Category: بین الاقوامی

تہمت لگا کے ماں پہ جو دشمن سے داد لے
ایسے سخن فروش کو مر جانا چاہئے
پروین شاکر کا یہ شعر نواز شریف جیسے لوگوں کے لئے ہی ہے۔جو ایک ایسے شخص سے ملاقات کے لئے آمادہ ہو جاتے ہیں،جو تمام تر سفارتی،اخلاقی اور دنیاوی آداب کو ایک طرف رکھ کر ہمارے ملک پاکستان کو چکلہ قرار دے۔جو کچھ اس بد تہذیب افغان سیکورٹی ایڈوائزر حمداللہ محب نے کہا،چلیں وہ تو اسکے اندر کی غلاظت تھا۔مگر پاکستان کے تین دفعہ کے وزیر اعظم میاں نواز شریف کو اس سے ملاقات کرتے وقت شرم کیوں نہ آئ۔کیا پاکستان دشمن شخص سے ملاقات پاکستان دشمنی نہیں ؟
یہ سوال ہمیشہ نواز شریف کا پیچھا کرتا رہے گا۔کیا یہ بھی عمران دشمنی میں کیا گیا ہے۔مگر یہ عمران دشمنی میں کیسے ہو سکتا ہے؟
اس نے تو ارض پاک کو گالی دی تھی۔وہ گالی ہم سب کے لئے تھی۔شائد وہ گالی نواز شریف جیسے لوگوں کے لئے نہ ہو،جن کا اوڑھنا بچھونا ان کی دولت ہوتی ہے،چاہے وہ جائز طریقے سے آۓ یا نا جائز طریقے سے۔
یہ لوگ اقتدار کے پجاری ہیں۔اقتدار میں آنے کے لئے انہیں ملکی اقدار کی پرواہ نہیں ہوتی۔انہیں ہر حال میں اقتدار میں آنا ہوتا ہے،اس کے لئے چاہے مودی سے ہاتھ ملانا پڑے،چاہے خفیہ طریقے سےاسرائیل وفد بھیجنا پڑے یا پھر حمداللہ محب جیسے مکروہ شخص سے ملنا پڑے۔
جس ملک نے ان جیسے لوگوں کو عزت دی،دولت دی،شُہرت دی۔اسی کے ساتھ دغابازیاں،؟
کہاں کا دستور ہے؟
ایسی احسان فراموشیوں کی مثال نہیں ملتی۔
اس بندے حمداللہ محب کی ہرزہ سرائ پر وزیر خارجہ شاہ محمودقریشی نے کہا تھا کہ آئندہ اس سے کوئ پاکستانی نہ تو ہاتھ ملاۓ گا اور نہ ہی ملاقات کرے گا۔
میں بھول گیا کہ قریشی نے یہ بات پاکستانیوں کے لئے کی تھی جو شائد نواز شریف پر لاگو نہیں ہوتی۔کیونکہ وہ آجکل پاکستان کے قانون کو چکمہ دیکر بحیثیت مفرور اور اشتہاری کے لندن میں تشریف فرما ہیں۔انہیں نہ پاکستانی قانون کی پرواہ ہے اور نہ ہی پاکستان کی۔انہیں پاکستان اسی وقت پیارا لگتا ہے جب وہ وزارت عظمی کی کرسی پر براجمان ہوں۔
پاکستان ایسے لوگوں کا مسکن اسی وقت ہوتا ہے،جب انہیں اس سے دولت آرہی ہوتی ہے۔اور وہ اقتدار کے مزے اُڑا رہے ہوتے ہیں۔
پاکستان ان کے لئے پیسے بنانے کی مشین ہے۔
دولت کے پجاریوں کا ملک ان کی دولت ہی ہوتی ہے۔
ان کی زندگی کا محور اسی ہوس میں اندھا ہو کر آگے بڑھتے رہنا ہوتا ہے۔

