شیخوپورہ(نمائندہ باغی ٹی وی)شیخوپورہ میں ڈپٹی کمشنر محمد اصغر جوئیہ کی زیر صدارت آج ڈسٹرکٹ ایمرجنسی رسپانس کمیٹی کا اجلاس منعقد ہوا اجلاس میں ضلع بھر میں ڈینگی کی صورتحال کا جائزہ لیا گیااجلاس میں ایڈیشنل ڈپٹی کمشنر جنرل احسان الحق، سی ای او ہیلتھ ڈاکٹر محمد اشرف سمیت محکمہ صحت کے عملے نے شرکت کی اور ڈپٹی کمشنر کو ضلع میں ڈینگی کی موجودہ صورتحال اور محکمہ صحت کی جانب سے کیے جانے والے انتظامات کے متعلق بریفنگ دی گئی سی ای او ہیلتھ نے ڈپٹی کمشنر کو بریفنگ دیتے ہوئے بتایا کہ ضلع شیخوپورہ میں ڈینگی کا 1 مریض رپورٹ ہوا ہے جبکہ مشتبہ مریضوں کی تعداد 38 ہے جس میں تحصیل فیروز والا کے 15 مریدکے سے 4 تحصیل صفدرآباد سے 1 تحصیل شیخوپورہ سے 17 اور شرقپور شریف سے 1 شامل ہے۔ ڈپٹی کمشنر محمد اصغر جوئیہ نے محکمہ صحت کے عملے کو ہدایت دی کہ ڈینگی سروے ٹیمیں گھر گھر جا کر چیکنگ کریں اور ڈینگی لاروا برآمد ہونے کی صورت میں حکومت پنجاب کی ہدایات کے مطابق قانونی کاروائی عمل میں لائیں۔
Category: صحت
-
کرونا ہوا بے قابو
شیخوپورہ (نمائندہ باغی ٹی وی) شیخوپورہ سے ہمارے نمائندہ کے مطابق ایس او پیز پر عملدرآمد کے بدترین فقدان کے باعث ضلع شیخوپورہ میں کورونا وائرس بے قابو ہوگیا ہے جبکہ ڈسٹرکٹ ہیڈ کوارٹر ہسپتال میں کورونا کے مریضوں کو داخل کرنے کی گنجائش ختم ہوگئی ہے اس ہسپتال میں کورونا کے مریضوں کو داخل کرنے کے لیے پہلے 20 بستروں پر مشتمل آئسولیشن وارڈ بنائی گئی تھی جس میں بعداذاں ایم ایس ڈاکٹر سہیل خضر کی کوششوں سے 5 بستروں کا اضافہ کر دیا گیا تھا مگر اب مریضوں کی تعداد 25 سے بھی بڑھ گئی ہے جس پر ڈپٹی کمشنر نے نئے آنے والے مریضوں کو تحصیل ہیڈ کوارٹر شرقپور شریف کی آئسولیشن وارڈ میں داخل کرنے اور کورونا وارڈز میں مریضوں کے لواحقین کے داخلے پر سو فیصد پابندی کو یقینی بنانے کی ہدایت جاری کی ہے ڈپٹی کمشنر نے بتایا کہ ڈسٹرکٹ ہیڈ کوارٹر ہسپتال شیخوپورہ میں پچھلے سال کی طرح سو بستروں پر مشتمل اضافی وارڈ بنائی جا رہی ہے جو اگلے 24 گھنٹوں میں فنکشنل ہو جائے گی تحصیل ہیڈ کوارٹر ہسپتال شرقپور شریف میں کورونا پازیٹیو مریضوں کو عارضی طور پر منتقل کیا گیا ہے ڈپٹی کمشنر نے کورونا ویکسی نیشن سنٹر کا بھی معائنہ کیا
-
آوارہ کتوں کو تلف کیا جائے گا
