Category: بین الاقوامی

ترکیہ میں شامی پناہ گزینوں کے خلاف ہونے والے پرتشدد واقعات کے بعد حکام نے بڑے پیمانے پر کارروائی کرتے ہوئے 470 سے زائد افراد کو حراست میں لے لیا ہے۔ یہ تشدد اس وقت بھڑکا جب ایک شامی شخص کو 7 سالہ بچی سے جنسی زیادتی کے الزام میں گرفتار کیا گیا۔واقعات کی ابتدا صوبہ قیصری سے ہوئی، جہاں مقامی افراد نے شامی پناہ گزینوں کے گھروں، کاروباری مراکز اور گاڑیوں کو نشانہ بنایا۔ یہ تشدد جلد ہی دیگر صوبوں میں بھی پھیل گیا۔اس کے ردعمل میں، شام کے شمال مغربی علاقوں میں، جو ترکی کی حمایت یافتہ فورسز کے زیر کنٹرول ہیں، انتقامی مظاہرے شروع ہو گئے۔ سیکڑوں شامی مظاہرین، جن میں سے کچھ مسلح تھے، سڑکوں پر نکل آئے۔ کچھ نے ترکی کے جھنڈے پھاڑے اور ٹرکوں پر پتھراؤ کیا۔صورتحال اس وقت مزید خراب ہوئی جب ترک محافظوں اور مظاہرین کے درمیان فائرنگ کا تبادلہ ہوا، جس کے نتیجے میں 4 افراد ہلاک اور 20 زخمی ہوئے یہ واقعات ترکیہ میں شامی پناہ گزینوں کی موجودگی کے حوالے سے بڑھتے ہوئے تناؤ کو ظاہر کرتے ہیں۔ حکام کو اب ایک طرف امن و امان کی بحالی اور دوسری جانب پناہ گزینوں کے تحفظ کے چیلنج کا سامنا ہے۔ ترک حکومت نے اعلان کیا ہے کہ وہ صورتحال پر قابو پانے کے لیے تمام ضروری اقدامات اٹھائے گی اور قانون کی خلاف ورزی کرنے والوں کے خلاف سخت کارروائی کی جائے گی

ماضی میں گینگسٹر رہنے والے جنوبی افریقی سیاستدان گائٹن مکینزی کھیلوں اور ثقافت کے وزیر بن گئے۔ وزیر بننے کی اطلاع ملتے ہی گائٹن نے فیس بک پر اپنی لائیو ویڈیو کے دوران کہا کہ جناب صدر آپ کا شکریہ، یہاں بہت سے لوگ ہیں جو مجھے اور میری جماعت کو اتحادی حکومت میں نہیں دیکھنا چاہتے۔غیر ملکی میڈیا رپورٹ کے مطابق جنوبی افریقہ کے صدر سرل رامافوسا نے حکومتی اتحادی پیٹریاٹک الائنس کے سربراہ گائٹن مکینزی کو کھیلوں اور ثقافت کا وزیر مقرر کیا ہے۔رپورٹس کے مطابق اسپورٹس منسٹر گائٹن مکینزی ماضی میں گینگسٹر رہ چکے ہیں اور ان پر متعدد جرائم میں ملوث رہنے کا الزام ہے۔
گائٹن مکینزی نے 2013 میں اپنی جماعت پیٹریاٹک الائنس کی بنیاد رکھی اور انہیں تقریباً 10 سال بعد سیاست کے میدان میں کامیابی ملی۔2024 کے جنوبی افریقی انتخابات میں حکمران جماعت اے این سی اکثریت سے محروم ہوگئی تھی جس کے بعد انہیں پیٹریاٹک الائنس اور دیگر اتحادیوں کےساتھ مل کر حکومت بنانا پڑی۔ رپورٹس کے مطابق گائٹن نے 16 سال کی عمر میں بینک لوٹا تھا اور متعدد جرائم کیے جس پر انہیں 7 سال جیل ہوئی، جیل میں رہنے کے بعد جب انہیں رہائی ملی تو انہوں نے خود کو بدلنے کا عہد کیا اور سیاست میں قدم رکھا۔

بھارت میں مذہبی تقریب کے دوران بھگدڑ سے مرنیوالوں کی تعداد میں اضافہ ہو گیا ہے،ہلاکتوں کی تعداد 121 ہو گئی ہےجبکہ 100 سے زائد افراد زخمی ہیں.

