Category: بین الاقوامی

جدہ:سعودی عرب کے شہر جدہ میں شادی کی تقریب منسوخ ہوتے ہی نوجوان پر تحائف اور آفرز کی بارش شروع ہوگئی .اطلاعات کے مطابق سعودی عرب میں ہوٹل نے ماجد نامی ایک نوجوان کی شادی کی تقریب کو منسوخ کیا ہی تھا کہ شادی میں تاخیر سے اس نوجوان کی قسمت کو چار چاند لگ گئے اور اس پر ہر طرف سے آفرز کی بارش ہونے لگی۔ موسم گرما کے فیسٹول ’سیزن جدہ‘ کے باعث ہوٹل انتظامیہ نے سعودی نوجوان کی شادی کی تقریب کی بکنگ منسوخ کر دی جس پر نوجوان نے دکھ بھرے انداز میں ٹوئٹر پر ہوٹل کی تصویر پوسٹ کرتے ہوئے لکھا ’یارو سوچو، یہاں میری شادی کی تقریب ہونی تھی مگر اب ’سیزن جدہ‘ سے یہ ممکن نہیں رہا، میری خوشی خراب ہو گئی۔‘ٹوئٹر پر پیغام دیکھ کر لوگوں نے نہ صرف ان سے اظہار ہمدردی کیا بلکہ اسے ائیر لائن، ہوٹلز اور دیگر اداروں کی جانب سے بے شمار آفرز موصول ہونے لگیں۔ اس کے ساتھ ساتھ نوجوان کو مختلف تحائف اور سیاحتی پیکیجز دینے کا اعلان کیا جا رہا ہے۔

ماجد کمال نامی نوجوان نے دو ماہ قبل اپنی شادی کی تقریب کے لیے کورنیش جدہ کے فائیو سٹار ہوٹل میں بکنگ کرائی تھی مگر تقریب سے 10 روز قبل ہوٹل انتظامیہ کی جانب سے میسج موصول ہوا کہ ’سیزن جدہ‘ کے باعث ہوٹل مکمل طور پر بک ہے اس لیے آپ کی تقریب یہاں نہیں ہو سکتی۔ شادی کے لیے کسی دوسری جگہ کا انتظام کریں۔ انتہائی دکھ بھرے اندازمیں ٹویٹ کیا ’دوستو ذرا سوچو اس مقام پر میری شادی کی تقریب ہونا تھا جسے میں نے دو ماہ قبل بک کرایا اور تمام تیاریاں مکمل کر لیں۔ شادی سے 10 روز قبل جب میرا وقت بھی نہیں گزر رہا تھا، ہوٹل نے میرے تمام منصوبوں اور خوشیوں پر یہ کہہ کر پانی پھیر دیا کہ تقریب کا انعقاد ممکن نہیں کوئی اور جگہ دیکھیں۔‘

سوشل میڈیا پر جاری بحث کے دوران ہی سعودی ائیر لائن کی جانب سے نوجوان کے لیے بیرون ملک سفر کے ٹکٹ اور رہائشی پیکیج کا بھی اعلان کر دیا گیا جس کے بعد مزید آفرز کی بارش ہونے لگی۔ایک ماہر بیوٹیشن نے دلہن کے میک اپ کی آفر کی تو فائیو سٹار ہوٹل کی جانب سے نوجوان کو ہنی مون پیکج کے علاوہ سعودی ٹیلی کام نے 50 جی بی انٹرنیٹ پیکیج دینے کا اعلان کیا۔جدہ سیزن‘ کی جانب سے نوجوان کو ٹویٹ کیا گیا ’ماجد آپ کی خوشی ہماری خوشی ہے۔ کیا خیال ہے آپ کی شادی کی تقریب میں اہل جدہ بھی شریک ہو اور اسے ایک یادگار تقریب بنایا جائے۔‘ایک اور سعودی نے لکھا ’ماشااللہ دیکھا تاخیر میں آپ کے لیے کتنی بہتری ہوئی۔‘جبکہ دوسرے نے کہا کہ ’آپ کی شادی کی تقریب یادگار رہے گی، سیزن جدہ کے سبب ایک طرح سے اہل جدہ بھی آپ کی تقریب میں شریک ہوں گے، آپ کو شادی مبارک ہو۔‘

