لاہور:ٹی ایل پی سے مذاکرات:اچھی خبریں‌ آرہی ہیں‌:دعا بھی یہی ہے کہ میرےملک میں امن کی بہارآجائے:مبشرلقمان ،اطلاعات کےمطابق اس وقت کالعدم تحریک لبیک اور حکومتی ٹیم کے درمیان مذاکرات جاری ہیں اور اس حوالے سے جوخبریں آرہی ہیں وہ حوصلہ افزا ہیں

ادھراسی حوالے سے پاکستان کے سینیئر تجزیہ نگار،معروف صحافی مبشرلقمان نے بھی خوشخبری سنائی ہے ، وہ کہتے ہیں کہ اس وقت کالعدم ٹی ایل پی کی قیادت سے حکومتی ٹیم کے مذاکرات جاری ہیں اور امید کی جاسکتی ہے کہ یہ بات چیت مثبت صورت حال اختیارکررہی ہے

مبشرلقمان کہتے ہیں کہ اب توبڑا عرصہ ہی ہوگیا ہے کہ میرے ملک پاک میں کسی نے سکون کا ایک دن دیکھا ہو، ہرروز کوئی نہ کوئی نیا فتنہ جنم لیتا ہے اورسارے ملک کو لپیٹ میں لے لیتا ہے، ان کا کہنا تھا کہ میری طرح ہر پاکستانی خون کے آنسوروتا ہے ،

مبشرلقمان کہتے ہیں کہ ان حالات میں جب پاکستان پراس وقت سخت بین الاقوامی دباو ہے اورافغانستان میں شکست کھانے والے ملک اور ان کا سرکردہ امریکہ پاکستان سے افغانستان کی شکست کا بدلہ لینا چاہتے ہیں ، عین اس وقت پاکستان میں ایسے ہنگاموں کا پھوٹ پڑنا میرے ملک پاک کے لیے اچھا شگون نہیں‌

Be ready some good news may come out of Talks between TLP and Government. It has been decided in principal to release Hafiz Saad Rizvi. Lets see if unlike previous agreements the government does not back out this time. Prayers for a peaceful Pakistan

— Mubasher Lucman (@mubasherlucman) October 23, 2021

سینیئر صحافی مبشرلقمان کہتے ہیں کہ پاکستان کواس وقت ایک عالمی پراکسی کا سامنا ہے، پاکستان کے دشمن یہی چاہتے ہیں کہ ہمارے ذلت آمیز شکست سےدوچار کرنے والا پاکستان بھی امن سے نہ رہے ، ان حالات میں ایسے واقعات کا ہونا اس قوم اور اس ملک کے لیے بہت ہی خطرناک ہے

ان کا یہ بھی کہنا تھا کہ بحیثیت ایک صحافی وہ ٹی ایل پی اور حکومت کے درمیان ہونے والی بدمزگی پرمحتاط رائےاور حالات سے آگاہ کرتے آرہے ہیں لیکن سچی بات یہ ہے کہ انہیں اپنے وطن پاک میں ہونے والی اس بدمزگی اورلڑائی کا شدید صدمہ ہے، ان کا یہ بھی کہنا تھا کہ ویسے تو جتنے بھی تبصرے ، تجزیئے اس حوالے کیئے جائیں وہ ناکافی ہیں لیکن اب بس ہونی چاہیے اورمیرے اس وطن کو امن لوٹا دینا چاہیے

مبشرلقمان کہتے ہیں کہ وہ توہروقت یہی دعا اپنے رب کریم سے کرتے ہیں کہ اے اللہ ٹی ایل پی ہو یا ٹی ٹی پی ،پی ٹی ایم ہو یا پی ڈی ایم سب یہ دشمنیان یہ نفرتیں ختم کرکے اس وطن پررحم کریں اوراس ملک پاک میں امن کی واپسی کے لیے اپنا مثبت کردار ادا کریں

