Category: اہم خبریں

اسلام آباد:پانامہ پیپرزکی طرز پرایک اورعالمی سکینڈل منظرعام پرآنےکوتیار:شریف فیملی پرالزامات کا حساب چکانےکا منصوبہ؟،اطلاعات کے مطابق اس وقت ایک بحث زورپکڑ رہی ہےکہ دنیا میں ہلچل مچانے والے پانامہ پیپرز کی طرز پر ایک اور عالمی سکینڈل منظر عام پر آنے والا ہے۔

تفصیلات کے مطابق عالمی دنیا میں ہلچل مچانے والے پانامہ پیپرز کی طرز پر ایک اور عالمی سکینڈل سامنے آنے والا ہے۔ آئی سی آئی جے اتوار کی رات گیارہ اعشاریہ 9ملین دستاویزات شائع کرے گی۔ ایک عالمی تحقیقات جو 2016ء کے پاناما پیپرزکوبھی پیچھے چھوڑدے گی، اس تحقیقات میں17ممالک کے 600 صحافیوں، 150میڈیا تنظیمیوں نے حصہ لیا۔

آئی سی آئی جے کے مطابق پنڈورا پیپرز کے نام سے پروجیکٹ میں 117 ممالک کی اہم شخصیات کی مالی تفصیلات شامل ہیں۔ پنڈورا پیپرز کی تحقیقات میں پاکستان کے بھی دو صحافی شامل ہیں، پنڈورا پیپرز میں کئی پاکستانی شخصیات کی مالی تفصیلات بھی شامل ہیں۔

دوسری طرف کچھ اہم ذرائع نے دعویٰ کیاہےکہ اس سارے کھیل کا مقصد نوازشریف اوراس وقت کے سیاستدانوں پرپڑنے والے منفی اثرات کا ازالہ ہے اوریہ بھی خبریں ہیں کہ اس تحقیق کے لیے بہت زیادہ فنڈنگ نوازشریف بھی کرچکے ہیں

شمالی وزیرستان:شمالی وزیرستان میں سکیورٹی فورسز کی گاڑی پر حملہ، 5 جوان شہید ،اطلاعات کے مطابق پاکستان کے دشمن پاکستان میں خون اورآگ کا کھیل کھیلنے میں‌ بضد ہیں اورآج پھربھارت ایجنٹوں نے بزدلی دکھاتے ہوئے پاک فوج کے جوانوں کا بہت بڑا جانی نقصان کردیا ہے،

پاک فوج کے ترجمان کےمطابق شمالی وزیرستان میں سکیورٹی فورسز کی گاڑی پر حملے کے دوران 5 جوان شہید ہو گئے۔

پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق خیبرپختونخوا کے ضلع شمالی وزیرستان میں سکیورٹی فورسز کی گاڑی پر دہشتگردوں نے حملہ کیا، یہ حملہ شمالی وزیرستان کے علاقے سپن وام میں کیا گیا۔

آئی ایس پی آر کی طرف سے جاری کردہ بیان کے مطابق 5 جوان شہید ہو گئے، شہید ہونے والوں میں ایف سی کے 4 جوان اور ایک لیویز سب انسپکٹر شہید ہو گئے۔

آئی ایس پی آر کے مطابق شہداء میں 35 سالہ حوالدار زاہد، 28 سالہ لانس نائیک ولی، 28 سالہ نائیک عبد الحمید شامل ہیں، جبکہ لیویز کے سب انسپکٹر کا نام جاوید ہے۔ شہداء کا تعلق چارسدہ، کرم، خیبر، کرم اور سپن وام سے ہے۔ علاقے میں دہشتگردوں کے خاتمے کے لیے کلیئرنس آپریشن جاری ہے۔

کراچی:چیئرمین نیب کا فیصلہ اسی ہفتے ہوگا، APSکے دہشت گردوں کا معاملا الگ ہے،اکثرمارےگئے،اطلاعات کےمطابق وزیرداخلہ شیخ رشید نے کہا ہے کہ چیئرمین نیب کا فیصلہ اسی ہفتے ہوگا، اپوزیشن سے مشاورت کی ضرورت نہیں، پیپلزپارٹی سمجھدار ہے جو سمجھوتہ ایکسپریس پر چڑھ گئی،

شیخ رشید نے آج کراچی ایئرپورٹ پرکمال کی گفتگو کرتے ہوئے کہاکہ مسلم لیگ ن لِتر بھی کھائے گی اورسمجھوتہ ایکسپریس پر بھی چڑھے گی،اگلا الیکشن سب کو عمران خان کے نام پر لڑنا ہے۔

انہوں نے آج کراچی ایئرپورٹ پر میڈیا سے گفتگو کرتے ہوئے کہا کہ عالمی منظر نامہ بدلنے جارہا ہے پاکستان عمران خان کی قیادت میں تاریخی کردار ادا کرنے جارہا ہے، مستقبل کی سیاست گہرے پانیوں کی ہے،

