برٹش پاکستانی جج غزن محمود نے کہا ہے کہ برطانوی وزیر داخلہ کا پاکستانیوں کو جنسی زیادتی کامجرم کہنا سیاسی بیان ہے۔

باغی ٹی وی: واضح رہے کہ رواں ماہ کے شروع میں بھارتی نژاد برطانوی وزیر داخلہ سوئیلا بریورمین نے کہا تھا کہ پاکستانی گینگز بچوں اور برطانوی لڑکیوں سے جسم فروشی کرانے میں ملوث ہیں بعد ازاں سوئیلا بریورمین کو پاکستانی کمیونٹی کے خلاف نفرت انگیز بیان دینے پر سخت تنقید کا سامنا رہا-

برطانوی وزیرِ داخلہ کو پاکستانی کمیونٹی کے خلاف نفرت انگیز بیان دینے پر سخت تنقید کا سامنا

تاہم اب برٹش پاکستانی جج غزن محمود کا کہنا ہےکہ برطانوی وزیرداخلہ کا پاکستانیوں کو جنسی زیادتی کا مجرم کہنا حقیقت کے خلاف ہے، اعداد وشمار سے واضح ہے کہ جنسی جرائم میں ملوث افرادکی اکثریت برٹش پاکستانیوں کی نہ کبھی تھی اور نہ ہے ۔

جبکہ سابق چیف پراسیکیوٹرنذیرافضل کا کہنا ہے کہ برطانوی وزیرداخلہ کے بیانات سے برٹش پاکستانی تقسیم نہیں ہوں گے، برٹش پاکستانی قانون پر عمل کرنے والے افراد ہیں۔

دریں اثنا سابق چیف پراسیکیوٹر نذیر افضل نے کہا تھا کہ ہوم ڈپارٹمنٹ کی اپنی رپورٹ کے مطابق 84 فیصد جنسی زیادتی کے مجرم سفید فارم ہوتے ہیں۔

جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا

برطانیہ کے بادشاہ چارلس سوئم اور ملکہ الزبتھ دوم نے تحفے میں ملے گھوڑے بیچ دیئے-

باغی ٹی وی : بین الاقوامی خبررساں ایجنسی "دی گارڈین” کے مطابق برطانیہ کے بادشاہ چارلس سوئم اورملکہ الزبتھ دوم نے دبئی کے شیخ محمد بن راشد المکتوم، سعودی عرب کے شہزادہ فیصل اور قطر کے الثانی خاندان سمیت قابل ذکر ریاستوں کو اپنے گھوڑے بیچ کر تقریباً 2 ملین پاؤنڈ کمائے ہیں جس کے بعد شاہی خاندان کے لئے بنائے گئے تحائف قبول کرنے کے رہنما اصولوں پر سوالات اٹھائے جا رہے ہیں۔

سعودی عرب اور ایران نے سفارتی تعلقات بحال کرنے کے ایک معاہدے پر …

دی گارڈین نے 40 سے زائد گھوڑوں کی نشاندہی کی ہے جو بظاہر دبئی کے شیخ، ایک مسلم مذہبی رہنما اور سعودی شاہی نے ملکہ کو دیئے تھے کچھ گھوڑوں کو ملکہ نے منافع کے لیے بیچ دیا تھا، جو نسلوں کی افزائش اور ریسنگ کی شوقین تھیں دوسروں کو بادشاہ نے نیلام کیا، جو حالیہ مہینوں میں اپنی والدہ سے وراثت میں ملے کچھ گھوڑوں کو فروخت کر رہا ہے، جن کی قیمت کم از کم 27 ملین پاؤنڈ بتائی جاتی ہے۔

تاہم بکنگھم پیلس نے دعویٰ کیا ہے کہ یہ گھوڑے ان کے ذاتی تحائف تھےآنجہانی ملکہ اکثر بطور تحفہ گھوڑے قبول کرتی تھیں 1978 میں مغربی جرمنی کے سرکاری دورے کے دوران انہیں دو گھوڑے دیئے گئے دبئی کے امیر اور متحدہ عرب امارات کے وزیر اعظم شیخ محمد بن راشد المکتوم ملکہ برطانیہ کے ریسنگ اور افزائشی گھوڑوں کے سب سے بڑے سپلائر ہیں برطانوی شاہی خاندان کوپیش کیے گئے کم از کم 34 گھوڑے انہی کی طرف سے آئے ہیں۔

