حافظ آباد(نمائندہ باغی ٹی وی)محکمہ اسپورٹس پنجاب اور ضلعی انتظامیہ کے زیر اہتمام ڈپٹی کمشنر سپورٹس گالا کے سلسلہ میں مختلف کھیلوں کے مقابلے شروع ہو گئے۔اسسٹنٹ کمشنر عباس ذوالقرنین،پی ٹی آئی کے رہنماء چودھری سکندر نواز بھٹی،ڈسٹرکٹ سپورٹس آفیسر ماجد حسین نے سپورٹس گالا کا افتتاح کیا۔صدر بیڈ منٹن ایسوسی ایشن ملک حامد رضا،سیکرٹری محمد سرور سمیت ایسوسی ایشن کے رہنماؤں،کھلاڑیوں اور شائقین کی بڑی تعداد نے سپورٹس جمنازیم میں بیڈ منٹن مقابلے دیکھے۔افتتاحی تقریب سے خطاب کرتے ہوئے اسسٹنٹ کمشنر عباس ذوالقرنین اور چودھری سکندر نواز بھٹی کا کہنا تھا کہ کھیلوں کے مقابلوں کے انعقاد کا مقصد مقامی کھلاڑیوں کی حوصلہ افزائی کے ساتھ ساتھ شہریوں کو مثبت اور تفریحی سہولیات فراہم کرنا ہے۔انکا کہنا تھا کہ ڈپٹی کمشنر حافظ آباد نوید شہزاد مرزا کی سر پرستی میں نوجوان کھلاڑیوں کے کھیلوں کے مواقع فراہم کیے جاتے رہینگے تاکہ ان کھلاڑیوں کی حوصلہ افزائی اور انہیں ملکی اور بین الاقوامی سطح پر اپنے جوہر دیکھانے کا موقعہ ملتا رہے۔ڈسٹرکٹ آفیسر سپورٹس ماجد حسین کا کہنا تھا کہ حکومت پنجاب اور محکمہ سپورٹس کی جانب سے ڈپٹی کمشنر سپورٹس گالا میں بیڈ منٹن،ہاکی،فٹبال سمیت دیگر کھیلوں کے مقابلوں کا انعقاد کیا جا رہا ہے جس میں ضلع بھر سے کھلاڑی شرکت کر رہے ہیں اور ان کھلاڑیوں کی بھر پور حوصلہ افزائی بھی کی جا رہی ہے۔
Category: صحت
فیصل آباد، مختلف میڈیکل سٹورز اور عطائی ڈاکٹرز کیخلاف کیسز ٹرائل کیلئے ڈرگ کورٹ بھجوانے کا فیصلہ
فیصل آباد( نمائندہ باغی ٹی وی)ڈسٹرکٹ کوالٹی کنٹرول بورڈ نے ڈرگ ایکٹ کی مختلف خلاف ورزیوں کی پاداش میں 15میڈیکل سٹورز کے مالکان اور عطائی ڈاکٹرز کے خلاف کیسز ٹرائل کے لئے ڈرگ کورٹ بھجوانے کا فیصلہ کیا ہے اور سنگین خلاف ورزی کے مرتکب نوید فارمیسی سمندری کے پروپرائٹرنوید علی کے خلاف مقدمہ درج،دستاویزات کی تصدیق کے سلسلے میں 5میڈیکل سٹور/کلینک کے کیسز موخر اور 5کوارننگ دی گئی۔ایڈیشنل ڈپٹی کمشنر(جنرل)میاں آفتاب احمد کی زیر صدارت منعقد ہونے والے ڈسٹرکٹ کوالٹی کنٹرول بورڈ کے اجلاس میں مجموعی طور پر 26میڈیکل سٹورز/کلینکس کی خلاف ورزیوں کا جائزہ لیا گیا جن کے خلاف ڈرگ انسپکٹرز کی طرف سے انسپکشن رپورٹس تیار کی گئی تھیں۔سی ای او ہیلتھ ڈاکٹر مشتاق سپرا،سیکرٹری بورڈ عارف شہزاد،ڈپٹی پبلک پراسیکیوٹر سجیلہ نذیر،غلام سرور،ڈرگ انسپکٹرز محسن اصغر،خالد مصطفی،محمدذیشان اور پنجاب پولیس کے نمائندہ آفیسر بھی موجود تھے۔