Category: صحت

سی ای او ہیلتھ ڈاکٹر سہیل طارق
ننکانہ صاحب بزدارحکومت کی خصوصی ہدایت پرصوبہ بھر کی طرح ضلع ننکانہ صاحب میں ضلعی انتطامیہ کی جانب سے قائم کردہ کرونا ویکسین سنٹرز میں بزرگ شہریوں کو کرونا سے بچاﺅ کی حفاظتی ویکسین لگانے کا عمل جاری ہے، 60سال یا اس سے زائد عمرافراد کرونا سے بچاﺅ کی حفاظتی ویکسین ضرورکروائیں۔ان خیالات کا اظہارچیف ایگزیکٹوآفیسر ہیلتھ اتھارتی ڈاکٹر سہیل طارق نے تحصیل ننکانہ صاحب گوردوارہ

تنبوصاحب اور تحصیل شاہکوٹ ہاکی اسٹیڈیم میں قائم کردہ کرونا ویکسین سنٹر زکا اچانک دورہ کرتے ہوئے کیا۔چیف ایگزیکٹوآفیسر ہیلتھ اتھارتی ڈاکٹر سہیل طارق نے کرونا ویکسین سنٹر زمیں بزرگ شہریوں کو ویکسین لگانے کے عمل کا جائزہ لیا اورمحکمہ صحت کے ڈاکٹرز ودیگر عملہ کرونا ویکسین سنٹر زمیں بزرگ شہریوں کے لیے بہترین سہولیات فراہم کرنے کی ہدایات جاری کیں۔

سی ای او ہیلتھ ڈاکٹر سہیل طارق نے اس موقع پر کہا کہ عوام کو چاہیے کہ سوشل ڈسٹینس سمیت تمام تر حکومتی ایس او پیز پر عمل پیرا ہوں تاکہ اس موذی مرض سے بچا جاسکے۔ انہوں نے کہا کہ میری عوام الناس سے اپیل ہے کہ اپنے بزرگوں کے تحفظ کے لیے ان کی ویکسین کو یقینی بنائیں،حکومت کی جانب سے جاری کردہ احتیاطی تدابیر پر عمل پیرا ہو کر اس کرونا وائرس سے نجات حاصل کرنے کے لئے حکومت اور ضلعی انتظامیہ کا ساتھ دیں تاکہ ملک پاکستان میں کرونا وائرس کے خاتمہ کو یقینی بنایا جا سکے۔

بعدازاں سی ای او ہیلتھ ڈاکٹر طار ق سہیل نے ایم ایس ڈی ایچ کیوہسپتال ڈاکٹر اسفند یار کے ہمراہ ڈسٹرکٹ ہیڈ کوارٹر ہسپتال میں مریضوں اور انکے لواحقین کومہیا کی جانے والی طبی سہولیات، ہسپتال کے مختلف وارڈ،ادویات کے سٹاک سمیت عملہ کی حاضری کا بھی جائزہ لیا۔اس موقع پر سی ای اوہیلتھ ڈاکٹر سہیل طارق نے مریضوں سے محکمہ صحت کی جانب سے مہیا کی جانے والی سہولیات بارے دریافت کیا۔

تفصیلات کے مطابق 29 مارچ سے شروع ہونے والی ملک گیر مہم کامیابی سے جاری ہے، اس مہم کا ہدف چار کروڑ بچوں کو پولیو کے قطرے پلانا ہے، پہلے چار دنوں میں ساڑھے تین کروڑ سے زائد بچوں کو قطرے پلائے جا چکے ہیں، پولیو ورکرز گھر گھر جا کر پانچ سال کی عمر تک کے بچوں کو قطرے پلا رہے ہیں، پولیو جیسی خطرناک بیماری کے خلاف اس کیمپین میں دو لاکھ نوے ہزار فرنٹ لائن ورکرز اپنی ذمہ داریاں نبھا رہے ہیں جو قوم کے ہیرو ہیں

ملک کی موجودہ اور آئندہ نسلوں کے تحفظ کے لیے پولیو کے قطرے بہت ضروری ہیں، ملک کے طول و عرض میں جاری اس مہم کی سیکورٹی کی ذمہ داری پاک فوج احسن طریقے سے نبھا رہی ہے، مسلح افواج دیگر قانون نافذ کرنیوالے اداروں کے ساتھ مل کر بلوچستان اور خیبرپختونخوا سمیت مختلف علاقوں میں پولیو ٹیموں کی حفاظت یقینی بنا رہی ہیں

اب تک کوئی بھی ناخوشگوار واقعہ دیکھنے میں نہیں آیا، عوام میں پولیو کے بارے میں آگاہی بڑھانے میں میڈیا بھی اہم کردار ادا کر رہا ہے، اس مہم کے دوران کرونا وائرس سے بچاؤ کے لیے تمام ضروری اقدامات اور حفاظتی تدابیر کا خاص خیال رکھا جا رہا ہے

ایبٹ لیباریٹریز کی جانب سے پاکستان میں طبی غذائیت کے موضوع پردی اکنامسٹ انٹیلی جنس ایونٹ کی رپورٹ کی تائیدمقامی ہیلتھ کیئر پروفیشنلز کے مطابق ملک میں طبی غذائیت کو فروغ دینے کی ضرورت میں اضافہ ہو رہا ہے، ایبٹ لیباریٹریز سائنسی بنیادوں پر تیار کردہ غذائیت کے حل پیش کرتی ہے تاکہ لوگوں میں غذائیت کی کمی دور کی جا سکےکراچی،24مارچ، 2021 : صحت مند طرز زندگی کو فروغ دینے میں غذائیت کا کردار مضبوط بنانے کی حکمت عملی کے تحت، ایبٹ لیباریٹریز نے دی اکنامسٹ انٹیلی جنس ایونٹ کی اُس رپورٹ کی تائید کی ہے

