Baaghi TV

Category: برطانیہ

  • شہزادہ ولیم اور کیٹ مڈلٹن کا خاندان کو لندن سے منتقل کرنے کا فیصلہ

    شہزادہ ولیم اور کیٹ مڈلٹن کا خاندان کو لندن سے منتقل کرنے کا فیصلہ

    برطانوی شہزادہ ولیم اور ان کی اہلیہ کیٹ مڈلٹن نے خاندان کو لندن سے منتقل کرنے کا فیصلہ کرلیا۔

    برطانوی شہزادہ کے خاندان کی منتقلی کا اعلان کنگسٹن پیلس کی جانب سے جاری بیان میں کیا گیا جس میں بتایا گیا کہ یہ فیصلہ اس لیے کیا گیا کہ دوران تعلیم بچے نارمل زندگی گزار سکیں۔برطانوی شاہی خاندان کے ذرائع کے مطابق شہزادہ ولیم ، کیٹ مڈلٹن اور ان کے بچے لندن سے 25 میل دور ونڈسر کیسل کے ایڈیلیڈ کاٹیج میں قیام کریں گے۔

    جاپانی وزیر اعظم کورونا میں مبتلا ہو گئے

    اس طرح یہ خاندان ملکہ الزبتھ دوم کے قریب رہنے لگے گا جو ونڈسر کیسل میں ہی مقیم ہیں۔رپورٹ کے مطابق شہزادہ ولیم کی موجودہ رہائش گاہ کنگسٹن پیلس بدستور ان کی مرکزی رہائش گاہ رہے گی۔
    جوڑا ہر ممکن حد تک عام خاندانی زندگی گزارنا چاہتا ہے
    کنگسٹن پیلس کے بیان میں بتایا گیا کہ تینوں بچوں کا داخلہ ونڈسر کیسل کے قریب لیمبروک اسکول میں کرایا جائے گا۔بیان میں اسکول کے ہیڈ ماسٹر جوناتھن پیری نے کہا کہ ہمیں خوشی ہے کہ ستمبر میں شہزادہ جارج، شہزادی شارلیٹ اور شہزادہ لوئس ہمارے اسکول کا حصہ بن جائیں گے۔رپورٹ میں بتایا گیا ہے کہ یہ۔

    برطانیہ میں مہنگائی کی بلند ترین شرح،تنخواہوں میں اضافے کیلئے پورٹ ملازمین نے…

    برکشائر میں رائل ونڈسر اسٹیٹ پر ہونے کی وجہ سے، کراؤن اسٹیٹ پراپرٹی کے طور پر نئے ایڈیلیڈ کاٹیج گھر کو ٹیکس دہندگان کی مالی امداد سے زیادہ اضافی سیکیورٹی کی ضرورت نہیں ہوگی۔ کاٹیج، جو سائز کے لحاظ سے نسبتاً کمپیکٹ ہے-

    1839 میں تعمیر کیا گیا تھا اور اس کا نام ولیم چہارم کی اہلیہ ملکہ ایڈیلیڈ کے اعزاز میں رکھا گیا تھا۔ یہ ملکہ وکٹوریہ اور شہزادہ البرٹ کو پسند تھا، جو گرمیوں میں اپنے بچوں کو وہاں نجی آرام سے لطف اندوز کرنے کے لیے لے جاتے تھے۔

    جاپان حکومت کی نوجوان نسل سے زیادہ سے زیادہ شراب پینے کی اپیل

  • برطانیہ میں مہنگائی کی بلند ترین شرح،تنخواہوں میں اضافے کیلئے پورٹ ملازمین نے ہڑتال کردی

    برطانیہ میں مہنگائی کی بلند ترین شرح،تنخواہوں میں اضافے کیلئے پورٹ ملازمین نے ہڑتال کردی

    برطانیہ میں دہائیوں بعد مہنگائی کی بلند ترین شرح کے باعث شہریوں کے لیے گزر اوقات کرنا انتہائی مشکل ہوگیا ہے-

    باغی ٹی وی: غیر ملکی میڈیا کےمطابق برطانیہ کی سب سےبڑی کنٹینر پورٹ کمپنی فیلکس اسٹو کے 2 ہزار یونین ملازمین نے ہڑتال کرتے ہوئے کام چھوڑ دیا، مزدور تنخواہوں کےحوالےسے 8 روزہ ہڑتال پرچلےگئےاحتجاج کرنے والے ملازمین میں کرین ڈرائیور، مشین آپریٹرز سمیت دیگر مزدور شامل ہیں، 1989 کے بعد فیلکس اسٹو میں کی جانے والی یہ پہلی ہڑتال ہے۔

