Category: صحت

اسلام آباد : پولیوٹیمزکے داخلے سے انکار پرنجی مال کے مینجرکوحراست میں لے لیا گیا۔

باغی ٹی وی: کاروائی اسسٹنٹ کمشنرانڈسٹریل ایریا نے کی ،جب پولیو ٹیمزکونجی مال میں داخل سے رو کا گیا،گرفتارمینجراس سے قبل بھی پولیوٹیمزکومال میں داخلے سے روکتا رہاہے اس سلسلے میں اسلام آباد کے ڈی سی عرفان میمن کا کہنا ہے کہ انسداد پولیو مہم قومی مہم ہے، اس میں عوام ہمارا ساتھ دیں،پولیوکے خلاف ہماری جنگ مشترکہ ہے۔ پولیو ٹیمزکوروکنے والے عناصرکو قانون کا سامنا کرنا ہوگا۔

واضح رہے کہ ملک بھر میں انسداد پولیو مہم کا آغاز ہو گیا ہے،نیشنل ایمرجنسی آپریشن سینٹر کے مطابق انسداد پولیو مہم 3 نومبر تک جاری رہے گی جس دوران ساڑھے چار کروڑ سے زائد بچوں کو پولیو سے بچاؤ کے قطرے پلائے جائیں گے، انسداد پولیو مہم میں81 ہزار پولیو ورکرز حصہ لیں گے جن کے لیے 19 ہزار سکیورٹی اہلکار نافذ ہوں گے۔

وزیراعلیٰ پنجاب نے انسداد پولیو مہم کا کیا افتتاح

رپورٹ کے مطابق رواں سال ملک بھر میں 41 پولیو کیسز سامنے آئے جن میں سے 12 کیسز کا تعلق سندھ سے ہے جب کہ سندھ بھر میں ایک کروڑ 6 لاکھ بچوں کو پولیو سے بچاؤکے قطرے پلائے جائیں گے کراچی کے تمام اضلاع کے ماحولیاتی نمونوں میں پولیو وائرس مثبت آیا ہے۔

دوسری جانب وزیر اعلیٰ مریم نواز شریف نے پنجاب بھر میں اینٹی پولیو ویکسینیشن مہم کا باقاعدہ افتتاح کر دیا، سروسز انسٹی ٹیوٹ آف میڈیکل سائنسز میں وزیر اعلیٰ مریم نواز شریف نے بچوں کو خود اینٹی پولیو ویکسینیشن کے قطرے پلائے،وزیر اعلیٰ مریم نواز شریف نے والدین کو اینٹی پولیو ویکسینیشن کے قطرے پلانے کی اپیل کی،وزیر اعلیٰ مریم نواز شریف نےزیرو پولیو کا ٹارگٹ مقرر کردیا –

پیٹرول کی قیمت میں کمی کا امکان

اسلام آباد: چئیرمین پیپلز پارٹی بلاول بھٹو زرداری نے کہا ہے کہ پاکستان میں سب سے پہلے آصفہ بھٹو کو پولیو سے بچاؤ کی ویکسین پلائی۔

باغی ٹی وی : بلاول بھٹو زرداری نے پولیو کے عالمی دن پر اپنے پیغام میں کہا ہے کہ پاکستان سے پولیو کے خاتمے کی تاریخی جدوجہد کا آغاز میری والدہ شہید بینظیر بھٹو نے کیا تھا، پولیو پاکستان میں بچوں کے مستقبل کو خطرے میں ڈال رہا ہے لیکن ہم پاکستان سے پولیو کے مکمل خاتمے کے لیے پُرعزم ہیں۔

اُنہوں نے کہا کہ رواں سال سامنے آنے والے نئے کیسز کے پیشِ نظر تازہ عزم کی ضرورت ہے، بینظیر بھٹو نے اپنی حکومت میں سخت مخالفت کے باوجود انسدادِ پولیو مہم کا آغاز کیا اور اُنہوں نے سب سے پہلے آصفہ بھٹو کو پولیو سے بچاؤ کی ویکسین پلائی،بی بی آصفہ بھٹو پاکستان میں پولیو ویکسین حاصل کرنے والی پہلی بچی تھیں۔

