھر چھاپے پر اظہار تشویش کرتے ہوئے کہا ہے کہ پولیس کو چاہیے کہ چادراور چار دیواری کا احترام کرے، آئی جی اسلام آباد فوری واقعے کی تفصیلی رپورٹ دیں۔ واضح رہے کہ سابق وفاقی وزیر اور رہنما تحریک انصاف شبلی فراز کو پولیس نے عمران خان کی جوڈیشل کمپلیکس میں پیشی کے بعد حراست میں لے لیا تھا۔

    توشہ خانہ کیس کی سماعت کے دوران پی ٹی آئی وکیل نے عدالت کو بتایا کہ شبلی فراز کو اسلام آباد پولیس نے گرفتار کیا ہے، جس پر جج نے پی ٹی آئی رہنما کو پیش کرنے کا حکم دیا۔عدالتی حکم پر شبلی فراز کو عدالت میں پیش کیا گیا، شبلی فراز نے عدالت میں بیان دیا کہ مجھے ایس پی نے پکڑا اور گالیاں دیں۔ عدالت نے ڈی آئی جی کو بھی کمرہ عدالت میں طلب کیا، ایف سی کے زخمی اہلکار بھی عدالت میں پیش ہوئے۔ عدالت میں پیش کئے جانے کے بعد شبلی فراز کو پولیس کی جانب سے چھوڑ دیا گیا تھا۔

    میڈیا خبروں کے مطابق سینیئر نائب صدر پاکستان تحریک انصاف خواتین ونگ پنجاب کنیز فاطمہ چدھڑ کی رہائش گاہ پر پولیس کی بھاری نفری کا چھاپہ ، پی ٹی آئی کی خاتون رہنماء کے گھر پولیس دیواریں چھلانگ کر داخل ہوئی پولیس نے پی ٹی آئی کی خاتون رہنماء کنیز فاطمہ چدھٹر کے گھر کی چار دیواری کے تقدس کو پامال کردیا خواتین اور بچوں کو حراسہ کرنے کی کوشش جبکہ کینر فاطمہ چدھٹر کا کہنا ہے کہ پولیس نے میرے گھر گپر چھاپہ مارکر میری فیملی کو ہراساں کیا. اور پولیس کے ساتھ سادہ کپڑوں میں ملبوس غنڈوں نے گھر میں موجود بچوں پرتشددکیا. ان کا مزید کہنا تھا کہ پُرامن جلسہ کوروکنے کے لیےامپورٹڈ حکمرانوں نےاوچھی حرکتیں شروع کردی ہیں چار دیواری کا تقدس پامال کیا جارہا ہےمگر یہ یاد رکھیں یہ جلسہ اب ہوگا اور یہ کہاں کا قانون ہے یہ رات کے وقت پولیس عام شہریوں کے گھر پر داخل ہوں.

    بلال اسلم بھٹی نے کہا ہے کہ پولیس کے چھاپے کی شدید الفاظ میں مذمت کرتا ہوں جبکہ شہباز سرکار اور نگران حکومت پنجاب کی بوکھلاہٹ کا نتیجہ ہے اور تحریک انصاف کے کارکنان اوچھے ہتھکنڈوں سے گھبرانے والے نہیں ہیں۔ انہوں نے مزید کہا کہ تحریک انصاف کے کارکنان اپنے قائد عمران خان کے ساتھ ڈٹ کر کھڑے ہیں اور شہباز سرکار عمران خان سے سیاسی طور پر خوفزدہ ہے۔

    دوسری جانب ملتان میں سابق صوبائی وزیر سید علی حیدر گیلانی نے گزشتہ روز زمان پارک میں دروازہ توڑ کر داخلے کی پرزور مذمت کی ہے جبکہ ان کا کہنا تھا کہ سیاسی اختلافات اپنی جگہ لیکن چادر و چار دیواری کا تقدس پامال کرنے کی مذمت کرتا ہوں اور پاکستان پیپلزپارٹی ہمیشہ سیاست میں روادری کی قائل ہے، عمران خان کی غیر موجودگی میں پولیس کا عمران خان کے گھر آپریشن انتہائی نامناسب عمل ہے۔
    مزید یہ بھی پڑھیں؛
    عمران خان کہتے تھےعدالت جاؤں گا تو قتل ہوجاؤں گا اب کل پیش ہوئے تو کیا قتل ہوگئے؟ مریم اورنگزیب
    ایکواڈوراورپیرو میں زلزلہ،15 افراد ہلاک اور 125 سے زائد زخمی،بلوچستان میں بھی زلزلے کے جھٹکے
    جوڈیشل کمپلیکس سانحہ: امجد نیازی سمیت تمام ملزمان کو جوڈیشل ریمانڈ پر اڈیالہ جیل بھیجنےکا حکم
    ٹیم غازی نے نیشنل برج فیڈریشن آف ایشیاء اینڈ مڈل ایسٹ چیمپئن شپ میں کوالیفائی کرلیا
    پاکستان اور کرغزستان علاقائی اقتصادی انضمام میں کلیدی کردار ادا کر سکتے. مہر کاشف
    گردوں کے مریضوں کے لیے ڈائیلیسز کی لاگت میں 40 فیصد اضافہ
    ان کا کہنا تھا کہ پاکستان ایسے واقعات کا متحمل نہیں ہوسکتا، حکومت اور پی ٹی ئی دونوں کو چاہیئے کہ تحمل سے کام لے اور معاملات کو پیچیدگی سے بچایا جائے۔ سیاست میں روادری قائم رہنی چاہیئے، سیاست کو تشدد اور بدامنی سے پاک ہونا چاہیئ.

  • عمران خان کا بدھ کو مینار پاکستان پر جلسے کا اعلان

    عمران خان کا بدھ کو مینار پاکستان پر جلسے کا اعلان

    عمران خان کا بدھ کو مینار پاکستان پر جلسے کا اعلان

    چیئرمینپی ٹی آئی عمران خان نے بدھ 22 مارچ کو مینار پاکستان میں جلسہ کرنے کا اعلان کیا ہے انہوں میڈیا سے گفتگو میں کہا کہ گیم سب کے ہاتھ سے نکلنے لگی ہے، ہوش نہ کیا تو حالات اس طرف جائیں گے جیسا ایران میں ہوا اور پھر چیزیں کسی کے کنٹرول میں نہیں رہیں گی۔ جبکہ انہوں نے مزید کہا کہ حکومت انہیں گرفتار کر کے بلوچستان لے جانا چاہتی تھی، جس کا مقصد تھا کہ وہ اپنی پارٹی کے کسی فرد کو الیکشن ٹکٹ جاری نہ کرسکیں۔

    پی ٹی آئی چیئرمین کا کہنا تھا کہ جھوٹ کی رانی کی لیول پلیئنگ فیلڈ کا مطلب ہے، انہیں راستے سے ہٹایا جائے، یہی لندن پلان کا حصہ ہے۔ ان کا یہ بھی کہنا تھا کہ حکومت اسٹیبلشمنٹ کی مدد کے باوجود 37 میں سے 30 ضمنی الیکشن ہار چکی ہے، وارنٹ تو رانا ثناء کے بھی نکلے ہوئے ہیں، اس پر کوئی کارروائی نہیں کی گئی۔ عمران خان نے یہ بھی کہا کہ میں نے 8 مارچ کو ریلی کا نکالنے کا فیصلہ کیا، 7 مارچ کو پولیس نے ہمیں ریلی نکالنے کی اجازت دی۔