@lalbukhari

میں لاہور ائیر پورٹ کے ویٹنگ ہال میں بیٹھا گھر والوں سے کال پر بات کرنے میں مصروف تھا ابھی فلائٹ میں کچھ وقت تھا۔
میرے بلکل سامنے والی کرسی پر ایک اور شخص بھی کال پر بات کرنے میں مصروف تھا اور ساتھ ساتھ اپنے آنسو بھی صاف کر رہا تھا اس کی آواز مجھے صاف سنائی دے رہی تھی میں نے بات ختم کی اور کال بند کر دی۔
وہ مسلسل یہی کہ رہا تھا بیٹی میں جلدی واپس آؤنگا بہت جلدی ۔ ادھر جاکر بہت سارے پیسے بھیجوں گا پھر تم جلدی سے ٹھیک ہو جاؤ گی بس اب رونا بند کرو بیٹی میری فلائٹ کا ٹائم ہوگیا ہے یہ کہ کر کال بند کر دی حالانکہ فلائٹ میں ابھی ٹائم تھا۔ اسکی آنکھوں میں زاروں قطار آنسو تھے اور وہ بار بار ٹشو سے صاف کر رہا تھا
کرونا کی وجہ سے زیادہ رش نہی تھا اس بار ویٹنگ ہال میں وہ موبائل میں بار بار دیکھے جا رہا تھا اور آنسو تھے اسکے کہ رکنے کا نام نہی لے رہے تھے تھوڑی دیر تک وہ ریلکس ہوا تو میں نے پوچھ لیا کہ کہاں جارہے ہیں آپ تو انہوں نے بتایا کہ جدہ جارہے ہیں وہ میں نے بھی جدہ ہی جانا تھا تو حال حوال کے بعد میں نے ان سے خیر خیریت اور رونے کی وجہ پوچھی تو کہنے لگے کہ مجبوریاں ہیں ورنہ پردیس والا زہر کون کھائے اللہ سب کو اپنے دیس میں رزق عطاء فرمائے میں نے آمین کہا اور پھر وہ کہنے لگے میں تین سال بعد دو بیٹیوں کی شادی کے لیے تین مہینے کی چھٹی لیکر آیا تھا لیکن ابھی فلائٹ بند ہونے کے ڈر سے دو مہینے بعد ہی جارہا ہوں۔دو بیٹیوں کی شادی کر دی ہے اور ایک چھوٹی بیٹی ابھی بیمار ہے ہاسپٹل میں ایڈمٹ ہے اسے اسی حال میں چھوڑ کر واپس جانا پڑ رہا ہے میری مصوم سی پھولوں جیسی بیٹی ہاسپٹل میں مجھے بلا رہی ہے میرا کلیجہ پھٹ رہا ہے دل کر رہا ہے ادھر سے ہی واپس چلا جاؤں لیکن مجبوریوں نے ایسا جکڑا ہے کہ نہ چاہتے ہوے بھی بھاری دل کے ساتھ واپس لوٹنا پڑ رہا ہے میرے نصیب میں اللہ نے شاید پردیس کی روزی ہی لکھی ہے ورنہ پھول جیسی بیمار بیٹھی چھوڑ کر کون جاسکتا ہے۔
پردیس کے خواب بہت سہانے ہوتے ہیں لیکن حقیقت اس کے برعکس ہوتی ہے۔ سوچیں ایسا تانا بانا بنتی ہیں کہ انسان حیران رہ جاتا ہے لیکن جب حقیقت سے
واسطہ پڑتا ہے تو چودہ طبق روشن ہو جاتے ہیں۔ایک طرف محبتیں ہوتی ہیں تو دوسری طرف ان محبتوں سے جڑی مصلحتیں۔
ایک پردیسی کچھ پیسے نہیں کما کر دیتا بلکہ آپنی دن رات کی محنت دیتا ہے ۔ خود پردیس میں ایک وقت کھانا کھاتا ہے تاکہ دیس میں بیٹھے بہن بھائی تین وقت کا کھانا کھا سکے ۔ ماں کی آواز سن کہ آنکھیں نم ہو جاتی ہیں۔ ماں کے ہاتھ کہ کھانے کو ترستے رہتے ہیں۔ بہنوں کی شادیوں پہ لاکھوں پیسے تو بھیج دیتے ہیں مگر بہنوں کے چہروں کی خوشی نہیں دیکھ پاتے۔
پردیس ایک میٹھی جیل ہے جب انسان ایک بار اس میں داخل ہو جاتا ہے پھر نہ مجبوریاں ختم ہوتی ہیں نہ ہی خواہشات یہاں تک کہ پردیس میں بندہ اپنی جوانی ختم کردیتا ہے اور یہ ایک کڑوا سچ ہے۔
اللہ پاک سب پردیسیوں کو اپنی حفظ و امان میں رکھے اور رزق حلال اپنے وطن میں عطاء فرمائے آمین
تحریر