پورا چاند خودکشیوں کے رجحان میں اضافہ کردیتا ہے،تحقیق

ایسٹیمیٹ نامی گھوڑا جس نے ملکہ کو روئل اسکوٹ میں 2013 کے گولڈ کپ میں ٹریک پر فتح دلائی، کہا جاتا ہے کہ ان پانچ گھوڑوں میں شامل تھا جوآغا خان، شیعہ اسماعیلی مسلمانوں کےروحانی سربراہ پرنس شاہ کریم الحسینی نے شاہی خاندان کو تحفے میں دیئے تھے گارڈین کی ایک تحقیق کے مطابق، الزبتھ کو کل 41 گھوڑے ملے جنہوں نے گزشتہ 15 سالوں کے دوران ریس میں حصہ لیا پچھلے دس سالوں میں، ان میں سے 29 کو عوامی طور پر نیلامی کے لیے پیش کیا گیا اور کُل 1.93 ملین پاؤنڈ حاصل کئے گئے۔

خالصتان تحریک کے حامیوں کی جانب سے برطانیہ میں بھارتی سفارتخانوں کے باہر احتجاج اور مبینہ توڑ پھوڑ کے بعد بھارتی حکومت نے سفارتی سطح پر احتجاج ریکارڈ کرانے کے بعد نئی دہلی میں برطانوی ہائی کمیشن کی سیکیورٹی بھی کم کردی ہے۔

باغی ٹی وی :"دی انڈیپینڈنٹ” کےمطابق بھارت نےسفارتخانےمیں مبینہ توڑ پھوڑ اوربھارتی جھنڈا گرائےجانےکابدلہ لینےکےلیے دارالحکومت نئی دہلی میں قائم برطانوی ہائی کمیشن کے باہر سے اضافی تحفظ فراہم کرنے والی پیلے رنگ کی آہنی رکاوٹوں کو ہٹا دیا ہے۔

دوسری جانب خالصتان تحریک کے حامیوں کی جانب سے امریکا اور برطانیہ میں بھارتی سفارتخانوں میں مبینہ توڑ پھوڑ پر بھارت نے ذمے داران کے خلاف کارروائی کا مطالبہ کیا ہے بھارتی حکومت نے کہا کہ ہم ذمے داران کے خلاف محض لفظی یقین دہانی کے بجائے باضابطہ کارروائی دیکھنے کے خواہشمند ہیں۔

بھارتی وزارت برائے خارجہ امور کے ترجمان ارندام باگچی نےکہا کہ بھارت کو امید ہے کہ میزبان حکومتیں محض یقین دہانی کرانے کے بجائے واقعے میں ملوث عناصر کے خلاف کارروائی کرے گا بھارت نے ان واقعات پر شدید برہمی کا اظہار کرتے ہوئے امریکی اور بھارتی سفیروں کو طلب کر کے احتجاج ریکارڈ کرایا۔

ارندام باگچی نے کہا کہ بھارتی حکومت امریکا اور برطانیہ سے توقع رکھتی ہے کہ وہ احتیاطی تدابیر اختیار کریں گے تاکہ مستقبل میں اس طرح کے واقعات سے بچا جا سکے میرا خیال ہے کہ ہم صرف یقین دہانیوں میں دلچسپی نہیں رکھتے، میرا خیال ہے کہ ہم چاہیں گے کہ اس حوالے سے کارروائی کی جائے۔

ترجمان یہ بھی کہا کہ بھارت نے یہ معاملہ کینیڈین حکومت کے ساتھ بھی اٹھایا ہے، ہم توقع رکھتے ہیں کہ کسی بھی ملک میں ہمارے سفارت کار اپنے قانونی اور معمول کے سفارتی امور انجام دے سکتے ہیں اور میزبان حکومت ایسا کرنے کے لیے سازگار ماحول کو یقینی بنائے گی۔

اس سے قبل بھارتی وزیر خارجہ ایس جے شنکر نے بھی خالصتان کے حامیوں کی جانب سے برطانیہ میں بھارتی ہائی کمیشن میں بھارتی پرچم کو گرانے پر سخت موقف اختیارکیا تھا بھارت سیکیورٹی کے اس امتیازی معیار کو قبول نہیں کرے گا اور برطانوی حکومت پر بھارتی مشن کے سفارت کاروں کو تحفظ فراہم کرنے کی ذمہ داری کو پورا نہ کرنے کا بھی الزام لگایا تھا۔

