اسلام آباد: جس طرح قاتل ڈینگی نے پاکستانی قوم کی دھجیاں بکھیری ہیں اور جس طرح قوم کو پریشان کیا ہے اس کے بعد اگر کسی طرف سے کوئی اچھی خبر آتی ہے تو وہ غنیمت سے کم نہیں جیسے کہ وزیراعظم کے معاون خصوصی برائے صحت ڈاکٹر ظفر مرزا نے کہا کہ اب ڈینگی جارہا ہے اور اس کے جانے کے بعد کیسز میں کمی آ رہی ہے، کیس رسپانس کے ذریعے فوگنگ اور اسپرے کا عمل جاری ہے۔

امریکہ پھر افغان طالبان کے منتیں کرنے لگا

تفصیلات کے مطابق وزیراعظم کے معاون خصوصی برائے صحت ڈاکٹر ظفر مرزا کی زیرصدارت ڈینگی کنٹرول کرنے کے حوالے سے جائزہ اجلاس ہوا جس میں وزارت صحت حکام، اسپتال سربراہان، جڑواں شہروں کی انتظامیہ نے شرکت کی۔یہ بھی معلوم ہوا ہے کہ اس اہم اجلاس میں ڈاکٹر ظفر مرزا کی زیرصدارت اجلاس میں ڈینگی کی صورت حال کا جائزہ لیا گیا۔

توہین آمیز پوسٹ کیخلاف احتجاج، پولیس کی فائرنگ سے 4 افراد جاں بحق

ڈاکٹر ظفر مرزا نے راولپنڈی اور اسلام آبادمیں کیے گئے اقدامات سے متلق آگاہ کرے ہوئے کہا کہ اب صورت حال بہتر ہے، کیس رسپانس کے ذریعے فوگنگ اور اسپرے کا عمل جاری ہے۔وزیراعظم کے معاون خصوصی برائے صحت نے کہا کہ اگلے سال کی منصوبہ بندی ابھی سے کی جا رہی ہے، انسداد ڈینگی کے لئے قومی پالیسی تشکیل دی جا رہی ہے۔

کھانے سے پہلے غور ضرور کریں، پلاسٹک سے بنے پکڑے گئے

موسم سرما کے ساتھ ہی نزلہ زکام، فلو اور بخار کا سیزن بھی شروع ہوجاتا ہے اور لوگ بہت تیزی سے ادویات اور سیرپ وغیرہ خریدنا شروع کردیتے ہیں۔

مگر کیا آپ کو معلوم ہے کہ کچن میں موجود چند چیزیں اس حوالے سے ادویات سے زیادہ موثر فائدہ مند ثابت ہوتی ہیں اور مضر اثرات کا امکان بھی نہیں ہوتا۔

ویسے تو سوپ کا استعمال بھی فائدہ پہنچا سکتا ہے مگر کچھ سبزیاں، پھل اور مشروبات آپ کو موسم سرما میں بھی ان عام بیماریوں سے بچانے میں مدد دیتے ہیں۔

جڑوں والی سبزیاں
وٹامن سی وہ اہم غذائی جز ہے جو سرد موسم میں موسمی نزلہ زکام کا دورانیہ کم کرنے کے ساتھ حالت کو بھی بہتر بناتا ہے، مالٹے اس کے حصول کا اچھا ذریعہ ہے مگر جڑوں والی سبزیاں جیسے چقندر، گاجریں اور دیگر بھی یہ فائدہ پہنچاتی ہیں، گاجر کو تو آپ ایسے بھی کھاسکتے ہیں، ورنہ سالن یا سوپ میں ان کا اضافہ کیا جاسکتا ہے۔

سبزچائے
سبز چائے سردیوں کے لیے بہترین گرم مشروب ہے، یہ ایسے منرلز اور وٹامنز فراہم کرتا ہے جو مدافعتی نظام کو مضبوط بناتے ہیں۔ ماہرین کے مطابق سبز چائے دیگر کیفین والی چائے کے مقابلے میں صحت کے لیے زیادہ فائدہ مند ہے، اس میں موجود ایک اینٹی آکسائیڈنٹس وائرس کو مارتا ہے۔

