Baaghi TV

Category: بین الاقوامی

  • اورنگ آباد نہیں،سمبھا جی نگر نام ہو گا ریلوے اسٹیشن کا،بھارت میں مسلمان نام بھی زیر عتاب

    اورنگ آباد نہیں،سمبھا جی نگر نام ہو گا ریلوے اسٹیشن کا،بھارت میں مسلمان نام بھی زیر عتاب

    اورنگ آباد:بھارت میں مسلمان جہاں ان دنوں انتہا پسند ہندووں کی تنگ نظری اور نفرت کا شکار ہیں اور زیر عتاب ہیں وہاں انتہا پسند ہندو کسی بھی اسلامی نام یا کلچر سے جڑے ہوئے اسلامی پہلو کو بھی برداشت کرنے کے لیے تیار نہیں یہی وجہ ہے کہ مسلمانوں کو نشانہ بنانے کے ساتھ ساتھ بھارت میں‌اسلامی ناموں پر قائم گاوں،شہروں،تاریخی عمارات اور ریلوے اسٹیشنوں کے بھی دشمن بن گئے ہیں. اسی اسلام اور مسلمان دشمنی کی وجہ سے ہندوہر اسلامی پہلوکو مٹانے کے درپے ہیں. ایسی ہی ایک مذموم حرکت ریلوے اسٹیشن پر کی گئی اورنگ آباد شہر کے نام کی جگہ سمبھاجی نگرکا پوسٹرنصب کیا گیا۔ جس کی وجہ سے شہرمیں کشیدگی پھیل گئی لیکن ریلوے پولیس اور مجلس اتحادالمسلمین کی کوشش سے حالات قابومیں ہیں۔ پولیس نے شرپسندوں کے خلاف سخت ایکشن لینے کا یقین دلایا ہے۔

    اس مذموم حرکت کے خلاف شہریوں میں کافی برہمی دیکھی گئی۔ مجلس اتحادالمسلمین کا کہنا ہیکہ پارلیمانی انتخابات میں فرقہ پرستوں کو شکست ہونے سے وہ بوکھلا گئے ہیں اورکسی صورت میں حالات ابتر کرنے کے چکروں میں ہیں۔ یہ مذموم حرکت اسی کی کڑی ہے تاہم پولیس کی یقین دہانی اورایف آئی آر درج ہونے کے بعد ایم آئی ایم نےشہریوں سے امن و امان کی برقراری کی اپیل کی۔ ریلوے اسٹیشن کے منیجر جاکڑے نے میڈیا کو بتایا کہ ریلوے اسٹیشن کی سیکورٹی کو یقینی بنانے کے لیے مزید سی سی ٹی وی کیمرے نصب کیے جائیں گے۔

    اورنگ آباد میں نام تبدیلی کا تنازعہ برسوں پراناہے فرقہ پرست پارٹی اسی تنازعے کو بھناکراپنے سیاسی مفادات حاصل کرتی رہی لیکن اب سیاسی منظر نامہ بدل جانے سے فرقہ پرست طاقتیں پھرسے متنازعہ موضوعات کو ہوا دینے کے درپے ہیں۔ لیکن شہر کے امن پسند شہریوں نے صبر وتحمل کا مظاہرہ کرکے فرقہ پرستوں کی اس چال کو ایک طرح سے ناکام کردیا۔ایم آئی ایم کا کہنا ہیکہ اب پولیس کی ذمہ داری ہیکہ وہ شرپسندوں کی سرکوبی کریں۔

  • چھانگا مانگا سیاست کا قائل نہیں ہوں.عمران خان نے پیسہ کریسی سیاست کو مسترد کردیا

    چھانگا مانگا سیاست کا قائل نہیں ہوں.عمران خان نے پیسہ کریسی سیاست کو مسترد کردیا

    اسلام آباد:ملک میں‌چھانگا مانگا سیاست کی کوئی گنجائش نہیں ،عمران خان نے صحافیوں کے سوال کے جواب میں اس موروثی سیاست کو مسترد کرتے ہوئے کہا کہ اب ملک میں چھانگا مانگا کریسی نہیں چلے گی اور نہ ہی عمران کان پیسہ کریسی کی سیاست کو کبھی پسند کرے گا.