خالصتان تحریک کےیہ حامی بھارتی حکومت کی جانب سے امرت پال سنگھ ساندھو کے خلاف کیے جا رہے کریک ڈاؤن کے خلاف احتجاج کررہے تھےگزشتہ ہفتےکے اوائل میں خالصتان کے حامی کارکنوں کی طرف سےقونصل خانےمیں مبینہ توڑپھوڑکےبعد جمعہ کو ہندوستانی نژاد امریکیوں کے ایک گروپ نے سان فرانسسکو میں قونصل خانے کے سامنے ایک ریلی بھی نکالی تھی۔

برطانیہ نے کینیڈا میں اپنے سفارتی مشن میں ایک پاکستانی نژاد مسلمان خاتون فوزیہ یونس کو قونصل جنرل تعینات کیا ہے۔

باغی ٹی وی: غیر ملکی میڈیا کے مطابق فوزیہ یونس پہلی برطانوی مسلمان خاتون ہیں جنہیں مملکت کے کسی سفارتی مشن کی سربراہی سونپی گئی ہے اس سے قبل فوزیہ یونس اسلام آباد میں برطانوی ہائی کمیشن کمیونیکیشن اینڈ پبلک ڈپلومیسی کے سربراہ کے طور پر تعینات رہیں۔

Congratulations Fouzia Yunus for being appointed as the first British Muslim woman to head a diplomatic post. Best of luck ! You will be missed in PAkistan ! @YounisFouzia pic.twitter.com/PwLdCYMYUl

— Maleeha Lodhi (@LodhiMaleeha) March 25, 2023

سماجی رابطے کی ویب سائٹ ٹوئٹر پر اپنی تقرری سے متعلق آگاہ کرتے ہوئے فوزیہ یونس نے لکھا کہ مجھے شاہ چارلس کی جانب سے ٹورنٹو میں برطانوی قونصل جنرل تعینات کیا گیا ہے یہ ایک خاص موقع ہےجب پہلی بار برطانیہ کے کسی ڈپلومیٹک مشن کی سربراہ کے طور پر مسلمان خاتون کا تقرر ہوا۔ میں اس میدان میں آخری نہیں ہوں گی۔

Job News: Privileged to be appointed as His Majesty's British Consul General to Toronto 🇨🇦

Special moment as we think it's the 1st time (but don't have data) that a British Muslim woman has been appointed as Head of a 🇬🇧 Diplomatic Post.

I won't be the last 🙌🏽

🧵 pic.twitter.com/JrBibuYxK3

— Fouzia Younis CG 🇬🇧🇨🇦 (@YounisFouzia) March 24, 2023

فوزیہ یونس کا کہنا تھا کہ میری طرح کی لڑکیوں کے لیےجو کمیونٹیز کے اندر اور باہر تعصب، نسل اور جنس کی بنیاد پر لڑ رہی ہیں جن کو بتایا جاتا ہے کہ وہ کچھ نہیں کر سکتیں یا وہ اس کا حصہ نہیں بن سکتیں، اپنی طاقت کو کم نہ ہونے دیں۔ آپ دنیا کو بدل سکتی ہیں۔

To the girls who look like me, who are battling prejudice, racism & sexism from within communities & outside, who are told they can't do it, or that they don't sound or look the part. Don't let anyone dim your power. You can change the 🌍.

— Fouzia Younis CG 🇬🇧🇨🇦 (@YounisFouzia) March 24, 2023

Shout out to my colleagues & old/new bosses for your every word of advice & challenge to help me find my voice.

We serve & represent the 🇬🇧 of today, we represent all of us ✊🏼, we shape all our futures 🌍

I can't wait to get cracking in Toronto to do just that!

