سابق وزیر خزانہ اور رہنما مسلم لیگ ن اسحاق ڈار 5 سال بعد پاکستان پہنچ گئے-
باغی ٹی وی : امریکا اور برطانیہ کے دورے کے بعد وزیراعظم شہباز شریف وطن واپس پہنچ گئے سابق وزیر خزانہ اسحاق ڈار بھی وزیراعظم کے ہمراہ ہیں،وفاقی وزیر خزانہ مفتاح اسماعیل اور وفاقی وزیر اطلاعات و نشریات مریم اورنگزیب بھی وطن واپس پہنچ گئے ہیں وزیراعظم شہباز شریف اور ان کا وفد خصوصی طیارے میں لندن سے براہ راست اسلام آباد پہنچا ہے-
پاکستان روانگی سے گفتگو کرتے ہوئے اسحاق ڈار کا کہنا تھا کہ پاکستان چار سال سے جس بھنور سے گزرا ہے وہ کسی سے ڈھکا چھپا نہیں ہے اللہ کا خاص کرم ہے کہ جس دفتر سے نکل کر اپنے میڈیکل کے لیے لندن آیا تھا، آج اسی دفتر میں اللہ نے واپس بلوایا ہے۔
اسحاق ڈار کا کہنا تھا نواز شریف کی قیادت میں 2023 سے 2017 تک میں ہم دنیا کی 18ویں معیشت بننے جا رہےتھے، کم ترین شرح سود تھی اورگروتھ ریٹ بھی بلند تھی،دیگر مائیکروانڈیکیٹرز بہترین اور بلند سطح پر تھےاور زرمبادلہ کےذخائر بلند ترین سطح پرتھے، پاکستانی روپیہ بھی مستحکم تھا۔
انہوں نے کہا کہ کوشش ہو گی گرتی ہوئی ملکی معیشت کو روکیں اور اس کی سمت درست کریں میرے خلاف 20 سال کے ٹیکس ریٹرنز جمع نہ کرانےکا جعلی کیس تھا، مین نے کبھی ٹیکس ریٹرن جمع کرانے میں تاخیر نہیں کی۔
واضح رہے کہ ہ گزشتہ روز اسحاق ڈار کی پاکستان واپسی کا حتمی فیصلہ ہوا تھا، جس کے بعد مفتاح اسماعیل نے وزارت خزانہ سے استعفیٰ دے دیا ہے ن لیگی رہنما اسحاق ڈار پاکستان پہنچ کر سینیٹر اور وزیرِ خزانہ کے عہدوں کے حلف اٹھائیں گے، اسحاق ڈار گزشتہ 5 برس سے لندن میں خود ساختہ جلا وطنی کی زندگی بسر کر رہے تھے-
جورڈن انٹرنیشنل برج فیسٹول میں باغی ٹی وی کی ٹیم شرکت کیلئے تیار
باغی ٹی وی کی ٹیم آج شب اردن روانہ ہو گی، ٹیم کی قیادت باغی ٹی وی کے سی ای او مبشر لقمان کریں گے . جبکہ ٹیم کے دیگر کھلاڑیوں میں غالب بندیشہ، غیاث احمد ملک، جہانگیر احمد،مرزا شوق حسین شامل ہیں ، 39 واں جورڈن انٹرنیشنل برج فیسٹول 28 ستمبر سے 3 اکتوبر تک جاری رہے گا،
باغی ٹی وی کی برج ٹیم میں شامل غالب بندیشہ پاکستان برج فیڈریشن کے ڈائریکٹر ہیں اورلاہو ربرج ایسوسی ایشن کے صدر ہیں، غالب بندیشہ برج کے کئی ٹورنامنٹس میں شرکت کر کے تمغے جیت چکے ہیں، 21ویں BFAME چیمپئن شپ 2021 میں لاہور میں ہوئی جس میں بندیشہ نے سینئرز ٹیم ایونٹ میں گولڈ میڈل جیتا۔20ویں BFAME چیمپئن شپ 2019 میں عمان اردن میں ہوئی جس میں بندیشہ نے سینئر ٹیم میں کانسی کا تمغہ جیتا ،دبئی میں 2017 میں 19ویں BFAME چیمپئن شپ، سینئرز ٹیم میں سلور میڈل جیتا ،17ویں BFAME چیمپئن شپ 2013 میں احمد آباد انڈیا میں اوپن ٹیم میں حصہ لیا۔ بندیشہ نے ورلڈ ٹیم چیمپئن شپ میں حصہ لیا ،45ویں ورلڈ ٹیم چیمپئن شپ کا انعقا اٹلی میں مارچ 2022 میں ہوا۔44 واں ڈبلیو ٹی سی 2019 میں ووہان چین میں ،43 ویں ڈبلیو ٹی سی 2017 میں لیون فرانس میں ہوئی، انہوں نے ایشین گیمز (AG) میں بھی شرکت کی ،18ویں AG 2018 میں جکارتہ انڈونیشیا میں اوپن ٹیم میں رہے میجر اسد مقبول کے ساتھ پیئرز ایونٹس میں دیگر میڈلز لئے، 2013 میں چین عرب چیمپئن شپ میں گولڈ میڈل جیتا، 2016 میں دبئی میں یو اے ای یوم آزادی برج چیمپئن شپ میں گولڈ میڈل جیتا،