    انہوں نے کہا کہ اگلے دن ہر جگہ کینٹینر لگنے شروع ہوئے تو ہم حیران ہوئے۔پوچھتا ہوں الیکشن کے اعلان کے بعد دفعہ 144 کیسے لگ سکتی ہے؟ پی ٹی آئی چیئرمین کا کہنا تھا کہ میں نے 8 مارچ کی ریلی شام 5 بجے منسوخ کرنے کا کہا، ریلی اس لیے منسوخ کی کیونکہ انتشار پھیلنے کا خدشہ تھا۔ انہوں نے کہا کہ میں نے سیشن عدالت میں اپنا کیس شفٹ کرنے کا کہا تھا کیونکہ مجھ پر حملے کا خدشہ تھا، کیس شفٹ کرنے کے بجائے میرے وارنٹ نکال دیے گئے۔

    عمران خان نے کہا کہ انہوں نے زمان پارک میں شیلنگ، لاٹھی چارج کیا، زمان پارک میں لوگ مرنے کیلئے تیار ہوگئے، مجھے کہا آپ کو نہیں نکلنا۔ ان کا کہنا تھا کہ میں اسلام آباد کیلئے نکلا تو پتا تھا، انہوں نے مجھے جیل میں ڈالنا ہے یا قتل کرنا ہے، مجھے عدالت پہنچنے میں ساڑھے 5 گھنٹے لگے۔ پی ٹی آئی چیئرمین نے کہا کہ سارا موٹروے صرف ایک آدمی کےلیے بند کیا گیا، ایسا لگ رہا تھا انہوں نے ساری پولیس، ایف سی کھڑی کی ہوئی ہے۔

    انہوں نے کہا کہ میں لاہور ہائیکورٹ گیا تو لوگ میرے ساتھ گئے میں نے کسی کو نہیں کہا تھا، لوگوں کو ڈر تھا کہ کہیں یہ مجھے کچھ کر نہ دیں۔ عمران خان نے کہا کہ یہ لوگ شیلنگ کر کے اشتعال دلانے کی کوشش کر رہے تھے کہ کچھ ہو، میں عدالت کے باہر مشکل سے پہنچا، میں صرف حاضری لگوانے گیا تھا۔ علاوہ ازیں ان کا کہنا تھا کہ میں عدالت کے دروازے پر گیا تو رینجرز، پولیس اور نامعلوم افراد نظر آرہے تھے، ہم عدالت کے باہر تھے تو وہاں پر بھی آنسو گیس کی شیلنگ کی گئی۔
    مزید یہ بھی پڑھیں؛
    عمران خان کہتے تھےعدالت جاؤں گا تو قتل ہوجاؤں گا اب کل پیش ہوئے تو کیا قتل ہوگئے؟ مریم اورنگزیب
    ایکواڈوراورپیرو میں زلزلہ،15 افراد ہلاک اور 125 سے زائد زخمی،بلوچستان میں بھی زلزلے کے جھٹکے
    جوڈیشل کمپلیکس سانحہ: امجد نیازی سمیت تمام ملزمان کو جوڈیشل ریمانڈ پر اڈیالہ جیل بھیجنےکا حکم
    ٹیم غازی نے نیشنل برج فیڈریشن آف ایشیاء اینڈ مڈل ایسٹ چیمپئن شپ میں کوالیفائی کرلیا
    پاکستان اور کرغزستان علاقائی اقتصادی انضمام میں کلیدی کردار ادا کر سکتے. مہر کاشف
    گردوں کے مریضوں کے لیے ڈائیلیسز کی لاگت میں 40 فیصد اضافہ
    پی ٹی آئی چیئرمین نے کہا کہ ان کا پلان تھا کسی طرح عدالت کے باہر انتشار ہو یہ گاڑی سے نکلے اور اسے قتل کردیا جائے۔ عمران خان کا کہنا تھا کہ مجھےخوف تھا کہ قتل عام ملک بھر میں پھیل جائے گا۔ انہوں نے کہا کہ اسلام آباد میں جیسی شیلنگ ہوئی اگر گاڑی تیزی سے باہر نہ نکالتا تو وہاں خون ہونا تھا، اگر ہوش کے ناخن نہ لیے تو ملک ہاتھ سے نکل جائے گا۔

