Category: بین الاقوامی

اسلامی تعاون تنظیم (او آئی سی) نےاسرائیل کی جانب سے فلسطینی عوام کے خلاف نسل کشی کے جرم پر جنوبی افریقہ کی جانب سے عالمی عدالت انصاف میں دائر مقدمے کا خیر مقدم کیا ہے۔

باغی ٹی وی: او آئی سی نے اپنے بیان میں کہا ہے کہ اسرائیل، فسلطینی شہری آبادی کو اندھا دھند نشانہ بناتا ہے جس کے نتیجے میں ہزاروں فلسطینیوں کو شہید اور زخمی کیا گیا، ان فلسطینیوں میں زیادہ تر خواتین اور بچے شامل ہیں اسرائیل کا مقصد فلسطینیوں کو جبری طور پر بے گھر کرنا ہے، بنیادی ضروریات اور انسانی امداد سے محروم رکھنا ہے ، ان کے گھروں، صحت، تعلیمی اور مذہبی اداروں کو مکمل طور پر تباہ کرنا بڑے پیمانے پر نسل کشی کے مترادف ہے۔
https://x.com/OIC_OCI/status/1741376335488967026?s=20

نئے سال کے آغاز پر ہمیں فلسطینی بھائیوں اور بہنوں کو نہیں بھولنا چاہیئے،عارف علوی

او آئی سی نے عالمی عدالت انصاف سے استدعا کی ہے کہ وہ مقبوضہ فلسطینی علاقوں میں اسرائیلی دفاعی افواج کی طرف سے بڑے پیمانے پر کی جانے والی نسل کشی کو روکنے کے لئے فوری طور پر فیصلہ دے اور فوری اقدامات کرے۔

واضح رہے کہ 29 دسمبر 2023 کو جنوبی افریقا نے اسرائیل کیخلاف بین الاقوامی عدالت انصاف میں مقدمہ کیا تھا، دی ہیگ میں بین الاقوامی عدالت انصاف میں ایک درخواست دائر کی گئی درخواست میں کہا گیا تھا کہ اسرائیل نسل کشی کنونشن کے تحت اپنی ذمہ داریوں کی خلاف ورزی کر رہا ہےعدالت سے درخواست کی گئی کہ وہ فوری بنیادوں پر یہ اعلان کرے کہ اسرائیل نسل کشی کنونشن کے تحت اپنی ذمہ داریوں کی خلاف ورزی کر رہا ہے، ان ذمہ داریوں کی خلاف ورزی روکتے ہوئے تمام کارروائیاں فوری طور پر بند کرے اور متعدد متعلقہ اقدامات کرے۔

ایف بی آر نے ایف آئی اے کے ہدف سے زائد ٹیکس اکٹھا کر …

غزہ میں اسرائیلی فوج کی بمباری سے مسجد اقصیٰ کے سابق امام شیخ یوسف شہید ہوگئے۔

باغی ٹی وی : عرب میڈیا کے مطابق اسرائیلی طیاروں نے مغازی پناہ گزین کیمپ میں شیخ یوسف کے گھر کو نشانہ بنایا جس میں وہ شہید ہوگئے اسرائیلی حملے میں شیخ یوسف کے اہلخانہ زخمی بھی ہوئے ہیں68 سالہ شیخ یوسف 2005 سے 2006 تک فلسطین کے وزیر مذہبی امور بھی رہے تھے ،دوسری جانب مسجد اقصیٰ کے سابق خطیب کی شہادت پر اسرائیل کی جانب سے کوئی بیان سامنے نہیں آیا۔

دوسری جانب جبکہ اسرائیلی حملوں میں گھرے فلسطینیوں کے لیے سال 2023 نسل کشی کا سال ثابت ہوا، سال کے آخری تین ماہ کا ہر دن اور ہر لمحہ اسرائیلی بمباری اور میزائلوں کی زد میں گزرا غزہ کی فضا بارود کی بو میں ڈوبی رہی، لوگ اپنے بچوں کے زخمی جسم اٹھائے اسپتالوں میں زندگی کی تلاش میں بھاگتے نظر آئے، ماؤں کی آہوں نے عرش ہلادیا۔