پولیس نے واقعہ کا مقدمہ درج کر لیا ہے اور تحقیقات کا آغاز کر دیا ہے،واقعہ بھارتی ریاست اترپردیش کے ضلع ہتھراس کے گاؤں میں گزشتہ رو ز پیش آیاتھا جب مذہبی تقریب ختم ہونے پر بھگدڑ مچی تھی، تقریب میں ایک لاکھ سے زائد لوگ شریک تھے، مرنے والوں میں زیادہ تعداد خواتین کی ہے، بچے بھی ہلاک ہونے والوں میں شامل ہیں.

پولیس نے دیوپرکاش مدھوکر جسے بھولے بابا کا مرکزی خادم کہا جا رہا ہے، اسکے اور مذہبی تقریب کی دیگر انتظامیہ کے خلاف مقدمہ درج کر لیا ہے،مقدمہ برجیش پانڈے کی مدعیت میں درج کیا گیاہے،بھارتی وزیر اسیم ارون جائے وقوعہ پر پہنچے اور ہسپتال میں زخمیوں سے ملاقات کی،اس دوران انکا کہنا تھا کہ واقعہ میں ملوث کسی شخص کو معافی نہیں ملے گی،ڈی جی آگرہ زون کی سربراہی میں ایک تحقیقاتی کمیٹی بھی تشکیل دی گئی ہے جو وزیراعلیٰ کو 24 گھنٹوں میں رپورٹ دے گی، حادثے میں ہلاک ہونے والوں کے لواحقین کے لئے دو لاکھ اور زخمیوں کے لئے 50 ہزار کی امداد کا حکومت نے اعلان کیا ہے.

چیف سیکرٹری کے مطابق مذہبی تقریب کے لئے 80 ہزار افراد کی شرکت کی اجازت تھی لیکن سوا لاکھ لوگ تقریب میں شریک ہوئے، پروگرام ختم ہوا تو لوگ بابا کے پاؤں چھونے جا رہے تھے اس دوران بھگدڑ مچی اور یہ واقعہ پیش آیا،بھولے بابا کے خلاف بھی کاروائی کی جائے گی،پوسٹ مارٹم کے بعد لاشوں کو گھر پہنچائیں گے،

دوسری جانب یہ بھی سوال اٹھایا جا رہا ہے کہ انتظامیہ کی جانب سے اس تقریب کی اجازت دی گئی تھی تا ہم سیکورٹی و دیگر امور کے لئے کوئی انتظامات نہیں تھے، انتظامیہ نے صرف 40 پولیس اہلکار تعینات کر رکھے تھے تو وہیں کسی بھی ایمرجنسی سے نمٹنے کے لئے کوئی انتظامات نہیں کئے گئے تھے،

روحانی پیشوا نارائن ساکر ہری، جو بھولے بابا کے نام سے مشہور ہیں واقعہ کے بعد جائے وقوعہ سے فرار ہو گئے ہیں،ایک عینی شاہد کے مطابق جیسے ہی تقریب ختم ہوئی، لوگ بابا جی کے پاس جمع ہوئے،تا کہ انکے پاؤں چھوئیں اور انکے قدموں کی مٹی اٹھائیں، اس دوران بھگدڑ مچی، پھر جو لوگ گرے وہ اٹھ نہ سکے،

بھولے بابا پر جنسی زیادتی سمیت چھ مقدمے تھے درج
یوپی کے سابق ڈی جی پی وکرم سنگھ نے واقعہ پر کہا کہ یہ ایک مصیبت کی دعوت تھی ،تقریب میں انتظامات ہونے چاہیے تھے وہ نہیں تھے، ایمبولینس جو ایمرجنسی کے لئے چاہیے ہوتی ہے، سوا لاکھ کے مجمع میں کوئی گاڑی نہیں تھی، کسی حادثے سے نمٹنے کے لئے فائر بریگیڈ، میڈیکل ٹیم کچھ بھی موجود نہیں تھا،اگر حکومت ایمرجنسی سے نمٹنے کے انتظامات کرتی تو ہلاکتیں کم ہو سکتی تھیں،اب جو ہلاکتیں ہوئیں اسکا ذمہ دار کون ہے، اگر بھولے بابا میں کچھ اخلاقیات ہیں تو وہ خود کو قانون کے حوالے کریں، یہ بھی اطلاع ہے کہ بھولے بابا پر چھ مقدمے درج ہیں جن میں ایک جنسی زیادتی کا بھی شامل ہے تو یہ کس بات کا بابا؟ کون سا بابا؟