ان کا یہ بھی کہنا تھا کہ اب بس ہوجانی چاہیے ، اب یہ ملک یہ قوم ایسے سانحات وحادثات کی متحمل نہیں ہے ، خدارا اب اس ملک پرترس کھائیے ،اس ملک کے اداروں کوان ذاتی لڑائیوں اورجھگڑوں میں‌ مصروف نہ رکھیں ، ان کے سامنے اورمحاذ ہیں ، اب بس کردیں ،اب ان کواپنے اصل مشن پرفوکس کرنے دیں‌

مبشرلقمان کہتے ہیں کہ جب سے میں نے سنا ہے کہ مذاکرات کامیاب جارہے ہیں میں اللہ کا شکر بھی ادا کررہا ہوں اوردعا بھی کررہا ہوں‌کہ اے میرے رب کریم کل کی صبح اس ملک میں امن وسلامتی کا پیغام لے کرطلوع ہواوریہ قوم آزمائشوں ، فتنوں اورحادثات سے محفوظ رہے

راولپنڈی:ہرنائی: سکیورٹی فورسز کی کارروائی، بی ایل اے کمانڈر سمیت 6 دہشتگرد ہلاک ،اطلاعات کے مطابق سکیورٹی فورسز نے ہرنائی میں کارروائی کرتے ہوئے بی ایل اے کے کمانڈر سمیت 6 دہشتگردوں کو ہلاک کر دیا۔

پاک فوج کے شعبہ تعلقات عامہ (آئی ایس پی آر) کے مطابق دہشتگردوں کی موجودگی کی اطلاع پر سیکیورٹی نے ہرنائی میں آپریشن کیا، آپریشن کے دوران دہشتگردوں نے فرارہونے کی کوشش کے دوران اندھا دھند فائرنگ کی۔

آئی ایس پی آر کے مطابق سکیورٹی فورسز اور دہشتگردوں کے درمیان فائرنگ کے شدید تبادلے میں بی ایل اے کمانڈر طارق عرف ناصر سمیت 6دہشتگردمارگئے۔ آپریشن کے دوران ہتھیار اورگولیاں قبضے میں لے لی گئیں۔

آئی ایس پی آر کے مطابق سیکیورٹی فورسز کے دہشتگردوں کے خاتمے کے لیے آپریشنز جاری رہیں گے، دہشتگردوں کو ملکی امن استحکام کو برباد کرنے نہیں دیں گے، بلوچستان کے عوام کی سماجی اوراقتصادی ترقی کوسبوثاژ کرنے نہیں دیاجائےگا۔

اس سے قبل مستونگ میں سکیورٹی فورسز کی کارروائی کے دوران 9 دہشتگرد ہلاک ہوگئے تھے۔

سی ٹی ڈی ترجمان کے مطابق کارروائی مستونگ کے علاقے روشی میں سکیورٹی اداروں کی خفیہ اطلاع پر کی گئی، آپریشن کے دوران کیمپ میں موجود دہشتگردوں کی جانب سے فائرنگ بھی کی گئی۔ سیکیورٹی فورسز کی جوابی کارروائی میں 9 دہشتگرد مارے گئے۔

ترجمان کے مطابق کیمپ دہشتگردی کی حالیہ مختلف کارروائیوں میں استعمال ہوا، کالعدم تنظیم کے زیر استعمال کیمپ سے اسلحہ و گولہ بارود برآمد ہوا، برآمد شدہ اسلحہ میں 9 کلاشنکوف، بیس کلو گرام دھماکہ خیز مواد، پرائما کارڈ، ڈیٹونیٹر اور آر پی جی راکٹ بمعہ دو گولے شامل ہیں۔

انقرہ :امریکا سمیت 10 یورپی سفیر ترکی سے نکل جائیں:ترک صدرکا یورپ پرجوابی حملہ،اطلاعات کےمطابق ترک صدر رجب طیب ایردوان نے 10 یورپی سفیروں کو ”پرسونا نان گریٹا” یا ناپسندیدہ شخصیت قرار دیتے ہوئے ملک بدر کرنے کے احکامات جاری کر دئیے ہیں۔