یوکرین کا روس پر جوابی حملہ،14 افراد ہلاک

اسرائیلی فوج کے غزہ کے رہائشی علاقوں پر فضائی، زمینی اور بحری حملے جاری ہیں،گزشتہ 24 گھنٹوں میں 150 سے زیادہ فلسطینی شہیدکر دئیے گئے7 اکتوبر سے جاری حملوں میں فلسطینی شہدا کی تعداد 21 ہزار 800 سے بڑھ گئی ہے ان شہید ہونے والے فلسطینیوں میں بڑی تعداد فلسطینی بچوں اور فلسطینی عورتوں کی ہےفلسطینی وزارت صحت کے مطابق اسرائیلی حملوں میں زخمیوں کی مجموعی تعداد 56 ہزار 451 ہوگئی ہے، ان میں صحافیوں اور طبی عملے سے وابستہ لوگ شامل ہیں،مغربی کنارے میں اسرائیلی حملوں سے سال2023 میں 506 فلسطینی شہید ہوئے فلسطینی ادارہ شماریات کے مطابق 1948 میں نکبہ کے بعد سال 2023 فلسطینیوں کے لیے بدترین سال رہا، نکبہ کے بعدسال 2023 میں سب سے زیادہ فلسطینی شہید ہوئے۔

برطانیہ کی متعدد اسلامی ممالک کے شہریوں کو بغیر ویزا داخلے کی اجازت

برطانوی اخبار کی رپورٹ میں کہا گیا ہے کہ غزہ پر وحشیانہ بمباری اور ہزاروں شہادتوں کے باوجود اسرائیل کو کامیابی کے اشارے نہیں مل رہے، اسرائیل “عالمی تنہائی” کا شکار بھی ہونے لگا ہے۔

انٹرنیشنل اسپیس اسٹیشن میں رہنے والے نئے سال کا استقبال 16 بار کرتے ہیں-

باغی ٹی وی: دنیا بھر میں 2024 کا آغاز ہو رہا ہے اور ہر ملک میں لوگوں کو صرف ایک بار پھر سال نو کا جشن منانے کا موقع ملے گامگر انٹر نیشنل اسپیس اسٹیشن (آئی ایس ایس) میں رہنے والے 16 بار نیا سال مناتے ہیں، اس کی وجہ بھی کافی دلچسپ ہے انٹرنیشنل اسپیس اسٹیشن زمین کے گرد 17 ہزار میل فی گھنٹہ کی رفتار سے گھوم رہا ہے اور وہاں رہنے والوں کو روزانہ 16 بار سورج طلوع اور غروب ہو تے ہوئے نظر آتا ہے۔

امریکی خلائی ادارے ناسا کے مطابق آئی ایس ایس ہر ڈیڑھ گھنٹے میں زمین کے گرد چکر مکمل کرتا ہے اور اسی وجہ سے وہاں رہنے والے 16 بار سورج طلوع اور غروب ہوتے دیکھتے ہیں اس سفر کے دوران وہ دنیا کے متعدد ٹائم زونز سے گزرتے ہیں اور خلا بازوں کو نئے سال کو کئی بار خوش آمدید کہنے کا موقع ملتا ہے خلا باز 45 گھنٹے سورج کی روشنی اور 45 منٹ اندھیرے کا مشاہدہ کرتے ہیں اور بار بار دن رات کی تبدیلی کو مختلف تجربات کے لیے استعمال کیا جاتا ہے 24 گھنٹے میں متعدد بار دن رات کے مشاہدے سے خلا بازوں کی جسمانی گھڑی پر بھی اثرات مرتب ہوتے ہیں۔

باجوڑ میں پاک افغان سرحد پر سکیورٹی فورسز کی کارروائی،3 دہشتگرد ہلاک

ممالک جہاں 2024 کا آغاز ہوچکا ہے

سال 2023 ایوی ایشن سیکٹر کے لیے تباہ کن رہا

ماسکو:یوکرین میں روسی حملے کے بعد جواب میں یوکرین کا روس کے سرحدی علاقے بلگورود میں فضائی حملہ ، 14 افراد ہلاک ہوگئے۔

باغی ٹی وی: روسی حکام کے مطابق سرحدی علاقے بلگورود میں یوکرین نے فضائی حملہ کیا جس میں 2 بچوں سمیت 14 افراد ہلاک اور 108 زخمی ہوئےروسی وزارت دفاع کا کہنا ہےکہ بلگورود حملے سےروسی صدر کو آگاہ کردیا گیا ہےبلگورود پر حملہ معاف نہیں کیا جائے گا۔

دوسری جانب روس نے اقوام متحدہ کی سلامتی کونسل کا اجلاس بلانے کی درخواست کی تھی، روس کی درخواست پر سلامتی کونسل کا اجلاس آج ہوگا۔

