Category: اہم خبریں

لاہور:لاہور ہائی کورٹ نے چوہدری پرویز الٰہی کوکابینہ سمیت بحال کردیا ہے ، دوسری طرف محمود خان وزیراعلیٰ‌ کے پی نے اسمبلی تحلیل کرنےکےحوالے سے انکاری نظرآتے ہیں ،اس سے عمران خان کی ساری امیدوں پر پانی پھرگیا ہے، جسے عمران خان ڈاکوکہتےتھے اس کے ہی ہاتھ میں‌ سارا کھیل دے دیا ہے ، اسمبلیاں‌ توڑنے کی خواہش بھی پوری نہ ہوسکی

اس حوالے سے سینیئر صحافی تجزیہ نگار مبشرلقمان کہتےہیں کہ لاہور ہائی کورٹ نے چوہدری پرویز الٰہی کو کابینہ سمیت بحال کردیا ہے اور ساتھ ہی چوہدری پرویز الٰہی سے یہ یقین دہانی تحریری طور پر حاصل کرلی ہے کہ وہ اسمبلیاں نہیں توڑیں گے اور اس سےایک بات یہ بھی ثابت ہوگئی کہ اسمبلیاں تحلیل کرنے کے عمل کو ہائی کورٹ بھی غیرقانونی سمجھتی ہے، اس حوالے سے کل جب لاہور ہائیکورٹ میں سماعت ہورہی تھی تو سماعت کے دوسرے سیشن میں چوہدری پرویز الٰہی کے وکیل علی ظفر نے عدالت کو لکھ کر دے دیا کہ میں اسمبلی تحلیل نہیں کروں گا

اس سے یہ بات تو ظاہر ہوگئی کہ عمران خان کا خواب چکنا چور ہوگیا ، اور جو عمران خان یہ چاہ رہے تھے کہ جمعہ کے دن اسمبلیاں تحلیل ہوجائیں گی وہ تو نہ ہوسکیں‌،

مبشرلقمان کا یہ بھی کہنا تھا کہ اس کے بعد دوسری طرف چوہدری پرویز الٰہی جو کہ پنجاب اسمبلی میں‌ اجلاس کی صدارت کررہے تھے تو اس وقت پی ٹی آئی اور ق لیگ کے اراکین کی تعداد ڈیڑھ سو کے لگ بھگ تھی تواس سے یہ بھی ثابت ہوگیا کہ چوہدری پرویز الٰہی کو مطلوبہ حمایت بھی حاصل نہیں تھی

اس دوران چوہدری پرویز الٰہی نے اس دوران خطاب کرتے ہوئے کہا کہ وہ تمام منصوبے مکمل کریں‌گے ، یہ بات چوہدری مونس الٰہی اور پرویز الٰہی کو بھی پتہ ہے کہ عمران خان اگلی بار چوہدری پرویز الٰہی کو وزیراعلیٰ‌ نہیں بنائیں گے اور نہ ن لیگ چوہدری پرویز الہی کو کھی وزیراعلیٰ‌ بنانے گی ، منڈی بہاوالدین میں مونس الٰہی کے لیے اربوں‌ روپے کے منصوبے جاری کیے تھے اب وہ بھی اربوں روپے لگائیں گے ،مبشرلقمان نے اس حوالے سے کہا ہے کہ چوہدری پرویز الٰہی اب عمران خان کو یہ جواب دیں‌ گے کہ عدالت نے اسمبلی توڑنے سے روک رکھا ہے، تو یہ بھی عمران خان کی خواہش پوری نہیں ہوگی ، ان کا کہنا تھا کہ انہوں‌نےپہلے ہی کہہ دیا تھا کہ عمران خان اسمبلیاں نہیں توڑ سکے گا

ان کا یہ بھی کہنا تھا کہ عدالت نے پرویز الٰہی کومشروط طور پر بحال کردیا ہے ان کا یہ بھی کہنا تھاکہ کے پی کے وزیراعلیٰ محمود خان نے بھی اسمبلی تحلیل ابھی نہیں‌کریں‌گے ان کا یہ بھی کہنا تھاکہ محمود خان نے کہا کہ جب عمران خان حکم دیں‌گے تو اسمبلی توڑ دیں گے ،ایسے کب ہوگا ،مبشرلقمان نے کہاکہ جسے عمران خان ڈاکو کہتے تھے اس نے واقعی یہ ثابت کردکھایا اور پھر یہ بھی ہوگا کہ پنجاب اسمبلی کے باہر چوہدری پرویز الٰہی کے خلاف احتجاج کروایا جائے گا پھر کتنے لوگ احتجاج کریں گے لبرٹی میں ہونے والے احتجاج کو سب نے دیکھ لیا

