Category: بین الاقوامی

بھارت میں‌ بہوجن سماج پارٹی (بی ایس پی) نے سماجوادی پارٹی کے ساتھ آج اتحاد ختم کرنے کا اعلان کرتے ہوئے کہا ہے کہ سماج وادی پارٹی کے لوگوں نے اندرونی طور پر دھوکہ کیا ہے اس لئے بی ایس پی اتر پردیش میں آئندہ ضمنی اسمبلی انتخابات اکیلے لڑے گی۔

باغی ٹی وی کی رپورٹ کے مطابق بہوجن سماجوادی پارٹی کی لیڈر مایاوتی نے کہا ہے کہ لوک سبھا انتخابات میں سماج وادی پارٹی کے بنیادی ووٹ بھی مکمل مضبوطی کے ساتھ برقرار نہیں رہ سکے ہیں اور اندرونی طور پر سازش کی گئی ہے۔ اس کی وجہ سے یادو اکثریتی سیٹوں پر بھی سماجوادی پارٹی کے مضبوط امیدوار ہار گئے۔ قنوج میں ڈمپل یادو، بدایوں میں دھرمیندر یادو اور فیروز آباد میں مسٹر رام گوپال یادو کے بیٹے كو بھی شکست کا سامنا کرنا پڑا جو بہت کچھ سوچنے پر مجبور کرتا ہے۔

مایاوتی نے کہاکہ سماج وادی پارٹی کی جانب سے بہوجن سماج پارٹی کو ووٹ نہیں‌ دیے گئے. سماجوادی پارٹی کے لیڈر اگر اپنا ووٹ بنک بہوجن سماج پارٹی کے حق میں کرنا چاہیں‌تو اس کیلئے زمینی صورتحال یہ ہے کہ انہیں‌بہت کام کرنا پڑے گا لہٰذا بہوجن سماج پارٹی نے فیصلہ کیا ہے کہ وہ اتر پردیش کے آئندہ ضمنی اسمبلی انتخابات میں اکیلے اترے گی ۔ یاد رہے کہ بہوجن سماج پارٹی اور سماج وادی پارٹی نے حالیہ لوک سبھا الیکشن میں‌ مل کر حصہ لیا تھا.

افغانستان کے صدر اشرف غنی 27 جون کوپاکستان کا دورہ کریں‌ گے.

باغی ٹی وی کی رپور‌ٹ کے مطابق افغان صدر اشرف غنی نے کہا ہے کہ او آئی سی اجلاس میں وزیراعظم عمران خان سے ان کی ملاقات مثبت رہی ہے اور اب 27 جون کووزیراعظم سے اسلام آباد میں دوبارہ ملاقات ہو گی. افغان صدر اشرف غنی کا کہنا ہے کہ ان کے دورہ پاکستان سے یقینی طور پر پاک افغان تعلقات میں بہتری آئے گی اور پاکستان اور افغانستان کے مابین تعلقات میں نئے دورکا آغاز ہوگا۔

یاد رہے کہ وزیراعظم عمران خان اور افغان صدر اشرف غنی کے درمیان ملاقات مکہ مکرمہ میں او آئی سی اجلاس کے دوران ہوئی تھی جس میں افغانستان میں قیام امن کیلئے کوششوں پر اتفاق رائے کیا گیا تھا۔ اس موقع پر وزیر اعظم عمران خان نے خاص طور پر افغانستان میں امن کیلئے کی جانے والی کوششوں‌ کی حمایت کی تھی.

خادم الحرمین الشریفین شاہ سلمان بن عبدالعزیز نے شوال کا چاند نظرآنے کے بعد سعودی عرب سمیت پورے عالم اسلام کو عیدالفطرکی مبارک باد پیش کی ہے۔

باغی ٹی وی کی رپورٹ کے مطابق شاہ سلمان بن عبدالعزیز کی جانب سے سعودی عوام، مملکت میں‌ مقیم دیگر مسلمان تارکین وطن اور پوری مسلم امہ کے لیے عید الفطر پر تہنیتی پیغام وزیر اطلاعات ترکی بن عبداللہ الشبانہ نے میڈیا کے سامنے پڑھ کر سنایا۔

خادم الحرمین شاہ سلمان بن عبدالعزیز نے عیدالفطر پر مسلمانان عالم کے لیے اپنی نیک تمنائوں کا اظہار کیا ہے۔

بھارتی ریاست آسام کے جورہاٹ ائیر بیس سے اروناچل پردیش کیلئے اڑان بھرنے والے ہندوستانی فضائیہ کے تباہ ہونے والے طیارے آئی اے این ایف 32 کا ملبہ مل گیا ہے.