مذہبی تقریب میں بھگدڑ سے اموات، سپریم کورٹ میں تحقیقات کیلئے درخواست
ہتھرس میں مذہبی تقریب کے دوران بھگدڑ سے 121 افراد کی موت کے بعد تحقیقات کے لئے بھارتی سپریم کورٹ میں درخواست دائر کر دی گئی،درخواست میں کہا گیا ہے کہ سپریم کورٹ کے ریٹائرڈ جج کی نگرانی میں ماہرین کی کمیٹی تشکیل دی جائے جو واقعہ کی تحقیقات کرے اور ملزمان کو سزا دلوائے،

لاشوں کا ڈھیر دیکھ کر پولیس اہلکار کی بگڑی حالت، ہسپتال میں ہوئی موت
ہتھرس میں مذہبی تقریب کے دوران بھگڈر مچنے سے 121 اموات ہوئی، ایک ساتھ لاشوں کا ڈھیر دیکھ کر ڈیوٹی پر تعینات پولیس اہلکار چل بسا،سپاہی کی شناخت روی کے طور پر ہوئی جو ضلع ایٹہ کی کیو آرٹی میں تعینات تھا ، ہلاک سپاہی کانپور کا رہائشی تھا.واقعہ کی اطلاع ملی تو پولیس کی بھاری نفری موقع پر پہنچی تو وہیں ہسپتال کے باپر بھی پولیس تعینات کی گئی، ایٹہ پولیس نے متاثرین کی مدد اور بہتر دیکھ بھال کے لیے کیو آر ٹی لگا دی تھی،پانچ اہلکاروں کی ڈیوٹی ہسپتال کے باہر تھی، جیسے ہی لاشوں کو ہسپتال لایا گیا تو ہر طرف لاشوں کے ڈھیر لگ گئے، ایسےمیں پولیس اہلکار کی طبیعت خراب ہوئی، اسے ہسپتال منتقل کیا گیا تا ہم اسکی موت ہو گئی.ساتھی پولیس اہلکاروں کا کہنا تھا کہ لاشیں دیکھ کر روی گھبرا گیا تھا اسے بے چینی ہونے لگ گئی تھی، پسینے میں وہ بھیگ گیا تھا،ہم نے اسے ہسپتال منتقل کیا لیکن وہ چل بسا،ڈاکٹروں کے مطابق روی کو دل کا دورہ پڑا تھا،

میں آپکے لیڈر کے کرتوت جانتا ہوں،ہم نے ملک جادو ٹونے پر نہیں چلانا، عون چودھری

ہمارے دور میں کچھ غلط ہوا تھا تو اس کو دہرانا نہیں چاہیے، عون چوہدری

زیر اعلیٰ پنجاب مریم نواز شریف سے استحکام پاکستان پارٹی کے رہنما عون چوہدری کی ملاقات

بھارت میں مذہبی تقریب کے دوران بھگدڑ مچنے سے 100 سے زائد افراد کی موت ہو گئی ہے جبکہ متعدد زخمی ہیں

واقعہ بھارتی ریاست اترپردیش کے ضلع ہتھراس کے گاؤں میں پیش آیا،حادثے میں کم از کم ایک سو افراد ہلاک ہو گئے ہیں، مرنیوالوں میں زیادہ تعداد خواتین کی ہے، ہلاکتوں میں اضافے کا بھی خدشہ ظاہر کیا جا رہا ہے،واقعہ گاؤں پولاری میں پیش آیا،مقامی خاتون کے مطابق یہ تقریب مقامی ہندو گرو کے اعزاز میں منعقد کی گئی تھی،واقعہ کی تحقیقات جاری ہیں، لاشوں او ر زخمیوں کو ہسپتال منتقل کیا گیا ہے، مرنیوالوں میں 23 خواتین، اور بچے بھی شامل ہیں، زخمیوں میں بھی خواتین اور بچے شامل ہیں،پولیس کے مطابق اس تقریب میں شرکت کےلیے لوگوں کی ایک بڑی تعداد جمع تھی، بھگدڑ مچنے کی وجہ لوگوں کی غیر معمولی تعداد تھی ،

