Category: بین الاقوامی

بھارتی ہندو انتہا سپند تنظیم کے رہنما سریندر سنگھ نے اعلان کیا ہے کہ 2024 میں بھارت کے ہندوراشٹر ہونے کا اعلان ہو جائے گا

باغی ٹی وی کی رپورٹ کے مطابق آر ایس ایس کے رہنما بلیا ضلع سے اسمبلی کی سیٹ جیتنے والے بی جے پی کے رکن اسمبلی سریندر سنگھ نے آر ایس ایس کارکنان کے ساتھ ایک اجلاس کے دوران گفتگو کرتے ہوئے کہا کہ رام کی شکل میں نریندر مودی اور ہنومان کی شکل میں یوگی آدتیہ ناتھ ہندوستان کے جمہوری نظام میں اوتار لے چکے ہیں۔ سریندر نے مزید کہا کہ 2024 میں آر ایس ایس کے 100 سال پورے ہونے جا رہے ہیں۔ آر ایس ایس کے 100 سال پورے ہونے پر ہندوستان ہندو راشٹر ہونے کا اعلان ہو جائے گا۔

واضح رہے کہ سریندر سنگھ نے اس سے قبل کہا تھا کہ پچاس فیصد مسلمان ایسے ہیں جو اصل میں ہندو ہیں اور ان کا مذہب تبدیل کروا کر اسلام میں شامل کرایا گیا ہے جو خود کو پھر سے ہندو مذہب میں شامل کر لیں گے۔ ہندو کلچر اختیار کرنے والے مسلمان ہی بھارت میں رہ پائیں گے۔

واضح رہے کہ بھارتی الیکشن میں بی جے پی ایک بار پھر جیتی اور مودی دوبارہ وزیراعظم منتخب ہو چکے ہیں.

بھارتی فضائیہ کے لاپتہ طیارے کا ملبہ مل گیا ، سوار افراد کی لاشوں کی تلاش جاری ہے

باغی ٹی وی کی رپورٹ کے مطابق بھارتی ریاست آسام کے جورہاٹ ائیر بیس سے اروناچل پردیش کیلئے اڑان بھرنے والے ہندوستانی فضائیہ کے تباہ ہونے والے طیارے آئی اے این ایف 32 کا ملبہ مل گیا ہے.بھارتی فضائیہ کے ایک ہیلی کاپٹر نے جو سرچنگ ٹیم میں شامل تھا، نے ہندوستانی فضائیہ کے تباہ شدہ طیارے کا ملبہ دیکھا ہے. طیارہ میں سوار لوگوں کی فی الحال تلاش کی جارہی ہے۔ تباہ ہونے والے طیارے میں‌ 13 افراد سوار تھے.

اس سے قبل بھارتی فضائیہ کا 1986 میں بحیرہ عرب میں اے این 32 لا پتہ ہوا تھا جو سوویت یونین سے عمان کے راستے واپس آ رہا تھا ،اس طیارے کا کوئی سراغ ،ملبہ بھارت کو نہیں ملا. بھارت کا ایک اور اے این 32 طیارہ 2016 میں لاپتہ ہوا تھا جس میں بھارتی فضائیہ کے 29 اہلکار سوار تھے ،کافی تلاش کے بعد بھی بھارت کو اس طیارے کے بارے میں کچھ معلوم نہ ہو سکا، بھارتی فضائیہ کے اب تک دو اے این 32 طیارے گر کر تباہ ہوئے، ایک طیارہ 1989 اور دوسرا 2009 میں گر کر تباہ ہوا تھا. بھارت کے پاس اے این 32 طیاروں کی تعداد ایک سو سے زائد ہے ، بھارت نے یہ طیارے سوویت یونین سے خریدے تھے ،اے این 32 طیارے یوکرین میں بنائے گئے ہیں.

بھارتی ائیر فورس کا طیارہ اے این 32 چھ دن قبل لاپتہ ہوا جو ابھی تک سرچ آپریشن کے باوجود نہیں مل سکا، اے این 32 کے حوالہ سے انکشاف ہوا ہے کہ بھارت کے پہلے بھی دو طیارے اے این 32 لاپتہ ہوئے تھے جو نہیں مل سکے. یہ لاپتہ ہونے والا تیسرا طیارہ ہے

باغی ٹی وی کی رپورٹ کے مطابق بھارتی ائیر فورس کا طیارہ اے این 32 تین مئی کو لاپتہ ہوا ہے جو تاحال نہیں مل سکا. بھارت کے پہلے بھی دوطیارے اے این 32 لاپتہ ہوئے جن کا کوئی سراغ نہیں مل سکا تھا. بھارتی فضائیہ کا 1986 میں بحیرہ عرب میں اے این 32 لا پتہ ہوا تھا جو سوویت یونین سے عمان کے راستے واپس آ رہا تھا ،اس طیارے کا کوئی سراغ ،ملبہ بھارت کو نہیں ملا. بھارت کا ایک اور اے این 32 طیارہ 2016 میں لاپتہ ہوا تھا جس میں بھارتی فضائیہ کے 29 اہلکار سوار تھے ،کافی تلاش کے بعد بھی بھارت کو اس طیارے کے بارے میں کچھ معلوم نہ ہو سکا، اب بھی چھ دن گزر چکے بھارتی فضائیہ کے اے این 32 طیارے کا کچھ معلوم نہیں ہو سکا، بھارتی فضائیہ کے اب تک تین طیارے لاپتہ ہوئے جبکہ دو اے این 32 طیارے گر کر تباہ ہوئے، ایک طیارہ 1989 اور دوسرا 2009 میں گر کر تباہ ہوا تھا. بھارت کے پاس اے این 32 طیاروں کی تعداد ایک سو سے زائد ہے ، بھارت نے یہ طیارے سوویت یونین سے خریدے تھے ،اے این 32 طیارے یوکرین میں بنائے گئے ہیں.

