Category: بین الاقوامی

امریکہ کی ترقی پذیر ممالک کے لئے عمومی ترجیح نظام (جی ایس پی) سے بھارتی پیداوار کو ہٹانے سے متعلق تنازعہ کا کوئی حل نہ نکلنا بدقسمتی ہے. بھارت اور امریکہ دوطرفہ تجارت اور معاشی تعلقات کو مستحکم کرنے کی سمت میں کام کرتے رہیں گے۔

باغی ٹی وی کی رپورٹ کے مطابق جی ایس پی کے تحت انڈیا کو ہر سال ٹیکس میں 19 کروڑ ڈالر کی چھوٹ ملتی تھی تاہم امریکہ کی جانب سے مارچ کے پہلے ہفتہ میں جی ایس پی سے ہندوستانی پیداوار کو ہٹانے کے لئے 60 دنوں کا نوٹس دیا گیا تھا اور اس کے ساتھ ساتھ تجارتی عمل پر اعتراض کیا گیا تھا۔ جی ایس پی کی یہ مدت 5 جون کو ختم ہورہی ہے جبکہ دونوں ممالک کے درمیان تجارتی عمل سے متعلق مسائل حل نہیں کئے جا سکے ہیں جس کے سبب بھارتی پیداوار کو امریکہ میں درآمد ڈیوٹی پر ملنے والی چھوٹ 5 جون کو ختم ہوجائے گی۔

انڈیا کو ٹیکس کی مد میں‌ 19 کروڑ ڈالر کی چھوٹ ختم کئے جانے پر بھارت کا کہنا ہے کہ امریکہ کی طرح بھارت اور دیگر ممالک ایسے معاملات میں اپنے قومی مفادات کو ترجیح دیتے ہیں۔ کسی بھی ملک کے ساتھ خصوصی معاشی تعلقات کے شعبہ میں مسائل کا حل تلاش کرنا ایک مسلسل عمل ہے۔ بھارت اس معاملہ کو باقاعدگی کے عمل کے طور پر دیکھتا ہے اور امریکہ کے ساتھ مستحکم تعلقات پر یقین رکھتا ہے۔ بھارت کی جانب سے اس عزم کا اظہار کیا گیا ہے کہ دونوں ممالک باہمی مفادات کو دیکھتے ہوئے دوطرفہ تعلقات کو مستحکم کرنے کے لئے کام کرتے رہیں گے۔

بھارت کے مرکزی وزیر تجارت و صنعت نے کہا ہے کہ جی ایس پی سے ہندوستانی پیداوار کو ہٹانے سے متعلق مسئلہ کے حل کی تجویز امریکہ نے قبول نہیں کی جسے بدقسمتی ہی قراردیا جاسکتا ہے۔ یاد رہے کہ جی ایس پی ایک تجارتی نظام ہے جس کے تحت ترقی یافتہ ملک اپنے علاقے میں ترقی پذیر ممالک کے پیداوار کو درآمد ڈیوٹی میں چھوٹ دیتے ہیں البتہ اب یہ چھوٹ انڈیا کیلئے ختم کر دی گئی ہے جس پر بھارتی حکام میں‌ پریشانی اور بے چینی پائی جارہی ہے. ھ

بھارت میں‌ ترقی پسند اتحاد (یو پی اے) کی سربراہ سونیا گاندھی کو کانگریس پارلیمانی بورڈ کا لیڈر منتخب کر لیا گیا ہے۔

باغی ٹی وی کی رپورٹ کے مطابق ہفتہ کے دن کانگریس کے نومنتخب اراکین پارلیمنٹ کی میٹنگ ہوئی جس میں‌ سونیا گاندھی کو اتفاق رائے سے لیڈر منتخب کیاگیا ہے. کانگریس کے میڈیا انچارج رندیپ سنگھ سورجے والانے کہا ہے کہ سونا گاندھی 16ویں لوک سبھا میں بھی پارلیمانی بورڈ کی لیڈر تھیں۔

کانگریس میڈیا انچارج نے کہاکہ سونیا گاندھی نے بھارت کے 12.25 کروڑ رائے دہندگان کا شکریہ ادا کیا جنہوں نے کانگریس پر اعتماد کیا۔
یاد رہے کہ بی جے پی حالیہ الیکشن بھاری اکثریت سے جیتی ہے اور نریندر مودی اور ان کی کابینہ نے دوبارہ حلف اٹھا لیا ہے.
Read more at https://www.uniurdu.com/news/national/story/1617660.html#OxfSdLDZSMrwETgF.99

آل انڈیا مجلس اتحاد المسلمین کے سربراہ اسدالدین اویسی نے کہا ہے کہ حیدرآبادمیں 5 سال سے امن ہے ،بڑے بڑے مذہبی تہوار پرُامن طور پر ہوتے ہیں ،کشن ریڈی کو ڈرلگ رہاہے کیونکہ یہاں پر سرمایہ کاری آرہی ہے .

باغی ٹی وی کی رپورٹ کے مطابق بھارت کے وزیر مملکت برائے داخلہ کشن ریڈی نے کہا تھا کہ بھارت میں دہشتگردی جہاں بھی ہوتی ہے جڑیں حیدرآباد میں ہیں اس پر آل انڈیا مجلس اتحاد المسلمین کے سربراہ نے بھارتی وزیرمملکت برائے داخلہ کے بیان پرسخت تنقید کرتے ہوئے کہا کہ عہدے کا چارج بھی نہیں لیا اور کشن ریڈی ایسی واہیات باتیں کرتے ہیں،این آئی اے،آئی بی،را نےکتنی بارایڈوائزری دی کہ حیدرآباددہشتگردی کااڈہ بن رہاہے،اسدالدین اویسی نے کہا کہ سب سےزیادہ کیا اترپردیش میں داعش کے لوگ پکڑے نہیں جارہے،کیا اترپردیش دہشتگردی کا ا ڈہ بن چکا ہے،اویسی نے مزید کہا کہ مگرہم کو ان سےامید ہی یہی ہے،اس لیے کہ ان کی ذہنیت یہی ہے،جہاں انہیں مسلمان نظرآتاہےانہیں لگتاہے وہ دہشتگرد ہے.

