Category: بین الاقوامی

امریکا کی ایک عدالت نے جعلی سعودی شہزادے کو فراڈ کے الزام میں 18 سال کی سزا سنا دی

باغی ٹی وی کی رپورٹ کے مطابق خود کو سعودی شہزادہ کہلوانے والے کولمبیا کے رہائشی 48 سالہ شخص کا نام انتھونی ہے جو امریکا میں شہزادہ سلطان بن خالد آل سعود اور کبھی عمر آل سعود کے ناموں کے ذریعے عوام سے دھوکا دہی کرتا رہا۔ انتھونی گینیاک کے والدین نے 1977ء میں اس وقت امریکی شہریت اختیار کرلی جب گینیاک کی عمر بہت کم تھی۔ اسے امریکہ کی پولیس نے 2017ء میں سفارتی نمبرپلیٹ والی ایک لگژری کار چلاتے ہوئے گرفتار کر لیا تھا۔ وہ مہنگی گاڑیاں انٹرنیٹ پر eBay کی ویب سائیٹ سے خرید کرتا۔ دھوکہ دینے کے لیے خلیجی ملکوں‌ کے بنکوں کی جعلی دستاویزات اور چیک بکس دکھاتا بتاتا کہ اس کے بینک اکائونٹ میں 60 کروڑ ڈالر کی خطیر رقم موجود ہے۔ 1993ء میں وہ انتھونی فائیو سٹار ہوٹل میں قیام پذیر تھا جہاں‌اس کی چوری ہوگئی۔ اس نے ‘شہزادہ خالد’ کے نام سے مقامی پولیس کو درخواست دی۔ پولیس نے سعودی سفارتخانے سے رابطہ کیا تو سفارتخانے نے کہا کہ فرضی یا جعلی نام ہے. یا نام پورا نہیں لکھا گیا. اس واقعہ کے بعد انتھونی شہزادہ خالد بن گیا اور لوگوں سے لین دین کر کے فراڈ شروع کر دیا. امریکی پولیس کی جانب سے گرفتاری کے بعد انتھونی نے اعتراف کیا کہ وہ انشورنس کمپنیوں، بنک کریڈٹ کمپنیوں، ہوٹلوں، دکانوں اور دیگر کے ساتھ دھوکا کرتا رہا،سفر کے لئے وہ ہیلی کاپٹر بھی استعمال کرتا رہا، لیموزین کار 7500‌ڈالر کرائے پر اس نے حاصل کر رکھی تھی. اس نے گرینڈ فلورڈین بیچ’ نامی سیاحتی مقام میں املاک بنانے کے لیے 14000 ڈالر قرض لیا مگر وہ رقم ادا نہیں‌ کی . مئی 2017 میں انتھونی کی حقیقت اس وقت کھلی جب اس نے میامی میں ایک پرتعیش ہوٹل میں سرمایہ کاری کی کوشش کی۔ ہوٹل مالکان نے پورک سے بنی مصنوعات کھانے کو کہا جس پر اس نے کھانے پر آمادگی ظاہر کی۔ میامی ہیرالڈ کے مطابق ایک پارسا مسلمان شہزادے کے لیے پورک ممنوع ہوتا ہے۔اس واقعہ کے بعد ہوٹل مالکان نے اسکے خلاف انکوائری مقرر کروائی. عدالت میں اس نے اپنے جرائم کا اعتراف کیا اور عدالت نے اسے اٹھارہ سال چھ ماہ قید کی سزا سنا دی

چینی وزیر دفاع وی فینگ نے دوٹوک انداز میں‌ اعلان کیا ہے کہ اگر کسی نے تائیوان کو چین سے الگ کرنے کی کوشش کی تو چینی فوج کے پاس جنگ کے علاوہ کوئی راستہ اور آپشن نہیں‌ ہو گا. تائیوان چین کا حصہ ہے اور رہے گا. چین ایک دن ضرور متحد ہو گا.

