کرائسٹ چرچ:نیوزی لینڈ کی حکومت کی پالسیاں رنگ دکھانے لگیں. کرائسٹ چرچ میں مساجد پر حملے کے بعد ملک کو نیم خودکار ہتھیاروں سے پاک کرنے کے مقصد کے طور پر شروع کی گئی اسکیم میں درجنوں نیوزی لینڈرز نے اپنے آتشی اسلحوں کو واپس کردیا۔

ذرائع کے مطابق ملک گیر منعقد ہونے والی اس مہم کے آغاز میں کرائسٹ چرچ میں 250 سے زائد کلیکشن ہوئی، یاد رہے کہ یہ وہی شہر ہے جہاں تقریباً 4 ماہ قبل نماز جمعہ کے دوران 51 مسلمانوں کو شہید کردیا گیا تھا۔اس سانحے کے بعد نیوزی لینڈ حکومت، اپوزیشن کی حمایت سے ملک کے بندوق قوانین (گن لاز) کو سخت کرنے کے لیے فوری طور پر قانون سازی کی طرف بڑھی تھی۔

واضح رہے کہ اس سے قبل نیوزی لینڈ میں‌آتشی اسلحے رکھنے والوں کے لیے کوئی خاص قانون نہیں‌تھا .تاہم اپریل میں نیوزی لینڈ حکومت کی جانب سے زیادہ تر نیم خودکار آتشی اسلحے، کچھ پمپ ایکشن شوٹ گنز اور کچھ بڑے میگزین پر پابندی کے بعد ایمنسٹی معاہدے کے تحت ہتھیار رکھنے والے دسمبر 2020 تک غیرقانونی بندوقیں واپس کرسکتے ہیں۔

سئیول :جنوبی کوریا میں کتے کا گوشت کھانے والے اور کتون کو بچانے والے آمنے سامنے آگئے.جنوبی کوریا میں’کتے کے گوشت کا دن‘ منایا گیا جس میں ایک طرف کتے کا گوشت کھانے کو قانونی قرار دینے کے لیے مظاہرے ہوئے تو دوسری جانب اس پر پابندی لگانے کے حق میں بھی مظاہرے کیے گئے۔

جمعۃ المبارک کادن جہاں ملسمانوں کے ہاں ایک رحمت اور برکتوں والے دن کے طور پر یاد کیا جاتا ہے .وہاں جنوبی کوریا میں اس دن کے حوالےسے ایک عقیدہ پایا جاتا ہے. جس کے مطابق جنوبی کوریا میں روایتی عقیدے کے مطابق جمعہ ملک کے تین گرم ترین تین دنوں میں سے پہلا دن ہے۔ جنوبی کوریا کے کئی باشندوں کا عقیدہ ہے کہ اگر ان تین گرم ترین دنوں میں کتے کا گوشت کھایا جائے یا چکن سوپ پیا جائے تو یہ گرمی کو برداشت کرنے کے لیے قوت مہیا کرتا ہے۔

دوسری طرف دارالحکومت سیئول میں جنوبی کوریا کی پارلیمنٹ کے سامنے کتے کا گوشت کھانے پر پابندی لگانے کا مطالبہ کرنے والے مظاہرین نے پلے کارڈز اٹھا رکھے تھے جن پر لکھا تھا کہ ’ کتنے لاکھ مزید کتوں کو مرنا پڑے گا‘۔تاہم ان سے 10 میٹر کے فاصلے پر کتے پالنے والے کسانوں نے بھی مظاہرہ کیے۔ یہ کسان کتے پالتے ہیں اور انہیں مقامی ہوٹلوں کو فروخت کرتے ہیں۔ وہ اپنے ساتھ کتے کے گوشت کی پکی ہوئی بوٹیاں بھی لائے تھے۔ کسان مطالبہ کر رہے تھے کہ کتے کا گوشت کھانے کو باضابطہ قانونی درجہ دیا جائے۔

ذرائع کے مطابق جنوبی کوریا میں کتے کا گوشت کھانے پر نہ کوئی واضح طور پر پابندی ہے اور نہ کتے کھانے کو قانونی حیثیت حاصل ہے۔ جنوبی کوریا میں سالانہ ایک کروڑ کتے کھائے جاتے ہیں اور کتے کا گوشت روایتی کھانوں کا حصہ ہے۔تاہم حالیہ برسوں میں کتے کے گوشت کی کھپت میں کمی آئی ہے کیونکہ جنوبی کوریا کے بہت سارے باشندوں نے کتے کو لائیو سٹاک کے بجائے پالتو جانور کے طور پر ڈیل کرنا شروع کر دیے ہیں۔