— Fouzia Younis CG 🇬🇧🇨🇦 (@YounisFouzia) March 24, 2023

پرنس آف ویلز اچانک یوکرینی سرحد کے قریب پولینڈ میں قائم برطانوی فوجی بیس کے خفیہ دورے پر پہنچ گئے۔

باغی ٹی وی: ” بی بی سی” کے مطابق شہزادہ ولیم کے جنوب مشرقی پولینڈ میں ریززو کے دورے کو سیکیورٹی خدشات کے باعث اس وقت تک خفیہ رکھا گیا جب تک وہ وہاں سے روانہ نہیں ہوئے اور دارالحکومت وارسا پہنچ گئے۔

یوکرینی سرحد کے قریب پولینڈ کے علاقے ژیشوف میں برطانوی فوجی بیس کے خفیہ دورے کے موقع پرشہزادہ ولیم نے برطانوی فوجیوں سے بھی ملاقات کی، دورے کے موقعے پر علاقے میں سخت حفاظتی انتظامات کیے گئے تھے انہوں نے برطانوی فوجیوں سے کہا کہ آپ یہاں واقعی ایک اہم کام کر رہے ہیں اور ہماری آزادیوں کا دفاع کرنا واقعی اہم ہے، اور گھر واپس آنے والا ہر شخص آپ کی بھرپور حمایت کرتا ہےآپ سب کا شکریہ جو آپ یہاں کر رہے ہیں۔

ژیشوف یوکرائن کی سرحد سے صرف ایک گھنٹے کی مسافت پر ہے جہاں برطانیہ کی جانب سے یوکرین کی مدد کیلئے فوجی بیس قائم کیا گیا ہے شہزادہ ولیم کی جانب سے برطانوی حکومت کی گزارش پر دورہ کیا گیا تھا تاہم وہ یوکرین پر روسی حملے کے معاملے پر یوکرین کی حمایت کیلئے واضح موقف رکھتے ہیں روس کے حملےکے چند دن بعد ہی یوکرین کے لیے اپنی حمایت کا ٹویٹ کر رہے ہیں ان کا پولینڈ کا دورہ اس حمایت کی تجدید کا اظہار ہے۔

شہزادہ ولیم نے ژیشوف کے فوجی بیس سے واپسی پر وارسوا میں یوکرینی مہاجرین کے مرکز کا بھی دورہ کیا جہاں انہوں نے 300 پناہ گزین عورتوں اور بچوں سے ملاقات کی اس موقعے پر ان کا کہنا تھا کہ "پولینڈ میں واپس آنا بہت اچھا ہے ہمارے یوکرین کے ساتھ بہت مضبوط تعلقات ہیں، اور ہم یوکرین کے لوگوں کی آزادی کیلئے اپنی حمایت اور تعاون برقرار رکھیں گے۔

انہوں نے کہا کہ میرے دورے کا مقصد پولینڈ اور برطانوی افواج کا ان نازک حالات کے دوران جاری پارٹنرشپ پر شکریہ ادا کر سکوں اور یوکرین کے مہاجرین کیلئے اپنے دلوں اور گھروں کے دروازے کھولنے پر پولینڈ کے عوام کی انسان دوستی کو خراج تحسین پیش کرسکوں۔

شہزادہ میزبان خاندانوں سے بھی بات کی جنہوں نے یوکرائنی پناہ گزینوں کو رہائش فراہم کرنے میں مدد کی ہے اور ان کے اور ان کے اہل خانہ سے ان کے گھر کھولنے اور ان کی ہمدردی پر اظہار تشکر کیا ہے-

اپنے دو روزہ دورے کے موقع پر شہزادہ ولیم صدارتی محل میں پولینڈ کے صدر آندریج ڈوڈ سے بھی ملاقات کریں گے،وہ نامعلوم فوجیوں کے مقبرے پر بھی پھولوں کی چادر چڑھائیں گے، یہ یادگار پولش فوجیوں کے لیے وقف ہے جنہوں نے تنازعات میں اپنی جانیں گنوائیں۔

لندن میں بھارتی ہائی کمیشن کے سامنے خالصتان تحریک کے حامی مظاہرین نے بھارت کے خلاف نعرے لگائے۔

باغی ٹی وی: بھارتی پنجاب میں پولیس مظالم کےخلاف بھارتی ہائی کمیشن لندن پر ہزاروں سکھوں کی جانب سے احتجاجی مظاہرہ کیا جس میں خواتین اور بچوں کی بھی بڑی تعداد شریک ہوئی مظاہرے کا اہتمام فیڈریشن آف سکھ آرگنائزیشن اور سکھ یوتھ تنظیموں نے کیا۔