باغی ٹی وی کی رپورٹ کے مطابق وی فینگ سنگا پور میں ایشیا ڈیفنس سربراہی اجلاس سے خطاب کر رہے تھے. اس موقع پر گفتگو کرتے ہوئے چینی وزیر دفاع نے کہاکہ امریکہ تجارت پربات چیت کرنا چاہتا ہے تو ہمارے دروازے اس کیلئے کھلے ہیں تاہم اگر امریکہ چین کے خلاف جنگ کا ارادہ رکھتا ہے تو ہم آخر دم تک لڑیں گے۔ چینی فوج علاقائی امن و استحکام کے لیے کام کر رہی ہے۔ ان کا کہنا تھا کہ امریکہ اور چین کے درمیان تصادم انتہائی تباہ کن ہوسکتا ہے. بحیرہ جنوبی چین اور تائیوان پر امریکی موقف کی سخت مذمت کرتے ہیں۔

چینی وزیر دفاع کا کہنا تھا کہ تائیوان چین کے لیے مقدس سرزمین ہے اور چین اپنی مقدس سرزمین کے ایک انچ سے بھی دستبردار نہیں ہو گا. یاد رہے کہ امریکہ اور چین کے مابین کشیدگی دیکھنے میں‌ آرہی ہے.

ہواوے اور دبئی نے فائیو جی معاہدہ پر دستخط کئے ہیں اور یہ معاہدہ تقریبا 50 بلین یوآن کا ہے.

باغی ٹی وی کی رپورٹ کے مطابق اگلے پانچ برسوں میں‌ دبئی نیٹ ورک کا فائیو جی پروجیکٹ دنیا کا بڑا پروجیکٹ ہو گا. اس لمحے کا جشن منانے کے لئے، دبئی کے بادشاہ نے فیصلہ کیا ہے کہ ہواوے موبائل فون کا تین منٹ کا خصوصی اشتہار(ایک ملین ڈالر) تازہ ترین پرچم بردار موبائل فون میٹ 20 کے لئے برج خلیفہ ٹاور پر چلایا جائے گا. اس دوران ارد گرد کی تمام عمارتوں‌ کو سیاہ رکھا جائے گا. یہ اشتہار دبئی کے بادشاہ کی طرف سے ہواوے کمپنی کیلئے مفت دیا گیا ہے.

یاد رہے کہ چند دن قبل وزیرسائنس و ٹیکنالوجی فواد چوہدری نے کہا تھا کہ فائیو جی ٹیکنالوجی سے 40منٹ میں ڈاؤن لوڈ ہونے والی فلم 3.5سیکنڈ میں ڈاؤن لوڈ کی جا سکے گی اور پاکستان میں’ ہواوے‘ نے فائیو جی ٹیکنالوجی لانچ کر دی ہے اب صرف اس کے بیسکس پر کام کیا جارہا ہے اور جلد یہ تمام لوگوں کے لیے میسر ہو گی۔ انہوں نے کہا کہ فائیو جی ٹیکنالوجی آنے کے بعد ٹیلی ویژن کا چہرہ ہی بدل جائے گا اور میڈیا کی ہیت بھی بدل جائے گی۔ انہوں نے کہا کہ ابھی تھری جی اور فائیو جی انٹرنیٹ چل رہا ہے لیکن بہت جلد فائیو جی ٹیکنالوجی میسر ہو گی۔

امریکہ کی ترقی پذیر ممالک کے لئے عمومی ترجیح نظام (جی ایس پی) سے بھارتی پیداوار کو ہٹانے سے متعلق تنازعہ کا کوئی حل نہ نکلنا بدقسمتی ہے. بھارت اور امریکہ دوطرفہ تجارت اور معاشی تعلقات کو مستحکم کرنے کی سمت میں کام کرتے رہیں گے۔

باغی ٹی وی کی رپورٹ کے مطابق جی ایس پی کے تحت انڈیا کو ہر سال ٹیکس میں 19 کروڑ ڈالر کی چھوٹ ملتی تھی تاہم امریکہ کی جانب سے مارچ کے پہلے ہفتہ میں جی ایس پی سے ہندوستانی پیداوار کو ہٹانے کے لئے 60 دنوں کا نوٹس دیا گیا تھا اور اس کے ساتھ ساتھ تجارتی عمل پر اعتراض کیا گیا تھا۔ جی ایس پی کی یہ مدت 5 جون کو ختم ہورہی ہے جبکہ دونوں ممالک کے درمیان تجارتی عمل سے متعلق مسائل حل نہیں کئے جا سکے ہیں جس کے سبب بھارتی پیداوار کو امریکہ میں درآمد ڈیوٹی پر ملنے والی چھوٹ 5 جون کو ختم ہوجائے گی۔

انڈیا کو ٹیکس کی مد میں‌ 19 کروڑ ڈالر کی چھوٹ ختم کئے جانے پر بھارت کا کہنا ہے کہ امریکہ کی طرح بھارت اور دیگر ممالک ایسے معاملات میں اپنے قومی مفادات کو ترجیح دیتے ہیں۔ کسی بھی ملک کے ساتھ خصوصی معاشی تعلقات کے شعبہ میں مسائل کا حل تلاش کرنا ایک مسلسل عمل ہے۔ بھارت اس معاملہ کو باقاعدگی کے عمل کے طور پر دیکھتا ہے اور امریکہ کے ساتھ مستحکم تعلقات پر یقین رکھتا ہے۔ بھارت کی جانب سے اس عزم کا اظہار کیا گیا ہے کہ دونوں ممالک باہمی مفادات کو دیکھتے ہوئے دوطرفہ تعلقات کو مستحکم کرنے کے لئے کام کرتے رہیں گے۔

بھارت کے مرکزی وزیر تجارت و صنعت نے کہا ہے کہ جی ایس پی سے ہندوستانی پیداوار کو ہٹانے سے متعلق مسئلہ کے حل کی تجویز امریکہ نے قبول نہیں کی جسے بدقسمتی ہی قراردیا جاسکتا ہے۔ یاد رہے کہ جی ایس پی ایک تجارتی نظام ہے جس کے تحت ترقی یافتہ ملک اپنے علاقے میں ترقی پذیر ممالک کے پیداوار کو درآمد ڈیوٹی میں چھوٹ دیتے ہیں البتہ اب یہ چھوٹ انڈیا کیلئے ختم کر دی گئی ہے جس پر بھارتی حکام میں‌ پریشانی اور بے چینی پائی جارہی ہے. ھ

بھارت میں‌ ترقی پسند اتحاد (یو پی اے) کی سربراہ سونیا گاندھی کو کانگریس پارلیمانی بورڈ کا لیڈر منتخب کر لیا گیا ہے۔

باغی ٹی وی کی رپورٹ کے مطابق ہفتہ کے دن کانگریس کے نومنتخب اراکین پارلیمنٹ کی میٹنگ ہوئی جس میں‌ سونیا گاندھی کو اتفاق رائے سے لیڈر منتخب کیاگیا ہے. کانگریس کے میڈیا انچارج رندیپ سنگھ سورجے والانے کہا ہے کہ سونا گاندھی 16ویں لوک سبھا میں بھی پارلیمانی بورڈ کی لیڈر تھیں۔

کانگریس میڈیا انچارج نے کہاکہ سونیا گاندھی نے بھارت کے 12.25 کروڑ رائے دہندگان کا شکریہ ادا کیا جنہوں نے کانگریس پر اعتماد کیا۔
یاد رہے کہ بی جے پی حالیہ الیکشن بھاری اکثریت سے جیتی ہے اور نریندر مودی اور ان کی کابینہ نے دوبارہ حلف اٹھا لیا ہے.
Read more at https://www.uniurdu.com/news/national/story/1617660.html#OxfSdLDZSMrwETgF.99

آل انڈیا مجلس اتحاد المسلمین کے سربراہ اسدالدین اویسی نے کہا ہے کہ حیدرآبادمیں 5 سال سے امن ہے ،بڑے بڑے مذہبی تہوار پرُامن طور پر ہوتے ہیں ،کشن ریڈی کو ڈرلگ رہاہے کیونکہ یہاں پر سرمایہ کاری آرہی ہے .

باغی ٹی وی کی رپورٹ کے مطابق بھارت کے وزیر مملکت برائے داخلہ کشن ریڈی نے کہا تھا کہ بھارت میں دہشتگردی جہاں بھی ہوتی ہے جڑیں حیدرآباد میں ہیں اس پر آل انڈیا مجلس اتحاد المسلمین کے سربراہ نے بھارتی وزیرمملکت برائے داخلہ کے بیان پرسخت تنقید کرتے ہوئے کہا کہ عہدے کا چارج بھی نہیں لیا اور کشن ریڈی ایسی واہیات باتیں کرتے ہیں،این آئی اے،آئی بی،را نےکتنی بارایڈوائزری دی کہ حیدرآباددہشتگردی کااڈہ بن رہاہے،اسدالدین اویسی نے کہا کہ سب سےزیادہ کیا اترپردیش میں داعش کے لوگ پکڑے نہیں جارہے،کیا اترپردیش دہشتگردی کا ا ڈہ بن چکا ہے،اویسی نے مزید کہا کہ مگرہم کو ان سےامید ہی یہی ہے،اس لیے کہ ان کی ذہنیت یہی ہے،جہاں انہیں مسلمان نظرآتاہےانہیں لگتاہے وہ دہشتگرد ہے.