Category: بین الاقوامی

نیو میکسیکو: امریکا کا جدید ترین لڑاکا طیارہ ایف تھرٹی فائیو نیو میکسیکو میں گرکر تباہ ہوگیا۔

باغی ٹی وی : امریکی میڈیا کے مطابق طیارہ حادثے کے نتیجے میں پائلٹ کی جان بچ گئی لیکن وہ شدید زخمی ہوگیا جسے اسپتال منتقل کردیا گیا،طیارےمیں پائلٹ کے علاوہ کوئی اور نہیں تھا، حادثہ دوپہر 2 بجے کے قریب پیش آیا جس میں جب پائلٹ کو احساس ہوا کہ طیارہ تباہ ہوگیا ہے تو وہ بچ نکلنے میں کامیاب رہا، فائر ڈپارٹمنٹ کے مطابق پائلٹ ہوائی اڈے کے جنوب کی طرف ایک پہاڑی پر تھا جسے شدید زخمی حالت میں اسپتال منتقل کیا گیا۔

البوکرک فائر ریسکیو کے ترجمان نے ایک سوشل میڈیا پوسٹ میں حادثے کی تصدیق کرتے ہوئے کہا کہ پہلے جواب دہندگان جائے وقوعہ پر پہنچے اور تباہ شدہ طیارے کی تصدیق کی اور پائلٹ کی تلاش شروع کر دی اور آگ پر قابو پانے کی کوششیں شروع کر دیں”۔

بھارت اور بنگلہ دیش میں تیز بارشوں اور سائیکلون سے 38 افراد ہلاک

ترجمان کے مطابق، پائلٹ حادثے میں بچ گیا اور اسے "سنگین زخموں” کے ساتھ ہسپتال لے جایا گیا "دو دیگر شہریوں کا جائے وقوعہ پر جائزہ لیا گیا، اور ان میں سے کسی کو بھی ہسپتال منتقل نہیں کیا گیا-

مقامی میڈیا رپورٹس کے مطابق، ایڈوانس اسٹیلتھ فائٹر مبینہ طور پر جنوبی کیلیفورنیا میں ایڈورڈز ایئر فورس بیس کے لیے جا رہا تھا جب یہ البوکرک انٹرنیشنل سنپورٹ کے قریب گر کر تباہ ہو گیا، جو کرٹ لینڈ ایئر فورس بیس کی جگہ بھی ہے۔

رفح میں اسرائیلی ٹینکوں نے فلسطینی پناہ گزینوں کے کیمپوں کو روند ڈالا ،21 فلسطینی …

بلوچستان:واشک میں مسافر کوچ کھائی میں جا گری،خواتین اور بچوں سمیت 24 افراد ہلاک

ڈنمارک کے طلبا کا غزہ میں اسرائیلی مظالم کے خلاف احتجاج رنگ لے آیا

غزہ: رفح میں مہاجر کیمپ پر اسرائیل کے ایک اور حملے میں 21 فلسطینی شہید ہوگئے۔

باغی ٹی وی : عرب میڈیا کے مطابق رفح کے علاقے میں اسرائیلی ٹینکوں نے فلسطینی پناہ گزینوں کے کیمپوں کو روند ڈالا جس کے نتیجے میں 13 خواتین سمیت 21 فلسطینی شہید اور متعدد زخمی ہوگئے، اسرائیلی جارحیت کے باعث بے گھر ہو کر کیمپوں پر رہنے والوں پر اسرائیل کا یہ دوسرا حملہ ہے۔

رپورٹس کے مطابق اسرائیلی فوج نے رفح کے علاقےالمساوی کو محفوظ قرار دیا تھا اور فلسطینیوں کو وہاں منتقل ہونے کو کہا تھا۔ رفح میں اسپتال نہ ہونے کے باعث میتوں اور زخمیوں کو فیلڈ اسپتال منتقل کیا گیا،دو روز قبل بھی اسرائیلی فوج نے رفح میں پناہ گزین کیمپ پر بمباری کی تھی جس میں 75 سے زائد فلسطینی زندہ جل کر شہید اور درجنوں جھلس کر زخمی ہوگئے تھے-

ڈنمارک کے طلبا کا غزہ میں اسرائیلی مظالم کے خلاف احتجاج رنگ لے آیا

دوسری جانب فلسطینی پناہ گزینوں کے لیے قائم اقوام متحدہ کے ادارے ‘اونروا’ نے بتایا ہے کہ گزشتہ تین ہفتوں میں رفح سے دس لاکھ فلسطینی اسرائیلی فوج کی بمباری کی وجہ سے نقل مکانی پر مجبور ہوئے ہیں۔

