Baaghi TV

Category: اہم خبریں

  • مساجد میں داخلے کے لیے مکمل ویکسینیشن ضروری ہوگی:این سی او سی کے بڑے فیصلے

    مساجد میں داخلے کے لیے مکمل ویکسینیشن ضروری ہوگی:این سی او سی کے بڑے فیصلے

    اسلام آباد:مساجد میں داخلے کے لیے مکمل ویکسینیشن ضروری ہوگی:این سی او سی کے بڑے فیصلے،اطلاعات کے مطابق این سی او سی اجلاس میں بڑے اہم فیصلے کیئے گئے ہیں جن کے مطابق مساجد میں داخلے کے لیے مکمل ویکسینیشن کی شرط عائد کر دی گئی،

    یہ بھی اطلاعات ہیں کہ عوامی مقامات پر ماسک کے استعمال اور سماجی فاصلوں کو برقرار رکھنا لازمی قرار دیا گیا ہے

    اسلام آباد این سی او سی ہیڈآفس سے ملنے والی اطلاعات میں بتایا گیا ہےکہ اس اجلاس میں ملک میں بیماریوں کی موجودہ صورتحال کا تفصیلی جائزہ لیا گیا۔ اس دوران ملک بھر سے آمدہ رپورٹ کے مطابق کچھ متفقہ فیصلے کیے گئے جن کے مطابق :

    اس اہم اجلاس میں یہ فیصلہ کیا گیا کہ مساجد / عبادت گاہوں میں صرف مکمل ویکسین شدہ افراد کو نماز کی اجازت ہے۔جس نے ویکسینیشن نہیں کروائی ہوگی اس سے مسجد میں داخل ہونے کے حوالے سے معذرت کی جائے گی

    اس اہم اجلاس میں یہ بھی فیصلہ کیا گیا کہ ویکسینیشن کے ساتھ ساتھ تمام افراد کےلیے ماسک پہننا لازمی قراردیا گیا ہے

    اس حوالے سے مزید یہ معلوم ہوا ہے کہ قالین وغیرہ کو ہٹایا جائے گا اور صاف فرش پر نمازیں ادا کی جائیں گی ، اس کے ساتھ ساتھ مساجد میں بھی نمازیوں کے درمیان 6 فٹ سماجی فاصلہ برقرار رکھنے کی ہدایت کی گئی ہے

    این سی او سی کے اس اجلاس میں یہ بھی فیصلہ کیا گیا کہ بوڑھے اور مریض ان دنوں میں مساجد میں داخل نہیں ہوسکیں‌ گے، اس کے ساتھ ساتھ یہ بھی ہدایت کی گئی ہے کہ کورونا اور دیگر بیماریوں سےمحفوظ رہنے کےلیے بار بار ہاتھ کی صفائی ضروری ہے

    اس اجلاس میں یہ بھی طئے کیا گیا ہےکہ کوشش کی جائے کہ مساجد میں رش کم سے کم رکھا جائے تاکہ کورونا اور دیگر ملتے جلتے وائرسز سے محفوظ رہا جاسکے

    اسلام آباد میں ہونے والے اس اجلاس میں یہ بھی بات طئے ہوئی کہ نمازی حضرات کوشش کریں کہ وہ اپنے اپنے گھروں سے وضوکرکے آیا کریں‌، اس کے ساتھ ساتھ وینٹیلیشن کے لیے دروازے/کھڑکیاں کھولنا؛ ترجیحاً کھلے میں نماز کا اہتمام کرنا بھی ضروری قراردیا گیا ہے

    این سی او سی کے اس اجلاس میں یہ بھی فیصلہ کیا گیا ہےکہ نمازجمعہ کےلیے کم سے کم وقت رکھا جائے تاکہ کورونا کے پھیلاوسے محفوظ رہ سکیں‌

  • مبارک ہو، نیا سیاسی منجن مل گیا،حکومت اور اپوزیشن کی دوڑیں

    مبارک ہو، نیا سیاسی منجن مل گیا،حکومت اور اپوزیشن کی دوڑیں

    مبارک ہو، نیا سیاسی منجن مل گیا،حکومت اور اپوزیشن کی دوڑیں
    باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ اکثر پاکستانی سیاست میں بھونچال اس لیے بھی برپا کیا جاتا ہے کہ لوگوں کی توجہ ان مسائل سے ہٹائی جا سکے جن میں وہ گھرے ہوئے ہیں۔ ۔

    مبشر لقمان کا کہنا تھا کہ سوال یہ ہے کہ آج کل صبح و شام وفاقی وزراء نوازشریف کا ورد کیوں کر رہے ہیں۔۔ کبھی انہیں واپس لانے کی باتیں کی جاتی ہیں۔۔ کبھی ان کی میڈیکل رپورٹ منگوائی جاتی ہے۔ ۔ کبھی یہ کہا جاتا ہے ان کے خلاف پارٹی میں بغاوت ہو گئی ہے۔۔ کبھی حمزہ اور مریم کی لڑائی کی خبریں پھیلائی جاتی ہیں ۔ ۔ کبھی شہباز شریف کو ان کے مقابل کھڑا کیا جاتا ہے اور کبھی ڈیل کی کوششوں کا تذکرہ کر کے مظلوم بننے کی کہانی گھڑی جاتی ہے۔۔ پھر کبھی زرداری تو کبھی بلاول کی طرف توپوں کا رخ کردیا جاتا ہے ۔ ۔ اور اب حکومت نے ایک نیا ایشو پکڑا لیا جس کا نام ہے جنوبی پنجاب صوبہ ۔۔۔۔ یہ سب باتیں عوام کو سیاسی کھیل تماشوں میں الجھانے کی ایک کوشش نظر آتی ہے، تاکہ مہنگائی نے ان کا جو برا حال کر رکھا ہے اس سے ان کی توجہ ہٹائی جا سکے ۔

    مبشرلقمان کا مزید کہنا تھا کہ دیکھا جائے تو جنوبی معاملے پر بھی تیلی ہمیشہ کی طرح پی ٹی آئی نے لگائی ۔ مگر اب اپوزیشن حکومت کو اس معاملے سے بھاگنے نہیں دے رہی ۔ بلکہ یوں کہا جائے کہ ن لیگ اور پیپلزپارٹی نے پی ٹی آئی کو اس ایشو پر گھیر لیا ہے تو غلط نہ ہوگا ۔ کیونکہ جو بیانات چیزیں پیپلزپارٹی اور ن لیگ جانب سے آئی ہیں اس کے بعد پی ٹی آئی کی نیت ہو تو پھر جنوبی پنجاب صوبہ بنانے سے اسکو کوئی نہ روک سکتا ۔ مگر یاد رکھیے گا یہ نہیں بنائیں گے یہ بس اس معاملے پر بھی سیاست ہی کھیلیں گے ۔

    مبارک ہو، نیا سیاسی منجن مل گیا،حکومت اور اپوزیشن کی دوڑیں

    مبشرلقمان کا مزید کہنا تھا کہ یہاں یاد کروادوں کہ جنوبی پنجاب صوبہ پی ٹی آئی کے منشور میں شامل تھا ۔ یہ کارڈ استعمال کرتے ہوئے جنوبی پنجاب کے electablesکو گزشتہ جنرل الیکشن سے پہلے پی ٹی آئی میں شامل کروایا گیا تھا ۔ کیونکہ عمران خان دعوی تھا کہ نوے دن میں صوبہ بنوا کر دیکھاوں گا ۔ ۔ مگر عملی طور پر پی ٹی آئی نے باقی چیزوں کی طرح اس پر بھی کچھ نہ کیا بس جنوبی پنجاب سکریٹریٹ بنا کر ایک نیا ڈرامہ رچا دیا گیا۔ جس کا مقصد صوبے کے قیام کو پس پشت ڈالنا دیکھائی دیتا ہے۔ وجوہات آگے چل کر تفصیل سے بتاتا ہوں ۔ پر اب جو ایک بار پھر جنرل الیکشن سے پہلے جنوبی پنجاب صوبہ کا شور مچایا جا رہا ہے اسکی وجہ یہ ہے کہ جنوبی پنجاب میں سیاست کرنے کے لئے اب علیحدہ صوبے کی بات کرنا انتہائی ناگزیر ہو چکا ہے جو سیاسی جماعت اس مطالبے کی حمایت نہیں کرے گی وہ کم از کم جنوبی پنجاب سے کامیاب نہیں ہو سکتی۔ ۔ سینیٹ میں سابق وزیر اعظم یوسف رضا گیلانی نے بجا طور پر اس بات کا کریڈٹ لیا ہے کہ ان کی حکومت میں پنجاب اسمبلی سے بھی علیحدہ صوبے کی قرارداد منظور ہوئی، جو ایک آئینی تقاضا تھی اور قومی اسمبلی نیز سینٹ میں بھی یہ قرارداد پیش کی گئی۔ اگر ان کے پاس دو تہائی اکثریت ہوتی تو پیپلزپارٹی علیحدہ صوبہ بنانے میں کامیاب ہو جاتی۔ اس لیے انہوں نے وزیر اعظم عمران خان کو یاد دلایا ہے کہ انہوں نے جنوبی پنجاب کو صوبہ بنانے کا وعدہ کیا تھا۔ اور سو دن کے اندر اس ضمن میں عملی اقدامات کی یقین دہانی کرائی تھی۔ مگر حکومت میں آکر وہ سب کچھ بھول گئے۔۔ اس بس کے باوجود پیپلز پارٹی نے ایک بار پھر کھلا دل کرتے ہوئے کہہ دیا ہے کہ اب بھی اگر عمران خان اس حوالے سے کچھ کرنا چاہیں تو اپوزیشن ان کا ساتھ دے گی۔