    یاد رہے کہ چند قبل وزیر اعظم سے ن لیگ کے ارکان اسمبلی نے ملاقات کرکے جہاں ن لیگ کے وجود کو کافی نقصان پہنچایا ہے وہاں ملک میں پھر سے چھانگا مانگا سیاست کے حوالے سے عمران خان کی حکومت پر مخالفین چھانگا مانگا کریسی اور پیسہ کریسی کا الزام لگا رہے ہیں.

  • تبدیلی والی حکومت بجٹ کے بعد اپنی ٹیم میں‌بڑی تبدیلیاں کرے گی .عمران خان

    تبدیلی والی حکومت بجٹ کے بعد اپنی ٹیم میں‌بڑی تبدیلیاں کرے گی .عمران خان

    اسلام آباد:تبدیلی والی حکومت کے کپتان نے پھر سے اپنی ٹیم میں تبدیلیوں کے حوالے سے ایک نئی بحث چیھڑ دی ہے .ایک نجی ٹی وی سے بات کرتے ہوئے عمران خان سے جب سوال کیا گیا کہ سنا ہے کہ آپ بجٹ کے بعد اپنی ٹیم میں‌تبدیلی کریں گے تو انہوں نے کہا میں‌نے پہلے بھی میرٹ پر تبدیلی کی ہےاور اب بھی میرٹ ہی بنیاد ہو گا

    عمران خان نے اپنی ٹیم میں‌تبدیلیوں کے حوالے سے مزید کہا کہ حماد اظہر کی پروموشن بھی میرٹ کی بنیاد پرہوئی ہے. آج بھی میرٹ ہے اور کل بھی میرٹ بنیاد ہوگا.

  • خالص اور چینی والا دودھ ،عمران خان نے پاکستان میں چینی گائیں لانے کا اعلان کردیا

    خالص اور چینی والا دودھ ،عمران خان نے پاکستان میں چینی گائیں لانے کا اعلان کردیا

    اسلام آباد:پاکستان کی معاشی صورت حال پر کاشف عباسی ،ارشد شریف اور صابر شاکر کے سوالات کے جوابات کے دوران جب پاکستان میں ترقی کےحوالے سے چین کا ذکر ہورہا تھا تو اس دوران عمران خان نے پاکستان میں زراعت اور لائیو اسٹاک کے متعلق اپنی حکومت کی پالیسی بیان کرتے ہوئے کہا کہ چینی گائیں بہت زیادہ دودھ دیتی ہیں لٰہذا ہماری حکومت چین سے گائیں لارہی ہے.

    یاد رہے کہ اس سے قبل دنیا بھر میں آسٹریلین گاوں کے بارے میں‌کہا جاتا تھا کہ آسٹریلین گائیں سب سے زیادہ دودھ دیتی ہیں. لیکن پہلی بار کسی بڑے فورم پر چینی گاوں کے ذکر سے ایک لائیو اسٹاک میں ایک نئے باب کا اضافہ ہوگا.

  • امریکا گیا تو پاکستانی سفارتخانے میں ٹھہروں گا .عمران خان

    امریکا گیا تو پاکستانی سفارتخانے میں ٹھہروں گا .عمران خان

    اسلام آباد:پاکستان پر عالمی دباو اور خصوصا امریکہ کے حوالے سے عمران خان نے ایک سوال کا جواب دیتے ہوئے کہا کہ یہ نیا پاکستان ہے .میں پاکستان کی عزت اس میں سمجھتا ہوں کہ خودداری کا مظاہرہ کیا جائے .عمران خان نے کہا کہ میں اپنے دورہ امریکہ کے دوران کسی وی آئی پی جگہ پر رہنے کی بجائے پاکستان کے سفارتخانے میں ہی قیام کروں گا.

    عمران خان کا یہ بیان اس وقت سامنے آیا جب وزیر اعظم عمران خان اگلے چند دنوں تک امریکی صدر ڈونلڈ ٹرمپ کی دعوت پر امریکہ جارہے ہیں اور ان حالات میں عمران خان کے بیان کو خاصی اہمیت دی جارہی ہے.