شیخوپورہ (نمائندہ باغی ٹی وی) محکمہ صحت ضلع شیخوپورہ نے آوارہ اور باولے کتوں کو تلف کرنے کی ذمہ داری بلدیاتی اداروں پر عائد کر دی ہے ضلع شیخوپورہ میں آوارہ کتوں کے کاٹنے سے خواتین اور بچوں سمیت شہریوں کے زخمی ہونے کے واقعات روزانہ ہو رہے ہیں جس کے باعث شہریوں میں سخت بے چینی پائی جاتی ہے شہر کے علاقہ کرکٹ سٹیڈیم گھنگ روڈ شاہ کالونی کمپنی باغ جیلانی گارڈن فاروق نگر قادر آباد جنڈیالہ روڈ شاہ جمال روڈ غریب آباد ہاؤسنگ کالونی جمیل ٹاؤن رحمان پورہ سمیت متعدد بستیوں میں آوارہ کتے غولوں کی شکل میں پھرتے ہیں اس صورتحال کی بناء پر محکمہ صحت کے حکام نے استفسار کرنے پر ایک رپورٹ ڈپٹی کمشنر کو بھیجی ہے جس میں کہا گیا ہے کہ اب پہلے کی طرح آوارہ اور باولے کتوں کو تلف کرنے کی ذمہ داری محکمہ صحت کی نہ ہے بلکہ محکمہ صحت صرف کتا کے کاٹنے سے زخمی ہونے والے افراد کو علاج اور ویکسی نیشن فراہم کرنے کا ذمہ دار ہے آوارہ کتوں کو تلف کرنے کی ذمہ داری نئے نظام کے تحت بلدیاتی اداروں پر ہے چنانچہ ضلع بھر کی میونسپل کارپوریشنوں ٹاؤن کمیٹیوں کے ایڈمنسٹریٹروں کو ہدایت جاری کی جائے کہ فوری طور پر آوارہ اور پاگل کتوں کو تلف کرنے کی کارروائی کریں
-
تعلیمی اداروں میں ایس او پیز کو فالو کیا جائے گا
شیخوپورہ (نمائندہ باغی ٹی وی) محکمہ تعلیم ضلع شیخوپورہ نے ضلع بھر کے پرائیویٹ سکولوں میں کورونا کے ایس او پیز پر عملدرآمد کی مانیٹرنگ کے لیے لائحہ عمل مرتب کر لیا ہے یہ بات ڈپٹی کمشنر چوہدری محمد اصغر جوئیہ کی زیر صدارت منعقدہ اجلاس میں بتائی گئی اجلاس میں محکمہ تعلیم کے افسروں کی سربراہی میں مانیٹرنگ کمیٹیاں تشکیل دینے کا فیصلہ کیا ہے جو کل سے تعلیمی اداروں کے ساتھ ساتھ پرائیویٹ کالجز اور سکولوں میں ایس او پیز پر عملدرآمد کا جائزہ لیں گی اور ایس او پیز پر عملدرآمد نہ کرنے والے تعلیمی اداروں کو نہ صرف سربمہر کر دیا جائے گا بلکہ ان کی رجسٹریشن بھی منسوخ کر دی جائے گی
اجلاس میں فیصلہ کیا گیا کہ ایس او پیز پر عملدرآمد نہ کرنے والے دوکانداروں کو روایتی انداز میں محض جرمانہ کی سزاء نہیں دی جائے گی بلکہ ان کے خلاف مقدمات درج کروائے جائیں گے اجلاس میں ضلع شیخوپورہ میں اربوں روپے کی خطیر رقم سے بچھائے جانے والے سیوریج سسٹم میں آہنی سریا کی بجائے ماضی کی حکومتوں کے دوران باریک تار سے بنے ہوئے پائپوں کو استعمال کرنے کی شکایات کا جائزہ لیا گیا اور فیصلہ کیا گیا کہ سیوریج سسٹم بچھانے میں کرپشن ثابت ہو جانے پر اس میں ملوث عناصر کے خلاف سخت کارروائی کی جائے گی اجلاس میں بتایا گیا کہ شہر میں سیوریج کا نظام بہتر بنانے کی غرض سے ایک نیا ڈسپوزل ورک اسٹیشن جیون پورہ کے قریب بنایا جائے گا جس کے لیے نجی اراضی ایکوائر کرنے کا کام محکمہ مال کے حکام نے مکمل کر لیا ہے
-
ضلعی انتظامیہ ڈینگی کے خاتمے کے لئے ہر عزم
