Category: کشمیر

یورپی پارلیمانی وفد منگل کے روز مقبوضہ کشمیر پہنچا جہاں اس نے پہلے روز فوجی قیادت کے علاوہ بھارت نواز پندرہ وفود سے ملاقات کی۔ پارلیمانی وفد کو عوام سے دور رکھا گیا۔

مقبوضہ کشمیر، یورپی یونین کے وفد کا دورہ، بھارتی حکومت پر شدید تنقید

بھارتی میڈیا کے مطابق یورپی پارلیمانی وفد نے سونہ وار علاقہ میں واقع بادامی باغ فوجی چھاونی میں سینئر فوجی عہدیداروں بشمول فوج کی 15 ویں کور کے جنرل آفیسر کمانڈنگ لیفٹیننٹ جنرل کنول جیت سنگھ ڈھلون سے ملاقات کی۔

دریں اثنا وفد نے پنچایتی اراکین اور کچھ بھارت نواز سیاسی جماعتوں کے رہنماوں بالخصوص بی جے پی سمیت قریب پندرہ وفود سے ملاقات کی’۔بی جے پی کشمیر کے ترجمان الطاف ٹھاکر کے مطابق بی جے پی کے آٹھ اراکین پر مشتمل ایک وفد نے یورپی پارلیمانی وفدکے ساتھ ملاقات کی۔

مقبوضہ کشمیر، عمر عبداللہ اور محبوبہ مفتی کو سرکاری بنگلے خالی کرنے کا نوٹس

یورپی پارلیمانی وفد کو کشمیری عوام سے ملاقات یا گفتگو کرنے کی اجازت نہیں دی گئی۔ علاوہ ازیں وفد حریت قیادت سے بھی نہیں مل سکے گا۔

دوسری طرف یورپی پارلیمانی وفد میں شامل رکن پارلیمان کرس ڈیوس نے کشمیری عوام سے براہ راست ملاقات و گفتگو کی اجازت نہ دینے پر شدید ناراضگی کا اظہار کیا ہے۔کرس ڈیوس کے مطابق میں صحافیوں کے ہمراہ فوج، پولیس یا سکیورٹی فورسز کے دستے کے بغیر جہاں چاہوں وہاں جانا چاہتا ہوں، میں کشمیری عوام سے براہ راست ملاقات کا خواہاں ہوں، لیکن مجھے اس کی اجازت نہیں دی گئی۔

یورپی وفد کی آمد، مقبوضہ کشمیر میں مکمل ہڑتال و احتجاجی مظاہرے

دریں اثناء یورپی پارلیمانی وفد کو مقبوضہ کشمیر دینے کی اجازت دینے پر مودی حکومت شدید تنقید کی زد میں ہے۔ اپوزیشن جماعتوں بالخصوص کانگریس نے یورپی وفدکے دورہ کشمیر پر سوال اٹھائے ہیں۔کانگریس کے مطابق جب ملکی سیاستدانوں کو جموں وکشمیر میں لوگوں سے نہیں ملنے دیا جارہا تو یورپی پارلیمانی وفد کو اس کی اجازت کیونکر دی گئی۔ کانگریسی لیڈر جے رام رمیش نے تو دورہ کشمیر کو ملک کی پارلیمان اور جمہوریت کی توہین قراردیا ہے۔

اسی طرح مقبوضہ جموں و کشمیر کی سابق وزیر اعلی اور پیپلز ڈیموکریٹک پارٹی (پی ڈی پی)کی رہنما محبوبہ مفتی نے حیرت کا اظہار کیا ہے کہ امریکی اراکین پارلیمان کو کشمیر کا دورہ کرنے کی اجازت کیوں نہیں دی جا رہی ۔ اپنے ٹوئٹ میں محبوبہ مفتی کا کہنا تھا کہ امید ہے کہ انہیں (وفد کے ممبران) کو لوگوں ، مقامی میڈیا ، ڈاکٹروں اور سول سوسائٹی کے نمائندوں سے ملنے کا بھی موقع ملے گا۔

محبوبہ مفتی کا مزید کہنا تھا کہ کشمیر اور دنیا کے مابین آہنی پردے اٹھانے کی ضرورت ہے اور جموں و کشمیر کو بحرانوں میں دھکیلنے کے لئے حکومت ہند کو جوابدہ ہونا چاہئے۔

