نئی دہلی :بھارتی اپوزیشن کی جماعتوں نے گرفتار کشمیری رہنماؤں کو فوری طور پر رہا کرنے کا مطالبہ کیا ہے۔ذرائع کے مطابق درالحکومت نئی دہلی میں کشمیری رہنماؤں کی رہائی کے لیے ہونے والے ایک بڑے مظاہرے میں شریک حزب اختلاف کے رہنماؤں کا کہنا تھا کہ مودی حکومت کشمیر میں جمہوریت کو نابود کرنے پر تلی ہوئی ہے۔

ذرائع کے مطابق ان اپوزیشن رہنماوں نے حکومت سے مطالبہ کیا کہ وہ محبوبہ مفتی اور عمرعبداللہ سمیت تمام کشمیری رہنماؤں کو فی الفور رہا کردے۔حکومت ہندوستان نے پانچ اگست کو کشمیر کی خصوصی حثیت ختم کرنے کا اعلان کیا تھا جس پر وادی میں شدید غم و غصے کا اظہار کیا جارہا ہے۔

سری نگر : مقبوضہ کشمیر کی حریت پسند تنظیموں اور کشمیر ی رہنماوں نے کہا ہے کہ بھارت کی طرف سے مقبوضہ کشمیر کو ہتھیانے کے بعد پیدا ہونے والے احتجاج اور آزادی کی تحریک میں حدت کا الزام جماعت الدعوۃ پاکستان اور افغان طالبان پر نہ لگائے ، کوئی کشمیریوں کو نہیں اکسا رہا ہے یہ کشمیریوں کی پر بھارتی مظالم کا نتیجہ ہے ،

باغی ٹی وی کے مطابق یہ رد عمل اس وقت سامنے آیا جب بھارت کی طرف سے یہ پراپیگنڈہ پھیلایا جارہا تھا کہ مقبوضہ کشمیر میں جماعت الدعوۃ والے گھس گئے ہیں اور وہ کشمیریوں کی تحریک آزادی کی حمایت کررہے ہیں اس لیے حالات قابو میں نہیں آرہے ، بھارت کی طرف سے یہ بھی پراپیگنڈہ کیا جا رہا ہے کہ افغان طالبان نے بھی کشمیریوں کی مدد کی ہے .

بھارت کی طرف سے اس پراپیگنڈہ کا جواب دیتے ہوئے کشمیری رہنماوں کا کہنا تھا کہ ابھی تو جماعت الدعوۃ والے کشمیر میں نہیں آئے اور بھارت پر خوف کے سائے منڈلانے لگے ہیں اور اگر وہ آگئے تو پھر بھارت کیا بنے گا . کشمیری اپنی آزادی کی جنگ لڑ رہے اس کے لیے کسی دوسرے کوالزام دینا درست نہیں ہے

لاہور : پاکستان کا ہر طبقہ کشمیر یوں کے آزادی کے لیے متحرک ، اطلاعات کے مطابق مقبوضہ کشمیر کے عوام پر بھارتی پابندیوں کے خلاف آواز اٹھاتے ہوئے پاکستان کی ہندو کونسل کے پیٹرن ان چیف نے مذہبی تہوار ‘کرشنا جنم اشٹمی’ کو یوم یکجہتی کشمیر سے منسوب کرنے کا اعلان کردیا۔

ذرائع کے مطابق اس حوالے سے پاکستان تحریک انصاف کے رکن قومی اسمبلی اور پاکستان ہندو کونسل کے پیٹرن ان چیف ڈاکٹر رمیشن کمار واکوانی نے ایک ویڈیو پیغام میں یہ اعلان کیا۔

My message to the world on the occasion of Karishna Janmashtami to tell them how Non-Muslim Community in Pakistan is celebrating Religious Festivals with full enthusiasm and independence.
Tomorrow at 7:00 pm in Shri Krishan Mandir, Sadiq Abad, Rahim Yar Khan#HappyJanmashtami pic.twitter.com/ehiGmP0sW9