صدراجلاس نے ڈرگ ایکٹ کی خلاف ورزیوں کے مرتکب میڈیکل سٹورز/کلینکس کے خلاف انسپکشن رپورٹس کاجائزہ لیتے ہوئے ڈرگ انسپکٹرز سے کہا کہ جعلی وغیر معیاری ادویات فروخت وتیار کرنے والوں کے خلاف ٹھوس کیسز تیار کرکے ڈرگ کورٹ میں موثر پیروی کریں تاکہ انسانی جانوں سے کھیلنے والوں کو کیفرکردار تک پہنچا کر اس قبیح فعل کا قلع قمع کیاجاسکے۔انہوں نے ہدایت کی کہ مکمل نگرانی کرتے ہوئے نشہ آور ادویات کی فروخت میں ملوث میڈیکل سٹورز کے خلاف کارروائی میں تاخیر نہ کریں۔انہوں نے سیل کئے گئے میڈیکل سٹورز وکلینکس کی چیکنگ کرنے کی بھی تاکید کی۔
فیصل آباد میں انسداد ڈینگی مہم بھرپور انداز میں جاری ہے
ڈپٹی کمشنر فیصل آباد سردار سیف اللہ ڈوگرکی ہدایت پر ضلع بھرمیں انسداد ڈینگی مہم بھرپورانداز میں جاری ہے اور اینٹی ڈینگی ٹیمیں باقاعدگی سے مختلف مقامات پر سرویلنس کرکے ڈینگی کے ذرائع کا خاتمہ کررہے ہیں۔ڈسٹرکٹ ہیلتھ آفیسر ڈاکٹر عدنان محمود کی زیرنگرانی ٹیموں نے ان ڈور اورآؤٹ ڈور سرویلنس کے علاوہ ڈینگی لاروا کی افزائش کے ممکنہ مقامات کی کیمیکل ٹریٹمنٹ کی اور ذرائع کاصفایا کیا گیا۔انہوں نے مختلف جگہوں پر کھڑے پانی سے سیمپلز بھی حاصل کئے جبکہ کباڑخانوں،ٹائر شاپس اور پودوں کی نرسریوں کا دورہ کرکے دکانداروں کو صفائی ستھرائی برقرار رکھنے کے حوالے سے ضروری ہدایات جاری کیں۔ڈاکٹر عدنان محمود نے کہا کہ بارشوں اور درجہ حرارت کے باعث ڈینگی لاروا کی افزائش کے خطرات موجود ہیں لہذا شہری گھروں میں کسی جگہ پانی کھڑا نہ رہنے دیں اور فالتو سامان کو ٹھکانے لگانے کے ساتھ ساتھ صفائی کویقینی بنائیں تاکہ ڈینگی کو افزائش کا موقع نہ ملے۔
ہلال احمر جیسے فلاحی ادارے میں گوسٹ بھرتیوں اور کرپشن کا انکشاف
سرگودہا(نمائندہ باغی ٹی وی)سرگودہا این اے 90 شہر سے پی ٹی آئی کی شکست خوردہ امیدوار ڈاکٹر نادیہ کو اور کچھ نہ ملا تو حکومتی سفارش سے ہلال احمر کی سیکرٹری بن گیئں اس ادارے کا چئیر مین متعلقہ ضلع کا ڈی سی او ہوتا ہے جبکہ سرگودہا میں اس ادارے کی چئیرمین ڈی سی سرگودہا سلوت سعید ہیں ڈاکٹر نادیہ عزیز نے اپنے ڈیرے کے تمام ملازمین ہلال احمر میں بھرتی کر رکھے ہیں اس کے علاوہ اپنے قرابت داروں کو نوازنے کیلیے گوسٹ ملازمین بھرتی کیے ہیں جو کام نہیں کرتے اور تنخواہیں ادارے سے لے کر بوجھ ہیں ہلال احمر کی شہر میں تین ڈسپنسریاں بھی موجود ہیں جن میں ادویات کی خریداری بھی ڈاکٹر نادیہ عزیز کرتی ہیں ادویات کے بل مہنگی کمپنیز کے بنا کر سستی ادویات خریدی جاتی ہیں اور آڈٹ میں ادارے پر لاکھوں کا بوجھ ڈالا جاتا ہے کمال کی بات یہ ہے کہ ڈاکٹر نادیہ عزیز اپنے پبلک سیکریٹیریٹ اور ملازمین کا خرچہ اس ادارے سے چلا رہی ہیں ڈی سی سرگودہا کو بارہا شکایت کرنے پر بھی کوئی کاروائی عمل میں نہیں لائی گئی خلقے کے لوگوں نے وزیر اعلی پنجاب سے نوٹس لینے کا مطالبہ کر دیا
گوگل میپس استعمال سے کس بیماری کا اندیشہ اہم رپورت آگئی
جدید سائنسی تحقیق کے مطابق گوگل میپس اور اس سے ملتی جلتی دیگر ایپل کیشنز استعمال کرنے والوں میں الزائمرز جیسی خطرناک بیماریوں کے پیدا ہونے کے خطرات دیگر کے مقابلے میں بڑھ جاتے ہیں۔
تفصیلات کے مطابق ایک آن لائن میگزین نے اپنی تحقیق میں سائنسدانوں کے حوالے سے بتایا ہے کہ ڈیوائسز پر زیادہ تر انحصار کرنے والوں کا انحصار حقیقی دنیا پر چونکہ نہیں رہتا ہے اس لیے ان کی ذہنی و جسمانی صحت پر انتہائی منفی اثرات مرتب ہوتے ہیں۔انہی منفی اثرات میں سے ایک الزائمر بھی ہے ۔اس ضمن میں تحقیق کرنے والی ٹیم کے سربراہ اور نیوی گیشن کے ماہر ڈیوڈ بیری کا کہنا ہے کہ ہزاروں سالوں میں ارتقائی عمل سے گزر کر انسان نے اپنے اندر اردگرد کے ماحول سے تعلق کی ایک تیز حس پیدا کی ہے لیکن جب لوگ گوگل میپس یا اس جیسی دیگر ایپلی کیشنز استعمال کرتے ہیں تو وہ آس پاس کے ماحول سے قطعی لاتعلق ہو جاتے ہیں۔
ڈیوڈ بیری کے مطابق اسی لاتعلقی اور بیگانگی کے نتیجے میں وہ حس متاثر ہوتی ہے اور نتیجتا انسان کے اعصابی نظام کو سخت نقصان پہنچتا ہے ۔ اسی پہنچنے والے نقصان کے سبب لوگ الزائمرجیسے مرض کا نشانہ بن جاتے ہیں۔ گوگل میپس سمیت دیگر ایپلی کیشنز کے استعمال کی وجہ سے انسان اپنے دماغ کو اس عمل سے دور کررہا ہوتا ہے جو لوگوں، جگہوں اور اشیا کے ناموں کو یاد رکھتا ہے ۔اس عادت کے نتیجے میں انسانی دماغ کا ہیپوکیمپس نامی حصہ زیادہ متاثر ہوتا ہے جس کا براہ راست تعلق یاد داشت سے ہے ۔
پودینہ صحت اور جلد کے لیے کتنا مفید جاینے ا س رپورٹ میں
پودینے کے بے شمار فوائد جو کہ معدے جلد سمیت کئ جسمانی اعضا کےلیے مفید
باغی ٹی وی رپورٹ کے مطابق پودینہ بظاہر ایک معمولی نظر آنے والی سبزی ہے جس کے بے شمار طبی فوائد ہیں، یہ نہ صرف ایشیا بلکہ پوری دنیا میں اپنی افادیت کی بناء پر استعمال کیا جاتا ہے۔