  • کوئی این آر او نہیں ہوگا .ان چوروں کو عام قیدیوں والی جیلوں میں ڈالوں گا ،عمران خان

    کوئی این آر او نہیں ہوگا .ان چوروں کو عام قیدیوں والی جیلوں میں ڈالوں گا ،عمران خان

    اسلام آباد:وزیر اعطم پاکستان ملک کو معاشی بحران سے نکالنے اور حکومتی پالیسیوں کے دفاع میں آگئے ،کہ دیا کہ مشکلات کے باوجود ملک درست سمت جارہا ہے. روپے کی قدر میں کمی ہوگی تو پھر ڈالر تو مہنگا ہو ہی گا.پاکستان کے ممتاز صحافیوں کاشف عباسی،ارشد شریف اور صابر شاکر کے سوالات کا جواب دیتے ہوئے وزیر اعظم نے کہا کہ پچھلے حکمرانوں نے مصنوعی طریقے سے روپے کی قدر کو اوپر رکھنے کی کوشش کی .وزیر اعطم نے کہا کہ ہر سال تو 10 ارب ڈالرز منی لانڈرنگ کی صورت میں ملک سے باہر چلےجاتے ہیں.

    مشیر خزانہ عبد الحفیظ شیخ نے ایک سوال کے جواب میں کہا کہ ایکسچینج ریٹ سے متعلق آنے والی خبریں غلط ہیں. معیشت کو بہتر کرنے میں عمران خان نے ایک سوال کا جواب دیا کہ عرب امارات،چین اور سعودی عرب نے پاکستان کی معاشی صورت حال کو سمبھالنے میں ہماری مدد کی ہے اورقطر بھی ہماری مدد کے لیے آ پہنچا ہے.جب ملک میں‌اصلاحات کی جاتی ہیں تو مشکلات بھی پیش آتی ہیں. ترکی کو 2002 میں ہم سے زیادہ مشکلات کا سامنا تھا لیکن طیب اردوان نے ترکی کو مشکلات سے نکالا

    میں پاکستانیوں کو بتانا چاہتا ہوں کہ مشکل وقت نکل گیا ہے. اس کے بعد حالات سنبھل جائیں گے. ایک سوال کے جواب میں عمران خان کا کہنا تھا کہ ہم نے نہیں پیپلز پارٹی نے حدیبیہ منی لانڈرنگ کیس بنایا تھا.انہوں نے کہا کہ 61 ارب ڈالر سے گروتھ ریٹ بنایا تو ملک مقروض ہوگیا .عمران خان نے کہا کہ ایک کروڑ پاکستانی 22 کروڑ پاکستانیوں کا بوجھ نہیں اٹھا سکتا .وزیر اعظم نےکہا کہ ہاوسنگ پروجیکٹ سے ملک ترقی کرے گا.50 لاکھ گھروں کی تعمیر سے ملک ترقی کرے گا اور روزگار بڑھے گا.

    عمران خان نے کہا کہ 3جولائی کو آئی ایم ایف سے ایک اہم میٹنگ ہے جس کے بعد امید ہے کہ یہ افراتفری ختم ہوجائے گی.غیر ملکی سرمایہ کاری سے ملک ترقی کرے گا.سی پیک کے حوالے سے انہوں نےکہا کہ روس،چین اور کئی بڑے بڑے ممالک پاکستان میں سرمایہ کاری کے لیے پر تول رہے ہیں.ملک ان شا اللہ ترقی کرے گا

    ہم نے 10 ارب ڈالرز سود کی مد میں ادا کیے .عمران خان نے ایک سوال کے جواب میں کہا کہ کسی کی کوئی سفارش قبول نہیں ہوگی. بے نامی جائیدادیں‌کل سے ضبط ہورہی ہیں. ایک سوال کے جواب میں عمران خان نے کہا کہ ان کو شرم آنی چاہیے ایسی باتیں کرتےہوئے جس میں وہ اپنے مفاد کی بات کرتے ہیں پاکستانیوں کی نہیں.جن جن لوگوں نے اس قوم کا اس ملک کا پیسہ لوٹا ہے وہ واپس کرناہی پڑے گا.