    پوسٹل ورکرز رواں ماہ کے آخر میں 4 روزہ ہڑتال پر جانے کی منصوبہ بندی کر رہے ہیں، ٹیلی کام شعبے سے تعلق رکھنے والی بڑی کمپنی بی ٹی کو دہائیوں میں پہلی مرتبہ ہڑتال کے باعث بندش کا سامنا کرنا پڑے گا –

    جاپان حکومت کی نوجوان نسل سے زیادہ سے زیادہ شراب پینے کی اپیل

    ایمیزون کے گوداموں میں کام کرنے والا عملہ، مجرمانہ کیسز لڑنے والے وکلا اور ڈسٹ بینوں سے کوڑا کرکٹ جمع کرنے والے ملازمین بھی ہڑتال پر جانے والے دیگر افراد میں شامل ہیں۔

    تنخواہوں میں اضافے کے یہ مطالبات مہنگائی کی بلند شرح کی وجہ سے ہیں جو گزشتہ ماہ 10 فیصد سے بڑھنے کے بعد 40 سال کی بلند ترین سطح پر پہنچ گئی تھی جبکہ خوراک اور توانائی کی بڑھتی ہوئی قیمتوں کے باعث لاکھوں شہریوں کو مشکلات کا سامنا ہے۔

    ہڑتال پر جانے والی کمپنی فیلکس اسٹو کے عملے کی نمائندگی کرنے والی یونائیٹ یونین کا کہنا ہے کہ کام رکنے سے بندرگاہ بری طرح سے متاثر ہوگی جب کہ کمپنی سالانہ 2 ہزار بحری جہازوں سے تقریباً 40 لاکھ کنٹینرز ہینڈل کرتی ہے۔

    یونائیٹ یونین نے مہنگائی میں اضافے کی شرح سے اپنے ارکان کی تنخواہوں میں اضافے کا مطالبہ کیا ہے اور دلیل دی ہے کہ پورٹ سے متعلق یہ شعبہ بہت منافع بخش کاروبار ہے۔

    برطانیہ:بحرانوں کی زد میں آگیا:کہیں توانائی بحران تو کہیں مہنگائی مارگئی:ٹرانسپورٹ…

    رہنما لز ٹرس نے برطانیہ میں کساد بازاری کے امکان کو مسترد کر دیا جب کہ ان کے متوقع وزیر خزانہ نے کہا کہ مہنگائی پر قابو پانے اور عوام کو ریلیف فراہم کرنے کے لیے اقدامات کیے جا رہے ہیں۔

    رشی سنک کو شکست دینے اور برطانوی وزیر اعظم بننے کی دوڑ میں سب سے آگے لز ٹرس نے ایک انٹرویو میں عزم ظاہر کیا کہ اگر وہ اقتدار آئیں تو چھوٹے کاروبار اور خود انحصاری پرمبنی روزگار کے انقلاب کی قیادت کریں گی بہت زیادہ باتیں ہو رہی ہیں کہ کساد بازاری ہونے والی ہے، میں نہیں مانتی کہ ایسا ہونا ضروی ہے، ہم ملک میں مواقع پیدا کر سکتے ہیں۔

    انہوں نے کہا کہ ہمیں برطانیہ کو اگلا گوگل یا فیس بک بنانے کے لیے معاشی حالات پیدا کرنے چاہییں، ہمارا ادارہ اور خواہش اس طرح کے مواقع اور منصوبے شروع کرنے کے بارے میں ہے۔

    یورپ میں توانائی کا بحران انتہا کو پہنچ گیا،ایندھن خریدنے کے لیے لمبی لمبی قطاریں…

  • پاکستان اور برطانیہ کے درمیان مجرموں کے تبادلے کا معاہدہ

    پاکستان اور برطانیہ کے درمیان مجرموں کے تبادلے کا معاہدہ

    برطانیہ اور پاکستان کے درمیان غیر ملکی مجرموں اور امیگریشن قوانین کی خلاف ورزی کرتے ہوئے فرار ہونے والے مجرموں کے تبادلے کا معاہدہ طے پا گیا ہے-

    باغی ٹی وی : تفصیلات کے مطابق برطانیہ کی وزیر داخلہ پریتی پٹیل نے ٹوئٹر پر جاری اپنے ایک بیان میں کہا کہ مجھے فخر ہے کہ میں نے اپنے پاکستانی دوستوں کے ساتھ غیر ملکی مجرموں اور امیگریشن قوانین کی خلاف ورزی کرنے والے مجرموں کو برطانیہ سے پاکستان واپس منتقل کے لیے ایک تاریخی معاہدے پر دستخط کیے ہیں۔

    2 سابق ججوں کو رشوت لینے پر 20 کروڑ ڈالرز ادا کرنے کا حکم


    انہوں نے مزید کہا کہ ڈیل ہماری #NewPlanForImmigration کو عملی شکل میں ظاہر کرتی ہے جیسا ہم برطانوی عوام کے لیے ڈیلیور کرتے ہیں۔