    مبشرلقمان کا مزید کہنا تھا کہ پھر اس سلسلہ میں مسلم لیگ ن کے سینیٹر رانا محمود الحسن نے سینیٹ میں بل پیش کرتے ہوئے کہا کہ جنوبی پنجاب صوبے کا وعدہ سب نے کیا ہے، اسے پورا کیا جائے۔ رانا محمود الحسن کے بقول جتنا پانی اسلام آباد کے پھولوں کو ملتا ہے، اگر اتنا پانی جنوبی پنجاب کو مل جائے تو ہمارے مسائل حل ہو جائیں گے۔ پنجاب اور بلوچستان صوبہ بن سکتا ہے تو سرائیکستان کیوں نہیں بن سکتا۔ یہ ہمارا حق ہے۔ سینیٹ کے قائد حزبِ اختلاف سید یوسف رضا گیلانی نے اس بل کو ایک اہم ایشو قرار دیا ۔ ۔ اس بل پر وزیر خارجہ مخدوم شاہ محمود قریشی نے بھی سینیٹ میں اظہار خیال کیا اور کہا کہ جنوبی پنجاب کا بل ہماری خواہشات کے عین مطابق ہے۔ ہم نے جنوبی پنجاب کے لوگوں سے وعدہ کیا ہے کہ صوبے کی تشکیل کے لیے ہمیں دوتہائی اکثریت چاہیے ، اس بل پر مل کر آگے بڑھیں اور اپوزیشن اس پر ہمارا ساتھ دے کیونکہ ہمارے پاس دوتہائی اکثریت نہیں ہے۔ ہمیں پنجاب اسمبلی سے بھی رائے لینا ہو گی، سید یوسف رضا گیلانی نے کہا کہ ہم سیکرٹریٹ نہیں مانگ رہے صوبہ بن جائے گا تو دارالحکومت ہم خود بنائیں گے۔ ۔ شاہ محمود قریشی ہر بار ملتان آکر یہ دعویٰ ضرور کرتے ہیں کہ تحریک انصاف نے جنوبی پنجاب کو علیحدہ سکریٹریٹ دیا ہے اور علیحدہ صوبہ بھی وہی بنائے گی۔ پر مجھے نہیں لگتا کہ شاہ محمود قریشی کبھی عمران خان کو یہ کہنے کی جرأت نہیں کریں گے کہ آپ نے جنوبی پنجاب کو صوبہ بنانے کی بات کی تھی۔ اگر یہ وعدہ پورا نہ ہوا تو آئندہ انتخابات میں جنوبی پنجاب کی حد تک تحریک انصاف کا جیتنا نا ممکن ہو جائے گا۔ ابھی تو پی ٹی آئی صرف اسی بات پر خوش ہے کہ جنوبی پنجاب کو علیحدہ سیکرٹریٹ مل گیا ہے اور افسروں کی فوج تعینات کر دی گئی ہے۔

    مبشرلقمان کا مزید کہنا تھا کہ اس میں کوئی شک نہیں کہ سینٹ میں خطاب کے ذریعے یوسف رضا گیلانی نے اپنے علاقے کی اس بار بھرپور نمائندگی کی ہے اس سے سرائیکی علاقے کی قوم پرست جماعتیں بھی ان کی پشت پر آکھڑی ہوئی ہیں کیونکہ وہ بھی علیحدہ سکریٹریٹ کے فیصلے کو مسترد کر چکی ہیں اور خود مختار صوبہ چاہتی ہیں۔۔ کیونکہ اس بار بھی خدشہ یہ ہی ہے کہ پی ٹی آئی علیحدہ صوبے کے مطالبے کو صرف ایک سیاسی نعرہ کے طور پر زندہ رکھنا چاہتی ہے ۔ تحریک انصاف کی حکمتِ عملی غالباً یہ ہے انتخابی مہم میں اس وعدے کے ساتھ جایا جائے کہ علیحدہ سکریٹریٹ بھی ہم نے بنایا اور اب علیحدہ صوبہ بھی ہم ہی بنائیں گے۔ جبکہ سچ یہ ہے کہ صوبے کی بجائے سکریٹریٹ بنا کر تحریک انصاف نے خود مختار صوبے کی راہ میں ایک بڑی رکاوٹ کھڑی کر دی ہے۔ یہ تاثر دیا گیا ہے کہ یہ مسئلہ صرف انتظامی نوعیت کا تھا، جسے خود مختار سکریٹریٹ بنا کر حل کر دیا گیا ہے۔ جبکہ یہ مسئلہ انتظامی نہیں بلکہ ثقافتی، سیاسی اور تاریخی نوعیت کا ہے۔ یوں جب تک علیحدہ صوبہ نہیں بنتا، دکھاوے کے اقدامات سے بات نہیں بنے گی۔ جنوبی پنجاب کے لئے علیحدہ اسمبلی، علیحدہ بجٹ، علیحدہ ہائیکورٹ اور سینٹ میں علیحدہ نمائندگی ہی مسئلے کا حل ہے۔ یہ سب کچھ علیحدہ سیکرٹریٹ بنانے سے نہیں مل سکتا۔۔ کیونکہ جب صوبے کا وزیر اعلیٰ ایک، اسمبلی ایک، چیف سکریٹری اور آئی جی ایک، نیز ہائیکورٹ بھی ایک ہے تو جنوبی پنجاب کے چھ کروڑ سے زائد عوام کو نمائندگی کا حق کیسے مل سکتا ہے۔

    مبشرلقمان کا مزید کہنا تھا کہ حقیقت یہ ہے کہ ملک کی کسی بھی سیاسی جماعت نے صوبہ جنوبی پنجاب پر آج تک سنجیدہ سیاست نہیں کی اور نہ ہی اس معاملہ میں کبھی آئینی تقاضے کے تحت عملی اقدامات اٹھائے گئے ہیں۔ محض جنوبی پنجاب کی پسماندگی اور محرومیوں کا رونا رو کر ہر جماعت ایک دوسرے پر سیاسی پوائنٹ سکورنگ کی کوشش کرتی رہی ہے جبکہ اس سیاست نے سندھ اور سرحد میں بھی نئے صوبے کی سیاست کو ہوا دی ہے ۔ سندھ میں ایم کیو ایم کی جانب سے کراچی کو صوبہ جناح پور بنانے کے لیے آواز اٹھائی گئی جس کی پیپلز پارٹی کی جانب سے سخت مخالفت ہوئی اور سندھی قوم پرستوں نے اعلان کر دیا کہ سندھ میں سے نیا صوبہ ہماری لاشوں کو اٹھا کر ہی نکالا جا سکتا۔ علاقائی بنیادوں پر ہونے والی اسی سیاست نے صوبہ سرحد میں بھی سیاسی طوفان اٹھایا جہاں صوبہ ہزارہ کی تحریک شروع ہوئی اور اسے اے این پی کی جانب سے سخت مخالفت کا سامنا کرنا پڑا۔

    مبشرلقمان کا مزید کہنا تھا کہ بدقسمتی سے اس وقت ہماری سیاست تعمیری سے زیادہ مفاداتی سیاست بن گئی ہے۔ ۔ ہمارا اس سے بڑا المیہ اور کیا ہو سکتا ہے کہ جنوبی پنجاب یا کسی دوسرے صوبے پر سیاست کرنے والوں کو جب آئینی ترمیم کے لیے متعلقہ صوبائی اسمبلی اور قومی اسمبلی میں دوتہائی اکثریت حاصل ہوتی ہے تو وہ نئے صوبے کا نام لینا بھی بھول جاتے ہیں مگر اس ایشو پر سیاسی پوائنٹ سکورنگ میں کوئی کسر نہیں چھوڑتے۔ ۔ پھر اگر پی ٹی آئی اور عمران خان جنوبی پنجاب کے لیے مخلص ہوتے تو یہ کارنامہ بھی بالکل ویسے ہی سرانجام دے دیا جاتا جیسے منی بجٹ اور دیگر معاملوں میں حکومت نے اپنی استادی دیکھائی ہے ۔ ۔ ویسے پی ٹی آئی نے جو جنوبی پنجاب کے لیے الگ سیکرٹریٹ تشکیل دے کر حل نکالا ہے یہ محض سیاسی سٹنٹ ہی ثابت ہوا ہے کیونکہ نیا سیکرٹریٹ جنوبی پنجاب کے لوگوں کے مسائل ان کی دہلیز پر حل کرنے میں قطعاً معاون نہیں بن سکا۔