  • بھارت :پریانکا چوپڑا کے آنسو نکل آئے ، دیور کی شادی میں جذباتی ہو گئیں،

    بھارت :پریانکا چوپڑا کے آنسو نکل آئے ، دیور کی شادی میں جذباتی ہو گئیں،

    پیرس: بالی وڈ اداکارہ پریانکا چوپڑا اپنے دیور جوئے جونس اور گیمز آف تھرونز کی اداکارہ سوفی ٹرنر کی شادی کی تقریب کے دوران اس قدر جذباتی ہو گئیں کہ اُن کی آنکھوں سے آنسو چھلک پڑے۔اداکارہ پریانکا چوپڑا حال ہی میں پیرس میں اپنے دیور جوئے جونس اور گیمز آف تھرونز کی اداکارہ سوفی ٹر نرکی شادی کی تقریبات میں مصروف تھیں جس کی کچھ تصاویر انٹرنیٹ کے ذریعے منظر عام پر آئی ہیں۔ تصویر میں دیکھا جا سکتا ہے کہ پریانکا اپنے شوہر نک جونس کے ساتھ کھڑی دکھائی دے رہی ہیں۔ نک ایک ٹکسڈو سوٹ میں جب کہ پریانکا گلابی ساڑھی میں موجود ہیں اور ان کے بالوں میں ایک گلاب بھی لگا ہو اہے۔اس تصویر کو دیکھ کر ایسا محسوس ہوتا ہے کہ اداکارہ کسی کو دیکھ کر جذباتی ہو گئیں ہیں اور وہ اپنے آنسو صاف کر رہی ہیں۔

    نئے نویلے شادی شدہ جوڑے کی پورے خاندان کے ساتھ گروپ تصویر بھی سوشل میڈیا پر دیکھی گئی جس میں پوری جونس فیملی بشمول بھائی کیون جے آر اور ان کی اہلیہ ڈینیل، نک اور پریانکا، فرینکلن اور ان کے والدین شامل ہیں۔
    جوئے جونس اور سوفی ٹرنر کی شادی کی تقریبات میں صرف مخصوص افراد، قریبی عزیز اور دوستوں کو مدعو کیا گیا تھا۔

  • جاپان اور ترکی کے تعلقات مضبوط تر ہیں، ترک وزیرِ تجارت رخسار پیک

    جاپان اور ترکی کے تعلقات مضبوط تر ہیں، ترک وزیرِ تجارت رخسار پیک

    وزیرِ تجارت رخسار پیک جان کاکہنا ہے کہ جاپانی اور ترک ایک دوسرے سے جغرافیائی لحاظ سے کافی دور ہیں تا ہم فاصلوں پر دوستی کے حاوی ہونےو الی دو اقوام ہیں۔

    تفصیلا ت کے مطابق ترک خارجہ تعلقات کمیٹی اور جاپانی بزنس فیڈریشن کے زیرِ اہتمام دارالحکومت ٹوکیو میں منعقدہ”ترک و جاپانی فرموں کے سی ای اوز کے اجلاس سے” خطاب کرنے والی پیک جان نے کہا کہ حالیہ برسوں میں جاپان اور ترکی کے مابین تجارتی حجم میں ہونے والا اضافہ دونوں ممالک کے باہمی تجارتی تعلقات کے فروغ کے لیے ایک مثبت قدم ہے۔

    انہوں نے بتایا کہ مذاکرات کی تکمیل کے ساتھ دونوں ملکوں کے درمیان تجارتی حجم میں مزید اضافہ ہو گا۔

    اس سے قبل صدر اردوان جا پان میں جی20 سمٹ میٍ شکرکت کر چکے ہیں.اور وہاں ان کو کافی پذیرائی ملی.

  • کابل دھماکے میں ہلاکتوں کی تعداد 5 جبکہ زخمیوں کی 65 ہو گئی ، دفتر خارجہ کی شدید مزمت

    کابل دھماکے میں ہلاکتوں کی تعداد 5 جبکہ زخمیوں کی 65 ہو گئی ، دفتر خارجہ کی شدید مزمت

    کابل میں وزارت دفاع کے دفتر کے قریب دھماکے کے نتیجے میں 5 افراد ہلاک جبکہ 65 زخمی ہوگئے، دھماکے کے بعد حملہ آوروں اور سیکیورٹی فورسز میں فائرنگ کا بھی تبادلہ ہو

    تفصیل کے مطابق کابل میں واقع وزارت دفاع کی عمارت کے قریب زور دار دھماکا ہوا جس کے بعد 3 مسلح افراد نے عمارت میں گھسنے کی کوشش کی۔ پاکستان کے دفتر خارجہ نے اس دھماکےشدید مزمت کی ہے