اقوام متحدہ کے جائزوں کے مطابق غزہ جنگ کے دوران 15 لاکھ فلسطینیوں نے غزہ کے انتہائی جنوب میں واقع شہر رفح میں پناہ لی تھی، مئی کے شروع میں اسرائیلی فوج نے رفح پر حملہ کیا جس کا مقصد حماس کے جنگجووں کا خاتمہ بتایا گیا تھا، اسرائیلی فوج نے فلسطینی پناہ گزینوں کو کہا کہ وہ رفح شہر خالی کر دیں، رفح سے نکلنے والے فلسطینی پناہ گزین نہیں جانتے تھے کہ ان کی اگلی منزل کیا ہوگی۔

بلوچستان:واشک میں مسافر کوچ کھائی میں جا گری،خواتین اور بچوں سمیت 24 افراد ہلاک

‘اونروا’ حکام کے مطابق ‘پناہ گزین نہیں جانتے کہ رفح سے نکل کر انہیں کہاں جانا ہے، ان کے پاس خوراک ہے نہ پانی، ان کی حالت انتہائی نازک ہے۔ فلسطینی پناہ گزینوں کی مدد و حفاظت ناممکن ہے

ڈنمارک کے طلبا کا غزہ میں اسرائیلی مظالم کے خلاف احتجاج رنگ لے آیا،کوپن ہیگن یونیورسٹی نے بڑا فیصلہ کر لیا-

باغی ٹی وی : غیر ملکی خبر رساں ایجنسی کے مطابق کوپن ہیگن یونیورسٹی نے اسرائیلی بستیوں میں کام کرنے والی کمپنیوں میں سرمایہ کاری روکنے کا فیصلہ کرلیا مقبوضہ مغربی کنارے میں کاروبار کرنے والی کمپنیوں کو سرمایہ کاری روکیں گے-

ڈنمارک میں طلبا نے مئی کے شروع میں فلسطینی عوام سے اظہار یکجہتی کیلئے غزہ احتجاجی کیمپ لگائے تھے،طلبا کے احتجاج میں اسرائیل کے ساتھ مالی اور ادارہ جاتی تعلقات ختم کرنے کا مطالبہ کیا گیا تھا۔

دوسری جانب فرانسیسی پارلیمنٹ کے ایوان زیریں میں اجلاس کے دوران فلسطینی پرچم لہرا دیا گیا، غیر ملکی خبر رساں ایجنسی کے مطابق بائیں بازوسے تعلق رکھنے والے رکن پارلیمنٹ سیبسٹن ڈیلوگو نےفلسطینی پرچم اٹھاکرایوان کی توجہ غزہ کی صورتحال کی طرف دلائی۔

محکمہ تعلیم میں بھرتیوں کے عمل کو انتہائی شفاف طریقے سے مکمل کیا جائے گا …

سیبسٹن ڈیلوگو کی جانب سے فلسطینی پرچم لہراتے ہی پارلیمنٹ کی صدر نے اس عمل کو ناقابل قبول قراردےکر اجلاس ملتوی کردیا بعد ازاں فلسطینی پرچم لہرانے والے رکن پارلیمنٹ سیبسٹن ڈیلوگو کو 15 روز کے لیے معطل کردیا گیا۔

سیبسٹن ڈیلوگو نے صحافیوں سے بات کرتے ہوئے کہا کہ انہوں نے قومی اسمبلی میں فلسطینی پرچم اس لیے لہرایا کیونکہ فرانس اسرائیلی فوج کو ہتھیار فروخت رہا ہے اور وہاں فلسطین میں نسل کشی جاری ہے۔

ایم کیو ایم کو نیب ترامیم پر اعتراضات

غزہ: رفح میں اسرائیلی حملے جاری ہیں جن میں مزید 45 فلسطینی شہید ہوئے ہیں-

باغی ٹی وی : غیر ملکی میڈیا کے مطابق گزشتہ 24 گھنٹوں میں 230 سے زائد فلسطینیوں کے قتل عام اور عالمی ردعمل کے باوجود اسرائیل کے تازہ حملے جاری ہیں، اسرائیلی فوج نے رفح شہر کے علاقے تل السلطان، سعودی، تل زروب اور الحشاشین کو نشانہ بناتے ہوئے گولہ باری کا سلسلہ جاری رکھا ہوا ہے جس میں متعدد فلسطینی شہید اور زخمی ہوئے ہیں۔