جس میں ، پاکستان کے حوالے سے غذائیت کی صورت حال بیان کی گئی ہے۔مذکورہ رپورٹ میں،جو آج ہی شائع ہوئی ہے ،مناسب غذائی پروگراموں کو اختیار کرنے اور اُس سے آگے موجود مواقع سے فائدہ اٹھانے میں ہیلتھ کیئر سسٹم کو درپیش دشواریوں کا تذکرہ کیا گیا ہے۔ رپورٹ میں اُن وجوہات کو بھی بیان کیا گیا ہے جو اِس صورت حال کو اور بھی سنگین بنا رہی ہیں اور اِن وجوہات میں خوراک کے حوالے سے عدم تحفظ، ماہرین خوراک و ماہرین غذائیت کی شدید کمی اور اسپتال یا گھر، دونوں جگہوں پر،غذائیت کی اہمیت کے حوالے سے لوگوں میں ناکافی آگاہی شامل ہیں۔

پاکستان نیوٹریشن اینڈ ڈائیٹیٹک سوسائٹی (PNDS) کی نائب صدر، لیفٹنٹ کمانڈر رابعہ انور کے مطابق،پاکستان میں تربیت یافتہ ماہرین خوراک و غذائیت کی کمی ہے۔ رابعہ کہتی ہیں:”اسپتال میں داخلے کے وقت زیادہ تر مریضوں کی، غذائیت کے حوالے سے، اسکریننگ نہیں کی جاتی ہے۔اس کے نتیجے میں بہت سے مریضوں کو اپنے قیام کے دوران دشواریوں کا سامنا کرنا پڑتا ہے اور ناقص غذائیت کا شکار اُن مریضو ں میں سے دو تہائی مریض مزید قیام سے انکار کر دیتے ہیں۔ اگر مصیبت کے مارے ایسے مریضوں کی ابتدائی مراحل میں ہی شناخت کر لی جائے َ اور اُنھیں تربیت یافتہ ماہر خوراک کے ذریعے مناسب خوراک فراہم کی جائے تو ایسی صورت میں پیچیدگیوں، اسپتال میں قیام کا عرصہ بڑھانے، دوبارہ داخلے کی شرح ، اموات اور دیکھ بھال کے اخراجات میں کمی کی جا سکتی ہے۔“

یونیورسٹی آف ہیلتھ سائنسز، لاہور کے وائس چانسلر، پروفیسر جاوید اکرم کہتے ہیں:”اچھی صحت کے لیے اچھی غذائیت بنیادی اہمیت رکھتی ہے۔زندگی کے تمام مراحل میں صحت مندرہنے اور ترقی کرنے کی غرض سے مناسب غذائیت کے زریعے اہم غذائیت بخش اجزاءکا پہنچانا بہت اہم ہے۔ ناقص غذائیت کو دور کرنے اور بہتر نتائج دینے والے تمام سولوشنز میں طبی اعتبار سے تیار کردہ کھانے ، کھانے کی متبادل اشیاءاور غذائی سپلیمنٹس ہیں۔“رپورٹ میں اِس بات پر بھی زور دیا گیا ہے کہ پاکستان کے طبی عملے میں غذائیت کے بارے میں معلومات کی کمی ایک مسلسل مسئلہ ہے اور جبکہ مریضوں کی غذائی دیکھ بھال کے لیے ا±نھیں درست خوراک، سادہ ترین، محفوظ ترین اور سستا ترین طریقہ ہے۔

رپورٹ کے حوالے سے ایبٹ کے جنرل منیجر، نیوٹریشن بزنس برائے پاکستان اور عراق، عاصم شفیق نے کہا:”ایبٹ میں، ہمیں فخر ہے کہ ہم پاکستان میں ناقص غذائیت کے حوالے سے اس گہری تشویش کی تائید کرتے ہیں۔اگرچہ اس سلسلے میں بہت سی دشواریاں ہیں لیکن ہمیں حکومت کی جانب سے اِن دشواریوں کو مواقع میں تبدیل کرنے کا عزم نظر آتا ہے۔سائنسی بنیادوں پر تیار کردہ غذائی مصنوعات مثلاً اینشیور، پیڈیا شیور اور گلوسرنا کے ذریعے ایبٹ ایک قابل اعتماد اسٹریٹجک ہیلتھ کیئر پارٹنربننے کے لیے تیار ہے۔“

ایبٹ لیبارٹریز،سنہ 1948ءسے پاکستان میں کام کررہی ہے اور اُس وقت سے ایک ممتاز ہیلتھ کیئر پارٹنر ہے جو جدید اور اعلی معیار کی مصنوعات اور سولوشنز کا ایسا متنوع پورٹ فولیو پیش کررہی ہے جس میں غذائی، ادویات سازی، تشخیص اور طبی آلات شامل ہیں۔ کورنگی اور لانڈھی میں ، کمپنی کی دو مینوفیکچرنگ سائٹس ہیں۔ ایبٹ پاکستان نے حال ہی میں ملٹی نیشنل کی کیٹگری میں ’ایمپلائر آف دی ایئر ایوارڈ‘جیتا ہے۔