غالب بندیشہ ٹیم ایونٹ کے طور پر دیگر چیمپئن شپ میں بھی شریک ہوئے،پاکستان برج فیڈریشن (PBF) کے زیر اہتمام پاکستان میں نیشنل برج چیمپئن شپ کا انعقاد ہوا،غالب بندیشہ 2013 اوپن ٹیم ایونٹ میں فاتح رہے، 2016 کے فاتح اوپن ٹیم میں رہے، سینئرز ٹیم میں 2017 کے فاتح ،سینئرز ٹیم میں 2019 کے فاتح ،سینئرز ٹیم میں 2021 کے فاتح رہے
Mirza Shauq Hussain
باغی ٹی وی کی ٹیم میں شامل مرزا شوق حسین نے ماضی میں سوئٹزرلینڈ، جنوبی افریقہ، ہالینڈ، فرانس، اٹلی ،اردن اور برازیل میں پاکستان کی برج ٹیم کی نمائندگی کی ہے، وہ پاکستان ٹیم کا کوچ کم پلیئر بھی رہ چکے ہیں،
Jahangir Ahmed
باغی ٹی وی کی ٹیم میں شامل مرزا جہانگیر احمد نے پاکستان کی قومی برج ٹیم کی ورلڈ برج اولمپیاڈ فرسٹ مائنڈ اسپورٹس بیجنگ چین میں 2008 کی نمائندگی کی۔ وہ واحد پاکستانی ہیں جس کے نائین ہینڈز ریکارڈ اور پبلش ہوئے ہیں،انہوں نے بالیجی انٹرنیشنل ٹورنامنٹ 2009 جیتا۔ قائد اعظم ڈے برج پاکستان نیشنل ٹورنامنٹ 2017 کے فاتح ہیں جو اوپن پیئرز اسلام آباد کلب میں منعقد ہوا تھا، پاکستان کی قومی ٹیم بیفام زونل چیمپیئن شپ کی نمائندگی کرتے ہوئے اردن میں 2019 میں رنرز اپ آئے، 4 بار بھارت میں لاہور جم خانہ ٹیم کی نمائندگی کی۔ برج کیریئر کے دوران متعدد قومی ٹورنامنٹ اور چیمپئن شپ بھی جیت چکے ہیں۔
MALIK GHIAS AHMED
باغی ٹی وی کی برج ٹیم میں شامل ملک غیاث احمد پاکستان کی قومی چیمپئن ٹیم کے 4 سے زائد مرتبہ رکن رہے، وہ ممبر لاہور جم خانہ ٹیم برائے انڈیا 2006 میں رہے، انہوں نے بالی میموریل ٹورنامنٹ میں پیئرز ایونٹ جیتا ،بالی میموریل برج ٹورنامنٹ اوپن ٹیمیں اور چار سے زیادہ مواقع پر رنر اپ رہے، اسلام آباد میں قائداعظم برج ٹورنی ورلڈ مائنڈ گیمز- مائنڈ اولمپکس- روکلا، پولینڈ، 2016 میں پاکستان کی نمائندگی کی۔دبئی میں BFAME 2017 میں پاکستان کی نمائندگی کی۔عمان، اردن میں BFAME 2019 میں پاکستان کی نمائندگی کی،2019 میں چین میں پاکستان برج کی نمائندگی کی ،ملک غیاث احمد
ڈائریکٹر لاہور برج ایسوسی ایشن بھی ہیں
مبشر لقمان باغی ٹی وی کی برج ٹیم کے لیڈر ہیں، مبشر لقمان نے بہت کم عرصے میں برج میں نام کمایا ہے، مبشر لقمان نے انتہائی مختصر دورانئے میں برج کے کئی کھلاڑیوں کو پیچھے چھوڑ دیا ہے، گزشتہ ماہ جم خانہ کلب میں سپریم نیشنل برج چیمپئن کی طرف سے ایک ٹورنا منٹ کا انعقاد کیا گیا تھا جس میں باغی ٹی وی کی ٹیم نے نمایاں کامیابی حاصل کی تھی اور رنر اپ کے طور پر آئی تھی
جورڈن میں ہونے والے انٹرنیشنل برج فیسٹول میں دنیا بھر سے کھلاڑی شرکت کریں گے جاری اعلامیہ کے مطابق فیستول میں جیتنے والے کھلاڑیوں میں انعامات بھی تقسیم کیئے جائیں گے شیڈول کے مطابق،کھیل کا آغاز 28 ستمبر سے ہورہا ہے جو بوقت 11:00صبح، 06:00شام اور 07:00 شام اور یہ پہلا سیشن ہوگا.
