Category: برطانیہ

ایک نئی کتاب میں دعویٰ کیا گیا ہے کہ شہزادہ ہیری نے اہلیہ کے خلاف نازیبا الفاظ کی ادائیگی پر پرنس اینڈریو کو اتنی زور سے مکا مارا کہ اُن کی ناک سے خون بہنے لگا۔ تاہم، شہزادہ ہیری نے ان دعوؤں کی تردید کی ہے۔

پرنس ہیری نے ایک نئی کتاب میں لگائے گئے الزامات کی سختی سے تردید کی ہے جس میں دعویٰ کیا گیا ہے کہ ان کا اپنے چچا پرنس اینڈریو کے ساتھ جسمانی جھگڑا ہوا تھا اور اینڈریو نے میگھن مارکل کے بارے میں توہین آمیز تبصرے کیے تھے۔

مؤرخ اینڈریو لاؤنی کی تازہ کتاب ”Entitled: The Rise and Fall of the House of York“ میں دعویٰ کیا گیا ہے کہ یہ جھگڑا 2013میں،اس وقت شروع ہوا جب پرنس اینڈریو نے میگھن مارکل کو ”موقع پرست عورت“ قرار دیا، یہ خبر ایک قابلِ اعتماد ذریعے نے دی تھی، جو پرنس اینڈریو کے قریبی حلقوں سے ہے۔ اس ذریعے نے دعویٰ کیا کہ دونوں شہزادوں کے درمیان اس وقت تلخی بڑھی جب ہیری نے میگھن پر ہونے والی تنقید کو ذاتی حملہ سمجھا۔

شہزادہ ہیری کی ٹیم نے دعوے کی مکمل تردید کرتے ہوئے کہاکہ،ہم واضح طور پر بتاتے ہیں کہ پرنس ہیری اور پرنس اینڈریو کے درمیان جسمانی طور پر کبھی کوئی جھگڑا نہیں ہوا، اور نہ ہی پرنس اینڈریو نے میگھن مارکل سے متعلق کوئی نامناسب تبصرہ کیا-

مگر اس تردید کے باوجود مصنف اینڈریو لاؤنی اپنے مؤقف پر قائم ہیں، ان کا کہنا ہے کہ میرا ذریعہ نہایت قابلِ اعتماد ہے، اینڈریو کے بہت قریب رہا ہے، اور میرے پاس تفصیلات کی بھرمار ہے۔ میرے ناشر نے تبصرے کے لیے سسیکس خاندان سے رابطہ کرنے کی ضرورت محسوس نہیں کی۔

یہ نیا تنازعہ ایسے وقت میں سامنے آیا ہے جب پرنس ہیری پہلے ہی برطانوی میڈیا، خصوصاً ڈیلی میل کے خلاف عدالتی مقدمات میں مصروف ہیں ہیری کا الزام ہے کہ ان کی ذاتی معلومات غیرقانونی طریقے سے حاصل کی گئیں۔

خاندان میں دیرینہ تناؤ کے باوجود شہزادہ ہیری نے مصالحت کی خواہش کا اظہار کیا ہے،مئی میں بی بی سی کے ساتھ ایک انٹرویو میں، ہیری نے کہا، "میں اپنے خاندان کے ساتھ مفاہمت پسند کروں گا۔ اب مزید لڑائی جاری رکھنے کا کوئی فائدہ نہیں ہے۔” تاہم، انہوں نے اس بات پر بھی زور دیا کہ ان کی ترجیح اپنی بیوی اور بچوں کی حفاظت ہے۔

مصنف کے مطابق، بدنام زمانہ شخصیت جیفری ایپسٹین نے ایک بار کہا تھا کہ ’اینڈریو عورتوں کے معاملے میں مجھ سے بھی زیادہ جنونی ہے،کتاب میں بعض ذرائع کے حوالے سے دعویٰ کیا گیا کہ پرنس اینڈریو نے زندگی میں ایک ہزار سے زائد خواتین کے ساتھ تعلقات قائم کیے، اور انہیں ”سیریل سیکس ایڈکٹ“ کہا گیا۔