  • پی ٹی آئی نے پونے چار سال بحران در بحران پیدا کیے۔سراج الحق

    پی ٹی آئی نے پونے چار سال بحران در بحران پیدا کیے۔سراج الحق

    پی ٹی آئی نے پونے چار سال بحران در بحران پیدا کیے،عدالتوں کے فیصلوں میں واضح تضاد ہے- سراج الحق
    صوابی،باغی ٹی وی (ویب نیوز)امیر جماعت اسلامی سراج الحق نے کہا ہے کہ ملک میں حکومتی رٹ ختم ہو چکی، ایک سیاسی لیڈر کے عدالت میں پیش ہونے پر پوری موٹروے اور وفاقی دارالحکومت کو سیل کر دیا گیا۔ سب کو کہتا ہوں کھیل بند کریں، عوام کو شفاف طریقے سے اپنے نمائندے منتخب کرنے کا اختیار دیا جائے، ملک میں ایک روز قومی انتخابات وقت کی ضرورت اور بحرانوں کے حل کا واحد راستہ ہیں۔ پُرامن انتخابات کے لیے تمام سیاسی جماعتوں کو مذاکرات کی میز پر بیٹھنا ہو گا ورنہ الیکشن کے بعدتصادم میں اور اضافہ ہو گا۔
    صوابی میں جلسہ عام سے خطاب کرتے ہوئے انہوں نے کہا ہے کہ قومی سیاست پر 75برسوں سے جرنیلوں کا قبضہ ہے۔ پی ڈی ایم، پیپلزپارٹی کی حکومت بھی وہی لوگ لائے جنہوں نے پی ٹی آئی کو مسلط کیا، گزشتہ پانچ برسوں میں 15سیاسی جماعتوں کی کارکردگی سب کے سامنے ہے، ٹرائیکا نے معیشت، سیاست، معاشرت سب کا بیڑہ غرق کر دیا۔ اسٹیبلشمنٹ دہائیوں سے ملک پر اپنے ایجنٹ مسلط کر رہی ہے، اب قوم کی حالت پر رحم کھایا جائے۔ اسٹیبلشمنٹ سے سوال ہے کہ جن لوگوں کو انہوں نے مسلط کیا آج تک انہوں نے قوم اور ملک کو کیا دیا؟ پی ڈی ایم، پیپلزپارٹی کی اتحادی حکومت کی 11ماہ کی کارکردگی صفر ہے، پی ٹی آئی نے پونے چار سال بحران در بحران پیدا کیے۔
    جلسہ میں مختلف سیاسی جماعتوں سے سینکڑوں افراد نے جماعت اسلامی میں شمولیت اختیار کی۔ سراج الحق نے جماعت اسلامی کا حصہ بننے والے افراد کو مبارک باد دی اور انھیں ملک میں اسلامی نظام کے نفاذ کے لیے تمام توانائیاں صرف کرنے کی ہدایات کیں۔
    امیر جماعت نے کہا کہ ملک میں جاری صورت حال کے دوران عدالتی نظام پر بھی سوالیہ نشان لگ گیا، مختلف عدالتوں کے فیصلوں میں واضح تضاد ہے، طاقتور اور کمزور کے لیے الگ الگ قانون ہے۔
    سراج الحق نے کہا کہ پی ڈی ایم، پیپلزپارٹی اور پی ٹی آئی کی لڑائی مفادات کے لیے ہے، جو کوئی سمجھتا ہے کہ ٹرائیکا ملک اور عوام کی خاطر برسرپیکار ہے وہ سیاسی طور پر نابلد ہے۔ انھوں نے کہا کہ ٹرائیکا نے مل کر کشمیر کا سودا کیا اور قوم کو آئی ایم ایف کا غلام بنایا، یہ ملک کے نام پر قرضہ لے کر خود کھا گئے، حکمران بیرونی قرضوں پر عیاشیاں کررہے ہیں، قوم بھوکی مر رہی ہے، انھوں نے قومی خزانہ کو بے دردی سے لوٹا، توشہ خانہ رپورٹ میں سب کے کرتوت سامنے آ گئے، اس سے قبل پاناما لیکس اور پنڈوراپیپرز میں بھی انہی لوگوں کے نام آئے، انھوں نے اداروں کو کمزور اور متنازعہ بنایا۔ ملک کی باگ ڈور آئی ایم ایف کے ہاتھوں میں ہے، عالمی مالیاتی ادارہ آج مہنگائی، اداروں کی پرائیوٹائزیشن اور غریب عوام پر ٹیکسز لاگو کرنے کے احکامات جاری کر رہا ہے، کل کہے گا کہ ایٹم بم بھی ہمارے حوالے کرو۔
    امیر جماعت نے کہا کہ حکمرانوں نے قبائلی علاقوں کے انضمام کے موقع پر عوام سے کیے گئے وعدے پورے نہیں کیے، سیلاب متاثرین کو ایک پائی نہیں دی، سیلاب زدگان کے لیے اربوں روپے کی امداد یہ سب مل کر کھا گئے۔ خیبرپختونخوا میں بھتہ خوری، اغوا برائے تاوان کی وارداتیں ہو رہی ہیں، پی ٹی آئی نے دس برسوں میں صوبے کو تباہ کر دیا، صوبہ میں اب بھی کرپشن عام ہے، لوگ اپنے گھروں میں محفوظ نہیں۔ انھوں نے مطالبہ کیا کہ حکومت ماہ رمضان کے تقدس میں مہنگائی میں 50فیصد کمی کرے، گوادر کو حق دو تحریک کے رہنما مولانا ہدایت الرحمان کو فوری رہا کیا جائے اورالیکشن کمیشن کراچی میں بلدیاتی انتخابات مکمل کرے۔
    سراج الحق نے کہا کہ مسائل کا حل اسلامی نظام کے نفاذ میں ہے۔ جماعت اسلامی ہی ملک کو کرپشن اور سود سے نجات دلا سکتی ہے۔ قوم آئندہ الیکشن میں ترازو کا انتخاب کرے۔ جماعت اسلامی ملک کو جدید اسلامی فلاحی ریاست بنائے گی۔ قوم نے پی ڈی ایم، پیپلزپارٹی اور پی ٹی آئی کو آزما لیا، مارشل لاء کے ادوار بھی دیکھ لیے، اب ایک موقع جماعت اسلامی کو ملنا چاہیے۔

  • عمران نیازی کی گزشتہ چند دنوں کی حرکات سب کے سامنے ہیں، وزیراعظم

    عمران نیازی کی گزشتہ چند دنوں کی حرکات سب کے سامنے ہیں، وزیراعظم

    باغی ٹی وی کی رپورٹ کے مطابق سابق وزیراعظم، تحریک انصاف کے چیئرمین عمران خان عدالت پیشی کے لئے اسلام آباد گئے ہیں تا ہم ابھی تک پیشی نہیں ہو سکی، زمان پارک میں وارنٹ کے لئے پولیس آئی تو پی ٹی آئی کارکنان نے پولیس پر پتھراؤ کیا، موجود صورتحال پر وزیراعظم شہباز شریف نے سماجی رابطے کی ویب سائٹ ٹویٹر پر ٹویٹ کی ہے

    وزیراعظم شہباز شریف کا کہنا تھا کہ اگر کسی کو کوئی شک ہو تو دیکھ لے کہ عمران نیازی کی گزشتہ چند دنوں کی حرکات نے اس کے فاشسٹ اور عسکریت پسندانہ رجحانات کو عیاں کر دیا ہے۔ لوگوں کو انسانی ڈھال کے طور پر استعمال کرنے سے لے کر پولیس پر پٹرول بم پھینکنے سے ،عدلیہ کو دھمکانے کے لیے جتھوں کی قیادت تک، اس نے آر ایس ایس کی کتاب سے ایک پرچہ نکال لیا ہے

    دوسری جانب وزیراعظم محمد شہباز شریف سے رکن قومی اسمبلی سید جاوید حسین شاہ نے ملاقات کی ۔ملاقات میں ملک کی مجموعی سیاسی صورتحال پر بات چیت کی گئی ۔اس موقع پر سید جاوید حسین شاہ نے اپنے حلقے میں جاری ترقیاتی منصوبوں کے بارے میں آگاہ کیا،

    عمران خان نے باربار قانون کی خلاف ورزی کی جس پر انہیں جواب دینا ہوگا

    چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے

    زمان پارک سے اسلحہ ملنے کی ویڈیو

    زمان پارک، اسلحہ ملا،شرپسند عناصر تھے،آئی جی سب دکھائینگے،وزیر داخلہ

  • مجھے پتہ ہے میں نے گرفتار ہونا ہے،عمران خان کا راستے سے ویڈیو پیغام

    مجھے پتہ ہے میں نے گرفتار ہونا ہے،عمران خان کا راستے سے ویڈیو پیغام

    باغی ٹی وی کی رپورٹ کے مطابق تحریک انصاف کے چیئرمین عمران خان عدالت پیشی کے لئے اسلام آباد جا رہے ہیں

    اسلام آباد میں سیکورٹی کے سخت انتظامات کئے گئے ہیں، کلر کہار میں عمران خان کے قافلے میں شامل گاڑیوں کو حادثہ پیش آیا جس کے بعد عمران خان نے گاڑی رکوائی اور اسکے بعد ایک ویڈیو پیغام جاری کیا، عمران خان کا کہنا تھا کہ میں اسوقت اسلام آباد جا رہا ہے، میری گرفتاری کا پورا منصوبہ بنایا گیا ہے، میں عدالت پیش ہونے جا رہا ہوں، یہ مجھے جیل میں ڈالنا چاہتے ہیں، یہ لندن پلان کا حصہ ہے اور نواز شریف کی خواہش ہے، یہ واضح ہے کہ تمام مقدمات میں ضمانت کے باوجود پی ڈی ایم مجھے گرفتار کرنے کا ارادہ رکھتی ہے، حکمرانوں کے مذموم عزائم جاننے کے باوجود اسلام آباد عدالت جا رہا ہوں،لاہور کا محاصرہ کسی مقدمے میں میری عدالت میں حاضری کو یقینی بنانا نہیں تھا

