Category: بین الاقوامی

بھارت کے مرکزی وزیر داخلہ امت شاہ کو بم سے اڑانے کی دھمکی کے بعد بھارت میں کھلبلی مچ گئی

باغی ٹی وی کی رپورٹ کے مطابق بھارت کے وزیر داخلہ امت شاہ کو ایک خط کے ذریعے دھمکی دی گئی ہے کہ انہیں بم سے اڑا دیا جائے گا، بھارتی میڈیا کا کہنا ہے کہ مدھیہ پردیش سے بھارت کی حکمران جماعت بی جے پی کے رکن اسمبلی جین کو خط موصول ہوا جس میں امت شاہ اور انہیں طم سے اڑانے کی دھمکی دی گئی

بی جے ہی کی رکن اسمبلی لینا جین کے دفتر میں ایک خط پہنچایا گیا جس میں بھارت کے وزیر داخلہ امت شاہ کو بم سے اڑانے کی دھمکی دی گئی اور کہا گیا کہ اگر وہ مدھیہ پردیش کے اس ضلع میں آئے تو انہیں رکن اسمبلی سمیت بم سے اڑا دیا جائے گا ،خط میں گنجبا ریلوے اسٹیشن، بس اسٹینڈ اور اسپتال پر بھی دھماکے کرنے کی دھمکی دی گئی ہے.

بھارت کے مرکزی وزیر داخلہ کو دھمکی کے بعد بھارت میں کھلبلی مچ گئی، بھارت کے سیکورٹی اداروں نے خط کو تحویل میں لے کر سرچ آپریشن شروع کر دیا ہے اور تحقیقات شروع کر دی ہیں کہ یہ خط کہاں سے آیا اور کس نے بھیجا، متعلقہ علاقوں میں سیکورٹی بھی بڑھا دی گئی ہے جبکہ بھارتی وزیر داخلہ کی سیکورٹی بھی مزید سخت کر دی گئی ہے.

واضح رہے کہ امت شاہ بھارت کی حکمران جماعت کے صدر اور بھارتی وزیراعظم مودی کے انتہائی قریبی ہیں

لندن میں جہاز سے گر کر ایک شخص ہلاک ہو گیا۔ ہلاک ہونے والا شخص غیر قانونی طریقے سے سفر کررہا تھا۔

تفصیل کے مطابق لندن کے جنوبی علاقے میں ایک گھر کے باہر سے نامعلوم شخص کی لاش ملی۔ مرنے والا شخص جہاز کے لینڈنگ گئیر سے گرا اور وہ غیرقانونی طریقے سے نجی پرواز پر سوار ہوا تھا۔
ٕ

علاقہ مکین کا کہنا ہے کہ اس نے کسی زور دار چیز کی اونچائی سے گرنے کی آواز سنی جس پر گھبرا کر گھر سے باہر آکر دیکھا تو ایک شخص کی خون آلود لاش پڑی تھی۔

غیر ملکی میڈیا کے مطابق واقعہ کینیا کے شہر نیروبی سے اڑنے والی پرواز میں پیش آیا۔ جہاز کے لینڈنگ گئیر سے ایک بیگ، پانی کی بوتل اور کھانے کی اشیاء بھی ملیں ہیں۔

مقامی پولیس کے مطابق لاش کا پوسٹمارٹم کرایا جائے گا جبکہ ائیر لائن حکام نے واقعے پر دکھ کا اظہار کیا ہے اور لاش کی شناخت جاری ہے۔

ایرانی انتظامیہ نے اطلاع دی ہے کہ افزودہ یورینیم کی مقدار جوہری معاہدے میں وضع کردہ 300 کلو گرام کی حد کو پار کر گئی ہے۔

باغی ٹی وی رپورٹ کے مطابق ایرانی نیم سرکاری خبر ایجنسی فارس کی خبر کے مطابق تہران انتظامیہ نے 3٫67 فیصد تک افزودہ شدہ یورینیم کی مقدار جوہری معاہدے کی حد بندی 300 کلو گرام سے تجاوز کرنے کی اطلاع دی ہے۔عالمی ایٹمی توانائی ادارے کے انسپکٹروں نے بھی اس خبر کی تصدیق کر دی ہے۔

یاد رہے کہ ایرانی ایٹمی توانائی ادارے کے ترجمان بہروز کمال وندی نے 26 جون کو ایک اعلان کرتے ہوئے یورپی فریقین کو دی گئی مہلت کے پورا ہونے کے بعد یورینیم کی افزودگی کے عمل کو جاری رکھنے کا کہا تھا۔

ملیشیا حزب اللہ نے خاموشی کےساتھ شام کے دارالحکومت دمشق کے مضافات اور جنوبی شام سےاپنے جنگجو نکال کر اُنہیں الزبدانی میں القلمون شہر میں منتقل کردیا ہے

تفصیلات کے مطابق شام میں انسانی حقوق کی صورت حال پرنظر رکھنے والے ادارے’سیرین آبزر ویٹری’ کی طرف سے جاری ایک بیان میں بتایا گیا ہے کہ لبنانی ملیشیا حزب اللہ نے خاموشی کےساتھ شام کے دارالحکومت دمشق کے مضافات اور جنوبی شام سےاپنے جنگجو نکال کر اُنہیں الزبدانی میں القلمون شہر میں منتقل کردیا ہے۔ القلمون پراس وقت مکمل طورپر حزب اللہ ملیشیا کا کنٹرول ہے۔

سیرین آبزر ویٹری نے حزب اللہ کے ذرائع کے حوالے سے بتایا کہ تنظیم کے جنگجوئوں کی بڑی تعداد اس وقت قارہ شہر کے مغرب میں کئی سال قبل قائم کردہ کیمپ میں جمع ہے۔ اِدلب میں سیف زون میں حالیہ ایام میں ہونے والی لڑائی میں‌حزب اللہ کے جنگجوئوں‌نے حصہ نہیں لیا جب کہ ماضی میں ادلب میں ہونے والی لڑائیوں میں حزب اللہ اور اس کے حامی ایرانی جنگجو اس میں بڑھ چڑھ کرحصہ لیتے رہے ہیں۔

ادھر دوسری جانب آبزر ویٹری کا کہنا ہے کہ سوموار کے روز شام کے شہروں حمص اور دمشق میں اسرائیلی بمباری کے نتیجے میں 6 عام شہریوں اور 9 بشارالاسد نواز جنگجوئوں سمیت 15 افراد ہلاک ہوگئے۔

سعودی عرب ائیر پورٹ پر حوثی باغیوں کی جانب سے‌ ڈرون حملے کے نیتجے میں 9 افراد زخمی ہو گئے ہیں

سعودی عرب کے ائیر پورٹ پرحوثی باغیوں کا ڈرون حملہ، ناکام بنا دیا، سعودی عرب

باغی ٹی وی کی رپورٹ کے مطابق سعودی عرب کے ابہا ائیر پورٹ پر حوثی باغیوں نے ڈرون حملہ کیا ہے جس کے نیتجے میں 9 افراد زخمی ہو گئے ہیں،حملے کے بعد ایئرپورٹ کی سکیورٹی سخت کردی گئی .

ڈرون حملوں کے دو دن بعد آرامکو نے تیل سپلائی بحال کر دی

حوثیوں کی طرف سے سعودی عرب کے جازان ایئر پورٹ پر ڈرون حملہ

کرنل ترکی المالکی نے کہا ہے  ائیر پورٹ ہزاروں لوگ استعمال کرتے ہیں سویلین لوگوں‌کو خصوصی حفاظت کی ضرورت ہے، سویلین لوگوں‌ پر حملہ بنیادی انسانی قوانین کے خلاف ہے.

واضح رہے کہ ابھا ایئرپورٹ سعودی عرب کا ایک مصروف ترین ہوائی اڈہ ہے جہاں روزانہ کی بنیاد پر ہزاروں لوگ آمدورفت کے لیے موجود تھے ہیں۔ ابہا ائیر پورٹ حوثی باغیوں کا خصوصی ہدف ہے ،اس ائیر پورٹ پر کئی بار ڈرون حملے کئے جا چکے ہیں. حال ہی میں سعودی عرب کے ابھا ایئرپورٹ پر حوثی باغیوں کے ایک میزائل حملے میں ایک شخص جاں بحق اور 21 زخمی ہوگئے تھے۔ 12 جون کو بھی ابھا ایئرپورٹ پر حوثی باغیوں کے میزائل حملے میں 26 افراد زخمی ہوگئے تھے۔ حوثی باغی اس سے قبل نجران کے ایئر پورٹ کو بھی نشانہ بنا چکے ہیں۔