دوسرے سیشن کا آغاز 29 ستمبر سے ہوگا جو بوقت 10:00صبح، جبکہ 10:30صبح اور 05:30شام کو ہوگا، اس کے ساتھ ہی تیسرے سیشن کا آغاز 30 ستمبر سے ہوگا جو بوقت 10:00صبح، 10:30صبح ، 05:30 شام کو ہوگا جبکہ میکسڈ سیشن نمبر ایک کا آغاز اور اسی طرح میسکڈ سیشن 2 کا آغاز بوقت 06:00شام یکم اکتوبر سے ہوگا. اتوار 2 ستمبر کو اوپن ٹیمز بوقت 10:30شام اور 04:00شام کو ہوگا. جبکہ 3 ستمبر سوموار کو اختتام ہوگا اور اس کے شیڈول میں 12:00شام اوپن ٹیمز جبکہ رات 08:00 بجے گالا ڈنر ہوگا.برج فیسٹول جورڈن کے معروف امان ہوٹل میں منعقد ہو گا
جورڈن فیڈریشن کے صدر کی طرف سے جاری اعلامیہ میں کہا گیا ہے کہ میں برج فیڈریشن کے 39 ویں بین الاقوامی برج فیسٹیول میں شامل معززیں کو خوش آمدید کہتا ہوں، اور اس سال کا تہوار دو سال کے وقفے کے بعد آیا ہے شکر ہے کہ دنیا اب عالمی وبا سے ٹھیک ہو رہی ہے اور ہماری زندگیاں معمول کی جانب آنا شروع ہو گئی ہیں مجھے آپ کو بتاتے ہوئے خوشی ہو رہی ہے کہ ایک نئی برج فیڈریشن اس سال فروری کے آخر میں تشکیل دی گئی تھی جوعلاقائی اور بین الاقوامی برج فیڈریشنوں اور تنظیموں کے ساتھ تعاون کی منتظر ہوگی اور اس شاندار دماغی کھیل کو فروغ دینے کے لیے ہم پرجوش ہیں۔ ہم پاکستان اور امریکہ سمیت دنیا کے تمام اپنے مہمانوں کے لیے پرجوش ہیں
وزیر اعظم ہاؤس سے اہم ڈیٹا ہیک، تحقیقات کے لیے اعلیٰ سطح پر تحقیقات شروع کر دی گئی ہیں
وزارت داخلہ نے تحقیقات کے لیے جے آئی ٹی تشکیل دے دی جے آئی ٹی میں حساس اداروں کا نمائندہ شامل ہو گا، میڈیا رپورٹس کے مطابق تحقیقاتی ٹیم تحقیقات کرے گی کیسے آئی ٹی ڈیٹا ہیک کیا گیا،جے آئی ٹی کو وزیراعظم ہاؤس کے عملے کو شامل تفتیش کرنے کا اختیارہوگا،وزیر اعظم ہاؤس میں ڈیوائسز لگائی گئیں یا موبائل سے ریکارڈنگ کی گئی ،تحقیقات ہوں گی،تحقیقاتی ٹیم جائزہ لے گی کہ کون کون سے افسران وزیراعظم ہاوس میں موجود تھے،وزیراعظم سیکریٹریٹ میں 6 ماہ سے مامور اسپیشل برانچ کے اہلکاروں سے بھی تحقیقات ہوں گی،وزیر اعظم ہاؤس اور پی ایم آفس پر مامور سیکیورٹی اہلکاروں کی نقل و حرکت محدود کر دی گئی وزیر اعظم ہاؤس میں موبائل لے جانے کی اجازت نہیں تھی،
گزشتہ روز وفاقی وزیر داخلہ رانا ثناء اللہ نے کہا تھا کہ ہو سکتا ہے یہ باتیں پارلیمنٹ لاجز یا اسپیکرچیمبر میں کی ہوں اور وہاں سے لیک ہوئی ہوں، ان کا یہ بھی کہنا تھا کہ فون ہیک ہونا کوئی راکٹ سائنس نہیں ہے،ہو سکتا ہے کسی کا فون ہیک ہوا ہو اور باتیں ریکارڈ کی ہوں،آڈیو لیکس میں کوئی سیریس باتیں نہیں تھیں اس لیے احتیاط نہیں برتی گئی، آڈیو لیکس پر وزیر اعظم نے نوٹس لیا ہے، آڈیو لیکس پر تحقیقات کاآغاز کیا جائے گا،ہ وزیر اعظم ہاؤس کی سیکیورٹی میں سے کوئی شخص ہو سکتا ہے،تحقیقات ہونے دیں ،اسکے بعد کارروائی کریں گے
