Category: صحت

لاہور :منرل واٹر کے نام پر فراڈ جاری ، پانی پینے کے قابل ہی نہیں بلکہ اس سے مزید بیماریاں پھیل رہی ہیں‌، منرل واٹر کے نام پر ناقص پانی بیچنے والوں کی حقیقت سامنے آگئی ،اطلاعات کے مطابق پنجاب فوڈ اتھارٹی نے بڑی منرل واٹر کمپنیوں کا پانی مضر صحت قرار دے دیا

پنجاب فوڈ اتھارٹی ذرائع کے مطابق غیر معیاری پانی، پنجاب فوڈ اتھارٹی نے 4 بڑی منرل واٹر کمپنیوں کا پانی مضر صحت قرار دے دیا۔ ایوائن نیچرل واٹر، مری سپارکلیٹس پریمیئم ، داسانی اور سپرنگلے نیچرل واٹر کے نمونے فیل قرار دے دیئے گئے۔

تفصیلات کے مطابق پنجاب فوڈ اتھارٹی نے واٹر سیمپلنگ مہم کے دوسرے مرحلے میں فلٹریشن پلانٹس کے بعد بڑے برانڈز کے پانی کا تجزیہ مکمل کرلیا، فوڈ اتھارٹی ٹیموں نے 11 کمپنیوں کے مختلف برانڈز کے سیملز لیے اور معیار میں کمی، غلط لیبلنگ پر 4 برانڈز فیل قرار دے دیئے ہیں۔

ڈی جی فوڈ اتھارٹی کے مطابق داسانی کے پانی میں تلچھٹ اور گندگی پائی گئی، ایوائن نیچرل اور سپرنگلے کے پانی میں ٹی ڈی ایس کا لیول کم پایا گیا، مری سپارکل لٹ پانی لیبل رول 8 (2) اور بیج نمبر درج نہ ہونے پر فیل قرار پایا۔ فیل ہونے والے سیمپلز کی پروڈکشن تا دم اصلاح بند کر دی گئی ہے، تصحیح کرنے والے پلانٹس کے دوبارہ سیمپل لے کر تجزیے کے لیے لیبارٹری بھجوائے جائیں گے، ڈی جی فوڈ اتھارٹی کے مطابق اصلاح کا عمل مکمل اور دوبارہ سیمپل پاس ہونے تک فیل شدہ برانڈزکو سپلائی کی اجازت نہیں ہو گی۔

پنجاب فوڈ اتھارٹی کے ذرائع کے مطابق شہریوں کی سہولت کے لیے پاس اور فیل ہونے والے برانڈز کی مکمل فہرست پنجاب فوڈ اتھارٹی ویب سائٹ پر اپ لوڈ کر دی گئی ہے، تمام قسم کے پانی کا سال میں 4 دفعہ تجزیہ کر کے نتائج جاری کیے جائیں گے۔

نیویارک:ملیریا کے خلاف جاری کوششوں کو اس وقت تقویت ملی جب ڈبلیو ایچ او نے دنیا سے ملیریا کے حیاتیاتی طور پر مکمل خاتمے کو ممکن قرار دے دیا ، ادارے کے مطابق اس مقصد کے لیے سیاسی ارادے ، فنڈز اور نئے ٹولز کو بروئے کار لانے کی ضرورت ہے۔

امریکہ میں ہونے والی ایک کانفرنس مٰں ڈبلیو ایچ او نے ملیریا کے حوالے سے 3 سالہ سروے رپورٹ کے نتائج کی لانچنگ کی . اس کانفرنس میں‌ ماہرین کا کہنا تھا کہ کہ دنیا سے مچھر کے کاٹنے سے پھلینے والی بیماری کا خاتمہ ممکن ہے تاہم اس مد میں آنے والا خرچہ اور حتمی تاریخ کے بارے میں کچھ کہنا قبل از وقت ہے۔

عالمی ادارہ صحت کے سروے کے مطابق 2017 میں دنیا بھر میں 219 ملین لوگ ملیریا کی بیماری کا شکار رہے اور 43,000 ہلاکتیں ہوئیں۔ڈبلیو ایچ او کے مطابق ہلاک ہونے والوں میں زیادہ تر افراد بشمول چھوٹے اور بڑے بچوں کا تعلق افریقہ کے غریب ترین علاقوں سے تھا۔عالمی ادارہ صحت کے مطابق بہت سارے ممالک ایسے ہیں جہاں سال میں 1,000 سے کم ملیریا کی کیسز رپورٹ ہوئے۔

