Baaghi TV

Category: اہم خبریں

  • وزیراعظم شہباز شریف کے نام سے ٹویٹر اکاؤنٹ بنانے والاملزم گرفتار

    وزیراعظم شہباز شریف کے نام سے ٹویٹر اکاؤنٹ بنانے والاملزم گرفتار

    وزیراعظم شہباز شریف کے نام سے ٹویٹر اکاؤنٹ بنانے والاملزم گرفتار

    باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر وزیراعظم شہباز شریف کے نام سے ٹویٹر اکاؤنٹ بنانے والے ملزم کو گرفتار کر لیا گیا ہے

    وزیراعظم شہباز شریف کے نام سے ٹویٹر پر فیک اکاؤنٹ بنایا گیا تھا، ٹویٹر اکاؤنٹ ویریفائڈ تھا اور صارف رمیز راجہ لائیو نے نام بدل کر شہباز شریف رکھ لیا اور تصویر بھی وزیراعطم شہباز شریف کی لگا دی، رمیز راجہ لائیو کے ٹویٹر اکاؤنٹ سے ٹویٹ بھی کی جا رہی تھی، تا ہم اب اس صارف کے خلاف ایکشن لیا گیا ہے اور ملزم کو گرفتار کر لیا گیا ہے،

     

    وزیراعظم شہباز شریف کے فوکل پرسن ابوبکر کے مطابق وزیراعظم شہباز شریف کے نام سے جعلی اکاؤنٹ بنانے والے صارف کو گرفتار کر کے اس کے خلاف مقدمہ بھی درج کر لیا گیا ہے ، ابوبکر کی جانب سے بھی ایک ٹوئٹ سامنے آئی ہے جس میں ان کا کہنا ہے کہ اختلاف قبول ہے لیکن غلط معلومات نہیں ابوبکر نے اپنی ٹوئٹ میں صارف کے اکاؤنٹ اور شہباز شریف کے نام سے بنائے جانے والے اکاؤنٹ کی تصویر شیئر کی اور بتایا کہ جعلی اکاؤنٹ بنانے والے صارف (رمیز راجا لائیو ) کو عوام کو گمراہ کرنے کے الزام میں گرفتار کر لیا گیا ہے ملزم نے جرم کا اعتراف بھی کر لیا ہے اور اس کے خلاف مقدمہ بھی درج کر لیا گیا ہے

    دوسری جانب رمیز راجہ لائیو نامی صارف نے سماجی رابطے کی ویب سائٹ ٹویٹر پر باغی ٹی وی کا لنک پروفائل میں لگا رکھا ہے، ادارہ باغی ٹی وی کا ایسے کسی بھی نوسرباز سے کوئی تعلق نہیں ہے، باغی ٹی وی فیک اکاؤنٹس اور خصوصا پروپیگنڈہ کرنے والے اکاؤنٹس کی حوصلہ شکنی کرتا ہے،

    باغی ٹی وی پر بلاگز لکھنے والے بلاگر بھی جو اپنی پروفائل میں باغی ٹی وی کا ہینڈل لکھ رہے ہیں وہ باغی ٹی وی کے امپلائی نہیں ، بلکہ وہ اعزازی طور پر بلاگز لکھتے رہے، ایسے تمام افراد کی ٹویٹس اور ٹویٹر پر انکے کام کا ادارہ ذمہ دار نہیں ہے ،باغی ٹی وی ایسے تمام افراد کو متنبہ کرتا ہے کہ جن صارفین کا باغی ٹی وی سے تعلق نہیں وہ اپنے ٹویٹر پروفائل سے باغی ٹی وی کا ہینڈل ختم کر دیں، بصورت دیگر ادارہ انکے خلاف قانونی کاروائی کا مجاز ہو گا،

    پاک فوج کے ریٹائرڈ افسران کے نام سے جعلی ٹویٹر اکاؤنٹس سیاسی جماعت استعمال کرنے لگی

    شیریں مزاری کے خود کش حملے،کرتوت بے نقاب، اصل چہرہ سامنے آ گیا

    اداروں کے خلاف بیانات سے گریز کرنا چاہیے۔جلیل احمد شرقپوری

    عمران خان نے کل اداروں کے خلاف زہر اگلا ہے،وزیراعظم

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    خدارا ملک کا سوچیں،مجھے فخر ہے میں ایک شہید کا باپ ہوں،ظفر حسین شاہ

    ایک بیٹا شہید،خواہش ہے دوسرے کو بھی اللہ شہادت دے،پاک فوج کے شہید جوانوں کے والدین کے تاثرات

    شہادت سے سات ماہ پہلے بیٹے کی شاد ی کی تھی،والدہ کیپٹن محمد صبیح ابرار شہید

    وادی تیراہ میں ضلعی انتظامیہ اور سیکیورٹی فورسز کے باہمی اشتراک سے "باغ امن میلہ” کا انعقاد

  • نوازشریف حکومت کی مدت پوری کرنے پر مان گئے،قانون شکنی پر گرفتاریوں کا فیصلہ

    نوازشریف حکومت کی مدت پوری کرنے پر مان گئے،قانون شکنی پر گرفتاریوں کا فیصلہ

    وزیراعظم شہباز شریف کی زیر صدارت مسلم لیگ ن کا اہم اجلاس منعقد ہوا،اجلاس میں ملک کی موجودہ صورتحال کے تناظر میں اہم فیصلے لئے گئے. اجلاس وزیراعظم شیہباز شریف کی رہائشگاہ میں منعقد ہوا، ذرائع کے مطابق سابق وزیراعظم نواز شریف بھی اجلاس میں ویڈیو لنک کے ذریعے شریک ہوئے،مریم نواز اور وزیراعلی پنجاب حمزہ شہباز،وفاقی وزیرداخلہ رانا ثناءاللہ اور احسن اقبال سمیت دیگر رہنما وں نے بھی اجلاس میں شرکت کی.