پودینہ اپنی منفرد خوشبو اور ذائقے کی بدولت دنیا کے سب ممالک میں مقبول ہے، جسے کھانے کو خوش ذائقہ بنانے کے لئے مختلف طریقوں سے استعمال کیا جاتا ہے۔ پودینے کی چٹنی نہ صرف کھانے میں لذیذ ہوتی ہے بلکہ یہ بھوک بڑھانے میں مدد دیتی ہے، بھوک کی کمی کے شکار افراد کو چاہیے کہ وہ کھانے کے وقت مولی، امرود یا سیب کاٹ کر اس میں پودینے کے پتے اور لیمن کا جوس ڈال کر استعمال کریں۔
پودینے کا قہوہ پیٹ درد، گیس، متلی اور نظام انہظا م کو تندرست رکھنے کے لئے مفید ہے، اس کے علاوہ پودینہ ایک بہترین کلینزر ہے، اس کا لیپ بنا کر چہرے پر لگانے سے جلد کے داغ دھبے دور ہوتے ہیں۔
گورنمنٹ چلڈرن ہسپتال فیصل آباد کو موبائل ایکسرے مشین کا عطیہ فراہم کردیا گیا
گورنمنٹ چلڈرن ہسپتال فیصل آباد کو موبائل ایکسرے مشین کا عطیہ فراہم کردیا گیا ہے جس سے مریض بچوں کے بیڈپر جا کر ایکسرے کرنے کی سہولیات دستیاب ہوں گی۔یہ عطیہ پیشنٹ ویلفیئر ایسوسی ایشن کی طرف سے میڈیکل سپرنٹنڈنٹ ڈاکٹر حبیب بٹر کے حوالے کیا گیا۔اس موقع پر سابق صدر فیصل آباد چیمبر آف کامرس چوہدری نواز،صدر پیشنٹ ویلفیئر ایسوسی ایشن چوہدری سرفراز احمد،ایسوسی ایشن کے دیگر عہدیداران کے علاوہ ڈاکٹر افتخار احمد اوٹھی،ریڈیالوجسٹ ڈاکٹر اسماء،اے ایم ایس ڈاکٹر عابد،ڈی ایم ایس ڈاکٹر آصف،ڈاکٹر فاطمہ ودیگر ڈاکٹر بھی موجودتھے۔میڈیکل سپرنٹنڈنٹ ڈاکٹر حبیب بٹر نے عطیہ فراہم کرنے پر پیشنٹ ویلفیئر ایسوسی ایشن کا شکریہ ادا کرتے ہوئے کہا کہ ہسپتال کے لئے موبائل ایکسرے مشین ناگزیر تھی کیونکہ نرسری سے بچے کو ایکسرے کے لئے شفٹ کرنے سے چراثیم سے متاثر ہونے کا خطرہ رہتا ہے لہذااس مشین سے اب بچے کے بیڈ پر جا کر ایکسرے ممکن ہوسکے گا۔انہوں نے بتایا کہ چلڈرن ہسپتال کو جدید ترین مشینری اور طبی سہولیات سے آراستہ کیا گیا ہے اور بچوں کی مختلف پیچیدہ بیماریوں کی سہولیات میسر ہیں یہی وجہ ہے کہ فیصل آباد کے علاوہ سرگودھا اوردیگر اضلاع سے بھی مریض بچوں کے علاج کے لئے رجوع کیا جاتا ہے۔صدر پیشنٹ ویلفیئر ایسوسی ایشن چوہدری سرفراز احمد نے اس عزم کا اظہار کیا کہ مریضوں کی فلاح وبہبود اور ہسپتال کی ترقی کے لئے فلاحی خدمات جاری رکھی جائیں گی۔
الہ آباد میں 5 ماہ کی حاملہ خاتون اور اس کی والدہ پر خاوند کا تشدد
قصور ، الہ آباد:-
الہ آباد میں وارڈ نمبر 6 کی رہائشی خاتون نزیراں بی بی کو اس کے شوہر شاہد نے اپنے دوست اسلم کے ہمراہ تشدد کرکے زخمی کر دیا تھا۔
باغی ٹی وی کی رپورٹ کے مطابق نزیراں بی بی اور اس کی والدہ گھر میں موجود تھیں تو شاہد نشے میں دھت تھا ۔ گھر میں آتے ہی گالیاں دینے لگ گیا۔ منع کرنے پر نزیراں بی بی اور اس کی والدہ پر تشدد کیا اور دونوں کے سر پھاڑ دیے ۔
