Category: بین الاقوامی

بھارتی ائیر فورس کے لاپتہ طیارے کو تلاش کرنے کے لئے بھارت نے دو طیارے بھجوا دئیے

باغی ٹی وی کی رپورٹ کے مطابق بھارتی ائیر فورس کے لاپتہ طیارے اے این 32 کو تلاش کرنے کا عمل شروع کر دیا گیا ہے اس ضمن میں بھارتی ائیر فورس نے سکھوئی -30 لڑاکا طیارے اور سی -130 خصوصی آپریشن طیارے کو اے این 32 کو ڈھونڈنے کے لئے روانہ کیا ہے.

واضح رہے کہ بھارتی ائیر فورس کا طیارہ لا پتہ ہو گیا ہے. اےاین32 نے آسام سےاُڑان بھری، بھارتی ائیر فورس کے طیارے میں عملےکے 8ارکان سمیت13افرادسوارتھے. طیارے نے جرہٹ ائیر بیس سے اڑان بھری تھی طیارے نے منچوکا ائیر بیس پر لینڈ کرنا تھا جو آرنچل پردیش میں واقع ہے.طیارے نے 12:25 پر اڑان بھری تھی اور ایک بجے رابطہ منقطع ہو گیا.

واضح رہے کہ تین سال قبل بھی بھارت کا اے این 32 طیارہ لا پتہ ہو گیا تھا،جس کا بھی آدھے گھنٹے کے بعد سسٹم سے رابطہ منقطع ہو گیا تھا . اس وقت طیارے میں بھارتی ایئر فورس،بھارتی نیوی، کوسٹ گارڈ کے افسر اور آٹھ عام شہریوں سمیت 29 افراد سوار تھے

میٹرو میں اب خواتین کے لئے سفر ہو گا بالکل مفت، کسی ٹوکن یا کارڈ کی ضرورت نہیں

باغی ٹی وی کی رپورٹ کے مطابق دہلی میں آئندہ برس ہونے والے اسمبلی الیکشن کے پیش نظر دہلی کے وزیراعلیٰ کیجریوال نے اعلان کیا ہے کہ خواتین اب دہلی کی میٹرو بس پر مفت سفر کریں گی. کیجریوال کا کہنا تھا کہ خواتین کو اب ٹکٹ لینے کی ضرورت نہیں ان کا ٹکٹ سرکار دے گی. خواتین کی حفاظت کے لئے چوکوں چوراہوں پر دہلی سرکار نے سی سی ٹی وی لگانے کا بھی اعلان کیا، اور کہا کہ ڈیڑھ لاکھ سی سی ٹی وی دسمبر تک لگ جائیں گے .

واضح رہے کہ دہلی میں خواتین کا 33 فیصد میٹرو پر سفر کرتی ہیں.

بھارتی ائیر فورس کا طیارہ لا پتہ ہو گیا ، بھارت میں کھلبلی مچ گئی

باغی ٹی وی کی رپورٹ کے مطابق بھارتی ائیر فورس کا طیارہ لا پتہ ہو گیا ہے. اےاین32نے آسام سےاُڑان بھری، بھارتی ائیر فورس کے طیارے میں عملےکے 8ارکان سمیت13افرادسوارتھے. طیارے نے جرہٹ ائیر بیس سے اڑان بھری تھی طیارے نے منچوکا ائیر بیس پر لینڈ کرنا تھا جو آرنچل پردیش میں واقع ہے.طیارے نے 12:25 پر اڑان بھری تھی اور ایک بجے رابطہ منقطع ہو گیا.

واضح رہے کہ تین سال قبل بھی بھارت کا اے این 32 طیارہ لا پتہ ہو گیا تھا،جس کا بھی آدھے گھنٹے کے بعد سسٹم سے رابطہ منقطع ہو گیا تھا . اس وقت طیارے میں بھارتی ایئر فورس،بھارتی نیوی، کوسٹ گارڈ کے افسر اور آٹھ عام شہریوں سمیت 29 افراد سوار تھے ،

امریکا کی ایک عدالت نے جعلی سعودی شہزادے کو فراڈ کے الزام میں 18 سال کی سزا سنا دی