لاہور:پاکستان کے پانیوں پر قبضہ کرنے اور پاکستان کو پانیوں سے محروم کرنے والا بھارت خود بحران کا شکار ہو گیا .بھارتی ریاست تامل ناڈو سے ذرائع کے مطابق پانی کی قلت اس قدربڑھ چکی ہے کہ ریاست میں سکولوں میں بچوں کو چھٹیاں کردی گئی ہیں اور ہنگامی کیفیت برپا ہے. خواتین اپنے بچوں کے لیے دور دور سے مٹکوں اور پلاسٹک کی بوتلوں میں پانی بھر کر لارہی ہیں.

بھارت سے آمدہ اطلاعات کے مطابق چینائی کا علاقہ اس بحران سے بہت زیادہ متاثر ہے. یاد رہے کہ پاکستان کو محروم کرنے والا بھارت خود اس بحران کا شکار ہو گیا اور اس وقت کئی ریاستوں میں پانی کی شدید قلت ہے. دوسری طرف تامل ناڈو کی عوام کی طرف سے حکومت کے خلاف سخت ردعمل سامنے آرہا ہے اور عوام ریاستی مشنری کو اس بحران کا ذمہ دار قرار دے رہے ہیں. ماہرین کے مطابق دنیا اس وقت مجموعی طور پر پانی کے بحران کی طرف جارہی ہے اور اگر پانی کا ضیا نہ روکا گیا تو پھر آنے والے وقتوں میں یہ صورت شدت اختیار کرجائے گی

ٹیکنالوجی کی دنیا میں نئی ایجادات .اسمارٹ فون کے بعد اب اسمارٹ لاک بھی مارکیٹ میں آگئے.اب گھروں کی حفاظت کے لیے چابی کی ضرورت نہیں رہے گی. گھر سے نکلتے ہوئے پہلے لاک لگا کر چابی کو محفوظ کیا جاتا ہے. کیونکہ اگر چابی گُم ہوجائے تو پھر تالا توڑنے کی نوبت رہ جاتی ہے لیکن اب اس جھنجھٹ کو اسمارٹ لاک سے دور کیا جاسکتا ہے۔ویب سائٹ میش ایبل کے مطابق نت نئی ٹیکنالوجی کی مدد سے فنگرپرنٹ اسمارٹ لاک متعارف کرایا گیا ہے جو صرف ایک ٹچ پر دروازہ کھولنے اور بند کرنے کی آسانی فراہم کرتا ہے۔اسمارٹ لاک فنگرپرنٹ ٹیکنالوجی کے تحت تیار کیا گیا ہے جسے اسمارٹ فون کی مدد سے استعمال کیا جاتا ہے۔

فنگرپرنٹ اسمارٹ لاک کے لیے اسمارٹ فون میں اس کی ایپ ڈاؤن لوڈ کرنی پڑتی ہے جس میں لاک کی روٹیشن یعنی اس کی سمت کے ساتھ دیگر فیچر دستیاب ہوتے ہیں۔روٹیشن فیچر سے صارف لاک کی سمت کا تعین کرتا ہے پھر اسمارٹ لاک پر اپنے فنگر پرنٹ دے کر دروازے کو کھول لیتا ہے۔گھر میں داخل ہونے کا بعد اسی عمل کو اپناتے ہوئے دوبارہ لاک بھی لگایا جاسکتا ہے۔اس سے قبل جدید موبائل فونز میں یہ سہولت متعارف کرائی گئی تھی تاہم اب اسمارٹ لاک کے آنے سے گھروں کی حفاظت بہتر انداز سے کی جاسکے گی.

فنگرپرنٹ اسمارٹ لاک کا ایک سب سے بڑااوراہم فائدہ یہ بھی ہے کہ کوئی چور بھی صارف کی موجودگی یا غیر موجودگی میں اسے توڑنے یا کھولنے کی کوشش نہیں کرسکتا ہے۔اگر کوئی چور اسمارٹ لاک کو کھولنے کی کوشش کرتا ہے تو اس کی نوٹی فکیشن بذریعہ الارم صارف کو اسمارٹ فون میں موصول ہوجائے گی۔