Category: برطانیہ

پاکستان پیپلز پارٹی کے چیئرمین اور سابق وزیر خارجہ کی قیادت میں پاکستان کے اعلیٰ سطحی وفد نے کہا ہے کہ شہری آبادی پر بھارتی حملے اور سندھ طاس معاہدے کی یکطرفہ خلاف ورزی بین الاقوامی قوانین اور جدید اصولوں کی بنیاد کے نظام کی صریح خلاف ورزی ہیں ہندوستان کی طرف سے یہ اقدامات علاقائی اور بین الا قوامی امن و سلامتی کے لیے خطرناک نتائج کا باعث بن سکتے ہیں۔

پاکستانی وفد نے برٹش پارلیمنٹ میں آل پارٹی پارلیمانی گروپ (اے پی پی جی) برائے پاکستان کو ویسٹ منسٹر پیلس میں بریفنگ دی اے پی پی جی برائے پاکستان کی چیئر یاسمین قریشی ایم پی نے وفد کی میزبانی کی، یہ وفد پہلگام واقعے کے بعد پاکستان کے خلاف بھارتی جارحیت کی وجہ سے خطے کی بگڑتی ہوئی سیکیورٹی صورتحال پر عالمی برادری تک پاکستان کی جاری سفارتی رسائی کا حصہ ہے۔

پوپ لیو کا قوم پرستانہ سیاست پر شدید تشویش کا اظہار

بلاول بھٹوزرداری نے برطانوی پارلیمنٹرینز کو بھارتی جارحیت اور پہلگام واقعے کے بعد پاکستان کی سالمیت اور خودمختاری پر وار کے اثرات سے آگاہ کیا، انہوں نے آگاہ کیا کہ ہندوستان بغیر کسی جواز اور تحقیقات کے پاکستان پر الزام تراشی کا مرتکب ہوا انہوں نے مصدقہ تحقیقات اور قابل تصدیق شواہد کے بغیر پاکستان پر لگائے گئے بے بنیاد بھارتی الزامات کو واضح طور پر مسترد کیا۔

وفد نے کہا کہ شہری آبادی پر بھارتی حملے اور سندھ طاس معاہدے کی یکطرفہ خلاف ورزی بین الاقوامی قوانین اور جدید اصولوں کی بنیاد کے نظام کی صریح خلاف ورزی ہیں ، ہندوستان کی طرف سے یہ اقدامات علاقائی اور بین الاقوامی امن و سلامتی کے لیے خطرناک نتائج کا باعث بن سکتے ہیں۔

ڈاکٹرآصف محمود امریکی کمیشن کےوائس چیئرمین منتخب

موسمیاتی تبدیلی اور ماحولیاتی رابطہ کاری کے وزیر مصدق ملک نے پارلیمنٹیرینز کو بھارت کی جانب سے سندھ طاس معاہدے کو معطل کرنے کے ماحولیاتی خطرات اور پاکستان کی 240 ملین آبادی کی غذائی تحفظ اور بقا کو درپیش خطرات سے آگاہ کیاوفد نے اس بات پر زور دیا کہ بھارتی جارحیت کے خلاف پاکستان کا ردعمل ذمہ دارانہ اور بین الاقوامی قوانین کے عین مطابق تھا، جس میں اقوام متحدہ کے چارٹر کے آرٹیکل 51 کے تحت اپنے دفاع کا حق بھی شامل ہے۔

وفد نے تحمل سے کام لینے، سندھ طاس معاہدے کی بحالی اور تمام تصفیہ طلب مسائل بالخصوص جموں و کشمیر کے تنازعہ پر دونوں ممالک کے درمیان جامع مذاکرات کے آغاز کے لیے پاکستان کے عزم پر زور دیا۔

اسلام آباد ہائیکورٹ کی کارکردگی رپورٹ جاری

چیئرمین پاکستان پیپلز پارٹی بلاول بھٹو کی سربراہی میں پاکستانی سفارتی وفد امریکا کا دورہ مکمل کرکے برطانیہ پہنچ گیا۔

وفد نے دورہ امریکا میں اقوام متحدہ کے اجلاس میں شرکت کی اور عالمی رہنماؤں، امریکی کانگریس ارکان سے ملاقاتیں کیں جس میں انہوں نے مسئلہ کشمیر کے حل اور خطے میں امن کی ضرورت پر زور دیالندن روانگی سے قبل واشنگٹن میں امریکی قانون سازوں اور تھنک ٹینکس سے ملاقاتوں کے بعد پریس کانفرنس کے دوران بلاول بھٹو نے کہا کہ پاکستان کی سویلین اور عسکری قیادت دہشتگردی کے خلاف یکجہتی کے ساتھ کھڑی ہےبھارت بات چیت اور تحقیقات کی ہر کوشش سے پیچھے ہٹ رہا ہے، پاکستان تمام مسائل پر بات چیت کیلئے تیار ہے۔