ترک صدر رجب طیب اردوان نے زیر حراست سماجی رہنما عثمان کوالا کی حمایت میں مشترکہ بیان جاری کرنے کے بعد امریکا، جرمنی اور دیگر 8 مغربی ممالک کے سفرا کو ملک سے بے دخل کرنے کی دھمکی دی تھی ۔

10 سفرا کی جانب سے پیر کو غیر معمولی مشترکہ بیان جاری کیا گیا جو انہوں نے بڑے پیمانے پر اپنے ترک سوشل میڈیا اکاؤنٹ پر پھیلایا۔ جس میں کہا گیا تھا کہ عثمان کوالا کی مسلسل حراست ترکی پر غلط اثرات مرتب کر رہی ہے۔عثمان کوالا پر 2013 میں حکومت مخالف احتجاج اور 2016 میں ناکام فوجی بغاوت میں ملوث ہونے کے الزامات ہیں۔

مشترکہ بیان میں امریکا، جرمنی، کینیڈا، ڈنمارک، فن لینڈ، فرانس، نیدرلینڈز، نیوزی لینڈ، ناروے اور سوئڈن نے کافالا کیس کے جلد اور انصاف پر مبنی حل کا مطالبہ کیا تھا۔ جس پران ممالک کے سفرا کو منگل کو ترک وزارت خارجہ طلب کیا گیا تھا۔عثمان کوالاکو 2020 میں غازی احتجاج کے الزامات سے بری کردیا گیا تھا لیکن انہیں گھر پہنچنے سے قبل ہی دوبارہ 2016 کی فوجی بغاوت میں ملوث ہونے کے الزام میں گرفتار کرلیا گیا تھا۔

یادرہے انسانی حقوق کے نگراں یورپ کونسل نے ترکی کو حتمی انتباہ جاری کررکھا ہے کہ عثمان کے ٹرائل میں 2019 یورپی انسانی حقوق عدالت کے حکم کے مطابق عمل کیا جائے۔اگر ترکی حکم کی تکمیل میں ناکام ہوجاتا ہے تو 30 نومبر سے 2 دسمبر تک اسٹراسبرگ میں ہونے والے اجلاس میں انقرہ کے خلاف تادیبی کارروائی کے لیے ووٹ دیا جاسکتا ہے۔اس کارروائی کے نتیجے میں کونسل میں ترکی کا ووٹنگ کا حق اور رکنیت معطل ہوسکی ہے۔

راولپنڈی:پاکستان اور مراکش کی مشترکہ مشقیں اختتام پذیر ہوگئیں۔ مشقوں میں دونوں ممالک کی اسپیشل فورسز نے مختلف ڈرلز میں حصہ لیا۔ ٹریننگ کا مقصد انسداد دہشت گردی کے حوالے سے باہمی تجربات شیئر کرنا تھا۔

آئی ایس پی آر کے مطابق پاکستان اور مراکش کی دو طرفہ مشترکہ مشقوں کی اختتامی تقریب کا انعقاد کیا گیا۔ تقریب نیشنل انسداد دہشتگردی مرکز پبی میں منعقد ہوئی۔

آئی ایس پی آر کے مطابق مشقوں کے دوران پاکستان اور مراکش کی اسپیشل فورسز نے مختلف ڈرلز میں حصہ لیا۔ انسداد دہشتگردی آپریشنز، کارڈن اینڈ سرچ آپریشن اور کمپاونڈ کلیئرنس کا مظاہرہ کیا گیا۔ کلوز کوارٹر بیٹل، فاسٹ روپنگ، ریپلنگ اور کمبیٹ میڈکس میں بھی حصہ لیا گیا۔

آئی ایس پی آر کے مطابق یہ دونوں ممالک کی پہلی مشترکہ مشقیں تھیں۔ ٹریننگ کا مقصد انسداد دہشت گردی کے حوالے سے باہمی تجربات شیئر کرنا تھا۔ دونوں افواج کے درمیان تعاون بڑھانا اور بہترین پریکٹسز اختیار کرنا تھا۔