  • پاکستان کا5.37 فیصد شرح نموحاصل کرنا بڑی کامیابی،وزیراعظم عمران خان

    پاکستان کا5.37 فیصد شرح نموحاصل کرنا بڑی کامیابی،وزیراعظم عمران خان

    وزیراعظم عمران خان نے مالی سال 2020-21میں مجموعی ملکی پیداوار کی شرح نمو 5اعشاریہ 37 فیصد حاصل کرنے پر حکومت کو مبارکباد دی ہے۔

    وزیراعظم کا کہنا تھا کہ ہماری حکومت کی اقتصادی اصلاحات کی کامیابی کو عالمی سطح پر بھی تسلیم کیا جارہا ہے ، عالمی جریدے بلوم برگ کا بھی کہنا ہے کہ پاکستان بڑھتی ہوئی شرح نمو کا تسلسل جاری رکھے گا۔انہوں نے کہا کہ اس شرح نمو کی بدولت روزگار کے مواقع پیدا ہوئے اور فی کس آمدنی میں اضافہ ہوا۔

    اپنے ایک ٹوئٹر پیغام میں وزیر اعظم نے کہا کہ جی ڈی پی کی شرح نموملازمتوں کی تخلیق اور فی کس آمدن میں اضافے کا باعث بنی۔ انہوں نے کہا کہ اقتصادی اصلاحات کامیاب رہیں۔

    انہوں نے مزید کہا کہ یہ پیش گوئی کی گئی ہے کہ پاکستان اعلیٰ اقتصادی ترقی اور روزگار کی سطح کو برقرار رکھے گا۔

    واضح رہے کہ تجارت اور زراعت میں اضافے کے باعث پاکستان کی ترقی کی رفتار تیز ،مالی سال 2021ء میں پاکستان کی جی ڈی پی کی شرح نمو 5اعشاریہ 37 فیصد رہی۔
    معاشی اعداد وشمار کے مطابق گزشتہ مالی سال معاشی ترقی کی شرح 5اعشاریہ 37 فیصد رہی ہےجبکہ صنعت وزراعت میں 7اعشاریہ 8 فیصد گروتھ ہوئی۔

    اس حوالے سے وفاقی وزیرحماد اظہر کاکہنا ہے کہ سابقہ حکومت ایکسپورٹس میں خاطرخواہ اضافہ نہ کرسکی، ہم نے تیسرے مالی سال اتنی گروتھ حاصل کرلی ہے۔ملکی معاشی گروتھ وسیع بنیاد پر ہوئی ہے، اگلے 10 سال میں نوکریاں پیدا کرنے کا تناسب اعلیٰ سطح پر ہوگا۔

    ‏پاکستان مسلم لیگ (ن) کی ترجمان مریم اورنگزیب نے وزیراعظم عمران خان کے جی ڈی پی گروتھ بڑھنے کے ٹویٹ پر ردعمل میں کہا ہے کہ عمران صاحب قوم کے ساتھ پھر ٹویٹ کے ڈرامے ،مالی سال 2018 میں جی ڈی پی گروتھ 6.1 تھی ، آپ نے منفی اور اب 5.57 پے ٹویٹ نہیں نالائقی کا ماتم کرنا چاہئیے ‏ملک میں مہنگائی بے روزگاری اور غربت سے عوام مر رہی ہے اور آپ بے شرمی اور ڈھٹائی سے ٹویٹ کر رہے ہیں ملکی تاریخ کے بلند ترین پچاس ارب کے قرضے لینے پہ بھی ٹویٹ کر دیتے تین سال میں ساٹھ لاکھ لوگوں کے بے روزگار ہونے پہ بھی ٹویٹ کر دیتے ‏تین سال میں دو کڑوڑ سے زائد پاکستانی غربت کی لکیر کے نیچے دھکیل دینے کا بھی ٹویٹ کر دیتے

    مریم اورنگزیب کا مزید کہنا تھا کہ تاریخی مالیاتی خسارہ 4400 ارب پہ پہنچ رہا ہے اُس کا بھی ٹویٹ کر دیتے ،مہنگائی 22 فیصد کی سطح پر پہنچ گئی، اس کا ٹویٹ بھی کردیتے؟ ‏مہنگائی کی بدترین سطح، بجلی گیس اور دوائی کے نرخ بھی ٹویٹ کردیتے عمران صاحب تین سال میں پٹرول کی قیمت میں 55 روپے زائد کا اضافہ ہوا، اس پر بھی ایک ٹویٹ کر دیتے بلند ترین ملکی تجارتی خسارہ 45 ارب ڈالر پہ پہنچ گیا ہے اُس کا بھی ٹویٹ کر دیتے ‏تین سال میں ڈالر کی قیمت 123 سے 184 روپے پر لیجانے کے کارنامے کا بھی کوئی ذکر کردیتے ؟ ملک میں یوریا کھاد کے لئے دھکے کھاتے کسانوں کی پرسان حالی کا بھی کوئی اعلان کرتے؟ DAP کی قیمت ساڑھے تین سالوں میں 2400 سے 9700 ہوگئی اِس پہ بھی ٹویٹ کر دیتے ‏یوریا 1200 سے 2800 لینے کے لئے کسانوں کو جو دھکے پڑھ رہے ہیں اُس کا بھی ٹویٹ کر دیتے 40 ارب وفاق اور ڈیڈھ ارب خیبر پختونخوا میں کووڈ فنڈ سے چوری کرنے کے بعد آج کی اپنے مافیا کو مبارکباد ہی بنتی ہی ‏چینی میں 550 ارب ، آٹے میں 1200 ارب دوائی میں 600 ارب اور بی آر ٹی میں 75 ارب کی چوری کا بھی ٹویٹ کرتے بجلی اور گیس میں 500 ارب کے عوام کے جیب پہ ڈاکے کی بھی ٹویٹ کرتے ‏بچوں کے دودھ اور کھانے پینے کی بنیادی اشیاءپر 17 فیصد سیلز ٹیکس کی شرح کرنے کا کارنامہ بھی بیان کردیتے؟ عمران صاحب اور ان کے مافیاز کی آمدن بڑھ گئی ہے تو وہ سمجھتے ہیں کہ پوری قوم کی آمدن بڑھ گئی ہے

  • انار کلی دھماکہ،جگہ کی ریکی کرنے والے مبینہ 2 دہشت گردوں کی نشاندہی

    انار کلی دھماکہ،جگہ کی ریکی کرنے والے مبینہ 2 دہشت گردوں کی نشاندہی

    باغی ٹی وی کی رپورٹ کے مطابق انارکلی پان منڈی دھماکہ ، جگہ کی ریکی کرنے والے مبینہ 2 دہشت گردوں کی نشاندہی کر لی گئی ہے

    نجی ٹی وی کے مطابق تفتیشی ذرائع کا کہنا ہے کہ مبینہ سہولت کار بم کا پارسل لانے والے دہشت گرد سے فون پر رابطے میں تھا،دھماکے کی جگہ پر نصب کیمروں میں 3 مشکوک افراد کی نشاندہی ہوئی، تینوں میں سے ایک شخص نے دھماکہ خیز مواد رکھا، 2 نے معاونت کی، کیمروں کی مدد سے مشتبہ افراد کے آنے اور جانے کے روٹ کی نشاندہی کی جا رہی ہے،

    دوسری جانب انارکلی کے علاقہ پان منڈی میں دھماکے میں جاں بحق ہونے والے دو افراد کی نعشیں ان کے آبائی علاقوں کو روانہ کردی گئی ہیں ،میتیں ایدھی فاونڈیشن کی مدد سے ابائی علاقوں کو روانہ کی گئیں۔ترجمان ایدھی کے مطابق 31 سالہ رمضان کی میت کالاشاہ کاکو جبکہ 9 سالہ بچے ابصار کی لاش کو مظفر آباد روانہ کیا گیا ہے

    مظفر آباد کا رہائشی ابصار والدین کے ہمراہ شاپنگ کے لیے لاہورآیا تھا اور اس دوران وہ دھماکے کا شکار ہوگیا ابصار کے والدین بھی اس دھماکے میں زخمی ہوئے ہیں ابصار نے والدین کے ہمراہ کراچی جانا تھا اور انکی ٹکٹ بھی بک تھی۔بچے کے ماموں کے مطابق وقوعہ کے وقت وہ شاپنگ کررہے تھے

    میو ہسپتال کے ایم ایس کا کہنا ہے کہ پان منڈی دھماکہ ، مزید 8 زخمی میو اسپتال سے ڈسچارج کر دیئے گئے،میو اسپتال میں اب بھی 17 زخمی زیر علاج ہیں،زیر علاج زخمیوں کو سرجیکل ٹاور شفٹ کردیاگیا، امید ہے آج مزید 4 زخمی ڈسچارج ہوجائیں گے،

    چیف سیکرٹری اور آئی جی پنجاب نے میو اور سروسز ہسپتال کا دورہ کیا اور دھماکے میں زخمی ہونے والے افراد کی عیادت کی۔ ایم ایس میو ہسپتال اور ڈی ایم ایس سروسز نے علاج معالجے کی سہولیات پر چیف سیکرٹری کو بریفنگ کیا۔ چیف سیکرٹری نے ہسپتال انتظامیہ کو زخمیوں کو تمام ممکنہ سہولیات فراہم کرنے کی ہدایت کی