    پریتی پٹیل نے کہا کہ خطرناک غیر ملکی مجرموں اور امیگریشن قوانین کی خلاف ورزی کرنے والوں کو برطانیہ میں رہنے کا کوئی حق نہیں ہے اور مجھے ایسے لوگوں کو برطانیہ سے بے دخل کرنے میں کوئی شرمندگی نہیں ہے برطانیہ میں بہت سے ایسے لوگ موجود ہیں جو ہمارے قوانین کا غلط استعمال کرتے ہیں اور ہمارے قوانین سے کھلواڑ کرتے ہیں جب کہ ہم انہیں بے دخل نہیں کرسکتے۔

    پریتی پٹیل نے کہا کہ نیو پلان فار امیگرشن ان ایکشن معاہدہ، حکومت کی جانب سے سنجیدہ اقدامات کو ظاہر کرتا ہے ہمارا نیا بارڈرز ایکٹ اس سلسلے میں مزید سہولت فراہم کرے گا اور آخری لمحات پر کی جانے والی اپیلوں کے سلسلے کو ختم کرنے میں مدد کرے گا جو ایسے افراد کی ملک سے بے دخلی میں تاخیر کا باعث بنتا ہے۔

    ون ڈے سیریز:پاکستان اور نیدرلینڈز کے درمیان دوسرا میچ آج ہو گا

    دوسری جانب، پاکستانی ہائی کمیشن کی طرف سے جاری کردہ ایک بیان میں کہا گیا ہے کہ یہ معاہدہ اس معاہدے کی تجدید اور تازہ ترین صورتحال ہے جس میں اکتوبر 2009 میں دو طرفہ طور پر طے کیا گیا تھا کہ پاکستان اور یورپی ممالک بغیر اجازت کے قیام پذیر افراد کو ملک سے بے دخل کریں گے۔

    نئے معاہدے کے تحت، مجرموں، ناکام پناہ گزینوں اور امیگریشن قوانین کی خلاف ورزی کرنے والے مجرموں سمیت برطانیہ میں قیام کا قانونی حق نہ رکھنے والے پاکستانی شہریوں کو مبینہ طور پر بے دخل کردیا جائے گا پاکستانی شہری انگلینڈ اور ویلز کی جیلوں میں غیر ملکی مجرموں کی ساتویں بڑی تعداد ہیں جو کہ غیر ملکی شہریوں کی مجموعی آبادی کا تقریباً 3 فیصد بنتا ہے-

    دوسری جانب کچھ وکلا اس معاہدے کو پاکستان کے لیے ایک دھچکا قرار دے رہے ہیں، معاہدے کے تحت اب برطانیہ سے جلاوطن مجرموں کی آمد ہوگی، جن میں وہ مجرم بھی شامل ہیں جو اس سے قبل کبھی پاکستان نہیں آئے۔

    واجبات کی ادائیگی کا تنازع: سابق اہلکار نےپولیس کی ویب سائٹ بند کر دی

  • چڑیا گھر کے سب سے عمر رسیدہ پینگوئن کا لومڑی نے شکار کرلیا

    چڑیا گھر کے سب سے عمر رسیدہ پینگوئن کا لومڑی نے شکار کرلیا

    لندن: ایڈنبرا کے چڑیا گھر کی سب سے عمر رسیدہ مادہ پینگوئن کو لومڑی نے شکار کرلیاجس کے بعد وہاں کا عملہ شدید اداس ہے۔

    باغی ٹی وی :ایڈنبرا چڑیا گھر کی انتظامیہ نے اپنے ٹویٹ میں پینگوئن کی موت کا اعلان کرتے ہوئے اپنے افسوس کا اظہار بھی کیا ہے ٹوئٹر پر انتظامیہ نے کہا کہ مسز وولووز نامی پینگوئن کی عمر 35 برس تھی اور اچانک اس کی حدود میں ایک جگہ کھلی رہنے سے بھوکی لومڑی وہاں پہنچی اور اس نے بہت آسانی سے پینگوئن کو مار ڈالا ہے، تاہم دیگر پینگوئن خیریت سے ہیں۔

    سخت گرمی: جاپانی عوام پالتو جانوروں کو پنکھوں والے لباس پہنانے لگے


    انتظامیہ کے مطابق وہ مادہ پینگوئن کو فراموش نہیں کرسکتے جو بہت سرگرم تھی اور اپنا ایک خاص مزاج بھی رکھتی تھی۔

    چڑیا گھر کی انتظامیہ نے کہا کہ روزانہ کی بنیاد پر حفاظتی اقدامات کا جائزہ لیا جاتا تھا لیکن پھر بھی بعض خطرات موجود رہتے ہیں اور انہی کی وجہ سے ایسا ہوا۔ اب پینگوئن کی حدود مزید محفوظ بنانے کی کوشش کی جارہی ہے۔