سیشن کورٹ اسلام آباد میں اہلیہ کو قتل کرنے سے متعلق کیس کی سماعت ہوئی
عدالت نے کیس کی سماعت کے بعد مرکزی ملزم شاہنواز امیر کا تین روزہ جبکہ اسکے والد ایاز امیر کا ایک روزہ جسمانی ریمانڈ منظور کر لیا،
ایاز امیر اور شاہنواز امیر سیشن کورٹ اسلام آباد میں پیش ہوئے،ملزمان کو سینئر سول جج محمد عامر عزیز کی عدالت میں پیش کیا گیا ،ملزم ایاز امیر کو ایک روزہ اور ملزم شاہنواز امیر کو دو روزہ جسمانی ریمانڈ مکمل ہونے پر عدالت پیش کیا گیا، جج نے وکلا کو ہدایت کی کہ عدالت میں رش زیادہ ہے جو انکے وکیل ہیں صرف وہی پیش ہوں،اتنی رش میں تو آواز بھی نہیں سنی جائیگی، غیر متعلقہ افراد باہر چلے جائیں،
جج نے تفتیشی افسر سے استفسار کیا کہ ملزمان کون کون ہیں؟ تفتیشی افسر نے عدالت میں جواب دیا کہ ایاز امیر اور شاہنواز امیر ملزمان ہیں، پاسپورٹ اور بینک تفصیل کو برآمد کرنا ہے، جج نے استفسار کیا کہ کتنے دن کا ریمانڈ مانگ رہے ہیں؟ تفتیشی افسر نے عدالت میں کہا کہ 7دن ریمانڈ کی استدعا ہے،
جج نے استفسار کیا کہ ایاز امیر کا اس کیس سے کیا تعلق ہے؟ تفتیشی افسر نے کہا کہ ملزم ایاز امیر کو مقتولہ کے چچا اور چچی نے نامزد کیا ،ملزم ایاز امیر کا تعلق چکوال سے ہے اور ملزم شاہنواز امیر کا والد ہے، جج نے تفتیشی افسر سے استفسار کیا کہ مقتولہ کے والدین کدھر ہیں؟ تفتیشی افسر نے عدالت مین کہا کہ مقتولہ کے والدین کینڈا میں ہیں اور کل تک وہ پاکستان پہنچ جائینگے، جج نے استفسار کیا کہ کیس میں وکیل کون ہے، ایازامیر نے عدالت میں کہا کہ میں خود ہی اپنا کیس لڑونگا،
ایاز امیر نے عدالت میں کہا کہ بہت بڑا صدمہ پہنچا وقوعہ کی اطلاع میں نے خود پولیس کو دی، وقوعہ کے وقت میں چکوال میں تھا اور فوری طور پر آئی جی کو آگاہ کیا، آئی جی نہیں تھے تو ایس پی رورل کو اطلاع دی، مجھے خدشہ تھا کہ وقوعہ میں کوئی اور زخمی نہ ہو، پولیس کو سارا راستہ میں نے ہی بتایا،پولیس نے مقدمہ درج کیا اور اپنا موقف دیا، پولیس تسلیم کرتی ہے کہ پولیس کو اطلاع میں نے خود دی تھی،اکیلے میں مجھے سراہتے ہیں کہ آپ بڑے سچے آدمی ہیں ،
پولیس نے عدالت میں کہا کہ ایاز امیر کا قتل میں اعانت کا کردار ہے، جسمانی ریمانڈ دیا جائے، ایاز امیر نے عدالت میں کہا کہ میرے خلاف پولیس کے پاس کوئی ثبوت نہیں، کوئی مصنوعی کہانی بھی نہیں،میں نے بیٹے کی والدہ سے کہا کہ شاہنواز کو بھاگنے نہیں دینا،ایسے کیسز میں لاشیں غائب ہو جاتی ہیں کیا کچھ ہو جاتا ہے،میں اس کیس میں بڑا فیئر ہو کر چل رہا ہوں ،میرا فون پولیس کے قبضے میں ہے کل ریمانڈ پر رہا، پولیس نے کچھ نہیں پوچھا،جو کچھ اس کیس میں ہو رہا ہے آئندہ کوئی تفتیش میں تعاون سے پہلے سوچے گا،پھر یہ کوشش کی جائے گی کہ پراسیکیوشن کو کس طرح سے مس لیڈ کیا جائے،