امریکی بزرگوں سے اربوں کا آن لائن غبن کرنیوالے5 بھارتی تھائی لیںڈ میں گرفتار

Breaking: Clashes break out outside Indian high commission london as pro-Khalistan Sikhs demonstrated and water bottles thrown from inside the high commission #AmritpalSingh #SikhLivesMatter pic.twitter.com/z8hhXU8XaM

— Murtaza Ali Shah (@MurtazaViews) March 22, 2023

مظاہرے میں سکھ رہنماؤں نے خطاب کرتے ہوئے کہا کہ بھارت طاقت کے زور پر خالصتان کی تحریک کو نہیں دبایا جاسکتا ریفرنڈم کے ذریعے دنیا کو بتانا چاہتے ہیں کہ بھارت سے آزادی چاہتے ہیں،ہائی کمیشن کی حفاظت کیلئے سیکڑوں پولیس افسران ڈیوٹی پر موجود تھے اور بھارتی ہائی کمیشن کے مرکزی دروازے کے سامنے پولیس نے صف بندی کر رکھی تھی۔ پولیس کو خدشہ تھا کہ مشتعل نوجوان دوبارہ بھارتی جھنڈا نہ اتار دیں۔

Police struggle to contain Sikh youth pic.twitter.com/k86cQHNuVw

— Murtaza Ali Shah (@MurtazaViews) March 23, 2023

سکھ نوجوانوں نے بھارتی وزیر اعظم نریندر مودی کی تصویر پر جوتیاں برسائیں لندن کے علاوہ برطانیہ کے دیگر شہروں سے بھی مظاہرین لندن پہنچے جس کیلئے پولیس کی مزید نفری طلب کر نا پڑگئی۔

Rage pic.twitter.com/ewr0M89L42

— Murtaza Ali Shah (@MurtazaViews) March 23, 2023

برطانیہ کا یوکرین کو یورینیم پر مشتمل گولہ بارود دینے کا منصوبہ ،روس کا شدید …

جھنڈا لہرانے والے واقعے کے بعد اس شدید احتجاج پر برطانوی وزیر خارجہ جیمز کلیورلی نے کہا ہے کہ ان کا ملک بھارتی ہائی کمیشن کے عملے کے خلاف ”ناقابل قبول تشدد کی کارروائیوں“ کے بعد سیکیورٹی کا جائزہ لے گا۔

واضح رہے کہ گزشتہ ہفتے برطانیہ میں خالصتان کے حامی کارکن لندن میں بھارتی مشن میں داخل ہوئے اوربھارتی پرچم اتار کر اس کی جگہ خالصتان کا پرچم لہرا دیا تھا اس دوران دیگرشرکا ہائی کمیشن کے دروازے کو لاتیں بھی مارتے رہے اور کھڑکیوں پر لگے مضبوط شیشے بھی ٹوٹ گئے یہ واقعہ اتوار کی دوپہر اس وقت پیش آیا جب سکھ کمیونٹی کے افراد بھارتی پنجاب میں خالصتان کے حامی رہنما امرت پال سنگھ کی گرفتاری کیلئے پولیس آپریشن کے دوران درجنوں سکھوں کو گرفتارکرنےکےخلاف بطوراحتجاج اورآسٹریلیا کے شہر برسبین میں خالصتان ریفرنڈم سے اظہاریکجہتی کیلئے بھارتی ہائی کمیشن کے سامنے جمع تھے۔

سعودی وزیر خارجہ کا ایرانی ہم منصب سے ٹیلی فونک رابطہ،رمضان المبارک کی مبارکباد

خالصتان کے حامیوں نے بھارتی ہائی کمیشن کے احاطے میں امرت پال سنگھ کا پوسٹر اٹھا کر خالصتان زندہ بادکےنعرےبھی لگائے تھے پائی کمیشن کے گرد سیکورٹی بڑھا دی گئی تھی اور ایک شخص کو گرفتار بھی کیا گیا –

#WATCH | London Metropolitan Police patrols outside the Indian High Commission in London, UK. pic.twitter.com/rCId56lmdW