شیخوپورہ (نمائندہ باغی ٹی وی)ڈپٹی کمشنر محمد اصغر جوئیہ کی زیر صدارت آج ڈسٹرکٹ ایمرجنسی رسپانس کمیٹی کا اجلاس منعقد ہوا اجلاس میں ضلع بھر میں ڈینگی کی صورتحال کا جائزہ لیا گیااجلاس میں ایڈیشنل ڈپٹی کمشنر جنرل احسان الحق ، سی ای او ہیلتھ ڈاکٹر محمد اشرف سمیت محکمہ صحت کے عملے نے شرکت کی اور ڈپٹی کمشنر کو ضلع میں ڈینگی کی موجودہ صورتحال اور محکمہ صحت کی جانب سے کیے جانے والے انتظامات کے متعلق بریفنگ دی گئی
سی ای او ہیلتھ نے ڈپٹی کمشنر کو بریفنگ دیتے ہوئے بتایا کہ ضلع شیخوپورہ میں ڈینگی کا 1 مریض رپورٹ ہوا ہے جبکہ مشتبہ مریضوں کی تعداد 38 ہے جس میں تحصیل فیروز والا کے 15 مریدکے سے 4 تحصیل صفدرآباد سے 1 تحصیل شیخوپورہ سے 17 اور شرقپور شریف سے 1 شامل ہے ۔ ڈپٹی کمشنر محمد اصغر جوئیہ نے محکمہ صحت کے عملے کو ہدایت دی کہ ڈینگی سروے ٹیمیں گھر گھر جا کر چیکنگ کریں اور ڈینگی لاروا برآمد ہونے کی صورت میں حکومت پنجاب کی ہدایات کے مطابق قانونی کاروائی عمل میں لائیں
-
عطائی ڈاکٹروں اور بغیر لائسنس کلینک چلانے والوں کے خلاف قانونی کاروائی
حکومت صحت کے شعبہ میں انقلابی تبدیلیاں لارہی ہے جعلی ڈاکٹروں، بغیر لائسنس کلینک اورمیڈیکل سٹور چلانے والوں اور غیر قانونی طور پر ادویات تیاراور فروخت کرنے والے کسی رعایت کے مستحق نہیں ڈرگ انسپکٹر بلا خوف و خطر ان قانون شکن افراد کے خلاف کاروائیوں کا سلسلہ جاری رکھیں۔
ان خیالات کا اظہار ڈپٹی کمشنر ننکانہ/چئیرمین ڈسٹرکٹ کوالٹی کنٹرول بورڈ راجہ منصور احمد نے ڈسٹرکٹ کوالٹی بورڈ کے حوالے سے منعقد ہ اجلاس کی صدارت کرتے ہوئے کیا۔اس موقع پرایڈیشنل ڈپٹی کمشنر (جنرل) احمد کمال ،ایم ایس ڈی ایچ کیوہسپتال ننکانہ صاحب ڈاکٹر اسفند یار،ڈرگ کنٹرولر رانا متین،چائلڈ سپشلسٹ ڈاکٹر اظہر نعیم ، سیکرٹری ڈسٹرکٹ کوالٹی کنٹرول بورڈ عاصمہ رشید ، ڈرگ انسپکٹرزکے علاوہ دیگر متعلقہ محکموں کے افسران نے شرکت کی۔
ڈسٹرکٹ کوالٹی بورڈ کے اجلاس میں مجموعی طور پر 16 کیسوں کی سماعت کی گئی تمام کیسوں کا تفصیلی جائزہ لے کر میڈیکل سٹور مالکان کو وارننگ دی گئی ،متعدد کلینکوں کی دوبارہ انسپکشن کی ہدایات جاری کی گئیںجبکہ چارسے زائدجعلی میڈیکل سٹوروں کے خلاف کاروائی کرتے ہوئے ان کو سیل کر کے کیس ڈرگ کورٹ کو بھجوا نے کی ہدایات جاری کی گئیں۔
ڈپٹی کمشنر راجہ منصور احمد نے اس موقع پر متعلقہ افسران کو ہدایت جاری کرتے ہوئے کہا کہ ضلع بھر میں عطائی ڈاکٹروں، بغیر لائسنس کلینک چلانے والوں اور نان کوالیفائیڈ میڈیکل سٹور مالکان کے خلاف بھرپور کریک ڈاﺅن کیا جائے تاکہ شہریوں کو ان غیر قانونی طور پر میڈیکل سٹور چلانے والوں اور میڈیکل پریکٹس کرنے والوں سے بچایا جاسکے۔انہوں نے واضع کیا کہ عوام کی جانوں سے کھیلنے والے سفاک لوگ کسی قسم کی رعایت کے مستحق نہیں ان کے خلاف بھرپور کاروائی عمل میں لائی جائے۔