    زرائع کے مطابق اجلاس میں عمران خان کے آزادی مارچ سمیت آئی ایم ایف مذاکرات اور حکومت کےمستقبل پر غور کیا گیا اور پارٹی کے قائد نوز شریف کو اتحادی جماعتوں کے ساتھ ہونے واکی مشاورت پر اعتماد میں لیا گیا جس پر مسلم لیگ (ن) کے قائد اور سابق وزیراعظم نواز شریف نے حکومت سے فوری طور پر الگ نہ ہونے کے فیصلے کی توثیق کردی ہے۔ ذرائع کے مطابق اجلاس میں آئی ایم ایف سے ہونے والے مذاکرات پر مشاورت کی گئی۔ اجلاس میں نواز شریف نے مشورہ دیا کہ اگر آئی ایم ایف سے عوامی ریلیف پیکیج نہیں ملتا تو بڑے فیصلے کیے جائیں، پچھلی حکومت کا ملبہ ہم کیوں اپنے سرلیں۔

    نواز شریف نے ہدایت دی کہ ملک کو انتشار کرنے والوں کے رحم و کرم نہ چھوڑا جائے، لانگ مارچ کا شور آئی ایم ایف سے مذاکرات کو متاثر کرنے لیے مچایا گیا، لانگ مارچ کے خلاف حکمت عملی پر اتحادیوں کو مکمل اعتماد میں لیا جائے اور ہر فیصلے میں آصف زرداری کو ساتھ رکھا جائے۔

    ذرائع کے مطابق لاہور میں منعقد ہونے والے پاکستان مسلم لیگ ن کے مشاورتی اجلاس میں فیصلہ کیا گیا کہ پی ٹی آئی چیئرمین عمران خان کے کسی غیر آئینی مطالبے کو قبول نہیں کیا جائے گا۔ حکومت اور اتحادیوں کے فیصلے سے اہم شخصیت کو آگاہ کردیا گیا اور طے پایا کہ حکومت کے خلاف محاذ آرائی کو سختی سے ساتھ نمٹا جائے گا۔ذرائع کے مطابق اتحادی حکومت قانون ہاتھ میں لینے والوں کو گرفتار کرے گی۔

    نواز شریف نے دوران اجلاس کہا کہ قوم کو انتشار پیدا کرنے والوں پر نہیں چھوڑا جاسکتا ہے۔انہوں نے وفاقی وزیر داخلہ کو مخاطب کرتے ہوئے ہدایت دی کہ رانا صاحب! آپ امن و امان کی صورتحال کنٹرول کرنے کے لیے تیار رہیں۔زرائع کے مطابق پنجاب کی جیلوں کو صاف کروانے اور سیاسی شخصیات کو الگ سیل میں رکھنے کی ہدایت بھی دی گئی۔

    نواز شریف نے کہا کہ انتخابی اصلاحات کا بل جلد تیار کرکے اسے قومی اسمبلی سے پاس کرایا جائے، نئے چیئرمین نیب کی تعیناتی کے لیے فوری اپوزیشن لیڈر سے مشاورت کا آغاز کیا جائے۔ ذرائع کے مطابق شہباز شریف اور حمزہ شہباز نے اجلاس کے شرکا کو پنجاب میں نمبر گیم کے حوالے سے آگاہ کیا۔ شرکا نے پنجاب کے بڑے شہروں میں مزید جلسے کرنے کا فیصلہ بھی کیا۔

    زرائع کے مطابق اجلاس میں فیصلہ کیا گیا ہے کہ پی ٹٰی آئی کا مارچ پر امن ہوا تو حکومت اس میں رکاوٹ نہیں ڈالے گی. اجلاس میں اس بات پر اتفاق کیا گیا ہے کہ اگر تحریک انصاف قانونی حدود میں رہتے ہوئے لانگ مارچ کرتی ہے تو کسی قسم کی رکاوٹ کھڑی نہیں کی جائے گی۔

    تاہم ذرائع کا یہ بھی کہنا ہے کہ اگر تحریک انصاف نے امن و امان کی صورت حال خراب کرنے کی کوشش کی تو پھر قانونی طریقے سے نمٹا جائے گا۔ اجلاس میں پی ٹی آئی کو کشمیر ہائی وے تک محدود کرنے پر بھی اتفاق کیا گیاہے.

    صورتحال سے نمٹنے کے لیے وزیراعظم شہباز شریف نے وزارت داخلہ سے پلان بھی طلب کرلیا، جبکہ اس حوالے سے کل وفاقی کابینہ کا اجلاس بھی بلائے جانے کا مکان ہے

    وزارت داخلہ کی رپورٹ کی روشنی میں وفاقی کابینہ اہم فیصلوں کی منظوری دے گی ، اجلاس میں پنجاب پولیس ،ایف سی اور رینجرز کی خدمات حاصل کرنے سے متعلق بھی فیصلہ کیا جائے گا۔

    اجلاس میں فیصلہ کیا گیا کہ اتحادی جماعتون کو آج کے اجلاس میں کئے گئے فیصلوں کے حوالے سے اعتماد میں لیا جائے گا. اجلاس میں اس بات کو بھی یقینی بنانے پر اتفاق کیا گیا کہ موجودہ حالات میں عوام کو ریلیف دینے کی ہر ممکن کوشش کی جائے.

    یاد رہے کہ چیئرمین تحریک انصاف عمران خان نے 25 مئی کو اسلام آباد لانگ مارچ کا اعلان کر رکھا ہے اور ان کا مطالبہ ہے کہ حکومت کو ختم کر کے ملک میں فوری شفاف انتخابات کروائے جائیں۔جبکہ دوسری جانب وزیراعظم شہباز شریف نے عمران خان کے حقیقی آزادی مارچ کےحوالے سے کہا تھا کہ عمران نیازی خانہ جنگی چاہتا ہے تو یہ اس کی بڑی بھول ہے،عوام گریبان پکڑیں گے،معاف نہیں کریں گے۔

  • موجودہ حکومت مدت پوری کرے گی، اتحادی جماعتوں نے فیصلہ کر لیا

    موجودہ حکومت مدت پوری کرے گی، اتحادی جماعتوں نے فیصلہ کر لیا

    موجودہ حکومت مدت پوری کرے گی، اتحادی جماعتوں نے فیصلہ کر لیا

    باغی ٹی وی کی رپورٹ کے مطابق وزیراعظم شہباز شریف کی قیادت میں اتحادی جماعتوں کی حکومت نے اپنی آئینی مدت مکمل کرنے کا فیصلہ کیا ہے،