    اسپیکر پنجاب اسمبلی پرویزالٰہی نے بھی انار کلی بم دھماکے کی شدید الفاظ میں مذمت کرتے ہوئے کہا کہ زخمیوں کو فوری طور پر بہترین طبی امداد دی جائے، سابق وزیراعظم، ق لیگ کے رہنما چوہدری شجاعت نے مطالبہ کیا کہ شہرکا امن خراب کرنیوالوں کو فوری گرفتار کر کے سزا دی جائے جبکہ مونس الٰہی نے دھماکے میں جاں بحق افراد کے لئے دعائے مغفرت جبکہ زخمیوں کی جلد صحت یابی کی دعا کی

    امیر تحریک لبیک پاکستان حافظ سعد حسین رضوی نے لاہور میں انار کلی بازار کے پاس دھماکے میں قیمتی جانوں کے ضیاع پر افسوس کا اظہار کیا ہے، ، حافظ سعد حسین رضوی کا کہنا تھا کہ لاہور میں بم دھماکے کی پر زور مذمت کرتے ہیںدھماکے میں معصوم افراد کی ہلاکتیں قابل مذمت ہے،

    تحریک لبیک پاکستان ضلع لاہور کی قیادت نے انار کلی لاہور دھماکے کی شدید مذمت کی ہے اور کہا ہے کہ لواحقین سے اظہار افسوس اور زخمیوں کی جلد صحت یابی کی دعا کرتے ہیں ۔اس سانحہ کی زمہ دار کہیں نہ کہیں لاہور انتظامیہ بھی ہے۔

    لاہور انارکلی دھماکہ، کالعدم تنظیم نے ذمہ داری کی قبول،الرٹ جاری ہوا تھا مگر جگہ نہیں پتہ تھی،کمشنر لاہور

    انار کلی بازار میں دھماکہ، اموات میں اضافہ ،وزیراعظم، شہباز،بلاول، مریم کی مذمت

    نورمقدم کے قاتل کو بھاگنے نہیں دیں گے،دوٹوک جواب،مبشر لقمان کا دبنگ اعلان

    مبشر لقمان کو ظاہر جعفر کا نوٹس تحریر-سید لعل حسین بُخاری

    نور مقدم کیس، فنڈ ریزنگ اور مبشر لقمان کے انکشاف، بیٹا اور بیٹی نے نوازشریف کو ڈبودیا تاریخی رسوائی، شلپا شیٹھی، فحش فلمیں اور اصل کہانی؟

    نور مقدم کیس اور مبشر لقمان کو دھمکیاں، امریکہ کا پاکستان سے بڑا مطالبہ، ایک اور مشیر فارغ ہونے والا ہے

    جب تک مظلوم کوانصاف نہیں مل جاتا:میں پیچھے نہیں ہٹوں‌ گا:مبشرلقمان بھی نورمقدم کے وکیل بن گئے

    مبشرلقمان آپ نے قوم کی مظلوم مقتولہ بیٹی کےلیےآوازبلند کی:ڈرنا نہیں: ہم تمہارے ساتھ ہیں:ٹاپ ٹویٹرٹرینڈ 

    :نورمقدم کی مظلومیت کیوں بیان کی: ظاہر جعفر کے دوست ماہر عزیز کے وکیل نے مبشرلقمان کونوٹس بھجوا دیا

    لاہور دھماکہ، جاں بحق اور زخمی افراد کے ناموں کی فہرست جاری

    انار کلی دھماکہ، سی سی ٹی وی فوٹیجز سے دہشت گرد کی شناخت ہو گئی

  • اسلام آباد کچہری میں کرونا کا وار، 15 ججز اور 58 اہلکار کورونا کا شکار

    اسلام آباد کچہری میں کرونا کا وار، 15 ججز اور 58 اہلکار کورونا کا شکار

    باغی ٹی وی کی رپورٹ کے مطابق اسلام آباد کچہری میں کورونا کیسز میں غیر معمولی اضافہ ہو گیا ہے

    وفاقی دارالحکومت کی ضلع کچہری میں 15 ججز کورونا کا شکار ہو گئے ضلع کچہری میں مختلف عدالتوں کے 58 اہلکار بھی کورونا میں مبتلا ہو گئے کرونا کا شکار ججز کی عدالتیں آج کے لیے بند کر دی گئیں عدالتوں میں ڈس انفکشن سپرے کرایا جائے گا عدالتی اہلکار جس جس عدالت میں کام کر رہے تھے وہاں بھی ڈس انفکشن سپرے ہو گا

    ضلع کچہری ویسٹ کورٹس میں 10 ججز 29 اہلکار کا کورونا پازیٹو آیا ، ایسٹ کورونا کورٹس میں 5 ججز 29 اہلکار کورونا کا شکار ہوئے، اسلام آباد تیزی سے کرونا کا شکار ہونے والا شہر بن گیا ،اسلام آباد سے مقامی صحافی محمد اویس کے مطابق عدالتوں میں ایس او پیز پر سختی سے عملدرآمد کا کہہ دیا گیا ہے، جن افراد کو ویکیسن نہیں لگی انکو عدالتوں میں نہیں آنے دیا جا رہا، ماسک کی پابندی لازمی قرار دے دی گئی ہے، محمد اویس کا کہنا تھا کہ اسلام آباد کی انتظامیہ کرونا سے بچاؤ کے لئے اقدامات کر رہی ہے عوام کو بھی ذمہ دارانہ کردار ادا کرنا ہو گا،اب پانچویں لہر کرونا کی آ چکی اور ابھی تک عوام کرونا کو سنجیدہ نہیں لے رہی،

    دوسری جانب اسلام آباد ہائیکورٹ کےجسٹس طارق محمود جہانگیری سمیت دو عدالتی اہلکار بھی کورونا وائرس میں مبتلا ہوگئے ہیں، جسٹس طارق محمود جہانگیری کا کورونا ٹیسٹ مثبت آنے کے بعد ان کی کورٹ میں کیسز کی کاز لسٹ منسوخ کر دی گئی ہے اور جسٹس طارق قرنطینہ میں چلے گئے ہیں اسلام آباد ہائیکورٹ کے چیف جسٹس کی کورٹ کے عدالتی اہلکار اور جسٹس میاں گل حسن اورنگزیب کی کورٹ کے ریڈر کا بھی کورونا ٹیسٹ مثبت آگیا ہے کورونا کیسز سامنے آنے پر چیف جسٹس اطہر من اللہ کی کورٹ روم میں ڈس انفیکشن سپرے کرا دیا گیا ہے

    پاکستان میں کرونا کا پھیلاؤ ایک بار پھر تیز ہونے لگا،روزانہ ایک ہزار کے قریب مریضوں کا اضافہ ہونے لگا، این سی او سی کے مطابق پاکستان میں پہلی بار ایک ہی دن میں کرونا کے ساڑھے 7 ہزار سے زائد مریض سامنے آئے ہیں، اس سے قبل ماہ جون میں چھ ہزار آٹھ سو مریض سامنے آئے تھے

    این سی او سی کے مطابق پاکستان میں کرونا سے مزید 23 اموات ہوئی ہیں جس کی بعد کرونا سے اموات کی مجموعی تعداد 29 ہزار 65 ہو گئی ہے گزشتہ 24 گھنٹوں کے دوران ملک بھر میں مزید 7 ہزار 678 کرونا کے مریض سامنے آئے ہیں جس کے بعد پاکستان میں کرونا مریضوں کی مجموعی تعداد 13 لاکھ 53 ہزار 479 ہو گئی ہے

    این سی او سی کے مطابق گزشتہ چوبیس گھنٹوں میں ملک بھر میں 59 ہزار 343 کورونا ٹیسٹ کیے گئے اور مثبت کیسز کی شرح 12.93 فیصد رہی۔

    کراچی میں کورونا کی مثبت شرح 46.58 فیصد ہوگئی کراچی میں 6 ہزار 760 افراد کے کورونا کے ٹیسٹ کیے گئے، کراچی میں3 ہزار 149 افراد میں کورونا کی تصدیق ہوئی حیدرآباد میں کورونا کی مثبت شرح 17.27 فیصد ہے حیدرآباد میں 242 افراد میں کورونا کی تصدیق ہوئی ،

    اسلام آباد میں کورونا مثبت کیسز کی شرح 20 فیصد کے قریب جا پہنچی،گزشتہ 24 گھنٹے کےدوران اسلام آباد میں کورونا کے ایک ہزار 359کیسز رپورٹ ہوئے ہیں

    وزیراعلیٰ پنجاب سردار عثمان بزدار نے کورونا ویکسی نیشن مہم کو مزید تیز کرنے کی ہدایت کر دی،وزیراعلیٰ پنجاب عثمان بزدار کا کہنا تھا کہ شہریوں کو بوسٹر ڈوز لگانے کے عمل کو ہر صورت یقینی بنایا جائے۔اومیکرون ویرینٹ کے باعث کورونا کیسوں میں اضافے پر تشویش ہے حکومت پنجاب شہریو ں کی زندگیوں کے تحفظ کے لئے ہر ممکن اقدامات کررہی ہے۔ کورونا سے نمٹنے کے لئے انتظامی مشینری،محکمہ صحت، پولیس اور متعلقہ محکمے پوری طرح چوکس ہیں۔ کورونا کی پانچویں لہر مزید احتیاط کی متقاضی ہے۔پبلک مقامات پر سماجی فاصلہ اختیار کرنا ضروری ہے۔موثر طریقے سے ایس او پیز پر عملدرآمد سے ہی بیماری کا پھیلاؤ کم سے کم ہوگا۔عوام سے اپیل ہے کہ وہ اپنی زندگیوں کے تحفظ او رصحت کے لئے حکومتی ہدایات پرعمل کریں۔