صحافی ایاز امیر کے بیٹے شاہنواز امیر نے اپنی اہلیہ سارہ کو قتل کردیا تھا ایاز میر کی بہو گزشتہ روز ہی دبئی سے واپس آئی، شاہنواز نشے کا عادی تھا اس نے نشے کی حالت میں اپنی بیوی کا قتل کیا۔ سارہ کا قتل بھی بالکل نور مقدم والے وحشیانہ طریقے سے کیا گیا۔ لوہے کا راڈ مارا پھر پانی کے ٹپ میں ڈبودیا۔ شاہنواز امیر کی کینیڈین نژاد سارہ سے تیسری شادی تھی ہ مقتولہ سارہ دبئی میں ملازمت کرتی تھی اور دونوں کی تین ماہ پہلے ہی شادی ہوئی تھی مقتولہ کا سماجی رابطے کی ویب سائٹ پر شاہنواز سے رابطہ ہوا تھا، پھر دونوں نے شادی کر لی
ڈی جی آئی ایس پی آر کے مطابق بلوچستان میں ہیلی کاپٹر گر کر تباہ ہو گیا ہے ،ہیلی کاپٹر تباہ ہونے کے نیتجے میں 6جوان شہید ہو گئے ہیں ہیلی کاپٹر گزشتہ رات گئے ہرنائی کے قریب گر کر تباہ ہو ا،میجر منیب،میجر خرم شہزاد،صوبیدار وحید،نائیک جلیل شہید ہوئے،سپاہی محمد عمران اور سپاہی شعیب بھی ہیلی کاپٹر حادثے میں شہید ہوئے میجر خرم شہزاد ہیلی کاپٹر کے پائلٹ اور اٹک کے رہائشی تھے،پاک آرمی ایوی ایشن کا ہیلی کاپٹر فلائنگ مشن پر تھا،دونوں پائلٹس سمیت تمام 6جوان جام شہادت نوش کر گئے، شہدا کے جسد خاکی کو سی ایم ایچ کوئٹہ منتقل کیا گیا ہے، بعد ازاں نماز جنازہ کے بعد آبائی علاقوں کو روانہ کیا جائے گا
میجر خرم شہزاد کی عمر 39 برس تھی، وہ اٹک کے رہائشی تھے اور شادی شاہ تھے، انکی ایک بیٹی ہے،میجر محمد منیب افضل کی عمر 30 برس تھی وہ راولپنڈی کے رہائشی تھے، شادی شدہ تھے، انکے دو بیٹے تھے ، صوبیدار عبدالوحید کی عمر 44 سال تھی وہ کرک کے گاؤں صابر آباد کے رہائشی تھے شادی شدہ تھے 3 بیٹے اور ایک بیٹی سمیت 4 بچے تھے ,محمد عمران کی عمر 27 برس تھی، وہ خانیوال کے رہائشی اور شادی شدہ تھے، انکی دو بیٹیاں اور ایک بیٹا ہے
این کے جلیل کی عمر 30 سال کھاریاں، ضلع گجرات کے رہائشی تھے، وہ شادی شدہ اور انکے دو بیٹے تھے ،شہیید ہونے والے شعیب کی عمر 35 برس ضلع اٹک کے رہائشی تھے، وہ شادی شدہ تھے اور انکا ایک بیٹا تھا
باغی ٹی وی کی رپورٹ کے مطابق پاکستان میں آنے والے سیلاب کے بعد سے تباہی ابھی بھی جاری ہے، متاثرہ بیماریوں سے اموات ہو رہی ہیں
ملک بھر میں بارشوں اور سیلاب سے مزید 2 افراد جاں بحق ہوگئے، ملک بھر میں سیلاب سے جاں بحق افراد کی تعداد ایک ہزار 638 ہو گئی ملک بھر میں سیلاب سے اب تک 20 لاکھ 49 ہزار سے زائد گھر مکمل تباہ ہو گئے
ٹھٹھہ ،گاڑہو کے آر ڈی 18 کے مقام پر مائیر نہر میں دو جگہوں پر شگاف پڑ گیا شگاف پڑنے سے پانی گاوں سائیں ڈنو خاصخیلی کے طرف بڑھنے لگا شگاف پڑنے سے گاوں کا شہروں سے رابطہ منقطع ہو گیا،مکینوں نے مدد کی اپیل کر دی،ا یم ایم ڈی پران سیم نالے کے شگاف کو 30 روزبعد بھی پُر نہیں کیا جاسکا شگاف کے باعث تحصیل ٹنڈوباگو کی 6 یونین کونسل زیر آب ،مکین پریشان ہیں ملکانی، جرکس، پیر بودلو، پنگریو، حیات خاصخیلی اور سمن زیر آب ہیں