    جیو ٹی وی پر شائع ہونے والی ایک رپورٹ کے مطابق اتحادی جماعتوں کا گزشتہ روز اجلاس ہوا تھا جس میں اہم اور مشکل فیصلے کئے گئے، اجلاس میں اتحادی جماعتوں نے حکومت کی آئینی مدت پوری کرنے کا فیصلہ کیا ہے ،نجی ٹی وی کے ذرائع کے مطابق اتحادی حکومت فیصلے کرنے کے حوالہ سے تذبذب کا شکار تھی تا ہم اب انہوں نے فیصلہ کر لیا ہے کہ الیکشن کی جانب فوری جانے کی بجائے حکومت آئینی مدت پوری کرے گی اور اسکے بعد الیکشن ہوں گے

    ن لیگی رہنما ملک احمد خان کا کہنا ہے کہ حکومت اپنی آئینی مدت سے ایک دن بھی پیچھے نہیں ہٹے گی، صحافی نے سوال کیا کہ کیا یہ فیصلہ آج کے اجلاس میں ہوا ، جس پر ملک احمد خان کا کہنا تھا کہ یہ اس دن ہی فیصلہ ہو گیا تھا جب اقتدار سنبھالا تھا، تحریک انصاف لانگ مارچ نہیں انتشار پھیلا رہی ہیں، ملک میں قانون کی حکمرانی ہے ،ہم کسی سیاسی ورکر کو گرفتار نہیں کریں گے،

    دوسری جانب سابق وزیراعظم عمران خان نے لانگ مارچ کا اعلان کر دیا ہے اور وہ فوری الیکشن چاہتے ہیں، تا ہم حکومتی اتحادی جماعتیں الیکشن نہیں چاہتی، سابق صدر آصف زرداری بھی کہہ چکے ہیں کہ الیکشن کی جانب جائیں گے لیکن پہلے اصلاحات کریں گے، اصلاحات سے پہلے الیکشن نہیں ہوں گے، اب موجودہ حکومت 10 جون کو وفاقی بجٹ پیش کرنے جا رہی ہے، عمران خان نے بھی 25 مئی کو اسلام آباد پہنچنے کا اعلان کر رکھا ہے، عمران خان کشمیر ہائی وے پر دھرنا دیں گے،

    تمباکو سیکٹر میں سالانہ 70 ارب روپے کی ٹیکس چوری کا انکشاف

    جب حکمران ٹکٹ ہی ان لوگوں کو دیں جن کا کاروبار تمباکو اور سگریٹ سے وابستہ ہو تو کیا پابندی لگے گی سینیٹر سحر کامران

    تمباکو نوشی کا زیادہ استعمال صحت کے لئے نقصان دہ ہے،ڈاکٹر فیصل سلطان مان گئے

    تمباکو پر ٹیکس عائد کر کے نئی حکومت بجٹ خسارے پر قابو پا سکتی ہے،ماہرین

    تمباکو اور میٹھے مشروبات پر ٹیکس میں اضافہ آنیوالے بجٹ میں کیا جائے، ثناء اللہ گھمن

    تمباکو پر ٹیکس، صحت عامہ ، آمدنی کے لئے جیت

  • عثمان بزدار نے سیمنٹ فیکٹری کے 16 لائسنس بیچے،مفتاح اسماعیل کا دعویٰ

    عثمان بزدار نے سیمنٹ فیکٹری کے 16 لائسنس بیچے،مفتاح اسماعیل کا دعویٰ

    عثمان بزدار نے سیمنٹ فیکٹری کے 16 لائسنس بیچے،مفتاح اسماعیل کا دعویٰ
    باغی ٹی وی کی رپورٹ کے مطابق وفاقی وزیر خزانہ مفتاح اسماعیل کا کہنا ہے کہ عمران خان نے دھرنے کا اعلان کیا ہے

    مفتاح اسماعیل کا کہنا تھا کہ عمران خان نے گزشتہ دھرنے سے ملک کو نقصان پہنچایا اس بار بھی عمران خان دھرنے سے ملک کو نقصان پہنچائیں گے عمران خان نے جب ماضی میں دھرنا دیا تو چینی وفد پاکستان نہیں آیا،عمران خان کا لانگ مارچ فرح کو بچانے کے لیے ہے عمران خان اور شوکت ترین نے آئی ایم ایف سے معاہدہ کیا،عمران خان حکومت اور آئی ایم ایف معاہدے کی وجہ سے عوام کو مشکلات کا سامناہے، وزیراعظم شہباز شریف نے کہاہے عوام کوریلیف دینا ہی مقصد ہےہم سبسڈیز کو ایک سے ڈیڑھ ماہ تک لے کر چلے ہیں آئی ایم ایف کے آخری مرحلے کے لیے دوحہ جارہا ہوں،عمران خان ہمیشہ ذاتی مفاد کو ملکی مفاد کو ترجیح دیتے ہیں ،6فیصد گروتھ جو دکھائی گئی اس کی بنا پر آئی ایم ایف کہہ رہا ہے کہ معیشت سلو کرو،20ہزارارب روپے قرض تاریخ کا سب سے زیادہ ہے اسد عمر نے جو ڈیفسٹ لیا وہ 52 سال کی تاریخ کا ریکارڈ ہے،پی ٹی آئی والوں نے کچھ معاہدے غلط کیے اور کچھ آگے نہیں بڑھائے،ملک میں جو بات نہیں ہورہی وہ دوحہ میں کرنا پڑ رہی ہے اسٹیٹ بینک کا شرح سود بڑھانے کا امکان ہے ،آج ہم یوٹیلٹی اسٹور پر آٹا گھی سستا دے رہے ہیں،

    وزیر خزانہ مفتاح اسماعیل کا مزید کہنا تھا کہ بلین ٹری سونامی میں بلین ٹری نہیں، راولپنڈی کی الائنمنٹ کیوں چینج ہوئی، آئی ایم ایف سے 2دن میں معاہدہ کرکے آئیں گے آج بجلی کی لوڈ شیڈنگ کیوں ہے، عمران خان نے سب کیا ،راولپنڈی کے رنگ روڈ کا پلان کیوں چینج کر دیا،شوکت ترین معاہدہ سے پیٹرولیم مصنوعات کی قیمتیں بڑھانی ہوں گی جو نہیں کر رہے، عمران خان نے فرح گوگی کو ٹرانسفرز کی اجازت دی تھی،عثمان بزدار نے سیمنٹ فیکٹری کے 16 لائسنس بیچے، شہباز شریف نے ایک بھی لائسنس نہیں بیچا،کینڈی لینڈ اور سلک بینک کی بیلنس شیٹ دیکھ پتہ چل جائے گا کہ کس کو معیشت بہتر چلانا آتی ہے عمرا ن خان نے مریم نواز سے متعلق جو الفاظ استعمال کیے اس کی مذمت کرتے ہیں،میرے ساتھ کوئی نہیں ہوگا ، آئی ایم ایف سے سب کچھ لکھوا کے لاؤں گا عمران خان کو اپنے علاوہ کسی کی پرواہ نہیں ہے،ان کی کارکردگی پر بیان بازی کروں تو معیشت ہاتھ سے نکل جائے گی