    اومیکرون….احتیاط کریں نہیں تو پابندیاں لگائی جا سکتی ہیں. اعلان ہو گیا

    گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران

    وفاقی دارالحکومت میں بھی کرونا وائرس کا مشتبہ کیس سامنے آ گیا

    کرونا وائرس، بچاؤ کے لئے کیا کیا جائے؟ وفاقی کالجز کے پروفیسرزنے دی تجاویز

    کرونا وائرس سے کتنے پاکستانی چین میں متاثر ہوئے؟ ترجمان دفتر خارجہ نے بتا دیا

    کرونا وائرس ، معاون خصوصی برائے صحت نے ہسپتال سربراہان کو دیں اہم ہدایات

    اومیکرون،15 ممالک کے شہریوں پاکستان کا سفر نہیں کرسکیں گے

    پاکستان میں کرونا سے مزید 9 اموات

    برطانیہ میں اومیکرون کے پھیلاؤ میں تیزی

    پاکستان میں پہلےاومی کرون کیس کی تصدیق

    اومیکرون کا خدشہ ،برطانیہ سے پاکستان آنے والی پروازوں بارے نیا حکمنامہ

    کرونا کو معمولی قرار دینے والے کک باکسنگ کے سابق عالمی چیمپئین کی موت

    بھارتی کرکٹ ٹیم کے سابق کپتان سارو گنگولی بھی کرونا کا شکار

    جنرل ہسپتال میں اومیکرون کی تشخیصی سہولت فراہم، رپورٹ اسی روز ملے گی

    جوبائیڈن کا سفری پابندیاں ہٹانے کا اعلان، دہلی میں اومیکرون نے لاک ڈاؤن لگوا دیا

    سعودی عرب،کرونا کا پھیلاؤ، ایک بار پھر پابندیاں نافذ

    کرونا کی تیسری لہر، دہلی کے بعد ممبئی میں بھی پابندیاں نافذ

    کرونا کا ایک اور ریکارڈ،دنیا بھر میں ایک روز میں دس لاکھ مریض

    کرونا کے مزید 708 کیسز رپورٹ، اسلام آباد میں اومیکرون پھیل گیا

  • لندن سازش پکڑی گئی:ایک اورآڈیو لیک:نوازشریف اینڈ کمپنی میرے ساتھ بھی ہاتھ کرگئی:چارلس گوتھرائی

    لندن سازش پکڑی گئی:ایک اورآڈیو لیک:نوازشریف اینڈ کمپنی میرے ساتھ بھی ہاتھ کرگئی:چارلس گوتھرائی

    لندن: رانا شمیم حلف نامہ:ایک اورآڈیو لیک:لندن نوٹری کی 5 آڈیوز کی فرانزک رپورٹ درست قرار ،اطلاعات کے مطابق جسٹس (ر) رانا شمیم کے ’’مشکوک‘‘ اور مبینہ طور پر لیک ہونے والے حلف نامے سے متعلق نوٹری پبلک لندن کے انکشافات رپورٹ کیے گئے تھے تاہم ان انکشافات نے حلف نامے کی ساکھ پر بہت بڑا سوالیہ نشان لگا دیا۔

    جسٹس (ر) رانا شمیم کے ’’مشکوک‘‘ اور مبینہ طور پر لیک ہونے والے حلف نامے نے سابق چیف جسٹس ثاقب نثار کو میاں نواز شریف اور ان کی صاحبزادی کے خلاف ملی بھگت میں ملوث کر دیا تھا، اب پیش کیے گئے شواہد کا تفصیلی فرانزک تجزیہ جاری کیا جا رہا ہے

    اس آڈیو کا کا ایک حصہ کنول شوذب ایم این اے کے ٹویٹر پیج پر موجود ہے جس میں لندن سازش کی گندی بوبڑی آسانی سے محسوس کی جاسکتی ہے

     

     

    آڈیو کے 5 اقتباسات منظر عام پر آچکے ہیں،سب سے پہلے 3 الگ الگ آڈیوز میں نوٹری چارلس گوتھرائی نے تصدیق کی ہے کہ رانا شمیم ماربل آرچ آفس میں موجود تھے،پہلا آڈیو: جج نواز شریف کے دفتر میں موجود تھے۔

    دوسرا آڈیو: کون سا دفتر تھا، جیسے یہان لندن میں،گوتھرائی نے جواب دیا’’ماربل آرچ‘‘،تیسری آڈیو میں گوتھرائی سے مزید پوچھا گیا :کیا وہ نواز شریف کے دفتر میں تھے؟ جب وہ وہاں دوستانہ ماحول میں تھے؟ گوتھرائی کا جواب تھا’جی بہت‘۔چوتھی آڈیو:’یہ ان کے دوست ہیں،آپ کو میری بات سمجھ آئی، جب نواز شریف وزیراعظم تھے،میں آپ کو پاکستان میں ہیڈ جج بنا دوں گا اس قسم کی بات تھی اور اگر آپ ہیڈ جج رہے ہوں اور 10 سے 15 سال حکمرانی کی ہو ،وہ ایسے دوست تھے‘‘۔

    پانچویں آڈیو میں گوتھرائی کا کہنا تھا کہ انہوں نے دستاویزات کا پوری طرح مطالعہ نہیں کیا تھا لیکن وہ جانتے تھے کہ ان میں نواز شریف کے بارے میں کوئی بہت بڑی بات ہے تاہم انہوں نے ان دستاویزات کو سرسری دیکھنے کے بعد ان کی تصدیق کر دی تھی کیوں کہ اس وقت میں بہت مصروف تھا،ان دستاویزات کو مناسب انداز میں دیکھ نہیں سکا،اس بیان حلفی کی تمام کاپیاں میرے فون میں موجود ہیں۔

    ان پانچوں اڈیوز کے تجزیے کے بعد فرانزک ماہرین نے تصدیق کی ہے تمام آڈیوز حقیقی ہیں،اس بات کا تعین کرنے کے لیے عدالتی طور پر جانچ پڑتال کی گئی کہ آیا یہ آڈیوز حقیقی، غیر ملاوٹ شدہ اور غیر ترمیم شدہ ہیں،اس حوالے سے ایک فرانزک ماہر جوزف ناغدی نے تصدیق کرتے ہوئے کہا کہ آڈیو ریکارڈنگ حقیقی، ملاوٹ سے پاک اور غیر ترمیم شدہ ہے، آڈیوز میں کسی چھیڑ چھاڑ یا ترمیم کی نشاندہی نہیں ہوئی۔

  • کوک سٹوڈیو کی چوری پکڑی گئی،مبشر لقمان نے بھانڈا پھوڑ دیا

    کوک سٹوڈیو کی چوری پکڑی گئی،مبشر لقمان نے بھانڈا پھوڑ دیا

    کوک سٹوڈیو کی چوری پکڑی گئی،مبشر لقمان نے بھانڈا پھوڑ دیا
    باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ ایک بہت ہی اہم بات کرنے آیا ہوں ، ایک گانا آیا ہے ابھی تھوڑے دن پہلے عابدہ پروین، نصیبو لال کا ،کوک سٹوڈیو نے یہ گانا کیا اور اس گانے نے ہر جگہ دھوم مچا دی، چند دنوں میں بہت ہٹس مل گئیں اور نمبر ون پر جا رہا ہے،

    مبشر لقمان کا کہنا تھا کہ کہا جا رہا ہے کہ بہت عرصے بعد یہ گانا ہٹ گیا ہے، میں عابدہ پروین کا فین ہوں ،انہیں اللہ نے ہنر دیا، نصیبو لال بھی، لیکن پاکستان کے اندر ایسا ہو رہا ہے جو ہنر مند ہیں یا جو جائز حقدار ہوتے ہیں انکے ساتھ ظلم ہو رہا ہے، ایسی کہانی میرے پاس ہے کوک سٹوڈیو کے حوالہ سے، کوک سٹوڈیو کے حوالہ سے ملنے والی رپورٹ کو انویسٹی گیٹ کیا، اب یہ بات اوپر تک جائے گی تو پاکستان کے ٹیلنٹ کی کتنی بے عزتی ہو گی،اگر کوک انتظامیہ کویک ایکشن لیتی ہے،ایک شکایت کنندہ آیا جس نے کہا کہ یہ دھن چوری کی ہے، ہم نے اسکو کراس چیک کرنے کی کوشش کی کہ کیسے چوری ہو سکتی ہے، کہاں دھن دی،یہ سب بتائیں تو اس بچی نے جس کا عمر کوٹ سے تعلق ہے، وہ سب بتا دیا