ہسپتال انتظامیہ کا کہنا ہے کہ لاشوں اور زخمیوں کو لایا جا رہا ہے، ہلاکتوں میں اضافہ ہو سکتا ہے،پولیس حکام کے مطابق بھولے بابا کا پروگرام چل رہا تھا، بھگدڑ کی وجہ سے اموات ہوئی ہیں، اب تک 27 لاشیں ہسپتال لائی گئی ہیں جن میں 23 خواتین کی ہیں،

بھگدڑ کے واقعہ کی ایک چشم دید گواہ ایک لڑکی جیوتی کا کہنا تھا کہ میری والدہ بھی حادثے میں زخمی ہوئی ہیں، ہم لوگ شانتی ستسنگ میں گئے تھے ستسنگ ختم ہونے کے بعد ہم لوگ نکلنے لگے،رش بہت زیادہ تھا، اسی دوران بھگدڑ مچی ،لوگ بھاگے اور جو نیچے گرے وہ پاؤں تلے روندے گئے، خوفناک منظر تھا،ہر طرف چیخ و پکار تھی.

میں آپکے لیڈر کے کرتوت جانتا ہوں،ہم نے ملک جادو ٹونے پر نہیں چلانا، عون چودھری

ہمارے دور میں کچھ غلط ہوا تھا تو اس کو دہرانا نہیں چاہیے، عون چوہدری

زیر اعلیٰ پنجاب مریم نواز شریف سے استحکام پاکستان پارٹی کے رہنما عون چوہدری کی ملاقات

ایئر یوروپا کی پرواز شدید ہچکولوں کے بعد برازیل کی طرف موڑ دی گئی،واقعہ میں تیس مسافر زخمی ہو گئے

میڈرڈ سے مونٹیویڈیو، یوراگوئے جانے والی ایئر یوروپا کی پرواز کو پیر کو شدید ہچکولوں کے بعد برازیل کے ہوائی اڈے کی طرف موڑ دیا گیا،اس دوران 30 مسافروں کو چوٹیں آئیں اور وہ زخمی ہوئے، اسپین کی ایئر یورپا بوئنگ 787-9 ڈریم لائنر برازیل میں شدید ہچکولوں کا شکار ہوئی ہے، جس کے بعد مسافر طیارے کی ایئرپورٹ پر ہنگامی لینڈنگ ہوئی ہے،حادثے کے دوران و شدید جھٹکوں کی وجہ سے ایک مسافر کاسر جہاز کی چھت میں پھنس گیا،واقعہ کی ویڈیو سوشل میڈیا پر وائرل ہو رہی ہے جس میں دیکھا جا سکتا ہے کہ طیارے میں سوار مسافر پریشانی کا شکار ہیں، ایک مسافر جہاز کی چھت اور سامان رکھنے کی جگہ پر پھنسا ہوا ہے، پرواز میں 325 مسافر سوار تھے، تاہم ویڈیوز میں دیکھا جا سکتا ہے کہ آکسیجن ماسکس اور سیٹس تباہ ہو چکی ہیں،

#INCIDENTE | Al menos 30 pasajeros resultaron heridos cuando el vuelo UX045 de Air Europa, un Boeing 787-9 que viajaba de Madrid a Montevideo, encontró severas turbulencias temprano esta mañana.
Tras el incidente, el vuelo fue desviado a Natal, Brasil, donde los heridos… pic.twitter.com/ksXFTxB49d

— Aviación Guayaquil (@AviacionGYE) July 1, 2024

ایئر یورپا کی جانب سے بیان میں کہنا تھا کہ پرواز بنا کسی مسئلے کے لینڈ کر گئی تھی، جبکہ مسافروں کو ابتدائی طبی امداد فراہم کی جا رہی ہیں،ئی پرواز کے ذریعے مسافروں کو منزل تک پہنچا دیا گیا ہے۔

یوروگوائے کے وزیر خارجہ کا اس حوالے سے کہنا تھا کہ مسافروں کوتاحال شہر کے اسپتال میں طبی امداد فراہم کی جا رہی ہے،مقامی ہوائی اڈے کے مطابق، پرواز نے شمال مشرقی برازیل کے نیٹل ہوائی اڈے پر مقامی وقت کے مطابق صبح 2:32 پر ہنگامی لینڈنگ کی۔

حالیہ مطالعات سے پتہ چلتا ہے کہ موسمیاتی تبدیلی ایئر لائنز کے لئے بھی خطرے میں اضافہ کر سکتی ہے۔