Category: بین الاقوامی

تہران:ایران کی طرف سے امریکی ڈرون کو گرائے جانے کے بعد ایران اور امریکہ کے درمیان لفاظی جنگ شروع ہوگئی ہے۔ ڈرون گرائے جانے پر امریکی صدر ڈونلڈ ٹرمپ کے دھمکی آمیز بیان کے بعد ایرانی وزیر خارجہ جواد ظریف بھی میدان میں آگئے ہیں اور امریکہ کو خبردار کرتے ہوئے کہا ہے کہ ایران ہم جنگ نہیں چاہتالیکن اپنی فضائی،زمینی،سمندری حدود کادفاع کرنا جانتا ہے۔ جوادظریف نے ردعمل دیتے ہوئے کہا ہے کہ امریکا نےایران کےخلاف معاشی دہشت گردی شروع کر رکھی ہےجو ایران کے کسی بھی صورت میں قابل قبول نہیں ۔

ایک اور بیان میں جواد ظریف نے کہا ہے کہ امریکا اب ہماری حدود کی خلاف ورزی بھی کر رہا ہے۔
انہوں نے کہا ہے کہ امریکا جھوٹ بول رہا ہے کہ امریکی ڈرون بین الاقوامی فضائی حدود میں تھا۔جواد ظریف نے اس موقع پر یہ بھی کہا ہے کہ ایران اس معاملے کو اقوام متحدہ میں لے کر جائے گا اور امریکہ کی طرف سے ایران کی فضائی حدود کی خلاف ورزی کا معاملہ اٹھائے گا۔ جواد ظریف نے عالمی دنیا پر زور دیا ہے کہ وہ امریکہ رویے کی مذمت کرے۔ یاد رہے کہ خلیج میں امریکہ اور ایران کے درمیان اس وقت سخت کشیدگی پائی جاتی ہے اور امریکہ یمن کی موجودہ صورت کا ایران کو ذمہ دار قرار دے رہا ہے۔

نئی دہلی:بھارتی ریاست ہماچل پردیش میں بس کو حادثہ ،بس گہری کھائی میں جا گری 18 افراد ہلاک 30 سے زائد زخمی ہوگئے. بھارتی ذرائع کے مطابق یہ بس گڈا گشینی کی طرف سفر پر روا ں دواں تھی.ذرائع کے مطابق ضلع کلو کے علاقے بنجر کے نواح میں 300 میٹر گہری کھائی میں جا گری.ضلع کلو کے پولیس آفیسر شیلانی نے میڈیا کو بتا یا کہ اس حادثے میں 18 افراد ہلاک جبکہ 30 سے زیادہ زخمی ہوئے .زخمیوں کوڈسٹرکٹ ہپستال میں منتقل کیا جا رہا ہے.

ہماچل پردیش میں یہ کوئی پہلا حادثہ نہیں بلکہ اس سے قبل بھی بڑے حادثے ہو چکے ہیں جس مٰیں اب تک سیکڑوں لوگ ہلاک اور زخمی ہوچکے ہیں. حادثے میں ہلاک اور زخمی ہونے والے افراد لے لواحقین کا کہنا ہے کہ حکومت ایسے حادثات کی روک تھام کے لیے کوئی کام نہیں کررہی یہی وجہ ہے کہ ہماچل پردیش میں آئے روز ایسےحادثات ہوتے رہے ہیں

راوالپنڈی:بھارتی میڈیا پاکستان کے دفاعی بجٹ سے متعلق جھوٹی خبرین پھیلا رہا ہے. بھارت اپنی ناکامیاں چھپانے کے لیے اس قسم کے غلط پراپیگنڈے کر رہا ہے. آئی ایس پی آر نے بھارتی میڈیا پر پاکستان کے دفاعی بجٹ پر نشر ہونے والی جھوٹی خبروں پر ردعمل کا اظہار کرتے ہوئے کہا ہے کہ بھارت کو پہلے 27 فروری والے واقعہ کو بھولنا نہیں چاہیے جب خطے کی دو بڑی فوجی طاقتوں کی صلاحیت کا امتحان تھا اور پاکستان نے بھارت کو بہت موثر جواب دیکر اپنی فوجی صلاحیت ثابت کردی تھی. بھارت یہ نہ بھولے کہ پاکستانی قوم اپنی فورسز کے ساتھ کندھے سے کندھا ملا کر کھڑی ہوئی ہیں. بھارتی میڈیا پاکستان کے اندرونی معاملات سے متعلق زہر افشانی کرنے کی بجائے پہلے اپنے اندرونی حالات پر توجہ دے.

یاد رہے کہ اس سال 27 فروری کو پاکستانی فضائیہ کے شاہینوں نے پاکستانی حدود کی خلاف ورزی کرنے والی بھارتی فوج کے دو جنگی طیارے مار گرائے تھے اور ان میں سے ایک کے پائیلٹ ابھی نندن کو گرفتار کر لیا تھا .تاہم اگلے ہی روز وزیر اعظم پاکستان نے خیر سگالی اور خطے میں امن کی خاطر بھارتی پائیلٹ کو رہا کرنے کا حکم دیا تھا جسے عالمی دنیا میں بہت سراہا گیا.