واضح رہےکہ یوکرین میں گزشتہ روز روسی حملوں میں 39 افراد مارےگئے تھے اور 150 سے زائد زخمی ہوئے تھےیوکرینی وزیر داخلہ کے مطابق روس نے میزائلوں سے کیف، خارکیف، اوڈیسا، دنپرو اور لویو میں اسپتال، شاپنگ مال اور رہائشی عمارتوں کو نشانہ بنایا،یوکرین کے حکام نے فروری 2022 میں جنگ کے آغاز کے بعد سے بدترین فضائی بمباری قرار دیا-

روس کا یوکرین پرسب سے بڑا فضائی حملہ، ہلاکتوں کی تعداد 39 ہوگئی

یوکرین کے صدر ولادیمیر زیلنسکی نے ٹیلی گرام میسجنگ ایپ پر کہا تھا کہ روس نے تقریباً 120 شہر اور دیہات کو نشانہ بنایا جس میں سینکڑوں اشیا کو نقصان پہنچا ہے، ان حملوں میں 39 افراد ہلاک اور 159 زخمی ہوئے جن میں مختلف قسم کے بیلسٹک اور کروز میزائل اور ایرانی ساختہ ڈرون شامل تھے۔

دوسری جانب امریکا کے صدر جو بائیڈن کا کہنا تھا کہ روسی حملہ ظاہر کرتا ہےکہ پہلے حملے کو دو سال ہونے کے باوجود روسی صدر کے یوکرین میں مقاصد نہیں بدلے، پیوٹن یوکرین کو صفحہ ہستی سے مٹانا چاہتے ہیں اور وہاں کے عوام کو اپنا محکوم بنانا چاہتے ہیں۔

روس کا یوکرین پرسب سے بڑا فضائی حملہ، ہلاکتوں کی تعداد 39 ہوگئی

انڈین پنجاب سے تعلق رکھنے والے سندیپ سنگھ نے سکالر شپ کے ساتھ اپنی پی ایچ ڈی مکمل کی اور کچھ عرصے تک ایک سرکاری یونیورسٹی میں گیسٹ لیکچرر کے طور پر پڑھاتے رہے، لیکن اب وہ سڑک کے کنارے سبزیاں فروخت کرنے پر مجبور ہیں۔

باغی ٹی وی: سندیپ سنگھ نے اپنے نئے کام کا نام ’پی ایچ ڈی ویجیٹیبل‘ رکھا ہے ان کی ویڈیوز اور تصاویر سوشل میڈیا پر بحث کا موضوع بنی ہوئی ہیں بہت سے لوگ ان کےسبزی فروخت کرنےکو پنجاب میں بے روزگاری کے مسئلے سے جوڑ رہے ہیں، سندیپ شادی شدہ ہیں اور ان کے ہاں ایک بیٹا بھی ہے سندیپ سنگھ کی عمر 39 سال ہے وہ امرتسر کی فتح سنگھ کالونی میں کرائے کے مکان میں رہتے ہیں۔

برطانوی نشریاتی ادارے بی بی سے گفتگو کرتے ہوئے پی ایچ ڈی ہولڈر کا کہنا تھا کہ پی ایچ ڈی کے ساتھ چار مضامین میں ماسٹرز (ایم اے) بھی کر رکھا ہے اعلیٰ تعلیم کے بعد لوگ مجھے ڈاکٹر سندیپ سنگھ کے نام سے پکارتے تھے لیکن اب لوگ مجھے پی ایچ ڈی سبزی والا کہتے ہیں-

پاکستان کی قیادت کیلئے عمران خان ہرگز موزوں نہیں،امریکی اخبار

بی بی سی
سندیپ سنگھ نے سکالر شپ کے ساتھ اپنی پی ایچ ڈی مکمل کی اور کچھ عرصے تک ایک سرکاری یونیورسٹی میں گیسٹ لیکچرر کے طور پر پڑھاتے رہے، لیکن اب وہ سڑک کے کنارے سبزیاں فروخت کرنے پر مجبور ہیں۔