علاوہ ازیں وزیراعلیٰ بلوچستان میرعبدالقدوس بزنجو کا کہنا ہے کہ حالیہ طوفانی بارشوں اور سیلاب سے متاثرہ زمینداروں کو دوبارہ اپنے پاوں پر کھڑا کرنے کیلئے صوبائی حکومت رعایتی نرخوں پر بیج اور کھاد فراہم کریگی جس کیلئے عملی اقدامات کا آغا کردیا گیا ہےبلوچستان میں مون سون کی بارشوں اورسیلابی ریلوں سے زمینداروں کو بڑے پیمانے پرنقصانات کا سامنا کرنا پڑا ہے صوبائی حکومت نے زمینداروں کو دوبارہ اپنے پاؤں پر کھڑا کرنے کیلئے انہیں سبسڈی قیمتوں پرگندم ، چنے ،سرسوں ،رایا،سورج مکھی ، چارہ جات ،ڈی اے پی ، نائیٹروفاس کھاددینے کا فیصلہ کیا ہے جس کیلئے کمپنیوں ، سلائرز اورڈیلرز سے بیچ اورکھادکے نرخوں بمعہ ٹرانسپورٹیشن کاسٹ کی کوٹیشن طلب کرلی گئی ہیں
بلوچستان کے سیلاب سے متاثرہ علا قوں میں امراض پھیلنے کا سلسلہ جا ری ہے مختلف بیماروں کے مزید 3963 کیسز سامنے آئے ہیں محکمہ صحت بلو چستان کے جا ری کر دہ اعداد و شمار کے مطابق صوبے کے سیلاب سے متاثرہ علا قوں میں گزشتہ روز اسہال کے 947، سانس کے امراض کے 1055، جلد کے امراض کے 1043، ہیضہ کے 77، ملیریا کے 675، آنکھوں کے انفکشن کے 165 جبکہ ڈینگی کا ایک کیس رپورٹ ہوا ہے
پاک چین تعلقات ایک مستقل دوستی ہیں. وزیر خارجہ بلاول بھٹو
وزیرخارجہ بلاول بھٹو زرداری کا کہنا ہے پاک چین تعلقات “لین دین” ہی نہیں بلکہ مستقل دوستی ہیں۔ چین پاکستان کا ہمیشہ ثابت قدم دوست رہا ہے، سیلاب متاثرین کی مالی امداد پر چین کے مشکور ہیں۔ وزیرخارجہ بلاول بھٹو نے چائنہ سینٹرل ٹیلی ویژن کو دیے گئے انٹرویو میں کہا ہے کہ پاک چین تعلقات “لین دین” نہیں بلکہ ایک مستقل دوستی ہیں، پاک چین دوستی ہمالیہ سے اونچی اور شہد سے میٹھی ہے۔ ان کا کہنا ہے کہ ہم نے مستقل ساتھ مل کر کام کیا ہے، چین کے مجوزہ بیلٹ اینڈ روڈ پراجیکٹ پر تنقید کرنے والے لگتا ہے حسد کررہے ہیں، تنقید کرنے والے کبھی کامیاب نہیں ہوں گے۔ انہوں نے کہا ہے کہ چین نے سیلاب متاثرین کی مالی امداد کے علاوہ خیمے اور دیگر اشیائے ضروریہ بھی فراہم کیں۔ چینی کمپنیوں نے بھی پاکستان میں سیلاب سے متاثرہ سڑکوں کی مرمت کے لیے مدد کی۔
وزیر خارجہ بلاول بھٹو کی امریکی نمائندہ خصوصی برائے کمرشل و کاروباری امور دلاور سید سے ملاقات ہوئی ہے، ملاقات میں وزیر مملکت حنا ربانی کھر بھی موجود تھیں ملاقات میں سیلاب کی تباہ کاریوں،امریکی معاونت اور پاک امریکہ تجارتی تعلقات پر گفتگو کی گئی وزیر خارجہ بلاول بھٹو زرداری نے سیلاب کے دوران امریکی معاونت کو سراہا ،ملاقات میں پاک امریکہ تجارتی تعلقات کے حوالے سے بھی گفتگو کی گئی، امریکی نمائندہ خصوصی برائے تجارت نے سیلاب کی تباہ کاریوں پر دکھ اور افسوس کا اظہار کیا
