اسلام آباد:پاکستان اپنے آپ کوتنہا نہ سمجھے:سعودی عرب کا پھرپاکستان کے لیےمشکل وقت میں بہت بڑے پیکج کا اعلان ،اطلاعات کے مطابق مشکل وقت میں دوبارہ سعودی عرب پاکستان کی مدد کو آگیا، ایک بار پھر مؤخر ادائیگیوں پر تیل فراہم کرے گا۔

قومی اسمبلی اجلاس میں وفاقی وزیر خزانہ شوکت ترین نے تصدیق کرتے ہوئے کہا کہ خام تیل کی عالمی قیمتوں میں اضافے کے بعد پاکستان نے سعودی عرب سے درخواست کی ہے ، سعودی عرب کے ساتھ تیل کی فراہمی کا معاہدہ تکمیل کے قریب ہے۔ دو سے تین روز میں تفصیلات سامنے آ جائیں گی۔

یاد رہے کہ رواں سال جون کے مہینے میں پاکستان اور سعودی عرب کے تعلقات میں بہتری کے اشاروں کے بعد ریاض نے پاکستان کو ادھار تیل کی فراہمی کی سہولت بحال کر دی تھی۔

درآمدی تیل پر انحصار کرنے والے پاکستان کو سعودی عرب کی جانب سے ایک سال کی مؤخر ادائیگی پر 1.5 ارب ڈالر کا تیل فراہم کیا جائے گا۔ پاکستان کی وفاقی حکومت کی جانب سے یہ اعلان حماد اظہر اور اس وقت کے وزیراعظم عمران خان کے معاون خصوصی ریونیو وقار مسعود کی جانب سے کیا گیا تھا۔

سعودی عرب کی جانب سے پاکستان کو مؤخر ادائیگی پر تیل کی فراہمی کی سہولت پہلی بار نہیں دی جا رہی اور ماضی میں بھی یہ سہولت پاکستان کو چند مرتبہ فراہم کی گئی۔ تاہم 1.5 ارب ڈالر مالیت کے تیل کی مؤخر ادائیگی پر فراہمی اس لحاظ سے اہمیت کی حامل ہے کہ پاکستان اور سعودی عرب کے درمیان باہمی تعلقات میں گرم جوشی کے واپس آنے کی عکاسی کرتی ہے۔ جن میں کچھ عرصہ قبل کچھ رنجش پیدا ہو گئی تھی جس کی وجہ سے سعودی عرب نے تحریک انصاف کے دور حکومت میں دی جانے والی تین ارب ڈالر کی مؤخر ادائیگی پر تیل کی فراہمی معطل کر دی تھی۔

یاد رہے کہ پاکستان اپنی توانائی کی ضروریات کے لیے دس ارب ڈالر تک مصنوعات کو باہر کی دنیا سے منگواتا ہے اور آر ایل این جی کی درآمد سے توانائی کے شعبے کی درآمدات 14 سے 15 ارب ڈالر پہنچ جاتی ہے۔ پاکستان کی حکومت نے سعودی عرب سے سالانہ ڈیڑھ ارب ڈالر مالیت کے ادھار تیل کی سہولت دوبارہ دست یاب ہونے کی تصدیق کردی ہے۔

قومی اسمبلی میں خطاب کرتے ہئے شوکت ترین نے کہا کہ پاکستان کی ایکسپورٹ میں کمی اور امپورٹ میں اضافہ ہورہا، اس سال ساڑھے چار ارب روپے کی کورونا ویکسین خریدی گئی، گزشتہ سالوں میں گندم کی قیمت نہ بڑھانے سے پیداوار میں کمی ہوئی، موجودہ حکومت قلت کے باعث گندم امپورٹ کر رہی ہے۔

وفاقی وزیر خزانہ کا کہنا تھا کہ آج ہی ہم نے اہم فیصلہ کیا کہ ڈی اے پی بہت زیادہ سبسڈی دے رہے ہیں، چینی اور گندم کی کمی 30 سال سے حکومت کرنے والوں کی ناکامی ہے، گھبرانے کی ضرورت نہیں معیشت بہتر ہورہی ہے، اس سال 27 ملین ٹن گندم ہوئی ہم اس کو 30 ملین ٹن کا ہدف مقرر کر رہے ہیں۔