    وزیر خزانہ مفتاح اسماعیل کا مزید کہنا تھا کہ عمران خان کو ملک کی کوئی فکر نہیں اپوزیشن کو جیلوں میں ڈالنے میں لگا رہے، عمران خان کی حکومت میں ہر طرف بارودی سرنگیں بچھا ئی گئیں،عمران خان کی وجہ سے آج ملک میں ایندھن کی کمی ہے شوکت ترین بتائیں کہ سبسڈی کی مد میں پیسے کہاں چھوڑے ہیں؟

    فرح خان جہاں بھی ہوگی رانا ثنااللہ اسے واپس لائیں گے:مریم نواز 

    فرح خان کو دبئی سے پاکستان واپس لا نے کا فیصلہ

    ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

    فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

    بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

    بشریٰ بی بی کی قریبی دوست فرح نے خاموشی توڑ دی

    فرح خان کیسے کرپشن کر سکتی ؟ عمران خان بھی بول پڑے

    نیب نے فرح خان کے خلاف تحقیقات کا آغاز کر دیا

    نیب نے سابق خاتون اول کی دوست کے حوالے سے وضاحت کردی

    شہزاد اکبر بھاگ گیا، فرح بھاگ گئی،کچھ کیا نہیں تو ڈر کیسا؟ سعد رفیق

    فرح خان کیخلاف ریکارڈ کے حصول کیلئے نیب متحرک

  • عمران خان ڈر گئے ۔۔؟؟ || لانگ مارچ کا مستقبل کیا ؟ مبشر لقمان کا بڑا دعویٰ ؟

    عمران خان ڈر گئے ۔۔؟؟ || لانگ مارچ کا مستقبل کیا ؟ مبشر لقمان کا بڑا دعویٰ ؟

    لاہور:عمران خان ڈر گئے ۔۔؟؟ || لانگ مارچ کا مستقبل کیا ہوگا اس حوالے سے تجزیہ کرتے ہوئے سینیئرصحافی مبشرلقمان نے کہا ہے کہ وہ پچھلے کئی دنوں سے اس ملک میں صورت حال کو بڑی تیزی سے بدلتا ہوا دیکھ رہے ہیں،مبشرلقمان نے سابق وزیراعظم عمران خان کی طرف سے لانگ مارچ کے حوالے سے کچھ حقائق بیان کیے تو کچھ خدشات

    مبشرلقمان کہتے ہیں کہ آج عمران خان نے لانگ مارچ کا اعلان کرکے ملک میں ایک بے چینی کی کفیت پیدا کردی ہے، ان کایہ بھی کہنا تھا کہ عمران خان یہ سمجھتے ہیں کہ اس لانگ مارچ سے وہ اپنے مطالبات منوا لیں گے تو شاید یہ ان کی بھول ہے، اب وہ ماضی کے دھرنے کی صورت حال نہیں ہے ، اب فضا ان کے خلاف ہے اور ان کے خلاف تیرہ جماعتی پی ڈی ایم اتحاد کی حکومت ہے

    مبشرلقمان کہتے ہیں کہ عمران خان کی طرف سے اعلان کے ساتھ حکومت نے بھی سختی سے نمٹنے کا فیصلہ کیا ہے ، مریم اورنگزیب نے کہا ہےکہ وہ خونی مارچ کو نہیں ہونے دیں گی ، رانا ثنااللہ بھی اپنے ارادوں سے اگاہ کرچکے ہیں

    مبشرلقمان کا کہنا ہےکہ اس موقت ملک ی صورت حال بڑی خراب ہے، معاشی دیوالیہ نکلا ہوا ہے اورعمران خان نے کہا ہےکہ وہ روس سے پٹرول اورگندم لے کرملک کی عوامکو ریلیف دینے کا سوچ رہے تھے کہ حکومت گرادی گئی ، امریکہ نے براہ راست سازش کرکے میری حکومت گرا کرملک 22 کروڑ عوام کی توہین کی ہے

     

    ان کا کہنا تھا کہ خان صاحب بتائیں کہ وہ انڈیا کی مثال دیتے ہیں انڈیا کے تو ریزور ہی بہت زیادہ ہیں اورہمارے پاس تو ریزور ہی نہیں تو کیسے ہم یہ کرسکتے تھے ، کیسےخام تیل کو ریفائن کرسکتے تھے ہمارے پاس تو ریفائنری ہے نہیں ،پھرروس سے معاہدے کرنے کے بعد پے منٹ کس طرح کرنی تھی جبکہ روس کے بینکوں پر پابندی ہے ، ان کا کہنا تھا کہ عمران خان ایک بار پھراپنے موقف میں تبدیلی لے آئے ہیں‌

    مبشرلقمان نے کہا کہ عمران خان کا خیال ہے کہ وہ پشاور سے بہت بڑا جلوس لے کراسلام آباد آئیں گے ،ٹھیک ہے لیکن حکومت کس انداز سے سلوک کرتی ہے اس نے بھی منصوبہ بنا رکھا ، پھربنی گالہ اس دفعہ نہیں جاسکیں گے وہیں رکنا پڑے گا ،موسم بہتر رہے گا لیکن اگریہ مارچ طوالت اختیار کرگیا تو پھرستائیس مئی کے بعد توسخت گرمی ہے، پھرکیسے سامنا کرپائیں گے ، مبشرلقمان نے کہا کہ آئی ایم ایف سے مذاکرات ہورہے ہیں اور امید ہے کہ صورت حال بہتر ہوجائے گی