واضح رہے کہ پرنس اینڈریو کو 2022 میں جنسی ہراسانی کے الزامات کے بعد شاہی معاملات سے فارغ کر دیا گیا تھا ورجینیا جیفری نامی خاتون نے دعویٰ کیا تھا کہ اینڈریو نے انہیں اس وقت جنسی استحصال کا نشانہ بنایا جب وہ صرف 17 سال کی تھیں یہ کیس میں معاملات عدالت سے باہر ہی طے پا گئے تھے، مگر پرنس اینڈریو کو شدید بدنامی کا سامنا کرنا پڑا،اس تمام تر صورتحال نے نہ صرف شاہی خاندان کی شفافیت اور ساکھ پر سوالات کھڑے کیے ہیں بلکہ شہزادہ ہیری اور بکنگھم پیلس کے درمیان بڑھتے فاصلے کو مزید نمایاں کر دیا ہے۔

افغان "پناہ کے متلاشیوں” کے ایک جوڑے پر نیویٹن میں ایک 12 سالہ لڑکی کے ساتھ زیادتی اور اغوا کا الزام عائد کیا گیا ہے۔

23 سالہ احمد ملاخیل نے 22 جولائی کی شام کو قصبے کی شیورل اسٹریٹ پر مبینہ طور پر بچے کے ساتھ زیادتی کی۔ اسے 26 جولائی کو گرفتار کیا گیا تھا اور اگلے دن اس پر فرد جرم عائد کی گئی تھی۔ 23 سالہ محمد کبیر کو بھی گرفتار کیا گیا تھا اور اس پر 31 جولائی کو 13 سال سے کم عمر لڑکی کے اغوا، گلا گھونٹنے ا اور عصمت دری کرنے کا الزام لگایا گیا تھا۔

کوونٹری مجسٹریٹس کی عدالت میں پیش ہونے کے بعد اس جوڑے کو حراست میں لے لیا گیا ہے – ان کے کیس کی سماعت 26 اگست کو وارک کراؤن کورٹ میں ہوگی،ہفتہ کی سہ پہر کو پولیس کے ایک بیان میں کہا گیا ہے کہ فورس ابھی بھی واقعے کے گواہوں کی اپیل کر رہی ہے ، لیکن اس نے ان کے پس منظر کا ذکر نہیں کیا۔

راہول گاندھی کا بی جے پی پر الیکشن چوری کا الزام ،بھارتی انتخابی نظام بے نقاب

اس کے بعد نامعلوم ذرائع نے میل کو بتایا کہ واروکشائر پولیس نے کونسلرز اور مقامی حکام پر زور دیا کہ وہ یہ ظاہر نہ کریں کہ یہ جوڑا "کمیونٹی تناؤ” کو ہوا دینے کے خوف سے پناہ کے متلاشی کیسے تھے،اخبار نے شیورل روڈ کے قریب ایک گھر سے سی سی ٹی وی کی تصویریں شائع کیں جن میں 22 جولائی کی رات 8 بجے کے قریب ایک شخص کو ایک سفید فام لڑکی کے ساتھ چلتے ہوئے دکھایا گیا ہے-

اسحٰاق ڈارسے ایران کے صدر کی ملاقات

برطانیہ کی مختلف سیاسی جماعتوں سے تعلق رکھنے والے تقریباً 221 ارکان پارلیمنٹ نے ایک کھلے خط پر دستخط کیے، جس میں وزیراعظم کیئر اسٹارمر کی لیبر حکومت سے مطالبہ کیا گیا ہے کہ وہ آئندہ ہفتے اقوام متحدہ کی فلسطین سے متعلق کانفرنس کے دوران ’فلسطینی ریاست‘ کو تسلیم کرے۔