شیخ رشید نے اس موقع پرواضح کیاکہ دنیا کی کوئی سپر پاور ہمیں بائی پاس نہیں کرسکتی، پاکستان چاہتا ہے افغانستان میں جامع حکومت ہو، افغان صورت حال پر پاکستان اور امریکی وزرائے خارجہ رابطے میں ہیں۔

امریکی صدر جوبائیڈن کے حوالے سے شیخ رشید نے کہا کہ کوئی ہمارے ملک آئے تو بسم اللہ، نہ آئے تو اسلام علیکم، افغان صورت حال پر امریکی صدر کو نشانہ بنانا ناانصافی ہے، امریکی عوام افغانستان کی صورتحال سے بے خبر ہیں، بائیڈن خود اپنے لوگوں کو جواب دے۔

کراچی ایئرپورٹ پرمیڈیاسے گفتگو کرتےہوئے کالعدم تحریک طالبان پاکستان سے مذاکرات کے حوالے سے وفاقی وزیرداخلہ نے کہا کہ اعلی سطح پر بات ہورہی ہے، ہم ایسی پوزیشن پر بیٹھے ہوئے ہیں کہ دنیا ہم سے بات کر رہی ہے۔

شیخ رشید نے اس موقع پر کہا کہ ہماری منصوبہ بندی دو چار سال کی نہیں 20 سال کی ہے۔ ہمیں گڈ اور بیڈ کا پتہ ہے، اے پی ایس کے بچوں کو قتل کرنے والوں کا کیس الگ ہے، جنہوں نے ہتھیار ڈال دئیے ہیں ان سے لڑائی نہیں کریں گے۔

انہوں نے کہا کہ اگر بھارت بھی بات چیت سے مسئلے کے حل کے لیے آگے آئے گا تو اس سے بھی بات کی جائے گی۔ بھارت کو ندامت اٹھانے کے علاوہ کچھ نہیں ملا۔ ملک کے دشمنوں سے کونے کونے میں نمٹیں گے۔

شیخ رشید کراچی ایئرپورٹ پرگفتگو کرتے ہوئے کہا کہ عمران خان اس ملک کو ٹھیک کر رہا ہے۔ مہنگائی کو بھی کنٹرول کرنے کے لیے اقدامات کررہے ہیں۔ انہوں نے کہا کہ ایف آئی اے کو ہدایت کی کہ ڈالر کی ذخیرہ اندوزی پر کارروائی کریں۔

گندے لوگوں کو نکالا جائے گا۔ جعلی شناختی کارڈ کے الزام میں 19 لوگوں کو گرفتار کیا گیا۔ بعض وزرا نے بھی اپنے انگوٹھوں کے ذریعے شناختی کارڈ بنوائے۔شیخ رشید نے کہا کہ چیئرمین نیب کی تقرری کا فیصلہ اسی ہفتے ہوجائے گا ،اپوزیشن پر کیسز ہیں ان سے بات کرنے کی ضرورت نہیں، اپوزیشن عقل کی اندھی اور کنویں کا مینڈک ہے،

راولپنڈی:سپہ سالار جنرل قمر جاوید باجوہ نے کہا ہے کہ پاکستان ڈنمارک سے تعلقات کو اہمیت دیتا ہے، ڈنمارک ملک کے ساتھ مختلف شعبوں میں دو طرفہ تعاون کا فروغ چاہتے ہیں۔

پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق آرمی چیف جنرل قمر جاوید باجوہ سے ڈنمارک کے وزیر خارجہ نے جنرل ہیڈ کوارٹرز (جی ایچ کیو) میں ملاقات کی، ملاقات میں باہمی دلچسپی امور، خطے کی سیکیورٹی صورتحال پر بات چیت کی گئی۔

آئی ایس پی آر کے مطابق افغانستان کی حالیہ صورتحال، انسانی بنیادوں پر امداد کے اقدامات میں تعاون و اشتراک پر بھی بات چیت کی گئی۔ ڈنمارک کے وزیر خارجہ نے افغان صورتحال میں پاکستان کے کردار کو سراہا۔

آئی ایس پی آر کے مطابق ڈنمارک کے وزیر خارجہ نے کامیاب انخلا آپریشن، خطے کے استحکام کی پاکستان کی کوششوں کی تعریف کی اور ہر سطح پر پاکستان کے ساتھ تعاون بہتر بنانے کا عزم ظاہر کیا۔

ملاقات کے دوران آرمی چیف کا کہنا تھا کہ پاکستان ڈنمارک سے تعلقات کو اہمیت دیتا ہے، یورپی ملک کے ساتھ مختلف شعبوں میں دو طرفہ تعاون کا فروغ چاہتے ہیں۔