ڈبلیو ایچ او کے مطابق ملیریا سے زیادہ متاثر ممالک میں یہ بیماری کم ہونے کے بجائے بڑھ رہی ہے جس کے خاتمے کے لیے مشترکہ اور منظم کوششوں کی اشد ضرورت ہے۔یاد رہے کہ پاکستان بھی ان ملکوں میں‌شامل ہیں‌جہاں ملیریا بہت زیادہ نقصان کررہا ہے اور ہر سال اس کی وجہ کئ جانیں چلی جاتی ہیں

لاہور : مون سون بارشوں کے بعد ڈینگی وائرس کی طرف سے ممکنہ حملوں کے خلاف وزیراعلیٰ پنجاب عثمان بزدار نے ڈینگی کےخاتمے کے لیے آپریشن شروع کرنے کا حکم دے دیا ہے . جس کے لیے محکمہ صحت کی طرف سے ٹیمیں‌تشکیل دے دی گئی ہیں.

ذرائع کے مطابق وزیراعلیٰ پنجاب نے صوبے میں‌ڈینگی سے بچاوکے لیے حفاظتی اقدامات کرنے کا حکم صادر کرتے ہوئےکہا ہئے کہ جتنی جلدی ممکن ہو سکے ڈینگی کے خلاف موثر حکمت عملی اپنائی جائے ، وزیراعلیٰ‌نے ہدایت کی کہ اس سلسلے میں سستی کا مظاہرہ نہ کیا جائے اور لوگوں کو ڈینگی سے محفوظ رکھنے کے لیے انسداد ڈینگی کےلیے وضع کردہ پلان پر 100فیصد عملدرآمد یقینی بنایا جائے

لاہور : پاکستان کڈنی اینڈ لیور ٹرانسپلانٹ سنٹر سے 132 لیپ ٹاپ چوری کرلیئے گئے ، پولیس نے تحقیقات کا آغاز کردیا ، اطلاعات کے مطابق ہسپتال کا ملازم توقیر مسیح لیپ ٹاپ چوری میں ملوث ہے جس کے خلاف تھانہ ڈیفنس میں مقدمہ درج کرلیا گیا ہے.

ذرائع کے مطابق لاہور پولیس کو اطلاع ملی تھی کہ پاکستان کڈنی اینڈ لیور ٹرانسپلانٹ سنٹر سے 132 لیپ ٹاپ چوری کرلیئے گئے جس پر پولیس نے تفتیش کرتے ہوئے ہسپتال کے ملازمین سے پوچھ گچھ شروع کی تو پتہ چلا کہ ملازم توقیر مسیح نے یہ لیپ ٹاپ چوری کیے ہیں ، پولیس نے ملازم توقیر مسیح کے خلاف مقدمہ درج کرکے تحقیقات کا سلسلہ وسیع کردیا ہے

تہران:طب کی دنیا میں ایک اور انقلاب ، ایک گولی سے تین خطرناک بیماریوں کا علاج نے ہارٹ اٹیک ، بلڈ پریشر اور فالج کے مریضوں میں‌ امید پیدا کردی ، مریض بھی خوش ہوگئے ، تفصیلات کے مطابق یہ صرف ایک گولی ہے لیکن اس میں بیک وقت چار دوائیں شامل ہیں جن کی بناء پر اسے دل کی خرابی، ہارٹ اٹیک اور فالج سے بچاؤ کےلیے استعمال کیا جاسکتا ہے۔ ان میں سے ایک تو اسپرین ہے جو خون کو پتلا کرتی ہے؛ دوسری کولیسٹرول کم کرنے والی ’’اسٹیٹن‘‘ قسم کی دوا ہے؛ جبکہ فشارِ خون (بلڈ پریشر) کم کرنے کےلیے مزید دو دوائیں بھی اس ایک گولی میں شامل کی گئی ہیں۔