    عمران خان کا کہنا تھا کہ مجھے پتہ ہے میں نے گرفتار ہونا ہے اسکے باوجود میں جا رہا ہوں ، لاہور محاصرے کا مقصد مجھے جیل بھیجنا تھا تا کہ میں انتخابی مہم کی قیادت نہ کر سکوں،

    تحریک انصاف کے رہنما اسد عمر کا کہنا ہے کہ چاروں طرف سے عدالت کے راستے بند کیے ہوئے ہیں،جن کے نام عدالتی فہرست میں ہیں ان کو بھی جانے نہیں دیا جا رہا ،تحریک انصاف کے رہنما فرح حبیب نے دعویٰ کیا ہے کہ موٹروے ٹال پلازہ تقریباً سارا کنٹینرز کھڑے کرکے بند کردیا گیا، موٹروے ٹول پلازہ پرصرف 2 لین کھلی ہیں،جہاں سے لوگ باہر نکل سکتے ہیں ،موٹروے ٹول پلازہ پر پنجاب پولیس کی بھاری نفری تعینات ہے

    دوسری جانب وفاقی وزیر اطلاعات مریم اورنگزیب کا کہنا ہے کہ عمران خان قانون شکنی کرتے ہیں عمران خان آئین توڑتے ہیں اور سازش کرتے ہیں،عمران خان عدالتوں سے حاضری کی استثنیٰ لیتے ہیں،عمران خان نوجوانوں کے برین واش کر تے ہیں ،عمران خان جس کیس میں جارہے ہیں،اُس پر فرد جرم عائد ہونی ہے، عمران خان کہتے ہیں کہ میرے پاس حفاظتی ضمانت موجود ہے، ایک عدالت کہے مجرم کو پیش کرو، دوسری سے ریلیف ملے ،

    سابق وزیر اعظم کی سکیورٹی وجوہات پر درخواست کے بعد کیس کی سماعت ایف 8 کچہری سے جوڈیشل کمپلیکس ایف الیون منتقل کر دی گئی ،اب عمران خان نیب کورٹ نمبر ون میں پیش ہوں گے،اسلام آباد کی سیشن عدالت کے جج ظفر اقبال نے عمران خان کو فردِ جرم عائد کرنے کے لیے طلب کر رکھا ہے۔

    ،قانون کو کوئی بھی ہاتھ میں لے گا تو کاروائی ہوگی ،ڈی آئی جی آپریشنز اسلام آباد

     کل شام سے گرفتاری کے لئے شروع ہونے والا آپریشن تاحال مکمل نہ ہو سکا،

    اسلام آبادم پنڈی، کراچی، صادق آباد و دیگر شہروں میں مقدمے درج 

    عدالت نے کہا کہ میں کیوں ایسا حکم جاری کروں جو سسٹم ہے اسی کے مطابق کیس فکس ہوگا،

    عمران خان نے باربار قانون کی خلاف ورزی کی جس پر انہیں جواب دینا ہوگا

    چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے 

  • زمان پارک،پولیس عمران خان کے گھر کے اندر داخل

    زمان پارک،پولیس عمران خان کے گھر کے اندر داخل

    باغی ٹی وی کی رپورٹ کے مطابق پولیس نے زمان پارک میں آپریشن کیا ہے

    زمان پارک میں آپریشن کے دوران پولیس نے اسلحہ برآمد کر لیا، پولیس نے زمان پارک سے بر آمد ہونے والا اسلحہ میڈیا کے سامنے پیش کر دیا ،آئی جی پنجاب کے ساتھ پریس کانفرنس کرتے ہوئے نگران وزیراطلاعات عامر میر کا کہنا تھا کہ زمان پارک آپریشن کے دوران پولیس کے ساتھ مزاحمت کی گئی پولیس والوں پر پیٹرول بم سے حملے کیے گئے، شر پسند عناصر کے خلاف کیسز بھی درج کیے گئے تھے،پولیس نے ایکشن لیا ، نو گو ایریا کو کلیئر کیا،

    آئی جی پنجاب عثمان انور کا کہنا تھا کہ عدالت نے واضح کہا کہ تفتیش کے عمل کو نہیں روکا جاسکتا،عدالت نے کہا اندر جانے کے لیے سرچ وارنٹ ہونا چاہیے، ہائی کورٹ نے کلیئر کیا کہ آپ کا حق ہے میرٹ پر تفتیش کریں، ہم نے جیو ٹیگنگ اور جیو فینسنگ، انٹیلی جنس رپورٹس کی بنیاد پررپورٹ تیار کی، علاقے کو کلیئر کرنے کے بعد مزاحمت کرنے والے افراد کو گرفتار کیا، دوپہر 12 بجے کے قریب سرچ وارنٹ حاصل کیا، لیڈر شپ سے رابطہ کیا، انہوں نے کہا ہم وہاں نہیں ہیں ،ابھی بھی پولیس اہلکار زمان پارک میں موجود ہیں ، جہاں تک گئے اسلحہ برآمد کیا گیا،زمان پارک میں بنکرز بنائے گئے وہاں پٹرول بم تیار کیے جاتے تھے اور وہ پٹرول بم رینجرز کی گاڑیوں رینجرز اہلکاروں اور پولیس کیخلاف استعمال کیے گئے زمان پارک سے ملنے والے اسلحہ اور پٹرول بم کا پرچہ اسی طرح اسکے خلاف درج ہوگا جس طرح جس سے منشیات ملتی ہیں پرجہ اسی کیخلاف درج ہوتا ہے، زمان پارک سے 16 راٸفلیں برآمد پی ٹی آٸی کے متعدد شدت پسند گرفتارکر لئے گئے،گرفتار شدت پسند ATC عدالت میں پیش کٸے جاٸینگے

    دوسری جانب فواد چودھری کا کہنا ہے کہ زمان پارک سے پولیس فریج سے جوس تک اٹھا کر لے گئی پولیس نے عمران خان کے گھر کے بسکٹ تک نہیں چھوڑے یہ ہے سرچ وارنٹ ،مکمل نقصان کا اندازہ لگا کر پرچہ دیں گے،اسلام آباد سے لاہور تمام شہر اس وقت بحران میں مبتلا ہیں،عمران خان کے گھر پر حملہ ناقابل قبول ہے ،اس پر احتجاج ہو گا،

    زمان پارک آپریشن کے حوالہ سے بات کرتے ہوئے وفاقی وزیر داخلہ رانا ثناء اللہ کا کہنا تھا کہ زمان پارک میں شر پسند اور کالعدم تنظیموں کے لوگ موجود تھے،نوگو ایریا کو کلیئر کروانے کے لئے یہ کارروائی کی گئی ہے،پولیس پر فائر کیا گیا، شرپسند عناصر موجود تھے، وہاں سے جو چیزیں اور اسلحہ ملا، وہ آئی جی پنجاب قوم کے سامنے رکھیں گے،عمران خان ملک میں افرا تفری اور فتنہ چاہتا ہے،ایسے شخص کو ووٹ کی طاقت سے باہر کرنا چاہیے،آج بھی پولیس نے غیر مسلح ہوکر اس ایریا کوکلیئر کرایا ،آج کا مقدمہ درج کیا جائے گا، اسلحہ، پٹرول بم، ملے، بم بنانے کا طریقہ کار اور بھی بہت سامان ملا، عمران خان اور انکے سینئر ساتھی جو اس معاملے کو دیکھ رہے تھے انکے خلاف مقدمہ درج کیا جائے گا،