وزیرِ خارجہ بلاول زرداری نے اقوام متحدہ کی جنرل اسمبلی کے اجلاس میں شرکت کے بعد واشنگٹن کا دورہ کیا، وزیر خارجہ بلاول بھٹو نے کارپوریٹ لیڈرز اور معروف کاروباری حضرات سے پاکستان ہاوس میں ملاقات کی،وزیر خارجہ بلاول زرداری چار روزہ دورے کے دوران وزیرِ خارجہ کانگریس اراکین اور سینیٹرز سے ملاقات کریں گے ،وزیر خارجہ معروف امریکی تھنک ٹینکس اور امریکی میڈیا کے نمائندوں سے ملاقات کریں گے
لاہور:اسلام آباد کا وزیراعظم ہاوس جس میں ہونے والی ہرگفتگو ٹیپ ہورہی ہے اوراتنا بڑا یہ واقعہ ہے کہ جس کی حساسیت بہت ہی زیادہ ہے ، یہ کام کس نے کیا اور کیوں کیا یہ سوال اہم ہے ، اس حوالے سے سینیئر صحافی مبشرلقمان نے سیر حاصل گفتگو کی ہے ، وہ کہتے ہیں کہ رپورٹس بتاتی ہیں کہ اس کھیل کے پیچھے حکومتی لوگ تو شاید نہ ہوں مگراگر پی ٹی آئی کے لوگوں کا کہا جائے تو اس پریقین بھی کیا جاسکتا ہے
مبشرلقمان نے اس حوالے سے کہا ہے کہ بڑے افسوس کے ساتھ کہنا پڑ رہا ہے کہ وزیراعظم ہاوس میں پارٹی کی قیادت کے درمیان ہونے والی گفتگومنظرعام پر آئی ہوئی ہے اور کسی کو اس کی خبر نہیں ، یہ گفتگو اس قدر عام ہوگئی ہیے کہ فواد چوہدری نے کہہ دیا ہے کہ یہ ڈارک ویب بھی دستیاب ہے ، آخرفواد چوہدری کو کس نے بتایا کہ یہ ڈارک ویب پر بھی موجود ہے
مبشرلقمان کہتے ہیں کہ وزیراعظم ہاوس میں جانے سے پہلے موبائل لے لیے جاتے ہیں اوراس کے باوجود بھی اگرکوئی موبائل اندر لے کرجاتا ہےتو یقینا وہ وزیراعظم کا انتہائی معتمد ساتھی ہی ہوگا ، مریم نواز کے داماد کے متعلق گفتگو ہوتی ہے اور یہ دنیا میں ہرجگہ پہنچ جاتی ہے جس میں مریم نوازبھارت سے اپنے داماد کےلیے مشنری منگوانے کے لیے وزیراعظم کو بھی استعمال میں لاتی ہیں ، ان کاکہنا تھاکہ پارٹی کے رہنماوں کے درمیان ہونے والی دیگرگفتگو بھی اب ہرجگہ دستیاب ہے
مبشرلقمان کہتے ہیں کہ وزیراعظم ہاوس کی سیکورٹی آئی بی کے ذمہ ہے اور آئی بھی روزانہ دو مرتبہ اس سیکورٹی کا جائزہ لیتی ہے ، اگر اس کے باوجود خفیہ گفتگو منظرعام پرآگئی ہے تو یہ سوالیہ نشان ضرورہے ، دوسری بات یہ ہے کہ آئی بی وزیراعظم کے دوروں سے قبل بھی وزیراعظم کی پرائیویسی کو یقینی بناتی ہے
مبشرلقمان کہتےہیں کہ ان کوجو معلوم ہوا ہے اس کے مطابق اسلام اباد میں انٹرنیٹ فراہم کرنے والی کمپنی پی ٹی آئی کے کسی شخص کی ہے اور یہ بھی امکان ہے کہ آئی بی میں ایسے لوگ موجود ہوںجو پی ٹی آئی سے وفا داریاں رکھتے ہوں ، ان کا کہنا تھا اس بہت بڑے اسکینڈل کہ تہہ تک پہنچنے کےلیے بہت بڑے فیصلے کرنے ہوںگے اور اس میں ملوث کرداروں تک پہنچنا ہوگا اورپھرانکو قرار واقعی سزا دینا ہوگی ،
لندن:مفتاح اسماعیل نے لندن جاکراپنا استعفی میاں نوازشریف کو پیش کردیااطلاعات ہیں کہ پاکستان کے موجودہ وزیرخزانہ مفتاح اسمٰعیل نے میاں نوازشریف کواپنا استعفیٰ پیش کردیا ہے ،یہ بھی معلوم ہوا ہے کہ اسی موقع پرنوازشریف نے اسحٰق ڈارکی بطوروزیرخزانہ تقرری کی توثیق بھی کردی ہے