ان کا کہنا تھا کہ یقین دلاتا ہوں یہ وزیرخزانہ کہیں نہیں جارہا، پہلے بھی وزیرخزانہ اور سینیٹر رہ چکا ہوں، مجھے سینیٹر بنانے کی کوشش ہو رہی ہے، یہ وزیرخزانہ تو تنخواہ بھی نہیں لیتا۔

اسلام آباد:پاکستانی عدالتیں حقائق دیکھ کرفیصلے کرتی ہیں ، خبریں دیکھ کرنہیں :سمجھدار لوگ سمجھتےہیں کہ ڈرامے کیوں ہورہےہیں،وزیر اطلاعات فواد چودھری نے کہا ہے کہ عدلیہ سے اپیل ہے پاکستان مسلم لیگ ن کے صدر شہباز شریف کے کیسز کو یومیہ بنیادوں پر سنا جائے تاکہ دودھ کا دودھ اورپانی کا پانی ہوجائے۔

اسلام آباد میں وزیر مملکت برائے اطلاعات و نشریات فرخ حبیب کے ساتھ میڈیا سے گفتگو کرتے ہوئے فواد چودھری کا کہنا تھا کہ شہباز شریف کی طرح ڈیڑھ گھنٹہ تقریرنہیں کرنا چاہتا،پاکستان ن لیگ کے صدر کے خلاف پاکستان میں دوکیس اس وقت چل رہے ہیں،شہباز شریف کیس میں 6 ماہ تک اس عدالت میں جج ہی نہیں تھا، ان کیخلاف مقدمہ روزانہ کی بنیاد پرنہیں چل رہا، ہمارا مطالبہ ہے کہ شہبازشریف کیس کوروزانہ کی بنیاد پرسنا جائے۔

فواد چوہدری نے کہا کہ میاں صاحب :سمجھدار لوگ سمجھتےہیں کہ یہ شریفانہ ڈرامے کیوں ہورہےہیں:جیل جانے کی تیاری کریں ان کا کہنا تھا کہ العربیہ، رمضان شوگر ملز کو منی لانڈرنگ نیٹ ورک چلا رہا تھا، العربیہ، رمضان شوگر ملز کے 57 اکاؤنٹس میں مختلف لوگوں نے پیسے جمع کرائے، العربیہ مل کے چپڑاسی ملک مقصود کے اکاؤنٹ میں پیسے آئے، محمد وارث کے اکاؤنٹ میں 2.5 ارب روپے منتقل کیے گئے۔ محمد وارث مشتاق چینی والے کا ڈرائیورہے۔

اپنی بات کو جاری رکھتے ہوئے فواد چودھری کا کہنا تھا کہ محمد اسلم چپڑاسی کے اکاؤنٹ میں بھی پیسے آئے۔ مشتاق چینی والے کے اکاؤنٹ میں بھی اربوں روپے آئے۔ یہ لسٹ دیکھ کرآپ حیران ہوجائیں گے اس ملک کے یہ حالات اورمہنگائی کیوں ہے، اس ملک کواس طرح لوٹا گیا۔ رمضان شوگر مل کے کلرک غلام شبیر کے اکاؤنٹ میں 1.57 ارب آیا، قیصرعباس کے اکاؤنٹ ایک اعشاریہ 37ارب آیا، گلزارخان انتقال کر گئے ہیں اس کے اکاؤنٹ میں 1.28 ارب کے اکاؤنٹ میں آیا۔

وفاقی وزیر اطلاعات کا کہنا تھا کہ شہبازشریف نے کہا اگر سلیمان شہباز بری ہو گئے تو وہ بھی بری ہو جائیں گے، شہباز سے پاکستان میں ٹی ٹیزکا پوچھا جائے تو کہتے ہیں سلمان شہبازسے پوچھیں، فیک نیوز پر شہزاد اکبر کیس فائل کر رہے ہیں، لوٹا گیا پیسہ عمران خان کا ذاتی نہیں قوم کا پیسہ ہے، اعلیٰ عدلیہ سے اپیل ہے شہبازشریف کے خلاف مقدمات کوروزانہ کی بنیاد پرچلایا جائے تاکہ دودھ کا دودھ اورپانی کا پانی ہوجائے،

فواد چوہدری نے کہا کہ مریم نواز کیس میں کبھی وکیل کی کمرمیں درد ہو جاتا ہے، اس طرح کے فراڈ عدالتوں کے ساتھ کیے جا رہے ہیں۔ لیگی نائب صدر کو ہم باہر نہیں جانے دے رہے ہیں اگر اجازت مل جائے تو یہ فوری طور پر باہر چلے جائیں۔ نوازشریف اور سلیمان شہباز کو پاکستان واپس آنا چاہیے۔