— Dr. Ramesh Vankwani (@RVankwani) August 23, 2019

پاکستان ہندو کونسل کے پیٹرن ان چیف ڈاکٹر رمیشن کمار واکوانی سماجی رابطے کی ویب سائٹ ٹوئٹر پر جاری کیے گئے ویڈیو پیغام میں انہوں نے کہا کہ ‘مجھے یہ سن کر بہت افسوس ہوا کہ سرحد کے اُس پار لوگوں کو عید کی نماز نہیں پڑھنے دی گئی، میں دنیا کے ان تمام ممالک جو پاکستان میں معمولی سے انسانی حقوق کے واقعات کو اجاگر کرتے ہیں، انہیں اور خاص طور پر بھارت کو یہ پیغام دینا چاہتا ہوں کہ وہ آئیں صادق آباد، ضلع رحیم یار خان میں اور دیکھیں کہ ہندو برادری کس طرح اپنا تہوار کرشنا جنم اشٹمی کو مناتی ہے’۔

اسلام آباد: مودی! کشمیر بھی آپ سے لیں گے اور خالصتان بھی لے کر رہیں گے ان جزبات کا اظہار سکھ رہنما پرتاب سنگھ نے اسلام آباد میں کشمیر ریلی کے دوران کیا ،سکھ رہنما پرتاب سنگھ نے کہا کہ بھارت نے مقبوضہ کشمیر میں ظلم کی انتہا کردی ہے، 18 دن سے کشمیریوں کے ساتھ ظلم اور بربریت جاری ہے۔

کشمیر ریلی سے خطاب کرتے ہوئے پرتاب سنگھ نے کہا کہ مودی اقتدار کے نشے سے اترو، کچھ بھی ہوا تو سکھ برادری سرحد پر سب سے پہلے جائے گی، سکھوں کو یہ حکم جاری کیا گیا ہے کہ کشمیریوں کا ساتھ دیں۔سردار پرتاب سنگھ نے کہا کہ بھارتی سکھ بھی کشمیریوں کے ساتھ کھڑے ہیں، چاندنی چوک پر خالصتان کا جھنڈا لہرایا جائے گا، سکھ برادری پاک فوج کے شانہ بشانہ کھڑی ہے۔

ذرائع کے مطابق کشمیر ریلی سے خطاب کرتے ہوئے سکھ رہنما پرتاب سنگھ نے کہا کہ بھارتی اقدامات کی پرزور مذمت کرتا ہوں، مقبوضہ کشمیر میں بچے اسکول اور کالج نہیں جا پارہے ہیں، مودی یاد رکھو جب سکھ قوم اٹھتی ہے تو بڑے بڑے بھاگ جاتے ہیں۔انہوں نے کہا کہ مودی کشمیر کے ساتھ ساتھ آپ سے نئی دہلی بھی لیں گے، سکھ جس کے ساتھ کھڑے ہوتے ہیں مرتے دم تک ساتھ ہوتے ہیں۔

اسلام آباد: کشمیر ی ہوں اور کشمیریوں کی آزادی کے لیے اپنا سب کچھ قربان کردوں گا جان کی قربانی بھی دینا پڑی تو دریغ نہیں کروں گا ، ان ایمانی جزبات کااعلان پاکستان کے نامور اداکار شان نے کردیا ، اداکار شان نے یہ اعلان کرکے ایک ایسی مثال قائم کردی ہے کہ اب اس کے بعد یہی توقع کی جارہی ہے کہ ہر پاکستانی اب کشمیر کی آزادی کے لیے ایک دوسرے سے بڑھ کر اپنا حصہ ڈالے گا

باغی ٹی وی کے مطابق اسلام آبادمیں کشمیروں سے اظہار یکجہتی کے لیے ریلی کا انعقاد کیا گیا جس میں سپراسٹارشان نے بھی شرکت کی اور اپنی آواز بلند کی۔شرکاء سے خطاب کرتے ہوئے اُن کا کہنا تھا کہ میں اگر کشمیر میں نہیں تو کشمیر مجھ سے ہے کیونکہ میرا خود کا تعلق کشمیری خاندان سے ہے، جس دن فوج نعرے لگائے گی پوری قوم ساتھ ہوگی۔

اُن کا کہنا تھا کہ ہم جان دینی والی قوم ہیں اور یہ کام ہمیں بخوبی آتاہے۔ اس موقع پر پاکستانی اداکار نے ’’کشمیر بنے گا پاکستان‘‘ اور ’’ہم لے کر رہیں گے آزادی‘‘ کا نعرہ بھی لگایا۔نعروں کے بعد ہال میں جزباتی کیفیت پیدا ہوگئی اور ہر طرف سے ایمان بھرے جزبات سننے کو ملے