یاد رہے کہ حال ہی میں ایک سروے ہوا ہے جس کی رپورٹ میں انکشاف کیا گیا تھا کہ 80 فیصد کوریائی باشندوں نے گذشتہ سال کتے کا گوشت نہیں کھایا۔ تاہم اس کے باوجود کئی لوگ کتے کا گوشت کھانے کو غیر قانونی قرار دینے کی مخالفت کرتے ہیں۔ ان کا خیال ہے کہ یہ مغربی دباؤ کے سامنے ہتھیار ڈالنے کے مترادف ہو گا۔

برلن :اسلا م اور مسلمانوں کے خلاف یورپ اور مغرب میں ایک باقاعدہ منصوبہ بندی کے ذریعے سازشیں عروج پر پہنچ چکی .اب تو یورپی ممالک خاص طور سے برطانیہ، فرانس اور جرمنی میں اسلاموفوبیا کا سلسلہ جاری ہے اور کسی نہ کسی بہانے سے مسلمانوں یا ان کے مقدسات کو نشانہ بنایا جا رہا ہے۔ذرائع کے مطابق جرمنی میں بیک وقت 3 مساجد کو بم سے اُڑانے کی دھمکیاں موصول ہوئیں جس پر بھگڈر مچ گئی، پولیس نے مساجد کو خالی کروا کر سرچ آپریشن کا آغاز کیا تاہم اطلاعات جھوٹی ثابت ہوئیں اور مساجد سے کچھ برآمد نہیں ہوا۔

جرمنی میں بم کی اطلاعات میونخ کے دو اضلاع پاسنگ اور فریئمنگ کی مساجد اور ایک آئسرلوہن کی مسجد کو موصول ہوئی تھیں۔ مساجد میں بم کی اطلاع انتظامیہ کو ای میل کے ذریعے دی گئی تھیں۔پولیس نے مقدمہ درج کرکے تحقیقات کا آغاز کردیا ہے اوراصل ملزموں تک پہنچنے کے لیے سائبر فورس کی مدد سے بم کی اطلاع دینے والی ای میلز کی کھوج شروع کردی ہے

یاد رہے کہ یورپی ممالک خاص طور سے برطانیہ،فرانس اور جرمنی میں مسلمانوں اور مسلمانوں کی عبادت گاہوں کو نفرت آمیز برتاؤ کا سامنا رہا ہے اور گزشتہ دو برسوں کے دوران مسلمانوں پر حملوں میں اضافہ دیکھا گیا ہے۔جرمنی کی حکومت کی طرف سے اس سلسلے میں کوئی خاطر خواہ اقدامات نہیں اٹھائے گئے

نئی دہلی :بھارت نے اسرائیل سے دفاعی معاہدہ کسی اختلاف کی وجہ سے نہیں بلکہ میزائل سسٹم میں فنی خرابی پر ختم کیا .نئی دہلی سے بھارتی دفاعی حکام کے مطابق اینٹی ٹینک میزائل کے ناکام تجربے کے بعد بھارت نے اسرائیل کے ساتھ 500 ملین ڈالر کے ہتھیاروں کا معاہدہ ختم کیا۔

بھارتی ذرائع ابلاغ نے یہ انکشاف کیا ہے ےکہ کہ مذکورہ میزائلوں کے کئی علاقوں میں تجربے کئے گئے جو ناکام رہے اور ان کے یہ سینسور(Sensor) اپنے اہداف کو معلوم کرنے میں ناکام رہے۔ اس سے قبل نیز ایک اور رپورٹ سامنے آئی تھی جس میں کہا گیا تھا کہ بھارت نے اسرائیل کے ساتھ 321 ٹی ای ایل (Transporter erector launcher) معاہدے کو منسوخ کیا تھا۔

بھارت نے ایسے میں اسرائیل کے ساتھ 500 ملین ڈالر کے ہتھیاروں کا معاہدہ ختم کیا کہ جب صیہونی وزیراعظم نیتن یاہو نےبھارت پر زیادہ سے زیادہ ہتھیار فروخت کرنے کے مقصد سے ستمبر کے مہینے میں بھارت کا دورہ کیا تھا۔