    زمان پارک ، عمران خان کے گھر میں پولیس دروازہ توڑ کر داخل ہوئی، تحریک انصاف نے دعویٰ کیا ہےکہ زمان پارک میں عمران خان کی اہلیہ بشریٰ بی بی موجود ہیں،پولیس کا زمان پارک میں آپریشن جاری ہے ،تحریک انصاف کے رہنما فرح حبیب نے کہا ہے کہ پولیس نے عمران خان کی رہائش گاہ پر دھاوا بول دیا ،بشریٰ بی بی گھرمیں اکیلی ہیں ،چادراور چار دیواری کا تقدس پامال کیا جارہا ہے

    عمران خان کے گھر، زمان پارک لاھور کے لیے سرچ وارنٹ جاری کئے گئے تھے، جس کے بعد پولیس نے زمان پارک میں آپریشن کیا،پولیس کا کہنا ہے کہ عمران خان کی رہائشگاہ کا سرچ وارنٹ لے کر زمان پارک آئے،اے ٹی سی لاہور کے انتظامی جج نے سرچ وارنٹ جاری کیے،گھر کے اندر داخل ہوتے وقت خواتین پولیس اہلکار ساتھ تھیں،

    عمران خان کی ہمشیرہ ڈاکٹر عظمیٰ زمان پارک پہنچ گئی ہیں ،انکا کہنا تھا کہ زمان پارک میں بچوں اور خواتین کے علاوہ کوئی نہیں ہے اب دیکھتے ہیں قانون کیا کرتا ہے،بشریٰ بی بی زمان پارک میں موجو د ہیں ،

    لاہور ہائی کورٹ میں زمان پارک آپریشن کیخلاف توہین عدالت کی درخواست دائر کردی گئی۔درخواست فواد چوہدری نےایڈووکیٹ اظہرصدیق کی وساطت سے دائر کی، جس میں آئی جی پنجاب،ڈی آئی جی آپریشن اورچیف سیکرٹری کوفریق بنایا گیا ہے۔درخواست میں مؤقف اختیار کیا کہ آئی جی پنجاب کی جانب سےعدالت کےاحکامات کی حکم عدولی کی جا رہی ہے، عمران خان کےگھر کےدروازےغیر قانونی طور پر توڑ دئیے گئے۔دائر درخواست میں کہا گیا ہے کہ عدالت کویقین دہانی کرائی گئی کہ باہمی مشاورت سے لائحہ عمل اپنایا جائے گا، جس طریقےسےآپریشن کیا گیا یہ آرٹیکل 23 ،24 ، 09 اور 14کی خلاف ورزی ہے۔درخواست میں استدعا کی گئی کہ عدالت ذمہ داران کےخلاف توہین عدالت کی کارروائی کرے۔

    قبل ازیں لاہور پولیس نے سابق وزیراعظم عمران خان کی زمان پارک میں واقع رہائش گاہ میں داخل ہونے کی کوشش کی جس پر تحریک انصاف کے کارکنان نے قانون ہاتھ میں لیتے ہوئے پولیس پر شدید پتھراؤ کیا، پولیس نے بھی فوری ایکشن لیا اور زمان پارک سے 20 کے قریب کارکنان کو گرفتار کر لیا ،پولیس کی جانب سے لاؤڈ سپیکر پر اعلان کیا گیا ہے کہ دفعہ 144 نافذ ہے کارکنان منتشر ہو جائیں، اگر پولیس نے شیلنگ کی تو مقامی رہائشی افراد کے لئے مشکلات ہو گی،پولیس نے زمان پارک کے قریب پلاٹوں میں بنائی گئی خیمہ بستیوں اور کارکنان کے کیمپوں کو اکھاڑنا شروع کر دیا ہے

    قبل ازیں تحریک انصاف کے چیئرمین عمران خان عدالت پیشی کے لئے اسلام آباد روانہ ہوئے ہیں تو دوسری جانب لاہور پولیس کی بھاری نفری زمان پارک پہنچ گئی ہے ،زمان پارک میں پولیس کی گاڑیاں پہنچ گئی ہیں، زمان پارک جانے والے راستے بھی بند کر دیئے گئے ہیں، بکتر بند گاڑی بھی زمان پارک پہنچا دی گئی ہے،زمان پارک سے ملحق ٹھنڈی سڑک پر پولیس کے تازہ دم دستے پہنچے ہیں ہر قسم کی ٹریفک کو بھی کنٹینر لگا کر روک دیا گیا ہے، مبینہ اطلاعات کے مطابق زمان پارک میں پولیس آج آپریشن کرے گی، پولیس کو خدشہ ہے کہ زمان پارک میں کالعدم تنظیموں کے افراد موجود ہیں،سی سی پی او لاہور اور دیگر افسران زمان پارک پہنچ گئے ہیں، واٹر کینن بھی زمان پارک کے باہر پہنچا دی گئی ہیں، میڈیا رپورٹس کے مطابق مقدمات میں ملوث پی ٹی آئی رہنماﺅں اورکارکنوں کی گرفتاریاں متوقع ہیں، پولیس کی جانب سے کینال روڈ، دھرم پورہ، مال روڈ انڈر پاس کو بند کردیا گیا،مال روڈ پر پولیس کی بھاری نفری تعینات کردی گئی ،مال روڈ کے متعدد مقامات کو کنٹینر لگا بند کر دیا گیا ہے

    تحریک انصاف کی رہنما مسرت جمشید چیمہ کا کہنا ہے کہ یہ لوگ زمان پارک پر ایک بار پھر حملہ آور ہونا چاہتے ہیں. عمران خان عدالت پیشی پر جا رہے ہیں اور پیچھے سے دہشت گرد زمان پارک پر حملہ آور ہیں. لندن پلان پر عمل کے لیے کتنا گریں گے؟

    تحریک انصاف کے رہنما شاہ محمود قریشی کا کہنا ہے کہ عمران خان کی حاضری کاتمام قانونی عمل مکمل کر لیا گیا ہے، زمان پارک اور جوڈیشل کمپلیکس کے باہر جو ہوا اس کی مذمت کرتے ہیں،تحریک انصاف کا جلسہ ضرور ہوگا،ابھی لاہور واپسی سے متعلق مشاورت کریں گے،لاہور میں پولیس کی جانب سے حالات بہت خراب کیے جا چکے ہیں،

    تحریک انصاف کے صدر پرویز الہیٰ کا کہنا تھا کہ زمان پارک میں عمران خان کی رہائشگاہ پر توڑ پھوڑ کی گئی،پولیس نے گھر میں موجود خواتین کا احترام بھی نہیں کیا،ہمیں عدالتوں سے انصاف کی امید ہے اور انصاف مل کررہے گا،پولیس نے زمان پارک میں چادر اور چار دیواری کا خیال نہیں کیا ہم عدالت جا رہے ہیں،زمان پارک میں پولیس نے غنڈہ گردی کی ہے، جو مرضی کرلیں سپریم کورٹ کا فیصلہ ہے الیکشن ہوں گے انہیں الیکشن کی صورت میں اپنی شکست نظر آرہی ہے،زمان پارک میں جو کچھ ہوا مریم نواز اور رانا ثنااللہ کے کہنے پر ہوا ہے،