یورپی وفد کا دورہ مقبوضہ کشمیر، محبوبہ مفتی نے کیا یہ مطالبہ

علاوہ ازیں بھارتیہ جنتا پارٹی (بی جے پی)کے ڈاکٹر سبرامنیم سوامی ، جو پارلیمنٹ کے ایوان بالا کے ممبر ہیں ، نے اس اقدام کو "قومی پالیسی کی غلطی” اور "غیر اخلاقی” کہہ کر تنقید کی ہے۔

واضح رہے کہ یورپی وفد نے گذشتہ روز نئی دہلی میں بھارتی وزیراعظم مودی اور قومی سلامتی کے مشیر اجیت دوول کے ساتھ علیحدہ علیحدہ ملاقاتیں کیں ۔

یاد رہے کہ یورپی پارلیمانی وفد مبینہ طور پر انتہائی دائیں بازو کی سوچ کے حامل اراکین پارلیمان پر مشتمل ہے۔ وفد 27 یورپی اراکین پارلیمان پر مشتمل تھا۔ لیکن چار ممبران کے اپنے وطن واپس جانے کی وجہ سے وفد کی تعدادکم ہو کر 23ہو گئی ہے۔یورپی پارلیمانی وفد کی اکثریت کا تعلق یورپ کی انتہائی دائیں بازو کی جماعتوں سے ہے۔ وہ مبینہ طور پر اسلام مخالف بیان بازی کے لئے بھی مشہور ہیں۔

5اگست کو مقبوضہ کشمیر کی خصوصی حیثیت ختم کرنے کے بعد زمینی صورتحال کا جائزہ لینے کے لئے 27 یورپی یونین کے پارلیمانی وفد نے منگل کے روز مقبوضہ جموں و کشمیر کا دورہ کیا۔

یورپی وفد کا دورہ مقبوضہ کشمیر، محبوبہ مفتی نے کیا یہ مطالبہ

مودی حکومت کویورپی پارلیمانی وفد کوکشمیر جانے کی اجازت دینے کے اپنے فیصلے پرشدید ردعمل کا سامنا کرنا پڑا ہے۔جس میں ان کی اپنی پارٹی کے لوگ بھی شامل ہیں۔

برسراقتدار قوم پرست بھارتیہ جنتا پارٹی (بی جے پی)کے ڈاکٹر سبرامنیم سوامی ، جو پارلیمنٹ کے ایوان بالا کے ممبر ہیں ، نے اس اقدام کو "قومی پالیسی کی غلطی” اور "غیر اخلاقی” کہہ کر تنقید کی ہے۔ ٹویٹر پر اپنے پیغامات میں بھارتی رہنماوں نے حکومت پر تنقید کرتے ہوئے کہا ہے کہ بھارتی سیاسی رہنماوں کو کشمیر جانے کی اجازت نہیں لیکن یوریپین پارلیمنٹرینز کو یہ اجازت دے جارہی ہے۔

یورپی وفد کی آمد، مقبوضہ کشمیر میں مکمل ہڑتال و احتجاجی مظاہرے

بھارت کی مرکزی حزب اختلاف کانگریس پارٹی نے اس اقدام کو "ہندوستان کی پارلیمنٹ اور جمہوریت کی صریح توہین” قرار دیا ہے۔
کانگریس کے سابق صدر راہول گاندھی نے یورپ کے ممبران پارلیمنٹ کو مقبوضہ جموں وکشمیر کے دورے پر جانے کی اجازت دینے پر حکومت کوشدید تنقید کا نشانہ بنایا۔

مقبوضہ جموں کشمیر، سیکورٹی فورسز پر فائرنگ ، کتنا نقصان ہوا؟

ہندوستان کی کمیونسٹ پارٹی (مارکسسٹ) (سی پی آئی ایم)نے الزام لگایا کہ یورپی یونین سے تعلق رکھنے والے پارلیمنٹیرین کے غیر سرکاری گروپ ، جس کے بی جے پی سے روابط ہیں ، کو بھارتی سیاسی جماعتوں سے زیادہ ترجیح دی گئی ہے۔