— ANI (@ANI) March 22, 2023

بھارت نے برطانوی حکومت سے ملوث افراد کیخلاف فوری کارروائی کا مطالبہ کیا اور بھارت میں برطانیہ کے ہائی کمزنر کر بلا کر احتجا ریکارڈ کروایا جبکہ اندرون اور بیرون ملک سکھ کاز کے لیے بڑھتی ہوئی حمایت سے پریشان بھارتی حکومت تازہ ترین اقدام سے بھارت میں برطانیہ کے سفارت کارکو دفتر خارجہ طلب کرنے پر مجبور ہوئی اوران سے خالصتانی کارکنان کے بھارتی ہائی کمیشن میں داخلے اور بھارتی پرچم کی جگہ خالصتانی جھنڈا لہرانے پر وضاحت طلب کی۔

ایک بیان میں بھارتی وزارت خارجہ نے کہا تھا کہ برطانیہ کی حکومت سے توقع کی جاتی ہے کہ وہ اتوار کے واقعے میں ملوث افراد کی شناخت، گرفتاری اور مقدمہ چلانے کیلئے فوری کارروائی کرے گی اور ایسے واقعات کو روکنے کیلئے سخت اقدامات کرے گی۔

شکر گزاری کا جذ بہ شدید ذہنی تناؤ کو کم کر سکتا ہے،تحقیق

لندن: برطانیہ نے قرآن پاک کو نذر آتش کرنے کی دھمکی دینے والے ڈنمارک کے انتہائی دائیں بازو کے سیاستدان کے ملک میں داخلے پر پابندی عائد کر دی۔

باغی ٹی وی: ” بی بی سی ” کے مطابق سوئیڈن کےسیاستدان ریسمس پالوڈن نےرواں سال کے آغاز میں اسٹاک ہوم میں قرآن پاک کی بے حرمتی کی تھی جس پر مسلمانوں کی جانب سے شدید احتجاج کیا گیا واقعے کے بعد برطانیہ نے رمضان المبارک کی آمد سے قبل ریسمس پالوڈن کی ملک میں داخلے پر پابندی عائد کر دی ہے۔

ملک جو دنیا سے 7 سال پیچھے ہے،جہاں ایک سال میں 13 مہینے ہوتے ہیں

سیاستدان نے رمضان کے آمد کے موقع پر برطانیہ میں قرآن پاک کی دوبارہ بےحرمتی کرنے کا اعلان کر رکھا تھا۔ جس کی وجہ سے برطانیہ نے ریسمس پالوڈن کے داخلے پر پابندی عائد کی۔

سیکیورٹی منسٹر ٹام ٹگینڈہاٹ نے کہا کہ اسلام مخالف پارٹی اسٹریم کرس کے بانی راسمس پالوڈن کو برطانیہ کی امیگریشن واچ لسٹ میں شامل کیا گیا ہےپالوڈن نے کہا تھا کہ اس نے اس ہفتے ویسٹ یارکشائر شہر کے ایک عوامی چوک میں مذہبی کتاب کو جلانے کا منصوبہ بنایا تھا۔

یہ ایک ویک فیلڈ اسکول کے چار شاگردوں کو قرآن کے ایک نسخے کو نقصان پہنچانے پر معطل کرنے کے بعد آیا ہےاتوار کو ٹویٹر پر پوسٹ کی گئی ایک ویڈیو میں، مسٹر پالوڈن نے کہا کہ وہ "غیر جمہوری قوتوں” کے خلاف "لڑائی” کے لیے شہر کا سفر کریں گے۔

رمضان میں بغیر اجازت افطار کھانا تقسیم کرنے پر جرمانہ ہو گا

اس نے دعویٰ کیا کہ اس کا ارادہ رمضان کے آغاز کے موقع پر بدھ کو قرآن مجید کو جلانے کا تھا مسٹر پالوڈن نے پچھلے کئی مظاہرے کیے ہیں جن میں اسلامی کتاب کو جلایا گیا تھا، جن میں سے کچھ پرتشدد جوابی مظاہروں کا باعث بنے۔

جنوری میں اس نے سٹاک ہوم میں ترکی کے سفارت خانے کے باہر قرآن پاک کا ایک نسخہ جلا یا تھا گستاخانہ واقعے کے بعد سوئیڈن اور ترکی کے درمیان سفارتی تعلقات کشیدہ ہیں۔ ترکی نے اب نیٹو میں شمولیت کے لیے سویڈن کی درخواست کو روک رکھا ہے۔