رپورٹس کے مطابق اسرائیل کی جانب سے تازہ حملوں کا سلسلہ رات گئے سے جاری ہے جہاں اسرائیلی فوج نے رفح میں محفوظ قرار دیے گئے علاقے میں بے گھر فلسطینیوں کے خیموں پر گولے برسائے جس میں 45 فلسطینی شہید ہوگئے جن میں زیادہ تعداد خواتین اور بچوں کی شامل ہے غزہ میں لڑائی کے باعث 20 دنوں میں 10 لاکھ سے زیادہ فلسطینی بے گھر ہوگئے۔

آج سے ملک کے مختلف علاقوں میں بارشیں شروع

دوسری جانب غیر مستقل رکن الجزائر کی درخواست پر اقوام متحدہ کی سلامتی کونسل کا ہنگامی اجلاس آج طلب کر لیا گیا ہے، بند کمرا اجلاس میں رفح میں فلسطینیوں کے قتل عام پر بحث ہوگی۔

دہلی سے وارنسی جانے والی ’انڈیگو‘ کی فلائٹ میں ’بم کی افواہ‘

اسپین نے باضابطہ طور پر فلسطین کو آزاد ریاست کی حیثیت سے تسلیم کرلیا،جس کے بعد فلسطین کو تسلیم کرنے والے ممالک کی تعداد 146 ہوگئی ہے۔

باغی ٹی وی : ”اے ایف پی“ کے مطابق ہسپانوی وزیراعظم نے فلسطین کو آزاد ریاست تسلیم کرنےکا باضابطہ اعلان کیا، انہوں نے کہا کہ امن فلسطین کا بنیادی حق ہے،فلسطین کوتسلیم کرناتاریخ سازلمحہ ہے-

واضح رہے کہ آئر لینڈ اور ناروے کی جانب سے بھی آج فلسطینی ریاست کو تسلیم کیے جانے کا اعلان متوقع ہے، اسپین، آئرلینڈ اور ناروے کا ماننا ہے کہ ان کے اقدام سے ایک مضبوط علامتی اثر پیدا ہوگا جو دیگر ممالک کے لیے حوصلے کا باعث بنے گاناروے نے فلسطینی وزیر اعظم محمد مصطفیٰ کو مطلع کیا تھا کہ منگل کے روز فلسطین کو تسلیم کرنے کا اعلان کریں گے۔

دہلی سے وارنسی جانے والی ’انڈیگو‘ کی فلائٹ میں ’بم کی افواہ‘

اگرچہ سلووینیا نے بھی فلسطینی ریاست کو تسلیم کرنے کا عمل شروع کر دیا ہے لیکن اس معاملے نے 27 ممالک پر مشتمل یورپی یونین کے اندر شدید اختلاف بھی ہے،اسرائیل فلسطین امن کوششوں کے لیے ناروے اور اسپین کا کردار تاریخی اہمیت کا حامل ہے، دونوں فریقین نے اسپین کے شہر میڈرڈ میں 1991 میں ملاقات کی تھی جس کےنتیجے میں اوسلو معاہدہ کی بنیاد پڑی تھی۔

ایٹمی پروگرام پاکستان کے مضبوط دفاع کی علامت ہے، وزیراعلیٰ پنجاب

نئی دہلی: دہلی سے وارنسی جانے والی ’انڈیگو‘ کی فلائٹ میں ’بم کی افواہ‘ کے فوراً بعد مسافروں سے خالی کرالیا گیا۔

باغی ٹی وی: بھارتی میڈیا کے مطابق ایئر لائن نے تصدیق کی کہ انڈیگو کی پرواز میں ”بم موجودگی سے متعلق کال“ موصول ہوئی تھی، اس لیے تمام مسافروں کو ایمرجنسی ایگزٹ کے ذریعے نکالا گیا،ہوائی جہاز کو معائنہ کے لیے محفوظ مقام پر منتقل کر دیا گیا ہے، تمام سیکورٹی چیکس کی تکمیل کے بعد، طیارے کو ٹرمینل میں واپس پہنچا دیا جائے گا –