بلاول بھٹو زرداری نے کہا کہ رواں سال ملک میں رپورٹ ہونے والے 39 پولیو کیسز پر تشویش ہے، آج ہمیں مل کر کھڑا ہونا ہو گا تاکہ کوئی بچہ پولیو کا شکار نہ ہو، انسدادِ پولیو مہم صرف صحت مہم نہیں بلکہ قومی مشن ہے، ہم شہید محترمہ بینظیر بھٹو کے اصولوں پر عمل پیرا رہیں گے، بچوں کے مستقبل کے لیے پولیو سے پاک پاکستان کا وعدہ کرتے ہیں۔

وزیراعلیٰ سندھ اور وزیر نجکاری عبدالعلیم خان کی ملاقات

دوسری جانب خاتون اول اور رکن قومی اسمبلی آصفہ بھٹو زرداری نے قوم پر زور دیا ہے کہ وہ پولیو کے خلاف جاری جنگ میں متحد ہو جائیں، دو دہائیوں سے زائد عرصے سے پولیو ہمارے بچوں کے مستقبل کے لیے سنگین خطرہ بنا ہوا ہے، ضروری ہے کہ ہم مسلسل اور مسلسل ویکسینیشن کی کوششوں کے ذریعے ان کی حفاظت کے لئے اکٹھے ہوں۔

فیصل کریم کنڈی نے پولیو کے عالمی دن کے موقع پر اپنے پیغام میں کہا کہ پاکستان کو پولیو سے پاک بنانا اوّلین ترجیح ہے، پولیو کے خاتمے کے لیے سب کو اپنا کردار ادا کرنا ہو گا،والدین بچوں کو انسدادِ پولیو مہم کے دوران پولیو سے بچاؤ کی ویکسین ضرور پلوائیں۔

وزیر نجکاری عبدالعلیم خان نے پولیو کے عالمی دن کے موقع پر پولیو ورکرز و خراج تحسین پیش کیا اپنے پیغام میں کہا کہ آج پولیو کے خاتمے کیلیے عالمی دن منایا جا رہا ہے اپنی ڈیوٹی کے دوران جانوں کا نذرانہ پیش کرنے والے پولیو ورکرز ہمارے ہیرو ہیں ملک سے پولیو کے خاتمے کیلیے پولیو ورکرز کی خدمات کو خراج تحسین پیش کرتا ہوں اور اُن تمام عالمی اداروں کے بے حد مشکور ہیں جو پاکستان سے پولیو کے خاتمے کیلیے تعاون کر رہے ہیں پاکستان دنیا کے چند آخری ممالک میں سے ہیں جہاں آج بھی پولیو وائرس موجود ہے انشاءاللہ فرنٹ لائن ورکرز اور سیکیورٹی اہلکاروں کی انتھک محنت کی بدولت ہم پاکستان سے پولیو کے مکمل خاتمے کو یقینی بنائیں گے۔

امریکی صدارتی الیکشن میں قبل از وقت ووٹنگ کیوں کی جاتی ہے؟

National Commission on The Rights of Child (این سی آر سی) نے اپنے پیغام میں کہا کہ پولیو کا خاتمہ صحت مند مستقبل کی ضمانت ہے! آج پولیو کے عالمی دن کے موقع پر ہم سب مل کر عہد کریں کہ ہر بچے کو ویکسین فراہم کرکے پولیو سے محفوظ بنائیں گے۔ ایک ساتھ مل کر ہم ایک ایسے مستقبل کی تشکیل کر سکتے ہیں جہاں کوئی بھی بچہ اس مرض کا شکار نہ ہو۔ آئیے پولیو کا ہمیشہ کے لیے خاتمہ کریں!

واضح رہے کہ آج پولیو کا عالمی دن منایا جا رہا ہے ، پاکستان میں ایک نیا کیس سامنے آگیا جس سے رواں سال میں ملک بھر میں پولیو کیسز کی تعداد 40 تک پہنچ گئی ہے نیشنل انسٹی ٹیوٹ آف ہیلتھ اسلام آباد میں انسداد پولیو کی ریجنل ریفرنس لیبارٹری کے مطابق خیبر پختونخوا کے ضلع کوہاٹ کی تحصیل درہ آدم خیل سے تعلق رکھنے والے 30 ماہ کے بچے میں وائلڈ پولیو وائرس ٹائپ ون (ڈبلیو پی وی 1) کے کیس کی تصدیق ہوئی ہے۔