اس موقع پر مفتاح اسمٰعیل نے کہا کہ چار ماہ میں اپنی بھرپور صلاحیت سے کام کیا، پارٹی اور ملک سے وفاداری نبھائی: مفتاح اسمٰعیل کا کہنا تھا کہ وہ نوازشریف کے وفادار رہیں گے ، اس موقع پر قائد محمد نوازشریف نے مشکل ترین حالات میں ذمہ داریاں نبھانے پر مفتاح اسماعیل کی کوششوں کو سراہا
اس موقع پرنواز شریف اور وزیرِ اعظم شہباز شریف نے سینیٹر اسحاق ڈار کو وزیرِ خزانہ کے لئے نامزد کر دیا ، نامزدگی کے اس اجلاس میں وزیراعظم شہبازشریف، اسحاق ڈار، مریم اورنگزیب، مفتاح اسماعیل،ملک محمد احمدخان اور احد چیمہ بھی شریک ہوئے
دوسری طرف انہیں حالات کے تناظر میں سابق وزیرخزانہ اسحق ڈار نے قائد ن لیگ نواز شریف کے مشورے پر وزیراعظم شہبازشریف کے ہمراہ وطن واپسی کا فیصلہ کرلیا۔
لندن میں وزیراعظم شہبازشریف اور نواز شریف کی دو دنوں میں دوسری ملاقات میں اہم فیصلے ہوگئے۔ اسحاق ڈار وزیراعظم شہبازشریف کے ہمراہ پاکستان روانہ ہوں گے۔
واضح رہے کہ گزشتہ روز لندن میں میڈیا سے گفتگو میں اسحاق ڈار کا کہنا تھا کہ ان کی وطن واپسی کیلئے بدھ کی بکنگ ہے تاہم ختمی فیصلہ آج کیا جائے گا۔
ذرائع کا کہنا ہے کہ اسحاق ڈار آئندہ ہفتے (منگل کو) وزیر خزانہ کی حیثیت سے حلف اٹھائیں گے جب کہ موجودہ وزیر خزانہ مفتاح اسماعیل بھی ن لیگ کی اتحادی حکومت میں معاشی ٹیم کا حصہ ہوں گے۔واضح رہے کہ عدالت نے سابق وزیر خزانہ اسحاق ڈار کو 7 اکتوبر تک سرینڈر کرنے کی ہدایت کی ہے۔
راولپنڈی:چیف آف آرمی اسٹاف جنرل قمر جاوید باجوہ سے دبئی پورٹ ورلڈ کے چیئرمین شیخ احمد سلطان بن سلیم کی ملاقات ہوئی ہے۔اطلاعات کے مطابق پاک فوج کے شعبہ تعلقات عامہ (آئی ایس پی آر) کے مطابق چیف آف آرمی اسٹاف جنرل قمر جاوید باجوہ سے دبئی پورٹ ورلڈ کے چیئرمین شیخ احمد سلطان بن سلیم کی ملاقات ہوئی ہے۔
آئی ایس پی آر نے بتایا کہ ملاقات میں سیلاب کی تباہ کاریوں،امدادی کوششوں اوربحالی کے امورپرتبادلہ خیال کیا گیا۔آئی ایس پی آر کا کہنا ہے کہ شیخ سلطان نے سندھ میں سیلاب سے متاثرہ علاقوں کا بھی دورہ کیا اور آرمی ریلیف فنڈ میں25لاکھ ڈالر کا عطیہ بھی کیا۔
آئی ایس پی آر نے بتایا کہ شیخ سلطان نے سیلاب متاثرہ علاقوں میں پاک فوج کی امدادی کوششوں کوسراہا اور کہا کہ یواے ای اوراسکی قیادت مصیبت کی اس گھڑی میں پاکستانی عوام کیساتھ ہے۔
آئی ایس پی آر کا کہنا تھا کہ آرمی چیف کا بروقت تعاون پرشیخ سلطان سے اظہار تشکر کیا گیا جبکہ ملاقات میں اقتصادی ترقی سے متعلقہ امور بھی زیرغورآئے۔
آئی ایس پی آر نے کہا کہ شیخ سلطان نے مستقبل میں اپنے ادارے کی سرمایہ کاری کا بھی عندیہ دیا اور فلڈ ریلیف کوششوں کیلئے مزید عطیہ کنندگان کولانےکی بھی پیشکش کی ہے۔آئی ایس پی آر کا مزید کہنا ہے کہ شیخ سلطان نے دورےکے انتظامات کرنے پرفخرعالم کا بھی شکریہ ادا کیا۔