مشہور طبّی جریدے ’’دی لینسٹ‘‘ کے مطابق یہ گولی جسے ’’پولی پِل‘‘ (polypill) بھی کہا جارہا ہے، پانچ سالہ تحقیقی طویل مطالعے میں لگ بھگ ایک تہائی مریضوں کےلیے مفید پائی گئی ہے۔ اس تحقیق کی تفصیلات مشہور طبّی جریدے ’’دی لینسٹ‘‘ کے تازہ شمارے میں شائع ہوئی ہیں جن سے پتا چلتا ہے کہ اسے ایران کے 100 مختلف قصبوں میں 3,400 ایسے افراد پر پانچ سال تک آزمایا گیا جن کی عمریں 50 سے 75 سال کے درمیان تھیں۔ اس تحقیقی مطالعے میں ایران کے علاوہ فرانس، برطانیہ اور امریکا کے طبی ماہرین نے بھی حصہ لیا۔

مشہور طبّی جریدے ’’دی لینسٹ‘‘ کے مطابق دوران تحقیق مذکورہ ایرانی قصبوں کا انتخاب خاص طور پر اس وجہ سے کیا گیا کیونکہ وہاں امراضِ قلب کی شرح، ایران کے دیگر علاقوں کی نسبت زیادہ تھی۔ مطالعے کے شرکاء کی مجموعی تعداد 6,800 تھی، جن میں سے باقی 3,400 افراد کو پولی پِل کے نام پر ایک بے ضرر گولی کھلائی گئی ، اس گولی کے کھلانے کے بعد مریضوں کا بار بار طبی معائنہ بھی کیا جاتا رہا ،

طبی ماہرین کا کہنا ہے کہ اس دوران ان میں سے تقریباً 35 فیصد افراد کو اس گولی سے واضح طور پر فائدہ پہنچا اور ان میں دل کے دورے سے لے کر فالج تک کے خطرات نمایاں طور پر کم ہوئے۔ علاوہ ازیں، وہ افراد جنہوں نے ڈاکٹر کی ہدایت پر سختی سے عمل کرتے ہوئے یہ گولی استعمال کی تھی، ان میں خطرات کم ہونے کی شرح 50 فیصد سے بھی زیادہ نوٹ کی گئی۔

پاکستانیوں کے حوالے سےاس کے لیے خبر یہ ہے کہ سب سے اہم بات اس گولی کی قیمت ہے جو پاکستانی روپوں میں 3 روپے سے 5 روپے بنتی ہے۔ اس ادارے سے وابستہ ماہرین کا کہنا ہے کہ یہی امید کی جارہی ہے کہ اب اس گولی کے استعمال کو عالمی سطح پر متعارف کروانے کے لیے عالمی ادرہ صحت جیسے اہم دیگر ادارے اقدامات کریں‌گے ۔

لاہور : وزیراعظم عمران خان کی طرف سے ہیلتھ کارڈ کی سہولت کا دائرہ وسیع کرتے ہوئے پنجاب کے سرکاری ملازمین کو بھی اس میں شامل کرنے کا حکم جاری کیا گیا ہے . صحت کارڈ سے ملازمین ہسپتالوں میں تقریباً سوا 7لاکھ روپے تک علاج کی سہولت حاصل کرسکیں گے۔

وزیراعلیٰ عثمان بزدار کی خصوصی ہدایت پر حکومت کا سرکاری ملازمین کو صحت انصاف کارڈ جاری کرنے کا فیصلہ کیا گیا ہے۔ اس سلسلے میں وزیراعلیٰ نے سرکاری ملازمین کو صحت انصاف کارڈ کا اجراء جلد یقینی بنانے کے لئے ہدایات جاری کر دیں ہیں۔ وزیراعلیٰ پنجاب نے کہا ہے کہ سرکاری ملازمین کو صحت انصاف کارڈ فراہم کرنے کے لئے ضروری اقدامات کئے جائیں۔

ذرائع کے مطابق وزیراعلیٰ‌ نے کارڈ کے اجراء کے لئے متعلقہ امور جلد طے کرنے کی ہدایت کی ہے۔ صحت انصاف کارڈ کی فراہمی سے سرکاری ملازمین کو علاج معالجہ کی سہولت ملے گی۔ سرکاری ملازمین ہسپتالوں میں تقریباً سوا 7 لاکھ روپے تک علاج کی سہولت حاصل کرسکیں گے، اس حد کو ضرورت پڑنے پر بڑھایا بھی جا سکتا ہے۔