-
گلقند اور پان کے پتے کے صحت پر حیرت انگیز فوائد
گلاب کی پتیوں سے بننے والی میٹھی غذا گل قند سے بہتر نیند، قبض سے نجات، تیزابیت، اپھار جیسی بے شمار شکایات سے نجات حاصل کی جا سکتی ہے۔
جڑی بوٹیوں کے ماہرین کے مطابق گلاب کے پھول کی پتیوں سے بنی خوش ذائقہ گل قند مٹھائی کے استعمال کرنے کی متعدد وجوہات اور صحت پر بے شمار فوائد مرتب ہوتے ہیں، گل قند کو کھانے کے بعد بطور میٹھا کھایا جا سکتا ہے جس کے نتیجے میں انسان تیزابیت اور درد جیسی شکایات سے بچ جاتا ہے۔
گل قند تاثیر میں ٹھنڈی ہونے کے نتیجے میں اس کے استعمال سے انسان گرمیوں میں لو سے بچ جاتا ہے گرمیوں میں گھر سے باہر نکلتے ہوئے کچھ مقدار میں گل قند کھالی جائے تو شوگر اور لو بلڈ پریشر سے کافی حد تک نجات مل سکتی ہے۔
غذائی ماہرین کے مطابق گل قند کا پان کے پتے کے ساتھ استعمال کے بھی بے شمار فوائد حاصل ہوتے ہیں جن میں سرفہر ست وٹامنز اور منرلز کا بہتر طریقے سے ہضم ہونا ہے، گل قند کا پان کے پتے کے ساتھ استعمال کے نتیجے میں آئرن کی مقدار بھی حا صل ہوتی ہے۔
مصروف اور تھکاوٹ سے بھر پور دن گزارنے کے بعد جب پر سکون نیند کی ضرورت ہو تو گل قند کا ایک چمچ یا حسب ذائقہ ایک گلاس دودھ میں ملا کر پی لیں، گرمیوں میں پر سکون نیند کا یہ سستا ترین حل ہے۔
گھر میں کا م کاج کے دوران یا باہر جاتے ہوئے ٹھنڈے پانی کی بوتل میں گل قند ملا لیں اور اس کا استعمال کریں، گل قند کے پانی سے لو لگنے یا پانی کی کمی سے بچاؤ ممکن ہوتا ہے۔
گل قند بنانے کا طریقہ :
گلاب کے پھول کی پتیاں دھو کر سکھالیں، اب کانچ کے ایئر ٹائٹ جار میں ان پتیوں کی ایک تہہ بچھائیں اور پتیوں کے اوپر ایک تہہ چینی کی لگا دیں اور اس کے اوپر دوبارہ پتیاں بچھا دیں۔اس ایئر ٹائٹ کانچ کے جار کو روزانہ تیز دھوپ میں 6 گھنٹوں کے لیے رکھیں اور 6 گھنٹوں کے بعد چھاؤں میں محفوظ کر لیں، یہ عمل 25 سے 30 دن تک دہرائیں، روزانہ کی بنیاد پر گل قند کو اچھی طرح مکس بھی کریں۔
جب پھول کی پتیوں میں موجود چینی اچھی طرح سے مکس ہو کر شیرے کی شکل اختیار کر لے تو سمجھ جائیں کہ اب گل قند استعمال کے لیے تیار ہے۔
گرمی کی شدت کم کرنے کے لئے لسی کے مختلف مزیدار اور لذیذ فلیورز
گردوں کو صحتمند رکھنے والی چند غذائیں
-
کرونا کی تیسری لہر شدید تر
شیخوپورہ (نمائندہ باغی ٹی وی)ڈپٹی کمشنر شیخوپورہ محمد اصغر جوئیہ نےکہا ہے کہ کورونا وائرس کی نئی لہر سے نمٹنے کے لئے ضلع بھر میں احتیاطی اقدامات کو یقینی بنایا جا رہا ہے،ضلع میں کورونا وائرس سے متاثرہ مریضوں میں اضافہ ہوا ہے.