خون میں لت پت دونوں ماں بیٹی ہسپتال سے تشدد کی رپورٹ لے کر مقدمہ درج کروانے کے لیے تھانہ الہ آباد میں گئیں لیکن 10 روز گزرنے کے باوجود ابھی تک مقدمہ درج نہیں کیا گیا۔
میڈیکل رپورٹ کے مطابق نزیراں بی بی کے سر میں 10 ٹانکے اور اس کی والدہ کے سر میں 12 ٹانکے لگائے گئے ہیں اور جسم پر ڈنڈوں اور تشدد کے نشانات موجود ہیں۔
یاد رہے کہ نزیراں بی بی 5 ماہ کی حاملہ ہے اور تھانے کے چکر لگا کر تنگ آ کر سوشل میڈیا ویب سائٹ پر ویڈیو اپ لوڈ کرکے ڈی پی او قصور سے دادرسی کی اپیل کی ہے۔حکومت پنجاب کا شعبہ صحت کی ترقی و استحکام کے لئے 308 ارب روپے کا بجٹ
فیصل آباد، صوبائی وزیر صحت ڈاکٹر یاسمین راشد نے کہاہے کہ حکومت پنجاب نے شعبہ صحت کی ترقی و استحکام کے لئے آئندہ مالی سال میں 308،ارب روپے کا تاریخ ساز بجٹ مختص کیا ہے جو گزشتہ حکومت کے ہیلتھ بجٹ سے 8.4فیصدزیادہ ہے اورصوبہ بھر کے مختلف اضلاع میں 9نئے ہسپتالوں کے قیام کے علاوہ موجودہ ہسپتالوں کی اپ گریڈیشن کے منصوبے مکمل کئے جائیں گے اس مالی سال میں صوبہ کے سرکاری ہسپتالوں میں اڑھائی ہزار بیڈز کا اضافہ ہوگا۔انہوں نے یہ بات دورہ فیصل آباد کے دوران فیصل آباد میڈیکل یونیورسٹی کے سینڈیکیٹ کے اجلاس کے بعد میڈیا نمائندگان سے گفتگو کرتے ہوئے کہی۔وائس چانسلر فیصل آباد میڈیکل یونیورسٹی ڈاکٹر ظفر علی چوہدری،ایم پی اے عادل پرویز گجر،ایڈیشنل ڈپٹی کمشنر فنانس عاصمہ اعجاز چیمہ،میڈیکل سپرنٹنڈنٹس الائیڈ،ڈسٹرکٹ ہیڈ کوارٹرزوگورنمنٹ جنرل ہسپتال غلام محمد آبادڈاکٹر خرم الطاف،ڈاکٹر خالد فخر،ڈاکٹر عامر،ڈاکٹر احمد بلال اوردیگر بھی موجود تھے۔صوبائی وزیر صحت نے کہا کہ شعبہ صحت کی ترقی اور مریضوں کو جدید طبی سہولیات کی دہلیز پر فراہمی موجودہ حکومت کی ترجیحات میں سر فہرست ہے اسی مقصد کے لئے بجٹ میں خاطر خواہ فنڈز رکھے گئے ہیں۔انہوں نے بتایا کہ جدید سہولتوں سے آراستہ نئے ہسپتال لیہ،میانوالی،رحیم یار خاں،بہاولپور،ڈیری غازی خاں،ملتان،راولپنڈی اورلاہور میں بنائے جائیں گے۔انہوں نے بتایا کہ رواں مالی سال میں 2،ارب روپے ہیلتھ کارڈکے اجراء کے لئے مختص کئے گئے ہیں اور اس سال پنجاب کے 36،اضلاع میں 72لاکھ ہیلتھ کارڈ جاری کئے جائیں گے جس کی بدولت 3سے 4کروڑ لوگ علاج معالجہ کی سہولتوں سے مستفید ہونگے اوردوسرے شہروں سے علاج کے لئے آنے والے مریضوں کو ایک ہزارروپے کرایہ بھی دیا جائے گا۔