    مبشرلقمان کہتے ہیں کہ اس مارچ کو کامیاب کرنے کے لیے فنڈریزنگ کی اپیل کی ہے اور یہ توممکن ہےکہ خان کے وفادار فنڈریزنگ تو ہر صورت کریں‌گے،الیکشن کمیشن کے ھوالے سے ان کا کہنا تھا کہ وہ چاہتے ہیں کہ چیف الیکشن کمشنر کے ساتھ ساتھ نیب کے چیئرمین کی تبدیلی اوراپنی مرضی کا بندہ لانےکےلیے کوشاں ہوں گے یہ بھی آسان نہیں ، اپنے دور میں‌تو الیکشن کمیشن کا عملہ ہی پورا نہیں کرسکے تو اب کیسے یہ کرلیں گے

    مبشرلقمان نے کہا کہ بس دعا ہےکہ اللہ تعالیٰ ہمیں کسی سانحے اور حادثےسے محفوظ رکھے اورپاکستان کو ازمائش سے نکالے ، ان کا کہنا تھا کہ لانگ مارچ کیا رنگ لاتا ہے ، اس کے بارے میں حتمی تو کچھ نہیں کہا جاسکتا لیکن یہ امکان ہےکہ یہ لانگ مارچ ناکام ہوجائے اور عمران خان کو ناکامی کا سامنا کرنے پڑے

  • عمران خان نے25مئی کولانگ مارچ کا اعلان کردیا: حقیقی آزادی کےلیےاہل وطن کوشامل ہونےکی دعوت

    عمران خان نے25مئی کولانگ مارچ کا اعلان کردیا: حقیقی آزادی کےلیےاہل وطن کوشامل ہونےکی دعوت

    اسلام آباد:سابق وزیراعظم عمران خان نے ملک میں لانگ مارچ کا اعلان کردیا ہےاور کہا کہ ان چوروں سے جان چھڑائیں گے اورملک میں ایک حقیقی اورازاد حکومت لائیں گے ، ان کا یہ بھی کہنا تھا کہ ملک کے اندر سے اورباہرسے ملکرسازشیوں نے جس طرح 22 کروڑ عوام کی منتخب حکومت کوامریکی خواہش پرگھربیجا اس سے بڑھ کر ملک وقوم کی توہین نہیں

    پاکستان تحریک انصاف (پی ٹی آئی) کے چیئرمین اور سابق وزیراعظم عمران خان نے کہا کہ کہ آج کور کمیٹی کا اجلاس ہوا، لانگ مارچ کی تاریخ کا فیصلہ کر لیا ہے۔

    پشاور میں پریس کانفرنس کرتے ہوئے عمران خان نے کہا پاکستان کیخلاف بیرونی سازش امریکا سے ہوئی، رجیم چینج کیلئے انہوں نے کرپٹ لوگوں کو اپنے ساتھ ملایا، گزشتہ 8 ماہ سے یہ سازش شروع ہوئی، امریکا نےملک کےکرپٹ ترین لوگوں کو ساتھ ملایا، اس سازش کا علم گزشتہ جون سے ہی تھا، کوشش کرتے رہے کہ یہ سازش کامیاب نہ ہو، بدقسمتی سے ہم اس سازش کو نہیں روک سکے، 7مارچ کو امریکی انڈر سیکریٹری نے ہمارے سفیر کو دھمکی دی، ڈونلڈ لو نے کہا اگر عمران خان کو نہیں ہٹاؤ گے تو پاکستان کیلئے مسئلے ہوں گے ، یہ سازش میرےخلاف نہیں پاکستان کے خلاف ہوئی تھی۔

    سابق وزیراعظم کا مزید کہنا تھا کہ ہمارا جی ڈی پی گروتھ 6 فیصد پر تھا، ملک آگے بڑھ رہا تھا، 1960کی دہائی کے بعد پہلی بار ملک آگے بڑھ رہا تھا، ملک میں ریکارڈ فصلیں ہوئیں، کسانوں کو پیسہ ملا، آئی ٹی کی ایکسپورٹس پہلی دفعہ 75 فیصد تک بڑھیں، جب حکومت میں آئے تو پاکستان کا 20 ارب ڈالر کا بیرونی خسارہ تھا، ہم ملک کو مشکل حالات سے نکال رہے تھے کہ کورونا آگیا، ہم نے اپنے لوگوں اور معیشت کو کورونا سے بچایا، ہماری حکمت عملی کی دنیا مثال دیتی تھی۔

    پی ٹی آئی چیئرمین نے حکومت پر تنقید کرتے ہوئے کہا کہ اب پتہ چلا ان کاتجربہ صرف کرپشن کیسز ختم کرنے میں ہے، مہنگائی کی صورتحال تشویشناک ہے، بیرون ملک پاکستانیوں نے ریکارڈ پیسہ ملک میں بھیجا، ان کے پاس کوئی پلان یا روڈ میپ نہیں، اقتدار میں آنے والوں پر کیسز ہیں، مفرور باہر سے بیٹھ کر فیصلے کر رہا ہے، ایک بیرونی سازش سے ہمیں ہٹایا گیا، سازش میں یہاں کے میر صادق اور میر جعفر نے ساتھ دیا، کہا گیا کہ عمران خان کو ہٹا دیا تو معاف کردیا جائے گا، اقتدار میں آںے والوں پر کیسز ہیں، باہر سے سازش کرکے ہمارے ملک کی توہین کی گئی۔

    عمران خان کا کہنا تھا کہ اس ملک کے 22 کروڑ عوام کو ٹشو پیپر کی طرح استعمال کیا گیا، کہا گیا یہ وزیراعظم روس چلا گیا تھا، یہ ہمارا حکم نہیں مانتا تھا اسے نکالو، روس سے 30 فیصد کم قیمت پر تیل خریدنے کیلئے بات چیت کر رہے تھے، ہندوستان نے کل پیٹرول کی قیمتیں کم کرنے کا اعلان کیا ہے، ہندوستان نے روس سے سستا تیل خریدا ہے، ہم بھی روس سے 30 فیصدکم قیمت پر تیل خریدنے کیلئے بات چیت کر رہے تھے، موجودہ حکومت کی جرات نہیں کہ روس سے سستا تیل یا گندم خرید سکے، میں ملک کی بہتری کیلئے کوشش کر رہا تھا یہ باہر سے پتلے لے کر آ گئے، چوروں کو وزیراعظم اور وزیراعلیٰ بنا دیا گیا، یہ قوم کی توہین ہے، ملک کا وزیراعظم ضمانت پر ہے، جن پر نیب کے کیسز ان چوروں کو لایاگیا۔

