Category: بین الاقوامی

فلسطین کے مقبوضہ بیت المقدس میں ایک یہودی نے ایک فلسطینی شہری کو اپنی گاڑی تلے روند کر زخمی کرڈالا۔
مقامی فلسطینی ذرائع کے مطابق یہودی آباد کار نے پرانے بیت المقدس میں 19 سالہ عدنان سامر مجاھد پر گاڑی چڑھا دی جس کے نتیجے میں وہ شدید زخمی ہوگیا۔
مقبوضہ فلسطین، آتش زدگی اور شدید گرمی کی وجہ سے 131صہیونی جھلس کر زخمی

ذرائع کا کہنا ہے کہ فلسطینی نوجوان مغربی بیت المقدس میں شاہراہ ابو غوش میں اپنے کام پر جا رہا تھا۔ زخمی فلسطینی نوجوان کو القدس میں ‘ھداسا عین کارم’ اسپتال منتقل کیا گیا ہے۔
واضح رہے کہ مقبوضہ بیت المقدس اور مغربی کنارے میں یہودیوں کے لیے 503 کالونیاں قائم ہیں۔ جن میں کل آبادی کا 46 فی صد یہودی آباد ہیں اور تعداد 8 لاکھ سے زیادہ ہے۔ یہ یہودی روزانہ فلسطینیوں کی جان ومال پرحملے کرتے اور انہیں نقصان پہنچاتے ہیں۔ اکثر فلسطینی بچے، خواتین اور نوجوان یہودی آباد کاروں اور فوجیوں کی گاڑیوں تلے کچلے جانے کے باعث شہید یا زخمی ہو کرہمیشہ کے اپاہج ہوجاتے ہیں۔

اقوام متحدہ کے عہدیداروں نے مقبوضہ بیت المقدس میں ‘صور باھر’ کے مقام پرفلسطینی آبادی کے مکانات گرانے کے منصوبوں پر گہری تشویش کا اظہار کیا ہے اور اسرائیل سے القدس میں مکانات مسماری کا عمل بند کرنے کا مطالبہ کیا ہے۔
فلسطین میں اقوام متحدہ کے رابطہ کار برائے انسانی حقوق’جیمی میک گوڈریک’،غرب اردن میں امدادی ادارے’اونروا’ کی ڈائریکٹر ریلیف آپریشن، گوین لویس، فلسطین میں اقوام متحدہ کے ہائی کمشنر برائے انسانی حقوق جیمسن ھینان اور دیگر عہدیداروں نے ایک مشترکہ پریس کانفرنس کے دوران اسرائیلی حکومت پر زور دیا کہ وہ جنوب مشرقی بیت المقدس میں فلسطینیوں کے مکانات گرانے کے منصوبوں پرعمل درآمد روکے۔
فلسطینی پارلیمنٹ کے رکن کی اسرائیلی جیل میں بھوک ہڑتال

اقوام متحدہ کے عہدیداروں کے مطابق اسرائیلی حکومت نے صور باھرکے مقام پر 17 فلسطینی خاندانوں کے مکانات گرانے کا منصوبہ تیار کیا ہے۔ اس کے نتیجے میں بیسیوں فلسطینی بے گھرہوسکتے ہیں جب کہ 350 فلسطینیوں کی املاک کو غیرمعمولی نقصان پہنچنے کا اندیشہ ہے۔ صہیونی حکام نے صور باہرمیں 10 عمارتوں میں?موجود 70 رہائشی فلیٹس مسمار کرنے کا ظالمانہ پلان تیار کیا ہے۔

لبنانی ملیشیا حزب اللہ کو علاقے سے بے دخل کرنے سے ہی امن ہو گا امریکی میڈیا

باغی ٹی وی رپورٹ کے مطابق لبنانی ملیشیا حزب اللہ خطے میں دہشت گردانہ سرگرمیوں اور عالمی جرائم پیشہ گروپوں کے ساتھ تعلقات کی بناء پر بین الاقوامی ذرائع ابلاغ کا اہم موضوع رہتی ہے۔ حال ہی میں ایک امریکی صحافی اور سینیر تجزیہ نگار ‘جوزف پوڈر’ نے جریدہ ‘فرنٹ پیج’ کو دیے گئے ایک تفصیلی انٹرویو میں اس سوال کا تفصیلی جواب دیا کہ آیا امریکی انتظامیہ حزب اللہ پر کاری ضرب لگانے کے احکامات دے سکتی ہے؟