@ahsangondalsa

وزیراعظم عمران خان کے دورہ ازبکستان نے ویسے تو کئی بہادری کے جھنڈے گاڑے ساتھ ساتھ دنیا کو یہ باور کروایا کہ اب پاکستان اپنے پیروں پر کھڑا ہے اب پاکستان کی حکمرانی ایک ایسے محب وطن لیڈر کے ہاتھوں میں ہے جسے صرف خدا کے ڈر کے علاؤہ کسی کا ڈر نہیں ۔۔۔
عمران خان نے ازبکستان میں اس بہادری اور جرت مندانہ طریقے سے پاکستان کا موقف دنیا کے سامنے رکھا جو پیچھلی کئی باریاں لینے والے زرداری اور نواز شریف نا کر سکے ۔۔

نواز شریف اور زرداری نے قوم کو سوائے دھوکے میں رکھنے کے کچھ نہیں کیا ڈرون حملوں کی اجازت دے کر کئی سالوں تک عوام کے سامنے مذمتی چورن پیچا گیا ۔۔

پیچھلے روز قومی اسمبلی میں وزیراعظم عمران خان کے 60 منٹ سے زائد وقت کے خطاب نے ثابت کردیا کہ وہ واقعی اقبال کا سچا شاہین اور قائد اعظم کا بہادر سپاہی ہے اس مرد مجاہد کی تقریر بغیر کسی شور شرابے ،رکاوٹ کے جاری رہی پورا اعوان نعرہ تقبیر اللہ ہو اکبر کے نعروں سے گونج رہا تھا اور لہو گرما دینے والا منظر ان آنکھوں نے دیکھا۔۔
وزیراعظم عمران خان کے خطاب سننے کے بعد اس مرد مجاہد کے لیے دل سے دعائیں نکلتی رہیں کہ اے میرے رب اس شخص کے ارادے بہت بڑے ہیں منزل صاف ہے لیکن راستہ بہت مشکل خان صاحب کے راستے میں آنے والی تمار رکاوٹیں دور عطا فرما اور وزیراعظم عمران خان کو تندرستی عطا فرما آمین

دورہ ازبکستان میں وزیراعظم عمران خان کو شاندار گارڈ آف آنر بھی پیش کیا گیا دورے میں معاشی تعاون اور باہمی دلچسپی کی امور بھی زیر بحث آئے اس کے علاوہ دو طرفہ تعاون کے مزید فروغ کیلئے مفاہمتی یادداشتوں پر دستخط کے گئے وزیراعظم عمران خان پاک ازبک تجارتی فورم سے بھی خطاب کیا جسے سن کر با حیثیت ایک پاکستانی سینا فخر سے چوڑا ہوگیا ۔۔۔وزیراعظم عمران خان کے ہر بیرونی دورے میں کیے گئے خطاب میں وہ موقف پیش کیا جاتا رہا جو ہر ایک پاکستانی کے دل کی آواز ہے وزیراعظم عمران خان کی جانب سے بھارتی صحافی کو دیے گئے بیان میں بھی دو ٹوک بات کی گئی جس میں بھارتی بھونڈے چہرے کو بے نقاب کرنے کے ساتھ ساتھ کپتان نے بھاتی صحافی کو دھو کر رکھ دیا یہ وہ عمل تھا جو صرف وہ شخص کرسکتا ہے جسکی بیرون ملک جائدادیں نا ہوں جو ذاتی مفاد کو ملکی مفاد پر ترجیح نا دیتا ہو۔۔

صرف عمران خان جیسا بہادر لیڈر ہی مسلم ملکوں کو متحد کر ان کے سربراہان کو ایک پیج پر لاسکتا ہے۔۔۔ انشاء اللہ