    دنیا کا واحد زہریلا پرندہ دریافت

    واضح رہے کہ اس چڑیا گھر میں یورپ کا سب سے بڑا پینگوئن گھر ہے جسے ’پینگوئن راک‘ کا نام دیا گیا ہے۔ یہاں تین اقسام کی 100 پینگوئن موجود ہیں۔

    قبل ازیں جون میں کولچسٹر چڑیا گھر میں 21 سالہ پیٹاگونین سمندری شیر ہلاک ہو گیا تھا پارس، جو 19 سال سے چڑیا گھر میں تھی، کان میں انفیکشن کے لیے معائنے کے دوران "اس کی مدد کے لیے تمام تر کوششوں کے باوجود” انتقال کر گئی۔

    پچھلے سال، پالتو جانوروں کے چڑیا گھر میں بجلی کی خرابی کی وجہ سے آگ لگ گئی تھی جس میں کاکاٹو، میکاو، طوطے، میرکاٹس، آرماڈیلو اور سکنکس ہلاک ہو گئے تھے۔

    امریکا میں 200 سالہ درخت مسلسل گرمی اور حدت کے باعث چٹخ گیا

  • عمران نیازی نااہل ہو گا،حمزہ شہباز

    عمران نیازی نااہل ہو گا،حمزہ شہباز

    مسلم لیگن کے رہنما اور سابق وزیراعلیٰ پنجاب حمزہ شہباز شریف نے کہا کہ چار سال کے بعد مسلم لیگ ن کے قائد میاں نواز شریف صاحب کے ساتھ ملاقات ہوئی ہے.

    لندن میں میڈیا کے نمائیندوں سے گفتگو کرتے ہوئے حمزہ شہباز نے کہا کہ لندن نجی دورے پر آیا ہوں میان نواز شریف کی خیریت دریافت کی ہے، اللہ تعالیٰ انہیں صحت اور لمبی زندگی عطاء فرمائے.جب سیاست دان بیٹھتے ہیں تو سیاست پر بات ہوتی ہے.

    حمزہ شہباز کا کہنا تھا کہ آج پاکستانی قوم اس شخص سے پوچھ رہی ہے جو انا کے پہاڑ پر بیٹھا ہوا سب کو چور ڈاکو کہتا تھا اور کہتا تھا کہ اگر میں نہیں تو پاکستان کی نیوکلیئر تباہ و برباد ہو جائے گی،فوج برباد ہو جائے گی اور ریاست مدینہ کا نام لیتے تھکتا نہیں تھا. تو آج قوم پوچھ رہی کہ وہ جو چیک سائن کرائے جاتے تھے،ٹی بوائیز کے نام پر پیسے آتے تھے،اور کہاں کہاں سے آئے ہین پیسےِ؟

    حمزہ شہباز نے بتایا کہ ڈیکلریشن فارم پر دستکط عمران خان خود کرتے تھے، وہ دودھ کا دودھ پانی کا پانی ہو گیا ہے.اب وہ جو صادق اور امین دیکلیرڈ تھا وہ قوم کو جواب دے اس بات کا،اور قوم محاسبہ کے گی،مسلم لیگ ن کا اور تمام اتحادی جماعتوں کا مسلمہ ارادہ ہے کہ فارن فندنگ کیس کو منطقی انجام تک پہنچایا جائے.اور جو شخص چار سال قوم کا وقت ضائع کرتا رہا اس نے پاکستانی قوم کے ساتھ سب سے برا فراڈ کیا ہے جو فارن فنڈنگ کیس کی صورت میں سامنے آیا ہے،انہوں نے کہا کہ اب دودھ کا دودھ اور پانی کا پانی ہو گا انشاءاللہ.

    حمزہ شہباز نے کہا کہ میاں نواز شریف صاحب پاکستانی سیاست کا محور ہیں .امشاءاللہ جب بھی پارٹی اور ڈاکٹرز مناچب سمجھیں گے تو ان کی واپسی ہو گی. آنے والا الیکشن جو وقت پر ہوگا اور 2023 میں ہو گا انشائاللہ اس میں جو مسلم لیگ ن کی کمپین ہو گی اسے نواز شریف ہیڈ کریں گے.ایک سوال کے جواب میں حمزہ شہباز نے کہا کہ میں نے آج تک نگران وزیراعلی کا سنا تھا عوامی وزیراعلی کا سنا تھا مگر جوڈیشل وزیراعلی پہلی مرتبہ دیکھا ہے،آئین کہتا ہے کہ ووت کاؤنٹ ہوں گے،یہ پاکستان کی تاریخ کا سیاہ ترین فیصلہ ہے جس میں آئین کو دوبارہ لکھنے کی کوشش کی گئی.بہرحال ہمارا قانونی حق ہے کہ ہم عدالت میں جائیں گے ریویو پتیشن دائر کریں گے. فل کورٹ بنے گا تو دودھ کا دودھ پانی کا پانی ہو گا.اس معاملے کو ایسے جانے نہیں دیں گے.عدالتوں سے ہمیں انصاف کی امید ہے لیکن جب انصاف ہوتا دیکھائی نا دے تو اس کیلئے پوری آواز بلند کریں گے.