ان کا کہنا تھا کہ ڈی جی نیب شہزاد سلیم ایک کورس کے لیے برطانیہ گئے، برطانوی حکومت کی درخواست پر ڈی جی نیب شہزاد سلیم برطانیہ گئے، شہزادسلیم کے ساتھ دیگرممالک کے لوگ بھی برطانیہ گئے تھے۔

فواد چوہدری نے کہا کہ ش لیگ کے بانی سربراہ میاں شہبازشریف کہہ رہےہیں کہ غیرملکی عدالتوں پرہمیں اعتماد ہے ، تو اعتماد کریں ، پاکستان میں ایسے ڈراممے نہیں چلنے دیں گے ، سمجھدار لوگ سمجھ رہےہیں کہ یہ کہانی کیوں گھڑی گئی اوراس کہانی کے ذریعے ن لیگ کا بکھرتا شیرازہ سنھبالنے کی کوششوں کے پیچھے کس کا فلسفہ ہے

سڑکوں کی تعمیر میں چوری سب سے ڈاکہ،وزیراعظم کا تحقیقات کا اعلان

باغی ٹی وی کی رپورٹ کے مطابق وزیراعظم عمران خان نے کہا ہے کہ ن لیگ کی نسبت ہمارے دور میں ترقیاتی منصوبوں پر کام تیزی سے ہو رہا ہے

وزیراعظم عمران خان کا کہنا تھا کہ سڑکوں کی تعمیر میں چوری کیے جانے والے پیسے کی تحقیقات کرائیں گے یہ ملک کا سب سے بڑا ڈاکہ ہے ،ایف آئی اے کو تحقیقات کی ہدایت کی ہے،ماضی میں سڑکوں کی تعمیر اتی منصوبوں میں کرپشن کی گئی ،سڑکوں کی کم لاگت میں تعمیر اس بات کا ثبوت ہے کہ ماضی کی حکومتوں نے کرپشن کی سندھ میں پی ٹی آئی کی حکومت نہیں ہے سندھ کو ہم نے احساس پروگرام کے تحت پیسہ دیا ہم نے یہ نہیں دیکھا کہ وہاں ہماری حکومت ہے یا نہیں ،سندھ میں آباد ی زیادہ اور وہاں کے لوگوں میں غربت ہے سندھ اور بلوچستان کے پسماندہ علاقوں میں ترقیاتی کام کرائیں گے جو لیڈر آنے والے الیکشن کی سوچ رکھے وہ ترقیاتی کام نہیں کرسکے گا،کم لاگت پر معیاری سڑک کی تعمیر کمال ہے کرپشن کا مطلب غریب عوام کا پیسہ چوری کرنا ہے،ملک کو ترقی کی راہ پر گامزن کرنا ہے تو تمام علاقوں پر توجہ دینا ہوگی صرف کوئٹہ میں ترقی سے بلوچستان کے حالات نہیں بدلیں گے، 2013 اور آج سڑک کی تعمیر میں 20 کروڑروپے کی بچت ہورہی ہے،مراد سعید اور این ایچ اے کی ٹیم کو مبارکباد دیتا ہوں،قوم کو نقصان تب ہوتا ہے جب کرپٹ لوگ آتے ہیں

قبل ازیں وزیر اعظم عمران خان نے جھل جھاؤ۔ بیلہ شاہراہ کی بحالی اور اپ گریڈیشن کا سنگِ بنیاد رکھا،80 کلومیٹر جھل جھاؤ۔ بیلہ روڈ حکومت بلوچستان کا منصوبہ ہے جس کو نیشنل ہائی وے اتھارٹی مکمل کرے گی۔ 11,835 ملین روپے کی مجموعی لاگت سے تعمیر ہونے والا یہ منصوبہ تین سال میں مکمل ہوگا، اور اس پر روزانہ تقریباً 2645 گاڑیاں سفر کر سکیں گی۔2 لین کی اس شاہراہ کی تعمیر سے بلوچستان کے عوام کی دیگر علاقوں میں آمدورفت آسان اور ان کی معاشی ،معاشرتی ،صنعتی ،تجارتی ،زرعی، سیاحتی اور ثقافتی سرگرمیوں میں اضافہ ہوگا۔ اس منصوبے کی تعمیر کے دوران مقامی افراد کے لیے اندازاً 3000 روزگار کے مواقع بھی پیدا ہوں گے۔ جھل جھاؤ- بیلہ روڈ ایران،افغانستان اور وسط ایشیائی ریاستوں کے ساتھ تجارتی روابط کے فروغ کیلئے بھی خصوصی اہمیت کی حامل ہے۔