    مبشر لقمان کا کہنا تھا کہ نرملا میگھانی نے ایک دھن بنائی اور مکھڑا گا کر مختلف پروڈیوسرز کو واٹس ایپ بھیجے ، بقول اسکے 14 جون 2021 کو جب اناؤنس ہوا کہ زلفی کوک سٹوڈیو کا میوزک بنائیں گے اسی دن نرملا نے کچ دھنیں زلفی کو واٹس ایپ پر بھجوائیں اور اسکے بعد انکے اسسٹنٹ جن سے سلام دعا ہوئی تھی انکو بھی دھنیں بھجوائین لیکن ان دونوں نے میسج کا کوئی جواب نہیں دیا، جب یہ گانا عابدہ پروین والا سنا تو نرملا نے کہا کہ یہ میرا گانا ہے یہ وہ دھن ہے جو میں نے بھیجی تھی، یہ کاپی ہو گئی

    مبشر لقمان کا مزید کہنا تھا کہ نرملا میگھانی جس کا عمر کوٹ سے تعلق ہے وہ میرے ساتھ سکائپ پر موجود ہیں، مبشر لقمان کے سوال کے جواب میں نرملا میگھانی نے کہا کہ میں نے انکو میسج کیا تھا مجھے پتہ چلا کہ سیزن کر رہے ہیں زلفی صاحب، میں نے انکو میسج کیا تفصیلات دیں ان سے درخواست کی کہ مجھے ایک چانس دیں ،میں اپنا اوریجنل میوزک آپ سے شیئر کرتی ہوں، سات کمپوزیشن میں نے بھیجیں لیکن انہوں نے کوئی جواب نہیں دیا،

  • نور مقدم قتل کیس، ظاہر جعفر کا ایک اور ڈرامہ،سوشل میڈیا صارفین برس پڑے

    نور مقدم قتل کیس، ظاہر جعفر کا ایک اور ڈرامہ،سوشل میڈیا صارفین برس پڑے

    نور مقدم قتل کیس، ظاہر جعفر کا ایک اور ڈرامہ،سوشل میڈیا صارفین برس پڑے

    باغی ٹی وی کی رپورٹ کے مطابق نور مقدم قتل کیس کے مرکزی ملزم ظاہر جعفر نے ڈرامے شروع کر دیئے ہیں

    گزشتہ سماعت پر ایک ویڈیو سامنے آئی تھی جس میں دیکھا جا سکتا تھا کہ ملزم ظاہر جعفر کو کرسی پر بٹھا کر عدالت پیش کیا گیا تھا، آج ایک اور ویڈیو سامنے آئی ہے جس میں دیکھا جا سکتا ہے کہ نور مقدم قتل کیس کے مرکزی ملزم ظاہر جعفر کو سٹریچر پر لایا جا رہا ہے، اسکے ہاتھوں میں ہتھکڑی لگی ہوئی ہے، گزشتہ سماعت پر عدالت نے ملزم کے میڈیکل کا حکم جیل حکام کو دیا تھا

    اسلام آباد سے نور مقدم قتل کیس کی باقاعدگی سے رپورٹنگ کرنیوالے کورٹ رپورٹر ثاقب بشیر نے سماجی رابطے کی ویب سائٹ ٹویٹر پر ٹویٹ کی ہے اور کہا ہے کہ نور مقدم کیس کے مرکزی ملزم ظاہر جعفر کے میڈیکل چیک اپ سے متعلق اہم خبر ، اڈیالہ جیل ہسپتال کے ڈاکٹرز نے ملزم کو مکمل طور پر فٹ قرار دے دیا ، اڈیالہ جیل ڈاکٹرز کی رپورٹ ایڈیشل سیشن جج عطا ربانی کی عدالت میں جمع ڈاکٹرز کی ریورٹ اور ملزم کی ظاہری حالت ملاحظہ کریں غور سے

    سماجی رابطے کی ویب سائٹ ٹویٹر پر صارفین نے ظاہر جعفر کے ان ڈراموں کو سزا سے بچنے کی وجہ قرار دیا،

    ایک صارف کا کہنا تھا کہ ظاہر جعفر آج کل کمال کی اداکاری کررہا ہے، پہلے کرسی پر اٹھا کر لایا گیا اور آج اسٹریچر پر ڈال کر عدالت پیشی پر اسے پہنچایا گیا۔ ویسے جتنی لرزہ خیز واردات اس نے ڈالی تھی اسے اگلی پیشی پر گھسیٹ کر عدالت لایا جانا چاہئے

    ایک صارف کا کہنا تھا کہ یہ ظاہر جعفر پہلے ویل چیئر پر لایا گیا. آج تو لگتا ہے شہباز شریف سے ایکٹنگ کے سبق لے کر آیا ہے!!

    https://twitter.com/p4pakipower/status/1484137101600104449

    ایک صارف کا کہنا تھا کہ اس ہٹے کٹے مشٹنڈے کو اب سٹریچر کی ضرورت پڑ گئی ہے۔ ٹانگیں ٹوٹ گئ ہیں یا کمر دو ٹکڑے ہو گئی ہے۔ ان ڈراموں سے یہ بچ نہیں سکتا۔ بےرحمی سے ایک جوان لڑکی کو اذیتیں دے دے کر قتل کیا، اس کا ریپ کیا اور پھر اس کی گردن تن سے جُدا کر دی۔

    ایک اور صارف کا کہنا تھا کہ تف ہے اس نظام پر جو ایلیٹ کلاس کا رکھوالا ہے قاتل ظاہر جعفر عدالت آتے ہوئے، جب تک نظام نھین بدلے گا تبدیلی کا خواب ادھورا ہے۔

    ایک اور صارف کا کہنا تھا کہ یہ عدالتیں ہیں یا سرکس؟ نور مقدم کے قاتل ظاہر جعفر جسے دو دن پہلے ذہنی مریض بنا کر وہیل چئیر پر عدالت لایا گیا تھا آج سٹریچر پر عدالت لایا گیا ہے۔ ظاہر جعفر کے وکیل اسے پاگل ثابت کر سزا سے بچانے اور ملک سے فرار کروانے کی کوششوں میں مصروف ہیں اور عدلیہ تماشہ دیکھ رہی ہے

    https://twitter.com/ImrannArif/status/1484130481482387461

    ایک صارف کا کہنا تھا کہ ظاہر جعفر ڈرامہ قسط 2 سٹریچر پر لایا گیا پوری 23 کروڑ عوام کی آنکھوں کے سامنے ظاہر جعفر کو پاگل قرار دلوا کر علاج کے بہانے اس ملک سے فرار کروا دیا جائے گااس کے چہرے پہ کوئی شرمندگی اور پریشانی نہیں ہے پتہ ہے کہ کیس سے بری ہو جائے گا

    https://twitter.com/JeeTaiba/status/1484124251523276800

    @MumtaazAwan

    واضح رہے کہ سابق سفیر کی بیٹی کو قتل کر دیا گیا اسلام آباد کے تھانہ کوہسار کی حدود میں قتل ہونے والی نور مقدم کے والد شوکت علی مقدم نے بیٹی کے قتل کے حوالے سے بیان دیتے ہوئے کہا ہے رات کو تھانہ کوہسار سے کال آئی کہ نور مقدم کا قتل ہو گیا ہے اور جب میں نے موقع پر پہنچ کر دیکھا تو میری بیٹی کا گلا کٹا ہوا تھا نور مقدم کا قاتل ملزم ظاہر جعفر اسکے والدین اور دیگر ملزمان اڈیالہ جیل میں قید ہیں امریکی سفارتخانے نے نور کے قاتل سے بات کی ہے

    نورمقدم کے قاتل کو بھاگنے نہیں دیں گے،دوٹوک جواب،مبشر لقمان کا دبنگ اعلان

    مبشر لقمان کو ظاہر جعفر کا نوٹس تحریر-سید لعل حسین بُخاری

    نور مقدم کیس، فنڈ ریزنگ اور مبشر لقمان کے انکشاف، بیٹا اور بیٹی نے نوازشریف کو ڈبودیا تاریخی رسوائی، شلپا شیٹھی، فحش فلمیں اور اصل کہانی؟

    نور مقدم کیس اور مبشر لقمان کو دھمکیاں، امریکہ کا پاکستان سے بڑا مطالبہ، ایک اور مشیر فارغ ہونے والا ہے

    جب تک مظلوم کوانصاف نہیں مل جاتا:میں پیچھے نہیں ہٹوں‌ گا:مبشرلقمان بھی نورمقدم کے وکیل بن گئے

    مبشرلقمان آپ نے قوم کی مظلوم مقتولہ بیٹی کےلیےآوازبلند کی:ڈرنا نہیں: ہم تمہارے ساتھ ہیں:ٹاپ ٹویٹرٹرینڈ 

    :نورمقدم کی مظلومیت کیوں بیان کی: ظاہر جعفر کے دوست ماہر عزیز کے وکیل نے مبشرلقمان کونوٹس بھجوا دیا

    پاکستان کے سابق سفیر شوکت علی مقدم کی بیٹی نور مقدم کے قتل کا مقدمہ تھانہ کوہسار میں درج کیا گیا ہے، پولیس کا کہنا ہے کہ لڑکی کے والد شوکت علی مقدم کی مدعیت میں قتل کی دفعہ 302 کے تحت مقدمہ درج کیا گیا ہے،