    واضح رہے کہ عمران خان آج صبح زمان پارک لاہور سے اسلام آباد روانہ ہوئے تھے، کارکنان کی بڑی تعداد بھی ان کے ساتھ اسلام آباد چلی گئی تھی ، عمران خان آج عدالت میں پیش ہوں گے

    دوسری جانب ن لیگی رہنما، وفاقی وزیر اطلاعات مریم اورنگزیب کا کہنا ہے کہ زمان پارک میں پولیس اہلکاروں کے سر پھاڑے گئے عدالتی نظام کا مذاق اڑایا گیا،ریاست پر حملہ آوردہشت گرد کو ضمانت کا بنڈل پیکج ملا۔ ریاست کے لئے زخم کھانے والوں کو پیغام ہے کہ فارن ایجنٹ گھڑی چور آئین، قانون اور نظام عدل سے بالا تر ہے،دہشتگردعمران نے پٹرول بم پولیس اوررینجرز پر نہیں عدالتی احکامات پر پھینکے ہیں

    اسلام آبادم پنڈی، کراچی، صادق آباد و دیگر شہروں میں مقدمے درج 

    عدالت نے کہا کہ میں کیوں ایسا حکم جاری کروں جو سسٹم ہے اسی کے مطابق کیس فکس ہوگا،

    عمران خان نے باربار قانون کی خلاف ورزی کی جس پر انہیں جواب دینا ہوگا

    چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے 

  • عدالت پیشی، عمران خان جوڈیشل کمپلیکس پہنچ گئے ،پی ٹی آئی کارکنان کا پولیس پرپتھراؤ

    عدالت پیشی، عمران خان جوڈیشل کمپلیکس پہنچ گئے ،پی ٹی آئی کارکنان کا پولیس پرپتھراؤ

    اسلام آباد جوڈیشل کمپلیکس میں توشہ خانہ فوجداری کارروائی کیس کی سماعت آج ہونی ہے

    چیئرمین پی ٹی آئی عمران خان اسلام آباد جوڈیشل کمپلیکس پہنچ گئے، ترجمان اسلام آباد پولیس کا کہنا ہے کہ عمران خان کا قافلہ جوڈیشل کمپلیکس کے سامنے ہے، سیاسی کارکنان راستہ صاف کریں تاکہ عمران خان عدالت پہنچ سکیں،سیاسی کارکنان کی جانب سے پولیس پر پتھراؤ کیا جارہا ہے ، دوسری جانب اطلاعات ہیں کہ پولیس کی جانب سے شیلنگ کی گئی ہے،

    تحریک انصاف کے چیئرمین عمران خان بذریعہ موٹروے اسلام آباد جا رہے تھے، اسلام آباد ٹول پلازہ پر پولیس کی بھاری نفری موجود ہے، عمران خان کا قافلہ ٹول پلازہ پر پہنچا تو اسکو روکا گیا بعد ازاں عمران خان کا قافلہ آگے چلا،

    پولیس نے ٹول پلازہ سے عمران خان کو جانے کی اجازت دے دی، چیئرمین پی ٹی آئی عمران خان اسلام آباد پہنچ گئے پولیس نے رکاوٹوں کو ہٹا کر قافلے کو اسلام آباد داخل ہونے کی اجازت دے دی، عمران خان کا قافلہ سرینگر ہائی وے پہنچا تو سڑکوں کے اطراف تحریک انصاف کے کارکنان موجود تھے،.

    قبل ازیں چیئرمین پی ٹی آئی عمران خان پیشی کے لیے لاہور سے اسلام آباد روانہ ہوئے ،عمران خان کے ساتھ پارٹی رہنما بھی روانہ ہوئے، اسلام آباد جوڈیشل کمپلیکس چاروں اطراف سے کنٹینرز لگا کر سیل کر دیا گیا ہے جوڈیشل کمپلیکس اسلام آباد کےاطراف پنجاب پولیس کی نفری بھی تعینات کر دی گئی ہے،ایف سی اور پنجاب پولیس کے 4 ہزار جوان اور افسران تعینات کئے گئے ہیں چیئرمین پی ٹی آئی عمران خان کی طرف سے 6افراد کے نام دیئے گئے کسی بھی سیاسی پارٹی کا جھنڈ ا نہیں جلایا جائے گا،قوانین کی پابندی کرنا ہوگی ریاست مخالف پلے کارڈ یا بینر آویزاں کرنے یا لانے کی اجازت نہیں ہوگی، جوڈیشل کمپلیکس کے احاطے میں پولیس، ایف سی سمیت رینجرز بھی تعینات کر دی گئی ہے

    https://twitter.com/IkMyLove_/status/1636956808425160706

    آئی جی اسلام آباد کا کہنا ہے کہ پولیس اہلکاروں کو خصوصی ہدایت کی ہے کہ سیکیورٹی کا خاص خیال رکھیں ہائیکورٹ میں پولیس نے بہترین سیکیورٹی دی ہے ایسی صورتحال میں دشمن فائدہ اٹھانے کی کوشش کرتے ہیں ،کوشش ہے کہ دوران سیکیورٹی شہری متاثر نہ ہو،اپنی طرف سے سیکیورٹی کی اچھی کوشش کی ،امکانات پر بات نہیں کروں گا،اسلام آباد میں دہشت گردی کا واقعہ کچھ ماہ پہلے ہوچکا ہے،پشاور اور کراچی میں بھی دہشت گردی کے واقعات ہوچکے ہیں ہم نےشہر میں دفعہ 144 لگائی ہے

    اسلام آباد پولیس نے 12 سے زائد کارکنوں کو حراست میں لے لیا ہے، پولیس کا کہنا ہے کہ دفعہ 144 کی خلاف ورزی پر کارکنوں کو گرفتار کیا گیا سینیٹر فلک ناز چترالی کے ساتھ آیا کارکن گرفتارکر لیا گیا،فلک ناز چترالی نے کارکن کو چھڑانے کی کوشش کی ،ایس پی اسلام آباد کا کہنا ہے کہ قانون ہاتھ میں لیا توگرفتار کرلیں گے ،اسلام آباد پولیس کا کہنا ہے کہ عدالتی احکامات اور ضابطہ اخلاق پر عمل کیا جارہا ہے،لسٹ میں شامل 12 صحافی بشمول 3 خواتین جوڈیشل کمپلیکس میں ہیں،

    جوڈیشیل کمپلیکس کے اطراف میں انٹرنیٹ سروس معطل کردی گئی ہے، اسلام آباد کی مقامی انتظامیہ نے جوڈیشل کپلیکس میں جیمرز نصب کر دیئے ہیں جس کی وجہ سے انٹرنیٹ سروس متاثر ہو رہی ہے ۔

    تحریک انصاف کے رہنما اسد عمر کا کہنا ہے کہ چاروں طرف سے عدالت کے راستے بند کیے ہوئے ہیں،جن کے نام عدالتی فہرست میں ہیں ان کو بھی جانے نہیں دیا جا رہا ،تحریک انصاف کے رہنما فرح حبیب نے دعویٰ کیا ہے کہ موٹروے ٹال پلازہ تقریباً سارا کنٹینرز کھڑے کرکے بند کردیا گیا، موٹروے ٹول پلازہ پرصرف 2 لین کھلی ہیں،جہاں سے لوگ باہر نکل سکتے ہیں ،موٹروے ٹول پلازہ پر پنجاب پولیس کی بھاری نفری تعینات ہے