نیو انڈین ایکسپریس کے مطابق پولیس کا کہنا ہےکہ وارانسی جانے والی انڈیگو کی پرواز کو منگل کی صبح یہاں کے ہوائی اڈے پر بم کی دھمکی موصول ہوئی تھی لیکن ہوائی جہاز کی تلاشی لینے پر کچھ نہیں ملا،بم کے خوف سے حکام نے جہاز میں موجود تمام عملے اور 176 مسافروں کو باہر نکال دیا اور جہاز کی تلاشی لی-

اے ایس پی شہر بانو وزیرداخلہ محسن نقوی کی پی ایس او تعینات

انڈیگو کے ترجمان نے ایک بیان میں کہا کہ مسافروں کو دوسرے جہاز میں وارانسی لے جایا جائے گا، جس کے صبح 11 بجے اڑان بھرنے کی امید ہے۔

ایک سینئر پولیس افسر نے بتایا کہ صبح تقریباً 5 بجے، وارانسی کے لیے روانہ ہونے والی انڈیگو فلائٹ کے غسل خانے میں ایک کاغذ کے بارے میں معلومات موصول ہوئی، جس پر ‘بم @5.30’ لکھا ہوا تھا جس کے بعد مکمل معائنہ کیا گیا،”کوئی مشکوک چیز نہیں ملی، مزید تفتیش جاری ہے۔”

شمالی کوریا جاسوس سیٹلائٹ خلا میں بھیجنے کا مشن ناکام

عہدیداروں نے بتایا کہ یہ دھمکی پائلٹ کے ذریعہ لیوریٹری میں کاغذ کے ایک ٹکڑے پر لکھی ہوئی پائی گئی جب انڈیگو 6E2211 پرواز اندرا گاندھی بین الاقوامی ہوائی اڈے سے روانہ ہونے کی تیاری کر رہی تھی، پائلٹ کی جانب سے کنٹرول روم کو اطلاع دینے کے بعد سیکیورٹی آپریشن شروع کیا گیا۔

تل ابیب: اسرائیلی وزیر اعظم نیتن یاہو نے غزہ کے رفح میں کیمپ کو نشانہ بنانے والا مہلک حملہ کو ”افسوسناک حادثہ“ قرار دیدیا-

باغی ٹی وی : عالمی میڈیا کے مطابق نیتن یاہو نے پارلیمنٹ کو بتایا کہ ”رفح میں ہم نے 10 لاکھ غیر متعلقہ شہریوں کو نکالا اور ہماری پوری کوششوں کے باوجود کل ایک المناک حادثہ پیش آیا،ہم اس معاملے کی تحقیقات کر رہے ہیں۔

واضح رہے کہ اسرائیل نے رفح میں پناہ گزینوں کے ایک کیمپ پر حملہ کیا جس میں 75 فلسیطنی شہید اور 200 سے زائد زخمی ہوگئے تھے اطلاعات کے مطابق شہید ہونے والوں میں بڑی تعداد بچوں کی ہے اسرائیل نے ایسے ہتھیار استعمال کیے جس سے کیمپ میں آگ لگ گئی، فلسطینی میڈیا نے بتایا کہ بیشتر شہادتیں جھلسنے کے باعث ہوئیں۔

فلسطینی ذرائع کا کہنا ہے کہ اسرائیلی فوج کے تازہ ترین حملے میں زخمی ہونے والے کئی افراد کی حالت نازک ہے، شہادتوں میں مزید اضافے کا خدشہ ہے۔

اسرائیلی فوج کا رفح میں رہائشی عمارت پر حملہ ،230 سے زائد فلسطینی شہید ،دنیا …

دوسری جانب پیرس، نیویارک، بارسلونا، تیونس اور مانچسٹر سمیت دنیا کے مختلف شہروں میں فلسطینیوں سے اظہار یکجہتی کیلئے مظاہرے کیے گئے، مظاہرین نے عالمی برادری سے اسرائیل پر سخت پابندیوں کا بھی مطالبہ کردیا، پیرس میں پولیس اور فلسطین کے حامی مظاہرین کے درمیان جھڑپیں ہوئیں مظاہرین نے فرانسیسی حکومت سے اسرائیل کے خلاف سخت اقدامات کا مطالبہ کردیا۔