بھارتی فضائیہ کا لاپتہ ہونے والے طیارہ اے این 32 چھ روز گزرنے کے باوجود نہیں مل سکا

باغی ٹی وی کی رپورٹ کے مطابق بھارتی ریاست اروناچل پردیش میں بھارتی ائیر فورس کے لاپتہ ہونے والے طیارے اے این 32 کی تلاش کے لئے مسلسل چھٹے دن سرچ آپریشن جاری ہے جس میں بھارتی فضائیہ کے طیارے حصہ لے رہے ہیں لیکن طیارے کے بارے میں کسی طرح کا سراغ نہیں ملا ہے۔ گزشتہ روز بھارتی وزیر دفاع راجناتھ سنگھ نے طیارے میں سوار بھارتی فضائیہ کے جوانوں کے اہلخانہ سے ملاقات کی اور انہیں تسلی دی، بھارت نے طیارے کو تلاش کرنے لئے سرچ آپریشن میں تیزی کر دی ہے

واضح رہے کہ بھارتی ائیر فورس کا طیارہ تین مئی کو لا پتہ ہوا تھا. اےاین32 نے آسام سےاُڑان بھری تھی، بھارتی ائیر فورس کے طیارے میں عملےکے 8ارکان سمیت13افرادسوارتھے. طیارے نے جرہٹ ائیر بیس سے اڑان بھری تھی طیارے نے منچوکا ائیر بیس پر لینڈ کرنا تھا جو آرنچل پردیش میں واقع ہے.طیارے نے 12:25 پر اڑان بھری تھی اور ایک بجے رابطہ منقطع ہو گیا.

واضح رہے کہ تین سال قبل بھی بھارت کا اے این 32 طیارہ لا پتہ ہو گیا تھا،جس کا بھی آدھے گھنٹے کے بعد سسٹم سے رابطہ منقطع ہو گیا تھا . اس وقت طیارے میں بھارتی ایئر فورس،بھارتی نیوی، کوسٹ گارڈ کے افسر اور آٹھ عام شہریوں سمیت 29 افراد سوار تھے

وزیراعظم پاکستان عمران خان کے مشیر برائے اوورسیز پاکستانیز زلفی بخاری نے کہا ہے کہ عمران خان اور ان کی ٹیم ملک کی معیشت بہتر بنانے کیلئے دن رات محنت کر رہی ہے اس لئے امید ہے کہ موجودہ حکومت معاشی حالات پر بہت جلد قابو پالے گی۔

باغی ٹی وی کی رپورٹ کے مطابق انہوں نے سابق چیف جسٹس ثاقب نثار کی طرف سے ڈیم فنڈ اکٹھا کرنے کو ان کا ذاتی عمل قرار دیا اور کہاکہ ہائی کمشنر میں‌ بینک اکاؤنٹ ہونے کے باوجود پرائیویٹ چیئریٹیز کوشامل کرنا مناسب نہیں ہوگا۔ انہوں نے بتایا کہ وزیر اعظم عمران خان جلد برطانیہ کا دورہ کرنے کا ارادہ رکھتے ہیں جبکہ اس دوران دوطرفہ تجارتی امور اور دیگر معاملات سے متعلق بھی بات چیت ہو گی.

زلفی بخاری کا کہنا تھا کہ حکومت اوور سیز پاکستانیوں کو سہولیات فراہم کرنے کے ساتھ ساتھ سیاحت کے فروغ کیلئے بھی اہم نوعیت کے اقدامات اٹھا رہی ہے اور دنیا بھر میں‌ جہاں‌ کہیں بھی پاکستانی قید ہیں ان کی رہائی کیلئے حکومتی سطح پر اقدامات اٹھائے جارہے ہیں. ان کا یہ بھی کہنا تھاکہ اسلام آباد میں اوورسیز پولیس اسٹیشن جلد کام شروع کردے گا جس کا سلسلہ جلد دوسرے شہروں میں بھی پھیلایا جائے گا۔ ان کا کہنا تھا کہ اوررسیز پاکستانیوں کے مسائل حل کرنے کے لیے ضلع سطح پر آفس قائم کرنے پر کام کیا جارہا ہے.

واضح‌ رہے کہ زلفی بخاری وزیر اعظم عمران خان کے مشیر برائے اوور سیز پاکستانی ہیں اور مختلف ملکوں میں‌ پاکستانیوں‌ کے مسائل حل کرنے کیلئے کام کر رہے ہیں. بیرون ممالک قیدیوں‌ کی رہائی کیلئے بھی وہ ہر ممکن کوششیں‌ کر رہے ہیں.