برطانیہ کے معروف یوٹیوبر لارڈ مائلز نے ایک سال قبل دبئی کے ہوٹل سے چوری ہونے والے اپنے ایئرپوڈز کا کھوج لگا لیا۔

ایپل کی ’Find My‘ ایپ کے ذریعے ٹریکنگ کرتے ہوئے مائلز کو معلوم ہوا کہ ان کے Air Pods Pro اس وقت جہلم، پاکستان کے ’سیکنڈ وائف ریسٹورنٹ‘ کے قریب موجود ہیں حالیہ سرگرمی کی اطلاع نے انہیں حیرت میں ڈال دیا، اور اب انہوں نے اعلان کیا ہے کہ میں اگلے ہفتے پاکستان جا رہا ہوں،ایک پولیس افسر کے ساتھ ایئرپوڈز کی بازیابی کا مشن انجام دوں گااور سب کچھ وڈیو میں ریکارڈ کروں گا۔

یوٹیوبرلارڈ مائلز اپنے ٹریول بلاگز کے لیے جانا جاتا ہے اوران کے 172,000 سبسکرائبرز ہیں ، مائلز نے اپنے X اکاؤنٹ پر اپ ڈیٹ شیئر کیں، جس کے بعد سے بہت زیادہ توجہ حاصل ہوئی ہےمائلز نے بتایا کہ وہ مسلسل ’Lost Mode‘ آن رکھے ہوئے ہیں اور جب بھی چور ائیرپوڈز استعمال کرتا ہے، وہ ’فائنڈ مائی‘ کی آواز چلا دیتے ہیں۔

https://x.com/real_lord_miles/status/1928090744452976775

سوشل میڈیا پرمائلز کے اس فیصلے پرملا جلا ردعمل رہا ہے، مثلا’اتنی مہنگی فلائٹ کے بجائے نئے ایئرپوڈز خرید لیتے‘،’کیا واقعی تم انھیں دوبارہ کان میں لگاؤ گے،لیکن مائلز کا جواب واضح ہے! ’مجھے چور پسند نہیں، میں اپنا سامان واپس لے کر ہی رہوں گا۔

https://x.com/real_lord_miles/status/1928092072034091299

غزہ میں فلسطینیوں پر اتنے مظالم ڈھائے گئے کہ اسرائیل کی حمایت کرنے والے بھی مخالف ہوگئے،سخت اور بے باک سوالات کی وجہ سے مشہور برطانوی صحافی پیئرز مورگن نے فلسطین اسرائیل حالیہ جنگ کے معاملے پر اسرائیلی سفیر کو لاجواب کر دیا۔

میڈیا رپورٹس کے مطابق برطانوی صحافی پیئرز مورگن نے اسرائیلی سفیر کو لاجواب کردیا پیئرز مورگن نے سوال کیا کہ آپ نے کتنے فلسطینی بچوں کو قتل کیا جس پر اسرائیلی سفیر تعداد نہ بتاسکیں، اور انکار کرتی رہیں،، صرف اتنا کہہ سکیں میرے پاس اس سوال کا جواب نہیں ہے۔

اس کے علاوہ پیئرز مورگن کا کہنا تھا اسرائیلی حکام دعویٰ کرتے ہیں کہ انہوں نے حماس کے 30 ہزار جنگجوؤں کو قتل کیا لیکن افسوس کے ساتھ ان کے پاس یہ ڈیٹا نہیں ہے کہ غزہ میں کتنے بچوں کو قتل کیا جا چکا ہے-

پیئرز مورگن نے بدھ کے روز اسرائیل کی برطانیہ میں سفیر تزیپی ہوتوویلی کو ایک انٹرویو میں آڑے ہاتھوں لیا، اور الزام لگایا کہ اسرائیلی حکومت غزہ میں کچھ چھپانے کی کوشش کر رہی ہے،مورگن نے سوال اٹھایا کہ اسرائیل غیر ملکی صحافیوں کو غزہ میں داخل ہونے کی اجازت کیوں نہیں دیتا، جبکہ خطہ 7 اکتوبر 2023 سے مسلسل اسرائیلی محاصرے میں ہے؟

برطانوی صحافی نے پوچھا کہ آپ بین الاقوامی صحافیوں کو غزہ جانے کیوں نہیں دیتے تاکہ وہ وہاں آزادانہ اور غیر جانب دارانہ رپورٹنگ کر سکیں، بغیر اس کے کہ انہیں اسرائیلی فوج ساتھ لے کر چلے؟،مورگن کے ان سخت سوالات نے اسرائیلی سفیر ہوتوویلی کو دفاعی پوزیشن پر لا دیا، جب کہ انہوں نے اسرائیل کے اس مؤقف کا دفاع کیا کہ صحافیوں کو سیکیورٹی وجوہات کی بنا پر غزہ میں داخلے کی اجازت نہیں دی جا رہی۔