  • کسی کو بھی پاکستان چین دوستی کو نقصان پہنچانے کی اجازت نہیں دیں گے،وزیرخارجہ

    کسی کو بھی پاکستان چین دوستی کو نقصان پہنچانے کی اجازت نہیں دیں گے،وزیرخارجہ

    وزیر خارجہ بلاول بھٹو زرداری دو روزہ سرکاری دورے پر چین پہنچ گئے، جہاں ان کی چینی وزیر خارجہ وانگ ژی سے ملاقات ہوئی۔

    باغی ٹی وی : گونگژو میں وزیر خارجہ بلاول بھٹو زرداری اور چینی وزیر خارجہ وانگ ژی کے درمیان دوطرفہ تعلقات کے فروغ اور باہمی دلچسپی کے امور پر تبادلہ خیال کیا گیا۔

    پاکستان اور چین کے درمیان تجارتی اور اقتصادی تعاون پر خصوصی توجہ کے ساتھ دو طرفہ تعلقات کے تمام پہلوؤں کا بھی جائزہ لیا گیا۔وزیر مملکت برائے امور خارجہ حنا ربانی کھر اور وزارت خارجہ کے حکام بھی وزیر خارجہ کے ہمراہ ملاقات میں موجود تھے۔


    وزیر خارجہ بلاول بھٹو زرداری نے چینی ہم منصب کے ہمراہ پریس کانفرنس کرتے ہوئے کہا کہ پاکستان اور چین کی دوستی وقت کے ساتھ مضبوط ہو رہی ہے کسی کو بھی پاکستان چین دوستی کو نقصان پہنچانے کی اجازت نہیں دیں گے-

    انہوں نے کہا کہ پاکستان چینی شہریوں پر ہونے والے حالیہ دہشت گرد حملے کی مذمت کرتا ہے اور چینی شہریوں پر حملہ کرنے والوں کو کٹہرے میں لائیں گے چین نے ہر مشکل وقت میں پاکستان کے ساتھ بھرپور تعاون کیا اور ہر مشکل وقت میں چین کے بھرپور تعاون کا شکریہ ادا کرتا ہوں پاکستان خطے میں امن کا خواہاں ہے-


    وزہر خارجہ نے کہا کہ وزیر اعظم اورپاکستانی قوم کیجانب سے چین کے لیے نیک خواہشات لایا ہوں میرا دورہ دو طرفہ تعلقات کے 71ویں سالگرہ کےموقع پراہمیت کا حامل ہےپاکستان چین دوستی نہ صر ف علاقائی بلکہ عالمی امن کے لیےبھی ضروری ہے اوربطور وزیرخارجہ چین کے پہلے دورے پر انتہائی مسرت ہے سی پیک منصوبے پر کام کرنے والے چینی باشندوں کی سیکیورٹی کو یقینی بنایا جا رہا ہے-

    بلاول بھٹو نے کہا کہ پاکستان ہمسایہ ملک افغانستان میں امن اور استحکام کا خواہشمند ہے اور کسی کو بھی پاکستان چین دوستی کو نقصان پہنچانے کی اجازت نہیں دیں گے بھارت مقبوضہ کشمیر میں مسلم اکثریت کو اقلیت میں بدلنے کی کوشش کر رہا ہے۔


    وزیر خارجہ بلاول بھٹو زرداری پاک چین تعلقات کے 71 برس کی تکمیل پر اپنے ہم منصب چینی وزیر خارجہ وانگ یی کے ہمراہ کیک بھی کاٹا-

    قبل ازیں وزیرخارجہ بلاول بھٹو زرداری چینی وزیر خارجہ وانگ ژی کی خصوصی دعوت پر دوروزہ سرکاری کی غرض سے چین پہنچے وزیر مملکت برائے خارجہ امور حنا ربانی کھر اور وزارت خارجہ کے اعلیٰ حکام ان کے ہمراہ موجود ہیں۔

    اس حوالےسےدفترخارجہ کا کہنا ہےکہ دورے کےدوران وزیر خارجہ اپنے چینی ہم منصب کےساتھ وسیع مشاورت کریں گےدونوں وزرائے خارجہ پاکستان اور چین کےدرمیان تجارتی اور اقتصادی تعاون پر خصوصی توجہ کےساتھ دو طرفہ تعلقات کے تمام پہلوؤں کاجائزہ لیں گے دونوں وزرائے خارجہ کے درمیان چین پاکستان اقتصادی راہداری پر پیشرفت، بیلٹ اینڈ روڈ انیشی ایٹو فلیگ شپ پروجیکٹ پر بھی بات چیت ہوگی، دونوں فریقین اہم علاقائی اور بین الاقوامی امور پر وسیع پیمانے پر تبادلہ خیال کریں گے۔

    ترجمان دفتر خارجہ کےمطابق وزیر خارجہ بلاول بھٹو زرداری کا دورہ، پاکستان اور چین کے درمیان سفارتی تعلقات کے قیام کی 71 ویں سالگرہ کی مناسبت سے ہے، اسٹیٹ کونسلر وانگ ژی نے بلاول بھٹو زرداری کو وزیر خارجہ کا عہدہ سنبھالنے پر مبارکباد کا خط لکھا تھا، دونوں وزرائے خارجہ نے قبل ازیں 11 مئی 2022ء کو ورچوئل میٹنگ کی تھی۔

  • وزیر خارجہ بلاول بھٹو زرداری سرکاری دورے پر چین پہنچ گئے

    وزیر خارجہ بلاول بھٹو زرداری سرکاری دورے پر چین پہنچ گئے

    اسلام آباد: وزیر خارجہ بلاول بھٹو زرداری دو روزہ سرکاری دورے پر چین پہنچ گئے۔ذرائع کے مطابق وزیر خارجہ بلاول بھٹو زرداری چینی وزیر خارجہ وانگ ژی کی خصوصی دعوت پر دو روزہ سرکاری کی غرض سے چین پہنچ گئے۔ وزیر مملکت برائے خارجہ امور حنا ربانی کھر اور وزارت خارجہ کے اعلیٰ حکام ان کے ہمراہ موجود ہیں۔

    اس حوالے سے دفتر خارجہ کا کہنا ہے کہ دورے کے دوران وزیر خارجہ اپنے چینی ہم منصب کے ساتھ وسیع مشاورت کریں گے، دونوں وزرائے خارجہ پاکستان اور چین کے درمیان تجارتی اور اقتصادی تعاون پر خصوصی توجہ کے ساتھ دو طرفہ تعلقات کے تمام پہلوؤں کا جائزہ لیں گے۔