سندیپ نے انھوں نے بی بی سی سے بات کرتے ہوئے کہا کہ میں نے تقریباً 11 سال پڑھایا پہلے پانچ سال میں نے جونیئر ریسرچ فیلو کے طور پر پڑھایا اور سنہ 2016 سے اگلے سات سال میں نے بطور گیسٹ فیکلٹی پڑھایا انھیں اپنی کمزور مالی حیثیت کی وجہ سے اپنے خاندان کی کفالت کے لیے سبزیاں اگانے کا کام کرنا پڑتا ہےان کی تنخواہ بہت کم تھی اور اب ان کے پاس باقاعدہ نوکری بھی نہیں رہی ہے کوئی بھی کام بڑا یا چھوٹا نہیں ہوتا ’لیکن کام لیاقت اور اہلیت پر ہونا چاہیے، میں اب وہ کام کر رہا ہوں جو میں کئی سال پہلے کر سکتا تھا۔

انسانی ہونٹوں کیطرح دکھنے والا خوبصورت پوداخطرے سے دوچار

سندیپ کا کہنا ہے کہ بطور گیسٹ لکچرار انھیں ماہانہ زیادہ سے زیادہ 35 ہزار روپے ملتے تھے اور وہ بھی سال کے چھ یا سات مہینے ہی ایسا ہو پاتا تھا اب وہ سبزی کی فروخت سے پہلے کی نسبت زیادہ کماتے ہیں وہ صبح سویرے سے سبزی بیچنا شروع کرتے ہیں اور دوپہر تک فروخت کرتے ہیں ان کا خواب ایک کوچنگ اکیڈمی کھولنا ہے-

بی بی سی

سندیپ سنگھ کا کہنا ہے کہ انھیں ہر وقت ذہنی دباؤ کا سامنا رہتا ہے۔ سندیپ سنگھ نے 2009 میں امرتسر کی گرو نانک دیو یونیورسٹی سے قانون میں ماسٹرز مکمل کیا تھا میرا بچہ مجھ سےبار بار پوچھتا ہےکہ پاپا آپ یونیورسٹی جاتےتھےاب کیوں نہیں جاتےکب جائیں گے؟
میرے پاس صرف ایک ہی جواب ہے کہ میں چار دن بعد جاؤں گا، وہ چار دن گذشتہ چھ ماہ میں پورے نہیں ہوئے، پتہ نہیں کب ختم ہوں گےیہ میرے لیے بہت تکلیف دہ ہے،میرے پاس کوئی سفارش، پیسہ یا لنک نہیں ہے، شاید یہی میری غلطی ہےجب اردگرد کے لوگ یا میرے بچے مجھے پڑھانے کے بجائے سبزی کی ٹوکری اٹھائے دیکھتے ہیں تو اس سے مجھے دباؤ محسوس ہوتا ہے-

غزہ کے مسلمانوں سے متاثر 30 آسٹریلین خواتین دائرہ اسلام میں داخل

کیف: یوکرینی صدر نے کہا ہے کہ روس کےفضائی حملے میں ہلاکتوں کی تعداد 39 ہوگئی ہے۔

باغی ٹی قی: الجزیرہ کی رپورٹ کے مطابق یوکرینی صدر ولادیمیر زیلنسکی نے کہا کہ روس کےفضائی حملے میں ہلاکتوں کی تعداد 39 ہوگئی ہے امدادی کارکنوں کی جانب سے ملبہ ہٹانے کا کام تاحال جاری ہے اور مزید ہلاکتوں کا خدشہ ہے۔

روس نے جمعہ کے روز یوکرین کے شہروں اور قصبوں پر 158 میزائل اور ڈرون داغے جسے یوکرین کے حکام نے فروری 2022 میں جنگ کے آغاز کے بعد سے بدترین فضائی بمباری قرار دیا،یوکرینی صڈر نے ٹیلی گرام میسجنگ ایپ پر کہا کہ روس نے تقریباً 120 شہر اور دیہات کو نشانہ بنایا جس میں سینکڑوں اشیا کو نقصان پہنچا ہے، ان حملوں میں 39 افراد ہلاک اور 159 زخمی ہوئے جن میں مختلف قسم کے بیلسٹک اور کروز میزائل اور ایرانی ساختہ ڈرون شامل تھے۔

غزہ کے مسلمانوں سے متاثر 30 آسٹریلین خواتین دائرہ اسلام میں داخل

علاوہ ازیں یوکرین کے فضائی دفاع نے کہا کہ اس نے 87 روسی میزائل اور 30 ​​سے ​​زیادہ ڈرون مار گرائے ہیں دوسری جانب نیٹو نے کہا ہے کہ اتحاد کی فضائیہ نے رواں سال کے دوران روسی فوجی طیاروں کا مقابلہ کرنے کے لیے 300 سے زائد بار اپنے طیارے لانچ کیے ہیں۔