جو کا دلیہ
جو کا دلیہ سردیوں کے لیے ایک صحت بخش انتخاب ثابت ہوسکتا ہے، اس میں زنک اور حل پذیر فائبر ہوتا ہے، زنک سے مدافعتی نظام کو مدد ملتی ہے جبکہ فائبر جسم کو گرمائش کا احساس دینے کے ساتھ پیٹ کو زیادہ دیر تک بھرے رکھتا ہے۔

انار
سردیوں کا یہ پھل بہت کم عرصے تک ہی دستیاب ہوتا ہے اور اس کو چھیلنا کافی مشکل لگ سکتا ہے، یہ پھل اینٹی آکسائیڈنٹس اور ورم کش ہوتا ہے جو نزلہ زکام کو دور رکھنے میں مدد دیتا ہے، اس کے ساتھ ساتھ یہ دل کو تحفظ فراہم کرتا ہے جبکہ بلڈ پریشر اور کولیسٹرول کی سطح کم کرتا ہے۔

آلو
سردیوں میں جسم گرمائش مانتا ہے اور آلو جسم کو گرمی فراہم کرسکتے ہیں، آلو کھانے سے دوران خون کا نظام بہتر ہوتا ہے اور جسمانی کاموں کے لیے ایندھن بھی ملتا ہے۔

میٹھا کدو
نارنجی رنگ کا یہ کدو بیٹا کیروٹین سے بھرپور ہوتا ہے اور فائبر کے حصول کا بہترین ذریعہ بھی ہے جو سردیوں کی طویل راتوں میں بے وقت منہ چلانے کی عادت کو کنٹرول کرنے میں بھی مدد دیتا ہے جبکہ موسمی نزلہ زکام سے بھی تحفظ ملتا ہے۔

لہسن
جراثیم کش خاصیت سے بھرپور یہ سبزی موسم سرما کے مخصوص بیکٹریا اور وائرسز وغیرہ کے خلاف بھرپور مزاحمت کرتی ہے۔ اس میں شامل جز الیسین انفیکشنز کو بلاک کرتا ہے اور چکن سوپ کے ساتھ اسے استعمال کریں آپ کو اس کے فوائد یقیناً حیران کرکے رکھ دیں گے۔

نوٹ: یہ مضمون عام معلومات کے لیے ہے۔ قارئین اس حوالے سے اپنے معالج سے بھی ضرور مشورہ لیں۔

سڈنی : ماہرین طب نے خطرے کی گھنٹی بجادی ،موٹاپے کے شکار افراد میں ذیابیطس، امراض قلب اور دیگر متعدد بیماریوں کا خطرہ بڑھ جاتا ہے مگر اب انکشاف ہوا کہ اس کے نتیجے میں پھیپھڑوں میں چربی جمع ہونے لگتی ہے جو سانس لینا بھی مشکل بنادیتی ہے۔یہ بات آسٹریلیا میں ہونے والی ایک طبی تحقیق میں سامنے آئی۔

اس سے پہلے یہ بات تو سامنے آئی تھی کہ موٹاپے کے شکار افراد میں نظام تنفس کے مسائل جیسے دمہ وغیرہ کا امکان زیادہ ہوتا ہے مگر اس کی وجہ واضح نہیں تھی، مگر یہ پہلی بار ہے جب دریافت کیا گیا کہ چربی کے ذرات پھیپھڑوں میں سانس کی نالی کو بند کرکے جسم کو آکسیجن کی فراہمی محدود کردیتے ہیں۔

ویسٹرن آسٹریلیا یونیورسٹی اور سر چارلس گرینڈر ہاسپٹل کی مشترکہ تحقیق میں دریافت کیا گیا کہ جسمانی چربی کی اضافی مقدار جمع ہونے سے سانس کی نالی کی دیواریں سوج کر موٹی ہوجاتی ہیں جس سے ورم چڑھ جاتا ہے۔