مسٹر پوڈر کا کہنا ہے کہ حزب اللہ ایران سے اسلحہ اور رقوم حاصل کر کے لبنان کا گلا گھونٹ رہی ہے۔ بعض اوقات ایران کی سمندر پار کارروائیوں میں سرگرم القدس فیلق القدس لبنان میں مداخلت کرتی ہے اور گاہے حزب اللہ لبنان کے سیاسی نظام میں داخل ہو کر لبنان فوج کی جگہ پر آبیٹھتی ہے۔
یہ بھی پڑھیں:امریکا نے لبنابی ملیشیا حزب اللہ کے مزید ارکان پر پابندی عائد کردی

آسام کے تباہ کن سیلاب سے انسانوں کی طرح کازی رنگا نیشنل پارک کے جانور بھی متاثر ہیں۔ ایک شیر پارک سے فرار ہو کر نیشنل ہائی وے کے قریب ایک گھر کے اندر ایک بستر پر آرام کرتے دیکھا گیا۔
باغی ٹی وی کی رپورٹ کے مطابق وائلڈ لائف ٹرسٹ انڈیا نے اپنے ٹویٹس میں فالوئرز کو شیر کے فرار اکے بارے میں بتایا ہے اور اس کی تصاویر بھی شیئر کی ہیں۔ڈاکٹروں کے جانور سمشول علی آسام کے فاریسٹ ڈیپارٹمنٹ کے ساتھ شیر کے سکون کے حوالے سے ایک منصوبہ بنانے میں مصرو ف ہیں جو گھر میں داخل ہو کر بستر پر آرام کر رہا ہے۔

واضح رہے کہ دریائے برہما پترا میں سیلاب کی وجہ سے مذکورہ پارک مکمل طور پر پانی میں ڈوبا ہوا ہے۔ گذشتہ چند ہفتوں کی بارش وجہ سے دریا بھر گئے ہیں اور سیلاب کی صورت حال پیدا ہو گئی ہے۔

جاپان کے شہر کیوٹو میں اینی میشن کمپنی میں آتش زدگی سے 23افراد ہلاک اور درجنوں زخمی ہو گئے۔
پولیس کے مطابق حملہ آور نے ’کیوٹو اینی میشن‘ میں داخل ہو کر آگ لگا دی۔ حملہ آور صبح ساڑھے دس بجے بلڈنگ میں داخل ہوا۔ آگ تیزی سے بلڈنگ میں پھیل گئی۔ عمارت میں 70افراد موجود تھے جن میں سے 23افراد جھلس کر ہلاک ہو گئے جبکہ زخمیوں کی تعداد بھی درجنوں میں ہے۔
اسرائیل : فلسطینی آتشی غباروں سے 20 مقامات پر آتش زدگی
حملہ آور بھی آگ میں زخمی ہو گیا۔ پولیس نے اسے گرفتار کر لیا ہے۔
واضح رہے کہ کیوٹو اینی میشن کو ’یوکو ہٹا‘ نے 1981ء میں قائم کیا تھا۔ اس کا خاوند کمپنی میں صدر کے عہدے پر فائز ہے۔

وائٹ ہاؤس میں ماضی میں انٹرن شپ کرنے والی مونیکا لیونسکی نے اپنی تازہ ترین "ٹویٹ” سے ایک بار پھر امریکی رائے عامہ کو بھڑکا دیا ہے۔

برطانوی اخبار ڈیلی ایکسپریس کے مطابق ٹویٹر پر مونیکا سے پوچھا گیا تھا کہ "آپ کو اپنے کیرئر کے حوالے سے زندگی کا بدترین مشورہ کیا ملا ؟”

مونیکا نےطنزیہ انداز سے اس کا جواب دیتے ہوئے لکھا کہ "وائٹ ہاؤس میں انٹرن شپ آپ کے resumeکے حوالے سے شان دار ثابت ہو گی”۔

امریکی میڈیا کے مطابق مونیکا نے وائٹ ہاؤس میں کام کرنے کو تمسخرانہ انداز سے اپنی پیشہ وارانہ زندگی کا بدترین تجربہ قرار دیا ہے۔

یاد رہے کہ سابق صدر بل کلنٹن اور مونیکا لیونسکی کے درمیان وائٹ ہاؤس میں جنسی اسکینڈل دو دہائی پہلے پیش آیا تھا۔ کلنٹن نے لیونسکی کے ساتھ "نامناسب تعلق” کا اعتراف کر لیا تھا۔ اُس وقت مونیکا کی عمر 22 برس تھی اور اس اسکینڈل کے سبب اسے وائٹ ہاؤس سے ہٹا دیا گیا تھا۔