باغی ٹی وی کی رپورٹ کے مطابق ہندوستانی فضائیہ کے ایک ہیلی کاپٹر نے جو سرچنگ ٹیم میں شامل تھا، نے ہندوستانی فضائیہ کے تباہ شدہ طیارے کا ملبہ دیکھا ہے. طیارہ میں سوار لوگوں کی فی الحال تلاش کی جارہی ہے۔ تباہ ہونے والے طیارے میں‌ 13 افراد سوار تھے.
اس طیارہ کا گراونڈ اسٹاف سے آخری مرتبہ تقریبا ایک بجے رابطہ ہوا تھا ۔ طیارہ نے جورہاٹ سے دوپہر 12:25 بجے اڑان بھری تھی ۔ ہندوستانی فضائیہ نے اے این 32 طیارہ کا ملبہ ڈھونڈنے کیلئے ایک سکھوئی 30 جنگی طیارہ اور سی 130 اسپیشل آپس طیاروں کو بھیجا تھا۔

قبل‌ازیں ہندوستانی وزیر دفاع راجناتھ سنگھ نے کہا تھا کہ میری طیارہ لاپتہ ہونے کے بعد بھارتی فضائیہ کے وائس چیف ائیر مارشل راکیش سنگھ بھدوریا سے بات ہوئی ہے اور انہوں نے مجھے طیارہ کی تلاش کیلئے کی جانے والی کوششوں سے آگاہ کیا ہے ۔ ہندوستانی طیارہ کی تباہی کے بعد اس میں‌سوار لوگوں‌کے اہل خانہ میں‌سخت تشویش پائی جاتی ہے.

بھارتی ائیر فورس کے لاپتہ طیارے کو تلاش کرنے کے لئے بھارت نے دو طیارے بھجوا دئیے

باغی ٹی وی کی رپورٹ کے مطابق بھارتی ائیر فورس کے لاپتہ طیارے اے این 32 کو تلاش کرنے کا عمل شروع کر دیا گیا ہے اس ضمن میں بھارتی ائیر فورس نے سکھوئی -30 لڑاکا طیارے اور سی -130 خصوصی آپریشن طیارے کو اے این 32 کو ڈھونڈنے کے لئے روانہ کیا ہے.

واضح رہے کہ بھارتی ائیر فورس کا طیارہ لا پتہ ہو گیا ہے. اےاین32 نے آسام سےاُڑان بھری، بھارتی ائیر فورس کے طیارے میں عملےکے 8ارکان سمیت13افرادسوارتھے. طیارے نے جرہٹ ائیر بیس سے اڑان بھری تھی طیارے نے منچوکا ائیر بیس پر لینڈ کرنا تھا جو آرنچل پردیش میں واقع ہے.طیارے نے 12:25 پر اڑان بھری تھی اور ایک بجے رابطہ منقطع ہو گیا.

واضح رہے کہ تین سال قبل بھی بھارت کا اے این 32 طیارہ لا پتہ ہو گیا تھا،جس کا بھی آدھے گھنٹے کے بعد سسٹم سے رابطہ منقطع ہو گیا تھا . اس وقت طیارے میں بھارتی ایئر فورس،بھارتی نیوی، کوسٹ گارڈ کے افسر اور آٹھ عام شہریوں سمیت 29 افراد سوار تھے

میٹرو میں اب خواتین کے لئے سفر ہو گا بالکل مفت، کسی ٹوکن یا کارڈ کی ضرورت نہیں

باغی ٹی وی کی رپورٹ کے مطابق دہلی میں آئندہ برس ہونے والے اسمبلی الیکشن کے پیش نظر دہلی کے وزیراعلیٰ کیجریوال نے اعلان کیا ہے کہ خواتین اب دہلی کی میٹرو بس پر مفت سفر کریں گی. کیجریوال کا کہنا تھا کہ خواتین کو اب ٹکٹ لینے کی ضرورت نہیں ان کا ٹکٹ سرکار دے گی. خواتین کی حفاظت کے لئے چوکوں چوراہوں پر دہلی سرکار نے سی سی ٹی وی لگانے کا بھی اعلان کیا، اور کہا کہ ڈیڑھ لاکھ سی سی ٹی وی دسمبر تک لگ جائیں گے .

واضح رہے کہ دہلی میں خواتین کا 33 فیصد میٹرو پر سفر کرتی ہیں.

بھارتی ائیر فورس کا طیارہ لا پتہ ہو گیا ، بھارت میں کھلبلی مچ گئی

باغی ٹی وی کی رپورٹ کے مطابق بھارتی ائیر فورس کا طیارہ لا پتہ ہو گیا ہے. اےاین32نے آسام سےاُڑان بھری، بھارتی ائیر فورس کے طیارے میں عملےکے 8ارکان سمیت13افرادسوارتھے. طیارے نے جرہٹ ائیر بیس سے اڑان بھری تھی طیارے نے منچوکا ائیر بیس پر لینڈ کرنا تھا جو آرنچل پردیش میں واقع ہے.طیارے نے 12:25 پر اڑان بھری تھی اور ایک بجے رابطہ منقطع ہو گیا.

واضح رہے کہ تین سال قبل بھی بھارت کا اے این 32 طیارہ لا پتہ ہو گیا تھا،جس کا بھی آدھے گھنٹے کے بعد سسٹم سے رابطہ منقطع ہو گیا تھا . اس وقت طیارے میں بھارتی ایئر فورس،بھارتی نیوی، کوسٹ گارڈ کے افسر اور آٹھ عام شہریوں سمیت 29 افراد سوار تھے ،