لاہور : جڑی بوٹیاں آج بھی وہی خاصیت رکھتی ہیں جو یونانی حکما کے دور میں تھیں ، بس مسئلہ یہ درپیش ہے کہ کوئی ان کی ساخت اور شناخت کا پورا علم نہیں رکھتا . دنیا میں آج موٹاپے کی بیماری جس طرح پھیل رہی ہے ، اس کے لیے بڑے بڑے علاج متعارف کرائے گئے ہیں لیکن جو علاج دیسی جڑی بوٹیوں میں پایا گیا ہے وہ کہیں دوسری جگہ نہیں ملتا ، حکیموں کےمطابق پالک موٹاپے کے خاتمے کے لیے اکسیر ہے

طبی ماہرین کے مطابق معلوم ہوا ہے کہ ہرے پتوں والی سبزیوں میں سے پالک ایک ایسی سبزی ہے جو بڑھتے ہوئے وزن کو گھٹاتی ہے۔ یہ ناقابل تحلیل ریشہ سے مالا مال ہوتی ہے جو وزن کم کرنے میں مدد کرتا ہے۔وزن کم کرنے کے لیے ضروری ہے کہ ہم اپنی غذا میں کیلوریز کا استعمال کم کریں

ماہرین طب نے دعویٰ کیا ہے کہ پالک ایک ایسی سبزی ہے جس میں انتہائی کم مقدار میں کیلوریز پائی جاتی ہیں۔ وزن کم کرنے کے عمل میں صرف ایک کپ پالک ہمیں اپنی روزانہ کی غذا میں شامل کرنی ہوتی ہے اور ایک کپ پالک میں صرف 7 کیلوریز ہوتی ہیں۔ اس کے علاوہ پالک میں فائبر بھی موجود ہوتے ہیں جو کیلوریز کو کنٹرول میں رکھتے ہیں۔

لندن :بلڈ پریشر کے معاملے پر محتاط رہیں ، طبی ماہرین نے 30 سے 40 برس کی عمر کے افراد میں ہائی بلڈ پریشر کو دماغی صحت کے لیے انتہائی خطرناک قرار دے دیا ہے ۔اس تحقیق کے سربراہ یونیورسٹی کالج لندن کے کوین سکوائر انسٹیٹیوٹ آف نیورولجی کے پروفیسر جوناتھن سکاٹ ہیں۔

برطانوی محقیقین کی تازہ تحقیق کے مطابق 35 برس کی عمر کو پہنچنے کے بعد لوگوں کو چاہیے کہ وہ اپنے بلڈ پریشر پر نظر رکھیں کیونکہ یہ بعد کی زندگی میں دماغی صحت کے لیے بہت ضروری ہے ، دماغی صحت کو محفوظ رکھنے کے لیے امید کی کرن 30 کے وسط سے شروع ہوتی ہے اور 50 کے اوائل تک چلتی ہے۔

کوین سکوائر انسٹیٹیوٹ آف نیورولجی کے پروفیسر جوناتھن سکاٹ کا کہنا ہے کہ 1946 میں پیدا ہونے والے 500 افراد پر کی گئی ایک تحقیق میں دیکھا گیا ہے کہ زندگی کے وسطی سالوں میں زیادہ بلڈ پریشر کی وجہ سے بعد میں خون کی شریانوں کو نقصان پہنچتا ہے اور دماغ سکڑ جاتا ہے۔

کوین سکوائر انسٹیٹیوٹ آف نیورولجی کے پروفیسر جوناتھن سکاٹ مزید کہتے ہیں‌کہ43 اور 53 سال کی عمر کے درمیان زیادہ بلڈ پریشر کا تعلق بھی 70 سال کی عمر میں پہنچنے کے بعد لوگوں کی خون کی شریانوں کو نقصان پہنچنے اور ’منی سٹروک‘ سے دیکھا گیا ہے ,

اس تحقیق کے سربراہ یونیورسٹی کالج لندن کے کوین سکوائر انسٹیٹیوٹ آف نیورولجی کے پروفیسر جوناتھن کہتے ہیں کہ ہماری 30 کی عمر میں ہونے والے بلڈ پریشر کے چار دہائیاں بعد بھی دماغ صحت پر برے اثرات نظر آتے ہیں۔ عمر کے بعد کے حصوں میں دماغی صحت کو بہتر بنانے کے لیے مانیٹرنگ اور علاج کا اصل ہدف مِڈ لائف ہی ہونی چاہئے۔