بی بی سی کے مطابق برطانوی پارلیمنٹیرینز کی جانب 25 جولائی کو وزیر اعظم کیئر اسٹارمر کو لکھے گئے خط میں کہا گیا ہے کہ ’ہم آپ کو 28 اور 29 جولائی کو نیویارک میں فرانس اور سعودی عرب کی مشترکہ صدارت میں ہونے والی اقوام متحدہ کی کانفرنس سے قبل یہ خط لکھ رہے ہیں تاکہ فلسطینی ریاست کو برطانیہ کی جانب سے تسلیم کیے جانے کے لیے اپنی حمایت ریکارڈ پر لا سکیں‘۔

اراکین پارلیمنٹ نے لکھا کہ ہمیں امید ہے کہ اس کانفرنس کا نتیجہ یہ ہوگا کہ برطانوی حکومت دو ریاستی حل کے حوالے سے اپنے دیرینہ وعدے پر عمل درآمد کا وقت اور طریقہ کار کا تعین کرے گی اور یہ بھی واضح کرے گی کہ وہ اس حقیقت کو عملی جامہ پہنانے کے لیے بین الاقوامی شراکت داروں کے ساتھ کس طرح تعاون کرے گی-

رنویر سنگھ کی فلم میں بینظیر بھٹو کی تصویر اور پی پی کے جھنڈے کا استعمال،ویڈیو

خط میں کہا گیا کہ اگرچہ ہم اس بات کو تسلیم کرتے ہیں کہ برطانیہ کے پاس ایک آزاد اور خودمختار فلسطین کے قیام کا واحد اختیار نہیں، لیکن برطانیہ کی جانب سے فلسطین کو تسلیم کرنا ایک مؤثر اقدام ہوگا، خاص طور پر ہماری تاریخی وابستگی اور اقوام متحدہ کی سلامتی کونسل کی رکنیت کی وجہ سے، ہم آپ پر زور دیتے ہیں کہ یہ قدم ضرور اٹھایا جائے’فلسطین کو برطانیہ کی جانب سے تسلیم کرنا ایک خاص اہمیت رکھتا ہے، کیونکہ برطانیہ ہی نے بلفور ڈیکلریشن کا اجراء کیا تھا اور فلسطین میں سابقہ مینڈیٹری طاقت رہا ہے، 1980 سے ہم دو ریاستی حل کی حمایت کرتے آئے ہیں‘۔

’سیاسی جماعتوں کے اراکین کی جانب سے لکھے خط میں مزید کہا گیا کہ فلسطین کو تسلیم کرنا نہ صرف اس مؤقف کو عملی حیثیت دے گا بلکہ ان تاریخی ذمہ داریوں کو بھی پورا کرے گا جو اس مینڈیٹ کے تحت ہم پر عائد ہوتی ہیں،یہ ایک بین الجماعتی خط ہے، جس سے ظاہر ہوتا ہے کہ پارلیمنٹ کے مختلف سیاسی حلقے فلسطینی ریاست کو تسلیم کرنے کی حمایت کرتے ہیں، دو ریاستی حل گزشتہ کئی دہائیوں سے تمام پارٹیوں کا مشترکہ مؤقف رہا ہے-

افغانستان سے متعلق فیصلے ہماری مشاورت کے بغیر ممکن نہیں،علی امین گنڈا پور

خط میں مزید لکھا گیا کہ اکتوبر 2014 کو ایوانِ زیریں نے بھاری اکثریت سے درج ذیل قرارداد منظور کی تھی کہ ’یہ ایوان یقین رکھتا ہے کہ حکومت کو اسرائیل کے ساتھ ساتھ فلسطین کی ریاست کو بھی تسلیم کرنا چاہیے،یہی مؤقف آج بھی اس خط پر دستخط کرنے والوں کا ہے، اور ہم آپ سے پرزور مطالبہ کرتے ہیں کہ آئندہ ہفتے کانفرنس میں فلسطین کی ریاست کو سرکاری طور پر تسلیم کرنے کا اعلان کریں۔