    وزارت داخلہ کے ترجمان نصرت رحیمی کے مطابق خطرناک دھماکے کے بعد 3 اسلحے سے لیس افراد نے عمارت میں گھسنے کی کوشش بھی کی جنہیں افغان سیکیورٹی فورسز نے روکا اور ان کے درمیان دوطرفہ فائرنگ کا بھی تبادلہ ہوا۔

    ترجمان وزارت صحت وحید اللہ میعار کا کہنا ہے دھماکے میں جاں بحق ہونے والے افراد سول سروس کمیشن کے ملازمین تھے جبکہ 65 زخمیوں میں 9 بچے بھی شامل ہیں۔

    عینی شاہدین کے مطابق دھماکے کی آواز اتنی شدید تھی کہ علاقے میں خوف ہراس پھیل گیا اور ہر طرف دھواں ہی دھواں نظر آرہا تھا۔

    پاکستان نے پیر کی صبح کابل میں ہونے والے دہشت گرد حملے کی شدید مذمت کی ہے جس کے نتیجے میں قیمتی انسانی جانوں کا ضیاع ہوا۔

    دفتر خارجہ کی طرف سے جاری کردہ اعلامیہ کے مطابق پاکستان دہشت گردی کی تمام اقسام کی شدید مذمت کرتا ہے۔ دہشت گردی میں متاثرہ خاندانوں سے دلی ہمدردی اور تعزیت کرتے ہیں۔ترجمان نے کہا کہ ایسے حملے افغانستان کے امن، استحکام اور سلامتی کو تباہ کرنے کی سازش ہیں۔

  • مودی کریں گے کرتارپور راہداری کی تقریب میں شرکت

    مودی کریں گے کرتارپور راہداری کی تقریب میں شرکت

    بھارتی وزیراعظم نریندر مودی کرتارپور راہداری کی تقریب میں شرکت کریں گے

    باغی ٹی وی کی رپورٹ کے مطابق بھارتی وزیراعظم مودی کوتقریب کی شرکت کی دعوت گوردوارہ پربندھک کمیٹی نے دی ،بھارتی وزیراعظم کرتارپورراہداری کی بھارتی سائیڈ پرمنعقدہ تقریب میں شرکت کریں گے ،12نومبرکوسلطان پورلودھی میں باباگورونانک کےجنم دن کی تقریب ہوگی .بھارتی وزیراعظم نریندر مودی نےباباگرونانک کی جنم دن کی تقریبات میں شرکت پرآمادگی ظاہرکردی ہے، ان ہی تاریخوں میں پاکستان کی طرف سےکرتارپورراہداری سےمتعلقہ تقریب منعقد ہونی ہے .

    ذرائع کا کہنا ہے کہ پاکستان اوربھارت کے وزرائے اعظم ملکرکرتار پور راہداری کا افتتاح کرسکتے ہیں،معاملے پردونوں ملکوں کے درمیان بیک چینل رابطوں کاآغازکردیاگیا افتتاحی تقریب اکتوبرکےآخریا نومبرمیں ہوسکتی ہے
    .

    واضح رہے کہ کرتارپور راہداری بھارت اور پاکستان کے درمیان مجوزہ سرحدی راہداری ہے جو بھارتی پنجاب میں واقع ڈیرہ بابا نانک صاحب کو پاکستان کے علاقہ کرتارپور میں واقع گردوارہ دربار صاحب کی مقدس عبادت گاہ سے منسلک کریگی۔ اس راہداری کا مقصد بھارت کے مذہبی عقیدت مندوں کو پاک بھارت سرحد سے محض 4.7 کلومیٹر دور واقع گردوارہ دربار صاحب کی زیارت کرنے میں آسانی پیدا کرنا ہے۔

    اگست 2018ء میں بھارتی پنجاب کے وزیر اور سابق ایم پی سدھو نے اعلان کیا کہ پاکستانی جنرل قمر جاوید باجوہ نے انہیں بتایا ہے کہ پاکستان کرتارپور کی راہداری کھول دے گا۔ 28 نومبر 2018ء کو پاکستان کے وزیر اعظم عمران خان نے ناروال کے قریب کرتارپور گاؤں میں اس راہداری کا سنگ بنیاد رکھا۔اس راہداری کو نومبر 2019ء میں گرو نانک کے 550ویں یوم پیدائش سے پہلے حتمی شکل دی جائے گی۔