غزہ کی وزارتِ صحت کے مطابق اسرائیلی حملوں میں اب تک 54 ہزار سے زائد فلسطینی ہلاک ہو چکے ہیں، اگرچہ وزارت کی جانب سے ہلاک ہونے والوں میں جنگجو اور عام شہریوں کے درمیان فرق نہیں کیا جاتا۔

مورگن کا کہنا تھا کہ جب تک بین الاقوامی میڈیا کو زمینی صورتحال کا مشاہدہ کرنے کی اجازت نہیں دی جائے گی، اسرائیل کے بیانات پر شکوک و شبہات برقرار رہیں گے۔

لندن: برطانیہ نے پاک بھارت کشیدگی کم کرنے کیلئے ہر ممکن تعاون کا اظہار کردیا۔

غیر ملکی خبر رساں ادارے کے مطابق برطانوی وزیرتجارت نے کہا کہ پاکستان اور بھارت میں کشیدگی میں کمی کرانے میں مددکیلئے تیار ہیں، ہمارا پیغام یہ ہوگا کہ ہم پاکستان اوربھارت کے دوست، شراکت دار ہیں، ہم پاکستان اوربھارت کی سپورٹ کے لیے تیار ہیں، علاقائی استحکام، ڈائیلاگ اور کشیدگی میں کمی کے لیے جو کچھ بھی کر سکتے ہیں ہم کرنے کو تیار ہیں۔

دوسری جانب روس نے بھی پاکستان بھارت سے تحمل کا مظاہرہ کرنےکامطالبہ کیا ہے روسی وزارت خارجہ نے پاکستان اور بھار ت کےدرمیان بڑھتے فوجی تصادم پر تشویش کا اظہار کرتے ہوئے کہا کہ پاکستان بھارت تحمل کامظاہرہ کریں۔

ادھر جاپان نے بھی پاکستان اور بھارت پر تحمل کا مظاہرہ کرنے پرزور دیا ہے، جاپانی چیف کیبنٹ سیکریٹری کا کہنا تھا کہ پاکستان اور بھارت بات چیت سے صورتحال کو مستحکم کریں۔

سندھ طاس معاہدےکی معطلی پر بھارت کے یکطرفہ فیصلےکو عالمی سطح پر تنقیدکا سامنا ہے۔

برطانوی اخبار کا کہنا ہےکہ بھارت کی جانب سے سندھ طاس معاہدے کی معطلی سے علاقائی سلامتی کو سنگین خطرہ لاحق ہے، سندھ طاس معاہدے کی معطلی سے پاکستان اور بھارت میں آبی تناؤ بڑھنےکا خدشہ ہے۔

فنانشل ٹائمز کے مطابق بھارت کے حالیہ اقدامات سے پانی کی سکیورٹی پر کشیدگی میں اضافہ متوقع ہے، معاہدے کی عارضی معطلی کے دونوں ممالک پر منفی اثرات پڑسکتے ہیں، یہ معاہدہ تین جنگوں کے باوجود قائم رہا، لیکن موجودہ سیاسی کشیدگی، ماحولیاتی تبدیلی، اور آبادی میں اضافہ اس معاہدے کی افادیت اور بقا کو خطرے میں ڈال رہے ہیں۔

فنانشل ٹائمز کی رپورٹ میں کہا گیا ہے کہ بھارت و پاکستان کو یکطرفہ اقدامات پر نظرثانی کرنی چاہیے بھارت کا مؤقف خطے میں مزید عدم استحکام کا سبب بن سکتا ہے، پاکستان کے خلاف یکطرفہ اقدامات بھار ت کی آبی سکیورٹی کے لیے بھی نقصان دہ ہے، ما ضی کے تنازعات کے باوجود سندھ طاس معاہدہ امن کی بنیاد رہا ہے۔

فنانشل ٹائمزکے مطابق ماحولیاتی خطرات بڑھ رہے ہیں، بھارت کا موقف خطے میں مزید عدم استحکام کا سبب بن سکتا ہے، پاکستان کے خلاف یکطرفہ اقدامات بھارت کی آبی سیکیورٹی کے لیے بھی نقصان دہ ہے۔ ماضی کے تنازعات کے باوجود سندھ طاس معاہدہ امن کی بنیاد رہا ہے۔

فنانشل ٹائمز نے واضح کیا کہ بھارت کے اقدامات اس کی اپنی آبی سلامتی کو بھی متاثر کر سکتے ہیں کیونکہ بھارت بھی کچھ اہم دریاؤں کے سلسلے میں چین، نیپال اور بھوٹان جیسے بالائی ممالک پر انحصار کرتا ہے ماضی کے تمام تنازعات کے باوجود سندھ طاس معاہدہ دونوں جوہری طاقتوں کے درمیان ایک مستحکم پل رہا ہے، اور اس کی معطلی نہ صرف ماحولیاتی اور اقتصادی خطرات کو بڑھا سکتی ہے بلکہ خطے میں پائیدار امن کے امکانات کو بھی نقصان پہنچا سکتی ہے۔