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

    نورمقدم قتل ، نوجوان جوڑے کو برہنہ کرنے کا کیس، ملزمان کے نفسیاتی ٹیسٹ کی آئی رپورٹ

    نور مقدم قتل کیس،مرکزی ملزم ظاہر جعفر کے ریمانڈ میں توسیع

    نور مقدم قتل کیس، ایک اور ملزم نے ضمانت کے لئے رجوع کر لیا

    نور مقدم کیس، سسٹم کا گھناؤنا چہرہ بے نقاب،کیس الجھ گیا، مال کی چمک دمک شروع

    ذاکرجعفر کو کال کرکے کہا کہ وہاں تو ڈیڈ باڈی پڑی ہوئی ہے،تھراپی ورکس کے مالک کی نور مقدم کیس میں صفائیاں

    نور مقدم کو انصاف دلوائو.. | مبشر لقمان نے سپر سٹارز کا ضمیر جھنجوڑ دیا

    نور مقدم قتل کیس، ظاہر جعفر کا عدالت میں ایک اور ڈرامہ

    نورمقدم قتل کیس، ظاہر جعفر پاگل ہے، عدالت میں درخواست دائر

    نور مقدم قتل کیس، سماعت بغیر کارروائی ملتوی

    نورمقدم قتل کیس میں اسلام آباد ہائیکورٹ کا بڑا فیصلہ

    نور مقدم قتل کیس،مرکزی ملزم کو اندر بلا کر عدالت نے میڈیا کو باہر نکال دیا

    بیٹی کو ناحق قتل کیا گیا، ملزم کوسزائے موت سنائی جائے،نورمقدم کے والد کا عدالت میں بیان

    نورمقدم قتل کیس کے تفتیشی افسر کا بیان قلمبند

  • عدالت نے شریف فیملی کا سارا کچا چٹھا کھول دیا:باطل کوبےنقاب ہونا ہی ہوتا ہے:عمران خان

    عدالت نے شریف فیملی کا سارا کچا چٹھا کھول دیا:باطل کوبےنقاب ہونا ہی ہوتا ہے:عمران خان

    اسلام آباد:عدالت نے شریف فیملی کا سارا کچا چٹھا کھول دیا:باطل کوبےنقاب ہونا ہی ہوتا ہے،اطلاعات کے مطابق وزیراعظم عمران خان نے کہا ہے کہ عدالت نے شریف فیملی کا کچا چٹھا کھول دیا، مریم نواز کے کیس سے پہلے بیان حلفی سامنے لایا گیا، عدلیہ کو دباؤ میں لانا ن لیگ کی تاریخ ہے، شریف فیملی مافیا کی طرح ایکٹ کر رہی ہے، ہماری جنگ مافیا کیخلاف ہے۔وزیراعظم نے کہا کہ سچ کے مقابلے میں باطل بے نقاب ہوجاتا ہے

    اطلاعات کے مطابق وزیراعظم عمران خان کی زیرصدارت حکومتی ترجمانوں کا اجلاس ہوا۔اجلاس میں وزیراعظم نے معاشی ترقی کی گروتھ 5 عشاریہ37 فیصد تک پہنچ جانے سے آگاہ کیا، وزیراعظم عمران خان نے کہا کہ کورونا وبا کے باوجود معاشی ترقی کا 5 عشاریہ 37 فیصد تک جانا بڑی کامیابی ہے۔ اجلاس میں اکانومسٹ اور بلوم برگ کی تازہ رپورٹس بھی پیش کی گئیں۔ اجلاس میں اسلام آباد ہائیکورٹ میں رانا شمیم کیس پر بریفنگ بھی دی گئی۔

    وزیر اعظم عمران خان نے کہا کہ ایک مخصوص مافیا عدلیہ کو دباؤ میں لانے کی کوشش میں ہے، یہ سب مل کر عدالتوں پر اثرانداز ہونے کی کوشش کر رہے ہیں، ن لیگ کی جانب سے ججز کو دباؤ میں لا کر من پسند فیصلے لینے کی کوشش ماضی میں بھی ہوئی۔

    ن لیگ کی عدلیہ کو دباؤ میں لانے کی تاریخ سب کے سامنے ہے۔ وزیر اعظم عمران خان نے کہا کہ عدالت نے شریف فیملی کا کچا چٹھا کھول دیا، عدالت نے شریف فیملی مافدیا کو بےنقاب کردیا ہے، شریف فیملی مافیا کی طرح ایکٹ کرررہی ہے، شریف فیملی اپنی بقا کی جنگ لڑ رہی ہے،

    شریف فیملی خود کو بچانے کی جنگ لڑ رہی ہے اور ہم عوام کی جنگ لڑ رہے ہیں۔ وزیراعظم عمران خان نے کہا کہ سابق جج شمیم کا بیان حلفی نوازشریف کے بیٹے کے آفس میں نوٹرائز ہوا۔ مریم نواز کے کیس سے پہلے بیان حلفی سامنے لایا گیا، ہماری جنگ مافیا کے خلاف ہے ہم مافیا کا مقابلہ کررہے ہیں۔

  • لاہور انارکلی دھماکہ،کتنے کلو بارودی مواد استعمال ہوا؟ ابتدائی رپورٹ پیش

    لاہور انارکلی دھماکہ،کتنے کلو بارودی مواد استعمال ہوا؟ ابتدائی رپورٹ پیش

    لاہور انارکلی دھماکہ،کتنے کلو بارودی مواد استعمال ہوا؟ ابتدائی رپورٹ پیش

    باغی ٹی وی کی رپورٹ کے مطابق آئی جی پنجاب نے وزیراعلیٰ پنجاب کو ابتدائی تحقیقاتی رپورٹ پیش کردی جس کے مطابق لاہور دھماکا پلانٹڈ ڈیوائس سے کیا گیا۔

    ابتدائی رپورٹ میں کہا گیا ہے کہ دھماکے میں ڈیڑھ کلو بارودی مواد استعمال کیا گیا تھا، دھماکے میں ایک عمارت اور 8 موٹرسائیکلوں کو نقصان پہنچا۔ ابتدائی رپورٹ میں کہا گیا ہے کہ دھماکے میں 29 افراد زخمی اور 2 جاں بحق ہوئے، جاں بحق افراد میں رمضان اورابصار شامل ہیں۔ ابتدائی رپورٹ کے مطابق دھماکا ایک بج کر 40منٹ پر ہوا، 1بجکر 44منٹ پر نامعلوم شخص کی کال آئی، کال میں بتایا گیا نیو انار کلی میں دھماکا ہوا ابتدائی رپورٹ میں کہا گیا ہے کہ اطلاع ملتے ہی لاہور پولیس سمیت انتظامیہ فوری پہنچی، پولیس، فارنزک ایجنسیاں اور دیگر تحققیاتی ادارے جائے وقوعہ پر موجود ہیں۔بارودی مواد کی تنصیب سے متعلق سی سی ٹی وی کیمروں سے مدد لی جارہی ہے، بعض مشکوک افراد کو گرفتار کیا گیا جن سے تحقیقات کی جارہی ہیں۔

    بلوچ نیشنل آرمی نے پنجاب کے صوبائی دارالحکومت لاہور کے علاقے انارکلی میں ہونے والے دھماکے کی ذمے داری قبول کرلی۔ تنظیم نے دعویٰ کیا ہے کہ یہ اس کی پہلی کارروائی ہے بم بینک الحبیب کے سامنے نصب کیا گیا تھا حملے کا ہدف بینک کے ملازمین تھے

    پنجاب کے صوبائی دارالحکومت لاہور میں دھماکہ ہوا ہے ،دھماکہ لاہور کے معروف بازار انار کلی میں ہوا، دھماکے کے نیتجے میں 2 افراد جاں بحق جبکہ 26 افراد زخمی ہوئے ہیں، جنہیں طبی امداد کے لئے ہسپتال منتقل کر دیا گیا ہے، پولیس کی بھاری نفری جائے وقوعہ پر پہنچ گئی ہے، جائے وقوعہ کو سیل کر دیا گیا ہے

    ایم ایس میو ہسپتال کا کہنا ہے کہ 18 زخمیوں کومیو اسپتال لا یا گیا میو اسپتال میں ایمرجنسی نافذ کر دی گئی ہے 5 زخمیوں کی حالت تشویشناک ہے زخمیوں کو ہر ممکن سہولت فراہم کی جا رہی ہے ،ڈی آئی جی آپریشنز لاہور کا کہنا ہے کہ دھماکے کی نوعیت کا پتہ لگایا جارہا ہے ، ابتدائی معلومات کے مطابق پلانٹڈ ڈیوائس لگائی گئی دھماکے میں کون ملوث ہے جلد پتہ لگا لیا جائے گا، اسپتا ل انتظامیہ نے زخمیوں اور جاں بحق افراد کی فہرست تیار کرلی ، کمشنر لاہور کا کہنا تھا کہ الرٹ جاری ہوئی تھی لیکن کسی خاص جگہ کا ذکر نہیں تھا،