سیاچین گلیشیر میں بھارتی فوج کے کرنل نے اپنی ہی بندوق سے اپنے آپ کو گولی مار کر خودکشی کر لی

باغی ٹی وی کی رپورٹ کے مطابق سیاچن گلیشیئر پر نوبرا سب ڈویژن کے پرتاب پور علاقے مٰیں کرنل روہت سنگھ سولانکی نے خود کشی کی ہے جس کی وجوہات سامنے نہیں آ سکیں،بھارتی فوج کے کرنل نے خود کو گولی ماری جسے مقامی ہسپتال منتقل کیا گیا تا ہم وہ راستے میں ہلاک ہوگیا. کرنل روہت سنگھ سولانکی 6 ایم اے ایچ اے آر سے وابستہ تھا.

بھارت کشمیر میں ہار گیا، اب کشمیری سنگبازوں کا مقابلہ کریں گے روبوٹ

واضح رہے کہ سال 2018 کے دوران 80 بھارتی فوجی اہلکاروں نے خود کشی کی جبکہ بھارتی فضائیہ میں 16 اہلکاروں اور نیوی میں 8 اہلکاروں نے خود کشی کی۔ جنوری 2007 سے اب تک مقبوضہ کشمیر میں خود کشی کرنے والے بھارتی اہلکاروں کی تعداد 426 ہوگئی ہے.

بھارت میں بی جے پی کے صدر امت شاہ نے مودی کابینہ کے طور پر حلف اٹھا لیا ہے اور توقع ظاہر کی جارہی ہے کہ انہیں مودی حکومت میں وزارت خزانہ کا چارج دیا جاسکتا ہے۔

باغی ٹی وی کی رپورٹ کے مطابق امیت شاہ بھارتی ریاست گجرات کے وزیر اعلیٰ رہ چکے ہیں اور دو مرتبہ مودی حکومت کے برسراقتدار آنے میں ان کا اہم کردار تسلیم کیا جاتا ہے. سال 2002 میں‌ بھی انہیں‌ داخلی امور اور ٹرانسپورٹ کی وزارت دی گئی تھی۔ اسی طرح‌ 2007 میں امیت شاہ کو ایک مرتبہ پھر گجرات کابینہ میں شامل کیا گیا اور انہیں وزارت داخلہ کے ساتھ۔ ساتھ ٹرانسپورٹ، پارلیمانی امور اور ایکسائز ڈپارٹمینٹ کا چارج بھی سونپا گیا تھا۔

رپورٹ‌کے مطابق ہندوستان کےسابق وزیر خزانہ ارون جیٹلی اس مرتبہ کسی وزارت کی ذمہ داری اٹھانے کیلئے تیا رنہیں‌ ہیں اور اس کا سبب انہوں نے اپنی صحت کی کمزوری بتایا ہے. ارون جیٹلی نے اس سلسلہ میں‌ مودی کو خط بھی لکھا تھا کہ میں‌ پچھلے کئی ماہ سے شدید بیمار ہوں‌ اس لئے اب میں‌ کوئی ذمہ داری قبول نہیں‌کر سکتا.

بھارت میں‌ نریندر مودی کی نئی حکومت میں بی جے پی کی سینئر لیڈر نرملا سیتا رمن کو ایک مرتبہ پھر سے کابینہ میں‌ شامل کر لیا گیا ہے۔ وہ سابق دور حکومت میں وزیر دفاع رہ چکی ہیں.

باغی ٹی وی کی رپورٹ‌کے مطابق نرملا سیتا رمن نے جے این یو سے ایم اے اکنامکس اور ایم فل کی ڈگری حاصل کی. یہیں‌ پر ان کی ملاقات ڈاکٹر پربھاکر سے ہوئی اور انہوں نے ان کے ساتھ شادی کر لی جس کے بعد وہ لندن میں‌ رہنے لگیں. اس دوران انہوں نے لندن میں ایک سٹور پر سیلز گرل کے طور پر بھی کام کیا جبکہ بعد میں انہیں‌ ایک سینئر مینیجر کے طور پر نوکری مل گئی. بی جے پی میں شامل ہونے سے پہلے وہ خواتین کے قومی کمیشن کی رکن رہی ہیں جے بعد انہوں نے بی جے پی کے ترجمان کے طور پر کام کیا اور حریف پارٹیوں‌کو ٹف ٹائم دیا. جب 2014 میں مودی حکومت بنی تو انہیں‌ کابینہ میں شامل کر لیا گیا. اسی طرح وہ 2016 میں راجیہ سبھا کی رکن پارلیمنٹ بنیں۔

نرملا سیتا رمن مودی کے سابق دورحکومت میں‌ وزیر دفاع رہی ہیں . ان کا شمار بھارت کی ان خواتین میں‌ہوتا ہے جنہوں نے بہت جلد ترقی کی. نرملا سیتا رمن کو مضبوط ارادوں کی مالک خاتون سمجھا جاتا ہے.