صوبائی وزیر صحت نے کہا کہ صوبائی ہیڈ کوارٹرز پر پیڈیاٹرک اینڈ چائلڈہیلتھ یونیورسٹی بھی بنائی جارہی ہے جس کا مقصد بچوں کی شرح اموات پر تحقیق کرنا ہے۔انہوں نے کہا کہ صوبہ بھر میں 2ہزار نئے کنسلٹنٹس کے انٹرویو جاری ہیں جس کی بدولت رورل ایریاز میں کمی دور ہوگی۔انہوں نے میڈیا نمائندگان کے سوالوں کے جواب دیتے ہوئے کہا کہ صوبہ میں ایچ آئی وی ایڈز کا کوئی نیا مریض رپورٹ نہیں ہوا تاہم ٹی بی کے مریضوں کی سکریننگ کے بعد ایچ آئی وی ایڈز ظاہر نے پر 350مریضوں کو ادویات فراہم کی جارہی ہیں اور ہر ضلع میں ایڈز کنٹرول پروگرام کے تحت سنٹر بھی قائم کریں گے۔انہوں نے کہا کہ عطائیت کے خاتمے کے لئے سنجیدہ اقدامات کئے جارہے ہیں اور ہیلتھ کیئر کمشن کا نیا بورڈ تشکیل دیا گیا ہے اور متعلقہ قوانین پر عملدرآمد کراکر اس کا خاتمہ یقینی بنائیں گے۔انہوں نے کہا کہ وطن عزیز کو پولیو فری بنانے کے لئے میڈیا نمائندگان شعور اجاگر کریں اور بچوں کو پولیو سے بچاؤ کی ویکسین ہر بار لازمی پلوانے،کھانا کھانے سے قبل ہاتھ دھونے،ابلا ہوا پانی استعمال کرنے کا پیغام والدین تک پہنچائیں تاکہ مشترکہ کاوشوں سے مطلوبہ نتائج حاصل کئے جاسکیں۔انہوں نے کہا کہ پاکستان تحریک انصاف کی حکومت پنجاب میں سوشل سیکٹر کی ترقی و استحکام پر خصوصی توجہ دے رہی ہے جس میں ہیلتھ اور ایجوکیشن کے شعبوں کی ترقی سرفہرست ہے۔انہوں نے بتایا کہ میڈیکل ویسٹ کو جدید و سائنسی انداز میں ٹھکانے لگانے کے لئے نجی کمپنی کے ساتھ معاہدہ کیا جارہا ہے جس کی بدولت میڈیکل ویسٹ سے بیماریاں پھیلنے کے خدشات دور ہونگے اور ماحولیاتی تحفظ کویقینی بنایا جاسکے۔اس سے قبل صوبائی وزیر صحت ڈاکٹر یاسمین راشدنے سینڈیکیٹ کے اجلاس کی صدارت کی جس میں ارکان صوبائی اسمبلی خیال احمد کاسترو،عادل پرویز گجر،وائس چانسلر پروفیسر ڈاکٹر ظفرعلی چوہدری،رجسٹرارفیصل بلال لودھی،میڈیکل سپرنٹنڈنٹس الائیڈ،ڈی ایچ کیووگورنمنٹ جنرل ہسپتال غلام محمد آبادڈاکٹر خرم الطاف،ڈاکٹر خالد فخر،ڈاکٹر عامر،ڈاکٹر احمد بلال،محکمہ فنانس،پلاننگ اینڈڈویلپمنٹ کے نمائندے،مخیر حضرات سیٹھ افتخار،محمدارشد اچھی ودیگر نے شرکت کی۔اجلاس کے دوران یونیورسٹی کے مختلف مالی،طبی وانتظامی امور کی منظوری دی گئی جس کے تحت میڈیکل مشینری کی خریداری،آپریشن تھیٹرز کی اپ گریڈیشن ودیگر منصوبے شامل ہیں۔