     

    اس سے پہلے بلاول بھٹو زرداری نے اپنے دورے کے حوالے سے ٹویٹ کی تھی جس میں وہ کہتے ہیں  کہ

    ترجمان دفتر خارجہ نے کہا کہ دونوں وزرائے خارجہ کے درمیان چین پاکستان اقتصادی راہداری پر پیش رفت، بیلٹ اینڈ روڈ انیشی ایٹو فلیگ شپ پروجیکٹ پر بھی بات چیت ہوگی، دونوں فریقین اہم علاقائی اور بین الاقوامی امور پر وسیع پیمانے پر تبادلہ خیال کریں گے۔

    ترجمان دفتر خارجہ کے مطابق وزیر خارجہ بلاول بھٹو زرداری کا دورہ، پاکستان اور چین کے درمیان سفارتی تعلقات کے قیام کی 71 ویں سالگرہ کی مناسبت سے ہے، اسٹیٹ کونسلر وانگ ژی نے بلاول بھٹو زرداری کو وزیر خارجہ کا عہدہ سنبھالنے پر مبارکباد کا خط لکھا تھا، دونوں وزرائے خارجہ نے قبل ازیں 11 مئی 2022ء کو ورچوئل میٹنگ کی تھی۔

  • حمزہ شہباز نے شیریں مزاری کی رہائی کا حکم دے دیا

    حمزہ شہباز نے شیریں مزاری کی رہائی کا حکم دے دیا

    وزیراعلی پنجاب حمزہ شہباز نے شیریں مزاری کی رہائی کا حکم دے دیا،

    وزیراعلیٰ پنجاب حمزہ شہباز نے تحریک انصاف کی رہنما شیریں مزاری کی رہائی کا حکم دے دیا۔ حمزہ شہباز کا کہنا تھاکہ شیریں مزاری بطور خاتون قابل احترام ہیں، ان کی رہائی کا حکم دے دیا۔

    وزیراعلی کا کہنا تھاکہ کسی بھی خاتون کی گرفتاری معاشرتی اقدار سے مطابقت نہیں رکھتی۔
    انہوں نے ہدایت کی کہ شیریں مزاری کوگرفتارکرنے والے اینٹی کرپشن عملےکیخلاف تحقیقات ہونی چاہیئیں۔

    ان کا کہنا تھاکہ تفتیش اورتحقیقات میں گرفتاری ناگزیرہے تو قانون اپنا راستہ خود بنالے گا، شیریں مزاری کی گرفتاری کے عمل سے اتفاق نہیں کرتا۔

    وزیراعلیٰ پنجاب کا کہنا تھاکہ مسلم لیگ ن بحیثیت سیاسی جماعت خواتین کے احترام پریقین رکھتی ہے۔

    ان کا کہنا تھاکہ مریم نواز کے بارے میں بیہودہ زبان کی مذمت کرتےہیں مگر انتقام ہماراشیوہ نہیں۔ ان کا کہنا تھاکہ راولپنڈی پولیس کو ہدایت کی شیریں مزاری کو اینٹی کرپشن کی تحویل سے چھڑاکر رہا کیا جائے۔

    یاد رہے کہ تحریک انصاف کی رہنما و سابق وفاقی وزیر شیریں مزاری کو اینٹی کرپشن کے اہلکاروں نے اسلام آباد میں واقع ان کے گھر کے باہر سے گرفتار کیا تھا جہاں سے انہیں تھانہ کوہسار لایا گیا ۔

    اس حوالے سے سابق وزیر اطلاعات چوہدری فواد حسین نے بھی ان کی گرفتاری کے حوالے سے ٹویٹ کیا جب کہ پی ٹی آئی رہنما افتخار درانی نے بھی ان کی گرفتاری کی تصدیق کی۔ پی ٹی آئی رہنماؤں نے بتایا ہے کہ انہیں ان کے گھر کے باہر سے گرفتار کیا گیا جس کی مذمت کرتے ہیں۔

    اطلاعات کے مطابق شیریں مزاری کو اینٹی کرپشن ونگ ڈی جی خان نے اراضی کے ایک مقدمے میں گرفتار کیا اور تھانہ کوہسار لے گیا جہاں سے انہیں لاہور لے جایا جانا تھا. شیریں مزاری پر اس مقدمے میں ایف آئی آر درج ہے، عملہ وارنٹ گرفتاری لے کر آیا تھا۔ اینٹی کرپشن پنجاب نے ان کے خلاف کارروائی کا آغاز مارچ 2022ء میں کیا تھا۔

    شیریں مزاری کی بیٹی ایمان مزاری کہا کہ مرد پولیس اہلکار میری ماں پر تشدد کرتے ہوئے انہیں گھسیٹے ہوئے لے گئے اور مجھے صرف اتنا بتایا گیا ہے کہ اینٹی کرپشن ونگ لاہور لے گیا ہے۔گرفتاری کے بعد ان کی بیٹی کے ہمراہ فواد چوہدری، بابر اعوان، شبلی فراز اور دیگر رہنما تھانہ کوہسار پہنچے جب کہ تھانہ کے باہر کارکنان جمع ہوگئے جنہوں ںے حکومت کے خلاف نعرے بازی کی۔

    تھانے کے باہر گفتگو کرتے ہوئے فواد چوہدری نے کہا کہ حکومت کی اس حرکت سے ظاہر ہے کہ وہ کسی بھی حد تک جانے کے لیے تیار ہے، ایسے اقدامات سے حکومت نے اعلان جنگ کردیا ہے۔

  • شیری مزاری کی گرفتاری،عمران خان کا رد عمل سامنے آ گیا

    شیری مزاری کی گرفتاری،عمران خان کا رد عمل سامنے آ گیا

    لاہور:سابق وزیراعظم اور پاکستان تحریک انصاف (پی ٹی آئی) کے چیئر مین عمران خان نے شیری مزاری کی گرفتاری کے بعد احتجاج کا اعلان کر دیا۔

     

     