ان کا کہنا تھا کہ کورونا کی تیسری لہر شدید نوعیت کی ہے جس سے محفوظ رہنے کیلئے شہری ذمہ داری کا ثبوت دیں اور گھروں سے باہر جاتے ہوئے فیس ماسک لازمی استعمال کریں،صابن سے ہاتھ کم ازکم بیس سیکنڈ تک دھوئیں،صفائی کا خصوصی اہتمام کریں اور دوسروں کو بھی احتیاطی تدابیر اپنانے کی تلقین کریں۔
ڈپٹی کمشنر نےکہا کہ تمام ہیلتھ ورکرز کی ویکسی نیشن یقینی بنانے کی بھی ہدایت کی۔ ڈپٹی کمشنر محمد اصغر جوئیہ نے تمام سرکاری و نجی اداروں میں بھی کورونا ایس او پیز پر عمل درآمد کی تاکید کرتے ہوئے کہا کہ سینی ٹائزرز کی دستیابی کو یقینی بنایا جائے۔انہوں نے کاروباری حضرات سے نوماسک نو سروس کی پالیسی اپنانے کی اپیل بھی کی ہے۔
-
عمر رسیدہ افراد کے لیے فری کرونا ویکسین کا اجرا
بورے والا میں ہیلتھ ورکرز کے بعد عمر رسیدہ افراد کو کورونا ویکسین لگانے کا سلسلہ جاری ہے محکمہ ہیلتھ کی جانب سےسپورٹس جمنیزیم میں کورونا ویکسین سنٹر قائم کردیا گیا ہے
یہاں پر 60 سال سے زائد مرد و خواتین کو کورونا ویکسین لگائی جارہی ہے ۔سنٹر میں تعینات ڈاکٹر جنید کا کہنا تھا کے 1166 پر شناختی کارڈ نمبر بھیجیں
اوراپنے ساٹھ سال سے زائد عمر کے بزرگوں کو ضرور ویکسین لگوائیں ویکسین سے اس موذی مرض سے بچا جاسکتا ہے۔ویکسین کے کوئی مضراثرات نہیں ہیں ویکسین لگانے کے بعد ان افراد کو ڈاکٹرز کی نگرانی میں آدھاگھنٹہ سنٹر میں رکھا جاتا ہے ۔
-
پنجاب میں برطانیہ سے آنے والا کینٹ نامی کورونا وائرس تیزی سے پھیلنے لگا
پنجاب میں برطانیہ سے آنے والا نیا کورونا وائرس تیزی سے پھیلنے لگا۔ کورونا وائرس کی دوسری مختلف اقسام کے مقابلے میں، یہ نئی قسم زیادہ تیزی اور آسانی سے منتقل ہورہی ہے۔
باغی ٹی وی : پنجاب کے صحت کے حکام کے مطابق گزشتہ 24 گھنٹوں میں لاہور، ملتان، فیصل آباد، گوجرانوالہ اور سرگودھا میں 300 میں سے 200 مریضوں میں برطانیہ میں پائے جانے والے کینٹ نامی کورونا وائرس پایا گیا۔
حکام کے مطابق کورونا وائرس کی نئی قسم تیزی سے پھیل رہی ہے اور لاہور سمیت 5 اضلاع کو ہائی رسک قرار دیا گیا ہے۔ لاہور میں کورونا کے مثبت کیسز کا تناسب 12 فیصد سے بھی بڑھ گیا ہے۔
میڈیا رپورٹس کے ماطبق برطانوی ماہرین نے اس نئی قسم پر تحقیقات کی ہیں۔، کورونا وائرس وقت گزرنے کے ساتھ ساتھ اپنی ساخت میں بھی تبدیلیاں لا رہا ہے۔