پاکستان کرکٹ کے سابق کھلاڑی سرفراز نواز شدید علالت کے باعث اسپتال میں داخل ہیں-

رپورٹس کے مطابق سابق کرکٹر شدید معذوری کی حالت میں لندن کے اسپتال میں داخل ہیں،وہ ہلنے جلنے سے قاصر ہیں 73 سالہ سرفراز نواز اپنے خاندان کے ساتھ لندن کے علاقے ٹوٹنگ میں کئی سالوں سے مقیم ہیں 2019ء میں انھیں دل کی تکلیف کے باعث لندن کے ایک اسپتال میں داخل کرایا گیا تھا۔ سرفراز نواز پاکستان کے اب تک کے بہترین پیسروں میں سے ایک رہے ہیں۔

پاکستان کی کرکٹ ٹیم سے وابستہ ایک معروف کھلاڑی رہے ہیں فرسٹ کلاس میچوں میں انھوں نے 24750 رنز دے کر 1005 وکٹیں حاصل کیں انھوں نے 55 ٹیسٹ میچوں میں 177 اور 45 ون ڈے میچوں میں 63 وکٹیں حاصل کیں- ان کی کسی ایک اننگ میں بہترین کارکردگی 86 رنز کے عوض 9 وکٹوں کا حصول تھا جبکہ ان کی اوسط 24.62 رہی انھوں نے 46 مرتبہ ایک اننگ میں 5 یا اس سے زیادہ وکٹ حاصل کیے جبکہ 4 مرتبہ انھیں ایک میچ میں 10 وکٹ حاصل ہوئے جبکہ 45 ایک روزہ بین الاقوامی ایک روزہ میچز بھی کھیلے کرکٹ کے علاوہ انھوں نے ایک سیاستدان کے طور پر بھی قسمت آزمائی کی،1985ء میں سرفراز نے کرکٹ چھوڑ دی اور سیاست میں آ گئے۔ وہ 1985ء کے پاکستانی عام انتخابات میں آزاد امیدوار کے طور پر پنجاب کی صوبائی اسمبلی کے رکن منتخب ہوئے۔

سابق کھلاڑی سرفراز نواز شدید علالت کے باعث لندن اسپتال میں داخل

انھوں نے 1985ء میں پاکستانی فلم اداکارہ رانی سے دوسری شادی کی اس سے قبل انھوں نے سابق کرکٹ کھلاڑی میاں سعید احمد کی بیٹی سے شادی کی تھی اداکار رانی سے شادی کے بعد انھیں خود بھی 70ء کی دہائی کے دوران کئی بااثر پاکستانی فلم ڈائریکٹرز کی جانب سے فلموں میں اداکاری کی پیشکشیں ہوئیں مگر انھوں یہ سمجھ کر انکار کر دیا کہ اداکاری ان کی طاقت نہیں ہے۔-

مودی راج میں بھارت کے بڑے شہر منشیات اور سنگین جرائم کا گڑھ

لندن کے رائل اوپرا ہاؤس میں اداکار نے اسٹیج پر فلسطین کے ساتھ اظہار یکجہتی کرتے ہوئے فلسطینی پرچم لہرا دیا،اسٹیج پر فلسطین کاپرچم لہراتے اداکار کی ویڈیو سوشل میڈیا پر وائرل ہوگئی ہے –

غیر ملکی خبر رساں ادارے کے مطابق اوپرا ہاؤس لندن میں دکھائے گئے ایک ڈرامے کے اختتام پر تالیوں کی گونج میں شائقین کی داد لیتے اداکاروں میں سے ایک نے فلسطین کا پرچم لہرادیا اداکار کے اس عمل پر وہاں موجود عملے نے پرچم لینے کی کوشش کی جس کے باوجود اداکار پرچم لے کر کھڑا رہا اور شائقین کی تالیاں جاری رہیں ،یہ پہلا موقع نہیں ہے کی جب کسی اداکار نے فلسطین کے ساتھ اس طرح اظہار یکجہتی کیا اس سے قبل بھی کانسرٹس میں کئی گلوکار ،اداکار فلسطین کے ساتھ مختلف طریقوں سے اظہار یکجہتی کا مظاہرہ کر چکے ہیں-

https://x.com/AnatomyOfSufism/status/1946992239395188812

دوسری جانب مراکش میں ہزاروں افراد غزہ کی حمایت اور اسرائیلی جارحیت کے خلاف سڑکوں پر نکل آئےمراکش کے دارالحکومت رباط میں غزہ کی حمایت میں بڑی ریلی نکالی گئی جس دوران ہزاروں افراد نے اسرائیلی جارحیت کے خلاف احتجاجی مارچ کیا ریلی میں فلسطینی پرچم لہراتے ہزاروں افراد نے غزہ سے اظہار یکجہتی کیا جب کہ احتجاج میں شامل مظاہرین نے اسرائیلی محاصرہ ختم کرکے غزہ میں جنگ بندی اور امداد فراہم کرنے کا مطالبہ کیا دوران احتجاج مظاہرین نے مراکش حکومت سے اسرائیل سے تعلقات ختم کرنے کا مطالبہ بھی کیا۔

غزہ : اسرائیلی طیاروں کی خوراک کے منتظر فلسطینیوں پر بمباری ، 115 شہید،200 سے زائد زخمی

وزیراعظم شہباز شریف نے کہا ہے کہ پی آئی اے کی برطانوی فضائی حدود میں واپسی پاکستان کی فتح ہے۔

سماجی رابطے کی ویب سائٹ ایکس پر اپنے بیان میں وزیراعظم نے اظہار تشکر کرتے ہوئے کہا کہ الحمدللہ! پی آئی اے کی برطانوی فضائی حدود میں واپسی ہو چکی ہے،برطانیہ کے لیے پاکستانی انٹرنیشنل ایئر لائنز کی پروازوں کی بحالی کے ساتھ پاکستان فاتح ٹھہرا، پاکستان تحریک انصاف کے وزیر کی جانب سے دیے گئے غیر ذمے دارانہ اور تباہ کن بیان نے پاکستان کی ساکھ کو بے انتہا نقصان پہنچایا وزیر کے بیان کی وجہ سے پی آئی اے پر یورپ اور برطانیہ میں 4 سال تک پابندی رہی۔

شہباز شریف نے کہا کہ پی آئی اے کی بحالی برطانیہ میں مقیم 15 لاکھ پاکستانیوں اور پاکستان میں مقیم برطانوی شہریوں کو دوبارہ اکٹھا کر دے گی، پی آئی اے کی برطانیہ میں بحالی دونوں ممالک کے درمیان تجارت اور روابط کو بھی فروغ دے گی،وزیراعظم نے نائب وزیراعظم، وزیر دفاع، ایوی ایشن ڈویژن اور تمام اسٹیک ہولڈرز کو مبارکباد بھی دی۔

ہر 2 ماہ بعد ہر وزارت کی کارکردگی کو جانچیں گے،شہباز شریف

قومی ہاکی کھلاڑیوں کے واجبات کی ادائیگی کا معاملہ حل نہ ہوسکا،کھلاڑی سخت ناراض

ایشین انڈر 16 والی بال چیمپئن شپ: پاکستان نے سیمی فائنل میں جگہ بنا لی

لندن میں پاکستان اور برطانیہ کے درمیان ‎ٹریڈ ڈائیلاگ مکینزم کے معاہدے پر دستخط ہوگئے۔

وفاقی وزیر تجارت جام کمال اور برطانوی وزیر ڈگلس الیگزینڈر نے معاہدے پر دستخط کیے یہ پہلا اعلیٰ سطحی تجارتی معاہدہ ہے جسے پاکستان نے کابینہ کی منظوری کے بعد طے کیا معاہدہ دو طرفہ اقتصادی تعاون کو ادارہ جاتی بنیادوں پر استوار کرنے کی جانب بڑا قدم ہے-