مبشرلقمان نے کہا کہ اس سارے بحران کی وجہ سے ملک میں‌ معاشی صورت حال ابتر ہے ، اسٹاک مارکیٹ بیٹھ گئی ہے ، لوگوں کےلیے اپنے بچوں کی تعلیم مشکل ہوگئی ہے،فیسیں ہی ادا نہیں کرسکتے اور پھر اس کے ساتھ ساتھ صحت کے میدان میں‌ بھی صورت حال اتنی اچھی نہیں ہے ،ان کا کہنا تھا کہ اس ساری صورت حال کا ذمہ دار صرف اور صرف عمران خان ہی ہے ، گھر گھر میں‌ لڑائی ہے ، ان کا یہ بھی کہنا تھا کہ عمران خان انتظار کرو جب تمہیں نااہل کیا جائے گا اور پھر سب دیکھیں گے ، جب ٹیریان کو اپنی بیٹی کہیں‌ گے

وزیراعظم شہباز شریف کی زیرصدارت ن لیگی سینئر قیادت کا اجلاس ہوا

اجلاس میں وزیر داخلہ رانا ثنا اللہ، وزیر قانون اعظم نذیر تارڑ و دیگرنے بھی شرکت کی تھی،اجلاس میں پنجاب سمیت ملک بھر کی سیاسی صورتحال پر تفصیلی تبادلہ خیال کیا گیا،وزیرداخلہ رانا ثناء اللہ نے وزیراعظم کو اسلام آباد خودکش دھماکے کی ابتدائی رپورٹ پیش کی، اجلاس میں وزیراعلیٰ پنجاب اور کابینہ کی بحالی کے بعد کی صورتحال پر مشاورت کی گئی،اجلاس میں وزیراعلی ٰپنجاب کو گورنر کی جانب سے اعتماد کا ووٹ لینے کے آئینی حکمنامہ پر غورکیا گیا،میڈیا رپورٹس کے مطابق اجلاس میں بریفنگ دی گئی کہ وزیراعلیٰ چاہے معاملے کو جتنا بھی تاخیر کا شکار کر لیں، انہیں اعتماد کا ووٹ لینا ہی ہو گا،وزیراعلیٰ پنجاب کے پاس اعتماد کا ووٹ لینے کے لیے نمبرز پورے نہیں ہیں،اعتماد کا ووٹ نہ لینے سے جنوری میں پنجاب سے پی ٹی آئی حکومت ختم ہو جائے گی، وزیر داخلہ رانا ثنا اللہ اب سے کچھ دیر بعد پارٹی سیکریٹریٹ ماڈل ٹاون میں پریس کانفرنس بھی کرینگے

:گورنرپنجاب نے وزیراعلیٰ پنجاب کوڈی نوٹیفائی کردیا

خواجہ سرا کے روٹھنے پر خود کو آگ لگانے والا پریمی ہسپتال منتقل

آڈیو لیکس، عمران خان گھبرا گئے،زمان پارک میں جاسوسی آلات نصب ہونے کا ڈر، خصوصی سرچ آپریشن

عمران خان کی جاسوسی، آلات برآمد،کس کا کارنامہ؟

لاہور میں خواجہ سرا کو قتل کر دیا گیا

واضح رہے کہ کہ گزشتہ روز لاہور ہائیکورٹ نے چودھری پرویز الٰہی کو وزیر اعلیٰ پنجاب کے عہدے پر بحال کر دیا۔گورنر پنجاب کی جانب سے چودھری پرویز الٰہی کو وزارت اعلیٰ کے عہدے سے ڈی نوٹیفائی کرنے کا لاہور ہائیکورٹ نے نوٹیفکیشن معطل کر دیا۔لاہور ہائیکورٹ نے اسمبلی نہ توڑنے کے بیان حلفی پر گورنر کا نوٹیفکیشن معطل کیا، عدالت نے گورنر پنجاب بلیغ الرحمان ، اٹارنی جنرل اور دیگر کو نوٹس جاری کر دیا اور سماعت گیارہ جنوری تک معطل کر دی۔