صوبائی وزیر صحت نے سینڈیکیٹ کے ارکان سے کہا کہ وہ یونیورسٹی کے زیراہتمام ہسپتالوں کا مختلف اوقات میں ماہانہ وزٹ کرکے انتظامی کمزوریوں کی نشاندہی کریں اور علاج معالجہ کی سہولتوں کی بھی مکمل مانیٹرنگ کرکے تحریری رپورٹ بھجوائی جائے۔انہوں نے سینڈیکیٹ کے ارکان کا واٹس ایپ گروپ تشکیل دینے کی ہدایت کی تاکہ اس ضمن میں متعلقہ سرگرمیوں سے تمام ممبران آگاہ رہیں۔صوبائی وزیر صحت نے ہسپتالوں میں برقی توانائی کے لئے سولر سسٹم کے منصوبوں کے قیام کی پلاننگ کرنے کی تجویز پیش کی تاکہ بجلی کے بھاری مالیت کے بلوں میں کمی آسکے۔
۔۔۔///۔۔۔الائیڈ ہسپتال فیصل آباد میں 3 منزلہ شیلٹر ہوم کی تعمیر کا آغاز کردیا گیا
فیصل آباد، وزیراعظم عمران خان کے ویژن کے مطابق الائیڈ ہسپتال میں ابتدائی طور پر تین منزلہ شیلٹر ہوم تعمیر کیا جارہا ہے جس کی دو منازل پر مریضوں کے لواحقین کے لئے آرام دہ قیام کی سہولیات میسر آئیں گی جبکہ تیسری منزل پر طویل دورانیہ کے قیام کے مریضوں کے علاج معالجہ کا شعبہ قائم ہوگا جس کے لئے الحمرا ویلفیئر ٹرسٹ کا مالی تعاون حاصل ہے۔اس شیلٹر ہوم کا باقاعدہ سنگ بنیاد صوبائی وزیر صحت ڈاکٹر یاسمین راشد نے دورہ فیصل آباد کے دوران کیا۔اس موقع پر وائس چانسلر فیصل آباد میڈیکل یونیورسٹی ڈاکٹر ظفر علی چوہدری،ایڈیشنل ڈپٹی کمشنر فنانس عاصمہ اعجاز چیمہ،ایم پی اے عادل پرویز گجر،الحمراء ویلفیئر ٹرسٹ کے محمد ارشداچھی اوردیگر بھی موجود تھے۔صوبائی وزیر صحت نے کہا کہ پناہ گاہوں (شیلٹر ہومز)کے قیام کے فلاحی منصوبوں سے متعلق ملکی تاریخ میں پہلی بار موجودہ وزیراعظم عمران خان نے سوچا ہے جس کو عملی جامعہ پہنانے کے لئے وسائل یافتہ افراد آگے آرہے ہیں جو کہ ایک عظیم کار خیر ہے۔انہوں نے الائیڈ ہسپتال میں شیلٹر ہوم وطویل دورانیہ کے وارڈ کے قیام کے سلسلے میں خطیر مالی تعاون پر الحمرا ویلفیئر ٹرسٹ کے چیئرمین محمد ارشد اچھی کے جذبہ خدمت کو سراہا اور کہا کہ فیصل آباد کے مخیر حضرات نے فلاحی اقدامات میں ہمیشہ بڑھ چڑھ کر حصہ لیا ہے اور شیلٹر ہوم کے منصوبہ میں معاونت قابل ستائش اقدام ہے۔انہوں نے کہا کہ وزیراعظم عمران خان اور وزیراعلیٰ پنجاب سردار عثمان بزدار کے ویژن کے مطابق صوبہ بھر میں پردیسی افراد کو رات گزارنے کے لئے چھت میسر کرنے کی خاطر پاکستان بھر کے مختلف شہروں میں شیلٹرہومز قائم کئے جارہے ہیں اورالائیڈ ہسپتال میں پناہ گاہ کا قیام بھی اسی سلسلے کی ایک کڑی ہے جس کی بدولت مقامی ودیگر شہروں سے آنے والے مریضوں کے لواحقین ورشتہ داروں کو قیام کرنے کی سہولت میسر آئے گی۔