    سابق وزیر اعظم کی سکیورٹی وجوہات پر درخواست کے بعد کیس کی سماعت ایف 8 کچہری سے جوڈیشل کمپلیکس ایف الیون منتقل کر دی گئی ،اب عمران خان نیب کورٹ نمبر ون میں پیش ہوں گے،اسلام آباد کی سیشن عدالت کے جج ظفر اقبال نے عمران خان کو فردِ جرم عائد کرنے کے لیے طلب کر رکھا ہے۔

    ،قانون کو کوئی بھی ہاتھ میں لے گا تو کاروائی ہوگی ،ڈی آئی جی آپریشنز اسلام آباد

     کل شام سے گرفتاری کے لئے شروع ہونے والا آپریشن تاحال مکمل نہ ہو سکا،

    اسلام آبادم پنڈی، کراچی، صادق آباد و دیگر شہروں میں مقدمے درج 

    عدالت نے کہا کہ میں کیوں ایسا حکم جاری کروں جو سسٹم ہے اسی کے مطابق کیس فکس ہوگا،

    عمران خان نے باربار قانون کی خلاف ورزی کی جس پر انہیں جواب دینا ہوگا

    چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے 

  • چین سے مزید 50 کروڑ ڈالر پاکستان کو مل گئے

    چین سے مزید 50 کروڑ ڈالر پاکستان کو مل گئے

    اسلام آبا،باغی ٹی وی (ویب نیوز)وفاقی وزیر خزانہ اسحاق ڈار نے ٹوئٹ کرتے ہوئے چین سے 50 کروڑ ڈالر موصول ہونے کی تصدیق کی ہے،اسحاق ڈار نے کہا کہ چین سے ملنے والی رقم سے زرمبادلہ ذخائر میں بہتری آئے گی اور یہ رقم چین کے بینک آئی سی بی سی سے دوسری قسط کےطور پر موصول ہوئی ہے۔


    وزیر خزانہ اسحاق ڈار کا کہنا تھاکہ چین کے بینک سے مزید 30 کروڑ ڈالر قرض کیلئے پیشرفت جاری ہے اور چینی بینک آئی سی بی سی سے مجموعی طور پر پاکستان کو ایک ارب 30 کروڑ ڈالر قرض ملنا ہے۔

  • لاہور ہائیکورٹ؛ عمران خان کی 9 مقدمات میں حفاظتی ضمانت منظور

    لاہور ہائیکورٹ؛ عمران خان کی 9 مقدمات میں حفاظتی ضمانت منظور

    لاہور ہائیکورٹ؛ عمران خان کی 9 مقدمات میں حفاظتی ضمانت منظور

    لاہور ہائیکورٹ نے عمران خان کی 9 مقدمات میں حفاظتی ضمانت منظور کرلی، عدالت نے اسلام آباد میں درج مقدمات میں 7 دن جبکہ لاہور میں درج مقدمات میں 10 روز کی ضمانت منظور کی۔ نجی ٹی وی کے مطابق عمران خان نے 9 مقدمات میں حفاظتی ضمانت کیلیے لاہور ہائیکورٹ میں درخواست دائر کی جس پر دو رکنی بینچ نے سماعت کی۔ بینچ نے عمران خان کو عدالت میں پیش ہونے کا حکم دیا اور پولیس کو زمان پارک سے لاہور ہائیکورٹ تک سیکیورٹی فراہم کرنے کی ہدایت کی جس پر عمران خان جلوس کی صورت میں ایک گھنٹہ تاخیر سے عدالت پہنچے۔

    عدالت نے عمران خان کو عدالت میں پہنچنے کیلیے ساڑھے پانچ بجے کا وقت دیا تاہم راستے بند ہونے اور کارکنان کی بڑی تعداد میں شرکت کی وجہ سے وہ سوا چھ بجے تک کمرہ عدالت میں پیش نہیں ہوئے تھے۔ میڈیا کے مطابق عمران خان کی حفاظت کیلیے پولیس نفری اتنی نظر نہیں آئی تاہم پی ٹی آئی کی ڈنڈا بردار فورس نے چیئرمین اور قیادت کو اپنے حصار میں لیا ہوا تھا۔ عمران خان کے وکلا نے عدالت کو آگاہ کیا کہ پی ایس ایل میچز، راستوں کی بندش اور کارکنان کے رش کی وجہ سے کمرہ عدالت پہنچنے میں تاخیر ہوئی۔

    بعد ازاں عمران خان ساڑھے چھ بجے کے قریب کمرہ عدالت میں پہنچے جس کے بعد مقدمات کی سماعت ہوئی۔ جسٹس طارق سلیم شیخ اور جسٹس فاروق حیدر پر مشتمل دو رکنی بینچ نے سماعت کی اور عمران خان عدالت کے روبرو پیش ہوئے۔ اس دوران عمران خان کے وکلا نے بینچ کے سامنے دلائل پیش کیے اور عمران خان روسٹرم پر آئے۔

    درخواست گزار کے وکیل نے کہا کہ عمران خان کے خلاف پانچ مقدمات اسلام آباد میں ہیں ،تین مقدمات لاہور میں ہی ہیں، درخواست گزار کو متعلقہ عدالت میں پیش ہونے کےلیے حفاظتی ضمانت درکار ہے، حفاظتی ضمانت عمران خان کا بنیاد حق ہے۔ جسٹس طارق سلیم شیخ نے کہا کہ ہم اسی مقدمے میں ضمانت دیں گے جن کی درخواست ہمارے سامنے ہیں۔ وکلا نے عمران خان کیخلاف انسدادِ دہشت گردی کی دفعات پر درج مقدمات کی تفصیلات پڑھنا شروع کردیں۔

    فواد چوہدری نے دلائل دیتے ہوئے کہا کہ 2500 افراد کیخلاف مقدمات درج کردئیے گیے ہیں، یہ 5 سے 6 ہزار افراد کو گرفتار کرنا چاہتے ہیں، سیاسی انتقام کا نشانہ بنانے کےلیے مقدمات درج کیے جا رہے ہیں۔ عمران خان نے جج صاحبان سے کہا کہ ’مسئلہ یہ ہے کہ اتنے زیادہ مقدمات ہوگئے ہیں سمجھ نہں آرہا کہاں پیش ہونا ہے، میرے گھر پر جو حملہ ہوا ہے وہ بتا نہیں سکتا، چیزیں میرے ہاتھ سے نکل چکی تھی۔ عدالت کا شکر گزار ہوں جس نے مجھے تحفظ دیا اور بچا لیا‘۔

    جسٹس طارق شیخ نے عمران خان کو مخاطب کرتے ہوئے کہا کہ ’خان صاحب آپ سسٹم کے ساتھ چلیں تو بہت سے مسائل حل ہونگے‘۔ عمران خان نے کہا کہ ’وزیر داخلہ کہہ رہا ہے میری جان خطرے میں ہیں، جس جگہ میری پیشی ہے وہ جگہ خطرے سے خالی نہیں ہے، کچہری والا کیس کہیں اور منتقل کردیا جائے کیونکہ وہ عدالت گلیوں میں ہے اور وہاں ججز پر بھی حملے ہوچکے ہیں، میں قانون کی حکمرانی پر یقین رکھتا ہوں، ساری زندگی کبھی قانون نہیں توڑا، میری صرف یہ استدعا ہے کہ کہچری والا کیس کہیں اور منتقل کردیا جائے‘۔