معاہدے میں دونوں ملکوں نے تجارتی مواقع تلاش کرنے، رکاوٹیں دورکرنے اور باہمی سرمایہ کاری بڑھانے پر اتفاق کیا ہےمعاہدےکے تحت مشترکہ ورکنگ گروپس اور باقاعدہ جائزہ اجلاسوں کا قیام عمل میں لایا جائےگا۔

پی پی پی اور جے یو آئی کا ایک پلیٹ فارم سے سینیٹ الیکشن لڑنے پر اتفاق

دونوں رہنماؤں کی ملاقات میں ڈیجیٹل تجارت، قابل تجدید توانائی، زراعت اور دواسازی جیسے شعبوں میں تعاون پر زور دیا گیا معاہدے سے دونوں ممالک کے لیے نئی منڈیاں، روزگار کے مواقع اور پائیدار ترقی کی راہ ہموار ہو گی، پاکستان نے برآمدات میں اضافے کے لیے آئی ٹی، زرعی ٹیکنالوجی اور فارماسیوٹیکل شعبے کو اجاگر کیا برطانیہ کی ترقی پذیر ممالک کے لیے تجارتی اسکیم کے تحت پاکستان کو بھی سہولت دینے پر اتفاق کیا گیا۔

وزارت تجارت کے اعلامیے کے مطابق معاہدہ دوطرفہ تعلقات کو نئے اقتصادی دور میں داخل کرنےکی بنیاد بنےگا۔

چیئرمین پی اے آر سی اور ڈائریکٹر اسٹیبلشمنٹ 3 دن کے جسمانی ریمانڈ پر ایف آئی اے کے حوالے

برطانیہ کی لیبر پارٹی سے تعلق رکھنے والے تقریباً 60 ارکان پارلیمنٹ نے حکومت سے مطالبہ کیا ہے کہ وہ فلسطینی ریاست کو فوری طور پر تسلیم کرے-

برطانوی میڈیا کے مطابق اس سلسلے میں ارکان نے برطانوی وزیر خارجہ ڈیوڈ لیمی کو باقاعدہ خط لکھا ہےخط میں ارکان پارلیمنٹ نے اسرائیلی حکومت کی جانب سے فلسطینیوں کو جنوبی رفح کے ایک کیمپ میں جبری منتقل کرنے کے منصوبے کو شدید تنقید کا نشانہ بنایا اور کہا کہ یہ اقدام بین الاقوامی انسانی قوانین کی خلا ف ورزی ہے۔

اراکین نے خبردار کیا کہ اگر برطانوی حکومت نے فلسطینی ریاست کو تسلیم نہ کیا تو دو ریاستی حل کے لیے برطانیہ کی حمایت غیر موثر ہو جائے گی،انہوں نے حکو مت پر زور دیا کہ وہ فلسطینی پناہ گزینوں کے لیے اقوام متحدہ کی امدادی ایجنسی اونروا (UNRWA) کی امداد جاری رکھے تاکہ انسانی امداد اور بنیادی سہولیات کی فراہمی ممکن ہو سکے۔

ہزاروں اسرائیلیوں کا فوجی ہیڈکوارٹرز کے سامنے مظاہرہ ،غزہ جنگ بندی کا مطالبہ

فلسطینی حکام نے خبردار کیا ہے کہ غزہ میں جاری محاصرے اور امداد کی کمی کے باعث تقریباً 6 لاکھ 50 ہزار بچے شدید غذائی قلت اور قحط کے خطرے سے دوچار ہیں۔ بین الاقوامی برادری کی فوری مداخلت نہ ہوئی تو صورتحال مزید بگڑ سکتی ہے۔

روس یوکرین جنگ: شمالی کوریا کا روس کی غیر مشروط حمایت کا اعلان

برطانیہ کی سب سے بڑی ڈاکٹروں کی تنظیم برٹش میڈیکل ایسوسی ایشن ( بی ایم اے ) نے اسرائیل کی طبی تنظیم اسرائیل میڈیکل ایسوسی ایشن ( آئی ایم اے ) سے اپنے تمام تعلقات معطل کرنے کا باضابطہ فیصلہ کر لیا ہے۔