    حمزہ شہباز کا کہنا تھا کہ اگر نواز شریف اپنے بیتے سے تنخواہ نا لینے پر نااہل ہو سکتے ہیں ،یہ تو پورا ایک سامان موضود ہے ثبوتوں کے ساتھ کہ عمران نیازی نے قوم کے ساتھ مزاق کیا ہے ،قانون کے ساتھ کھلواڑ کیا ،عمران نیازی فارن فنڈنگ کیس میں سر سے لے کر پاؤں تک ڈوبا ہوا ہے. یہ منطقی انجام تک پہنچیں گے لیکن ہہم انتقام نہیں لے رہی ہمیں تو پورے دو سال جیل میں رکھا،16 ماہ نواز شریف صاحب کو شہباز شریف صاحب کو جیل میں رکھا اور ہماری ساری قیادت کو جیل میں رکھا اور ثبوت کچھ نہیں نکلا ،کھودا پہاڑ اور نکلا چوہا مگر یہاں پر تو عمران نیازی کے خلاف ٹھوس ثبوت موجود ہیں ، جب انصاف اور قانون کے مطابق حکومت آگے بڑھے گی تو انشاء اللہ عمران نیازی نا اہل ہو گا .

  • برطانیہ میں نئے وزیراعظم کا انتخاب سیکیورٹی خدشات کے باعث تاخیر کا شکار

    برطانیہ میں نئے وزیراعظم کا انتخاب سیکیورٹی خدشات کے باعث تاخیر کا شکار

    برطانیہ: ہیکرز سے خطرہ، برطانیہ میں نئے وزیراعظم کا انتخاب تاخیر کا شکار ہو گیا۔

    باغی ٹی وی : برطانوی خبررساں ادرے بی بی سی کے مطابق کنزرویٹو قیادت کے انتخاب کے لیے بیلٹ پیپرز سیکیورٹی خدشات کی وجہ سے بھیجے جانے میں تاخیر ہوئی ہےپارٹی نے کہا کہ اس نے مقابلے کے لیے اپنا منصوبہ تبدیل کر دیا ہے، جو سیکیورٹی ایجنسی جی سی ایچ کیو سے مشاورت کے بعد اگلے وزیر اعظم کا فیصلہ کرے گی۔

    نیویارک کے سیوریج میں پولیو وائرس کی موجودگی کا انکشاف

    رپورٹ کے مطابق GCHQ جاسوسی ایجنسی نے خبردار کیا ہے کہ ووٹنگ بیلٹس پر سائبر حملہ ہو سکتا ہے جو نتیجہ بدل سکتا ہے۔ 1 لاکھ 60 ہزار پارٹی ممبرز کیلئے بیلٹس بھی گزشتہ روز بھیجے جانے تھے، لیکن اس میں تاخیر ہوئی اور اب یہ عمل 11 اگست تک مکمل ہو گا جبکہ فاتح کا اعلان 5 ستمبر کو ہوگا سائبر حملے سے بچنے کیلیے برطانیہ کی نیشنل سائبر سیکورٹی سنٹر نے آن لائن ووٹنگ کی تجویز پیش کی ہے۔

    سابق وزیر خزانہ رشی سونک اور سابق وزیر خارجہ لز ٹرس میں سخت مقابلہ ہے، دونوں امید واروں میں سے کوئی ایک ایک ماہ میں کنزرویٹو پارٹی اور برطانیہ کی سربراہی کا منسب سنبھالے گا۔

    امریکا نے روسی صدر کی "گرل فرینڈ” سمیت دیگراہم روسی شخصیات پر نئی پابندیاں عائد کر دیں

    یاد رہےبرطانیہ میں برٹش انڈین رشی سونک کنزر ویٹو وزیراعظم بن کر نئی تاریخ رقم کرنے سے ایک قدم دور ہیں،رشی سونک برطانیہ میں پیدا ہوئے اور اُنہوں نے آکسفورڈ یونیورسٹی سے فلسفہ اور معاشیات میں ڈگری حاصل کی اُن کے والدین بھارتی نژاد ہیں جو 1960 کی دہائی میں برطانیہ منتقل ہوئے، اُن کی والدہ ایک فارماسسٹ اور والد نیشنل ہیلتھ سروس کے جنرل پریکٹیشنر تھے۔

