Category: بین الاقوامی

نئی دہلی :بھارتی شہری فوج اور دیگر سیکورٹی اداروں میں بھرتی ہونے کی بجائے بے روزگار رہنا پسند کرتے ہیں. بھارتی سرحدوں پر لڑمرنے اور ملک کے اندر بے جا ڈیوٹیوں کرنے کو پسند نہیں کرتے .یہی وجہ ہے کہ فوج ،پولیس اور دیگر سیکورٹی اداروں میں بڑی تعداد میں کافی عرصےسے خالی پڑی ہیں. صرف ایکے محکمے سینٹرل آرم پولیس فورس (سی اےپی ایف) میں خالی آسامیوں کی تعداد 84ہزار سے تجاوز کرگئ ہے.

لوگ سبھا میں‌ایوان کو ملک کی داخلی صورت حال سے آگاہ کرتے ہوئے وزیر داخلہ نے حقائق پیش کرتے ہوئے کہا کہ سینٹرل آرم پولیس فورس میں تنخواہ اور مراعات بڑھانے کے باوجود بھارتی نوجوانوں کا اس طرف رجحان نہیں ہے. وفاقی وزیر داخلہ نے کہا اس وقت کل تعداد 84037 ہے اگر بھارتیوں نے سینٹرل آرم پولس فورس میں ملازمت اختیار نہ کی تو یہ تعداد خطرناک حد تک تجاوز کرجائے گی.

تل ابیب:اسرائیلی صحافی نے پاکستان کے خدشات کی تصدیق و تائید کرتے ہوئے انکشاف کیا ہے کہ کارگل کی لڑائی میں اسرائیل نے بھارت کی مدد کی اور فضائیہ کو ایسے گائیڈڈ میزائل دیئے جس نے پاکستانی اہداف کو کامیابی کے ساتھ نشامہ بنایا جس سے پاکستان کی کمر ٹوٹ گئی.اس خبرسے متعلق انڈیا ٹوڈے نے بھی انکشاف کیا تھا لیکن اب اسرائیلی صحافی کی رپورٹ نے تو اس پر مہر تصدیق ثبت کردی ہے.صحافی کے مطابق اسرائیل نے بھارت کو کارگل کی جنگ میں ایسی مدد فراہم کی جس نے اس کی نہایت کمزور حالت کو طاقت میں بدل دیا۔ جب بھارتی فضائیہ اپنی زمینی فوج کو پاکستانی پوزیشنز کے متعلق صحیح معلومات فراہم کرنے میں ناکام ہورہی تھی اور اسکے میزائل بھی ٹھیک نشانے پر نہیں لگ رہے تھے۔

ایسی حالت میں اسرائیل نے بھارتی فضائیہ کو لیزر گائیڈڈ میزائل فراہم کردیے جو میراج 2000 طیاروں میں لگا دیے گئے۔ ان میزائل کیوجہ سے precision bombing کی گئی جس نے پاکستان کی بلند و بالا پوزیشنز کی برتری کو ختم کردیا جبکہ اسے لائن آف کنٹرول کو عبور کرنے کی ضرورت بھی پیش نہیں آئی۔ ماضی قریب میں اور خصوصاً مودی حکومت کے دور میں دونوں ممالک میں قربتیں تیزی سے بڑھی ہیں۔ اس ضمن میں بھارت اسرائیل سے جنگی ساز و سامان خریدنے والا سب سے بڑا ملک بن کر ابھرا ہے جبکہ اسرائیل سے بھارت کی خریداری دوسرا بڑا ذریعہ ہے

مقبوضہ بیت المقدس:امریکہ کی دعوت پر آج خلیجی ریاست بحرین کے دارالحکومت ماناما میں ہونے والی اقتصادی کانفرنس کے خلاف فلسطین میں بہ طور احتجاج ہڑتال، مظاہرے اور جلوس نکالے جا رہے ہیں۔جبکہ ادھر ارض مقدس میں قابض صہیونی فوج نے فلسطینی مظاہرین کے خلاف طاقت کا استعمال شروع کیا ہے جس میں متعدد افراد زخمی ہوگئے ہیں۔ اس کانفرنس کا مقصد قضیہ فلسطین کے تصفیے کے لیے امریکی سازش ‘صدی کی ڈیل’ کو آگے بڑھانا ہے۔ سوائے چند ایک خلیجی ممالک ، مصر اور اردن کے پوری عالمی برادری نے اس کانفرنس کا بائیکاٹ کیا ہے۔

امریکا اور اس کے حواریوں کی دعوت پر منعقد کی جانے والی نام نہاد اقتصادی کانفرنس کے خلاف فلسطین کے علاقوں غزہ، غرب اردن، بیت المقدس، شمالی اور جنوبی فلسطینی علاقوں میں‌ شٹرڈائون اور پہیہ جام ہڑتال کی جا رہی ہے۔غزہ اور مغربی کنارے کےمختلف شہروں میں ایک احتجاجی مظاہرے بھی جاری ہیں جن میں بڑی تعداد میں‌شہری شریک ہیں۔ دوسری طرف اسرائیلی فوج نے فلسطینی مظاہرین کو منتشر کرنے کے لیے ان کے خلاف طاقت کا وحشیانہ استعمال بھی جاری رکھا ہوا ہے۔ غرب اردن کے شمالی شہر جنین میں نکالی جانے والی ایک ریلی پرقابض فوج نے آنسوگیس کی شیلنگ اور براہ راست گولیاں چلائیں جس کے نتیجے میں متعدد مظاہرین زخمی ہو گئے۔