بشام حملہ:چین نے پاکستان کی تحقیقات کی حمایت کر دی

بارسلونا میں یورپی کمیشن کے صدر دفتر اور میڈرڈ میں وزارت خارجہ کے باہر سینکڑوں مظاہرین نے اسرائیل کے خلاف سخت پابندیوں کا مطالبہ کیا،تیونس میں ہزاروں افراد نے فلسطینی پرچم لہرا کر فلسطینیوں سے یکجہتی کا اظہار کرتے ہوئے عالمی برادری سے اسرائیلی حملے رکوانے پر زور دیان،نیویارک شہر میں سینکڑوں فلسطینی حامی مظاہرین نے بارش کے باوجود مارچ کرتے ہوئے رفح میں اسرائیلی حملے پر غم و غصے کا اظہار کیا،جبکہ مانچسٹر یونیورسٹی کے تاریحی کیمپس پر اسرائیل مخالف مظاہرین نے فلسطینی پرچم لہرا دیا۔

اے ایس پی شہر بانو وزیرداخلہ محسن نقوی کی پی ایس او تعینات

بیجنگ: چین نے خیبرپختونخوا میں 26 مارچ کو بشام کے مقام پر انجینئرز پر خودکش حملے سے متعلق پاکستان کی تحقیقات کی حمایت کر دی-

باغی ٹی وی : چین کی سرکاری نیوز ایجنسی کے مطابق ترجمان چینی وزارت خارجہ کا یہ مؤقف ایک دن بعد آیا جب پاکستان نے حملے کی ذمہ داری افغانستان میں مقیم کالعدم تحریک طالبان پاکستان (ٹی ٹی پی) کی قیادت اور دشمن غیر ملکی خفیہ ایجنسیوں پر عائد کی،تاہم ترجمان چینی وزارت خارجہ نے دوران پریس بریفنگ کابل کا نام نہیں لیا-

ترجمان دفتر خارجہ ماؤ ننگ نے کہا کہ چین دہشت گرد حملے کی تحقیقات میں پاکستان کی طرف سے کی گئی اہم پیش رفت کو بہت اہمیت دیتا ہے، چین واقعہ کی مکمل تحقیقات اور اس کی تہہ تک پہنچنے، تمام مجرموں کو بے نقاب کرنے اور انصاف کے کٹہرے میں لانے میں پاکستان کی حمایت کرتا ہے، دونوں ممالک سیکیورٹی تعاون کو مضبوط بنانے اور پاکستان میں چینی اہلکاروں، منصوبوں اور اداروں کے تحفظ کو یقینی بنانے کے لیے ”کام کرتے رہیں گے“،دہشت گردی کا خاتمہ ”تمام ممالک کے مفاد میں“ ہے۔

وزیراعظم نے لوڈشیڈنگ کی شکایات کا نوٹس لے لیا،اجلاس طلب

واضح رہے کہ قبل ازیں وفاقی وزیر داخلہ محسن نقوی نے کہا تھا کہ چینی شہریوں پر حملے میں افغانستان کی سرزمین استعمال ہوئی اور انہوں نے واضح کیا کہ سی پیک کی شکل میں پاک چین تعاون جاری ہے اور ہمیں بالکل یقین ہے کہ وہ ہماری اور ہم ان کی بہتری کے لیے کام کر رہے ہیں، یہ لوگ خاص طور پر چینی سیکیورٹی کو ٹارگٹ کر رہے ہیں اور انہوں نے پلان کر کے حملہ کیا، ہم نے یہ مسئلہ افغانستان کی عبوری حکومت کے سامنے اٹھایا ہے لیکن اب تک کوئی مثبت نتائج موصول نہیں ہوئے، ہم نے سرحدوں پر بھی سیکیورٹی کو بڑھا دیا ہے، ہمیں اندازہ ہے کہ اس کے پیچھے کونسی طاقتیں ہیں جو پاکستان کے حالات خراب کرنا چاہتی ہیں۔

وزیر اعظم شہباز شریف سے اوور سیز کشمیریوں کے وفد کی ملاقات

یا درہے کہ شانگلہ کے علاقے بشام میں اسلام آباد سے داسو جانے والے چینی انجیئنرز کے کانوائے پر گذشتہ ہفتے حملے میں پانچ چینی انجیئر اور ان کا پاکستان ڈرائیور مارے گئے تھے،چین نے اس حملے کی جامع تحقیقات اور ذمہ داروں کو سزائیں دینے کا مطالبہ کیا تھا۔

شمالی کوریا جاسوس سیٹلائٹ خلا میں بھیجنے کا مشن ناکام