    رشی سونک پہلی بار 2015 میں رچمنڈ، یارکشائر سے منتخب ہو کر ایم پی بنے تھے، بریگزٹ مطالبات کے حامی رشی کو 2020 میں برطانوی کابینہ میں وزیرِ خزانہ تعینات کیا گیا اُنہوں نے وبائی امراض کے دوران کاروبار اور ملازمین کی مدد کے لیے اپنے معاشی پیکیج سے مقبولیت حاصل کی۔ اس پیکیج میں ملازمتوں کو برقرار رکھنے کا پروگرام شامل تھا، جس نے مبینہ طور پر برطانیہ میں بڑے پیمانے پر بے روزگاری کو روکا تھا۔

    امریکا نے سعودی عرب اور یو اے ای کو میزائل ڈیفنس سسٹم فروخت کرنے کی منظوری دے دی

  • برطانوی ولی عہد کا نیا فنڈ ریزنگ اسکینڈل سامنے آگیا

    برطانوی ولی عہد کا نیا فنڈ ریزنگ اسکینڈل سامنے آگیا

    برطانوی ولی عہد شہزادہ چارلس کی چیریٹی نے اسامہ بن لادن کی فیملی سے 10 لاکھ پاؤنڈ وصول کیے۔

    باغی ٹی وی : برطانوی میڈیا کے مطابق کے مطابق پرنس چارلس کے آفس نے فنڈز لینے کی تصدیق کردی ہے پرنس کو خبردار کیا گیا تھا کہ قومی غم وغصہ سامنے آسکتا ہے مگر انہوں نے نظرانداز کردیا۔

    یہ رقم لادن فیملی کے شیخ بکر بن لادن اور ان کے بھائی شیخ شفیق نے چندہ کی تھی بکر اور شفیق کا دہشتگرد کارروائیوں میں ملوث ہونے یا فنڈنگ سے تعلق نہیں القاعدہ رہنما کی ہلاکت کے دو سال بعد پرنس چارلس نے 30 اکتوبر 2013 میں اسامہ بن لادن کے دو سوتیلے بھائیوں سے ملاقات کی تھی-

    کلیرنس ہاؤس کا کہنا ہے کہ پرنس نے ڈیل میں ثالثی کی نہ ہی اسے قبول کرنے کا فیصلہ کیا، چندہ قبول کرنے کا فیصلہ پرنس آف ویلز کے چیریٹیبل فنڈ کے ٹرسٹیز نے کیا اور اسے دوسری صورت میں نمایاں کرنے کی کوئی بھی کوشش غلط ہے۔

    1979 میں قائم کیا گیا، پرنس آف ویلز کے چیریٹیبل فنڈ کا کہنا ہے کہ اس کا مشن "زندگیوں کو بدلنا اور پائیدار کمیونٹیز کی تعمیر کرنا ہے تاکہ ہمارے بنیادی فنڈنگ ​​تھیمز کے اندر اچھے اسباب کی ایک وسیع رینج کو گرانٹ دے کر: ورثہ اور تحفظ، تعلیم، صحت اور بہبود۔ سماجی شمولیت، ماحولیات اور دیہی علاقوں میں سہولیات کو بہتر بنانا ہے-

    ادائیگی کی خبریں حالیہ شاہی گھوٹالوں کے سلسلے کے بعد آتی ہیں، جن میں جون میں ایک رپورٹ بھی شامل ہے کہ شہزادہ چارلس نے 2011 اور 2015 کے درمیان قطری ارب پتی سے 3.1 ملین ڈالر نقد عطیہ قبول کیے تھے، جن میں سے کچھ ذاتی طور پر سوٹ کیس اور شاپنگ بیگز میں وصول کیے گئے تھے۔

  • گرمی کی شدت،لوٹن ائیر پورٹ کا رن وے پگھل گیا،گئی پروازیں منسوخ،مسافر خوار

    گرمی کی شدت،لوٹن ائیر پورٹ کا رن وے پگھل گیا،گئی پروازیں منسوخ،مسافر خوار

    یورپ سمیت دنیا کے مختلف ممالک میں گزشتہ ہفتے پڑنے والی شدید گرمی نے جہاں انسانوں کو بدحال کر دیا وہیں ان ممالک کا بہترین انفرا اسٹرکچر بھی بری طرح متاثر ہوا۔ شدید گرمی کی وجہ سے ناصرف سڑکیں،چھتیں اور ٹرین کی پٹریاں پگھل گئیں بلکہ بڑھتی حدت نے مختلف یورپی ممالک میں انفرا اسٹرکچر کو بھی کمزور بنا دیا۔

    برطانیہ میں پارہ 40 ڈگری سینٹی گریڈ کو چھو گیا جبکہ 18 جولائی کو پڑنے والی گرمی سے لوٹن ائیر پورٹ کے رن وے کا ایک حصہ بھی متاثر ہوا لیکن خوش قسمتی سے ائیرپورٹ پر ایک طیارہ باحفاظت لینڈ کر گیا۔

    برطانیہ کے لوٹن ائیر پورٹ کا رن وے پگھلنے کی وجہ سے فلائٹ آپریشن بھی عارضی طور پر متاثر ہوا۔ جس کی وجی سے مسافروں کو شدید دشواری کا سامنا کرنا پڑا ،اکثر مسافروں کو ایئرپورٹ آ کر پتا چلا کہ ان کی فلائیٹس منسوخ کر دی گئی ہیں.

    برطانیہ کے شہر لندن میں قائم 134 سال پرانا ہیمرسمتھ پل کو گرمی سے بچانے کے لیے چاندی کے طرز کی فوائل سے ڈھانپ دیا گیا، ایسا کرنے کا مقصد سورج کی تیز شعاعوں کا رخ موڑنا ہے تاکہ برج میں کہیں دراڑ نا آئے یا لوہے کی دھات گرمی سے پگھل نہ جائے۔اس کے علاوہ لندن کے الیگزینڈرا پیلس پر ٹرین کی پٹریوں کو گرمی کی شدت سے محفوظ رکھنے کے لیے سفید رنگ کر دیا گیا ہے۔

    ویسے تو پاکستان میں پروازوں میں تاخیر یا منسوخ ہونا غیرمعمولی بات نہیں مگر اس سال دنیا کے دیگر حصوں سے موازنہ کیا جائے تو پاکستانی فضائی کمپنیاں کافی اچھا کام کررہی ہیں۔

    درحقیقت 2022 کے موسم گرما میں دنیا کے متعدد ائیرپورٹس اور فضائی کمپنیوں کی جانب سے متعدد پروازوں کو منسوخ کیا گیا ہے جبکہ پروازوں میں تاخیر بھی معمول بنتی جارہی ہے۔

    دنیا میں سب سے زیادہ پروازوں کو منسوخ کرنے یا تاخیر کا باعث بننے والے ائیر پورٹس کی الگ الگ فہرستیں سامنے آئی ہیں۔موسم گرما کے دوران دنیا میں جس ائیرپورٹ پر سب سے زیادہ پروازیں تاخیر کا شکار ہوئیں وہ کینیڈا کا ٹورنٹو انٹرنیشنل ائیرپورٹ ہے۔

    اس ائیرپورٹ پر 26 مئی سے 19 جولائی کے دوران 52.2 فیصد پروازیں تاخیر کا شکار ہوئیں۔اس کے بعد 45.4 فیصد پروازوں کی تاخیر کے ساتھ جرمنی کا فرینکفرٹ ائیرپورٹ دوسرے نمبر پر ہے جبکہ فرانس کا پیرس چارلس ڈیگال ائیرپورٹ 43.2 فیصد کے ساتھ تیسرے نمبر پر موجود ہے۔

    نیدرلینڈز کے ایمسٹرڈیم ائیرپورٹ میں 41.5 فیصد جبکہ لندن کے گیٹ وک ائیرپورٹ میں 41.1 فیصد پروازیں تاخیر کا شکار ہوئیں اور یہ بالترتیب چوتھے اور 5 ویں نمبر پر رہے۔لندن کے ہی ہیتھرو ائیرپورٹ میں 40.5 فیصد پروازوں کو اڑان بھرنے میں تاخیر ہوئی اور وہ چھٹے نمبر پر رہا۔

    اس حوالے سے جرمنی کا میونخ ائیرپورٹ 7 ویں، یونان کا ایتھنز انٹرنیشنل ائیرپورٹ 8 ویں، آسٹریلیا کا سڈنی کنگز فورڈ اسمتھ ائیرپورٹ 9 ویں اور امریکا کا اورلینڈو انٹرنیشنل ائیرپورٹ 10 ویں نمبر پر رہا۔

  • ساجد جاوید کنزرویٹیو پارٹی کی لیڈر شپ سے باہرہوگئے

    ساجد جاوید کنزرویٹیو پارٹی کی لیڈر شپ سے باہرہوگئے

    برطانیہ: پاکستانی نژاد برطانوی رکن پارلیمنٹ اور سابق ہیلتھ منسٹرساجد جاوید کنزرویٹیو پارٹی کی لیڈر شپ کی دوڑ سے باہرہوگئے۔

    باغی ٹی وی : برطانوی خبررساں ادارے کے مطابق ساجد جاوید صرف 12 ارکان پارلیمنٹ کی حمایت حاصل کر سکے اور ڈیڈ لائن سے چند لمحے قبل انتخابی عمل سے دست برداری کا اعلان کیا۔