@MumtaazAwan

ماں بیٹی سے زیادتی کیس میں اہم پیشرفت سامنے آ گئی

لاہور میں رواں برس جنسی زیادتی کے 369 کیسز، کسی ایک ملزم کو بھی سزا نہ مل سکی

ایمانداری کے ساتھ خدمت کی،فحش ویڈیو وائرل ہونے کے بعد زبیر عمر کا ردعمل آ گیا

دوران ڈکیتی ماں باپ کے سامنے حافظ قرآن بیٹی کے ساتھ درندوں کی زیادتی

لاہور،سکول سے گھر آنیوالی خاتون کے سامنے نوجوان نے کپڑے اتار دیئے، ویڈیو وائرل،مقدمہ درج

ویڈیو لیک، زبیر عمر کیخلاف مقدمہ کیلئے درخواست دائر

زبیر عمر کے بعد اچکزئی کی لڑکیوں کے ساتھ مبینہ فحش ویڈیو وائرل

واشنگٹن :افغان طالبان کا ساتھ دینے پرپاکستان کیخلاف کارروائی کی جائے، امریکی سینیٹ میں بل پیش ،اطلاعات کے مطابق امریکی سینیٹ میں افغانستان سے متعلق بل پیش کیا گیا جس میں افغآن طالبان کا ساتھ دینے والوں کے خلاف کارروائی کا مطالبہ کیا گیا ہے۔

ذرائع کے مطابق پاکستان کے خلاف یہ بل امریکی سینیٹر مارکو روبیو نے سینیٹر جم ریش اوردیگر 20 ساتھیوں کے ساتھ مل کر افغانستان کیلئے انسداد دہشت گردی، نگرانی اور احتساب بل پیش کیا۔

ری پبلکن سینٹرز کی طرف سے پیش کیے گئے بل کی دستاویزات کے صفحہ نمبر 25 پر پاکستان کے خلاف زہراگلا گیا ہے، جس کے مطابق ری پبلکن سینیٹرز کی جانب سے پیش کیے گئے بل میں مطالبہ کیا گیا ہے کہ طالبان کا ساتھ دینے والوں کے خلاف کارروائی کی جائے اور پاکستان سمیت طالبان کو مدد دینے والی ریاستوں اور غیر ریاستی افرادکی نشاندہی کی جائے، کن ممالک نےطالبان کاساتھ دیا یا کسی قسم کی مدد فراہم کی۔

[wp-embedder-pack width=”100%” height=”400px” download=”all” download-text=”” attachment_id=”422050″ /]

بل میں سوال کیا گیا ہے کہ پاکستان سمیت کن ممالک نے طالبان کو سفارتی، معاشی اور سکیورٹی مدد فراہم کی؟ جائزہ لیاجائے کہ سال 2001 سے 2020 تک پاکستانی حکومت نے طالبان کی کیسے مدد کی؟ طالبان کو پناہ گاہیں، ٹریننگ اورمنصوبہ بندی سمیت کیا امداد دی گئی۔

بل میں مطالبہ کیا گیا ہے کہ طالبان کے قبضہ کرنے میں پاکستان سمیت کون ریاستی اور غیر ریاستی کردارشامل تھے۔بل میں کہا گیا ہے کہ طالبان نے دوحہ معاہدے کی شرائط پوری نہیں کیں جبکہ بل پاس ہونے کی صورت میں 3 ماہ میں افغانستان پر رپورٹ پیش کی جائے گی۔

امریکی سینیٹرز کے بل میں افغانستان پر خصوصی ٹاسک فورس بنانے کی تجویز دی گئی ہے جبکہ ٹاسک فورس کو افغانستان میں رہ جانے والے امریکی شہریوں اور اتحادیوں کے انخلا کا بندوبست کرنےکی ہدایت کی گئی ہے۔