امریکی میڈیا ٹائیکون کا 92 سال کی عمر میں پانچویں شادی کرنے کا اعلان

انگلینڈ اور ویلز میں شادی کی قانونی عمر بڑھا کر 18 سال کرنے سے متعلق نئے قانون کا نفاذ شروع ہو گیا ہے۔

باغی ٹی وی: پہلے لوگ والدین کی رضامندی سے 16 یا 17 سال کی عمر میں شادی کر سکتے تھے اور ایسے بچوں کی شادیوں کی، جو مقامی کونسلوں میں رجسٹرڈ نہیں ہوتی تھیں، شادیوں کے خلاف کوئی قانون نہیں تھا۔

انٹرنیشنل کریمنل کورٹ نے روسی صدر پیوٹن کے وارنٹ گرفتاری جاری کردیئے

نیا قانون ان شادیوں کا احاطہ بھی کرتا ہے جن پر قانونی پابندی نہیں ہے حکام کا کہنا ہے کہ ان تبدیلیوں سے بچوں کی زبردستی شادی کو رو کنے میں مدد ملے گی۔

اس سے پہلے جبری شادی صرف اس صورت میں جرم تھی جب یہ دھمکیاں دے کر کی گئی ہو۔

لیکن میرج اینڈ سول پارٹنرشپ (کم سے کم عمر) ایکٹ کے تحت اب کسی بھی حالت میں بچوں کی شادی کرنا غیر قانونی ہے، چاہے جبر کا استعمال کیا جائے یا نہ کیا جائے اس جرم میں ملوث پائے جانے والوں کو سات سال تک قید کی سزا ہوسکتی ہے۔

ڈونلڈ ٹرمپ کا شہزادی ڈیانا کے بارے غیر اخلاقی تبصرہ، چارلس اسپینسر کا شدید ردعمل

ان تبدیلیوں کا اطلاق سکاٹ لینڈ اور شمالی آئرلینڈ میں نہیں ہوگا، جہاں شادی کی کم سے کم عمر 16 سال رہے گی۔ شمالی آئرلینڈ میں 18 سال سے کم عمر افراد کے لیے والدین کی رضامندی ضروری ہے لیکن سکاٹ لینڈ میں نہیں۔

شمالی آئرلینڈ کے وزراء پہلے ہی کہہ چکے ہیں کہ وہ شادی کی کم سے کم عمر کو بڑھا کر 18 سال کرنے کا ارادہ رکھتے ہیں لیکن بعض وجوہ کی بنا پر فی الحال قانون سازی نہیں کی جا سکتی۔

اس تبدیلی کے بہت بڑے اثرات ہیں اورممکنہ طور پران لوگوں کے وسیع زمرے کو پکڑتے ہیں جو کوئی ایسا طرز عمل انجام دیتے ہیں جس کی وجہ سے بچہ اپنی اٹھارہویں سالگرہ سے پہلے شادی کر سکتا ہےوالدین کے بہن بھائی دوسرے رشتہ دار گواہ امام اوردیگر مذہبی تقاریب منعقد کرنے والے وزراء کو اس شق سے پکڑا جائے گا اگر وہ شادی کو انجام دینے میں کردار ادا کریں گے۔

لارنس بشنوئی کی سلمان خان کو ایک اور دھمکی

لیگل رائٹ پارٹنرشپ ایکٹ کے تحت شادی کا مطلب ہے کوئی بھی شہری شادی کی تقریب جس میں نکاح بھی شامل ہے چاہے اس شادی کو برطانیہ میں قانونی طور پر تسلیم کیا گیا ہو یا نہیں۔ شادی یا نکاح بیرون ملک ہونے کے باوجود جرم کا ارتکاب کیا جائےاس جرم کی سزا 7 سال تک قید ہے۔

ایل آر پی کے مطابق تمام مساجد اور دیگر مذہبی اداروں کو چاہیے کہ وہ فوری طور پر ان پالیسیوں پر عمل درآمد کریں جن میں اٹھارہ سال سے کم عمر کے بچوں کے نکاح کی تقریبات پر پابندی لگائی جائے اگر انہوں نے پہلے ہی ایسا نہیں کیا ہے۔

ایل آر پی کے مطابق اگر آپ کو مزید معلومات درکار ہوں تو براہ کرم ہماری امیگریشن ٹیم سے رابطہ کریں۔

بھارت کی سب سے بڑی ائیر لائن نے 50 طیارے انڈر گراؤنڈ کر دیئے