وزیر اعظم مودی ، جنہوں نے پیر 28 اکتوبر کو نئی دہلی میں وفد سے ملاقات کی ، کہا ، ان کے دورے سے انہیں "خطے کے ثقافتی اور مذہبی تنوع” کو بہتر انداز میں سمجھنے میں مدد ملے گی۔

کس ملک کا وفد کل مقبوضہ کشمیر کا دورہ کرے گا؟

آرٹیکل 370 اور 35 اے کی منسوخی کے بعد نئی دہلی نے ہندوستانی سیاسی رہنماو¿ں کو جموں و کشمیر جانے کی اجازت سے انکار کردیا تھا۔ سپریم کورٹ آف انڈیا کی ہدایت کے بعد سی پی آئی ایم کے جنرل سکریٹری ستارام یچوری اور کانگریس کے رہنما اور مقبوضہ جموں و کشمیر کے سابق وزیر اعلی غلام نبی آزاد نے ریاست کا دورہ کیا تھا۔

نئی دہلی نے مبینہ طور پر امریکی ڈیموکریٹک سینیٹر کرس وان ہولن کو بھی مقبوضہ کشمیر کے دورے کی اجازت سے بھی انکار کیا تھا۔

مقبوضہ کشمیر،بھارت نواز سیاسی جماعتوں پر بڑی پابندی عائد

گذشتہ ہفتے ، عدالت عظمی نے وفاقی حکومت سے جموں و کشمیر میں پابندیوں کو ختم کرنے کے لئے ٹائم لائن کے بارے میں پوچھا تھا۔ عدالت نے کشمیر میں عائد پابندیوں سے متعلق متعدد درخواستوں پر غور کرنے کے بعد ، حکومت سے کہاتھا کہ وہ اپنے فیصلوں پر نظرثانی کرے۔

مقبوضہ کشمیر کے سابق وزرائے اعلیٰ عمر عبداللہ اور محبوبہ مفتی کو یکم نومبر تک اپنے سرکاری بنگلے خالی کرنے کا نوٹس دے دیا گیا جب جموں و کشمیر تنظیم نو بل 2019 نافذ ہوگا۔

مودی حکومت کی نظربند کشمیریوں کو دھمکی ، محبوبہ مفتی کی بیٹی نے بتا دی

بھارتی حکومت نے عمر عبداللہ اور محبوبہ مفتی کو یکم نومبر تک اپنے سرکاری بنگلے خالی کرنے کا نوٹس دیا ہے۔ اب تک وہ جموں وکشمیر اسمبلی اراکین پنشن ایکٹ 1984 کی وجہ سے اس پراپرٹی میں رہ سکتے تھے۔

ان کو حاصل یہ سہولیات یکم نومبر کو ختم ہوںگی ، جب جموں و کشمیر تنظیم نو بل 2019 نافذ العمل ہوگا۔

محبوبہ مفتی نے پارٹی وفد سے ملنے سے انکار کیوں کیا؟

مقبوضہ کشمیر کے تین سابق وزرائے اعلی 5 اگست سے سرینگر میں نظر بند ہیں۔ ڈاکٹر فاروق عبداللہ کے خلاف پبلک سیفٹی ایکٹ عائد کیا گیا تھا۔ اس کے بعد حکومت نے واضح کیا تھا کہ عمر عبداللہ اور محبوبہ مفتی کو بھی اسی قانون کے تحت گرفتار کیا گیا ہے۔

یورپی وفد کا دورہ مقبوضہ کشمیر، محبوبہ مفتی نے کیا یہ مطالبہ

یورپی وفد کی آمد کے موقع پر مقبوضہ کشمیر میں مکمل ہڑتال کی گئی۔ عام دنوں میں دکانیں چند گھنٹوں کے لیے کھلتی ہیں تاکہ کشمیری ضرورت کی اشیاء خرید سکیں۔ لیکن یورپی وفد کی آمد پر آج کوئی دکان نہیں کھلی۔