تحقیق کے دوران 52 افراد کے مرجانے کے بعد پھیپھڑوں کا تجزیہ کیا گیا جن میں سے 15 افراد ایسے تھے جو دمہ کا شکار نہیں تھے، 21 کو دمہ تھا مگر موت کی وجہ مختلف تھی جبکہ 16 کی موت دمہ سے ہوئی۔

محققین نے 1373 ہوا کی نالیوں کا تجزیہ کیا اور یہ دیکھا گیا کہ وہ کسی قسم کے چربی کے ٹشوز سے متاثر ہوئے ہیں یا نہیں اور پھر اس کا موازنہ جسمانی وزن سے کیا گیا۔نتائج سے معلوم ہوا کہ جسمانی وزن اور پھیپھڑوں میں چربی کے اکٹھا ہونے کے درمیان تعلق موجود ہے اور جو افراد دمہ کا شکار ہوئے ان کی شریانوں میں بھی چربی جمع ہوگئی تھی۔

صادق سنجرانی صدر مملکت مقرر، نوٹی فکیشن جاری

محققین کا کہنا تھا کہ چربی جمع ہونے سے سانس کی نالیوں کے معمول کی ساخت بھی متاثر ہوسکتی ہے جبکہ ان کے بلاک ہونے سے پھیپھڑوں میں ورم بھی ہوسکتا ہے جس کے نتیجے میں دمہ اور دیگر نظام تنفس کے امراض کا خطرہ بڑھتا ہے۔

توہین آمیز پوسٹ کیخلاف احتجاج، پولیس کی فائرنگ سے 4 افراد جاں بحق

انہوں نے کہا کہ محققین اس سے پہلے عندیہ دے چکے تھے کہ اضافی وزن سے پھیپھڑوں پر دباﺅ بڑھ جاتا ہے یا اضافی وزن سے ورم بڑھتا ہے اور اس تحقیق میں بتایا گیا کہ ایک اور میکنزم بھی اس حوالے سے کردار ادا کرتا ہے۔

امریکہ پھر افغان طالبان کے منتیں کرنے لگا ،

خیال رہے کہ یہ بھی عام دیکھا گیا کہ موٹاپے کے شکار افراد کی سانس بھی تھوڑی جسمانی سرگرمی کے نتیجے میں پھول جاتی ہے اور ممکنہ طور پر اس کے پیچھے بھی یہی وجہ چھپی ہوتی ہے۔اس تحقیق کے نتائج طبی جریدے یورپین Respiratory جرنل میں شائع ہوئے۔

لاہور:گورنر پنجاب چوہدری سرور نے انکشاف کیا ہے کہ پنجاب میں ایک کروڑ افراد ہیپاٹائٹس کا شکار ہیں ۔گورنر ہاؤس لاہور میں ایک تقریب سے خطاب کرتے ہوئےچوہدری سرور کا کہنا تھا کہ پنجاب میں ہیپاٹائٹس کے مرض میں اضافے کی سب سے بڑی وجہ پینے کا گندا پانی ہے۔

مقبوضہ کشمیر ، بھارتی مظالم کی کہانی بھارتی صحافی کی زبانی

انہوں نے کہا کہ 2020 تک پنجاب کے 2 کروڑ لوگوں کو پینے کا صاف پانی مہیا کریں گے،پینے کا صاف پانی نہ ہونے کے باعث ہیپاٹائٹس تیزی سے پھیل رہا ہے۔ان کا کہنا ہے کہ 2 ہفتے پہلے ایک شہر کے 60 فیصد لوگ ہیپاٹائٹس کے مریض پائے گئے۔

گورنر پنجاب کا مزید کہنا تھا کہ اس وقت سب سے بڑا چلنج یہ ہےکہ ہماری درآمدات، برآمدات سے 3 ارب ڈالر زیادہ ہے، کوئی ہمارے خلاف لکھے تو ہم اسے مخالف سمجھتے ہیں ہمیں اس سوچ کو بھی بدلنا ہوگا۔