باغی ٹی وی کی رپورٹ کے مطابق خود کو سعودی شہزادہ کہلوانے والے کولمبیا کے رہائشی 48 سالہ شخص کا نام انتھونی ہے جو امریکا میں شہزادہ سلطان بن خالد آل سعود اور کبھی عمر آل سعود کے ناموں کے ذریعے عوام سے دھوکا دہی کرتا رہا۔ انتھونی گینیاک کے والدین نے 1977ء میں اس وقت امریکی شہریت اختیار کرلی جب گینیاک کی عمر بہت کم تھی۔ اسے امریکہ کی پولیس نے 2017ء میں سفارتی نمبرپلیٹ والی ایک لگژری کار چلاتے ہوئے گرفتار کر لیا تھا۔ وہ مہنگی گاڑیاں انٹرنیٹ پر eBay کی ویب سائیٹ سے خرید کرتا۔ دھوکہ دینے کے لیے خلیجی ملکوں‌ کے بنکوں کی جعلی دستاویزات اور چیک بکس دکھاتا بتاتا کہ اس کے بینک اکائونٹ میں 60 کروڑ ڈالر کی خطیر رقم موجود ہے۔ 1993ء میں وہ انتھونی فائیو سٹار ہوٹل میں قیام پذیر تھا جہاں‌اس کی چوری ہوگئی۔ اس نے ‘شہزادہ خالد’ کے نام سے مقامی پولیس کو درخواست دی۔ پولیس نے سعودی سفارتخانے سے رابطہ کیا تو سفارتخانے نے کہا کہ فرضی یا جعلی نام ہے. یا نام پورا نہیں لکھا گیا. اس واقعہ کے بعد انتھونی شہزادہ خالد بن گیا اور لوگوں سے لین دین کر کے فراڈ شروع کر دیا. امریکی پولیس کی جانب سے گرفتاری کے بعد انتھونی نے اعتراف کیا کہ وہ انشورنس کمپنیوں، بنک کریڈٹ کمپنیوں، ہوٹلوں، دکانوں اور دیگر کے ساتھ دھوکا کرتا رہا،سفر کے لئے وہ ہیلی کاپٹر بھی استعمال کرتا رہا، لیموزین کار 7500‌ڈالر کرائے پر اس نے حاصل کر رکھی تھی. اس نے گرینڈ فلورڈین بیچ’ نامی سیاحتی مقام میں املاک بنانے کے لیے 14000 ڈالر قرض لیا مگر وہ رقم ادا نہیں‌ کی . مئی 2017 میں انتھونی کی حقیقت اس وقت کھلی جب اس نے میامی میں ایک پرتعیش ہوٹل میں سرمایہ کاری کی کوشش کی۔ ہوٹل مالکان نے پورک سے بنی مصنوعات کھانے کو کہا جس پر اس نے کھانے پر آمادگی ظاہر کی۔ میامی ہیرالڈ کے مطابق ایک پارسا مسلمان شہزادے کے لیے پورک ممنوع ہوتا ہے۔اس واقعہ کے بعد ہوٹل مالکان نے اسکے خلاف انکوائری مقرر کروائی. عدالت میں اس نے اپنے جرائم کا اعتراف کیا اور عدالت نے اسے اٹھارہ سال چھ ماہ قید کی سزا سنا دی

چینی وزیر دفاع وی فینگ نے دوٹوک انداز میں‌ اعلان کیا ہے کہ اگر کسی نے تائیوان کو چین سے الگ کرنے کی کوشش کی تو چینی فوج کے پاس جنگ کے علاوہ کوئی راستہ اور آپشن نہیں‌ ہو گا. تائیوان چین کا حصہ ہے اور رہے گا. چین ایک دن ضرور متحد ہو گا.

باغی ٹی وی کی رپورٹ کے مطابق وی فینگ سنگا پور میں ایشیا ڈیفنس سربراہی اجلاس سے خطاب کر رہے تھے. اس موقع پر گفتگو کرتے ہوئے چینی وزیر دفاع نے کہاکہ امریکہ تجارت پربات چیت کرنا چاہتا ہے تو ہمارے دروازے اس کیلئے کھلے ہیں تاہم اگر امریکہ چین کے خلاف جنگ کا ارادہ رکھتا ہے تو ہم آخر دم تک لڑیں گے۔ چینی فوج علاقائی امن و استحکام کے لیے کام کر رہی ہے۔ ان کا کہنا تھا کہ امریکہ اور چین کے درمیان تصادم انتہائی تباہ کن ہوسکتا ہے. بحیرہ جنوبی چین اور تائیوان پر امریکی موقف کی سخت مذمت کرتے ہیں۔

چینی وزیر دفاع کا کہنا تھا کہ تائیوان چین کے لیے مقدس سرزمین ہے اور چین اپنی مقدس سرزمین کے ایک انچ سے بھی دستبردار نہیں ہو گا. یاد رہے کہ امریکہ اور چین کے مابین کشیدگی دیکھنے میں‌ آرہی ہے.

ہواوے اور دبئی نے فائیو جی معاہدہ پر دستخط کئے ہیں اور یہ معاہدہ تقریبا 50 بلین یوآن کا ہے.

باغی ٹی وی کی رپورٹ کے مطابق اگلے پانچ برسوں میں‌ دبئی نیٹ ورک کا فائیو جی پروجیکٹ دنیا کا بڑا پروجیکٹ ہو گا. اس لمحے کا جشن منانے کے لئے، دبئی کے بادشاہ نے فیصلہ کیا ہے کہ ہواوے موبائل فون کا تین منٹ کا خصوصی اشتہار(ایک ملین ڈالر) تازہ ترین پرچم بردار موبائل فون میٹ 20 کے لئے برج خلیفہ ٹاور پر چلایا جائے گا. اس دوران ارد گرد کی تمام عمارتوں‌ کو سیاہ رکھا جائے گا. یہ اشتہار دبئی کے بادشاہ کی طرف سے ہواوے کمپنی کیلئے مفت دیا گیا ہے.

یاد رہے کہ چند دن قبل وزیرسائنس و ٹیکنالوجی فواد چوہدری نے کہا تھا کہ فائیو جی ٹیکنالوجی سے 40منٹ میں ڈاؤن لوڈ ہونے والی فلم 3.5سیکنڈ میں ڈاؤن لوڈ کی جا سکے گی اور پاکستان میں’ ہواوے‘ نے فائیو جی ٹیکنالوجی لانچ کر دی ہے اب صرف اس کے بیسکس پر کام کیا جارہا ہے اور جلد یہ تمام لوگوں کے لیے میسر ہو گی۔ انہوں نے کہا کہ فائیو جی ٹیکنالوجی آنے کے بعد ٹیلی ویژن کا چہرہ ہی بدل جائے گا اور میڈیا کی ہیت بھی بدل جائے گی۔ انہوں نے کہا کہ ابھی تھری جی اور فائیو جی انٹرنیٹ چل رہا ہے لیکن بہت جلد فائیو جی ٹیکنالوجی میسر ہو گی۔