    جسٹس طارق شیخ نے عمران خان کو مخاطب کرتے ہوئے کہا کہ ’میں پھر وہی کہوں گا کہ آپ سسٹم کے اندر آئیں، یہ کیس کچھ نہیں تھا بس مس ہینڈل ہوگیا‘۔ سرکاری وکیل نے عدالت کو آگاہ کیا کہ ہماری اطلاعات کے مطابق عمران خان کے خلاف 6 مقدمات درج ہیں۔ اس پر عمران خان نے کہا کہ میرے خلاف 94 مقدمات درج ہیں حکومت 6 مقدمات مزید درج کر کے سنچری مکمل کرلے۔

    چیئرمین پی ٹی آئی کے اس طنز پر کمرہ عدالت میں قہقے بلند ہوئے جس پر جسٹس طارق سلیم شیخ نے کمرہ عدالت میں ’آرڈر آرڈر‘ کہتے ہوئے عدالتی ضابطہ اخلاق کو ملحوظ خاطر رکھنے کی ہدایت کی۔ جسٹس طارق سلیم شیخ نے ریمارکس دیے کہ آپ اپنے اپکو سسٹم میں لائیں، اس کیس میں کوئی مسئلہ نہیں تھا آپ لوگوں نے اسے مس ہینڈل کیا۔ پنجاب حکومت کے وکیل نے دلائل میں کہا کہ ’یہ لوگ کہ رہے ہیں کہ دہشتگری کے پانچ مقدمات ہیں، لیکن عمران خان پر دہشتگردی کے چھ مقدمات ہیں‘۔ لاہور ہائیکورٹ کے دو رکنی بینچ نے عمران خان کی 9 میں سے 8 مقدمات میں حفاظتی درخواست ضمانت منظور کی اور انہیں اگلے جمعے 24 مارچ تک گرفتار نہ کرنے کی ہدایت کی۔ عمران خان کے وکیل ایڈوکیٹ اظہر صدیق نے عدالت سے ضمانت کیلیے پندہ دن کی استدعا بھی کی اور کہا کہ عدالت 15 دن کا وقت دے تاکہ تمام مقدمات میں ضمانت فائل کر سکیں کیونکہ ابھی معلوم نہیں کہ مزید کتنے مقدمات درج ہونے ہیں۔

    لاہور میں درج دہشت گردی کے تین مقدمات میں ضمانت منظور
    عدالت نے لاہور میں دہشتگردی کی دفعات کے تحت درج تین مقدمات میں عمران خان کی حفاظتی ضمانت 27 مارچ تک مںظور کی جبکہ اسلام آباد میں دہشتگردی کی دفعات تک تحت درج 5 مقدمات میں ضمانت 24 مارچ تک حفاظتی ضمانت منظور کی۔
    پی ٹی آئی کارکن ظل شاہ ہلاکت کیس میں بھی ضمانت منظور
    بعد ازاں دو رکنی بینچ نے پی ٹی آئی کارکن ظل شاہ کی ہلاکت پر تھانہ سرور روڈ میں درج مقدمے میں عمدان خان کی دس روزہ حفاظتی ضمانت منظور کی اور انہیں 27 مارچ تک گرفتار نہ کرنے کا حکم دیا۔
    پنجاب بھر میں درج مقدمات کی تفصیلات منگل تک طلب
    لاہور ہائیکورٹ نے پنجاب حکومتی وکیل کو ہدایت کی کہ وہ منگل تک عمران خان کے خلاف پنجاب بھر میں درج مقدمات کی تفصیلات پیش کریں۔ عدالت نے عمران خان کے خلاف تادیبی کارروائی بھی روک دی۔

    ضمانت منظور ہونے پر پی ٹی آئی کارکنان کا جشن
    لاہور ہائیکورٹ میں دہشتگردی کے مقدمات میں عمران خان کی حفاظتی منظور ہونے ہر کارکنوں نے جشن منایا اور چیئرمین پی ٹی آئی کے حق میں نعرے بازی کی جبکہ اس دوران کچھ کارکنان خوشی میں والہانہ رقص بھی کرتے نظر آئے۔

  • توشہ خانہ کیس، عمران خان کے وارنٹ کل تک معطل

    توشہ خانہ کیس، عمران خان کے وارنٹ کل تک معطل

    اسلام آباد ہائیکورٹ، عمران خان کی وارنٹ معطلی کی درخواست پر سماعت ہوئی

    اسلام آباد ہائیکورٹ کے چیف جسٹس عامر فاروق نے درخواست پر سماعت کی،عمران خان کی جانب سے وکیل خواجہ حارث عدالت میں پیش ہوئے،خواجہ حارث نے عدالت کہا کہ ٹرائل کورٹ کے جج ہائیکورٹ کے آرڈر کو درست طور پر سمجھ نہیں سکے، اسلام آباد ہائیکورٹ کے چیف جسٹس عامر فاروق نے استفسار کیا کہ پہلے بتائیں کہ رجسٹرار آفس کے اعتراضات دور کر دیے گئے ہیں؟ شبلی فراز نے عدالت میں کہا کہ اعتراضات دور کر دیے ہیں،اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ آپ خاموش ہو جائیں، آپ کے وکیل بات کر رہے ہیں، ہائیکورٹ نے ٹرائل کورٹ کو انڈرٹیکنگ پر خود کو مطمئن کرنے کی ہدایت کی تھی،ٹرائل کورٹ نے آپ کی درخواست پر کیا فیصلہ دیا ہے؟ خواجہ حارث نے کہا کہ ٹرائل کورٹ نے کہا کہ لاہور میں پیش آنے والی صورتحال کی بنیاد پر درخواست منظور نہیں کر سکتا،لاہور میں پیش آنے والا واقعہ افسوسناک ہے اور اس پر مقدمہ درج ہو چکا،

    اسلام آباد ہائیکورٹ نے عمران خان نے ناقابل ضمانت وارنٹ گرفتاری معطل کر دیئے اسلام آباد ہائیکورٹ نے عمران خان کی کل تک گرفتاری سے روک دیا، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ وارنٹ کا مقصد صرف عمران خان کی عدالت پیشی ہے گرفتاری نہیں یہ جان لیں کہ یہ انڈرٹیکنگ عدالت کے سامنے بیان کے مترادف ہے،اگر اس کی خلاف ورزی کی گئی تو اس کے نتائج ہوں گے،عمران خان یقینی بنائیں کہ اُنکی عدالت پیشی پر امن و امان کی صورتحال پیدا نہ ہو، کل توشہ خانہ کیس میں پیش نہ ہونے پر توہین عدالت کی کاروائی کا آغاز ہوگا،

    ،قانون کو کوئی بھی ہاتھ میں لے گا تو کاروائی ہوگی ،ڈی آئی جی آپریشنز اسلام آباد

     کل شام سے گرفتاری کے لئے شروع ہونے والا آپریشن تاحال مکمل نہ ہو سکا،

    اسلام آبادم پنڈی، کراچی، صادق آباد و دیگر شہروں میں مقدمے درج 

    عدالت نے کہا کہ میں کیوں ایسا حکم جاری کروں جو سسٹم ہے اسی کے مطابق کیس فکس ہوگا،

    عمران خان نے باربار قانون کی خلاف ورزی کی جس پر انہیں جواب دینا ہوگا

    چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے