لاہور: سیاست کرنے کے لیے مسلم لیگ ن کو ایک اورایشو مل گیا ، اطلاعات کے مطابق پاکستان مسلم لیگ (ن) کا پنجاب کے ٹیچنگ ہسپتالوں کے نجکاری آرڈیننس کو چیلنج کرنے کااعلان، ترجمان مسلم لیگ( ن) پنجاب عظمیٰ بخاری کہتی ہیں کہ پنجاب حکومت نے رات گئے ڈاکٹرز، نرسوں اور دیگر عملے سمیت مریضوں کے حق پر شب خون مارا ہے۔

ترجمان مسلم لیگ (ن) عظمیٰ بخاری کا کہنا ہےکہ منتخب لوگ چوروں ڈاکوؤں کی طرح عوام کے حقوق پر ڈاکہ نہیں مارتے جبکہ مہنگائی، بے روزگاری اور غربت کے بعد حکومت نے عوام سے مفت علاج معالجے کی سہولت بھی چھین لی ہے۔

ہوسٹلز میں لاکھوں روپے کی بجلی چوری پکڑی گئی ، چوری کرنے والوں کے بارے میں‌ لیسکوکا اہم اعلان

پی ایم ایل این کے ذرائع کے مطابق عظمیٰ بخاری نے کہاکہ ٹیچنگ ہسپتالوں میں پرنسپل اور ایم ایس کا عہد ہ ختم کرنے کا مقصد ہسپتالوں کو بھی سیاسی اکھاڑہ بنانا ہے اور پنجاب کے ہسپتالوں میں فری علاج معالجہ کا اختیار بورڈآف گورنر کو دینے کا مطلب وزراء، مشیروں اور حواریوں کے ہی مفت علاج ہونگے اور حکومت اپنی ذمہ داریوں سے راہ فرار تلاش کررہی ہے،

انسداد ڈینگی مہم میں ناقص کارکردگی دکھانے والے افسران کی شامت آگئی

عظمیٰ بخاری نے کہا مسلم لیگ ن کے دور حکومت میں ینگ ڈاکٹرز اور نرسیں ہماری حکومت کے اچھے فیصلوں کیخلاف بھی سڑکوں پر ہوتے تھےاور ینگ ڈاکٹرز اور نرسوں نے بھی تبدیلی سرکاری کی اصلیت دیکھ لی ہو گی۔دوسری طرف عوامی حلقوں کا کہنا ہے کہ سرکاری ہسپتالوں کے ڈاکٹرز بڑی بڑی تنخواہیں تو لیتے ہیں لیکن کسی مریض کو چیک کرنا اور علاج کرنے کو مصیبت اور مریضوں‌پر احسان سمجھتے ہیں . جب مریضوں کو فائدہ ہی نہیں‌ہونا تو پھر بہتر یہی ہے کہ پرائیویٹ اتھارٹی ان کے معاوضے کے مطابق کام لے کر ان کی بگڑی ہوئی طبیعتوں کو ٹھیک کردے گی

لاہور: حکومت دن رات ڈینگی وائرس کو ختم کرنے کے لیے کوشاں اور محکمہ صحت کے حکام اسے مذاق سمجھ رہے ہیں، اطلاعات کے مطابق انسداد ڈینگی مہم میں ناقص کارکردگی دکھانے والوں کی شامت آگئی، ڈی سی لاہور نے ڈی ڈی او ایچ شالیمار ٹاؤن ڈاکٹر اسد اور انٹالوجسٹ امتیاز کو شوکاز نوٹس جاری کردیا۔

ہوسٹلز میں لاکھوں روپے کی بجلی چوری پکڑی گئی ، چوری کرنے والوں کے بارے میں‌ لیسکوکا اہم اعلان

ذرائع کے مطابق لاہور کے افسران کی غلطی کی وجہ سے شہر میں ڈینگی نے پھر ڈیرے ڈال لئے ہیں، ڈی سی لاہور صالحہ سعید کی جانب سے انسداد ڈینگی مہم میں ناقص کارکردگی دکھانے والے افسران کو شوکاز نوٹس جاری کر دیئے گئے ہیں,ذرائع کے مطابق ڈی ڈی او ایچ شالیمار ٹاؤن ڈاکٹر اسد اور انٹالوجسٹ امتیاز کو شوکاز نوٹس جاری کیے گئے ہیں ۔ڈی سی لاہورصالحہ سعید کا کہنا ہے کہ جو افسران غفلت برتیں گے، ان کیخلاف فوری کارروائی کی جائے گی۔

لاہور :پنجاب کے تمام سرکاری تدریسی ہسپتال خودمختار انتظامیہ کے سپردآرڈیننس جاری کردیا گیا ہے ، اس آرڈینینس کی مدد سے سرکاری ہسپتالوں کی بگڑتی ہوئی صورت حال کو بہتر کرنے کے لیے حکومت نے نیا سسٹم متعارف کروا دیا ہے، اس سسٹم کے تحت اب سرکاری ہسپتالوں کی کارکردگی کو بہتر کرنے کے لیے نجی شعبہ سے بورڈ آف گورنرز کی ایسی ٹیم تشکیل دے دی ہے جو سارے معاملات کا بغور جائزہ لے کر ہیلتھ سسٹم کو بہتر کرنے کی کوشش کرے گا، دوسری

دوسری طرف سرکاری ہسپتالوں سے وابستہ افراد کو حکومت کا یہ رویہ اچھا نہیں‌لگا، جبکہ شہری بھی یہی کہتے ہیں‌کہ مہنگائی کے بعد اب عوام سے مفت علاج کی سہولت بھی چھین لی گئی، پنجاب کے ٹیچنگ ہسپتالوں کی نجکاری کا آرڈیننس جاری، گورنر کی منظوری کے بعد نافذ کر دیا گیا۔

file:///C:/Users/amin/Downloads/the-punjab-medical-teaching-institutions-reforms-ordinance-2019-pdf.pdf

ذرائع کے مطابق پنجاب حکومت نے نیا پنڈورا بکس کھول دیا، ٹیچنگ ہسپتالوں کی نجکاری کا آرڈیننس جاری کردیا گیا، ٹیچنگ ہسپتالوں کا نظام پرائیویٹ ہسپتالوں پر مشتمل بورڈ آف گورنر کے سپرد کردیا گیا، ڈاکٹرز ، نرسز اور پیرا میڈیکس کا سرکاری ملازمت کا درجہ ختم کر دیا گیا، کوئی سرکاری ڈاکٹر بھرتی ہوگا نہ نرسز، پیرامیڈیکل سٹاف بھی پرائیوٹائزڈ ہوگا۔

اس نے سسٹم کے تحت ٹیچنگ ہسپتالوں کا نظام چلانے کیلئے پرنسپل اور ایم ایس کاعہدہ ختم کردیا گیا، ڈین، ہسپتال ڈائریکٹرز، میڈیکل ڈائریکٹرز، نرسنگ ڈائریکٹرز کاعہدہ متعارف، ٹیچنگ ہسپتالوں کیلئے فنانس ڈائریکٹرز کا عہدہ بھی متعارف کرا دیا گیا، ٹیچنگ ہسپتالوں میں فری علاج معالجہ بورڈ آف گورنر کی صوابدید پر ہوگا۔بورڈ آف گورنر کے پاس ٹیچنگ ہسپتالوں میں تقرر و تبادلوں کا اختیار ہوگا، بورڈ آف گورنر ہی ٹیچنگ ہسپتالوں میں نظام چلانے کا مجاز ہوگا۔

کراچی: 200 چینی باشندے ڈینگی وائرس کے حملے کا شکار ہوگئے ، اطلاعات کےمطابق کراچی شہر میں ایک ہی مقام سے دو سو سے زائد ڈینگی کے مریض سامنے آگئے ہیں، صوبائی وزیر صحت نے واقعے کی تصدیق کردی ہے۔

تفصیلات کے مطابق وزیر صحت سندھ نے واقعے کی تصدیق کرتے ہوئے کہا کہ ہاکس بے میں اٹامک انرجی پلانٹ میں کام کرنے والے دو سو چائینز باشندے متاثر ہوئے ہیں۔محکمہ صحت کی رپورٹ کے مطابق رواں سال اب تک مختلف اسپتالوں میں ڈینگی بخار کے 1072 کیسز رپورٹ ہوئے ہیں جن میں سے 1014 افراد کا تعلق کراچی شہر سے ہے۔

یاد رہے کہ اس سے پہلے بھی چینی باشندوں پر ڈینگی وائرس کے حملے کی شکایات آچکی ہیں ، گزشتہ ماہ کراچی میں ڈینگی سے متاثرہ افراد کی تعداد 815 تھی۔ ایک ماہ میں 200 سے زائد کیسسز سامنے آئے ہیں

لندن: اینٹی بایوٹکس آپ کو جوڑوں کی بیماری میں مبتلا کرسکتی ہیں ، تحقیق نے خطرے کی گھنٹی بجادی اگر آپ چاہتے ہیں کہ گٹھیا سے محفوظ رہیں تو دیگر احتیاطی تدابیر اختیار کرنے کے ساتھ ساتھ اینٹی بایوٹکس سے بھی ہر ممکن حد تک پرہیز کیجیے۔

برطانیہ میں کِیل یونیورسٹی اور کواڈریم انسٹی ٹیوٹ آف بایوسائنسز کے اشتراک سے کیے گئے اس مطالعے میں ایک لاکھ سے زائد افراد کی صحت سے متعلق دس سالہ اعداد و شمار کا جائزہ لینے کے بعد برطانوی طبی ماہرین نے انکشاف کیا ہے کہ اینٹی بایوٹکس کا زیادہ استعمال کرنے والوں میں جوڑوں کی بیماری یعنی ’’گٹھیا‘‘ کا خطرہ، اینٹی بایوٹکس نہ لینے والے لوگوں کی نسبت 60 فیصد زیادہ ہوتا ہے۔

واضح رہے کہ شعبہ طب میں ضد حیوی دواؤں (اینٹی بایوٹکس) کو کسی بیماری کے خلاف انتہائی اقدام کے طور پر ہی استعمال کیا جاتا ہے جبکہ قانونی طور پر انہیں صرف سند یافتہ ڈاکٹر کے تحریری نسخے کے مطابق ہی خریدا جاسکتا ہے لیکن پاکستان سمیت، دنیا کے بیشتر ترقی پذیر ممالک میں اس طرح کی احتیاطی تدابیر کا کوئی بندوبست نہیں۔

اس طبی مطالعے میں یہ بات خاص طور پر نوٹ کی گئی کہ جو لوگ سال میں دو مرتبہ اینٹی بایوٹکس کا مکمل کورس کرتے ہیں، ان میں اینٹی بایوٹکس استعمال نہ کرنے والوں کے مقابلے میں گٹھیا کا خطرہ 66 فیصد تک زیادہ ہوتا ہے۔ ویسے تو کم و بیش تمام اقسام کی اینٹی بایوٹکس ہی گٹھیا کے خطرات میں اضافہ کرتی دیکھی گئیں لیکن اس ضمن میں گلے کی خرابی میں استعمال کی جانے والی اینٹی بایوٹکس سب سے زیادہ خطرناک رہیں۔