یورپی وفد کا دورہ مقبوضہ کشمیر، محبوبہ مفتی نے کیا یہ مطالبہ

کشمیر میڈیا سروس کے مطابق دکانیں نہ کھولنے کا مقصد کشمیریوں کی طرف سے بھارتی ریاستی دہشت گردی کے خلاف غم وغصہ کا اظہار تھا۔ اس موقع پر سڑکیں اور بازار سنسان نظر آئے۔سڑ ک کے کنارے کسی بھی کشمیری نے سٹال تک نہیں لگائے۔

دریں اثنا یورپی وفد کی مقبوضہ کشمیر آمد کے موقع پر مقبوضہ کشمیر میں بھارتی ریاستی دہشت گردی کے خلاف احتجاجی مظاہرے کیے گئے۔صرف سری نگر میں 40مظاہرے کیے گئے۔ اس دوران مظاہرین اور بھارتی فوج میں جھڑپیں بھی ہوئیں۔ بھارتی فوج نے پرامن مظاہرین پر فائر نگ کی جس سے متعدد کشمیری زخمی ہو گئے۔

کس ملک کا وفد کل مقبوضہ کشمیر کا دورہ کرے گا؟

یاد رہے کہ گذشتہ روز بھارتی وزیر اعظم نریندر مودی اور قومی سلامتی مشیر اجیت دووال نے نئی دہلی میں یورپی پارلیمان کے 28 رکنی وفد سے ملاقات کی۔ ملاقات کے دوران کشمیر کا معاملہ بھی زیربحث آیا۔مقبوضہ کشمیر میں جاری ترقیاتی کاموں پر بھی بات چیت کی گئی۔یورپی پارلیمان کا وفد کل مقبوضہ کشمیر جائے گا۔

اقوام متحدہ کا مقبوضہ کشمیر کی صورتحال پر اظہار تشویش

سری نگر:جو بھی کشمیرمیں بھارتی مظالم کا سن کر آئے تو پہلے کشمیریوں سے بات کرے ، نئی دہلی سے ملاقات کرکے واپس جانا یہ کوئی مسئلے کا حل نہیں ، کشمیری عزت واحترام دیتے ہیں‌، اطلاعات کے مطابق مقبوضہ کشمیر کی سابق وزیراعلیٰ محبوبہ مفتی کا کہنا ہے کہ ریاست میں آنے والے یورپی یونین کے ممبران پارلیمنٹ کو مقامی لوگوں سے بات چیت کا موقع ملنا چاہیے۔

تفصیلات کے مطابق مقبوضہ کشمیر کی سابق وزیراعلیٰ محبوبہ مفتی نےاپنے پیغام میں کہا کہ امید ہے کہ یورپی وفد کو مقامی لوگوں، مقامی میڈیا، ڈاکٹروں اور سول سوسائٹی کے ممبران سے بات کرنے کا موقع ملے گا۔بیرونی دنیا کو حقائق کا علم ہوگا تو ان کے دل میں درد پیدا ہوگا ، اب کشمیری کسی خیالی پلاوکے متحمل نہیں کچھ کرنا ہوگا

سابق وزیراعلٰی مقبوضہ کشمیر محبوبہ مفتی نے کہا کہ کشمیر اور دنیا کے مابین آہنی پردے اٹھانے کی ضرورت ہے اور جموں وکشمیر کو بحرانوں میں دھکیلنے کے لیے بھارتی حکومت کو جوابدہ قرار دیا جانا چاہیے۔یورپی پارلیمنٹ کا ایک وفد آج مقبوضہ کشمیر کا دورہ کرے گا، وفد کے ممبران نے آجبھارتی وزیراعظم نریندر مودی اور بھارتی قومی سلامتی کے مشیر اجیت دوول سے ملاقات کی۔

یاد رہے کہ امریکی سینیٹرکرس وان ہولین نے گزشتہ دنوں مقبوضہ کشمیر میں انسانی حقوق کی صورت حال پرتشویش کا اظہار کرتے ہوئے کہا تھا کہ کشمیرمیں کرفیو ہٹا کر انسانی حقو ق کے نمائندے بھیجے جائیں۔یاد رہے کہ گزشتہ دنوں بھارت نے مقبوضہ کشمیر کی صورت حال کا جائزہ لینے کے لیے نئی دہلی جانے والے امریکی سینیٹر کو وادی کا دورہ کرنے سے روک دیا تھا۔