سپین کے سفیر بھی لاہوری نکلے

واضح رہے کہ 11 کروڑ سے زائد آبادی والے صوبے میں ایک کروڑ لوگوں کا ہیپاٹائٹس جیسے مرض سے متاثر ہونا سنگین صورتحال کی نشاندہی کرتا ہے۔رواں سال اپریل کے مہینے میں بھی پنجاب میں ہیپاٹائٹس کے حوالے سے ہونے والے ایک سروے میں پنجاب کی 8 اعشاریہ 9 فیصد آبادی کے ہیپاٹائٹس میں مبتلا ہونے کا انکشاف ہوا تھا۔

صف علی زرداری پر نیب کا خوف طاری ، اہم پیش رفت

ڈاکٹروں کے مطابق ہیپاٹائٹس کی علامات میں بھوک نہ لگنا، اسہال، تھکاوٹ، جِلد اور آنکھوں میں پیلاہٹ اور پٹھوں، جوڑوں و معدے میں درد شامل ہے، دیہی علاقوں کے لوگ ہیپا ٹائٹس میں زیادہ مبتلا ہورہے ہیں۔

ماہرین کا کہنا ہے کہ علاج کیلئے اتائیوں کے پاس جانے والے اوراسپتالوں میں دیر سے آنے والے ہیپاٹائٹس کے مریض مصیبت میں پڑ سکتے ہیں، اس حوالے سے لوگوں میں شعور اجاگر کرنے کی ضرورت ہے۔

اسلام آباد:ملک میں ایک طرف ڈینگی سے جان چھوٹ نہیں رہی تھی تو دوسری طرف پولیوسے متعلق نئ خبر نے پھر غمگین کردیا ، اطلاعات کےمطابق ملک میں پولیو کے تین نئے کیسز سامنے آ گئے، جس کے بعد رواں برس کے مجموعی پولیو کیسز کی تعداد 76 ہو گئی ہے۔

مسلم ہولوکاسٹ جموں 1947—از….انشال راؤ

تفصیلات کے مطابق تین نئے پولیو کیسز کی تصدیق ہو گئی ہے، لکی مروت کی یو سی سلمان خیل کی 7 ماہ کی بچی، پہاڑ خیل ٹھل کا 21 ماہ کا بچہ اور بلوچستان کے ضلع ہرنائی کے 11 ماہ کے بچے میں پولیو وائرس کی تصدیق کی گئی۔

دوسری طرف ان پولیوکیسز کے حوالےسے محکمہ صحت کی طرف سے ایک وضاحت بھی پیش کی گئی ہے جس کے مطابق بچی کے والدین پولیو ویکسین پلانے سے انکاری تھے، پولیو ٹیسٹ کے لیے نمونے لینے سے قبل سات ماہ کی بچی انتقال کر گئی تھی،

مقبوضہ کشمیر ، بھارتی مظالم کی کہانی بھارتی صحافی کی زبانی

محکمہ صحت کی طرف سے مزید رپورٹ جو سامنے آئی ہے اس کے مطابق لکی مروت کی یو سی پہاڑ خیل ٹھل کا 21 ماہ کا بچہ بھی پولیو وائرس کا شکار ہوا، جس کا تعلق افغانستان کے صوبہ پکتیکا سے ہے، بچے کی ایک بار پولیو ویکسینیشن کی گئی تھی۔

سپین کے سفیر بھی لاہوری نکلے

بلوچستان کے ضلع ہرنائی کے گیارہ ماہ کے بچے کا تعلق یو سی شاہرگ رورل وَن سے ہے، پولیو کے شکار بچے کی ایک بار پولیو ویکسینیشن ہوئی ہے۔ جامشورو کی تحصیل کوٹری کے 31 ماہ کے بچے میں بھی پولیو وائرس کی تصدیق ہوئی ہے۔