لاہور: لاہور ہائیکورٹ نے وزیر اعلی پنجاب پرویز الٰہی کو بحال کردیا ،اطلاعات کے مطابق گورنر کی جانب وزیراعلیٰ پنجاب چودھری پرویز الٰہی کو ڈی نوٹیفائی کرنے کے خلاف درخواست کی سماعت میں لاہور ہائیکورٹ کے فل بینچ نے پرویز الٰہی کے وکیل کی طرف سےاسمبلی کو تحلیل نہ کرنے کی یقین دہانی کے بعد گورنرپنجاب کا نوٹیفکیشن غیرقانونی قراردیتےہوئے وزیراعلیٰ پنجاب چوہدری پرویز الٰہی کو بحال کردیا ہے

اس سے پہلے آج پرویز الہٰی ڈی نوٹیفائی کے معاملے کی سماعت کے دوران جسٹس عابد عزیز شیخ نے سوال کیا کہ ہم گورنر کا نوٹیفکیشن معطل کر دیں تو کیا آپ فوری اسمبلی تحلیل کر دیں گے، منظور وٹو کیس نکال کر پڑھیں، شاید ایسا پہلے ہو چکا ہے۔جسٹس عابد عزیز شیخ نے ریمارکس دئیے کہ ہدایت لے کر آئیں کہ اعتماد کا ووٹ لینے تک اسمبلی تحلیل نہیں کی جائے گی۔

پرویز الٰہی کے وکیل نے استدعا کی کہ اسمبلی تحلیل نہ کرنے سے متعلق انڈر ٹیکنگ کے لیے مزید وقت درکار ہے، اگر عدالت پرویز الٰہی کو بحال کرتی ہے تو عدالت حکم جاری کر دے کہ اسمبلی تحلیل نہیں ہو گی،

جس پر جسٹس عابد عزیز شیخ نے ریمارکس دئیے کہ ہم ایسا آرڈر کیسے جاری کر سکتے ہیں، یا پھر ہم آپ کو عبوری ریلیف نہ دیں، اس کے بعد وکیل پرویز الٰہی نے کہا کہ آپ کی انڈر ٹیکنگ لینے کا مقصد یہ ہے کہ کوئی غلط استعمال نہ کر سکے، تحریری طور پر یقین دہانی کے لیے کچھ وقت چاہیے۔

عدالت نے ایک بار پھر سماعت میں وقفہ کر دیا اور کہا کہ ہم آپ کو ہدایات لینے کیلئے مزید ایک گھنٹے کا وقت دے دیتے ہیں۔

اس سے قبل ڈی نوٹیفائی کے معاملے پر چیف جسٹس لاہور ہائیکورٹ نے چودھری پرویز الٰہی کی درخواست پر سماعت کے لیے نیا لارجر بینچ تشکیل دے دیا تھا، لارجر بینچ میں جسٹس فاروق حیدر کی جگہ جسٹس عاصم حفیظ کو شامل کیا گیا تھا جبکہ جسٹس عابد عزیز شیخ لارجر بینچ کے سربراہ تھے۔

بینچ کے دیگر ارکان میں جسٹس طارق سلیم شیخ، جسٹس چودھری محمد اقبال اور مزمل اختر شبیر شامل ہیں، جسٹس فاروق حیدر کی معذرت کے بعد بینچ تحلیل ہو گیا تھا۔

لارجر بینچ پرویز الٰہی کی درخواست پر کچھ دیر بعد سماعت کرے گا، آئینی پٹیشن میں گورنر پنجاب، سپیکر پنجاب اسمبلی، حکومت پنجاب، چیف سیکرٹری پنجاب کو فریق بنایا گیا ہے، پٹیشن آئین کےآرٹیکل 199کےتحت دائر کی گئی ہے۔

پٹیشن میں موقف اختیار کیا گیا ہے کہ گورنر پنجاب نے آئین کےآرٹیکل 130سب سیکشن 7کی غلط تشریح کی، گورنر پنجاب نے اختیارات کاغلط استعمال کرتے ہوئے وزیراعلی کو ڈی نوٹیفائی کیا، گورنر کے پاس وزیراعلیٰ کو تعینات کرنے کی اتھارٹی نہیں اسی لئے وزیراعلیٰ کو ہٹانے کا بھی اختیار نہیں رکھتا۔