    کنزرویٹو پارٹی کی قیادت کے امیدوار ساجد جاوید نے نامزدگیوں کے اختتام سے چند لمحے قبل بورس جانسن کی جگہ لینے کی دوڑ سے دستبرداری اختیار کر لی ہے۔

    سابق سیکرٹری صحت کابینہ کے وزراء کی جانب سے وزیر اعظم کے خلاف تحریک عدم اعتماد میں ایک اہم شخصیت رہے تھے، جس نے ایک ہفتہ قبل حکومت سے استعفیٰ دے کر استعفوں کی لہر کو جنم دیا تھا۔

    جاوید نے دعویٰ کیا کہ انہوں نے تب سے "وہ اقدار اور پالیسیاں مرتب کی ہیں جو میرے خیال میں ہمارے عظیم ملک کے مستقبل کے لیے درست ہیں” – اس سے پہلے کہ ٹوری کے باقی امیدواروں کو "باہر کی طرف دیکھیں، اندر کی طرف نہیں”۔

    بیک بینچرز کی 1922 کمیٹی کے سربراہ سر گراہم بریڈی نے ان آٹھ امیدواروں کا اعلان کیا جنہوں نے مقابلے کے پہلے راؤنڈ میں جگہ بنانے کے لیے کافی حمایت حاصل کی۔

    نامزد امیدوار جنہوں نے کامیابی سے کم از کم 20 حمایتیوں کو پایا ان میں رشی سونک، ندیم ضحاوی، جیرمی ہنٹ، پینی مورڈنٹ، ٹام ٹوگنڈاٹ، لز ٹرس، کیمی بیڈنوچ اور سویلا بریورمین پہلے مرحلے میں پہنچنے میں کامیاب ہوگئے۔

    مسٹر جاوید ان لوگوں میں زیادہ حمایت حاصل کرنے میں ناکام رہے جو حکومتی ایم پیز میں رہے جو اپنی وزارت عظمیٰ کے تلخ انجام تک مسٹر جانسن کے وفادار رہے۔ سیاست میں آنے سے پہلے نان ڈومیسائل ٹیکس کی حیثیت سے فائدہ اٹھایا۔

    کنزرویٹیو پارٹی کے نئے لیڈر کے انتخاب کے پہلے مرحلے میں آج سہہ پھر ووٹنگ ہوگی۔

  • سابق وزیراعظم نواز شریف نے لندن میں عید کی نماز ادا کی،ویڈیو آ گئی

    سابق وزیراعظم نواز شریف نے لندن میں عید کی نماز ادا کی،ویڈیو آ گئی

    باغی ٹی وی کی رپورٹ کے مطابق سابق وزیراعظم نواز شریف نے لندن میں عید کی نماز ادا کی

    ن لیگی رہنماؤں اسحاق ڈار،حسن نواز و دیگر نے بھی لندن میں نماز عید ادا کی سابق وزیراعظم نے نماز کی ادائیگی کے بعد ملکی سلامتی کیلئے خصوصی دعا کی، سماجی رابطے کی ویب سائٹ ٹویٹر پر ن لیگ کی جانب سے نواز شریف اور دیگر کی نماز عید کی ادائیگی کی ویڈیو بھی شیئر کی گئی ہے

    نواز شریف نے نماز عید کی ادائیگی کے بعد پارٹی رہنماؤں اور کارکنان سے ملاقاتیں کیں ، کارکنان نے نواز شریف کو عید کی مبارکباد دی، نواز شریف اور مریم نواز کا رابطہ بھی ہوا ہے، مریم نواز نے بھی نواز شریف کو عید کی مبارکباد دی،

    واضح رہے کہ امریکا، برطانیہ، کینیڈا، متحدہ عرب امارات اور سعودی عرب سمیت دیگر خلیجی ممالک کے فرزندان اسلام آج عید الاضحی منا رہے ہیں، پاکستان میں عید کل اتوار کو ہو گی،

    سابق وزیراعظم نواز شریف علاج کے لئے لندن گئے تھے تا ہم ابھی تک واپس نہ آئے، نواز شریف جب گئے تھے تو اسوقت عمران خان وزیراعظم تھے، اب شہباز شریف وزیراعظم بن چکے ہیں، عید کے بعد ن لیگی رہنما اسحاق ڈار کی واپسی ہو رہی ہے ، اسکے بعد نواز شریف کی بھی پاکستان واپسی کا پروگرام بن سکتا ہے ، ن لیگی رہنما کئی بار کہہ چکے ہیں کہ نواز شریف کو جب ڈاکٹر اجازت دیں گے تو وہ پاکستان واپس آئیں گے،نواز شریف جب لندن گئے تھے تو اس سے قبل جیل میں انکی طبیعت خراب ہو گئی تھی، لاہور ہائیکورٹ نے انہیں باہربھجوانے کا فیصلہ دیا تھا

    بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

    ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

    فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

    بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل