Category: بین الاقوامی

جہاز میں بم کی افواہ ائیر انڈیا کی پرواز کی لندن سٹینسٹڈ ائیرپورٹ پر ہنگامی لینڈنگ. جہاز کو احتیاطی تدابیر کے تحت لینڈ کیا گیا ہے۔ ائیر انڈیا کی پرواز ممبئی سے نیویارک جا رہی تھی۔

باغی ٹی وی رپورٹ کے مطابق بھارت کے شہر ممبئی سے اڑنے والی فلائٹ ایئر انڈیا AI 191 جو کہ نیویارک جارہی تھی کو لندن کے سٹینسٹڈ ائیرپورٹ پر ہنگامی طور پر اتار لیا گیا.ذرائع کے مطابق فلائٹ میں بم کی موجودگی کی اطلاع تھی. برطانوی رائیل ائیرفورس کے ٹائیفون جیٹ فایئٹرز نے فلائیٹ کو انٹر سیپٹ کر کے اسے بحفاظت سٹینسٹڈ ایئرپورٹ پر اتار لیا. جہاں مسافر طیارے کی سیکیورٹی کلیئرنس کی گئی.اور طیارے کو کلئیر کیا گیا.

یمن میں حوثی باغیوں کا مساجد اور ہسپتالوں پر مارٹر گولوں سے حملہ شہری زخمی اور ہلاک

تفصیلات کے مطابق حوثی ملیشیا نے مغربی شہر الحدیدہ میں ایک مسجد اور شہریوں کے گھروں پر گولہ باری کی۔ حملے میں ایک یمنی جاں بحق اور چار زخمی ہو گئے۔

مقامی ذرائع کے مطابق باغی حوثیوں نے الحدیدہ شہر کے علاقے المنظر کی سب سے بڑی "مسجد الہدی” کو شدید بم باری کا نشانہ بنایا۔ حوثیوں کی جانب سے داغے گئے توپ کے گولوں نے مسجد کو براہ راست نقصان پہنچایا۔ اس وحشیانہ بم باری کے سبب متعدد خاندان علاقہ چھوڑ کر الحدیدہ شہر کے جنوبی دیہات کی جانب چلے گئے۔

بدھ کے روز جنوبی صوبے الضالع کے علاقے مریس میں حوثیوں کی جانب سے مارٹر گولے داغے جانے کے نتیجے میں ایک ہی خاندان کے چار بچے زخمی ہو گئے جن میں بعض کی حالت تشویش ناک ہے۔ مقامی ذرائع کے مطابق اس دوران باغیوں نے اندھادھند طور پر توپ کے گولے اور راکٹ داغے۔

دوسری جانب حوثی ملیشیا نے الحدیدہ شہر میں ” 22 مئی ہسپتال” کو بم باری کا نشانہ بنایا۔ یہ کارروائی یمن کے لیے اقوام متحدہ کے خصوصی ایلچی مارٹن گریفتھس کی جانب سے اس اعلان کے چند گھنٹوں بعد سامنے آئی جس میں انہوں نے جلد از جلد یمنی فریقوں کے ساتھ مشاورت دوبارہ شروع کرنے کا ارادہ کیا تھا۔

لیبیا کی سرکاری فوج نے ملک کی تمام سیاسی قوتوں کے ساتھ نیا مصالحتی پروگرام پیش کر دیا۔

باغی ٹی وی رپورٹ کے مطابق لیبیا کی قومی فوج کے ترجمان جنرل احمد المسماری نے ایک پریس کانفرنس میں کہا کہ جن انتہا پسند لوگوں‌ نے ہمارے ملک کے خلاف جرائم کا ارتکاب کیا وہ ہمارے مصالحتی پروگرام میں شامل نہیں ہوں گے۔

المسماری کا کہنا تھا کہ فوج ملک میں ایک ایسی حکومت تشکیل دینا چاہتی ہے جو بہتر انداز میں‌ملک کا نظم ونسق سنبھالے۔ انہوں‌ نے اقوام متحدہ سے لیبیا کی قوتوں میں مذاکرات کی سرپرستی پر زور دیا۔

انہوں‌ نے کہا کہ نیشنل آرمی اور سیاسی قوتوں کےدرمیان مذاکرات آئندہ ہونےوالے پارلیمانی انتخابات کی تاریخ کے تعین میں مدد دے سکتے ہیں۔

فوج کےہاتھوں پکڑے گئے ایک امریکی اجرتی قاتل پائلٹ کے بارے میں پوچھے گئے ایک سوال کے جواب میں جنرل المسماری نے کہا کہ مذکورہ پائلٹ نے ترکی میں عسکری تربیت حاصل کی۔ اس نے دوران حراست لیبی فوج کے خلاف کارروائیوں میں حصہ لینے کا اعتراف کیا ہے۔ اسے جلد ہی اس کے ملک کے حوالے کردیا جائے گا۔

فلسطینیوں کی خوش حالی کے لیے کسی بھی معاشی منصوبے کی حمایت کرتے ہیں سعودی عرب کا اعلان

باغی ٹی وی رپورٹ کے مطابق فسلطینیوں کی خوش حالی اور بہتری کے لیے اپنے جذبات کا اظہار کرتےہوئے سعودی وزیر خزانہ نے یہ اعلان کیا.وہ بحرین کے دارالحکومت منامہ میں ’’امن سے خوش حالی‘‘ کے موضوع پر منعقدہ دو روزہ ورکشاپ میں بدھ کو تقریر کررہے تھے۔انھوں نے کہا:’’ اس وقت مشرقِ اوسط کے خطے کو خوش حالی اور امید کی اشد ضرورت ہے‘‘۔

انھوں نے کہا کہ ’’ سعودی عرب کا ویژن 2030ء پہلے تو صرف اپنے کے لیے تھا لیکن اب یہ پورے خطے کا ویژن بن گیا ہے۔ہم اس بات کو یقینی بنانا چاہتے تھے کہ ہم ایک ایسا منصوبہ پیش کریں جو پورے خطے کے لیے ایک رول ماڈل کا کردار ادا کرے اور خطے میں امید کی کرن روشن کرے‘‘۔

وزیر خزانہ نے کہا: ’’ فلسطین ہمارے لیے ایک بہت اہم مسئلہ ہے ۔ ہم عشروں سے فلسطین کے بڑے حامی رہے ہیں اور ہم فلسطینیوں کی حمایت جاری رکھیں گے‘‘۔انھوں نے شرکاء کو بتایا کہ سعودی عرب نے بہت سی اصلاحات پر عمل درآمد کیا ہے اور اس بات کو بھی یقینی بنایا ہے کہ ان اصلاحات کے خطے میں مثبت اثرات مرتب ہوں ۔

بھارت کی ریاست پنجاب میں ایک شخص نے اپنی 16 سالہ بیٹی کو اس کے آشنا سمیت قتل کر دیا.

باغی ٹی وی رپورٹ کے مطابق ..بھارت کی ریاست پنجاب کے ضلع امرتسر میں‌ شخص نےسفاکانہ اقدام کرتے ہوئے ہوئے اپنی 16 سالہ بیٹی کو تیز دھار آلے سےقتل کر دیا،قتل کا اقدام کھیتوں میں کیاگیا.تیز دھار آلے سے لڑکی کو جان سےمارا پھر اس کے دوست کی گردن کاٹ دی گئی.

واضح رہے کہ پولیس نے قاتل باب اور اس کےساتھ دیگر مشتبہ افراد کو گرفتار کرلیا جن پر اس قتل میں معاونت ہونے کا الزام تھا.

سعودی عرب کی خصوصی فورسز کی کارروائی ، یمن میں داعش کا امیر ساتھیوں سمیت گرفتار کر لیا گیا

باغی ٹی وی رپورٹ کے مطابق عرب اتحاد کے ترجمان کرنل ترکی المالکی نے کہا ہے کہ سعودی فورسز نے یمنی فورسز کے ساتھ مل کر ایک مکان میں یہ چھاپا مار کارروائی کی تھی۔ البتہ انھوں نے اسبتایا کہ اس مکان کی کئی روز تک قریب سے نگرانی کی جاتی رہی تھی جس سے اس میں دہشت گرد گروپ داعش کے لیڈر کی

عرب اتحاد کے ترجمان کرنل ترکی المالکی نے کہا ہے کہ سعودی فورسز نے یمنی فورسز کے ساتھ مل کر ایک مکان میں یہ چھاپا مار کارروائی کی تھی۔ البتہ انھوں نے اس مکان کے محل وقوع کے بارے میں کچھ نہیں بتایا۔

انھوں نے بتایا کہ اس مکان کی کئی روز تک قریب سے نگرانی کی جاتی رہی تھی جس سے اس میں دہشت گرد گروپ داعش کے لیڈر کی دوسرے عناصر کے ساتھ موجودگی کا پتا چلا تھا ۔ان کے ساتھ تین عورتیں اور تین بچے بھی رہ رہے تھے۔

انھوں نے کہا کہ ’’ نگرانی اور مسلسل مانیٹرنگ کے ذریعے ان کے روزمرہ کے معمولات ، نقل وحرکت کی تفہیم ور ان کی مکمل طور پر شناخت کے بعد فورسز نے کامیاب کارروائی کی تھی ۔انھوں نے ان دہشت گردوں کو مختصر دورانیے میں گرفتار کر لیا تھا اور اس کارروائی کے دوران میں اس امر کو بھی یقینی بنایا تھا کہ مکان میں موجود بچوں اور عورتوں کو کوئی نقصان نہ پہنچے۔

ایران کے سپریم لیڈر آیت اللہ علی خامنہ ای نے کہا ہے کہ ایرانی قوم امریکا کی ظالمانہ پابندیوں اور توہین سے ( اپنے مقاصد سے) پسپا نہیں ہوگی۔

باغی ٹی وی رپورٹ کے مطابق علی خامنہ ای کی سرکاری ویب سائٹ کے مطابق انھوں نے بدھ کو ایک بیان میں کہا ہے کہ ’’ امریکی حکومت کے سفاک عہدے دار ایران پر الزام عاید کرتے اور اس کی توہین کرتے ہیں۔ایرانی قوم اس طرح کی توہین آمیزی سے پیچھے ہٹے گی اور نہ سرنگوں ہوگی‘‘۔ انھوں نے کہا کہ امریکا کی مذاکرات کی پیش کش ایک فریب ہے۔

امریکی صدر ڈونلڈ ٹرمپ نے سوموار کو ایران کے خلاف نئی سخت مالی پابندیاں عاید کی ہیں ۔ان میں آیت اللہ علی خامنہ ای اور دوسرے اعلیٰ عہدے داروں کو ہدف بنایا گیا ہے۔ ایران کے خلاف یہ نئی پابندیاں گذشتہ ہفتے امریکا کے ایک ڈرون کو مار گرانے کے ردعمل میں عاید کی گئی ہیں۔اس اقدام کے باوجود امریکی صدر کا کہنا تھا کہ وہ اسلامی جمہوریہ کے ساتھ بات چیت کو تیار ہیں۔

اس کے ردعمل میں ایرانی سپریم لیڈر نے کہا:’’ مذاکرات ایک دھوکا ہیں اور وہ ( امریکی) یہی چاہتے ہیں۔اگر ایک ہتھیار آپ کے پاس ہے اور وہ آپ کے نزدیک آنے کی جرأت نہیں کریں گے۔ وہ یہ چاہتے ہیں کہ ہم ہتھیاروں سے دستبردار ہوجائیں تاکہ وہ ہمارے ساتھ جو چاہیں کرتے ،پھریں۔یہ مذاکرات ہیں‘‘۔

امریکی صدر نے ایرانی سپریم لیڈر پر سخت پابندیاں عاید کرنے کے حکم پر دست خط کرتے ہوئے انھیں ایران کی تخریبی سرگرمیوں کا ذمے دار قرار دیا تھا۔ان کاکہنا تھا کہ ’’ ہم تہران پر دباؤ بڑھانے کا سلسلہ جاری رکھیں گے۔ایران کے پاس کبھی جوہری ہتھیار نہیں ہوگا‘‘۔