    سماجی رابطے کی ویب سائٹ ٹویٹر پر اپنے ایک بیان میں انہوں نے لکھا کہ تحریک انصاف کے سینئر رہنما شیریں مزاری کو اس فسطائی حکومت نے گھر کے باہر سے اغوا کر لیا۔ وہ مضبوط اور نڈر خاتون ہیں، اگر امپوٹڈ حکومت سمجھتی ہے وہ اسے اس فسطائیت سے مجبور کر سکتی ہے، تو انہوں نے غلط اندازہ لگایا ہے۔

     

    پی ٹی آئی چیئر مین کا کہنا تھا کہ ہماری تحریک مکمل طور پر پُرامن ہے لیکن یہ فاشسٹ امپورٹڈ حکومت ملک کو انتشار کی طرف دھکیلنا چاہتی ہے۔ معیشت کو یکدم گرا دینا کافی نہیں تھا، اب یہ انتخابات سے بچنے کے لیے انارکی پھیلانا چاہتے ہیں۔

    عمران خان نے کہا کہ آج ہم احتجاج کریں گے اور کور کمیٹی کے اجلاس کے بعد اپنے لانگ مارچ کا اعلان کروں گا۔ٹویٹر پر انہوں نے شیری مزاری کو رہا کرنے کا ٹیگ بھی استعمال کیا۔

     

    سابق وفاقی وزیر شیریں مزاری کی گرفتاری پر پاکستان تحریک انصاف (پی ٹی آئی) نے ملک گیر احتجاج کا اعلان کردیا۔پارٹی رہنما اسد عمر نے اس حوالے سے سماجی رابطے کی ویب سائٹ ٹوئٹڑ پر ایک پیغام بھی جاری کیا۔

     

     

    شیرین مزاری کو غیر قانونی طور پر حراست میں لینے پر پارٹی کے کارکنان تمام پاکستان میں آج شام احتجاج کریں گے.

     

     

     

    پاکستان تحریک انصاف کی رہنما اور سابق وفاقی وزیر شیریں مزاری پر درج کیے گئے مقدمے کی تفصیلات سامنے آگئیں۔یہ مقدمہ اینٹی کرپشن پنجاب نے اسسٹنٹ کمشنر راجن پور کی شکایت پر درج کیا۔

    دستاویز کے مطابق شیریں مزاری پر زمین پر ناجائز قبضے کا الزام ہے، ان کے خلاف 11 مارچ 2022 کو شکایت نمبر 1272 درج کی گئی تھی جب کہ اسٹنٹ کمشنر راجن پور کو معاملے کی انکوائری کی ہدایت کی گئی۔

    مقدمے کے متن میں کہا گیا ہےکہ 8 اپریل کو اسسٹنٹ کمشنر نے اپنی رپورٹ تیار کی، اینٹی کرپشن اسٹیبلشمنٹ نے اپنے رولز مجریہ 2014 کے تحت کرمنل مقدمہ درج کیا۔

    ادھر سابق وزیر داخلہ شیخ رشید کا کہنا ہے کہ حکومت نے گرفتاریوں کا فیصلہ کرلیا اور ملک میں حالات خراب کرنے جارہی ہے۔

    تفصیلات کے مطابق سابق وزیر داخلہ شیخ رشید نے رہنما شیری مزاری کی گرفتاری پر اے آر وائی نیوز سے گفتگو کرتے ہوئے کہا کہ میراخیال ہےانہوں نے گرفتاریوں کافیصلہ کرلیا، یہ اس سلسلےکی پہلی کڑی ہے، حکومت ملک میں حالات خراب کرنےجارہی ہے۔

    شیخ رشید نے شیری مزاری کی گرفتاری کی مذمت کرتے ہوئے کہا کہ شیریں مزاری صاف ستھری سیاستدان ہیں۔ان کا کہنا تھا کہ ہم نےساری زندگی اصولوں پرمقابلےکیے ہیں، ایسی گرفتاریاں ہوتی ہیں توبالکل تیارہیں، اب فیصلہ لانگ مارچ کی طرف بڑھ رہاہے۔

    سابق وزیر داخلہ نے مزید کہا انھوں نے اپنے پولیس افسر اسلام آباد میں لگا دیے ہیں، یہ کچھ بھی کرسکتے ہیں۔

    یاد رہے پاکستان تحریک انصاف کی رہنما شیریں مزاری کو اسلام آباد پولیس نے گرفتار کرلیا ، شیریں مزاری کیخلاف ڈی جی خان میں اینٹی کرپشن کے تحت مقدمہ درج تھا، گرفتاری کے بعد انہیں تھانہ کوہسار سے ڈیرہ غازی خان منتقل کردیا گیا ہے۔

    سابق وفاقی وزیر شیریں مزاری کی گرفتاری پران کی بیٹی ایمان مزاری نے رد عمل کا اظہار کیا ہے۔ٹوئٹر پر جاری بیان میں ایمان مزاری نے کہا کہ مجھے صرف یہ بتایا گیا کہ گرفتار کرنے والے اینٹی کرپشن ونگ لاہور کے اہلکار ہیں۔ایمان مزاری نے کہا کہ مرد پولیس اہلکار میری والدہ کومارتے ہوئے ساتھ لے گئے۔

    یاد رہے کہ اطلاعات کے مطابق پاکستان تحریک انصاف کی مرکزی رہنما اور سابق وفاقی وزیر شیریں مزاری کو گرفتار کر لیا گیا۔یہ خبریں گردش کررہی ہی ہیں‌ کہ اینٹی کرپشن پنجاب کی ٹیم نے سابق وفاقی وزیر کو گرفتار کیا۔

    ذرائع کا کہنا ہے کہ شیریں مزاری کے خلاف ڈی جی خان میں ایک مقدمہ درج ہوا تھا جس پر انہیں اینٹی کرپشن پنجاب کی ٹیم نے اسلام آباد پولیس کی مدد سے تھانہ کوہسار کی حدود میں گرفتار کیا۔

     

     

    پاکستان تحریک انصاف کے رہنما فواد چودھری نے سماجی رابطے کی ویب سائٹ پر ٹویٹ کرتے ہوئے کہا کہ اطلاعات ہیں کہ شیریں مزاری کو گرفتار کرلیا گیا ہے۔

     

    اس حوالے سے سینئر صحافی حامد میر کا کہنا ہے کہ شیریں مزاری کی گرفتاری کو سیاسی انتقام کے طور پر لیا جائے گا اور اس گرفتاری سے شیریں مزاری کو نقصان نہیں بلکہ سیاسی طور پر بہت فائدہ ہو گا۔