عالمی میڈیا کے مطابق یہ فیصلہ بی ایم اے کی سالانہ کانفرنس میں بھاری اکثریت (80 فیصد سے زائد) سے منظور کیا گیا، جس کے تحت اسرائیلی طبی ادارے کی جانب سے غزہ کے اسپتالوں اور طبی نظام پر اسرائیلی حملوں کی مذمت نہ کرنے پر یہ اقدام اٹھایا گیا ہے،برطانیہ میں ہونے والے اس اقدام سے اسرائیل میں تشویش کی لہر دوڑ گئی ہے کہ دیگر ممالک بھی اب اسی راستے پر چل سکتے ہیں۔

بی ایم اے کی قرارداد میں مطالبہ کیا گیا ہے کہ آئی ایم اے جب تک طبی غیرجانبداری کا اصول تسلیم نہیں کرتی اور غزہ کے اسپتالوں پر حملوں کی مذمت نہیں کرتی، اس سے روابط معطل رہیں گے۔ یہاں تک کہ بعض اراکین نے اسرائیل کو ورلڈ میڈیکل ایسوسی ایشن سے مکمل طور پر نکالنے کا مطالبہ بھی کیا۔

حماس کی غزہ میں جنگ بندی کے بدلے 10 اسرائیلی قیدیوں کو رہا کرنے کی پیشکش

کانفرنس میں شامل اردنی نژاد برطانوی ڈاکٹر فرید القصوص نےکہ ہماری بطور ڈاکٹر یہ ذمہ داری ہےکہ مریضوں اور طبی اداروں کی حفاظت کریں چاہےوہ فلسطینی ہوں یا اسرائیلی، جب آئی ایم اے نے ایران کے ایک میزائل حملے کی مذمت کی لیکن غزہ پر اسرائیلی بمباری پر خاموش رہی تو یہ دوغلا پن ناقابل قبول ہے، یہ فیصلہ یہود دشمنی نہیں بلکہ انسانیت نوازی پر مبنی ہےیہ صرف ایک معطلی ہے، مستقل بائیکاٹ نہیں، اگر اسرائیلی تنظیم طبی غیرجانبداری تسلیم کرے تو تعلقات بحال ہو سکتے ہیں۔

اسرائیلی میڈیا کے مطابق اسرائیلی میڈیکل ایسوسی ایشن کے چیئرمین پروفیسر زیون ہاگائی نے تصدیق کی کہ وہ اس فیصلے کو روکنے کے لیے سفارتی کوششیں کر رہے ہیں، کیونکہ اس کے نتیجے میں اسرائیلی ڈاکٹروں کو برطانیہ میں سائنسی کانفرنسز، تعلیمی تبادلوں اور پروفیشنل تعاون سے باہر نکالا جا سکتا ہے،7 اکتوبر کے بعد سے دنیا بھر میں اسرائیلیوں، خاص طور پر اسرائیلی ڈاکٹروں کے خلاف منفی جذبات میں اضافہ ہوا ہے، اور کئی بار اسرائیلی ماہرین کو کانفرنسوں سے خارج کر دیا گیا ہے-

حماس کی غزہ میں جنگ بندی کے بدلے 10 اسرائیلی قیدیوں کو رہا کرنے کی پیشکش

ان کا کہنا تھا کہ وہ پس پردہ منتظمین سے بات کر رہے ہیں تاکہ اسرائیل کے خلاف بائیکاٹ کو روکا جا سکے،پروفیسر ہاگائی نے عالمی طبی تنظیموں سے رابطے جاری رکھنے اور برطانوی ڈاکٹروں سے ملاقات کی خواہش ظاہر کی تاکہ غیرواپس پذیر فیصلے سے پہلے اپنا موقف پیش کیا جا سکے، لیکن انہوں نے ساتھ ہی الزام لگایا کہ بعض افراد طبی اخلاقیات کو سیاسی مقاصد کے لیے استعمال کر رہے ہیں۔