اسلام آباد:معروف جریدہ خلیج ٹائمز نے یہ دعوٰیٰ‌کیا ہے کہ بیرون ملک پاکستانیوں نے اپنے اثاثے ٹیکس ایمنسٹی اسکیم کے تحت ظاہر کیے ہیں.خلیج ٹائمز کے مطابق متحدہ عرب امارات میں پاکستانیوں نے 346 ارب کے اثاثے ظاہر کیے .پاکستانیوں نےسوئٹزرلینڈمیں115،برطانیہ میں90ارب روپےکےاثاثےظاہرکئے.جریدے نے یہ بھی دعویٰ‌کیا ہےک سنگاپور میں87اوربرٹش ورجن آئی لینڈمیں49ارب روپےکےاثاثےظاہرہوئے

خلیج ٹائمز نے سمندر پار پاکستانیوں سے متعلق رپورٹ دیتے ہوئے کہا ہےکہ ابھی بھی بڑی تعداد نے اپنے اثاثے نہیں ظاہر کیے. ہوسکتا ہے کہ آنے والے دنوں میں یہ اپنے اثاثے ظاہر کردیں کیوںکہ حکومت پاکستان کے پاس دنیا بھر میں مقیم پاکستانیوں کے اثاثوں سے متعلق تمام تر معلومات پہنچ چکی ہیں.

اسلام آباد/ریاض:سعودی عرب کا پاکستانی عازمین حج کو سہولت دینے کا فصلہ کرلیا . پاکستانی حجاج کرام کے لیے امیگریشن لینڈنگ کارڈ کی شرط ختم کردی.اطلاعات کے مطابق سعودی جنرل اتھارتی آف سول ایوی ایشن نے اس فیصلے پر عمل درآمد کا اعلان کرتے ہوئے کہا ہے کہ وہ پاکستانی حجاج کرام کو امیگریشن لینڈنگ کارڈ کے شرط سے مستثنیٰ‌قرار دے کر بہت سی مشکلات ختم کررہا ہے.

یاد رہے کہ وزیر اعظم عمران خان نے سعودی ولی عہد محمد بن سلمان کے دورہ کے دوران ان سے یہ درخواست کی تھی کہ سعودی عرب پاکستانی حجاج کرام کے لیے امیگریشن کو آسان تر بنانے کےلیے مناسب اقدامات کرے .عمران خان نے محمد سلمان کو یہ درخواست کی تھی کہ وہ پاکستان سے سعودی عرب سفر کرنے والے افراد کے لیے امیگریشن کی شرائط ختم کرکے ان کے سفر کو آسان سے آسان تر کردے

سنکیانگ:اقوام متحدہ میں سنکیانگ کے وائس گورنر ایرکن تنیاز نے یہ تسلیم کر لیا ہےکہ چین نے یغور مسلمانوں کو اس لیے مختلف سینٹرز میں روک رکھا ہے جہاں ان کی برین واشنگ کی جاتی ہے تاکہ وہ شدت پسندی سے دور رہیں.وائس گورنر نے اقوام متحدہ میں ایک اجلاس کے دوران یہ بھی کہا کہ ان سینٹرز میں مسلمانوں کی برین واشنگ کے ساتھ ساتھ ان کو فنی تعلیم بھی دی جارہی ہے.وائس گورنر نے اقوام متحدہ کی کونسل برائے انسانی حقوق میں امریکی الزامات کے جواب میں یہ حقائق پیش کیے .

یاد رہے کہ چین میں یغور مسلمانوں کی جبری نظر بندی اور اسلامی اقدار سے دور رکھنے کے حوالے سے کافی عرصے سے خبریں گردش کررہی تھیں .چین نے اس سے قبل یغور مسلمانوں کے حوالے سے کوئی تسلی بخش جواب نہیں دیا .یہ پہلا موقع ہے کہ اقوام متحدہ کے فورم پر چین نے یہ بالآخر تسلیم کر ہی لیا ہے کہ اس نےسنکیانگ کے علاقے کے 10 لاکھ سے زائد ٰیغور مسلمانوں کو جبری طور پر مختلف سینٹرز میں روک رکھا ہے جہاں کی برین واشنگ کی جااتی ہے .وائس گورنر نے یہ بھی تسلیم کیا کہ ان ٰٰیغور مسلمانوں کو مذہبی سکالروں سے بھی دور رکھا جارہا ہے تاکہ یہ ان مذہبی ذمہ داران کے اثرورسوخ سے دور رہ سکیں