بل میں مطالبہ کیا گیا ہے کہ انسانی حقوق کی خلاف ورزی پر طالبان پر پابندیاں لگائی جائیں اور افغانستان میں انسداد دہشت گردی کیلئے مؤثر اقدامات کیے جائیں۔سینیٹرجم ریش کا کہنا ہے کہ طالبان کے طاقت میں آنے سے القاعدہ اور داعش افغانستان میں مضبوط ہوسکتی ہیں۔

کابل "افغان طالبان جس طرح غالب آئے اس کا تصورتک نہ تھا:افغانستان سے انخلا سے امریکا کی ساکھ متاثر ہوئی،اطلاعات کے مطابق افغانستان میں رسوائی ، پسپائی اورپھرعبرتناک شکست کے بعد پہلی مرتبہ امریکی جرنیلوں کے تاثرات سامنے آئے ہیں ،

اس حوالے سے امریکی فوج کے جوائنٹ چیف آف اسٹاف جنرل مارک ملی کا کہنا ہےکہ افغان طالبان جس طرح برق رفتاری سے غالب آئے اس کا کبھی سوچا بھی نہیں تھا ،

غیر ملکی میڈیا کے مطابق واشنگٹن میں امریکی سینیٹ کی آرمڈ سروسز کمیٹی کا افغانستان پر اجلاس ہوا، اجلاس میں امریکی وزیر دفاع جنرل آسٹن، سینٹ کام کمانڈر جنرل مکنزی اور جوائنٹ چیف آف اسٹاف جنرل مارک ملی بھی شریک ہوئے۔

جنرل ملی کا کہنا تھا کہ دوحہ معاہدے نے افغان فوج کا مورال کم کیا، طالبان اب بھی دہشت گرد تنظیم ہے،طالبان کے اب بھی القاعدہ کے ساتھ روابط ہیں، افغانستان میں القاعدہ دوبارہ منظم ہوسکتی ہے اور افغان سرزمین امریکا کے خلاف استعمال ہو سکتی ہے۔

جنرل ملی کا کہنا تھا کہ افغان فوج کا اس طرح تحلیل ہونا متوقع نہیں تھا، اشارے تھے کہ امریکی انخلا سے افغان فوج اور حکومت ختم ہوسکتی ہے، لیکن افغان فوج اور حکومت ختم ہونےکی توقع اتنی جلدی نہیں تھی،

امریکی فوج کے جنرل کا کہنا ہےکہ افغان فوج میں نیت اور قیادت کا فقدان تھا، افغانستان سے انخلا سے امریکی ساکھ متاثر ہوئی، ٹرمپ اوربائیڈن کوخبردار کیا تھا کہ اچانک انخلا سے افغان حکومت گر سکتی ہے۔

ان کا کہنا تھا کہ دوحہ معاہدے کے تحت طے شدہ شرائط میں سے طالبان نے صرف ایک شرط پوری کی جو اتحادی افواج پر حملہ نہ کرنے کی تھی۔

سینٹ کام کمانڈر جنرل مکنزی کا کہنا تھا کہ میراخیال تھا کہ امریکی فوج افغانستان میں رہنی چاہیے کیونکہ امریکی فوج کے انخلا سے افغان فوج متاثر ہوگی،طالبان کے زیر اثر افغانستان کی طرف سے پاکستان پر دباؤ بڑھ سکتا ہے، آنے والے دنوں میں پاکستان کے لیے مشکلات بڑھ سکتی ہیں۔

جزل مکنزی کا کہنا تھا کہ افغانستان تک فضائی اور زمینی رسائی پاکستان کی ذریعے ہوتی رہی، افغانستان تک رسائی سے متعلق پاکستان کے ساتھ بات چیت رہی ہے۔امریکی وزیر دفاع جنرل آسٹن کا کہنا تھا کہ افغانستان میں مزید کسی فوجی کارروائی کا کوئی ارادہ نہیں،

جنرل آسٹن کا کہنا تھا کہ افغانستان میں ہم نے ایک ریاست تو بنالی پر ایک قوم نہ بناسکے،حقیقت یہ ہےکہ ہم نے اور ہمارے اتحادیوں نے جو افغان فوج کو تربیت دی وہ بہت جلد بہہ گئی، متعدد بار ایک گولی چلائے وہ ہتھیار ڈال گئے، ہزاروں افغان فوج اور پولیس کے اہلکار مرگئے لیکن ہم ان میں جیتنے کی خواہش نہیں پیدا کرسکے۔