    کمشنر لاہور کا کہنا ہے کہ تمام زخمیوں کو بہترین طبی امداد دی جارہی ہے۔انارکلی دھماکے میں زخمی افراد و انکی تفصیلات حاصل کر لی گئی ہیں زخمی افراد کی فہرست و تفصیلات میڈیا کو بھی دے دی گئی ہیں۔ ہسپتال میں بھی زخمی افراد کی تفصیلات دینے کیلئے انتظامیہ کاونٹر لگا رہی ہے۔ 26زخمی افراد زیر علاج ہیں۔کچھ کی حالت نازک ہے دو افراد دھماکے میں جاں بحق ہوئے ہیں۔ک

    پیپلزپارٹی کے چیئرمین بلاول بھٹو زرداری نے لاہور میں بم دھماکے کی مذمت کی ہے،چیئرمین بلاول بھٹو زرداری نے بم دھماکے میں جاں بحق ہونے والے افراد کے لواحقین سے اظہار افسوس کیا اور کہا کہ پنجاب حکومت زخمیوں کے فوری بہتر علاج و معالجے کے لئے اقدامات کرے، بلاول زرداری کا کہنا تھا کہ اسلام آباد میں طالبان دہشت گردوں کی جانب سے پولیس افسران کی شہادت کے بعد اب انارکلی میں دھماکا تشویش ناک ہے، ڈیرہ اسماعیل خان میں اس سے قبل فرقہ وارانہ واقعے میں تین افراد کی ٹارگٹ کلنگ میں ہلاکت ہوئی،

    قائد حزب اختلاف شہباز شریف نے لاہور دھماکے کی مذمت کی ہے اور کہا ہے کہ لاہور دھماکے سے قیمتی جانی نقصان پر افسوس ہے،اسلام آباد کے بعد لاہور میں دہشت گردی ملک کے لیے نیک فال نہیں،

    مسلم لیگ ن کی رہنما مریم نواز نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ انار کلی بازار جسے پر ہجوم اور مصروف ترین علاقہ میں دھماکہ ایک نہایت افسوسناک اور تشویشناک واقعہ ہے۔ ایک بچے سمیت ۳ افراد جاں بحق اور درجنوں افراد زخمی ہو گئے۔ اللّہ ان سب پر، انکے خاندانوں پر اور پاکستان پر رحم فرمائے

    مسلم لیگ ن کی رہنما رکن پارلیمنٹ حنا پرویز بٹ کا کہنا تھا کہ انارکلی لاہور میں دھماکے کی شدید مذمت کرتی ہوں، میری ہمدردیاں ان تمام خاندانوں کے ساتھ ہیں جنہوں نے اپنے پیارے اس دھماکے میں کھو دیے۔۔۔نااہل حکومت میں اب دوبارہ دھماکے بھی شروع ہو گئے

    خرم نواز گنڈاپور سیکرٹری جنرل پاکستان عوامی تحریک کا کہنا ہے کہ انارکلی لاہور میں دھماکہ کی مذمت کرتے ہیں، ذمہ داروں اور سہولت کاروں کو فوری گرفتار کیا جائے، دھماکہ ”الارم“ ہے سکیورٹی کو فول پروف بنایا جائے، دھماکہ میں جاں بحق ہونے والوں کے لواحقین سے دلی افسوس کا اظہار کرتے ہیں

    وزیر اعظم عمران خان نے لاہور دھماکے کا نوٹس لے لیا۔وزیر اعظم عمران خان نے قیمتی جانوں کے ضیا پر اظہار افسوس کیا ، وزیراعظم عمران خان نے انارکلی دھماکے کی شدید مذمت کرتے ہوئے پنجاب حکومت سے دھماکے کی ابتدائی رپورٹ فوری طلب کر لی ہے وزیراعظم عمران خان کا کہنا تھا کہ دھماکے کے ذمہ داروں کو فوری گرفتار کیا جائے،

    جے یو آئی کے سربراہ مولانا فضل الرحمان کا کہنا تھا کہ لاہور کے مصروف بازار میں دھماکے کا سن کر بے حد افسوس ہوا۔انارکلی دھماکے سے صوبائی حکومت اور انتظامیہ کی نا اہلی کھل کر سامنے اگئی ہ۔صوبائی حکومت شہریوں کو تحفظ دینے میں ناکام ہوگئی ہے۔جمعیت علماء اسلام کے رضاء کار زخمیوں کو خون کے عطیات فراہم کرے۔

    وزیراعلیٰ سندھ سید مراد علی شاہ نے انارکلی بازار لاہور دھماکے کی شدید الفاظ میں مذمت کی ہے، وزیراعلیٰ سندھ نے انسانی جانوں کے نقصان پر گہرے دکھ کا اظہار کیا

    وفاقی وزیر داخلہ شیخ رشید احمد نے کہا ہے کہ لاہورانارکلی دھماکے کی شدید الفاظ میں مذمت کرتا ہوں دھماکے سے انسانی جانوں کے ضیاع پر انتہائی دکھ ہوا۔ زخمی ہونے والے افراد کی جلد صحتیابی کے لئے دعاگو ہوں۔پنجاب حکومت سے انارکلی دھماکے کی رپورٹ طلب کی ہے

    پاکستان پیپلزپارٹی بلوچستان کی قیادت نے لاہور انار کلی بازار میں بم دھماکے کی مذمت کی ہے، پی پی پی رہنماؤں نے لاہور دھماکے میں شہید ہونے والوں کے ورثا سے ہمدردی اور تعزیت اظہار کیا ، صوبائی صدر میر چنگیز خان جمالی کا کہنا تھا کہ دہشتگردی کی نرسریوں کے خاتمے کے ساتھ ساتھ منصوبہ سازوں کو بھی کچل دیا جائے، صوبائی جنرل سیکرٹری روزی خان کاکڑ کا کہنا تھا کہ معصوم انسانوں کے قاتل وحشی درندے ہیں ان کے جرائم ناقابل معافی ہیں، صوبائی سیکرٹری اطلاعات سردار سربلند خان جوگیزئی کا کہنا تھا کہ اس سوچ کو شکست دینی ہوگی جو سوچ شدت پسندی کو جنم دے رہی ہے،پی پی پی بلوچستان کی قیادت نے زخمیوں کی جلد صحتیابی کے لئے بھی دعا کی۔

    رہنما پیپلز پارٹی زوبیہ خورشید راجہ کا کہنا تھا کہ انارکلی لاہور میں دھماکہ کی مزمت کرتے ہیں افراتفری، بے روزگاری، مہنگائی کے طوفان کے بعد اور اب ملک میں دہشتگردی کی نئی لہر جنم لے رہی ہے، آج لاہور میں دھماکہ، انتہائی تشویشناک صورتحال حکمرانوں کی ناکامی ہے۔ لواحقین سے دلی تعزیت کا اظہار کرتے ہیں۔

    پاکستان پیپلز پارٹی وسطی پنجاب کے صدر راجہ پرویز اشرف نے لاہور میں بم دھماکے کی مذمت کی، اور کہا کہ حکومت انار کلی دھماکے کے زخمیوں کے فوری علاج معالجے کا بندوبست کرے٬افسوسناک واقعے میں جاں بحق ہونیوالوں کے خاندانوں کو فوری معاوضہ ادا کیا جائے٬امن و امان کی صورتحال پر تشویش ہے، حکومت قانون کی عملداری یقینی بنائے٬ عوامی مقامات کی سیکیورٹی کو سخت بنانا ہو گا٬انتہا پسندی اور دہشت گردی کی لہر پر قابو پانے کیلئے نیشنل ایکشن پروگرام پر عمل درآمد کیا جائے٬دھماکے میں جاں بحق ہونیوالوں اور زخیموں کی جلد صحت یابی کیلئے دعا گو ہوں٬

    عوامی نیشنل پارٹی کے سربراہ اسفند یار ولی کا کہنا تھا کہ لاہور انارکلی بازار میں دھماکے کی مذمت کرتے ہیں۔ پے درپے واقعات ہمارے خدشات درست ثابت کررہے ہیں، دہشتگرد منظم ہورہے ہیں، پشاور میں پولیس اہلکار کو نشانہ بنایا گیا، کوئٹہ سے پشاور تک دہشتگردی کے واقعات ہورہے ہیں۔ دہشتگرد دارالحکومت اسلام آباد میں بھی پولیس کو نشانہ بناچکے ہیں ،حکومت ہوش کے ناخن لیں۔ اس آگ کو نہ روکا گیا تو گھر کسی کا نہیں بچے گا، اس بار آگ لگ گئی تو بدترین تباہی ہوگی۔ معصوم بچوں سمیت عوام کو نشانہ بنانا غیرانسانی فعل ہے، روک تھام کیلئے سنجیدہ اقدامات اٹھانے ہوں گے۔ ہم نے دہشتگردوں کا راستہ روکا اور جانوں کے نذرانے پیش کئے موجودہ حکمران ڈر کی وجہ سے چپ ہیں ڈرنے کی بجائے عوام کی جان و مال کی حفاظت کیلئے عملی اقدامات اٹھائے جائیں۔ دہشتگردوں کو ببانگ دہل دہشتگرد کہنا ہوگا بصورت دیگر عوام کی جان و مال محفوظ نہیں رہیں گے .