سندھ اسمبلی میں 26ویں آئینی ترمیم کے حق میں قرارداد منظور

لیبارٹری کے ایک عہدیدار نے بتایا کہ ضلع کوہاٹ سے پولیو کا یہ دوسرا کیس ہے، اب تک بلوچستان سے 20، سندھ سے 12، خیبرپختونخوا سے 6، پنجاب اور اسلام آباد سے ایک، ایک کیس رپورٹ ہوا ہےاس سال کوہاٹ سے چار ماحولیاتی نمونوں میں ڈبلیو پی وی ون کی تصدیق ہوئی تھی جب کہ اس علاقے سے پہلا کیس ستمبر میں سامنے آیا تھا‘۔

اس کے علاوہ ملک بھر میں 402 ماحولیاتی نمونوں میں پولیو وائرس کی تصدیق ہوئی ہےرواں سال پولیو کیسز میں مسلسل اضافے سے پاکستان میں پولیو کے خاتمے کی کوششوں کو شدید دھچکا لگا ہے، سال 2019 میں ملک میں 147 کیسز رپورٹ ہوئے تھے جس کے بعد ان میں کمی ریکارڈ کی گئی، سال 2020 میں 85 اور 2021 میں صرف ایک کیس رپورٹ ہوا جب کہ 2022 میں تین، 2023 میں چھ اور 2024 میں اب تک 40 کیسز رپورٹ ہوچکے ہیں۔

پاکستان میں 28 اکتوبر سے ایک اور ملک گیر ویکسینیشن مہم شروع کی جارہی ہے جس کا مقصد 5 سال سے کم عمر کے ساڑھے 4 کروڑ سے زائد بچوں کو قطرے پلانا ہے۔

پاکستان اسٹاک ایکسچینج نے ایک اور سنگ میل عبور کرلیا

پاکستان میں منکی پاکس کے کیسز میں مزید اضافہ ہونے لگا ایک اور مریض سامنے آنے کے بعد پاکستان میں منکی پاکس کے مریضوں کی تعداد سات ہو گئی ہے

پاکستان میں منکی پاکس کا ساتواں‌مریض وفاقی دارالحکومت اسلام آباد میں سامنے آیا ہے، متاثرہ شخص سعودی عرب سے اسلام آباد پہنچا تھا،مریض کا تعلق پنجاب کے شہر گجرات سے ہے اور اسکی عمر 44 برس ہے، متاثرہ شخص کو اسلام آباد کے ہسپتال میں داخل کروایا گیا ہے جہاں اسکی طبیعت بہتر ہے، پاکستان میں منکی پاکس کے اس سے قبل چھ کیس رپورٹ ہوئے، پہلا کیس خیبر پختونخوا میں سامنے آیا تھا، تمام مریض بیرون ممالک سے آئے جن میں منکی پاکس رپورٹ ہوا،

واضح رہے کہ منکی پاکس کو عالمی ادارہ صحت نے پبلک ہیلتھ ایمرجنسی قرار دیا تھا، گزشتہ دنوں منکی پاکس کے حوالہ سے ڈبلیو ایچ او نے ایک ویکسین کی بھی منظوری دی تھی، عالمی ادارہ صحت کے مطابق منکی پاکس 121 ممالک میں پھیل چکا ہے، رواں سال 500 افراد اس سے ہلاک ہوچکے ہیں، ہائی رسک گروپس اور کمزور قوتِ مدافعت والے افراد میں منکی پاکس کی شرحِ اموات 10فیصد تک ہوسکتی ہے۔

ترجمان وزارت قومی صحت کا کہنا تھا کہ ایم پاکس ایک نیا وائرس ہے اور اس کے پھیلاؤ کو روکنے کے لیے ضروری اقدامات کیے جا رہے ہیں۔ انہوں نے عوام سے اپیل کی کہ وہ گھبرانے کی بجائے احتیاطی تدابیر اختیار کریں اور اگر کسی میں علامات ظاہر ہوں تو فوراً ڈاکٹر سے رجوع کریں۔ایم پاکس کی علامات میں بخار، جسم پر دانے، سر درد، اور دیگر فلو جیسی علامات شامل ہیں۔ یہ وائرس ایک شخص سے دوسرے شخص میں قریبی رابطے کے ذریعے پھیل سکتا ہے، لہذا اس حوالے سے عوام کو احتیاط برتنے کی ہدایت کی گئی ہے۔حکومت پاکستان اور وزارت قومی صحت ملک میں اس بیماری کی روک تھام کے لیے ہر ممکن اقدامات کر رہے ہیں