اتحاد نے کہاکہ نیٹو کے طیاروں اور روسی طیاروں کے درمیان فضائی مقابلوں کی اکثریت محفوظ اور پیشہ ورانہ تھی روسی فوجی طیاروں کے ذریعے نیٹو کی فضائی حدود میں دخول نایاب تھا اور عام طور پر مختصر دورانیے کے لیے تھا روسی طیاروں کا داخلہ زیادہ تر بحیرہ بالٹک کے اوپر ہوا۔

حوثیوں کی جانب سے بحیرہ احمر میں فائر کیے گئے ڈرون کو امریکہ نے گرا …

گزشتہ سال فروری میں یوکرین پر روس کے حملے کے بعد نیٹو نے زیادہ لڑاکا اور نگرانی کے طیاروں کی پروازوں کے ذریعہ مشرقی کنارے پر اپنے فضائی دفاع کو نمایاں طور پر مضبوط کیا ہے نیٹو کے ترجمان ڈیلن وائٹ نے ایک بیان میں کہا کہ نیٹو کے لڑاکا طیارے چوبیس گھنٹے ڈیوٹی پر ہیں اور اگر ہمارے اتحادیوں کی فضائی حدود کے قریب مشکوک یا غیر اعلانیہ پروازوں کا پتہ چلتا تو وہ پرواز کے لیے تیار ہوتے ہیں۔

پاکستان کی قیادت کیلئے عمران خان ہرگز موزوں نہیں،امریکی اخبار

غزہ میں فلسطینی مزاحمتی تنظیم حماس کے عسکری ونگ القسام بریگیڈز کی اسرائیلی فوج کے ساتھ زمینی آپریشن کے دوران اسرائیلی اسپیشل فورسز کے مزید 20 اہلکار ہلاک اور متعدد زخمی ہوگئے۔

باغی ٹی وی: القسام بریگیڈز کے مطابق غزہ کے علاقے شیخ رضوان میں صیہونی اسپیشل فورسز کے ساتھ جھڑپ میں 20 فوجی ہلاک اور متعدد زخمی ہوگئے گزشتہ 24 گھنٹوں کے دوران غزہ میں القسام اور القدس بریگیڈز نےمتعدد اسرائیلی ٹینک اور بکتربند گاڑیاں تباہ کر دیں-

دوسری جانب اسرائیلی فوج کی رہائشی کیمپوں میں محصور عام فلسطینیوں پر بمباری جاری ہے، 24گھنٹوں میں مزید 165 سے زیادہ فلسطینی شہید ہوگئے، فلسطینی شہدا کی تعداد 21 ہزار 600 سے تجاوز کرگئی ہے جب کہ زخمی 56 ہزار سے بھی زیادہ ہوچکے ہیں ان شہداء میں بڑی تعداد فلسطینی خواتین اور فلسطینی بچوں کی ہے جبکہ 312 ہیلتھ کیئر ورکرز بھی شہداء میں شامل ہیں۔

7 اکتوبر کو اسرائیل پر ہونے والے حماس کے حملے پر تحقیقاتی رپورٹ جاری

وزارت صحت کے اس تازہ اعلان کے مطابق شہدا کی بہت بڑی تعداد کا تعق عام شہریوں سے ہے علاوہ ازیں اسرائیلی فوج نے غزہ پر زمینی حملوں کے دوران جن فلسطینیوں کو گرفتار کیا ہے، ان میں 99 شہری غزہ کے ہسپتالوں میں کام کرنے والے ہیلتھ ورکرز ہیں۔

امریکی اخبار کا کہنا ہے کہ اسرائیل نے وسط دسمبر تک غزہ کے رہائشی علاقوں پر 29 ہزار بم گرائے، غزہ کی تباہی جدید ریکارڈ میں بدترین تباہی بن رہی ہے،حماس کا کہنا ہےکہ امریکا غزہ میں اسرائیل کی جنگ میں شراکت دار ہے، امریکا اسرائیلی فوج کو بمباری کے لیے اسلحہ بارود فراہم کر رہا ہے امریکا غزہ میں بچوں، شہریوں کےخلاف اسرائیلی جنگ میں شریک ہے اور غزہ کے لوگوں کی جبری بے دخلی میں اسرائیل کاساتھ دے رہا ہے۔

غزہ کے مسلمانوں سے متاثر 30 آسٹریلین خواتین دائرہ اسلام میں داخل